Dodaj do ulubionych

Ło Pomorzu i Kujawach

05.01.04, 15:52
Do Grudziondza tymat wciepna
W ślonski godce z niym łokrzepna.
Edytor zaawansowany
  • naata 29.03.05, 22:33
    broneknotgeld napisał:

    > Byście godka rozumieli
    > Jest tyn "słownik" w rudzki szteli:
    >
    > forum.gazeta.pl/forum/72,2.html?f=261&w=8707774


    wszystkie my tu, ja na pewno panimaju ;-)

    Bronka w szacunku tyż tu majom
    Z podziwem dla Jego wiedzy i talyntu
    Dziękujem za wpisy dla pamięci
    Pozdrawiam serdecznie naszego Bronka!
  • broneknotgeld 05.01.04, 16:01
    Miasto pamiyntom we meszkach
    Uciykołch łod Wisły brzeżka
    A łone za mnom goniyły
    W cołkim Grudziondzu już były.
  • broneknotgeld 05.01.04, 16:08
    Grudziondz

    Na wiślany szkarpie tyn Grudziondz se leży
    Z niego port był rzeczny krziżackich rycerzy
    Zakonu to przeca tyż twierdza solidno
    Potym tu dlo Polski zrobiyło sie widno
    W łoziymnostym wieku los sie zaś łodmiynioł
    Pruski Graudenz teroz we łoczach se miynioł
    Dyć po piyrszy wojnie do Polski nom prziszoł
    No i ze tyj drugi jakosik tyż wyszoł
    Dzisioj podziwiomy ciong spichrzy portowych
    W Europie nojwiynksze? - Niychej kto łodpowiy.
  • toja50 05.01.04, 16:13
    Brawo, brawo, ale sie zmeczylam jak to przeczytalam, musza przywyknac hehe
  • broneknotgeld 05.01.04, 16:23
    Dziynki

    Zocne to że ślonsko godka
    Niy do zadku a do przodka.
  • naata 05.01.04, 16:18
    Oczy robię duże...
    na Twój talent - Bronku!
    Do nauki trza mi stanąć
    U Ciebie - w ogonku :)))

    Brawo! Karlusie!
    Twoje wiersze
    Podobaja się! :)))
  • broneknotgeld 06.01.04, 20:23
    Winszuja

    Coby spichrze pełne były
    Grudziondz zaś mioł wiela siyły
    Szoł do przodka krok po kroku
    W dwa tysionce szwortym roku.
  • broneknotgeld 27.01.04, 17:28
    Grudziondzke notgeldy

    Grudziondz tyż notgeldy mo
    Dyć je mało cosik zno
    Szło by zrobić tam wystawa
    Ale to już inkszo sprawa
  • broneknotgeld 29.02.04, 17:37
    Ło Grudziondzu coś szkryflejcie
    Tukej i we Ruda dejcie
    To co downiyj i co dzisioj
    Tymat w gorze bydzie "wisioł".
  • chetor 05.01.04, 18:57
    Bardzo lubię "Ciebie" czytać, także na ślonskich forach. Gorzej z
    odpowiedziami w takim stylu.
    Ale pisz - zawsze będę czytał z przyjemnością.
    Pozdrawiam po krzyżacku :))
  • parkowy 05.01.04, 20:26
    Widzę pełną zgodność w temacie.:))Pozdrowienia dla Bronka.:))
  • broneknotgeld 05.01.04, 22:03
    No toż sie ciesza że tymat leci
    Myśla że tukej niy bydzie śmieci
    Dyć piszcie fraszki po polsku zocne
    We tym Pomorze przeca tyż mocne
    A jak dołonczom jeszcze Kujawy
    Bydzie sie wercić ciongnońć te sprawy
    To i zabawa i "edukacjo"
    Chyba mi we tym prziznocie racjo.
  • broneknotgeld 07.01.04, 18:47
    Grudziondzke spichlerze

    Łod miasta to majom yno jedyn sztok
    Dyć ze drugi strony łodradzom ci skok
    Te spichrze Grudziondza przeca tyż broniyły
    Fortyfikacyjom łone mocnom były
    We cołki Europie niy ma takich tela
    Jo ło tym se szkryflom boch widzioł już wiela.
  • broneknotgeld 07.01.04, 18:52
    Kościoł św Mikołaja

    Tyn kościoł w Grudziondzu dość dugo stowiali
    Zaczli we czinostym - dyć lecieli dali
    Ponoć we piytnostym wieku go skończyli
    Co Bog doł to było - z tego sie cieszyli

    W gotyckim kościele romańsko krzcielnica
    Tym sie tu naprowdy idzie tyż zochwycać
    Mikołaja miano z miastym jest złonczone
    Jak tu jest tyn kościoł nikt niy powiy - koniec.
  • naata 09.01.04, 18:34
    Chciałabym coś ciekawego napisać, ale muszę nauczyć się trochę historii mojego
    miasta :) Widzisz, Bronku jaki pozytywny wpływ wywierasz swoja poezją? :)
  • broneknotgeld 09.01.04, 20:48
    Niychej to już tako leci
    Ździybko rymu sie nakleci
    Pełny luz no i zabawa
    Dyć nauki to tyż sprawa
    Niych wom wyny we tym styknie
    I dlo szkoł to bydzie piyknie
    Niych rechtory zoglondajom
    Tam kaj coś z historii majom
    Przido sie i to dzieciokom
    Polekutku - krok po kroku.
  • toja50 09.01.04, 23:21
    Bardzo spodobalo mi sie slowo "polekutku", chyba bede go uzywac hehe
  • naata 10.01.04, 00:18
    W Bronkowym Słowniku Śląskim znajdziesz dużo ładnych i ciekawie brzmiących
    słów. :)
  • toja50 10.01.04, 12:42
    To juz widze, zeby tylko pamiec nie szwankowala DDD
  • naata 10.01.04, 13:21
    Gwara śląska, jak i nasza pomorska ma dużo wspólnego, przede wszystkim wiele
    naleciałości z j.niemieckiego. Ja nigdy gwara nie mówiłam ale dobrze pamiętam
    starszych. Tak, jak na Śląsku, tak i u nas wystepują regionalne odmiany gwary.
    W okolicach Olsztyna słyszy sie spiewne końcówki a u nas w Grudziądzu mówimy
    np. 'kełbasa' i take! Ale zmiękczamy, zakładając np. 'sukenkię' :))))
    O różnicach regionalnych na Śląsku nie odważę się wspominać bo mamy tu
    Specjalistę - Bronka! :))Którego pozdrawiam!
  • broneknotgeld 11.01.04, 10:45
    Ja - we godce som sie traca
    Po swojymu jom bogaca
    Moja jest ze familoków
    Bo jo ze tych tyż boroków

    Po prowdzie to żeby niom godać trza by mieć w polskim alfabecie jeszcze jedna
    literka łodpowiadajonco głosce miyndzy "o" a "ó". Jo przeważnie pisza
    wtedy "o", ale tyż niy zowdy. W ślonski gwarze wystympuje tyż "mazurzynie",
    bestoż nawet te "syplyniynie" wiela niy wadzi.
    Pozdrowiom. broneknotgeld
  • broneknotgeld 11.01.04, 10:50
    Ja, no i musza jednak wom pedzieć, że żodyn zy mie ekszpert. Za mojich czasow
    szkolnych ślonsko gwara tympiyli, łoj tympiyli! No a za złe stopnie w doma sie
    dostowało do dupie, a w szkole "po łapach" za inksze grzyszki.

  • broneknotgeld 30.08.05, 18:33
    Fokarium w Helu

    Łostatnie foczki tu sie łostały
    Dyć piyrwyj jejich Bałtyk był cały
    Możno im jeszcze czas taki przidzie
    Co morze domym na powrot bydzie.
    --
    --
    forum.gazeta.pl/forum/71,1.html?f=28940
  • broneknotgeld 11.01.04, 10:52
    Wejherowu pszaja wiela
    Ło niym rymy teroz ściela.
  • broneknotgeld 11.01.04, 10:55
    Kaszubsko stolica

    W pradolinie Redy zocne miasto leży
    Kere Wejher tukej przed laty zbudowoł
    Kaszubsko stolica - możecie mi wierzyć
    Niy myślcie że yno mi sie to wydowo.
  • broneknotgeld 11.01.04, 10:57
    We tym Wejherowie jo żech jest co rok
    Z Gdyni SKM-kom robia se tam skok.
  • broneknotgeld 11.01.04, 11:01
    360 lot Wejherowa

    Klupło to łońskego roku
    Choć niyskoro - dyć winszuja
    Niychej rośnie krok po kroku!
    Wejherowu rym tyn suja.
  • broneknotgeld 11.01.04, 11:03
    Wejherowske fedry

    Reda Bolszewka i Cedron
    Mie widzom sie jakby fedrom
    Na kery wszysko sie czimie
    I jakoś siyła w tym drzymie.
  • broneknotgeld 11.01.04, 11:06
    Śmiechowo

    Jak cugym tam jada
    To lachom sie wiela
    Niy mynczy mie zwada
    Ze szpasym ta sztela.
  • broneknotgeld 11.01.04, 11:09
    Z Nanic

    Coś w duszy gro?
    Z Nanic sie zdo!
  • broneknotgeld 11.01.04, 11:15
    Gora Zamkowo

    Wele wejherowa jest Gora Zamkowo
    Średniowieczny grodek - archeolog godo
    Na kurhany blikej - tyż ciekawe tukej
    Downy historyji kaj chcesz tam se szukej.
  • broneknotgeld 11.01.04, 11:22
    W średniowieczu

    Pod zwiyrzchnośćiom Piastow kasztelanii gdański
    Ta ziymia se nojpiyrw trocha podlygała
    Dyć to se zmiyniyło wedle woli pański
    Jak pucko zrobiyli to tam zoglondała.
  • broneknotgeld 11.01.04, 11:26
    XIII - XIV wiek

    Za ksionżont pomorskich Prusowie osiedli
    Łoni we tych stronach zocne życie wiedli
    Dyć w XIV wieku już w Zakonu mocy
    Kery Łokietkowi łotwar ponoć łoczy.
  • broneknotgeld 11.01.04, 11:28
    Rycerske dobra

    Śmiechowo i Nanice łod wiekow tu były
    Jeszcze ło Wejherze te ziymie niy śniyły.
  • naata 11.01.04, 16:11
    Bronku, jestem pod wrażeniem! Lekcja histori i poezji w jednym, brawo! :))
    Pozdrawiam
  • naata 11.01.04, 16:11
    Bronku, jestem pod wrażeniem! Lekcja historii i poezji w jednym, brawo! :))
    Pozdrawiam
  • broneknotgeld 11.01.04, 17:46
    Fraszki ło swym mieście tyż tukej szkryflejcie
    Łod sia cosik inkszym tym sposobym dejcie
    Niych pomorske miasta w tymacie blyskajom
    Rymow niy zabraknie - wszyscy coś zyskajom.
  • broneknotgeld 11.01.04, 18:07
    Jak se szkryfniecie ło mieście fraszka
    Wklyjcie do Rudy tako igraszka
    Dyć "literacki" nic tam niy wadzi
    A przeca z tego bydymy radzi.
  • broneknotgeld 17.01.04, 19:58
    XV wiek

    Po Grunwaldzie Zakon słaby
    Już niy dowoł se tu rady
    Zwionzek Pruski przeca powstoł
    Wiatru w żagle ździybko dostoł

    W końcu wojna przikulało
    Z niyj biydniejszo ziymia cało
    Przez czinoście lotek przeca
    Wojska brały durś do neca

    Roz pomorske roz krziżacke
    I na zmiana tyż te lacke
    Potym Polska zaś tu prziszła
    Choć ze wojny nyndza wyszła.
  • broneknotgeld 18.01.04, 10:25
    1526

    Zygmunt Stary potwierdzo nadania
    Ziymi Nanic i tyż ze Śmiechowa
    Majom prawo tu niymi władania
    Janek Loka i Michał z Jackowa.
  • broneknotgeld 19.01.04, 22:18
    Po kaszebsku jo niy umia
    Ślonski yno wyrozumia
    Dyć pociongna se do przodka
    W Wejherowie moja godka.
  • broneknotgeld 19.01.04, 22:22
    No i już Wejher

    Łod Jackowskich te ziymie Wejher kupioł w końcu
    Jak tyn wiek szesnosty już niy blyszczoł w słońcu.
  • broneknotgeld 25.01.04, 10:06
    Z rodowych legynd

    Legyndy rodowe głoszom - rod z Frankonii aże
    Karol Łysy - cysorz rzymski już Wejhera znoł
    Dyć ta bajka historyjo dzisioj cołkym marze
    Widać yno że ambicjo tyn rod wielko mioł

    We dwunostym wieku ponoć tyn Ryszawobrody
    Pas rycerski przipasowoł z Wejherow jednymu
    Bo sie wiela mu zasłużoł choć był jeszcze młody
    I łostało to w pamiyńci na chwała istnymu

    Wiek sztyrnosty - już ich Zakon przigarnoł do siebie
    Mieczy tyngich poczebowoł przeca łon tu zowdy
    W lynno wiycie co dostali? Ano godom - Łebe
    Ale sie mie niy pytejcie wiela w tym jest prowdy.
  • broneknotgeld 30.01.04, 08:16
    Historio rodu Wejherow

    Piyrszy był Mikołoj - możno tak niy zwany
    Mistrz Zakonu nadoł mu w Gyńsi te łany
    Wieś ze Białogardy zocny parafiji
    Łon tu zaczoł dzieje naszy familiji
    Kero pryndko wziyła sie Wejhera miano
    Ze wojtostwa Łeby tyż stała sie znano
    Tako ło tym jeszcze wiek sztyrnosty godo
    Niy wiym czy coś wiyncy historyjo dodo.
  • broneknotgeld 08.02.04, 17:50
    Hans Wejher

