Dodaj do ulubionych

Kultura na Ślonsku

13.06.04, 09:51
Możno ktoś chyci tyż taki tymat
No bo na razie jakby go niy ma
"Harfa" ło Rudzie łotwarła cosik
Ale to przeca jest yno "grosik"

Na cołkim Ślonsku wiela sie dzieje
Dusza do tego se czasym śmieje
Dyć trza to wszysko bardzi promować
Choćby i tako - posty tu dować.
--
forum.gazeta.pl/forum/71,1.html?f=261
Edytor zaawansowany
  • broneknotgeld 13.06.04, 09:56
    Hehe

    A jak ktoś powiy - "To niy ło Rudzie"
    Niy musi mynczyć sie w naszym "cudzie"
    Bo możno Ślonska łon niy rozumi
    Choć mu sie zdowo - poskopić umi.
    --
    forum.gazeta.pl/forum/71,1.html?f=261
  • broneknotgeld 13.06.04, 10:04
    "Staro baśń" w Chudowie

    "Staro baśń" w Chudowie gości
    Znojdziesz tam łod Piasta wojow
    Choć z nich byli ludzie prości
    Dyć som dobrzy tyż we boju

    Chcesz łoboczyć - dzisioj jedź
    Bo impreza w ty niydzieli
    Niy chcesz - to na dupie siedź
    Choć sie werci tam weselić.
    --
    forum.gazeta.pl/forum/71,1.html?f=261
  • broneknotgeld 25.06.04, 23:37
    "Festiwal Marasu" -27.06.04 łod 12.00 do 18.30

    Chcesz pociaprać sie w marasie
    Chudow woło - to na czasie
    Niy zabraknie borowiny!
    Ło pieronie! Co za miny?!
    --
    forum.gazeta.pl/forum/71,1.html?f=261
  • broneknotgeld 09.07.04, 23:13
    Chudow 12.VII.04. po 14.00

    We Chudowie rychtujom zaś "Ślonsko Biesiada"
    W niydziela zjydz łobiod - potym jedź na zamek
    Tako na czas wolny tukej moja rada
    Tam niy bydziesz musioł powyciyrać klamek.
    --
    forum.gazeta.pl/forum/71,1.html?f=261
  • broneknotgeld 11.09.04, 14:01
    II Kartoflada w Chudowie 12.IX.2004

    Hameryka tyż nom skarby swoje dała
    Jednym tyn kartofel - nojzocniejszy w świecie
    Z niym już roz ta sztela uciecha fest miała
    Myśla że i latoś "Kartoflady" chcecie.
    --
    forum.gazeta.pl/forum/71,1.html?f=261
  • broneknotgeld 13.06.04, 10:10
    Salwador Dali we Mikołowie

    Salwador Dali we Mikołowie
    Jeszcze dwa tydnie - to mom we gowie
    Jego grafiki w ichnim MDKu
    Idzie podziwać se tam czowieku.
    --
    forum.gazeta.pl/forum/71,1.html?f=261
  • broneknotgeld 13.06.04, 10:13
    27.VI.2004 - Śmiłowice

    Festyn w Śmiłowicach - radości z tym wiela
    "Chłop Roku" tam bydzie - szkryfna yno tela.
    --
    forum.gazeta.pl/forum/71,1.html?f=261
  • broneknotgeld 03.07.04, 16:23
    "Varius Manx" 04.VII godz. 20.30

    Łod piontku lecom "Dni Mikołowa"
    Choć poniywczasie - coś trza tu dować
    Myśla - tyn zespoł fanow prziciongnie
    Ze Rudy blisko - zabawa wciongnie.
    --
    forum.gazeta.pl/forum/71,1.html?f=261
  • broneknotgeld 09.07.04, 23:21
    "Rękopisy poetów" - VII-VII.04

