Po długim psotnym czasie musi w kóńcu zaświycić słóneczko!
Nasi starzikowie, jak widzieli po dyszczu kolorowy òbłónk na niebie,
to sie cieszyli a padali „Dziwejcie sie! Danga* pije, danga pije“!
Te stare ślónskie przisłowie mô òd teraz jeszcze jedne, nowe
znaczynie. Bo dziś człónkowie DANGI a jeji przijôciele majóm
prziczynã pić na zdrowie naszego młodego tôwarzistwa!
Miyli Ślónzôcy! Słuchejcie!
Sónd rejónowy w Òpolu przisłôł nóm do Czyszek pismo, co w nim nóm
òznajmuje, iże nasza DANGA została zaregistrowanô pod mianym:
Tôwarzistwo Piastowaniô Ślónskij Môwy „Danga“
(takô je òrtografijô w piśmie!)
Tã wesołõ nowinã dôł mi skôzać Alojz Ketzler, nasz kasyrz z Czyszek!
Tóż pijcie na zdrowie DANGI a wołejcie wesoło DANGA PIJE! DANGA
PIJE!
* danga (zachodni G. Śl.), dynga (wschodni G. Śl.) abo dónga
(Cieszyńskie, Raciborskie)
Agora S.A. - wydawca portalu Gazeta.pl nie ponosi odpowiedzialności za treść wypowiedzi zamieszczanych przez użytkowników Forum. Osoby zamieszczające wypowiedzi naruszające prawo lub prawem chronione dobra osób trzecich mogą ponieść z tego tytułu odpowiedzialność karną lub cywilną. Regulamin.