    Ło niym to my richtig już dość wiela wiymy
    Znali go ze tego że krziżokom pszoł
    We czinostoletniyj wojnie go widzymy
    Dyć żech tukej szkryfnoł jako strona broł

    Szczyńściym wloz pod krzidła ksiyńcia pomorskego
    Bo ziymia lymborsko we ta poszła strona
    To go uchroniyło łod gniywu polskego
    Synkow łon mioł ośmiu - w spokoju mog konać.
  • broneknotgeld 14.02.04, 23:27
    To ci fater

    Tym tyż zasłynoł Hans Wejher tukej
    Że ośmiu synow po niym aż szukej
    Klaus Pyter Hanslik Jorgyn i Martin
    Bartłomiyj Dytryk Jakub - niy żarty.
  • broneknotgeld 29.02.04, 17:35
    Klaus Wejher

    Syn Hansa Mikołaj - Klausym czyńści zwany
    Jymu tyn wojt Łeby był tukej pisany
    Na Słupsku starosta - urzond przeca zocny
    W Polsce i Pomorzu pan to już był mocny

    Ze Zofijom Rahmel czech synow uchowoł
    Marcin sie biskupym kamiyńskim mianowoł
    Francik w swoje rynce wzioł ziymia lymborsko
    Ernest jednak musioł wybrać polske wojsko.
  • broneknotgeld 09.03.04, 09:22
    Ernest Wejher

    Łon Rzeczpospolityj ze oddziałym służoł
    Kery na Pomorzu pryndko se zwerbowoł
    Na wojnie sie wiela wzbogacioł i użoł
    Inkszym najymnikom taki przikłod dowoł

    W Inflantach wojowoł niy yno dlo Polski
    Bo przi tym tyż ponoć zadboł fest ło swoje
    Jak tyn zamek Dahlen zajmowoł ze wojskym
    To przi czyńści skarbu pedzioł "To jest moje"

    Co zdobył lokowoł u sia na Pomorzu
    Rosły tukej ciyngym ziymske dobra jego
    No i przeca tego tyż na końcu dożył
    Że jak na magnata paczeli na niego

    Dyć wojna to było coś co mu leżało
    Na Gdańsk i na Moskwa poszoł ze Batorym
    Do Szwecji za Wazom tyż mu sie lyźć chciało
    Bo bez juchy z ajzom bywoł jakby chory

    Urzyndow mu za to tyż krole nadali
    Starostwa pomorske i dzierżaw dość wiela
    Yno wojewodom go niy powołali
    Wrogow przeca miywoł - szkryfna tukej tela.
  • broneknotgeld 07.07.04, 09:35
    A jo lubia

    Lubia na rynku piwa sie napić
    I na Wejhera ździybko pogapić
    Czasym mu ptoki na gowa srajom
    Pewno uciecha tyż we tym majom

    Bo co czowieka rożni łod ptoka
    Kery sie bliko na mie z wysoka
    I możno myśli ło takim dziwie
    -Czy jego gówno wypiołbych w piwie?

    --
    forum.gazeta.pl/forum/71,1.html?f=261
  • broneknotgeld 22.09.04, 08:36
    Ponoć latoś

    Ponoć latoś w Wejherowie gyszeft był na paryzolach
    Możno se niy mieści w gowie dyć jo wierzyć we to wola
    --
    forum.gazeta.pl/forum/71,1.html?f=261
  • broneknotgeld 29.05.05, 21:27
    "Aquarena Wejherowo" 1999-2005

    Wejherowsko bajka cołkym se skończyła
    Aquaparku niy ma no i już niy bydzie
    Szczyńściym se parcela do miasta wrociyła
    Profit we nauce - ze tym niy som w biydzie.
    --
    --
    forum.gazeta.pl/forum/71,1.html?f=28940
  • broneknotgeld 29.09.04, 17:05
    Perseidy (11.08.2004)

    Ze Kopalina w strona Jackowa
    Keruja w nocy se moja gowa
    Jest - już ślatuje jekby do lasu
    Co sie winszuja? -Zabrakło czasu

    Dyć gwiozdka spodo zarozki drugo
    Czy szczyńście richtig do mie zamrugo?
    Już leci czecio szworto i pionto
    Styknie dobrego - w pamiyńci mom to.
    --
    forum.gazeta.pl/forum/71,1.html?f=261
  • broneknotgeld 02.07.05, 10:58
    Strusie w Kniewie

    Ano - zolyngły już teroz tu sie
    Chwoli se Kniewo że mo te strusie.
    --
    --
    forum.gazeta.pl/forum/71,1.html?f=28940
  • broneknotgeld 13.09.04, 14:38
    Rumia Redy ucapiyła
    Bo mo przeca wiynkszo siyła
    Dyć redzianie miastu pszajom
    I sie inkszym niy dowajom.
  • broneknotgeld 13.09.04, 14:43
    Staro i nowo Reda

    Jest Reda staro i jest tyż nowo
    Skuli atomu? Czy mi sie zdowo?
    W nowy spać mieli ludzie z Żarnowca
    Dyć ze tym downo som na manowcach.
    --
    forum.gazeta.pl/forum/71,1.html?f=261
  • broneknotgeld 13.09.04, 14:45
    Staro Reda

    Czi ćwierci tysionca lot już prawie stoji
    Na taki gyburstag pewno se łobstroji.
    --
    forum.gazeta.pl/forum/71,1.html?f=261
  • broneknotgeld 13.09.04, 14:48
    Parafijo w Redzie

    Godajom co łona była tu łod zowdy
    Dyć trza cosik szkryfnońć by sie czimać prowdy
    Przi "potopie szwedzkim" Reda fest straciyła
    Parafijom potym dugo zaś niy była.
    --
    forum.gazeta.pl/forum/71,1.html?f=261
  • broneknotgeld 13.09.04, 14:51
    Herb Redy

    Wele czech gorek kościoł tam stoji
    Czi w Redzie przeca dzielnice
    Dzisioj sie miasto Szwedow niy boji
    Niych przidom w te okolice.
    --
  • broneknotgeld 13.09.04, 14:53
    Czi herbowe gorki

    Reda Pleszewo i Ciechocino
    W jedno se zloły - herb to wspomino.
    --
    forum.gazeta.pl/forum/71,1.html?f=261
  • broneknotgeld 11.01.04, 17:50
    Chełmno

    Piyrsze miasto krziżacke na piastowski ziymi
    Siedymset siedymdziesiont lot już przeszło liczy
    Problym ze Zakonym? Z rzondami ichniymi?
    Wiela ta historio na dzisioj sie liczy?
  • broneknotgeld 11.01.04, 17:55
    Prawo chełmińske

    Chełmno miastym było
    Co inkszym na wzor
    Prawami sypnyło
    Zocny to był wor.
  • broneknotgeld 11.01.04, 17:59
    Prynt chełmiński

    Ze niego te miasto tyż kedyś słynyło
    Miara to ciekawo - we historii mocno
    Ze zadku ratusza łoko doglondnyło
    Sztyry metry z hokym - dyć widać że zocno.
  • broneknotgeld 11.01.04, 18:01
    Brama

    Brama Grudziondzko w Chełmnie znojdziecie
    Trza tukej wspomnieć ło tym tyż przecie.
  • naata 23.01.04, 21:36
    Chcę, zaprezentować zamiłowanie i zaangażowanie Bronkanotgelda w krzewieniu
    Kultury Śląska, i nie tylko! Życzę dalszych osiągnięć! Teraz wiem, skąd nick-
    "notgeld". :)) Pozdrawiam serdecznie.
    nata
    www.slonsk.com/infos/02a/BanknotyzastepczeSlaska1914-1924.htm
  • broneknotgeld 12.02.06, 15:43
    Relikwio

    Koncek czachy łod Istnego
    Ta "Relikwio Walyntego"
    W Chełmnie dzisioj se znojdziecie
    Toż stolicom pszonio przecie.


    --
    forum.gazeta.pl/forum/71,1.html?f=28940
  • broneknotgeld 12.02.06, 15:44
    Relikwiorz 1630

    Kedy walynty do Chełmna "prziszoł"?
    Ponoc niy wiedzom tu tego
    Dyć tyn relikwiorz piyknie im wyszoł
    I czczom tu ciyngym Istnego.

    --
    forum.gazeta.pl/forum/71,1.html?f=28940
  • broneknotgeld 12.02.06, 15:45
    Ołtorz - XVIII w.

    Ołtorz Walyntego we farnym kościele
    Toż radość ze pszonio miyszkańcom łon ściele.

    --
    forum.gazeta.pl/forum/71,1.html?f=28940
  • broneknotgeld 12.02.06, 15:47
    Polske "Miasto Zakochanych"

    Z łaski Walyntego tyn prziwilej dany
    Toż momy we Polsce "Miasto Zakochanych"
    --

    --
    forum.gazeta.pl/forum/71,1.html?f=28940
  • broneknotgeld 12.02.06, 15:50
    Chełmno 14.02.2006

    Dziyń Zakochanych tu po roz pionty
    W kościele farnym mszom sie zaczyno
    Potym zabawa - niy jakeś wonty
    W tyn dziyń zoglondnij tu chocioż yno.
    --
    forum.gazeta.pl/forum/71,1.html?f=28940
  • broneknotgeld 12.02.06, 15:53
    "Chełmińske Serce" (14.02.2006)

    Na rynku z lampionow bydzie zrychtowane
    Toż na chwała pszoniu wszyskim tako dane.

    -
    forum.gazeta.pl/forum/71,1.html?f=28940
  • broneknotgeld 12.02.06, 15:55
    Lecom luftbalony (14.02.2006)

    Lecom luftbalony czerwone z sercami
    Pszonie cisnom w gora? -Niych łone ze nami!
    --
    forum.gazeta.pl/forum/71,1.html?f=28940
  • broneknotgeld 12.02.06, 15:58
    "Chełm"

    "Chełm" ponoć tela co "wzgorze" znaczy
    Choć możno ktosik myśli inaczy.
    --
    -
    forum.gazeta.pl/forum/71,1.html?f=28940
  • broneknotgeld 12.02.06, 16:00
    Chełmno 1233

    Na "pniu surowym" Chełmno powstało?
    Dyć stond se prawo inkszych miast brało
    Mustrym chełmińskim som lokowane
    Tako tyż wiyrchym te miasto dane.
    --

    --
    forum.gazeta.pl/forum/71,1.html?f=28940
  • broneknotgeld 12.02.06, 16:03
    Piyrszo stolica?

    Zakon Krziżacki tu mioł stolica
    Toż Chełmno drapko urosło
    Dyć i biskupstwym krasiyło lica
    Z tym do znaczynio tyż doszło.
    --

    --
    forum.gazeta.pl/forum/71,1.html?f=28940
  • broneknotgeld 12.02.06, 16:05
    Chełmno XIII-XV w.

    Ziymi Chełmiński stolica zocno
    W tych wiekach łona naprowdy mocno
    Dyć se to potym już łodmiyniyło
    Tako łostało jak piyrwyj było?

    -
    forum.gazeta.pl/forum/71,1.html?f=28940
  • broneknotgeld 12.02.06, 16:07
    Łobroz Matki Boski Chełmiński

    W kościele farnym boczno kaplica
    Tam Matki Boski przecudne lica
    Łobroz łaskami wielkimi słynie
    We ty chełmiński zocny dziedzinie.
    --

    --
    forum.gazeta.pl/forum/71,1.html?f=28940
  • broneknotgeld 12.02.06, 16:10
    Meluzyna (XVII w.)

    Ze Meluzynom świycznik niy marny
    Łon zdobi tako tyn kościoł farny
    Jeszcze pogoda tyż pokazuje
    Bo barometrym - to forsztelujesz.
    --

    --
    forum.gazeta.pl/forum/71,1.html?f=28940
  • broneknotgeld 12.02.06, 16:13
    Kościoł Wniebowziyńcio NMP

    Z czinostego wieku stoji kościoł farny
    Średniowieczym blyszczy - czas to niy był marny
    Portalym cie kusi - w niym rzeźby kamiynne
    Chwała Panu głosi - toż prowdy niyzmiynne.