    W Insztytucie Mikołowskim znojdziesz te handszrifty
    Na Wojaczka i Szymborski możesz se dziwować
    Dyć i inkszych wierszokletow połoglondoł byś ty
    Beleś yno na wystawa zechcioł podrałować.
    --
    forum.gazeta.pl/forum/71,1.html?f=261
  • broneknotgeld 29.05.05, 10:18
    Mikołowskie Dni Muzyki
    29.V. - 2.VI.2005

    Muzykom poważnom Mikołow nos kusi
    Takom co nikerych zdo sie jakby dusi
    Zaś inkszych przepiyknie pohalo po uszach
    W niyj przeca klasyki światowy jest dusza.
    --
    forum.gazeta.pl/forum/71,1.html?f=28940
  • broneknotgeld 20.10.06, 20:30
    Mikołow 20.X.2006

    Anu - muzeum prawie łotwarte
    Dlo Mikołowa wiela to warte
    Frelki radośnie zatańcowały
    Ze downych wiekow muster w tym brały.

    --
    forum.gazeta.pl/forum/71,1.html?f=28940
  • broneknotgeld 13.06.04, 10:16
    "Chłop Roku 2004"

    "Jak jo chodzioł do szkoły
    Uczyli mie rechtory
    Piwo pić w karty grać
    I z dziołchami tańcować"

    Tako chłop ze Brzeźcow na konkursie śpiywoł
    Bestoż ty wygrany jo sie nic niy dziwoł.
    --
    forum.gazeta.pl/forum/71,1.html?f=261
  • broneknotgeld 13.06.04, 10:23
    "Witomy Chłopa Roku"

    Jak z Racławic wrocoł do tych Brzeźć pod Pszczynom
    Tarcza mioł przi boku - niy nadrobiol minom
    Sołectwo se cołke ze niym weselyło
    Dyć we Polsce łone jakby piyrsze było.
    --
    forum.gazeta.pl/forum/71,1.html?f=261
  • broneknotgeld 25.06.04, 23:47
    "Ślonsk i Małopolska w Europie Regionow"

    Pod tym hasłym Pszczyna wielki piknik robi
    Przeca niy łod dzisioj te miasto Ślonsk zdobi
    To tyż skiż Słowynii co świynto fajruje
    Dyć tukej Europa naprowdy sie czuje.
    --
    forum.gazeta.pl/forum/71,1.html?f=261
  • broneknotgeld 13.06.04, 10:29
    Katowicko "Benedyktynka"

    W Bibliotece Ślonski galerio ciekawo
    Ze mianym niy było za wiela utropy
    Toż "Benedyktynka" - prziznocie że "klawo"
    Tym bardzi że adres tyż "Rady Europy".
    --
    forum.gazeta.pl/forum/71,1.html?f=261
  • broneknotgeld 21.07.04, 23:43
    "22 Lipca"

    Świynto bydzie w Katowicach
    To niy jakeś "jaja"
    Możesz tyż sie tym zochwycać
    Na 3-go Maja.


    --
    forum.gazeta.pl/forum/71,1.html?f=261
  • broneknotgeld 10.09.04, 07:42
    "Artysty Katowic"

    Plac Grunwaldzki z galeryjom "Artystow Katowic"
    Cybulski i Strya już tam bydom - to wiydz.
    --
    forum.gazeta.pl/forum/71,1.html?f=261
  • broneknotgeld 16.10.04, 16:51
    "Cholonek" w tyjatrze

    Tyjater Korez "Cholonka" gro
    Uciecha z tego tyż Janosch mo.
    --
    forum.gazeta.pl/forum/71,1.html?f=261
  • broneknotgeld 08.11.04, 19:48
    "Biblia w sztuce" - Muzeum Ślonske 29.X - 29.XI.04

    Biblijne grafiki se połoglondocie
    Godefroya Dorego Chagalla tu mocie
    Diks możno zochwyci - tako samo Dali
    Rafaela jakby łoni przerobiali.
    --
    forum.gazeta.pl/forum/71,1.html?f=261
  • broneknotgeld 29.05.05, 10:15
    Kościoł pw. Opatrzności Bożej
    29.V.2005.godz.18.00

