Regulamin plebiscytu "Pszociel Ślonski Godki"
-------------------------------------------------------
1. Wszyscy kierzy jakosik starajom sie ło to coby naszo godka niy
uśmiyrkła, wspiyrajom i promujom jynzyk naszych rodzicieli, dbajom
ło to coby sie rozwijoł, jako tyż tworzom ślonsko literatura, mogom
być nominowani do tytułu "Pszociela Ślonski Godki".
2. Kożdo osoba fizyczno może ofyn zaproponować nojwyży piyńciu ludzi
do tego plebiscytu. Trza jednak szrajbnońć przi kożdym choć jedne
zdanie uzasadniynio (wiyncy tyż niy zawadzi). Wskozane byłoby tyż
ewyntualne zagwarntowanie kontaku, co może być ważne przi nominacji
mniyj znanych ludzi, kierzy som aktywni we lokalnych środowiskach
(miasto, gmina, sołectwo).
3. Kożdo osoba fizyczno może zaproponować zarowno tych kandydatow
kierzy już byli wymiyniyni, jak tyż cołkym inkszych. Zadaniym
Kapituły (wspiyrajoncego bezpośrednio plebiscyt ciała ferajny PLS)
bydzie na tym etapie porachowanie wiela razy dany kandydat był
wskozany, bo prawie to zawoży nojbardzi na uzyskaniu oficjalny
nominacji do tytułu "Pszociel Ślonski Godki"
4. Czas zbiyranio propozycji potrwo rowno miesionc i latoś sztartnie
z dniym 21 marca. Na bezrok bydzie to już oficjalnie sztartowało we
Miyndzynarodowy Dziyń Jynzyka Łojczystego (21.II).
5. Członkowie Kapituły wspiyrajoncy plebiscyt tytułu "Pszociel
Ślonski Godki" na tym etapie niy mogom wystowiać swojich kandydatow.
6. Po zamkniyńciu listy propozycji i porachowaniu zgłoszyń kere
przipadły kożdy osobie Kapituła typuje swoje piontki kandydatow, tak
coby ze tego wywelować oficjalnie 10 nominowanych.
7. Kapituła na tym etapie może wykryślić jakegoś kandydata ze
powodow formalnych (np. niymożności skontaktowanio sie ze niym) abo
nadzwyczajnych (co jednak musi zrobić jednogłośnie i publicznie
uzasadnić).
Uwaga - z kandydowanio do tytułu wykluczo sie członkow władz i
inkszych organow statutowych ferajny "Pro Loquela Silesiana".
8. Łod momyntu zamkniyńcio listy zgłoszonych kandydatow do
publicznego łogłoszynio 10 oficjalnie nominowanych, niy może
upłynońć wiyncy niż dwa tydnie.
9. Właściwy plebiscyt "Pszociela Ślonski Godki" polegać bydzie na
wywelowaniu ze oficjalnie już nominowanych kandydatow piyńciu kierzy
erbnom tyn tytuł we 2009 roku.
10. Kożdo osoba fizyczno może brać udział we finale plebiscytu.
Styknie yno łoddać ofyn swoj głos maksymalnie piyńciu nominowanym
(nojlepi szrajbnońć prosto - "moj głos")
11. Ło fakcie prziznanio tytułu "Pszociela Ślonski Godki" zadecyduje
ilość głosow we plebiscycie kery bydzie trwoł rowno miesionc.
12. Kapituła tyż mo prawo do welowanio, dyć prziznowo swoje głosy
już po tym terminie, a przed oficjalnym podaniym wynikow.
--
Ruda Śląska - stolica fraszki