    --
    forum.gazeta.pl/forum/71,1.html?f=28940
  • broneknotgeld 12.02.06, 16:14
    We kościele farnym

    We kościele farnym wystroj barokowy
    Zdo sie co bogactwo włazi ci do gowy.
    --

    --
    forum.gazeta.pl/forum/71,1.html?f=28940
  • broneknotgeld 12.02.06, 16:16
    Średniowieczne kościoły

    Średniowieczne kościoły we Chełmnie znojdziecie
    Szejść ich ciyngym stoji - zdobiom miasto przecie.
    --
    -
    forum.gazeta.pl/forum/71,1.html?f=28940
  • broneknotgeld 12.02.06, 22:01
    Kościoł świyntych Jakuba i Mikołaja

    Franciszkany tako kościoł tukej wzniyśli
    Choć zakon żebroczy - dobrze na tym wyszli
    Ze jednom wieżyczkom w kery sygnaturka
    Czasym piyknie dzwoni - klank leci po chmurkach.
    --

    --
    forum.gazeta.pl/forum/71,1.html?f=28940
  • broneknotgeld 13.02.06, 17:37
    Akadymijo Chełmińsko

    W łoziymnostym wieku richtig tukej była
    Krakowskego filjom uniwerku przeca
    Tako żakow trocha łona wyksztołciyła
    Możno to se wroci - toż fraszka ukleca.
    --

    --
    forum.gazeta.pl/forum/71,1.html?f=28940
  • broneknotgeld 13.02.06, 17:40
    Cystersy w Chełmnie

    Już tukej Cystersy we czinostym wieku
    Klasztor wielki stoji ze kościołym tako
    Możesz se to zwiydzać terozki poleku
    Dyć czy se poczujesz jako mnich jednako?
    --

    --
    forum.gazeta.pl/forum/71,1.html?f=28940
  • broneknotgeld 13.02.06, 17:42
    Kościoł świyntych Janow

    Koscioł tu Krzciciela i Ewangelisty
    Łoba świynte jymu w Chełmnie patronujom
    Cołki klasztor tako gotykym jest czystym
    Toż widać co mury siedym wiekow czujom.
    --

    --
    forum.gazeta.pl/forum/71,1.html?f=28940
  • broneknotgeld 13.02.06, 17:44
    Wieża Mestwina

    Z ksiyńcia pomorskego mianym
    Dom miyszkalny mnichom dany
    Baszta cele jejich kryje?
    Jako dzisioj sie tam żyje?
    --

    --
    forum.gazeta.pl/forum/71,1.html?f=28940
  • broneknotgeld 13.02.06, 17:45
    Brama Mersebursko

    Brama Mersebursko dyć tukej łostała
    Łod kedy "Grob Pański" w swojich murach miała?
    --

    --
    forum.gazeta.pl/forum/71,1.html?f=28940
  • toja50 24.01.04, 15:48
    No , tero to i ja wim hehe. Tlumaczylam sobie dotad jako Bronek bez pieniedzy,
    no bo kto je dzisiaj ma. Pozdrawiam.
  • broneknotgeld 30.01.04, 23:41
    Jo mom wiela - na wystawie
    Dyć z tegoch biydniejszy prawie.
  • broneknotgeld 26.08.05, 18:41
    "Piekłe kro"

    Łod fiszy ikra z cebulom razym
    Niych se na maśle źdzybko przismaży
    Potym posolić popieprzyć tyż
    Dyć ze żymłami drapko to zjysz.

    --
    forum.gazeta.pl/forum/71,1.html?f=28940
  • broneknotgeld 30.01.04, 23:34
    Ustka

    Ustka z Łebom durś sie wadzi
    Kero bardzi być poradzi
    Tom princesom Polski morza?
    Jo sie pedzieć niy łodwoża.
  • broneknotgeld 30.01.04, 23:44
    Czamu Ustka?

    Bo nad ujściym Słupi leży
    Stond sie nazwa jeji wziyła
    Dziwne - dyć możecie wierzyć
    W słowie tym sie rzeka skryła.
  • broneknotgeld 30.01.04, 23:47
    W Ustce

    Kupa ludzi tu przez lato
    Wakacjami Ustka kwitnie
    Jednak potym już "sagato"
    Reszty roku sie niy wytnie.
  • broneknotgeld 30.01.04, 23:53
    A może sie udo

    Wielke plany richtig majom
    Z Unii euro chcom prziciongnońć
    Wczasowiczom przeca pszajom
    W taki gyszeft Ustka wprzongnońć

    Z dwóch miesiyncy zrobić wiyncy
    Przeca miasto - uzdrowisko
    Morze plaża jod - niy mynczy
    Trza we zocy mieć to wszysko.
  • broneknotgeld 30.01.04, 23:58
    "1935 - 2005"

    Za rok w Ustce bydzie fajer
    Siedymdziesiont lot miejskości
    Dyć to przeca niy som baje
    Chciołbych tam w gyburstag gościć.
  • broneknotgeld 31.01.04, 00:00
    "Starowka"

    Chcom mieć "nowe" stare miasto
    Remontować prziszoł czas to.
  • broneknotgeld 31.01.04, 00:05
    Kije w Słupi

    Wyndkorzy fest Słupia ciongnie
    Fisze w gyszeft tyż sie wprzongnie
    Kije moczom na łososia
    Troć a nawet pstronga do sia.
  • broneknotgeld 22.09.04, 08:40
    W Ustce

    Łostatnio głośno coś ło łapowkach
    We magistrackich paruje głowkach?
    --
    forum.gazeta.pl/forum/71,1.html?f=261
  • broneknotgeld 02.02.04, 23:25
    Biskupstwo pomezańske (1243-1525)

    Biskupstwo pomezańske - Kwidzyn mu stolicom
    Co po niym zostało do dzisioj zochwyco
    Na szkarpie katedra gotykym łozdobno
    Choć przebudowano wiekow swojich godno.
  • broneknotgeld 19.02.04, 18:17
    Dwor Artusa

    Czi Dwory Artusa w Europie łostały
    A przeca ich było piyrwyj richtig wiela
    Gdańsk Tallin i Ryga - to już spis jest cały
    Nojpiykniejszy gdański - szkryfnońć sie łośmiela.
  • toja50 19.02.04, 20:02
    Nie czuje sie na silach nic tu dopowiedziec. Moge tylko z przyjemnoscia
    poczytac. Pozdrawiam.
  • broneknotgeld 02.03.04, 20:00
    A dyć do tego niy trza siył, yno ździybko czasu i chyńci. Mie styknie jak sie
    poczytom gazeta, abo zoglondna do jakiś ksionżki.

    Po swojymu tekst se trawia
    Tako durś rymami bawia.
  • broneknotgeld 02.03.04, 19:57
    Grod

    Prawiom co tu Mieszko założoł grod gdański
    Tysionc lot ze hokym już to tymu było
    Rosnoł łon we siyła - luft był jakby pański
    No bo sie kożdymu robić coś werciyło.
  • broneknotgeld 07.03.04, 17:01
    Konrad z Byczyny

    W Byczynie sie rodzioł, w Paryżu sztudiowoł
    Pioro swoje jednak Gdańskowi łoddowoł
    Szkryfnoł tyn "Labirynt" - w niym nauka świata
    Łostała sie pamiyńć - nojlepszo zapłata.
  • broneknotgeld 25.08.04, 18:05
    "Ukraińske Wikingi"

    Przipłynyli latoś do Gdańska na łodzi
    Wele Ołowianki drakkara cumuje
    W Kijowie "Rok Polski" no toż se to godzi
    Na bezrok zaś nazod załoga popruje.

    --
    forum.gazeta.pl/forum/71,1.html?f=261
  • broneknotgeld 25.08.04, 18:08
    Świyntopełk Wielki (1220-1266)

    Wielki bo ze sługi princym zostoł tukej
    Kaj Pomorze Gdańskie śladow jego szukej.

    --
    forum.gazeta.pl/forum/71,1.html?f=261
  • broneknotgeld 25.08.04, 18:13
    A-1

    Autobana z Gdańska na połednie "ruszy"?
    Cosik se łobiyło ło tym mi we uszy
    Ponoć piyrszy konsek w dwa lata być może
    Pociongnom pod Grudziondz - toż dej tego Boże.

    --
    forum.gazeta.pl/forum/71,1.html?f=261
  • broneknotgeld 12.09.04, 21:01
    "Jarmark Dominikański" 31.VII - 22.VIII.2004

    Czi tydnie latoś jarmark we Gdańsku
    Zaczoł sie piyknie skończoł "po pańsku"
    Dynkmal postawić chcom patronowi
    Niychej sie Ruda tyż ło tym dowiy.
    --
    forum.gazeta.pl/forum/71,1.html?f=261
  • broneknotgeld 15.10.04, 20:52
    "Amberia"

    Niyjedna we Gdańsku bursztynu galeria
    Na Mariacki jednak jest zocno "Amberia"
    Cudami z jantaru napasiesz tu łoko
    Z tego nawet serce ponoć czasym skoko.
    --
    --
    forum.gazeta.pl/forum/71,1.html?f=261
  • broneknotgeld 17.11.04, 19:57
    Gdańsk - St.Petersburg

    Miasta se łoba kamracom fest
    Wiela uciechy czasym z tym jest
    Łostatnio gdańsko tam delegacjo
    Tyż se zrobiyła piykno libacjo

    Jednak niy cołko - yno jyj ćwierć
    Chciała sie zapić jakby na śmierć
    Choć Ruski mieli wiela z tym szpasu
    We Gdańsku teroz wiyncy marasu.
    --
    --
    forum.gazeta.pl/forum/71,1.html?f=261
  • broneknotgeld 18.11.04, 18:41
    Wielki Plan Inwestycyjny 2005 - 2009

    Gdańsk inwestować chce u sia wiela
    Ponoć nojwiyncy we drogi
    Toż możno wygro na tym ta sztela
    Abo popadnie we długi.
    --
    --
    forum.gazeta.pl/forum/71,1.html?f=261
  • broneknotgeld 20.11.04, 22:42
    Gdańsk marszałkym stoji?

    Zbiyrajom na pomnik Zefla Piłsudskiego
    Wrzeszcz - tam ponoć miejsce nojlepsze dlo niego
    We rocznica śmierci na bezrok postawiom
    Tako se w tym Danzig teroz władze bawiom.
    --
    --
    forum.gazeta.pl/forum/71,1.html?f=261
  • broneknotgeld 27.11.04, 11:06
    Szekspirowski Tyjater

    Szekspirowski tyjater we Gdańsku tyż stoł
    Chcom go łodbudować - czy to yno fioł?
    --
    --
    forum.gazeta.pl/forum/71,1.html?f=261
  • broneknotgeld 07.02.05, 12:48
    "Pachołek"

    Niych cie na "Pachołek" gyry zaprowadzom
    Ze niego mosz widok na piykno Oliwa
    Chocioż skiż Sopotu nikierzy sie wadzom
    Jo w ta strona jednak byda se durś dziwać.

    --
    forum.gazeta.pl/forum/71,1.html?f=261
  • broneknotgeld 07.02.05, 12:50
    Potok Oliwski

    Zdo sie Oliwa piyrwyj "budowoł"
    Przeca tu kozdy młyn dlo sia stowioł
    Coś ze dwadziścia było aż tego
    Siył wiela brało ciyngym z istnego.

    --
    forum.gazeta.pl/forum/71,1.html?f=261
  • broneknotgeld 07.02.05, 12:53
    Oliwa 1186

    Staraniym sie stało Sambora I
    -Przeca dobrze znocie ksiyńcia pomorskego
    Co ło swoje ziymie jak umioł tak dboł
    Łon tutejszo ziymia tym cystersom doł.
    --
    forum.gazeta.pl/forum/71,1.html?f=261
  • broneknotgeld 07.02.05, 12:56
    Opat Dithard

    Ze duńskego Esrom se opat wywodzioł
    Wpiyrw w Kołbaczu jednak klasztor "dziełym" jego
    Potym we Oliwie se nowy "narodzioł"
    Staraniym Sambora no i tyż istnego.
    --
    forum.gazeta.pl/forum/71,1.html?f=261
  • broneknotgeld 08.02.05, 08:35
    "Olyuna" -18.III.1188

    Princ Sambor wtedy nadanie doł
    Bo przeca w zocy tyn klasztor mioł
    Dokumynt łostoł - w niym miano take
    Zdo sie z dzisiejszym chnetko jednake.

    --
    forum.gazeta.pl/forum/71,1.html?f=261
  • broneknotgeld 08.02.05, 21:58
    Poczontek klasztoru 1186-1188

    Toż princ Sobisław myśloł już ło tym
    Ściongnońć cystersow - niy dlo gupoty
    Łostawioł jednak to Samborowi
    Synym był jego - to kożdy powiy

    Konwynt mnich Dithard tukej przikludzioł
    Z Kołbacza karlus tako se trudzioł
    Bo miało to być ich "kolanijom"
    Chocioż cysterskom tyż familijom

    Zamek myśliwski princa w tych stronach
    No toż niy myśloł ło jakiś kromach
    Yno kwatera w niym przirychtowoł
    I ze mnichami klasztor już stowioł

    Tako minyły dwa lata z Bogym
    Już braty chwolom sie swojim progym
    Akt fundacyjny Sambor wystawioł
    Gdańsk ponoć wtedy za to go sławioł

    Nadoł przi tymu majontku tela
    Że pryndko rosła oliwsko sztela
    Prziwilejami sie tyż cieszyła
    Z nich tako samo zakonu siyła.
    --
    forum.gazeta.pl/forum/71,1.html?f=261
  • broneknotgeld 09.02.05, 08:36
    "Oława"

    Czy Potok Oliwski piyrwyj tako zwali?
    Czy ze ty "Oławy" miano szteli dali?
    Po prowdzie to niy wiym - tako yno szkryfna
    No i rymym ło tym terozki se gichna.
    --
    forum.gazeta.pl/forum/71,1.html?f=261
  • broneknotgeld 11.02.05, 23:25
    Oliwa 1224

    Poł Kympy Oksywski doł Świyntopełk II
    Z czasym spis majontkow bydzie bardzi dugi
    Bo po Warcisławie Ziymia Gniewsko doszła
    Sława ło klasztorze we Pomorze poszła.
    --
    forum.gazeta.pl/forum/71,1.html?f=261
  • broneknotgeld 11.02.05, 23:31
    Oliwa 1226

    Skiż wypraw krziżowych tako tragedyjo
    Prusy se łodgryźli no i stond mecyjo
    Wypolony klasztor kościoła tyż niy ma
    Opata z mnichami już niy nosi ziymia

    Choć na łoczach gdańszczan ich pomordowali
    Jedni tu skończyli - inksi zaczynali
    Bo zaś ze Kołbacza mnichow prziszło tela
    Że łodrosła chnetko ta cystersko sztela.