    Gębalski we kościele zagro papiyżowi
    Konieczny zaś batutom tako cosik powiy
    Chor "Lutnia" zaśpiywo choć smutno na duszy
    Janie Pawle możno i Niebo se wzruszy.
    --
    --
    forum.gazeta.pl/forum/71,1.html?f=28940
  • broneknotgeld 31.12.05, 17:27
    Sylwester 2005 - Rynek

    Dyskoteka i "Antyki"
    Łodmłodzajom stare pryki
    A do tego - richtig wierzcie
    Se dołonczom przeca "Leszcze".
    --

    "Niywinni Czarodzieje"

    W klubie "Hipnoza" te "czarodzieje"
    Toż se we Sylwka tam wiela dzieje.
    --

    W "Mega Clubie"

    W "Mega Clubie" przi hip-hopie
    Możno stary rok ktoś skopie
    Nowy tako tam prziwitosz
    W Katowicach - jak se pytosz.

    --
    Gugalander - "Sylwester AllStars"

    Łod Presleya do Leppera
    Toż niy chyci cie cholera.

    --
    forum.gazeta.pl/forum/71,1.html?f=28940
  • broneknotgeld 18.01.14, 19:31
    Konkurs limerykow katowickich - po naszymu

    Limeryki Katowic chytajom
    Limerykom w ty szteli dyć pszajom
    W nocy parzom wos bety?
    -Do filerow poety!
    Kunszt Katowic rozblyśnie - niy bajom!
    Rym Bogucic, Ligoty mo dusza
    Nikiszowiec choć wspomnieć tyż musza
    Kej limeryk na fali
    We Brynowie mu pszali
    Szpas w Giszowcu echt ślonskim nabrusza
    *****

    Limeryki trzi prziślijcie
    Tu, e-mailym - tako chciyjcie
    Dyć se dowiydz
    Skiż Katowic
    Czekōm - wyny wiela miyjcie
    Dejcie pozōr - coś nowego
    Link tyż idzie dać do tego
    Ze ty szteli
    Z tym weseli
    Ze Katowic coś zocnego
    A dyć niy dziwejcie tymu
    Zdjyńcie idzie kłaść do rymu
    Coby cieszyć
    A niy grzeszyć
    Djosek tyż wloz kejś do "Rzymu"
    Musu w tym jednak niy bydzie
    Kunszt bez linka tyż niy w biydzie
    Ktō chce kliknie
    Ktō chce bliknie
    Prōmocyjo szteli przidzie

    Jako zowdy z jurorami
    Noty dadzōm - wiycie sami
    Trzi, dwa, jedyn
    Niy trza kredy
    Szpas zrychtujōm nōm klikami
    Jeszcze styczniym sztartujymy
    Styknōm trzi zestawy - wiymy
    Dyć rachuja
    Forszteluja
    Co autorōw skuszōm rymy
    Niych drap leci punktacyjo
    Kaj limeryk - kōmedyjo!
    Erbnie wiyncy
    Niych niy jynczy
    Ze tym wygro - kryjolyjo!
    W lutym bydzie szlus - dziwejcie
    Dali notōw niy szkryflejcie
    Laureaty
    Bydōm za tym
    Kej czas leci niy czekejcie.

    nk.pl/#forum/17/977/665?find=last#post2
    --
    Ruda Śląska - stolica fraszki
  • broneknotgeld 24.06.04, 23:10
    Noc Świyntojańsko w Gliwicach 25.VI.04 - 18.00-23.00

    Na placu Krakowskim bydzie tyz zabawa
    Tyjater Muzyczny to łorganizuje
    "Brathanki" wystompiom - toż ciekawo sprawa
    Bele dyszcz radochy jednak niy popsuje.


    --
    forum.gazeta.pl/forum/71,1.html?f=261
  • broneknotgeld 17.09.04, 21:06
    Myśla że niy ma tukej przipodku
    Co zaś Gliwice ze tym na przodku.
    --
    forum.gazeta.pl/forum/71,1.html?f=261
  • broneknotgeld 17.09.04, 21:10
    18 września 9 rano

    Łorkestra dynto zagro w Gliwicach
    Kerom sie asi gruba "Sośnica"
    Przyńdzie z banhofa do willi Caro
    Tam Dni Dziedzictwa kaj niy ma szaro.
    --
    forum.gazeta.pl/forum/71,1.html?f=261
  • broneknotgeld 17.09.04, 21:12
    Turniej rycerski przi zamku

    Turniej rycerski tukej w sobota
    Kmiotki se tymu dziwujom
    Dlo raubritera to niy gupota
    Jak kapsy puste tam czujom.
    --
    forum.gazeta.pl/forum/71,1.html?f=261
  • broneknotgeld 17.09.04, 21:14
    W niydziela tako samo z tym bydzie
    Dyć możno wiyncy ludziskow przidzie.
    --
    forum.gazeta.pl/forum/71,1.html?f=261
  • broneknotgeld 17.09.04, 21:16
    W Willi Caro

    Żydowsko nuta ci włazi w uszy
    Na zespoł Kroke bydziesz chcioł ruszyć.
    --
    forum.gazeta.pl/forum/71,1.html?f=261
  • broneknotgeld 17.09.04, 21:18
    Gliwicki rejs

    Ze portu w Gliwicach do Łabynd popłyniesz
    Dyć Wrocka przi tymu po drodze niy miniesz.
    --
    forum.gazeta.pl/forum/71,1.html?f=261
  • broneknotgeld 17.09.04, 21:22
    Hutniczy kerchof

    Na kerchof hutnikow zoglondnońć tyż czeba
    Właziyli do "piekła" - trefiyli do nieba
    --
    forum.gazeta.pl/forum/71,1.html?f=261
  • broneknotgeld 17.09.04, 21:26
    Ruiny tyjatru

    Ta łostatnio wojna co z nami zrobiyła?
    Richtig nawet sztuka wielkim wrogym była
    Łostała ruina by my pamiyntali
    Nawet w takich murach tyż cosik zagrali.
    --
    forum.gazeta.pl/forum/71,1.html?f=261
  • broneknotgeld 21.09.04, 07:47
    Były minyły Dziedzictwa Dni
    Za rok zaś przidom - miasto to wiy.
    --
    forum.gazeta.pl/forum/71,1.html?f=261
  • broneknotgeld 23.09.04, 19:25
    "Spotkanie z Nikiforem" 24-26.IX.2004

    Łobrozki łod niego muzeum zbiyrało
    Teroz w Multikinie ciekawo wystawa
    Coby film niy yno se tu łoglondało
    Dyć i akwarele - richtig zocno sprawa.
    --
    forum.gazeta.pl/forum/71,1.html?f=261
  • broneknotgeld 31.12.05, 17:28
    Plac Krakowski

    Prziszło by wom to do gowy?
    Tukej Sylwek laserowy
    DJ Lexus i "Novika"
    Ściongnom ołpy nawet z pryka.

    --
    forum.gazeta.pl/forum/71,1.html?f=28940
  • broneknotgeld 25.06.04, 23:42
    Dni Tyskie 26-27.06.04

    Łod siedymdziesiyńciu lotek już niy żywot wiejski
    Dyć radujom sie tyszanie z nadano praw miejskich
    A do tego Browar Tyski gyburstag fajruje
    Szkryfna yno że to wszyskim tukej fest sztimuje.
    --
    forum.gazeta.pl/forum/71,1.html?f=261
  • broneknotgeld 09.07.04, 22:59
    Leluje w Rybnickim Cyntrum Kultury 11-12.VII.04

    Idzie połoglondać se tam piykne kwiotki
    Kere zochwycajom tyż ślonske czelodki
    Nojgryfniejszo leluja możesz "wytypować"
    Nagrody przi tymu ponoć bydom dować.
    --
    forum.gazeta.pl/forum/71,1.html?f=261
  • broneknotgeld 25.07.04, 12:46
    IV Festiwal Filmowy "Era Nowe Horyzonty"