    --
    forum.gazeta.pl/forum/71,1.html?f=261
  • broneknotgeld 13.02.05, 20:31
    40 majontkow

    Cosik wele tego we czinostym wieku
    Już mioł tukej klasztor - wiydz ło tym czowieku.
    --
    forum.gazeta.pl/forum/71,1.html?f=261
  • broneknotgeld 14.02.05, 18:32
    Oliwa 1236

    Zaś tu Prusy polom i mnichow mordujom
    Przeciw krześcijanom tako durś wojujom
    Cystersow skiż misji podwojnie niy znoszom
    Bestoż tyż litości na darmo ich proszom.

    --
    forum.gazeta.pl/forum/71,1.html?f=261
  • broneknotgeld 15.02.05, 15:55
    Oliwa - 1243, 1247, 1252

    Czi razy Krziżaki tukej se panoszom
    Na krześcijanina miecz zakonny wznoszom
    Toż cystersy skiż nich niy mieli tyż leko
    Zdo sie - co nojgorsze jeszcze ich tu czeko.

    --
    forum.gazeta.pl/forum/71,1.html?f=261
  • broneknotgeld 17.02.05, 00:24
    Kościoł św Jakuba (ok. 1300)

    Dlo parafian świontynia tako postawiyli
    Toż tukej cystersy se bogato żyli
    Łobrośli w majontki - stać ich na to było
    Dyć tyż Ponboczkowi tako sie sie służyło.

    --
    forum.gazeta.pl/forum/71,1.html?f=261
  • broneknotgeld 17.02.05, 20:39
    Oliwa 1303

    Krol Władysław II doł im Swornegacie
    Cystersy tam siedzom teroz "na etacie"
    Przez czidziści rokow dobrze gospodarzom
    Dyć se tyż Krziżakom przeciwić niy ważom
    Za ta sztela wziyli jednak Domatowo
    No i tyż Darżlubie co przi Pucku stowo.
    --
    forum.gazeta.pl/forum/71,1.html?f=261
  • chetor 18.02.05, 10:59
    Dzięki Bronek, zapewniam, że czytam :)
    Pzdr
  • broneknotgeld 18.02.05, 19:45
    Oliwa 1308

    Krziżaki Gdańśk wziyli - krew przi tymu loli
    Krześcijan - Ponboczka sie cosik niy boli
    Se opat Rudiger tymu fest dziwowoł
    Zwłoki yno zbiyroł - we Oliwie chowoł.
    --
    forum.gazeta.pl/forum/71,1.html?f=261
  • broneknotgeld 19.02.05, 14:10
    W krziżackich czasach

    Wielki Mistrz Zakonu krziwo paczoł na to
    Że Oliwa ciyngym zdo sie tu bogato
    Kaj umioł tam dojoł cystersow solidnie
    Myśloł co im życie we wspolnocie zbrzidnie

    Braciszki z opatym jednak se czimali
    Przeca niy som po to coby wojowali
    Bog i gospodarka to jejich zadanie
    Łaska we tym trwaniu łod Cia zowdy Panie

    Tako wieki całe ciyngym sie tu dzioło
    Cystersy oliwske w gorze majom czoło
    Krziżakow szczimali - som w łaskach Korony
    Dyć los figle niesie - dobrze my to znomy.
    --
    forum.gazeta.pl/forum/71,1.html?f=261
  • broneknotgeld 20.02.05, 15:34
    Oliwa 1350

    Zdo sie cołko sztela jedna jest fojera
    I kościoł i klasztor wziyła ta cholera
    Poł wieku chnet trwało niym łodbudowali
    Dyć jakoś utropa czekała tyż dali.
    --
    forum.gazeta.pl/forum/71,1.html?f=261
  • broneknotgeld 22.02.05, 16:19
    Oliwa 1433

    Wojna Polska wiedzie srogo z Krziżakami
    Przi tym se kamraci nawet z Husytami
    Toż prziszli Pepiki - Oliwa złupiyli
    Szczyńściym sie cystersy do Gdańska schroniyli
    --
    forum.gazeta.pl/forum/71,1.html?f=261
  • broneknotgeld 24.02.05, 21:26
    Oliwa 1460

    Dyć "czinostoletnio" wojna fest szalała
    We klosztorze jazda se kwaterowała
    Ze tym polskim wojskym ciyngym jakeś straty
    Szczyńściym że niy łoni zebrali tu baty.

    --
    forum.gazeta.pl/forum/71,1.html?f=261
  • broneknotgeld 25.02.05, 20:55
    Reformacjo

    Skuli Schlieffa i Geschkaua
    Sztela tyż tu uciyrpiała
    Prziszły nawet ze tym baty
    Jednak doszło do łodpłaty.

    --
    forum.gazeta.pl/forum/71,1.html?f=261
  • broneknotgeld 26.02.05, 12:36
    Opat Lambert Schlieff

    Zdo sie co wspiyroł reformacyjo
    A gospodarzoł! -Ciyngym mecyjo!
    Majontkow klasztor myni już mo
    I podupado - tako sie zdo.
    --
    forum.gazeta.pl/forum/71,1.html?f=261
  • broneknotgeld 27.02.05, 14:17
    Opat Kaspar Geschkau

    Toż biskup Wrocławia karlusa tu wspiyroł
    Dyć i Zygmunt August w Oliwa spoziyroł
    Wpiyrw Geschkau go tropioł - ze czasym ucieszoł
    Bo już przeciw Polsce łon tukej niy zgrzeszoł.

    --
    forum.gazeta.pl/forum/71,1.html?f=261
  • broneknotgeld 28.02.05, 17:36
    Oliwa 1577

    Toż gdańszczanie wtedy Oliwa złupiyli
    Za "polskość" Geschkaua tako se zymściyli
    Krol na nich nałożoł dukatowo kara
    Ło klasztor zniszczony musieli sie starać.

    --
    forum.gazeta.pl/forum/71,1.html?f=261
  • broneknotgeld 01.03.05, 12:18
    Opat Dawid Konarski

    Przi niymu zaś wszysko zakwitło łod nowa
    Blysnyła fest sztuka - we tym jego gowa
    Wystrojym sie asić mog kościoł terozki
    Aże do nastympny richtig wielki troski.
    --
    forum.gazeta.pl/forum/71,1.html?f=261
  • broneknotgeld 02.03.05, 21:05
    Oliwa 1626

    Gustawa Adolfa terozki tu momy
    Łon na kunszt był "czuły" - zaczoł se rabunek
    Ano "samo żecie" przeca tyż to znomy
    Dlo cystersow jednak wielki z tym frasunek.

    --
    forum.gazeta.pl/forum/71,1.html?f=261
  • broneknotgeld 03.03.05, 21:01
    Pokoj Oliwski 1660

    Po "potopie szwedzkim" zawarty tu pokoj
    Dyć wcale niy prziszoł ze tym "świynty spokoj".

    --
    forum.gazeta.pl/forum/71,1.html?f=261
  • broneknotgeld 05.03.05, 15:39
    Oliwa 1697

    Ksionże Conti ze wojskym prziloz po korona
    Trza było Sasowi tukej go pokonać
    No i uciyrpiało przi tymu opactwo
    Przeca do rabunku zdolne jest żołdactwo.

    --
    forum.gazeta.pl/forum/71,1.html?f=261
  • broneknotgeld 06.03.05, 10:39
    Oliwa 1700-1721

    Skiż "wojny połnocny" niyroz tu frasunek
    Co armijo przeszła ze niom tyn rabunek.

    --
    forum.gazeta.pl/forum/71,1.html?f=261
  • broneknotgeld 10.03.05, 08:07
    Opat Jacek Rybicki

    "Rządził szczęśliwie Oliwą" - szkryfnyli tu tako
    No dyć być niy mogło tyż zowdy jednako
    Folwarki rozkwitły - geld solidny dały
    Blyszczoł dobrobytym teroz klasztor cały

    Opat wybudowoł se piykny pałacyk
    Łorgany w kościele - z ambony łonacy
    Kero tyż jest cudym tukej cołkym nowym
    Jak i dwie kaplice w stylu rokokowym.
    --
    forum.gazeta.pl/forum/71,1.html?f=261
  • broneknotgeld 10.03.05, 23:16
    Oliwa 1772

    Ze rozbiorym polski prziszła ta utropa
    Ac wszysko to zdo sie skuli tego chopa
    Co go historyjo Niymiec zowie Wielkim
    Z niym to już niy były jakeś duperelki

    Zagarnoł cystersom cołki ich majontek
    Przeca ani wyśloł zrobić im wyjontek
    Łod krola terozki folwark trza dzierżawić
    By sie moc regułom tu terozki "bawić"

    Choć opat Rybicki mo swoja pyndzyjo
    Z pałacu niy grozi mu tyż eksmisyjo
    Toż przeca boleje nad tym trefym złym
    Wiela lot minyło - dyć to dobrze wiym.

    --
    forum.gazeta.pl/forum/71,1.html?f=261
  • broneknotgeld 11.03.05, 19:13
    Po opacie Rybickim

    Po Rybickim siedzom tu Hohenzollerny
    Zdo sie cołki klasztor przi nich richtig mierny
    Familijo krola ciyngym tako żywi
    Pewno to nikogo terozki niy dziwi.
    --
    forum.gazeta.pl/forum/71,1.html?f=261
  • broneknotgeld 12.03.05, 14:38
    Czas napoleoński

    Mnichow zdo sie niy trza - lazaryt w klasztorze
    Francuzom se przidół i Ruskom - moj Boże.

    --
    forum.gazeta.pl/forum/71,1.html?f=261
  • broneknotgeld 12.03.05, 14:40
    Dekret 1829

    Krol pruski dekret podpisoł złowrogi
    Skasujom tyn zakon - poniesom kajś nogi.
    --
    forum.gazeta.pl/forum/71,1.html?f=261
  • broneknotgeld 12.03.05, 14:42
    Oliwa 1831

    Toż tu czech mnichow jeszcze łostało
    Dyć co nojgorsze przilyźć musiało
    Niy ma już w końcu cysterskich braci
    Czy sie Oliwa na tym wzbogaci?

    --
    forum.gazeta.pl/forum/71,1.html?f=261
  • broneknotgeld 13.03.05, 21:34
    Kasata 2.II.1833

    Kościoł mnichow czyńść klasztoru erbli katoliki
    Dyć tyn jejich parafialny wziyli wangeliki
    Coś beamtrom se dostało - reszta wybulyli
    Historyjom sie już stało - cystersy tu byli.
    --
    forum.gazeta.pl/forum/71,1.html?f=261
  • broneknotgeld 14.03.05, 18:27
    Towarzystwo Ludowe "Jedność" (21.II.1982)

    W dziewiytnostym wieku Kaszubow łonczyło
    Przeca ciyngym wiela ich w Oliwie było
    Narod richtig twardy - co mu tam "hakata"
    Był jest no i bydzie aż do końca świata.

    --
    forum.gazeta.pl/forum/71,1.html?f=261
  • broneknotgeld 15.03.05, 08:39
    Sołectwo Oliwskie

    Osada łostała po zocnym klasztorze
    Dyć sołtys jom przeca mieć musioł na gowie
    Jednak beamtrowoł yno honorowo
    Toż zdo sie niywiela se tym tyż przejmowoł.
    --
    --
    forum.gazeta.pl/forum/71,1.html?f=261
  • broneknotgeld 16.03.05, 23:05
    Piyrszy fojt oliwski -1.XI.1852

    Ano Gustaw Schilling piyrszy tu fojtowoł
    Pozor na Oliwa łon terozki dowoł.

    --
    forum.gazeta.pl/forum/71,1.html?f=261
  • broneknotgeld 17.03.05, 23:15
    Wiosna Ludow w Oliwie

    Oliwsko biydota ruszyła na sklepy
    Piekarnio zajyli chlyb do dom pobrali
    Dyć przeca tu kupce niy byli tyż kiepy
    Pomoc ściongli z Gdańska i łupnia im dali.
    --
    forum.gazeta.pl/forum/71,1.html?f=261
  • broneknotgeld 18.03.05, 07:49
    1864

    Oliwa urosła - Schabentahl chyciyła
    Muhlhof i Polanki wtedy tyż erbnyła.

    --
    forum.gazeta.pl/forum/71,1.html?f=261
  • broneknotgeld 19.03.05, 15:38
    1870

    Cug przez Oliwa już teroz jedzie
    Z Gdańska na Koslin wandrusa wiedzie.
    --
    --
    forum.gazeta.pl/forum/71,1.html?f=261
  • broneknotgeld 20.03.05, 21:07
    Banka (1873-1879)

    Ano se bankom na Gdańsk jeździyło
    Dyć pora koni wagon ciongnyło
    Bestoż i stajnie w Oliwie były
    Choć plajta cosik pryndko zrobiyły.
    --
    --
    forum.gazeta.pl/forum/71,1.html?f=261
  • broneknotgeld 21.03.05, 13:56
    1.IV.1907

    Mo już Oliwa te Jelitkowo
    Siyngła tyż po Przimorze
    Kurortym jakby se teroz zdowo
    Dyć dej jyj tego moj Boże.

    --
    forum.gazeta.pl/forum/71,1.html?f=261
  • broneknotgeld 22.03.05, 17:34
    1901

    Zaś banka z Gdańska w Oliwa jedzie
    Dyć motorniczy teroz na przedzie
    A zamiost siana wystyknie sztrom
    To nowomodne czasy już som.

    --
    forum.gazeta.pl/forum/71,1.html?f=261
  • broneknotgeld 23.03.05, 17:24
    Oliwa-Jelitkowo 1908

    Już do Jelitkowa wiedom banki glajzy
    Wszysko tu gryfniejsze - przeca niy dlo łajzy
    Yno by z letnikow grosz godziwy ściongnońć
    W tyn gyszeft już gmina mocno chce sie wprzongnońć.

    --
    forum.gazeta.pl/forum/71,1.html?f=261
  • broneknotgeld 24.03.05, 21:20
    I.1914

    Sztorm zniszczoł cołkym tu dom zdrojowy
    Z wiosnom trza było stowiać zaś nowy
    Tyn drugi dzisioj mo Jelitkowo
    Szczyńściym go niy trza dźwigać na nowo.
    --
    forum.gazeta.pl/forum/71,1.html?f=261
  • broneknotgeld 25.03.05, 23:00
    Krach Szporkasy Oliwski

    Creutzburg paskudnie tukej namiyszoł
    Przi niymu sztela cołkym na stracie
    Nudli niyjedyn na niym nawiyszoł
    Dyć poloz wyży - stond zabroł lacie

    Oliwie jednak długi łostały
    Guldynow pora setek tysiyncy
    Fest familije by uciyrpiały
    To niyjednego terozki mynczy.

    --
    forum.gazeta.pl/forum/71,1.html?f=261
  • broneknotgeld 26.03.05, 21:42
    Już Gdańsk 1.VII.1926

    Toż se niy ma czymu dziwać
    Że już Gdańskym jest Oliwa
    Długi przi tym pospłacane
    Yno to uratowane.
    --
    forum.gazeta.pl/forum/71,1.html?f=261
  • broneknotgeld 28.03.05, 09:57
    Oliwski welunek 14.XII.1919

    Czi mandaty w gminie Kaszuby se wziyli
    Zdo sie ciyngym mocni łoni tukej byli.
    --
    forum.gazeta.pl/forum/71,1.html?f=261
  • broneknotgeld 29.03.05, 17:57
    Bulla 30.XII.1925

    Djecezyjo papiyż bullom eryguje
    Oliwa stolicom zarozki se czuje
    Tu teroz jest stolec Kościoła gdańskego
    Łoziymdziesiont rokow klupie już łod tego.
    --
    --
    forum.gazeta.pl/forum/71,1.html?f=261
  • broneknotgeld 30.03.05, 18:33
    Oliwa 1.VI.1926

    Już Edward O'Rourke tu ordynariuszym
    Kościoł poklasztorny w katedry se ruszył.

    --
    forum.gazeta.pl/forum/71,1.html?f=261
  • broneknotgeld 09.04.05, 18:56
    "Daol"

    W tym werku oliwskim elfarba rychtujom
    Yno że po wojnie inaczy mianujom.

    --
    forum.gazeta.pl/forum/71,1.html?f=261
  • broneknotgeld 12.04.05, 20:54
    "Anglas"

    Znołś smak oliwski ty szokolady?
    Jak pokosztowołś to niy ma rady.

    --
    forum.gazeta.pl/forum/71,1.html?f=261
  • broneknotgeld 15.04.05, 08:29
    "Dr.Oetker"

    Dzisioj zaś fyrma ta dobrze znomy
    Dyć w miyndzywojniu w Oliwe momy
    --
    forum.gazeta.pl/forum/71,1.html?f=261
  • broneknotgeld 16.04.05, 22:36
    Oliwa 1945

    Pałac Opacki teroz sie poli
    W Oliwie tyż inksze straty
    Niymcy se Ruskow pierońsko boli
    Jako tyż Gdańsk tyn bogaty.

    --
    forum.gazeta.pl/forum/71,1.html?f=261
  • broneknotgeld 27.04.05, 19:08
    Jan Flachsbinder - Dantyszek (1485-1548)

    Kim był tyn Dantyszek - ciynżko mi napisać
    Tako coby nudli niy chcieliście wyszać
    Bestoż szkryfna yno - gdańszczanin to zocny
    Z czasow w kerych czowiek zdoł sie bardzi mocny.

    --
    forum.gazeta.pl/forum/71,1.html?f=28940
  • broneknotgeld 03.05.05, 09:09
    Aleksander Zuchta (1520-1590)

    Zygmunta Augusta w Krakowie kurowoł
    Kunszt Paracelsusa zowdy na wiyrzch dowoł
    Hehe - toż niy bawioł se robiyniym złota
    Pokazywoł inkszym co w tym jest gupota.
    --
    --
    forum.gazeta.pl/forum/71,1.html?f=28940
  • broneknotgeld 22.05.05, 14:57
    Filip Kluwer (1580-1623)

    Geografio z historyjom w jednym palcu czimoł
    Toż na uniwerku w Lejdzie wcale łon niy drzymoł
    Historyjo geografii Filip piyrszy spisoł
    Dyć i przeca w kartografii wiela se namiyszoł
    Tyż Kluwera mosz we gymbie jak godosz te słowa
    "Historyjo starożytno" - w tym niy twoja gowa.

    --
    --
    forum.gazeta.pl/forum/71,1.html?f=28940
  • broneknotgeld 31.05.05, 19:43
    16.V.1217

    Toż Mściwoj I pomarł w tyn dziyń
    Na Gdańsk położoł se jakby ciyń
    Dyć słonko jednak blysło tyż przeca
    Princ pomarł - nowy ze jego neca.
    -
    --
    forum.gazeta.pl/forum/71,1.html?f=28940
  • broneknotgeld 28.05.05, 08:57
    Nowe muzeum

    Muzeum se nowe w Gdańsku wyrychtuje
    Toż "Solidarności" to richtig sztimuje
    W gyburstag chcom kamyń wyngelny wmurować
    Dyć cosik do zbiorow już tam im idzie dować.

    --
    forum.gazeta.pl/forum/71,1.html?f=28940
  • broneknotgeld 29.05.05, 13:13
    "Geo znaczy Ziymia"

    Toż na łogrodzyniu parku oliwskego
    Podziwosz se Ziymi - niy zapomnij tego
    PIG tukej wystowio piykne fotogramy
    Cud natury tako przed łoczy nom dany.
    --

    --
    forum.gazeta.pl/forum/71,1.html?f=28940
  • broneknotgeld 20.06.05, 20:00
    "Zaczło se w Gdańsku"

    "Solidarnościom" sztartło domino
    Ano - co potym to "ino ino".

    --
    forum.gazeta.pl/forum/71,1.html?f=28940
  • broneknotgeld 20.08.05, 09:35
    Jarmark Dominikański 30.07-21.08.2005

    Papiyż Aleksander Szworty
    Pedzioł "Gdańsk jarmarku worty"
    Na świyntego Dominika
    Niy trza yno tukej rzykać
    Czeba ździybko pohandlować
    Ciału duszy pofolgować.
    --


    --
    forum.gazeta.pl/forum/71,1.html?f=28940
  • broneknotgeld 22.08.05, 22:18
    25-lecie Porozumiyń Siyrpniowych (26.VIII)

    Zdo sie jakby strzybne gody
    Wiela sie przeloło wody
    By wspominek nastoł czas
    Czy idymy we tyn "las"?
    --
    --
    forum.gazeta.pl/forum/71,1.html?f=28940
  • broneknotgeld 24.08.05, 08:20
    26.VIII.2005 Jean Michel Jarr

    We stoczni gdański na "srebrne gody"
    "Solidarności" zagro dlo zgody.
    --
    --
    forum.gazeta.pl/forum/71,1.html?f=28940
  • broneknotgeld 13.10.05, 23:39
    "Kwiat Życio i Pokoju"

    Dynkmal ku pamiyńci
    niyszczyńść Nagasaki
    W Gdańsku ukraść chcieli
    jak złom belejaki

    Szczyńściym że niy wyszoł
    złodziejom tyn skok
    "Kwiotek..." jeszcze wroci
    na niyjedyn rok.
    --

    --
    forum.gazeta.pl/forum/71,1.html?f=28940
  • broneknotgeld 13.03.04, 10:03
    Sopot

    W rankingu miast polskich nojpiyrszo dziedzina
    Dyć przeca to dlo nos niy żodno nowina
    Jako dzwigać miasto tu naprowdy wiedzom
    No i miyndzy Gdańskym a tom Gdyniom siedzom.
    --
    forum.gazeta.pl/forum/71,1.html?f=261
  • broneknotgeld 13.03.04, 16:48
    Ło Sopocie ciyngym głośno bydzie wiela
    Bo łon idzie w gora skiż obywatela.


    --
    forum.gazeta.pl/forum/71,1.html?f=261
  • broneknotgeld 14.03.04, 09:36
    Sopot - Zdroj

    Downiyj piykne uzdrowisko
    Z wojnom potraciyli wszysko
    Niy starała sie Ludowo
    Choć za Niymca było zdrowo

    Szczyńściym majom Karnowskiego
    Dopilnowol przeca tego
    By solanka łod Wojciecha
    Zaś dowała tu pociecha

    Z nowa żyje Sopot-Zdroj!
    Już piyńć lotek - łoż ty moj
    Latoś karna se w ta sztela
    I gyburstag fest łobleja.

    --
    forum.gazeta.pl/forum/71,1.html?f=261
  • broneknotgeld 03.07.04, 11:17
    Sopot bez fajerwerkow

    Karnowski tyn zakaz chce tukej wprowadzić
    Myśla że niy bydom se ło to fest wadzić
    Przeca zaś w Sopocie majom uzdrowisko
    Na jedno sie straci a na druge zysko.

    --
    forum.gazeta.pl/forum/71,1.html?f=261
  • broneknotgeld 09.07.04, 22:47
    Po parasolniku?

    Cieszoł sie Sopot z Parasolnika
    Łon jakby tego kurortu znakym
    Dyć już niy widać prawie pomnika
    W łogrodku piwnym jest jakby "brakym".

    --
    forum.gazeta.pl/forum/71,1.html?f=261
  • broneknotgeld 22.09.04, 08:30
    Remont willi "Krystyna"

    Pewno Stolz sie dzisioj wiela by ucieszoł
    "Stolzenfels" w Sopocie prawie łodnowiajom
    I choć ze "Krystynom" łon tukej niy grzeszoł
    Rod że w zocy ciyngym ta willa tyż majom
    --
    forum.gazeta.pl/forum/71,1.html?f=261
  • broneknotgeld 22.09.04, 08:32
    "Krystyna"

    Był żeś na wywczasach w "Jantarze" sopockim
    Pewnikym wspominosz te "krysine" nocki.
    --
    forum.gazeta.pl/forum/71,1.html?f=261
  • broneknotgeld 22.09.04, 08:52
    E-gmina

    Sopot w tako strona Ponoć teroz idzie
    Za rok tych "e-budek" trocha tukej bydzie
    W kerych pozałatwiosz wiela swojich spraw
    Dyć se z Internetym Poloku już "baw"
    --
    forum.gazeta.pl/forum/71,1.html?f=261
  • broneknotgeld 09.10.04, 19:57
    Fajer w Sopocie

    Fajer sie zaczoł w zocnym Sopocie
    W gybustag majom tam wiela pociech
    Pomnik Haffnera zaś stanoł w parku
    Mioł karlus przeca gowa na karku
    --
    forum.gazeta.pl/forum/71,1.html?f=261
  • broneknotgeld 09.10.04, 19:59
    "Sopocko Muza"

    Burgemajster w gyburstag nagroda rozdowo
    Tradycyjom bydzie - to mi sie niy zdowo
    --
    forum.gazeta.pl/forum/71,1.html?f=261
  • broneknotgeld 09.10.04, 20:04
    "Jean Georges Haffner - Historia kąpieliska w Sopocie 1823-2004"

    W Muzeum Sopotu łotwarli wystawa
    Haffner uzdrowisko tu przeca zrychtowoł
    Dlo niego życiowo we tym była sprawa
    Cołko swoja dusza Sopotowi dowoł.
    --
    forum.gazeta.pl/forum/71,1.html?f=261
  • broneknotgeld 21.11.04, 16:56
    Casino Hotel

    We latach dwudziestych go wybudowali
    Woda morsko ciśli prosto w badywanny
    W Bałtyku se tako goście wykompali
    Nawet jak na dworze był prawie "czas sanny".
    --
    --
    forum.gazeta.pl/forum/71,1.html?f=261
  • broneknotgeld 21.11.04, 17:00
    Zakład Balneologiczny

    Do dzisioj przi molo spokojnie se stoji
    Wlyź i zaroz w holu dźwigej w gora łoczy
    Morski witraż nerwy ci możno "ukoi"
    No i herb Sopotu tyż tyż przi tymu wskoczy.
    --
    forum.gazeta.pl/forum/71,1.html?f=261
  • broneknotgeld 21.11.04, 17:03
    2 marki

    Za toplanie w badywannie dwie marki żeś płacioł
    Niy dziwota że przi tymu kurort se wzbogacioł.
    --
    --
    forum.gazeta.pl/forum/71,1.html?f=261
  • broneknotgeld 21.11.04, 17:05
    Park Połnocny

    Godajom co Haffner drzewka tukej sadzioł
    Jo bych sie ze niymi ło to niy powadzioł
    Tu jego popiersie przed wojnom tyż stoło
    Teroz nowy pomnik wszyskich jakby woło.
    --
    forum.gazeta.pl/forum/71,1.html?f=261
  • broneknotgeld 21.11.04, 17:11
    Grand Hotel

    Piyrwyj se "Casino" zwoł
    Hazardzistom przeca pszoł
    Z gości roztomajtych tukej
    I Hitlera nawet szukej
    Chcesz to znojdziesz tyż de Gaulle`a
    Dyć niy yno jo go wola
    Chocioż była z niym utropa
    Skond wzionć łożko? -Kawał chopa
    Kajś w muzeum jednak znodli
    Generała w niym pokłodli.
    --
    --
    forum.gazeta.pl/forum/71,1.html?f=261
  • broneknotgeld 09.12.04, 17:54
    "Monciak"

    Dlo jednych Sopot chnet cały
    Molo i łon im wystyknie
    Kaj ińdzi niy wlepiom gały
    A przeca wszyńdzie tu piyknie.
    --
    --
    forum.gazeta.pl/forum/71,1.html?f=261
  • broneknotgeld 12.12.04, 22:03
    1902

    Nadoł prawa miejske kajzer Wiluś II
    Dyć kurort życiorys mioł za sobom dugi
    Sie balneologiom Heffner tukej bawioł
    Na wydmach co nojpiyrw łod Gdańska dzierżawioł.
    --
    --
    forum.gazeta.pl/forum/71,1.html?f=261
  • broneknotgeld 13.12.04, 17:28
    Sopocko solanka

    Urzond Górniczy doł na to zgoda
    By zaś se brali ze głymbin woda
    I ministerstwo sztympel przibiyło
    Dyć uzdrowisko solankom żyło

    Tako tyż bydzie dali terozki
    Toż wykurujesz tu nawet troski
    Radość mieć bydzie dusza i ciało
    Wrocić se bydzie tyż tukej chciało.
    --
    --
    forum.gazeta.pl/forum/71,1.html?f=261
  • broneknotgeld 13.12.04, 17:32
    "Villenstrasse"

    Toż kożdo willa na ty ulicy
    Jakby urodom swojom aż ryczy
    Ja - znać tu na nich czynsto zomb czasu
    Trza remontować wiela zawczasu

    Dyć stary Sopot tukej widzymy
    I cosik ło niym tyż se dowiymy
    Dzisioj to Westerplatte Obrońcow
    A jakby stare miano dać w końcu?
    --
    --
    forum.gazeta.pl/forum/71,1.html?f=261
  • broneknotgeld 13.12.04, 17:34
    Grodzisko

    Prastare grodzisko we Sopocie nojdziesz
    Z ulicy Haffnera tam wygodnie dojdziesz
    Po czyńści je tukej łod nowa dźwignyli
    By coś było widać jak piyrwyj tu żyli.
    --
    --
    forum.gazeta.pl/forum/71,1.html?f=261
  • broneknotgeld 13.12.04, 17:37
    Dolny i gorny Sopot

    Bana na dwie czyńści Sopot podzielyła
    Dolny wpiyrw pokozoł swoja wielko siyła
    Gorny zaś łod morza ździybko dali leży
    Dyć tyż jest ciekawy - możecie mi wierzyć.
    --
    --
    forum.gazeta.pl/forum/71,1.html?f=261
  • broneknotgeld 04.07.05, 18:14
    "Bursztynowy Słowik"

    "Bursztynowy Słowik" we wrześniu zaśpiywo
    Dyć niychej nikogo to teroz niy dziwo
    TVN tu latoś festiwal zrychtuje
    Toż i Sopotowi richtig to sztimuje.
    --
    --
    forum.gazeta.pl/forum/71,1.html?f=28940
  • broneknotgeld 05.07.05, 21:52
    A w siyrpniu

    A w siyrpniu festiwal TVP tyż zrobi
    Prawiom co jak piyrwyj tyn Sopot łozdobi.
    --

    --
    forum.gazeta.pl/forum/71,1.html?f=28940
  • broneknotgeld 29.08.05, 22:24
    Na molo

    Stojom kukły zaś woskowe
    Kogo tu niy widzi czowiek?
    Dali Hańcze Olbrychskiego
    Harry Potter tyż do tego.
    --
    --
    forum.gazeta.pl/forum/71,1.html?f=28940
  • broneknotgeld 09.09.04, 08:25
    Gdynia 1922

    We Warszawie nad tym deliberowali
    Coby se Poloki port pobudowali
    No i pryndko tako przeca sie tyż stało
    Szwongu ze tom Gdyniom dyć było niymało.
    --
    forum.gazeta.pl/forum/71,1.html?f=261
  • broneknotgeld 09.09.04, 08:28
    Gdynia 1925

    Oksywie ze Gdyniom we jedno se zloło
    Choć piyrwyj tyż łod sia było im wesoło.
    --
    forum.gazeta.pl/forum/71,1.html?f=261
  • broneknotgeld 09.09.04, 08:30
    Gdynia 10.II.1926

    Co chcieli to majom - ze wioski już miasto
    Ponoć bez zokalcu im wyszło te ciasto.
    --
    forum.gazeta.pl/forum/71,1.html?f=261
  • broneknotgeld 09.09.04, 08:33
    Gdynia 1929

    Kurde - już zrobiyli tukej powiat grodzki
    Haratali przi tym widać tyż przez nocki.
    --
    forum.gazeta.pl/forum/71,1.html?f=261
  • broneknotgeld 09.09.04, 08:35
    Gdynia 1930

    Co tu dużo godać? Ciyngym sztela rośnie
    Redłowo z Chyloniom capnyli radośnie.
    --
    forum.gazeta.pl/forum/71,1.html?f=261
  • broneknotgeld 09.09.04, 08:37
    Łod 1930

    Już tu transatlantyk pasażerow broł
    Do Nowego Jorku płynołś jak żeś chcioł.
    --
    forum.gazeta.pl/forum/71,1.html?f=261
  • chetor 09.09.04, 10:06
    Dzięki, bardzo fajnie to piszesz, chociaż czasem muszę się skupić aby dobrze
    zrozumieć :))
    Pozdrawiam
  • toja50 09.09.04, 12:45
    A ja chociaz sie skupiam to i tak malo rozumiam!
  • broneknotgeld 09.09.04, 12:57
    Gdynia 1933

    Toż Witomino z Obłużym wziyła
    Tyż "Działki Leśne" - tako w niyj siyła.
    --
    forum.gazeta.pl/forum/71,1.html?f=261
  • broneknotgeld 09.09.04, 13:00
    Gdynia 1935

    Mały Kack erbła no i Cisowo
    Jeszcze Pogórze Morske Orłowo
    Lasy chylońske i witomińske
    Kryńci sie kryńci te "koło młyńske".
    --
    forum.gazeta.pl/forum/71,1.html?f=261
  • broneknotgeld 09.09.04, 13:03
    Gdynia 1953

    Toż jeszcze copła kaszubsko wioska
    Ło Wielki Kack jest wiynkszo zaś troszka
    Na tym se jednak cołkym stanyła
    Myśli że zowdy aż tako była.
    --
    forum.gazeta.pl/forum/71,1.html?f=261
  • chetor 13.09.04, 15:20
    Piknie prawisz :D
  • broneknotgeld 15.09.04, 09:20
    Bożo Zatoczka

    Toż piykny kontek Gdański Zatoki
    Kaszubske żyli tukej ryboki
    Se wioska swojo Gdyniom nazwali
    Na świat w spokoju durś dziwowali

    Z Polskom sie jednak życie zmiyniyło
    Stare ze nowym ździybko pobiyło
    Wybudowali wielgachny port
    Kto niy poskopioł niywiela wort.
    --
    forum.gazeta.pl/forum/71,1.html?f=261
  • broneknotgeld 15.09.04, 11:34
    Wiocha?

    Godajom "za Niymca" Gdynia wiochom była
    Po prowdzie to trocha we tym jest cygaństwa
    Już wtedy z "kuracji" tyż przeca se żyła
    Kwatery czimali tyż tukej "dlo państwa".
    --
    forum.gazeta.pl/forum/71,1.html?f=261
  • broneknotgeld 15.09.04, 11:45
    Jan Radtke 1872-1958

    Z gburski rodziny Radtke pochodzioł
    Tref w jego rynkach - łon niym niy wodzioł
    Przed piyrszom wojnom chałpa postawioł
    W kery niyjedyn letnik już bawioł

    Dyć Polska tukej se zaklupała
    Ze Gdyni łokno na świat mieć chciała
    Po myśli było to tyż istnego
    I jest zasługa w tym przeca jego

    Wojtym ty gminy łon wtedy był
    Niym do miejskości nabrała siył
    Choć burgemajstrym jednak niy łostoł
    Dyć przeca stołek vice tyż dostoł

    Chcesz go łodwiedzić toż kerchof gdyński
    Kerego zowiom tu "witomiński"
    Poasić jego kwaterom może
    Gyburstag Radtke mioł z miastym w porze.

    --
    forum.gazeta.pl/forum/71,1.html?f=261
  • broneknotgeld 15.09.04, 11:49
    "Srebrno Tabakiera Abrahama"

    Nadowajom w Gdyni medal taki zocny
    Miano wzioł Kaszuby co za Polskom szoł
    Czy skuli tabako łon był we tym mocny?
    Cosik mi sie zdowo że tyż "nosa mioł".
    --
    forum.gazeta.pl/forum/71,1.html?f=261
  • broneknotgeld 15.09.04, 11:53
    "Bazylika Morsko"

    Łod miyndzywojnia tyn pomysł świtoł
    Dyć se z "realym" tu niy prziwitoł
    Tam kaj być miała stoji se krziż
    Kamiynno Goro - co ło tym wiysz?
    --
    forum.gazeta.pl/forum/71,1.html?f=261
  • broneknotgeld 15.09.04, 11:56
    Piyrszy krziż na Kamiynny Gorze

    We czidziestym piyrszym krziż stowiali tukej
    Kaj miała być Gdyni "Morsko Bazylika"
    Tego jednak wcale terozki niy szukej
    Choć pod krziżym przeca możesz se porzykać.
    --
    forum.gazeta.pl/forum/71,1.html?f=261
  • broneknotgeld 15.09.04, 12:02

    --
    forum.gazeta.pl/forum/71,1.html?f=261Drugi Krziż

    We czidziestym szwortym Świynto Morza było
    Se "kamiyń wyngelny" kładli bazyliki
    Krziż stanoł tu nowy - wielki że ąż miło
    Jak ćmok był łon świycioł skuli elektryki

    Tych "bronotnych" w Gdańsku pewno cosik wnerwioł
    Bo jak prziszła wojna pryndko go kipnyli
    Historyji jednak tym Niymiec niy przerwoł
    Dyć Kaszuby przeca zowdy twarde byli
  • broneknotgeld 15.09.04, 12:07
    Czeci Krziż

    We sztyrdziestym piontym zaś Kamiynno Gora
    Na krziż se dziwuje co łodbijo w chmurach
    Stoł se lot czinoście aż kipnoł go wiater
    "W złym czasie" jak pedzioł synkowi tu fater

    Dyć nocom łod nowa w ziymia go wkopali
    By w końcu komuna musiała go zwalić
    --
    forum.gazeta.pl/forum/71,1.html?f=261
  • broneknotgeld 15.09.04, 12:10
    Szworty Krziż

    Czidziści lot chnetko krziża tu niy było
    Jednak w nowy Polsce zaś ludzi to "wziyło"
    Rok dziewiyńdziesionty - nowy krziż ze drzewa
    Dziwuje se tymu yno gdyńsko mewa
    --
    forum.gazeta.pl/forum/71,1.html?f=261
  • broneknotgeld 15.09.04, 12:15
    Pionty Krziż

    Stanoł w Wielki Piontek dziewiyńć rokow tymu
    Ze ajzy jest teroz - metrow z sety ćwierć
    Jak w czidziestym szwortym ćmok niygroźny jymu
    Zowdy sie "łodrodzo" - niy wiy co to śmierć
    --
    forum.gazeta.pl/forum/71,1.html?f=261
  • broneknotgeld 18.09.04, 12:37
    Port wojynny

    Ano zgarnyło Oksywie wojsko
    Kaszubsko wieś sie jakby straciyła
    Już tu niy było jak piyrwyj swojsko
    Se marynarka Polsce marzyła
    --
    forum.gazeta.pl/forum/71,1.html?f=261
  • broneknotgeld 19.09.04, 09:43
    Piyrszo latarnio oksywsko

    Toż mogła yno być "poniymiecko"
    Stanyła jeszcze tu za Wilusia
    Tego "piyrszego" - wiydz ło tym dziecko
    Boś ty terozki jest tukej u sia

    Jak Polska prziszła tyż sie przidała
    Aż do poczontku łostatni wojny
    Potym już światłym niy zamigała
    Znak czasu taki - co niyspokojny
    --
    forum.gazeta.pl/forum/71,1.html?f=261
  • broneknotgeld 19.09.04, 09:46
    Na oksywskim cmyntorzu

    Tu rybok ze gburym zowdy se spotykoł
    Echt Polok z Kaszubom co wielki tyż przeca
    Przi grobach wojokow tyż se bydziesz rzykoł
    Kostucha jednako zabiyro do neca
    --
    forum.gazeta.pl/forum/71,1.html?f=261
  • broneknotgeld 19.09.04, 09:49
    Świynto Gora na Oksywiu

    Piyrwyj na tym miejscu krziż nabożnie stoł
    W opiece ofiary zarazy łon mioł
    Dyć dzisioj go niy ma. Kaj ta gora świynto?
    Kto terozki ło tym jeszcze durś pamiynto?
    --
    forum.gazeta.pl/forum/71,1.html?f=261
  • broneknotgeld 19.09.04, 10:02
    ksywsko kapliczka św. Rocha

    Z moru za życio czynsto wyłazioł
    Tyż inkszych kostusze niy doł
    Ze wiarom na to zowdy sie ważoł
    Niym w końcu ducha som wydoł

    Toż przed zarazom Oksywie chroni
    Tukej do niego rzykajom
    I ta kapliczka zrobiyli łoni
    Wiyncy nadzieji z niym majom
    --
    forum.gazeta.pl/forum/71,1.html?f=261
  • broneknotgeld 19.09.04, 10:12
    Chylońsko gora

    "Gora Krziżowo" to "Gora Świynto"
    Tyż Mikołaja miano pamiynto
    --
    forum.gazeta.pl/forum/71,1.html?f=261
  • broneknotgeld 19.09.04, 10:16
    Cudowno gorka

    Świynty Mikołoj wybroł ta gorka
    Rzykosz do niego - tu cie wysucho
    Niyjedna minie życiowo chmurka
    Ze wiary wszysko kero niygucho

    Bestoż kapliczka tukej stanyła
    Z figurkom zocnom patrona tego
    I była ponoć w niyj wielko siyła
    Dyć niy sprowdzymy dzisioj już tego
    --
    forum.gazeta.pl/forum/71,1.html?f=261
  • broneknotgeld 19.09.04, 10:21
    Św. Mikołoj na Kaszubach

    W pieczy rybokow mioł i pasterzy
    Tako tu piyrwyj durś było
    Wilki stond wygnoł - możecie wierzyć
    Rybokom lżyj sie tyż żyło

    Bo jak na morzu se zabłonkal
    Do brzegu niy mogli dobić
    Toż do patrona tego rzykali
    -Ze wiarom szło tako zrobić
    --
    forum.gazeta.pl/forum/71,1.html?f=261
  • broneknotgeld 19.09.04, 10:27
    Śluby Kaszuby

    Rybok se na morzu błonkoł
    Strach - chocioż rzykoł to aże jonkoł
    Świynty Mikołoj ślub słyszoł chopa
    -Dom cera Bogu! Minie utropa?!

    Do dom dopłynoł -co złe to za nim
    I już świyntego ślubym niy mami
    Toż pedzioł - Morze całuj mie w rzyć
    A moja Klara w doma mo być!
    --
    forum.gazeta.pl/forum/71,1.html?f=261
  • broneknotgeld 30.09.04, 16:37
    Ze wiyrchu Kamiynny Gory

    Ze wiyrchu jest piykny widok na zatoka
    Hel tyż przeca dojrzysz niym doczekosz ćmoka
    A potym dej pozor na tutejsze porki
    Hehe - dyć przi tymu tyż zrobisz sie gorki.

    --
    forum.gazeta.pl/forum/71,1.html?f=261
  • broneknotgeld 30.09.04, 16:38
    "Obrońcom Wybrzeża 1939"

    Dynkmal taki nosi ta Gora Kamiynno
    Komuna krziż utła - dyć czuła sie winno
    Bestoż to obrońcom tukej wystawiyła
    By ta gorka cołkym tyż sago niy była.
    --
    forum.gazeta.pl/forum/71,1.html?f=261
  • broneknotgeld 30.09.04, 16:39
    Oksywie

    Na Kympie Oksywski te Oksywie przeca
    Choć wziyła je Gdynia do swojego neca
    Bo ze szwongym wielkim tukej kedyś rosła
    Przyndko do ty wioski kaszubski se doszła.
    --
    forum.gazeta.pl/forum/71,1.html?f=261
  • broneknotgeld 30.09.04, 16:39
    Parafio Oksywsko

    Jednom ze nojstarszych na Pomorzu łona
    Toż piyrwyj tyż Gdynia do niyj należała
    Terozki niywielko - możesz se przekonać
    Downiyj zaś daleko richtig rozciongała.
    --
    forum.gazeta.pl/forum/71,1.html?f=261
  • broneknotgeld 30.09.04, 16:40
    Gowa wołu

    "Oxhoved" po duńsku "gowa wołu" znaczy
    Se Kympa Oksywsko ze tym tyż łonaczy
    Podobno jest przeca - tako mi sie zdowo
    Chocioż swoji gowy za to bych niy dowoł.
    --
    forum.gazeta.pl/forum/71,1.html?f=261
  • broneknotgeld 30.09.04, 16:41
    Na Kympie Oksywski fest downymi laty
    Duński princ se miyszkoł zocny i bogaty
    Czy we tym jest prowda czy bojka ze tego?
    Godajom że prziszoł do Wojtka świyntego
    Chcioł by świynty sklejoł ze "londym" mu państwo
    Wtedy z cołkym dworym przijmie krześcijaństwo

    Dobiyła do brzegu "kympa" wielkim cudym
    Bestoż princ se łokrzcioł z cołkim swojim ludym.

    Po kaszubsku szkryfnoł to przeszło sto lot tymu Hieronim Jarosz Derdowski.

    --
    forum.gazeta.pl/forum/71,1.html?f=261
  • broneknotgeld 30.09.04, 16:42
    Oksywski kościoł

    Parafio staro swoj kościoł miała
    Dyć łon najazdu Szweda niy szczimoł
    Nowy se pryndko pobudowała
    Djoboł przi wojnie jednak niy drzymoł

    W sztyrdziestym piontym Ruski właziyli
    Świontynia cołko jeszcze tu była
    Dlo szpasu w wieża z działa łupnyli
    Skiż tego prawie se łobalyła

    Kaszub przi Bogu jednak być musi
    Rynce urobioł - dźwignoł łod nowa
    Łon wiarom dycho a niy se dusi
    Ze niom we gorze mo zowdy gowa.
    --
    forum.gazeta.pl/forum/71,1.html?f=261
  • broneknotgeld 02.12.04, 08:26
    SKM do prywatyzacji

    Na bezrok to wszysko chcom sprywatyzować
    Toż gorzy z tym bydzie czy jakoś "odnowa"?
    No i czy zdrożejom wyraźnie bilety?
    Byłaby utropa z tym jednak - niystety.
    --
    forum.gazeta.pl/forum/71,1.html?f=261
  • broneknotgeld 26.05.05, 22:15
    Gdynia - Seattle

    Seattle - miasto siostrzane
    Tako wspołpracy łoddane
    Że Gdynia mo już łososie
    Rybom niy śmierdzom we nosie
    Bo w słonku miyni sie spiż
    Dziwej se na nie - toż wiysz.
    -- -
    --
    forum.gazeta.pl/forum/71,1.html?f=28940
  • broneknotgeld 30.06.05, 22:57
    Eliminacje Gdynia - Orłowo 31.VI.05

    Lubisz bursztyn zbiyrać toż ciś do Orłowa
    Zawody zaliczysz mosz szansa na mistrza
    Dyć to we Jantarze - wiy już twoja gowa
    W eliminacyjach wykozać se tyż trza.

    --
    forum.gazeta.pl/forum/71,1.html?f=28940
  • broneknotgeld 03.07.05, 11:39
    Piyrszy herb Gdyni (1942)

    Ano za Niymca tako se stało
    Toż łodź wikingow w herbie niymało
    Była ze żaglym i gowom smoka
    Tło cołkym modre a niy ze ćmoka.

    --
    forum.gazeta.pl/forum/71,1.html?f=28940
  • broneknotgeld 03.07.05, 15:27
    Herbowe ryby

    Mo na tym mieczu Gdynia dwa dorsze?
    Zdo mi sie ryby to jakeś gorsze
    Bo łostre przeca widać zymbiska
    Idzie wystrachać se jejich pyska.

    --
    forum.gazeta.pl/forum/71,1.html?f=28940
  • naata 10.09.04, 12:51
    Ja tam rozumiem Bronka i podziwiam, podziwiam! ;-)
  • naata 15.09.04, 12:29
    he he he ..
    Jurne Karliki w ty Rudzie Ślonskiej
    nie do mu ślubno to Fraszke mynczy ;-)))

    he he he Pozdrawiam
  • broneknotgeld 11.02.06, 20:16
    "Gdina, ad Gdinam" 1253

    Biskup Molimir wspomnioł ło Gdyni
    Tako szkryfniono - mo lot niy myni.
    --

    --
    forum.gazeta.pl/forum/71,1.html?f=28940
  • broneknotgeld 11.02.06, 20:19
    Gdynia 1362

    Cosik ło lokacji ty wioski szkryfnyli
    Niy na "pniu surowym" dyć tu piyrwyj żyli
    Z tym rokym jom czimion pany z Rusocina
    We prawie to jejich rycersko dziedzina.
    --

    --
    forum.gazeta.pl/forum/71,1.html?f=28940
  • broneknotgeld 20.04.06, 18:51
    Chylonka

    Ze Świynty Gory ponoć wypływo
    Toż se łostała i to niy dziwo
    Chyloński Potok kajsik ukryty
    Gdyński tyż stracioł se downo przi tym
    Dyć ta Chylonka ciyngym widzymy
    Czy jyj jak piyrwyj jednak pszajymy?
    .
    --
    forum.gazeta.pl/forum/71,1.html?f=28940
  • broneknotgeld 20.04.06, 18:52
    Kacza

    Toż jo wcale niy łonacza
    W gdyni potok zwany Kacza
    Tako Kaczy tu Dolina
    I Warszawy niy łomina
    Była piyrwyj - dyć Drewniano
    Czy cwilingrom tyż łoddano?

    --
    forum.gazeta.pl/forum/71,1.html?f=28940
  • broneknotgeld 20.04.06, 18:54
    Ze Bojana

    Ze wsi Bojano ta Kacza płynie
    Tako i Gdyni już niy łominie
    Podobnoś piyrwyj fest wylywała
    Regulowano teroz bezmała.

    --
    forum.gazeta.pl/forum/71,1.html?f=28940
  • broneknotgeld 20.04.06, 18:54
    Kaj molo

    Kaj molo w Orłowie
    Kacza wody wlywo
    Do Zatoki Gdański
    Tako już z niom bywo.

    --
    forum.gazeta.pl/forum/71,1.html?f=28940
  • broneknotgeld 16.04.04, 20:06
    Ferdynand Lepcke

    W Coburgu se rodzioł - w Berlinie sztudiowoł
    Bydgoszczy tyż łod sia cosik karlus dowoł
    "Łuczniczka" tu przeca zawdziynczajom chopu
    A jakby tak wrocić do jego "Potopu".

    --
    forum.gazeta.pl/forum/71,1.html?f=261
  • broneknotgeld 16.04.04, 20:12
    "Potop" - 1904

    Sto lot tymu Bromberg fontannom sie asioł
    Trza jom łodbudować - jo niy byda gasioł
    To Bydgoszczy rana ze ty drugi wojny
    Idzie to naprawić jak czas jest spokojny.

    --
    forum.gazeta.pl/forum/71,1.html?f=261
  • broneknotgeld 06.05.04, 07:08
    "Bolesław"

    Za Kołobrzegym niybieskim szlakym
    Wlyź w las pomorski miyndzy buczyna
    Nojstarszy domb tu przirody znakym
    Ajchlami suje niym przidzie zima

    Łoziymset lot już ponoć łon liczy
    Miano Chrobrego wzioł Bolesława
    Z niym se biskupstwo tutejsze liczy
    Tysionc lot z hokym zocno to sprawa.

    --
    forum.gazeta.pl/forum/71,1.html?f=261
  • broneknotgeld 06.05.04, 07:13
    "Warcisław"

    Inkszy domb szlaku ciyngym modrego
    Tyż ło Pomorzu szumi kolego
    W czinostym wieku Warcisław Czeci
    Pedzioł -"Niych tukej piyknie sie kleci"
    Doł prawa miejskie Kołobrzegowi
    Ło tym niy yno fraszka ci powiy.

    --
    forum.gazeta.pl/forum/71,1.html?f=261
  • broneknotgeld 18.07.04, 09:04
    W Kołobrzegu

    Godajom - latoś tam cosik tonio
    Yno ta woda jak downiyj słono
    Lipiec turystow ździybko wystraszoł
    I tako cyny jakby "wygasioł".

    --
    forum.gazeta.pl/forum/71,1.html?f=261
  • broneknotgeld 18.07.04, 09:08
    Starowka

    Hehe - po prowdzie łona jest modo
    Dyc przeca piykno - kożdy to godo
    Bozia uchronioł szczyńściym lod blokow
    Choć ich kusiyło do tego kroku.

    --
    forum.gazeta.pl/forum/71,1.html?f=261
  • broneknotgeld 18.07.04, 09:12
    "Cafe Padre"

    Ponoć ta kawiarnio w Kołobrzegu modno
    Żech niy wloz toż niy wiym czy richtig jest godno.

    --
    forum.gazeta.pl/forum/71,1.html?f=261
  • broneknotgeld 18.07.04, 09:15
    Latarnio morsko

    Chcesz połoglondać miasto z wysoka
    Dyć przeca wcale niy musisz skokać
    Wlyź na latarnio i se podziwej
    Widoki mosz tu przeca godziwe.

    --
    forum.gazeta.pl/forum/71,1.html?f=261
  • broneknotgeld 18.07.04, 09:18
    Kolberg

    Niymce do Kolbergu czynsto zoglondajom
    Swojich śladow jakby durś tukej szukajom.

    --
    forum.gazeta.pl/forum/71,1.html?f=261
  • broneknotgeld 18.07.04, 09:23

    W katedrze

    Co w katedrze kołobrzeski zochwycić cie może?
    Pewno to że sztyry metry majom tu lichtorze
    Dyć i ołtorz cocny przeca "Łostatni Wieczerzy"
    Werci se wom tu zoglondnońć - możecie mi wierzyć.

    --
    forum.gazeta.pl/forum/71,1.html?f=261
  • broneknotgeld 18.07.04, 09:27
    Baszta Prochowo

    Stare mury łobronne tyż tu jeszcze widać
    Szkryflom bo to tyż sie komuś może przidać
    Dyć Baszta Prochowo z piytnostego wieku
    Zocnym jest zobytkym - pamiyntej czowieku.

    --
    forum.gazeta.pl/forum/71,1.html?f=261
  • broneknotgeld 18.07.04, 09:30
    Ratusz

    Ratusz kołobrzeski - ano neogotyk
    Wiek swoj mo już przeca - to niy som gupoty
    Jakbych tela dożoł richtig byłbych rod
    Sto i siedymdziesiont z okładym mo lot.

    --
    forum.gazeta.pl/forum/71,1.html?f=261
  • broneknotgeld 18.07.04, 09:38
    Fort Wilczy

    Amfityjater z niego zrobiyli
    Czy przi miesionczku tu czasym wyli?

    --
    forum.gazeta.pl/forum/71,1.html?f=261
  • broneknotgeld 18.07.04, 09:41
    Uzdrowisko

    Zocnym uzdrowiskym przeca tyn Kołobrzeg
    Se gardło i pluca tukej wykurujesz
    Na inksze utropy tyż łon robi dobrze
    Nim wyjedziesz zowdy lepi sie poczujesz.

    --
    forum.gazeta.pl/forum/71,1.html?f=261
  • broneknotgeld 11.03.05, 21:28
    750-lecie miasta Kołobrzeg

    Czi ćwierci z tysionca mo już miejskich lot
    Bestoż cosik szkryfna boch ze tego rod
    A że ślonskom fraszkom ciyngym grzysza wiela
    Toż niom ubogaca kołobrzesko sztela.
    --
    forum.gazeta.pl/forum/71,1.html?f=261
  • broneknotgeld 29.03.05, 17:52
    W IX wieku

    W dziewiontym wieku grod tu Pomorza
    Kery mioł richtig blisko do morza
    Toż kilometrow yno te sztyry
    Drapko kożdego poniosły gyry
    Przi samym brzegu gorzy by było
    Bo łod Wikingow tu sie rojyło.
    --

    --
    forum.gazeta.pl/forum/71,1.html?f=261
  • broneknotgeld 30.03.05, 18:38
    Port grodu

    Był łon tukej nad Parsyntom
    Choć jo tego niy pamiyntom
    Przi zatoczce na jyj wodach
    W downych czasach kerych szkoda.

    --
    forum.gazeta.pl/forum/71,1.html?f=261
  • broneknotgeld 31.03.05, 08:36
    W X wieku

    Dwa podgrodzia rosnom tukej
    Jedne łod połednia szukej
    Druge stoji łod połnocy
    Som grod bardzi teroz w zocy.
    --
    --
    forum.gazeta.pl/forum/71,1.html?f=261
  • broneknotgeld 08.05.05, 10:26
    "Salsa Cholbergiensis"

    Warzelnie soli - z niych siyła grodu
    Kery urosnoł tu niy skiż jodu
    Do niego przeca wiod solny szlak
    I Thietmar szkryfnoł coś ło niym tak.

    --
    forum.gazeta.pl/forum/71,1.html?f=28940
  • broneknotgeld 28.05.05, 09:04
    Kołobrzeg 1000

    Toż był Kołobrzeg w rynkach Chrobrego
    Biskupstwo teroz - czy kaprys jego?
    Bolek na wielke sprawy se ważoł
    Niy wszysko wyszło ło czym fest marzoł.
    -
    --
    forum.gazeta.pl/forum/71,1.html?f=28940
  • broneknotgeld 29.05.05, 14:24
    Biskup Reinberg

    Ze woli Bolka biskupstwo wzioł
    Dziesiyńć lot ziymia pomorsko krzcioł
    W końcu go władca na Rusyprawioł
    By z jego cerom u ziyńcia bawioł
    Tam we hereszcie doczkoł łon śmierci
    I ze biskupstwym cołkym był fertig.
    --

    --
    forum.gazeta.pl/forum/71,1.html?f=28940
  • broneknotgeld 09.06.05, 18:14
    W XI wieku

    Łosłabły pryndko tu Polan rynce
    Kołobrzeg ze tym już niy we mynce
    Siedzibom ksiyńcia jest pomorskiego
    Choć historyjo zatarła jego.
    --
    --
    forum.gazeta.pl/forum/71,1.html?f=28940
  • broneknotgeld 06.05.04, 07:19
    Barlinek

    Barlinek mioł być "Berlinkym" zwany
    Dyć to niy klapło - jak świyże rany
    Spolszczyć - za mało. Zmiynić trza było
    By co niymiecke bardzi se skryło.

    --
    forum.gazeta.pl/forum/71,1.html?f=261
  • broneknotgeld 06.05.04, 07:22
    Pałacyk Cebulowy

    Sto lot ta willa piykno tu stoji
    Dwie wieże po jeji bokach
    We "cebulowe hełmy" se stroji
    Z zochwytu idzie aż skokać.

    --
    forum.gazeta.pl/forum/71,1.html?f=261
  • broneknotgeld 06.05.04, 07:27
    Nad jeziorym

    Barlinecke wody - zoglondnij na plaża
    Tu "lata dwudzieste" jakby przed łoczami
    Chodza po pomostach i tako se marza
    "Werciyło być tukej tyż przebiyralniami".

    --
    forum.gazeta.pl/forum/71,1.html?f=261
  • broneknotgeld 12.05.04, 16:22
    "Gyńsiorka"

    Na rynku "Gyńsiorka" stoji
    Niby sie gyńsiora boji
    Coś legynda godo ło tym
    Se to szkryfna jednak potym

    Dzisioj to jest symbol miasta
    Bez niyj biydne - no i basta
    Szczyńściym że sie tu łostała
    Lot już przeca sto - bezmała

    Dyć przed piyrszom wojnom jeszcze
    Se stanyła we tym mieście
    Barlinczykow dwoch jom fundło
    Ackermana dzieło wciongło

    Czym Barlinek bez "Gyńsiorki"?
    Szło zapytać by sie storki
    Toż niy yno - tyż tych modych
    Przeca z niom wiyncy urody.

    --
    forum.gazeta.pl/forum/71,1.html?f=261
  • broneknotgeld 13.05.04, 17:16
    Elias Meisner

    Łon tyn Barlinek w świecie rozsławioł
    Toż jego papior to przeca sprawioł
    Chcioł szkryflać na niym niyjedyn dwor
    Słoł Eliasowi talarkow wor.

    --
    forum.gazeta.pl/forum/71,1.html?f=261
  • broneknotgeld 13.05.04, 19:06
    "Staro papiyrnia"

    We łoziymnostym wieku już była
    Piykny czerpany papior robiyła
    Kery krol Szwecji ponoć używoł
    Że ze Barlinka - tymu sie dziwoł

    Z czasym papiyrnio jednak zamknyli
    Na młyn zbożowy to przerobiyli
    Wiek przeszło cały monka durś mloli
    Ło jeji sorta nic sie niy boli

    Dyć nastoł koniec - mieli sumiynie
    Ciepnońć to wszysko na zatracynie?
    Szczyńściym niy doszło jednak do tego
    Zobytek blyszczy - wierz mi kolego.

    --
    forum.gazeta.pl/forum/71,1.html?f=261
  • broneknotgeld 13.05.04, 19:09
    "Drzewko Sławy"

    W muzeum miejskim te drzewko stoji
    Liść tu powiesić niy kożdy może
    Łone "sławami" przeca sie stroji
    Kere we zocy miywo Pomorze.
    --
    forum.gazeta.pl/forum/71,1.html?f=261
  • broneknotgeld 13.05.04, 19:16
    "Chiński Dom"

    Kaj kedyś była ta Furta Wodno
    Chałpa ciekawo stanyła
    Tyż tego miasta jest przeca godno
    Historii jakby w niyj siyła

    Miyszkoł tu kedyś zocny pigulorz
    Co w Chinach uczoł sie fachu
    Barlinku - ty mie chyba niy fulosz
    - Znoł medykamynt łod strachu?

    --
    forum.gazeta.pl/forum/71,1.html?f=261
  • broneknotgeld 14.05.04, 18:47
    Legynda ło gyńsiorce

    Podobno gyńsi retły roz Rzym
    Jo ło tych ptokach coś wiyncy wiym
    Miasto Barlinek w zocy je mo
    I niy godejcie że mi sie zdo

    Łonki tutejsze to gyńsi raj
    Pasła je frela co była naj
    Zowiść niyszczyńściym - kożdy to wiy
    Pedzieli - "Dziołcha czar ciepie zły"

    Dyć szykowali już wielki stos
    Kat se do celi ze rana wloz
    A łona rzyko - "Niebo - Ty broń"
    "Łogyń łodymie daleko goń"

    Wyszła na rynek i ptokow klucz
    Nadlecioł - Tako Bog pedzioł - "Pódź"
    Zabrały dziywa ze sobom w dol
    Yno karlusom było jyj żol.

    --
    forum.gazeta.pl/forum/71,1.html?f=261
  • broneknotgeld 16.05.04, 10:36
    Emanuel Lasker (1868-1941)

    Toż tyn filozof i matymatyk
    Sercym szachista był wielki
    Zowdy łobronioł łon sie przed matym
    Knif na to richtig mioł wielki

    Dyć niy dziwota - arcymistrz świata
    Przez lot dwadziścia i siedym
    Aż po dwudzieste ciekawe lata
    Łon na świyczniku był jedyn

    Dzisioj w Barlinku na chałpie fatra
    Jest ło niym piykno tabula
    Jo tyż w pamiyńci sie go niy zatra
    Wort miana jest - "Szachow Krola".

    --
    forum.gazeta.pl/forum/71,1.html?f=261
  • naata 15.07.04, 09:50
    forum.gazeta.pl/forum/72,2.html?f=59&w=14038356
    Popieram Bronka, GW zyska sympatię nie tylko Śląska,( podniesiesz jej
    czytelność hehehe) krzewienie kultury ludowej,
    "małych ojczyzn", szczególnie teraz po wstapieniu do Unijnego molocha jest
    nawet wskazane. Przecież chodzi o to by nie zapomniec swoich korzeni.
    Powodzenia, Bronku, w realizacji dobrej roboty!

    Pozdrawiam
  • broneknotgeld 16.07.04, 08:07
    Dziynki

    Mogło by ze tym być richtig piyknie
    Trza "bić" se ło to! Czy nerwow styknie?
    --
    forum.gazeta.pl/forum/71,1.html?f=261
  • broneknotgeld 16.07.04, 08:04
    Wester Piknik Country - 18.VII.04

    We Świnoujściy "kowboje" grajom
    Tyż wczasowicze uciecha majom
    A że pogoda nijako latoś
    Możno tyn piknik zabawi jakoś.

    --
    forum.gazeta.pl/forum/71,1.html?f=261
  • broneknotgeld 16.07.04, 08:11
    A miano jego "sztyrdziści sztyry"

    Mo Świnoujście tych wysp aż tela
    Choć możno zdziwi cie to tyż wiela.

    --
    forum.gazeta.pl/forum/71,1.html?f=261
  • broneknotgeld 16.07.04, 08:16
    Forty

    We Świnoujściu bliknij na forty
    Przeca tyn widok wiela jest worty
    Stojom tam z wieku dziewiytnostego
    I ciynżko znolyźć tyż zocniejszego
    Niż tyn co miano Gerharda nosi
    Idź na te forty - niy dej se prosić.

    --
    forum.gazeta.pl/forum/71,1.html?f=261
  • broneknotgeld 16.07.04, 08:19
    Komyndant Fortu Gerharda

    We pikelhaubie znojdziesz go tukej
    Dyć piyrwyj forsy na to po poszukej.

    --
    forum.gazeta.pl/forum/71,1.html?f=261
  • broneknotgeld 16.07.04, 08:21
    Krasibor

    Co nyńci wiela we Krasiborze?
    Ryby! Toż dowo je tukej morze.

    --
    forum.gazeta.pl/forum/71,1.html?f=261
  • broneknotgeld 16.07.04, 08:25
    Latarnio

    Toż nojwiynkszo latarnio w Europie
    Czi setki schodkow - zmynczysz sie chopie
    Jednak podreptać werci sie w gora
    Dyć chciało by sie mieć potym piora
    Bele we krzidłach by były łone
    No bo inaczy twoj skok to koniec.

    --
    forum.gazeta.pl/forum/71,1.html?f=261
  • broneknotgeld 16.07.04, 08:26
    Latarnio

    Toż nojwiynkszo latarnio w Europie
    Czi setki schodkow - zmynczysz sie chopie
    Jednak podreptać werci sie w gora
    Dyć chciało by sie mieć potym piora
    Bele we krzidłach by były łone
    No bo inaczy twoj skok to koniec.

    --
    forum.gazeta.pl/forum/71,1.html?f=261
  • broneknotgeld 16.07.04, 08:29
    Wiatraczek

    Bioły wiatraczek na falochronie
    Tu przidź jak słonko chce godać - koniec.

    --
    forum.gazeta.pl/forum/71,1.html?f=261
  • broneknotgeld 16.07.04, 08:32
    Uzdrowisko

    Możesz pobabrać sie w borowine
    Kompiel z solanki tyż cie niy minie
    I chocioż "stracisz" tukej swoj grosz
    Przeca na zdrowie chyntnie go dosz.

    --
    forum.gazeta.pl/forum/71,1.html?f=261
  • broneknotgeld 16.07.04, 08:34
    Golf

    W golfa se idzie zagrać tyż tukej
    Pol pora znojdziesz yno poszukej.

    --
    forum.gazeta.pl/forum/71,1.html?f=261
  • naata 16.07.04, 08:43
    Bronku, wybacz moje pytanie nie na temat, ale, jak Ty to robisz?? Czy to jest
    możliwe byś ot tak z rękawa na kążdą okazje, o każdym czasie wierszem/fraszką
    sypnął i to w ilościach zaskakujących? ;) Zdolny jesteś Pieronie ;-))
    Pozdrawiam