    Zaczli łod Almodovara
    Ło festiwal trza sie starać
    Jedynoście dyć trwo dni
    Gorom Cieszyn - to sie wiy.
    --
    forum.gazeta.pl/forum/71,1.html?f=261
  • broneknotgeld 25.07.04, 12:55
    Muezzin w Cieszynie

    Muezzin w Cieszynie rzykać nawołuje
    Choć Polska w Iraku terozki wojuje
    Taki tu heppenig se Foksal zrychtowoł
    Byś przi festiwalu pozor na to dowoł.
    --
    forum.gazeta.pl/forum/71,1.html?f=261
  • broneknotgeld 21.08.04, 21:55
    "Teatr Pieśń Kozła" - Wrocek

    W Edynburgu blyśli mocno "Kronikami"
    Tyż łoni ślonskimi som "Gilgameszami"
    Dyć w trupie niy yno Poloki tam grajom
    Europa we śpiywie i tańcu durś majom.
    --
    forum.gazeta.pl/forum/71,1.html?f=261
  • broneknotgeld 16.11.04, 22:11
    Nagroda Ksiynżny Jadwigi Ślonski

    Latoś we Wrocku jom prziznowali
    Muster cołkymu Ślonskowi dali
    Toż piyrszy roz to se tukej stało
    Już tako jednak bydzie kulało

    Co roku dadzom "Jadwigi" dwie
    Polok i Niymiec dostanom je
    Kutz ze Heisigym terozki razym
    Jakby ty świynty ślonski łobrazym.


    --
    forum.gazeta.pl/forum/71,1.html?f=261
  • broneknotgeld 23.08.04, 20:32
    Dni Orzesza - 4-5.IX.2004

    Na "Dni Orzesza" wybrać se idzie
    Możno uciechy z tym wiela bydzie
    Tyż fojerwera sto lot już majom
    Fajer skiż tego bo im fest pszajom.
    --
    forum.gazeta.pl/forum/71,1.html?f=261
  • broneknotgeld 10.09.04, 11:34
    "Gwarki" 10-12.IX.2004

    Już dzisioj "Gwarki" tukej sztartujom
    Dyć wszyscy chyńć do zabawy czujom
    Na czi dni bydzie z tego radocha
    W Tarnowskie Gory zajrzyj choć trocha.
    --
    forum.gazeta.pl/forum/71,1.html?f=261
  • broneknotgeld 10.09.04, 11:38
    "Blue Cafe" 10.IX.2004

    "Blue Cafe" tukej na "Gwarki" zjedzie
    Ciekawe jak im se teroz wiedzie
    Choć we Europie już niy zablysnom
    Dyć miyndzy gwiozdki ciyngym tyż cisnom.
    --
    forum.gazeta.pl/forum/71,1.html?f=261
  • broneknotgeld 18.11.06, 15:29
    04.12.2006 Nakło Ślonske

    W downym zamku Donnersmsrckow łobrozy Trefonia
    Dlo mnie ździybko za daleko - latoś niy pogonia
    Dyć przi tymu tyż se w łoku jakby fraszka kryńci
    Bo kunszt taki naszo Ruda zdo sie yno mynczy.
    --
    forum.gazeta.pl/forum/71,1.html?f=28940
  • broneknotgeld 21.09.04, 07:46
    "Prix Italia"
    Radio Katowice w Katanii wygrało
    "Cena pracy" z dołu wylazła na szpic
    Dwie Anny we wiyrchu - radości niymało
    Dlo bergmona z tego jednak prawie wic.
    --
    forum.gazeta.pl/forum/71,1.html?f=261
  • hepik1 23.09.04, 05:40
    broneknotgeld 22.09.2004 23:14 odpowiedz na list odpowiedz cytując

    Ty richtig niy wiysz jak szkryforz gupie
    Lepi sie pogrzeb palcym we dupie.
  • broneknotgeld 09.10.04, 20:41
    Nagroda Nike

    No toż Nike dostoł "Gnoj"
    Kuczok mioł z tym pewno znoj
    Choć możno tyż skuli "Pryng"
    W gowach jury łon sie lyng.
    --
    forum.gazeta.pl/forum/71,1.html?f=261
  • broneknotgeld 08.12.04, 19:09
    Kultura ślonsko mo być na fali
    Co przeciw stanie idzie łobalić.
    --
    forum.gazeta.pl/forum/71,1.html?f=261
  • w36 18.12.04, 00:23
    Co ty bronek zasypujesz te forum starymi wątkami, tak intensywnie jak teraz. Czy
    coś tam jest niewygodnego dla Ciebie, że o tej porze jeszcze sujesz? Może jakieś
    dyrektywy dostałeś?
    :)))
  • broneknotgeld 31.12.05, 17:31
    Klub Muzyczny Kocynder

    "Kogel mogel" w Sylwka bydzie
    Pewno wiela chyntnych przidzie.

    --

    Sylwester w Piramidzie

    Z nagrodami dyskoteka
    Laptop bydzie na cia czekać.
    --

    Art Cafe Zanzibar

    Bassylwester w "Zanzibarze"
    We pamiyńci se niy zmaże.

    --

    W "Leśniczowce"

    W "Leśniczowce" Sylwek z rockym
    bluesym soulym - toż pod bokym.

    --

    Klub "Szuflada"

    We "Szufladzie" Sylwek-party
    Cobyś niy boł tam łożarty.

    --
    forum.gazeta.pl/forum/71,1.html?f=28940
  • broneknotgeld 28.02.07, 23:20
    No ja, te tabule za informacjami ło rudzkich zobytkach by se richtig przidały.
    Dyć jak tam niy bydzie wymiyniony halymbski dworek Donnersmarckow, to jakby se
    to zdało na psinco.

    --
    Ruda Śląska - stolica fraszki
  • broneknotgeld 21.12.13, 10:38
    Dziecionteczko tego chciało
    rtpd.eu/2013/12/20/jest-%E2%80%9Erudzkie-betlejem%E2%80%9D/
    Tako bydzie radowało.

    --
    Ruda Śląska - stolica fraszki
  • broneknotgeld 24.12.13, 00:18
    Rymowanek rudzkich wiela
    Sie raduje karlus, frela!
    rudaslaska.com.pl/p,s,plebiscyt,wybierz-ulubiona-rymowanke-o-rudzie-slaskiej,930929,977769.html
    --
    Ruda Śląska - stolica fraszki
  • broneknotgeld 25.12.13, 12:16
    Betlyjki rudzke do sia tyż proszom
    Radości tela - ofyn jom głoszom.
    rudaslaska.com.pl/i,rudzkie-szopki-bozonarodzeniowe,200274,977397.html
    --
    Ruda Śląska - stolica fraszki
  • broneknotgeld 31.12.13, 15:25
    Link na wieści
    Tu sie zmieści.

    rudaslaska.com.pl/i,rudzkie-betlejem,378054,978302.html
    --
    Ruda Śląska - stolica fraszki
  • broneknotgeld 18.01.14, 16:09
    Zaś se we Halymbie dzioło
    Jako zowdy - tyż wesoło.
    www.wiadomosci24.pl/artykul/ruda_slaska_wernisaz_wystawy_andrzeja_sodowskiego_293353.html
    --
    Ruda Śląska - stolica fraszki
  • jankolodziej 18.01.14, 18:20
    Niy za wiela sam sie dzieje
    bo nom Bogdan za kragel leje ...
    www.autonomia.pl/n/jak-nas-grabi-ekipa-bogdana
    --
    www.jankolodziej.neostrada.pl
  • broneknotgeld 18.01.14, 19:32
    No, to pokazuje prawie jako nos ta cyntrala traktuje.
    --
    Ruda Śląska - stolica fraszki

Popularne wątki

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka