Dodaj do ulubionych

Tragedyjo "Skiż prow autorskich"

28.10.11, 18:28
Tragedyjo "Skiż prow autorskich"

Tragedyjo na dwa fora
Zdo sie jakby boło wczora.
--
Ruda Śląska - stolica fraszki
Edytor zaawansowany
  • broneknotgeld 28.10.11, 18:29
    Skuli prow autorskich tako tragedyjo
    Ano - w Necie ze tym ciyngym jest mecyjo
    Tako i Ślonzokom utropa z plagiatym
    Tela yno pedzieć? Dyć niy stanie na tym!

    Kunsztym godka ślonsko blyszczy w "naszy-klasie"
    Rozkwito terozki, we ciekawym czasie
    Nikierzy jom prawie chcom kodyfikować
    Jynzykym regjonu w polskim prawie stowiać

    Inksi sie starajom ło literatura
    Kej echt-ślonskom bydzie - godka z tym we gora
    Konkurs ślonski fraszki gościoł w rudzkim forum
    Toż komuś trza było niy yno humoru

    Co skiż tego stało? Ano - chnet dowiycie
    Chyńci przeca stykło, dyć zło niesie życie
    Wirtualnie tako sie mnoży i rośnie
    Tropi kej by mogło być richtig radośnie.
    --
    Ruda Śląska - stolica fraszki
  • broneknotgeld 28.10.11, 18:29
    Berbel, Lyjo, no i Bolek
    W "naszy-klasie" choć niy szkole
    Sie ze Lyjnom tyż skamracom
    Rudzke forum ubogaom.
    --
    Ruda Śląska - stolica fraszki
  • broneknotgeld 28.10.11, 18:32
    Erna z Hyjdlom sztama trzimie
    Ignac przi nich niy podrzymie
    Julek tako wspiyrać bydzie
    Kryjolyjo - co to przidzie?!
    --
    Ruda Śląska - stolica fraszki
  • broneknotgeld 28.10.11, 18:35
    Ichnie forum mo rozkwitać
    nk.pl/#forum/10/6631
    W tyn czas nikt niy myśli citać.
    --
    Ruda Śląska - stolica fraszki
  • broneknotgeld 28.10.11, 18:36
    Łobroz I - "Koncept"

    Trza jakoś sztartnońć - tako zaczyno
    Koncept konkursu tu przipomino
    Wiela zocnego sie w tym zdowało
    Potym dowiycie co łokozało.
    --
    Ruda Śląska - stolica fraszki
  • broneknotgeld 28.10.11, 18:36
    Ignac
    ------

    Boł na rudzkim forum konkurs ślonski fraszki
    Wartko sie pokuloł, dyć yno igraszki
    A zy mie romantyk - we gowie liryka
    Kunszt wysoki chwola - niy szpasym mi klikać!
    Ślonske wice, fraszki, rymowanki wszyndy
    Jako balakwastry - trza zocnieszy grzyndy!
    --
    Ruda Śląska - stolica fraszki
  • broneknotgeld 28.10.11, 18:37
    Bolek
    -----

    Ignac - ło co idzie? Czy fraszka ci wadzi?
    Cosik na tym tracisz kej sie rym paradzi?
    Szpas mo swoje miejsce we ślonski kulturze
    Jo starom sie coby fraszka boła w gorze.
    --
    Ruda Śląska - stolica fraszki
  • broneknotgeld 28.10.11, 18:38
    Ignac
    ------

    Ano, przeca widać - koncept sowizdrzolski
    Zdo sie "bercikowy" i przi tymu swojski
    Dyć kunszt poezyji to niy "czynstochowa"
    Wiersz bioły, liryka - we tym moja gowa!
    --
    Ruda Śląska - stolica fraszki
  • broneknotgeld 28.10.11, 18:39
    Bolek
    -----

    Sie "piszesz inaczy" już na rudzkim forum
    Dyć niych cie niy tropi co skuli humoru
    I na labiydzynie czasu niy trza tracić
    Roztomajcie idzie godka durś bogacić.
    --
    Ruda Śląska - stolica fraszki
  • broneknotgeld 28.10.11, 18:40
    broneknotgeld napisał:

    > Bolek
    > -----
    >
    > Sie "piszesz inaczy" już na rudzkim forum
    > Dyć niych cie niy tropi co skuli humoru
    > I na labiydzynie czasu niy trza tracić
    > Roztomajcie idzie godka durś bogacić.
    nk.pl/#forum/17/977/48

    --
    Ruda Śląska - stolica fraszki
  • broneknotgeld 28.10.11, 18:41
    Ignac
    ------

    Ech, dyć poezyji prowdziwy fest mało
    Szpasu by sie yno "bercikom" durś chciało
    A to nos niy dźwigo, to prawie jest niske
    Wedle mie utropy dlo godki stond wszyske.
    --
    Ruda Śląska - stolica fraszki
  • broneknotgeld 28.10.11, 18:42
    Bolek
    ------

    Fandzolisz, labiydzisz - ślimtać możno bydziesz?
    Pewno ze tym richtig daleko niy przidziesz
    Niy kukej na siebie, niy trop kej niy trzeba
    Weż muster łodymnie - dej liryce "chleba"
    Twoje forum przeca - kej liryce pszajesz
    Zrychtuj zocny konkurs - kunszt niy jakeś baje
    --
    Ruda Śląska - stolica fraszki
  • broneknotgeld 28.10.11, 18:42
    Ignac
    ------

    Konkurs poezyji? Czy to tukej chyci?
    Kto wiersze jakoweś do tego uklyci?
    --
    Ruda Śląska - stolica fraszki
  • broneknotgeld 28.10.11, 18:43
    Bolek
    ------

    Niy trop sie zawczasu - jo chca we tym wspiyrać
    Wiela popromuja - bydom tu zaziyrać
    --
    Ruda Śląska - stolica fraszki
  • broneknotgeld 28.10.11, 18:43
    Erna
    ------

    Ignac, dyć poradzisz! Zocno mosz ta sztela
    Twoje wiersze czyto niyjedna tu frela
    Niyjedny przi tymu aże gorko robi
    Konkurs forum prawie richtig fest łozdobi.

    --
    Ruda Śląska - stolica fraszki
  • broneknotgeld 28.10.11, 18:45
    Hyjdla
    -------

    Ignasiu, chciyj tako - niych inksi tyż piszom
    Ty frelki przinyncosz tukej nawet ciszom
    Nom ckni sie bez ciebie, dyć kej dosz wiersz bioły
    Choć "ołow" na dworze nom dzionek wesoły
    We nocy przi tymu aż poli pierzina
    I kożdo miec bydzie rozmarzono mina.
    --
    Ruda Śląska - stolica fraszki
  • broneknotgeld 28.10.11, 18:46
    Ignac
    -----

    Frelki, moje frelki, kwiycia forum tego
    Trza ty naszy godce kunsztu przezocnego
    Możno na moj muster inksi poprobujom
    Możno wos przi tymu i mie uradujom
    Tym kierzy wygrajom prześla wierszow tomik
    Kunszt ze moji rynki - żech przeca niy "komik".
    --
    Ruda Śląska - stolica fraszki
  • broneknotgeld 28.10.11, 18:47
    Erna
    ------

    Rychtuj Ignac, rychtuj - tyż cosik zocnego
    Łod sia ci coś prziśla, wiysz żech jest do tego
    I niy trop już fraszkom co podlejszy miary
    We tym co jo tworza tyż kunsztu som czasy
    Som żeś tako prawioł, inksi wychwolajom
    Kajniykaj, nikierzy mojim wersom pszajom.
    --
    Ruda Śląska - stolica fraszki
  • broneknotgeld 28.10.11, 18:47
    Ignac
    -----

    Wiym Erna - dyć chwola co co na forum dowosz
    Niy darmo żeś tukej i wele mie stowosz.
    --
    Ruda Śląska - stolica fraszki
  • broneknotgeld 28.10.11, 18:48
    Hyjdla
    ------

    Ignasiu, dyć widzisz - niy poleci nudnie
    Pewnikym na forum ze tym bydzie cudnie
    Tyś tukej jest dlo nos jak gwiozdka na nieba
    Sie inksi przuczom coniyco przi ciebie.
    --
    Ruda Śląska - stolica fraszki
  • broneknotgeld 28.10.11, 18:49
    Ignac
    -----

    Łoj Hyjdla - wiersz nowy we gowie mi kluje
    Niy yno tu ciebie możno uraduje
    "M" durś mojom muzom - dyć zdo sie daleko
    Jednak wiym, na forum twoje serce czeko.
    --
    Ruda Śląska - stolica fraszki
  • broneknotgeld 28.10.11, 18:50
    Hyjdla
    ------

    Toż liryki czekom - mie, inksze raduje
    Dyć konkurs, dyć konkurs niych tyż sie szykuje.
    --
    Ruda Śląska - stolica fraszki
  • broneknotgeld 28.10.11, 18:51
    Bolek
    ------

    Toż co ci łostało kej frele fest proszom?
    Skuli ty liryki cie "na ryncach" noszom
    Pokoż co zrychtować tyn konkurs poradzisz
    I forum w proficie - kej kunszt inkszych wrazisz
    Fraszce trza dać pokoj - krytykom tyż pasie
    Jo dbać byda ło to by boła "na czasie".
    --
    Ruda Śląska - stolica fraszki
  • broneknotgeld 28.10.11, 18:52
    Ignac
    -------

    Ano - kej tako, to poprobuja
    Wpiyrw regulamin tukej zrychtuja
    Pomedykuja jako to ciongnońć
    Tworcow we konkurs jakosik wprzongnońć.
    --
    Ruda Śląska - stolica fraszki
  • broneknotgeld 28.10.11, 18:54

    Łobroz drugi - "Regulamin"

    Regulamin przirychtuje
    Sie to ktosik forszteluje?
    Rośnie ździybko przi łostudzie?
    - Ważne co we przodek pódzie!
    --
    Ruda Śląska - stolica fraszki
  • broneknotgeld 28.10.11, 18:55
    Ignac
    ------

    "Pisza inaczy" - konkurs skiż godki
    Coby nom kwitła i szła z tym przodkym
    Wiersze liryczne, nom niyzwyczajne
    Pszonie i inksze ideje fajne
    Sprobujcie tako ofyn przedstowić
    Kunszt trefu życio, momynty złowić

    Pod pseudonimym - terozki głosza
    Jedyn, dwa wiersze prziślijcie - prosza
    Kere niy boły publikowane
    Mogom być biołe, tyż rymowane

    Dyplomy ze tym i promocyjo
    Moj tomik wierszy - niy komedyjo
    Trzech we konkursie wygranych bydzie
    Tomik piyrszymu dyć yno przidzie

    Adres wyjowiom, na brify czekom
    Do końca tydnia - czas płynie rzekom
    Ze drugim lutym tu je przedstowia
    Gwarancjo dowom - z tym niy zabowia

    Ktoś z "klasowiczow" tam zagłosuje
    Ze wolny woli - tym uraduje
    Punktow zaś przidzie tela prziznować
    Wiela tych wierszy zechcecie dować

    Yno dejcie pozor - lutym dwudziestego
    Szlus już ze tym przidzie, toż trzimejcie tego!
    --
    Ruda Śląska - stolica fraszki
  • broneknotgeld 28.10.11, 18:56
    Erna
    ------

    No toż uciecha - wiersze szkryfnymy
    Kej tako wszysko we końcu wiymy
    Pomedykować trza przi liryce
    Poślimtać możno w papior - powiycie.
    --
    Ruda Śląska - stolica fraszki
  • broneknotgeld 28.10.11, 18:57
    Bolek
    ------

    Możno i piyknie - dyć coś ciekawi
    "Jedyn, dwa wiersze" sie tukej jawi
    Ło rowne szanse lepi dbać przeca
    Jedyn wiersz szkryfna - w drugi poleca?

    Mie styknie jedyn - padna jak sznita
    Miesionc mi dychać niym z drugim witać
    No i tyż lepi "jurorom" wiedzieć
    Wiela autorow bydzie w tym siedzieć.
    --
    Ruda Śląska - stolica fraszki
  • broneknotgeld 28.10.11, 18:58
    Ignac
    ------

    Bolek, poradzisz ty richtig czytać?
    Mogbyś pomogać, niy tako pytać
    Kto chce niych prziśle jedyn wiersz prawie
    Dwa tyż sie zdadzom we ty zabawie
    Dyć idzie ło to coby niy wiyncy
    Niych sie gowiczka twoja niy mynczy?
    --
    Ruda Śląska - stolica fraszki
  • broneknotgeld 28.10.11, 19:08
    Bolek
    ------

    A kej dwa wiersze - dwa pseudonimy?
    Pytom sie ło to niy skuli "zimy"
    Klar we tym przeca lepi jak bydzie
    Kej konkurs sztartnie, tako niy w biydzie.
    --
    Ruda Śląska - stolica fraszki
  • broneknotgeld 28.10.11, 19:08
    Ignac
    -------

    Tako?! Już "kłody" ciepiesz ku tymu?!
    Dej pozor - trefisz do karczmy "Rzymu"!
    --
    Ruda Śląska - stolica fraszki
  • broneknotgeld 28.10.11, 19:09
    Erna
    ------

    Na "babski rozum" - Bolek szteruje
    Przeca sie ze tym tyż coś klaruje
    Ignac, to bydzie wedle twyj woli
    Dyć czy uwogi cołkym łosmolić?
    --
    Ruda Śląska - stolica fraszki
  • broneknotgeld 28.10.11, 19:09
    Bolek
    ------

    "Nom niyzwyczajne" - tym tyż sie tropia
    Mie tako prawie - w inkszych niy "kopia"
    Dyć to niy godzi w regulaminie
    Wyciepnij - niy rob tego dziedzinie.
    --
    Ruda Śląska - stolica fraszki
  • broneknotgeld 28.10.11, 19:10
    Ignac
    ------

    Zaś nowo "kłoda"! Zaś chcesz sie wadzić?
    Jo tam nikomu niy byda "kadzić"?
    --
    Ruda Śląska - stolica fraszki
  • broneknotgeld 28.10.11, 19:11
    Bolek
    -------

    Dyć jako "kłoda"? Jako łostuda?
    Czy poezyjo to prawie cuda?
    Echt "niyzwyczajno" we ślonski duszy?
    To mo prziciongać? Kunsztym poruszyć?
    Żech rymopisym, a ździybko tropi
    We tym jest szpyndlik - Ślonzok spokopi.
    --
    Ruda Śląska - stolica fraszki
  • broneknotgeld 28.10.11, 19:12
    Ignac
    ------

    Łod zowdy żyja jo romantykom
    Niy przeciwstowiej mie tu lirykom
    Tako niy wmowiej złych intyncyji
    I niy wynokwiej skiż komedyji.
    --
    Ruda Śląska - stolica fraszki
  • broneknotgeld 28.10.11, 19:12
    Bolek
    ------

    Epno tyż utropa welowanie niesie
    Kej wierszy dwadziścia - jurorom zechce sie?
    Stykłoby trzi wiersze punktami łobdarzyć
    Kej trzech lauryatow, choć wszyskim to marzy.
    --
    Ruda Śląska - stolica fraszki
  • broneknotgeld 28.10.11, 19:13
    Ignac
    ------

    Czy ze ślonski godki spokopisz niywiela?
    Za wiela sztyjc pytosz - szkryfna prawie tela
    Kej wiersze już przidom, wszyskim tu łogłosza
    Jako punkty dować - "kamiyni" niy prosza
    Dyć możno wysujesz ich wiyncy na "cesta"
    Jak wierszow dwadziścia, "bergow" wciepniesz dwiesta?
    --
    Ruda Śląska - stolica fraszki
  • broneknotgeld 28.10.11, 19:13
    Bolek
    ------

    Kej som chca wysłać na konkurs cosik
    Toż niych niy dziwo ofyn moj "głosik"
    Zdo ci sie wszysko "kamyniym", "kłodom"
    Mom wontpliwości ło kerych godom

    Lepi terozki pomedykować
    Niż potym "fikcjom" noty rachować
    Trefi i tako - "profilow" setka
    Jakiś "klasowicz" może mieć chnetka
    I ze wszyskimi welować bydzie
    Skiż szpasu tako. Uciecha przidzie?
    --
    Ruda Śląska - stolica fraszki
  • broneknotgeld 28.10.11, 19:14
    Erna
    ------

    Łoj, już balakwastrow wiela
    Mo lirykom blysnońć sztela
    Trza coniyco popoprowiać
    No i drapko wiyrchym dować

    Ignac - zrychtuj wedle siebie
    Żeś na Bolka niy jest "chlebie"
    Tyś romantyk, liryk przeca
    Forum ze twojego neca.
    --
    Ruda Śląska - stolica fraszki
  • broneknotgeld 28.10.11, 19:14
    Bolek
    ------

    "Balakwastry"? Ło co idzie?
    Dyszkyrs tukej jest we biydzie?
    Wontek przeca niy zawarty
    Lepsze z tym konkursu "karty"
    Sama szkryflosz coś - "poprowić"
    Chca niy darmo tukej "bowić"
    Że tym jego coś szteruja?
    Kunsztym godki tyż raduja
    Intyncyjow złych w tym niy ma
    "Kłody"! "Kamyń"! Srogo zima?
    --
    Ruda Śląska - stolica fraszki
  • broneknotgeld 28.10.11, 19:15
    Hyjdla
    -------

    Ech, dopiyro teroz kukom
    Co inkszego we tym szukom
    Bydzie godka z tym w proficie
    Choć durś kwardo - przeca wiycie
    Kej liryka - jakby miynkszo
    Dyć przi kunszcie takim wiynkszo
    I przepiykno jako kwiycie
    Z wierszym lepsze dlo niyj życie.
    --
    Ruda Śląska - stolica fraszki
  • broneknotgeld 28.10.11, 19:16
    Bolek
    ------

    Niych tako bydzie - swoje żech pedzioł
    Niy yno Bolek ło tym dowiedzioł
    Uwog już niy mom, poczkom co bydzie
    Czy regulamin poprowić przidzie?

    nk.pl/#forum/10/6631/36?page=1
    --
    Ruda Śląska - stolica fraszki
  • broneknotgeld 06.11.11, 22:04
    broneknotgeld napisał:

    > Bolek
    > ------
    >
    > Niych tako bydzie - swoje żech pedzioł
    > Niy yno Bolek ło tym dowiedzioł
    > Uwog już niy mom, poczkom co bydzie
    > Czy regulamin poprowić przidzie?

    Niy yno Ignac ło tym dowiedzioł.
    >
    > nk.pl/#forum/10/6631/36?page=1


    --
    Ruda Śląska - stolica fraszki
  • broneknotgeld 06.11.11, 22:06
    Ignac
    ------

    "Pisza inaczy" - konkurs skiż godki
    Coby nom kwitła i szła z tym przodkym
    Wiersze liryczne ze ślonski duszy
    Zocne ideje, pszonie niym ruszyć
    Sprobujcie tako ofyn przedstowić
    Kunszt trefu życio, momynty złowić

    Pod pseudonimym - terozki głosza
    Jedyn wiersz yno prziślijcie - prosza
    Co nikaj niy boł publikowany
    Może być "bioły", tyż rymowany

    Dyplomy ze tym i promocyjo
    Moj tomik wierszy - niy komedyjo
    Trzech we konkursie wygranych bydzie
    Tomik piyrszymu dyć yno przidzie

    Adres wyjowiom, na brify czekom
    Do końca tydnia - czas płynie rzekom
    Ze drugim lutym tu je przedstowia
    Gwarancjo dowom - z tym niy zabowia

    Ktoś z "klasowiczow" tam zaweluje
    Ze wolny woli - tym uraduje
    Niyważne głosy anonimowe
    "Profil fikcyjny" tyż trzimie czowiek
    Dyć roz je yno trza porachować
    Toż "niyfikcyjnie" zechciyjcie dować

    Trzi, dwa i jedyn - toż take noty
    Trzi wiersze wiyrchym - zrachuja potym
    Pewno przi tymu już wos niy dziwo
    Kaj wiyncy punktow - tyn wiersz wygrywo

    -----

    Yno dejcie pozor - lutym dwudziestego
    Szlus już ze tym przidzie, trzimejcie sie tego!

    -----
    nk.pl/#forum/10/6631/37

    Ruda Śląska - stolica fraszki
  • broneknotgeld 06.11.11, 22:06
    Łobroz trzeci - "Promocyjo"

    Przi promocyji wiela sie dzioło
    Leciało zgodnie no i wesoło.
    --
    Ruda Śląska - stolica fraszki
  • broneknotgeld 06.11.11, 22:07
    Bolek
    ------

    Zima sie nom rozkulała
    Mrozik z nowym rokym dała
    Popruszyła tyż na bioło
    Coby było nom wesoło

    Przi niydzieli medytuja
    -Jako konkurs wypromuja?
    nasza-klasa.pl/forum/10/6631/37?find=last#post1
    Czy łon blyśnie w "naszy-klasie"?
    Ech - naklikać bydzie trza sie!

    Czy ktoś przidzie mie w tym wspiyrać?
    Słać znajomym by zaziyrać?
    Z promocyjom niy ma leko
    Ciyngym Ślonzek na to czeko.

    nk.pl/#forum/17/977/48?page=32
    --
    Ruda Śląska - stolica fraszki
  • broneknotgeld 06.11.11, 22:08
    Ignac
    ------

    Łoj, coby yno wiersze przisłali
    Liryka u nos dyć niy "na fali"
    Dyrś wice, fraszki, szpas z rymowanki
    Kultura wiyrchnio tukej ze mankym.

    Ruda Śląska - stolica fraszki
  • broneknotgeld 06.11.11, 22:08
    Bolek
    -------

    Dyć sie tym Ignac niy trop zawczasu
    Trza promocyji, jak zwiyrzom lasu
    I tworcow tako ofyn niy tykej
    By wiersze prziszły chocioż porzykej

    Jo swoje zrobia - niy pożałyja
    Choć powodzynio niy gwarantuja
    Dom na "profile", wciepna na fora
    Dyć tako dzieje sie już łod wczora

    Kej poprowiony jest regulamin
    Kosa niy trefi na twardy kamiyń
    Lirykom drapci tu pożniwuje
    Kunsztym przezocnym Ślonsk uraduje.
    --
    Ruda Śląska - stolica fraszki
  • broneknotgeld 06.11.11, 22:09
    Ignac
    -------

    Kej nawet prziślom jak dom to tukej
    Kaj tych "jurorow" ze świyczkom szukej
    Niywiela czyto ślonsko liryka
    Wic, fraszka woli - tymu zaś - kryka!
    --
    Ruda Śląska - stolica fraszki
  • broneknotgeld 06.11.11, 22:10
    Bolek
    ------

    Dyć niy fandzol i niy kwynkej
    Kej galoty mosz - niy pynkej
    Frelki fest cie tu czytajom
    Wirtualnie jakby pszajom
    Trza prziciongać, trza promować
    Wszyndy wieści ło tym dować.
    --
    Ruda Śląska - stolica fraszki
  • broneknotgeld 06.11.11, 22:11
    Lyjo
    -----

    Tyż to czytom - już sie ciesza
    Już coś szkryfnońć medykuja
    Prziśla, choć tym możno "zgrzesza"
    Sie konkursym dyć raduja.
    --
    Ruda Śląska - stolica fraszki
  • broneknotgeld 06.11.11, 22:12
    Bolek
    ------

    No, dyć prawie ło to idzie
    Piyknie ze konkursym bydzie
    Wieści ło tym sie rozłażom
    Skiż liryki niy łobrażom
    Ci co durś kicholym kryncom
    Kej ich "giyry" w godce mynczom.
    --
    Ruda Śląska - stolica fraszki
  • broneknotgeld 06.11.11, 22:12
    Lyjo
    ------

    Hehe - "giyry", "giyrki", "szłapy"
    - Szukosz wyny kaj fuzlapy?
    --
    Ruda Śląska - stolica fraszki
  • broneknotgeld 06.11.11, 22:18
    Bolek
    -------

    Kaj fuzlapy jednak niy
    Giyrki w gowie? -Dyć kto wiy?
    Kej łod frelki piyny w mini
    Cis bych sie jyj do "świontyni".
    --
    Ruda Śląska - stolica fraszki
  • broneknotgeld 06.11.11, 22:19
    Poprowka:

    Kej łod frelki piykny w mini.
    --
    Ruda Śląska - stolica fraszki
  • broneknotgeld 06.11.11, 22:22
    Lyjo
    ------

    Do "świntyni"? - Idź porzykać!
    Chciołbyś miyndzy giyrki blikać?
    Dyć niy małpuj Sztaudyngera
    Kej liryki konkurs teraz.
    --
    Ruda Śląska - stolica fraszki
  • broneknotgeld 06.11.11, 22:23
    Bolek
    ------

    Ech - liryka! Wola fraszka!
    Czy Euterpe ześle łaska?
    Zagro w nocy mi na flyjcie?
    Piyknie by to było - wiycie.
    --
    Ruda Śląska - stolica fraszki
  • broneknotgeld 10.12.11, 13:47
    Erna
    ------

    Sprobuj jako jo - chyć blaja
    Fraszka pasie nawet haja
    Dyć inaczy ze lirykom
    Zdo mi sie co ze niom rzykom.
    --
    Ruda Śląska - stolica fraszki
  • broneknotgeld 10.12.11, 13:49
    Bolek
    ------

    Dyć sprobuja - coś uklyca
    Tropia tym, czy punkty chyca
    A jak niy, tyż jakoś strzimia
    Wele fraszki se podrzymia
    Wierny byda jyj do końca
    Styknie wiosny, lata, słońca
    --
    Ruda Śląska - stolica fraszki
  • broneknotgeld 10.12.11, 14:00
    Erna
    ------

    Bolek - wygrosz - to co przidzie?
    Ze wiernościom jako bydzie?
    --
    Ruda Śląska - stolica fraszki
  • broneknotgeld 10.12.11, 14:02
    Bolek
    ------

    To se liryka na blacha wkuja
    Ślubny we wyrku zadeklamuja
    Pewnikym drapko uśnie przi tymu
    Niyważne - "bioło" abo do rymu.
    --
    Ruda Śląska - stolica fraszki
  • broneknotgeld 10.12.11, 14:04
    Ignac
    -----

    Dyć łod jurorow zoleżeć bydzie
    Wygrosz, czy przi tym trefi być w biydzie
    Zdo mi sie, bydziesz sztartowoł prawie
    -Bestoż chcesz miyszać we ty "zabawie"?
    --
    Ruda Śląska - stolica fraszki
  • broneknotgeld 10.12.11, 14:05
    Bolek
    ------

    Pierombol, Ignac - strachom sie "zera"
    Tropia już ździybko tym richtig teraz
    Ślubny do wyrka wlyźć uślimtanym
    To na delinie łobudzić ranym.
    --
    Ruda Śląska - stolica fraszki
  • broneknotgeld 10.12.11, 14:05
    Erna
    -----

    A jo już pioro tonkom we tincie
    Niy medykuja ło jakiś "piyńcie"
    Fraszkom niy tropia, pszaja liryce
    Sama coś szkryfna, wyśla, toż wiycie.
    --
    Ruda Śląska - stolica fraszki
  • broneknotgeld 10.12.11, 14:07
    Bolek
    ------

    Już żech szrajbnoł! Już jom mom!
    Bez pomocy! Cołkym som
    Dziesiyńć minut mi wystykło
    W sercu yno coś zapiykło
    Dyć terozki tropia sie
    Słać na konkurs zaroz chce
    Prawie taki forumowy
    Kaj i głos Ślonzoka zdrowy
    Cołkym jawnie bydzie dany
    Trza liryce ździybko szpany.
    --
    Ruda Śląska - stolica fraszki
  • broneknotgeld 10.12.11, 14:09
    Hyjdla
    -------

    Toś ze kapsy jom wysypoł?!
    Chwila stykła - żeś niy zipoł
    A po nocy - co to bydzie?
    Możno Muza do cia przidzie?
    --
    Ruda Śląska - stolica fraszki
  • broneknotgeld 10.12.11, 14:10
    Bolek
    ------

    Jedyn wiersz styknie, bo hercklekoty
    To dlo mie niy som jakeś gupoty.
    --
    Ruda Śląska - stolica fraszki
  • broneknotgeld 10.12.11, 14:45
    Hyjdla
    ------

    Niy wymigosz sie jyj fraszkom
    Kej cie już łobdorzo łaskom.
    --
    Ruda Śląska - stolica fraszki
  • broneknotgeld 10.12.11, 14:47
    Bolek
    ------

    Moji "liryczny Muzie"

    Wlazłaś mi na plynckyrz w nocy
    Toż żech szrajbnoł "bez pomocy"
    Serce mie przi tymu piykło
    Szczyńściym - dziesiyńć minut stykło

    Toż se teroz richtig trop
    Wiysz żech "wrazidlaty" chop
    Kij se wraża kaj amajzy
    Taki zy mie kyns tyż łajzy

    Lubia czynsto sowizdrzolić
    Tu popieprzyć, tam posolić
    Plynckyrz pynknoł - to niy "plota"
    Se sztacheta zerwia z płota!

    We konkursie punkt dostana?
    Jak niy - pod Dortmundym stana
    I na "Muza" zapoluja
    Sztachecie niy pofolguja!
    --
    Ruda Śląska - stolica fraszki
  • broneknotgeld 10.12.11, 14:48
    Erna
    ------

    W dziesiyńć minut? Dyć fandzolisz
    Coby wnerwić - mi sie chwolisz
    Chcesz bych wiersza niy wysłała?
    Strachać byda sie musiała?
    Chca - to wyśla. Niy - to niy
    Stracha niy mom - kożdy wiy!
    --
    Ruda Śląska - stolica fraszki
  • broneknotgeld 10.12.11, 14:49
    Bolek
    -----

    Na tyn konkurs cosik szkryfniesz?
    Biołym wierszym w serce gichniesz?
    Możno po starymu - rymym?
    Czy se tukej to dowiymy?
    --
    Ruda Śląska - stolica fraszki
  • broneknotgeld 10.12.11, 14:53
    Hyjdla
    -------

    Możno na brifmarka ci Erna niy styknie
    Dyć chyntnie to fundna, szkryflosz przeca piyknie.
    --
    Ruda Śląska - stolica fraszki
  • broneknotgeld 10.12.11, 14:54
    Erna
    -----

    Brifmarkom niy tropia
    Flachy żech sprzedała
    Dyć we gowa dropia
    Wyna bych mieć chciała.
    --
    Ruda Śląska - stolica fraszki
  • broneknotgeld 10.12.11, 14:56
    Hyjdla
    -------

    Żeś poetkom cołkom gymbom
    Niy trop sie "fraszkowym zymbom".
    --
    Ruda Śląska - stolica fraszki
  • broneknotgeld 10.12.11, 14:58
    Bolek
    -------

    Niych kto szkryflo jako woli
    Wierszym naszo godka chwoli.
    --
    Ruda Śląska - stolica fraszki
  • broneknotgeld 10.12.11, 15:00
    Ignac
    ------

    Jo wos tu niy rozwesela
    Wierszy prziszło małowiela
    Czy na konkurs tego styknie?
    Wartko leci czas. Niypiyknie.
    --
    Ruda Śląska - stolica fraszki
  • broneknotgeld 10.12.11, 15:05
    Hyjdla
    -------

    Ignac - konkurs promujymy
    Już niy yno w tym portalu
    Niy ma leko - tela wiymy
    Styknie czasu - niy trza szmalu

    Przeca czynsto tako bywo
    Nojpiyrw nic - pod koniec - dziwo!
    Lepi za drap sie niy tropić
    Dyć poetow trza spokopić
    --
    Ruda Śląska - stolica fraszki
  • broneknotgeld 10.12.11, 15:11
    Bolek
    ------

    "Pisza inaczyj - konkurs liryki ślonski"

    Jeszcze yno tydziyń prawie
    -Blyśnie ślonsko nom liryka!
    Kunszt posłuży zocny sprawie
    Do Erato trza porzykać?

    nasza-klasa.pl/forum/10/6631/37

    Dyć jurorym tyż być możesz
    Klasowiczu - chciyj dać noty
    Trzi nojlepsze wiersze wskożesz
    Kto wygrany - dowiysz potym.
    --
    Ruda Śląska - stolica fraszki
  • broneknotgeld 10.12.11, 15:13
    Hyjdla
    -------

    Promocyjo leci wszyndy
    Poezyjo ślonski "grzyndy"
    Pewno do cia Ignac idzie
    Toż sie niy trop - dobrze bydzie.
    --
    Ruda Śląska - stolica fraszki
  • broneknotgeld 10.12.11, 15:17
    Erna
    ------


    A to znocie?
    Poczytocie?

    ----
    Ło tyszance co Niymca niy chciała

    Wiycie ło tyszance co Niymca niy chciała
    Ciekawo historio - dramat to bez mała
    Łon sie po nia wybroł zbrojny we "armata"
    Bo bez niyj niy widzioł dlo siebie już świata

    Uprowadzioł z doma - w Gliwicach ich znodli
    Dyć Niymca na krotko do heresztu kłodli
    Kaucjo doł i wyloz skiż łaski Tymidy
    Ale frelka w gowie durś tego łobrzidy

    Jeszcze roz chcioł copnońć ta piykno tyszanka
    Terozki we życiu narobioł już manka
    Siedzi zaś w hereszcie - euro niy pomoże
    Myśli dzisioj pewnie jak tyn sond go skorze.
    --
    Ruda Śląska - stolica fraszki
  • broneknotgeld 10.12.11, 15:21
    Bolek
    ------

    Historyjo znom tyszanki
    Dyć ktosik przi tymu z mankym
    Dyszkurs leci tyż na forach
    Coby zadbać ło autora.

    nk.pl/#forum/17/977/78
    --
    Ruda Śląska - stolica fraszki
  • broneknotgeld 10.12.11, 15:23
    Hyjdla
    -------

    Ano, być może ło to łostuda
    Autora "mażom" choć to niy cuda
    Dyć kej to bierom, niych majom w zocy
    Trza czytelnikom dać go przed łoczy.
    --
    Ruda Śląska - stolica fraszki
  • broneknotgeld 10.12.11, 15:25
    Bolek
    ------

    Mosz recht - tyż za tym jo ciyngym stoja
    Bierom kajniykaj już fraszka moja
    Bierom "perełki" rudzkego forum
    Kej bez autora - mniyj w tym humoru.
    --
    Ruda Śląska - stolica fraszki
  • broneknotgeld 10.12.11, 15:27
    Ignac
    ------

    Bolek - fraszka jako wic
    Choć wesoło - prawie nic.
    --
    Ruda Śląska - stolica fraszki
  • broneknotgeld 10.12.11, 15:28
    Bolek
    -------

    "Prawie nic" - dyć mo autora
    "Błonko" w Necie niy łod wczora
    "Błonkać" mo anonimowo?
    -Tako mi sie niy wydowo!
    --
    Ruda Śląska - stolica fraszki
  • broneknotgeld 10.12.11, 15:30
    Erna
    ------

    Ech, na forum "Ślonsko Godka"
    Ze wierszami szło sie spotkać
    Pyjter P. je wklejoł piyknie
    Cosik stamtond dom - wystyknie?

    ------

    Kej gyńsipympek

    Kej gyńsipympek rozkwito wiosnom
    Kej mojik żołci łonki swym kwiyciym
    Herske uczucia we sercach rosnom
    We dyszach fakla grzeje i świyci

    Frelki bez mantlow już w swoji krasie
    Kajniykaj słonko chalo promykom
    Karlusom ździybko haltować trza sie
    Dyć jak te cuda łominońć blikym?

    Jako natury prowu łopiyrać?
    Ciała som gorke i dusze – wiym to
    Mo szac na lipsta yno zazierać?
    Ło świynty Jonie – som byś zaślimtoł!

    Ech – lato idzie, ze nim spełniynie
    Kupluje dusze, ciału folguje
    Natura zdo sie dać jedne tchnienie
    Kto pszoł, kto pszaje – to forszteluje

    Toż niy na darmo – pewnikom wiycie
    Tako Ponboczek zocnie świat stworzył
    Coby rodziło na nim sie życie
    -Zowdy po zimie na nowo ożoł

    Kej gyńsipympek wiosnom rozkwito
    Kej mojik kwieciym zażółci łonki
    Bociek w tym czasie dyć tyż zawito
    Na ciosto życia wystyknie monki.
    --
    Ruda Śląska - stolica fraszki
  • broneknotgeld 10.12.11, 15:33
    Lyjo
    ----

    Witom - kukom tukej prawie
    Wierszyk jako śnik na jawie
    -Bez podpisu klarownego
    Pyjter richtig tworcom tego?
    --
    Ruda Śląska - stolica fraszki
  • broneknotgeld 10.12.11, 15:37
    Erna
    ------

    Lyjo - przeca żech szkryfnyła
    Coch to yno przeklejyła
    Pyjter tako samo zrobioł
    Jo niy zgobia - łon niy zgobioł.
    --
    Ruda Śląska - stolica fraszki
  • broneknotgeld 10.12.11, 15:40
    Lyjo
    ------

    A jo prawie znom autora
    Niy jest dlo mie anonimym
    Wiersz we Necie niy łod wczora
    forum.gazeta.pl/forum/w,28940,23540974,115598470,Re_Jak_chop_z_babom.html
    Z pory kej zielone brzimy.
    --
    Ruda Śląska - stolica fraszki
  • broneknotgeld 13.12.11, 22:09
    Erna
    ------

    Dziynki, dziynki - toż już wiym
    Skond tyn piykny ślonski rym
    Dyć niy nerwuj sie za wiela
    Żech niy złodziyj - szkryfna tela.
    --
    Ruda Śląska - stolica fraszki
  • broneknotgeld 13.12.11, 22:10
    Lyjo
    ------

    Roztomajcie ze tym bywo
    Kto autorym kuko krziwo
    Robiom z niego anonima
    Promocyjo? Trza "na przima"?

    Lepi na to pozor dować
    Bez autora niy "promować"
    Trza szanować jego prawa
    Może skończyć źle "zabawa".
    --
    Ruda Śląska - stolica fraszki
  • broneknotgeld 13.12.11, 22:10
    Berbel
    -------

    Witom - kukłach prawie
    Koncept jako śnik na jawie
    Wiersz na konkurs żech wysłała
    "Pseudo" swoje tyż podała.
    --
    Ruda Śląska - stolica fraszki
  • broneknotgeld 13.12.11, 22:11
    Hyjdla
    ------

    Witej Berbel - gratuluja!
    Tym sie richtig fest raduja
    Blysłaś fraszkom sowizdrzolskom
    Blyśniesz tyż lirykom swojskom.
    --
    Ruda Śląska - stolica fraszki
  • broneknotgeld 13.12.11, 22:11
    Berbel
    --------

    Ech, już fraszki mi kopiujom
    W Necu zdo sie tyż "promujom"
    Choć podpisza - miano wytnom
    Czamu zowdy tako przitnom?
    --
    Ruda Śląska - stolica fraszki
  • broneknotgeld 13.12.11, 22:12
    Hyjdla
    -------

    Dyć sie ciesz, kej podobajom
    Niy inaczy - jo niy bajom
    Wiysz, ze twoje to som rymy
    Czasym nawet i my wiymy.
    --
    Ruda Śląska - stolica fraszki
  • broneknotgeld 13.12.11, 22:12
    Lyjo
    -----

    Kejby zowdy z mianym brali
    Prawo tako szanowali
    Tym cieszyli by autora
    No i bogaciyli fora.
    --
    Ruda Śląska - stolica fraszki
  • broneknotgeld 13.12.11, 22:13
    Bolek
    ------

    Piyknie dyszkurs wom sie kleci
    Dyć chnet luty - tyn czas leci
    Toż trza noty bydzie dować
    No i konkurs durś promować

    Jo rudzianom śla stond linki
    Tela kłada z moji rynki
    We jurorow sie zabowiom?
    Niychej tako radość sprowiom.
    --
    Ruda Śląska - stolica fraszki
  • broneknotgeld 13.12.11, 22:13
    Erna
    ------

    Czamu yno tkosz kaj Ruda?
    Ślonzek mo tyż inksze cuda.
    --
    Ruda Śląska - stolica fraszki
  • broneknotgeld 13.12.11, 22:14
    Bolek
    ------

    Żech rudziokym - bestoż kłada
    Kunszt mo blyszczeć, a niy zwada
    Kto chce - ciongnie to u siebie
    Mie tu prawie jako w niebie
    Żech na Wiyrku jest rodzony
    We Halymba zaś wżyniony
    Toż sie niy trza tymu dziwać
    Rudzie Ślonski styknie kiwać.
    --
    Ruda Śląska - stolica fraszki
  • broneknotgeld 13.12.11, 22:14
    Erna
    -----

    Wiyncy tworcow z Rudy Ślonski
    Prziśle na tyn konkurs konski?
    Wiyncy w tym pojuroruje?
    Wiyncy tako uraduje?
    --
    Ruda Śląska - stolica fraszki
  • broneknotgeld 13.12.11, 22:16
    Bolek
    -------

    Ano - na to fest rachuja
    Jedno wiym - tym uraduja
    Dyć czy richtig tako bydzie?
    Łoboczymy - konkurs przidzie.
    --
    Ruda Śląska - stolica fraszki
  • broneknotgeld 13.12.11, 22:17
    Erna
    -----

    Przidzie, przidzie - prawie chnetka
    Tu liryka to niy betka.
    --
    Ruda Śląska - stolica fraszki
  • broneknotgeld 13.12.11, 22:18
    Bolek
    -------

    Konkurs chnetko sie zaczyno
    Wierszy niychej wiela przidzie
    W lutym już lektura yno
    Ze notami jako bydzie?

    Punkty jakeś tam dostana?
    Byda zera durś rachowoł?
    W ty intyncji chlapnołch z rana
    -Niych se wszysko kulo zdrowo!
    --
    Ruda Śląska - stolica fraszki
  • broneknotgeld 13.12.11, 22:19
    Łobroz szworty -"Konkurs"


    Łobroz szworty - konkursowy
    Kunszt w niym wiyrchym - ktosik powiy
    Tako wiyrchym tyż liryka
    A co potym? Przidzie rzykać?
    --
    Ruda Śląska - stolica fraszki
  • broneknotgeld 13.12.11, 22:20
    Bolek
    ------

    Pewno dzisioj konkurs ruszy
    Blyśnie ze tym naszo godka
    Kamyń zimny jakiś duszy
    Se łogrzeje drap łod środka

    nasza-klasa.pl/forum/10/6631/37
    Chciyjcie ta ideja wspiyrać
    I znajomym ło niyj głosić
    Coby zaczli tam zaziyrać
    Ło to jo Wos śmia dyć prosić.
    --
    Ruda Śląska - stolica fraszki
  • broneknotgeld 13.12.11, 22:20
    Erna
    ------

    Toż czas wielki z tym zaczynać
    Ignac wontki nom zrychtuje
    Mioł niyjedyn autor wyna
    Niych lirykom uraduje.
    --
    Ruda Śląska - stolica fraszki
  • broneknotgeld 13.12.11, 22:21
    Berbel
    -------

    Ech, zbudziyła żech sie z rana
    Wartko kukom - już tu szpana
    Trza ździybeczko poczkać ino
    Konkurs lepszy jako kino?

    --
    Ruda Śląska - stolica fraszki
  • broneknotgeld 13.12.11, 22:21
    Lyjo
    -----

    Tyż żech ciekow jako bydzie
    Wiela wierszow czytać przidzie.
    --
    Ruda Śląska - stolica fraszki
  • broneknotgeld 13.12.11, 22:22
    Hyjdla
    -------

    Co sie tak niyciyrpliwicie?
    Ignac szkryfnie - chnet dowiycie
    Mie żol teroz tego prawie
    Że łon niy "gro" w ty "zabawie"
    Wiyrchym fest by "szoł" pewnikym
    Zbiyroł punkty klik za klikym.
    --
    Ruda Śląska - stolica fraszki
  • broneknotgeld 15.12.11, 17:34
    Ignac
    -----

    Już na forum som - czytejcie!
    Noty swoje wierszom dejcie!
    Toż na wontek styknie klikać
    Roztomajto tam liryka

    Ech, sztyrnoście w tym autorow
    Jest wybiyrać w czym tom porom
    Jest lektura dość ciekawo
    Jest - choć szło to wpiyrw niymrawo.
    --
    Ruda Śląska - stolica fraszki
  • broneknotgeld 15.12.11, 17:34
    Bolek
    ------

    Kej autorow aże tela
    Blyśnie ze tym drap ta sztela
    Czy "niymrawo"? -Bych niy pedzioł
    Przi promocji durś żech siedzioł
    - Toż już sukces we tym widza
    Choć tym lansowaniym biydza.
    --
    Ruda Śląska - stolica fraszki
  • broneknotgeld 19.12.11, 16:17
    Berbel
    ------

    Jest co czytać - trza radować
    Wszyskim wierszom podziwować
    Żol dać notu trojce prawie
    Kej kunszt jaki śnik na jawie.
    --
    Ruda Śląska - stolica fraszki
  • broneknotgeld 19.12.11, 16:17
    Lyjo
    -----


    Piyknie! Niy po znajomości
    Noty bydom - toż niy prości
    Ździybko dyć pomedykuja
    Niym te punkty swoje wsuja.
    --
    Ruda Śląska - stolica fraszki
  • broneknotgeld 19.12.11, 16:17
    Erna
    ------

    Ano - autorow poznać niyleko
    Ciekawy finał konkursu czeko.
    --
    Ruda Śląska - stolica fraszki
  • broneknotgeld 19.12.11, 16:18
    Hyjdla
    -------

    No, toż my sie doczekali
    Wiela tym uradowali
    Aż sztyrnoście wierszy momy
    Punkty nojgryfniejszym domy.
    --
    Ruda Śląska - stolica fraszki
  • broneknotgeld 19.12.11, 16:18
    Erna
    ------

    Punktow momy małowiela
    Trza promować - szkryfna tela
    Kej jurorow wiyncy przidzie
    Autor we proficie bydzie.
    --
    Ruda Śląska - stolica fraszki
  • broneknotgeld 19.12.11, 16:19
    Bolek
    -------

    "Pisza inaczyj - konkurs liryki ślonski"
    ----------------------------------------

    Już ruszoł!!!

    Ze lirykom godka rośnie
    Toz se tymu niy dziwejcie
    Z wierszym lekci ciś ku wiośnie
    Jako szkryfli - pokukejcie

    nasza-klasa.pl/forum/10/6631/41
    Po lekturze strof przezocnych
    Se w jurorow zabawicie
    nasza-klasa.pl/forum/10/6631/42
    Na Ślonzokow niy ma mocnych
    -Tako prawi same życie!
    --
    Ruda Śląska - stolica fraszki
  • broneknotgeld 19.12.11, 16:20
    Erna
    ------

    Konkurs tako reklamujesz
    Możno wygrać to rachujesz?
    --
    Ruda Śląska - stolica fraszki
  • broneknotgeld 19.12.11, 16:21
    Bolek
    -------

    Toż promuja ta liryka
    Coby ludzie chcieli blikać
    Coby noty swoje dali
    Wszyskich tworcow radowali

    Dyć w tym żech "wyrachowany"
    Kaj co rudzke tam link dany
    Niych w stolicy ślonski fraszki
    Poezyjo mo łoklaski.
    --
    Ruda Śląska - stolica fraszki
  • broneknotgeld 19.12.11, 16:23
    Hyjdla
    -------

    Ja - dlo ciebie wiyrchym Ruda!
    Dyć to niy som jakeś cuda
    Gruby, werki, familoki
    Co nowszego? Zdo sie bloki.
    --
    Ruda Śląska - stolica fraszki
  • broneknotgeld 19.12.11, 16:25
    Bolek
    ------

    Żech ze Wiyrka w Rudzie Ślonski
    Znom łod bajtla dyć te konski
    Pszaja moji Laurasztrasie
    Wszyndy i ło kożdym czasie

    Kery Ślonzok tymu dziwi?
    Ptokym czy owocym - kiwi?
    --
    Ruda Śląska - stolica fraszki
  • broneknotgeld 19.12.11, 16:26
    Hyjdla
    --------

    Dyć niy yno ślonsko sztela
    Twoja Ruda - szkryfna tela.
    --
    Ruda Śląska - stolica fraszki
  • broneknotgeld 19.12.11, 16:27
    Bolek
    -------

    Dyć niy yno - kej mosz swoja
    Stoj sie za niom jak jo stoja
    Bronić tego ci niy byda
    Zy mie przeca niy łobrzida.
    --
    Ruda Śląska - stolica fraszki
  • broneknotgeld 19.12.11, 16:27
    Lyjo
    -----

    Tu niy ło to idzie - sie niy przegadujcie
    Lepi ło konkursie tu zaś cosik wsujcie
    Jako sie wom widzi na wontku liryka?
    nasza-klasa.pl/forum/10/6631/41
    Wertało by prawie coś ło tym poklikać.
    --
    Ruda Śląska - stolica fraszki
  • broneknotgeld 19.12.11, 16:28
    Berbel
    -------

    Sie kuknijcie w wiersz łod "Trudy"
    Wioski swyj niy przepomniała
    Strofy zdajom mi sie cudym
    Dzisioj tyż by jom poznała?
    --
    Ruda Śląska - stolica fraszki
  • broneknotgeld 19.12.11, 21:38
    Bolek
    ------

    No a "Kole familoka"
    Richtig wiela sie tam dzioło
    Szłoby tańcnońć i we zokach
    Piyrwyj boło fest wesoło.
    --
    Ruda Śląska - stolica fraszki
  • broneknotgeld 19.12.11, 21:38
    Erna
    -----

    Czy skiż tego pseudonima
    w "Kole familoka" ni ma?
    --
    Ruda Śląska - stolica fraszki
  • broneknotgeld 19.12.11, 21:39
    Bolek
    ------

    Z pseudonimym abo bez
    Kaj familok kunszt tyż jest.
    --
    Ruda Śląska - stolica fraszki
  • broneknotgeld 23.12.11, 22:19
    Hyjdla
    -------

    "Acik" wirsz "biblijny" doł
    Pewno prawie tako chcioł
    Coby w raju być z lirykom
    Jo tyż tam kaj Edyn blikom.
    --
    Ruda Śląska - stolica fraszki
  • broneknotgeld 23.12.11, 22:19
    Berbel
    ------

    "Agnes" zdo sie lamyntuje
    Richtig gdowom tako czuje?
    Już ślubnego pochowała
    Jo tyż slimtom kej mu pszała.
    --
    Ruda Śląska - stolica fraszki
  • broneknotgeld 23.12.11, 22:20
    Lyjo
    -----

    A "Berała" - pszaje wiela
    Czy mo w doma "świynto frela"?
    Tako sie go prawie wziyła
    Choć - czy zocnie utrefiyła?
    --
    Ruda Śląska - stolica fraszki
  • broneknotgeld 23.12.11, 22:28
    Erna
    ------

    "Dziołcha łod bergmona" po swojymu prawi
    Ano - szczyro prowda w swojich strofach jawi
    Chop robi na grubie - łona mu fest pszaje
    Jak jyj mamuliczka łojcowi - niy baje.
    --
    Ruda Śląska - stolica fraszki
  • broneknotgeld 23.12.11, 22:32
    Bolek
    ------

    Czy "Francik" za Francka coś szkryfnoł ciekawie?
    - Wspomino zolyty lirykom se prawie
    Trzidziści lot nazod - sie wtedy trefiyli
    Ech, my tyż jak łoni ździybko młodsi byli.
    --
    Ruda Śląska - stolica fraszki
  • broneknotgeld 23.12.11, 22:32
    Hyjdla
    -------

    "Kiki" niy przepomni tego
    Co tref przinios jyj zocnego
    Dyć skiż bliźnich tako stało
    Modrym kwiotkym zawoniało?
    --
    Ruda Śląska - stolica fraszki
  • broneknotgeld 23.12.11, 22:33
    Berbel
    --------

    A jo prawie czytom "Male"
    Sie niy tropia teroz wcale
    Uierzyłach - kej pszajymy
    Wiyrchym tako durś stojymy
    Czowiek zdo sie siyngać Nieba
    Pszoć nom wiela ciyngym trzeba.
    --
    Ruda Śląska - stolica fraszki
  • broneknotgeld 28.12.11, 21:29
    Lyjo
    -----

    Kej jo czytom tam "Marcela"
    To zarozki sie wesela
    Szejk, niy szejk - radościom życie
    Pewno już to sami wiycie.
    --
    Ruda Śląska - stolica fraszki
  • broneknotgeld 28.12.11, 21:29
    Bolek
    ------

    A "Serce"? Matula tak yno poradzi
    Pszoć dziecku - z lirykom to wcale niy wadzi
    Wiersz krotki, dyć kunszt w niym i serca dość wiela
    Pewno niyjednego cieszy rodziciela.
    --
    Ruda Śląska - stolica fraszki
  • broneknotgeld 28.12.11, 21:29
    Hyjdla
    --------

    "Szarotka" erotyk se szkryfnoł - szkryfnyła
    Toż "grajdoł" wspomino w kerym frelka była
    Z karlusym pospołu, a słonko ich grzoło
    Dyć jako skończyło? -Dzisioj im wesoło?
    --
    Ruda Śląska - stolica fraszki
  • broneknotgeld 28.12.11, 21:30
    Erna
    -----

    "Ślonzok" doł coś prawie ło swojim "hajmacie"
    Teroz mu Niymcowi prziszło godać - bracie
    Dusza zdo sie czyńściom na Ślonsku łostała
    Rozdarto? -Sie tako w tym wierszu zdowała.
    --
    Ruda Śląska - stolica fraszki
  • broneknotgeld 28.12.11, 21:30
    Bolek
    ------

    A "Tomek" popyloł jakby we klasyka
    Możno mioł we gowie z Litwy romantyka?
    Jako marnotrawny synek wspomnioł Muter
    I zdo sie co wcale niy darymny futer.
    --
    Ruda Śląska - stolica fraszki
  • broneknotgeld 28.12.11, 21:31
    Berbel
    -------

    Niy "darymny futer" - kuknijcie na noty
    Możno konkurs wygro - niy ma w tym gupoty.
    --
    Ruda Śląska - stolica fraszki
  • broneknotgeld 28.12.11, 21:33
    Lyjo
    -----

    No, sie tukej łosprowiomy
    -Kej na wontek noty domy?
    Sie niyjedyn tymu dziwo
    -Durś jurorow tam przibywo.
    --
    Ruda Śląska - stolica fraszki
  • broneknotgeld 10.01.12, 21:43
    Bolek
    ------

    Durś przibywo, bo promuja
    Jurorami fest raduja
    Ze tym forum piyknie rośnie
    Jo zaś kukom tam radośnie.
    --
    Ruda Śląska - stolica fraszki
  • broneknotgeld 10.01.12, 21:44
    Erna
    -----

    Bolek - jo już noty dała
    Tako prawie jako chciała
    Inkszych wiela tyż na wontku
    A ty siedzisz we tym kontku.
    --
    Ruda Śląska - stolica fraszki
  • broneknotgeld 10.01.12, 21:44
    Bolek
    -------

    Dyć niy "siedza" - brify śla
    Prawie tako richtig trza
    W komyntarze tkom, na fora
    Ślonsko godka to niy zmora

    Durś promuja tak kaj Ruda
    A kaj noty widza "cuda"
    Wiela ich ze Rudy dowo
    Mi promocjo niy przistowo

    Forum "klasowiczow" zbiyro
    Co rusz nowy ktoś zaziyro
    Sztela ze tym fest urośnie
    Zdo sie - idzie już ku wiośnie.
    --
    Ruda Śląska - stolica fraszki
  • broneknotgeld 10.01.12, 21:45
    Ignac
    ------

    Lecom z Rudy yno noty?!
    Bolek - niy tkej tu gupoty!
    Z inkszych miejscowości widza
    Twojom Rudom sie niy biydza.
    --
    Ruda Śląska - stolica fraszki
  • broneknotgeld 10.01.12, 21:45
    Bolek
    -------

    Dlo mie prawie to jest piyknie
    Kej rudzianin w wontek kliknie
    Ze stolicy ślonski fraszki
    Potrza przeca tyż igraszki

    Bestoż wcale mie niy mynczy
    Dołbych łod sia możno wiyncy
    Yno czasu mom za mało
    By sie go mieć fol durś chciało.
    --
    Ruda Śląska - stolica fraszki
  • broneknotgeld 10.01.12, 21:45
    Lyjo
    ------

    Dyć sie już niy przegadujcie
    Wartko leci - toż radujcie.
    --
    Ruda Śląska - stolica fraszki
  • broneknotgeld 10.01.12, 21:47
    Berbel
    -------

    Serce rośnie skiż ślonskości
    Kej jurorow tela gości
    Kej czytajom - noty kładom
    Konkurs wierszy jest paradom.
    --
    Ruda Śląska - stolica fraszki
  • broneknotgeld 10.01.12, 21:47
    Erna
    -----

    Ano - drapko kładom noty
    Dyć i czas konkursu kulo
    Chnetko finał - niy gupoty
    Sie zrachuje - niy łofulo.
    --
    Ruda Śląska - stolica fraszki
  • broneknotgeld 10.01.12, 21:59
    Hyjdla
    -------

    Chnetko finał! Sie dowiymy!
    Laureatow trzech poznomy
    Blysły jejich ślonske rymy
    Przed łoczami ciyngym momy.
    --
    Ruda Śląska - stolica fraszki
  • broneknotgeld 10.01.12, 21:59
    Lyjo
    -----

    Jeszcze trocha - dzisioj prawie
    Już z notami fertig, "basta"
    Wszysko sztopnie w ty zabawie
    -Upieczony kołocz z ciasta.
    --
    Ruda Śląska - stolica fraszki
  • broneknotgeld 10.01.12, 22:00
    Ignac
    -------

    Ano wontek już sztopuja
    Na tym richtig koniec prawie
    Toż spokojnie porachuja
    I zdom "raport" w ty zabawie.
    --
    Ruda Śląska - stolica fraszki
  • broneknotgeld 10.01.12, 22:00
    Bolek
    ------

    Finał - czas na rachowanie
    Sie dowiymy jako stanie
    Kery w piyrszy trojce bydzie
    Dyc po prowdzie - nikt niy w biydzie.
    --
    Ruda Śląska - stolica fraszki
  • broneknotgeld 10.01.12, 22:01
    Ignac
    ------
    Nikt niy w biydzie - notow wiela
    Szkryfna jeszcze yno tela
    -Tu jurorom już dziynkuja
    Trza rachować, toż rachuja.
    --
    Ruda Śląska - stolica fraszki
  • broneknotgeld 10.01.12, 22:02
    Łobroz V "Finał"

    Co godali przi finale?
    Larmo było abo wcale?
    --
    Ruda Śląska - stolica fraszki
  • broneknotgeld 11.01.12, 18:45
    Ignac
    ------

    Dejcie pozor - zrachowane
    Noty kere prziznowane
    Przez jurorow wierszom były
    Ofyn w wontku - sie niy skryły

    Kto chce - sprowdzić ciyngym może
    Kej coś znojdzie - feler wskoże
    Dyć rachowoł żech trzi razy
    I niy znoloz żech w tym "skazy".
    --
    Ruda Śląska - stolica fraszki
  • broneknotgeld 11.01.12, 18:45
    Erna
    ------

    Ignac - przeca ci wierzymy
    Szkryflej kere piyrsze rymy
    Kto boł drugi, a kto trzeci?
    Niych na forum już to leci!
    --
    Ruda Śląska - stolica fraszki
  • broneknotgeld 11.01.12, 18:50
    Ignac
    ------

    Ano, szkryflom, szkryflom prawie
    Jest "Berała" w ty zabawie
    Prawie na tym piyrszym placu
    A na drugim "Tomka" macom
    Trzeci wiersz "Bez pseudonima"
    Laureatow wiyncyj niy ma
    Dyć punktacjo do sztyrnostu
    Mocie! I ty Erna mosz tu!
    --
    Ruda Śląska - stolica fraszki
  • broneknotgeld 11.01.12, 18:51
    Bolek
    ------

    No toż piyknie - klar już momy!
    Kaj liryka tam niy kromy
    Choć żech nisko - zafajruja!
    Laureatom gratuluja!
    --
    Ruda Śląska - stolica fraszki
  • broneknotgeld 11.01.12, 18:51
    Erna
    ------

    Tyż sie już niy byda tropić
    Swoje miejsce moga łopić.
    --
    Ruda Śląska - stolica fraszki
  • broneknotgeld 11.01.12, 18:52
    Berbel
    ------

    Piykno richtig ta liryka
    Nic, że tyż moj wiersz jest dali
    Chce sie aż po ślonsku rzykać
    Coby ludzie to czytali.
    --
    Ruda Śląska - stolica fraszki
  • broneknotgeld 12.01.12, 19:28
    Hyjdla
    -------

    Gratuluja im i wom!
    Chocioż niy wiym kajście som
    Byście możno sie prziznali
    Jake wiersze na to dali.
    --
    Ruda Śląska - stolica fraszki
  • broneknotgeld 12.01.12, 19:28
    Lyjo
    ------

    Jo bych pedzioł - lepi niy
    Kaj tam znod sie - autor wiy
    Dyć cuzamyn poszło piyknie
    Kto wloz niych tu czyńści kliknie.
    --
    Ruda Śląska - stolica fraszki
  • broneknotgeld 12.01.12, 19:29
    Ignac
    ------

    Kto chce - sie ujawnić może
    Niy chce - tako tyż Szczyńść Boże.
    --
    Ruda Śląska - stolica fraszki
  • broneknotgeld 12.01.12, 19:29
    Bolek
    ------
    Laureaty mie ciekawiom
    Blyśli kunsztym - sie tu zjawiom?
    --
    Ruda Śląska - stolica fraszki
  • broneknotgeld 12.01.12, 19:30
    Berbel
    -------

    Dyć wiadomo - nikt niy musi
    Poezyjo ślonski duszy
    Tak czy siak jest we proficie
    Coś ło wierszach ich powiycie?
    --
    Ruda Śląska - stolica fraszki
  • broneknotgeld 12.01.12, 19:30
    Hyjdla

    "Berała" ło pszoniu szkryfnoł mustrym ślonskim
    Pewnikym prziciongnoł jurorow tym konskym
    Niy ma co sie dziwać - humor tyż w tym przeca
    Dyć jo za lirykom ździybko inkszom leca.
    --
    Ruda Śląska - stolica fraszki
  • broneknotgeld 12.01.12, 19:31
    Lyjo
    -----

    A "Tomek" - plac drugi wcale mie niy dziwi
    Przeca "Ślonsko Matka" tako uszczyńśliwi
    Kej wroci we końcu na ta ziymia zocno
    Za kerom sie ckniyło mu richtig fest mocno.
    --
    Ruda Śląska - stolica fraszki
  • broneknotgeld 12.01.12, 19:31
    Bolek
    ------

    Piyknie szkryfnoł "Tomek" - zaś tymu dziwuja
    Dyć coś echt-polskego we tym jakby czuja.
    --
    Ruda Śląska - stolica fraszki
  • broneknotgeld 13.01.12, 00:28
    Hyjdla
    ------

    Niy godej za wiela kej w Polsce żyjymy
    Jako we diasporze - na sto procynt wiymy?
    --
    Ruda Śląska - stolica fraszki
  • broneknotgeld 13.01.12, 00:29
    Lyjo
    -----

    Kuknijcie terozki w "Kole familoka"
    Trzeci plac wiersz chycioł - niy tyro we zokach
    Z wesołom pieśniczkom i ze świniobiciym
    Ze familokowym cołkym zocnym zyciym
    Niy dziwia sie wcale że punktow nazbiyroł
    Wloz do serca tymu kery nań zaziyroł.
    --
    Ruda Śląska - stolica fraszki
  • broneknotgeld 13.01.12, 00:29
    Berbel
    -------

    Ech, "Bez pseudonima" - już wiymy - rudzianka!
    Sama to szkryfnyła - kukła tu ze ranka.
    --
    Ruda Śląska - stolica fraszki
  • broneknotgeld 13.01.12, 00:30
    Bolek
    -------

    Toż moga radować sie już ło tym czasie
    Możno tyn familok stoł przi Laurasztrasie
    Wspomna kej tam boło uciech dość wiela
    Przepiyknie szkryfnyła ło tym rudzko frela!
    --
    Ruda Śląska - stolica fraszki
  • broneknotgeld 13.01.12, 00:30
    Berbel
    ------

    Brawo lauryaty! W komplecie sie zjawiom?
    Pewnikym radości tymu forum sprawiom
    Cołko zocno trojka we końcu poznomy?
    Ofyn gratulować, to przeca niy kromy!
    --
    Ruda Śląska - stolica fraszki
  • broneknotgeld 13.01.12, 00:31
    Hyjdla
    ------

    Trza poczkać ździybeczko
    Możno tako bydzie
    Konszczyczek, czy deczko
    Dyć czas drapko idzie.
    --
    Ruda Śląska - stolica fraszki
  • broneknotgeld 13.01.12, 00:32
    Lyjo
    ------

    Yno wiycie - musu niy ma
    Idzie wiosna dyć durś zima.
    --
    Ruda Śląska - stolica fraszki
  • broneknotgeld 13.01.12, 00:32
    Hyjdla
    -------

    Lyjo - ze ty trojki, "Tomek" mie ciekawi
    Toż mom ta nadzieja, że sie tukej zjawi.
    --
    Ruda Śląska - stolica fraszki
  • broneknotgeld 13.01.12, 00:33
    Bolek
    ------

    "Tomka" niy znom - mie raduje
    Że rudzianin w tym triumfuje!
    --
    Ruda Śląska - stolica fraszki
  • broneknotgeld 13.01.12, 00:34
    Lyjo
    -----

    Idzie ci tu ło "Berały"?
    Kunszt łod niego jest niymały!
    --
    Ruda Śląska - stolica fraszki
  • broneknotgeld 13.01.12, 00:34
    Bolek
    ------

    Autor ze rudzkego forum!
    Z ranka wiyncyj mom humoru
    Znom "Berały" toż sie ciesza!
    Chlapna cosik! Fraszkom zgrzesza!
    --
    Ruda Śląska - stolica fraszki
  • broneknotgeld 13.01.12, 00:35
    Ignac
    -------

    Bolek - twoje rymowanki
    Dlo Ślonzoka jakby mankym
    Rudzke forum dlo "klikoczy"
    Kuknie kto - przejrzy na łoczy.
    --
    Ruda Śląska - stolica fraszki
  • broneknotgeld 13.01.12, 00:36
    Bolek
    ------

    Staro śpiywka - znom już przeca
    Po swojymu ciyngym leca
    Jednych bawi, inkszym wadzi
    Nic sie na to niy poradzi.
    --
    Ruda Śląska - stolica fraszki
  • broneknotgeld 13.01.12, 00:36
    Ignac
    ------

    Ja - mosz w zocy fraszki, wice
    -Śmiejom sie "Gorolowice"!
    --
    Ruda Śląska - stolica fraszki
  • broneknotgeld 13.01.12, 00:37
    Bolek
    ------

    Nic na gusta niy poradzisz
    Nawet jak swoj wiersz tam wsadzisz
    Zowdy piyknie pofraszkować
    Kwańty przeciw - grzych jest dować.
    --
    Ruda Śląska - stolica fraszki
  • broneknotgeld 14.01.12, 14:29
    Ignac
    ------

    A jo prawie już żałuja
    Że ze tobom tu "łobcuja"
    Mozno ty mosz twardo glaca
    Dyć jo na tym cosik traca.
    --
    Ruda Śląska - stolica fraszki
  • broneknotgeld 14.01.12, 14:30
    Bolek
    ------

    Toś mie teroz zaciekawioł
    Cosik wiyncy byś wyjawioł?
    --
    Ruda Śląska - stolica fraszki
  • broneknotgeld 14.01.12, 14:31
    Ignac
    ------

    Brif żech dostoł - literata
    Ślonsko godka ciongnie lata
    Wiersz tyż doł na konkurs przeca
    Szkryflo co złom sztrasom leca

    -Żech doł konkurs ku zabawie
    -Że mo służyć moji sławie
    -Że tyż twoji - forsztelujesz
    -Jo i ty sie niym promujesz.
    --
    Ruda Śląska - stolica fraszki
  • broneknotgeld 14.01.12, 14:32
    Bolek
    ------

    Możno paszkwil - mie niy tropi
    Ślonsko dusza co spokopi?

    "Kto krytyki sie niy boji?
    -Tyn kery we cnocie stoji!"
    --
    Ruda Śląska - stolica fraszki
  • broneknotgeld 14.01.12, 14:33
    Ignac
    ------

    Zdo ci sie cos jest "we doma"
    A tyn istny mo renoma
    Wiela ofyn publikuje
    Tako ślonskość fest promuje.
    Pokaż profil
    --
    Ruda Śląska - stolica fraszki
  • broneknotgeld 14.01.12, 14:35
    Bolek
    -------

    Możno ździybko jest zowistny
    Mie niy szkryfnoł nic tyn istny
    Tu doł coś za anonima
    Co jego na wiyrchu ni ma?

    Jo sie tropić tym niy byda
    Za "Berały" chlapnońć ida!
    --
    Ruda Śląska - stolica fraszki
  • broneknotgeld 14.01.12, 14:36
    Ignac
    ------

    Ty jak zowdy szpas sie robisz
    Tako ofyn przeca zgobisz!
    Na tym moje forum traci!
    -Pewno ci sie to łopłaci!

    --
    Ruda Śląska - stolica fraszki
  • broneknotgeld 14.01.12, 14:37
    Bolek
    -------

    I zaś kwańty, zaś fandzolisz
    Żeś w proficie, a niy chwolisz
    Forum skiż konkursu blysło!
    Jo uwożom - piyrwyj kisło

    "Jromantyk" richtig z ciebie
    Wiym że czuł żeś sie jak w Niebie
    Mieć w "fanklubie" frelow wiela
    Aplauz łechce - szkryfna tela

    Dyć cie piyrwyj to kryńciyło
    Teroz forum kunszt łodkryło
    Wszyskim służyć idzie tako
    Nic że ktosik kajsik "krako"

    Ignac - boło widać prawie
    Wirtualnie i na jawie
    Jako inkszym idzie służyć
    Niy z prożności yno użyć

    Kej jurorow tela prziszło
    Kej te forum piyknie blysło
    Kej ty tego niy spokopisz
    Pewno w końcu to utopisz

    Na tym kończyć trza - to czuja
    Promocyji niy żałuja
    Zrobisz drugo edycyjo
    Som niy wlejza - kej mecyjo
    Już tu szkryflać mi sie zbrzidło
    Toż sie zmywom tam kaj mydło.
    --
    Ruda Śląska - stolica fraszki
  • broneknotgeld 14.01.12, 14:39
    Łobroz VI "Plagiat"

    Ano - tako sie to stowo
    Poezyjo konkursowo
    Inkszo z mianym swojim kładzie
    Rudzke forum tyż we zwadzie?
    --
    Ruda Śląska - stolica fraszki
  • broneknotgeld 14.01.12, 14:40
    Berbel
    ------

    Roztomili - tam kuknijcie:
    nk.pl/#forum/6/8056/4?page=5
    Tuplikować mi zechciyjcie
    Jako prawie to być może?
    I kaj przikozanie Boże?
    --
    Ruda Śląska - stolica fraszki
  • broneknotgeld 14.01.12, 14:40
    Bolek
    -------

    Ano - kuknołch - sie dziwuja
    Data ważno - forszteluja
    Co do zdo sie być chabniynte
    Wnerwio kej tak ofyn wziynte
    Przeciw prowu autorskymu
    Jako nom wachować rymu?!
    --
    Ruda Śląska - stolica fraszki
  • broneknotgeld 14.01.12, 14:41
    Berbel
    --------

    Dyć co robić - jak łobronić?
    Skiż plagiatu ciyngym gonić?
    --
    Ruda Śląska - stolica fraszki
  • broneknotgeld 14.01.12, 14:41
    Bolek
    -------

    Berbel - Ignac coś zaradzi
    Brify zbiyroł - prowda wsadzi
    To trza tympić we zarodku
    Autor wiyrchym - niy łod spodku.
    --
    Ruda Śląska - stolica fraszki
  • broneknotgeld 14.01.12, 20:28
    Berbel
    -------

    Tam na forum znać żech dała
    Dzisioj tyż żech pokukała
    Jako ze tym dali bydzie?
    Co autorce wiersza przidzie?
    --
    Ruda Śląska - stolica fraszki
  • broneknotgeld 14.01.12, 20:28
    Erna
    ------

    Dyć i jo tam drap gaftnyła
    nk.pl/#forum/6/8056/4?page=5
    Zarozki tyż za to wziyła
    -Co ta istno powiedziała?
    Z hefta starki przepisała.
    --
    Ruda Śląska - stolica fraszki
  • broneknotgeld 14.01.12, 20:29
    Bolek
    -------

    Z hefta starki - jezdyrkusie!
    Jako porobiyło tu sie?
    Zaś tam blikom i dziwuja
    nk.pl/#forum/6/8056/4?page=6
    Aż przi tymu tyż nerwuja.
    --
    Ruda Śląska - stolica fraszki
  • broneknotgeld 14.01.12, 20:30
    Erna
    ------

    Ja - jo działom! Brif posłałach!
    Ignacowi naszkryflałach
    Coby drap wytuplikowoł
    Co wiy - ofyn nom przedstowioł.
    --
    Ruda Śląska - stolica fraszki
  • broneknotgeld 14.01.12, 20:30
    Berbel
    -------

    Myśla co sie wyklaruje
    Ignac pewno tymat czuje
    Z tym łostawić to niy idzie
    Dyć autorka wiersza w biydzie.
    --
    Ruda Śląska - stolica fraszki
  • broneknotgeld 14.01.12, 20:44
    Lyjo
    -----

    No, złodziejstwo take kwitnie
    Nic że to kajniykaj wytnie
    Gańby zdo sie nic niy majom
    Tyż na plagiatorstwo wajom.
    --
    Ruda Śląska - stolica fraszki
  • broneknotgeld 14.01.12, 20:53
    Erna
    -------

    Ano, prowda, znom to przeca
    Za złodziejym z kryjom leca
    Dyć sie zdo tu coś niyzdrowe!
    W tym łotrostwo konkursowe?
    Szkryfła to "bez pseudonima"
    Możno Ignac poloz kimać?
    --
    Ruda Śląska - stolica fraszki
  • broneknotgeld 14.01.12, 21:02
    Bolek

    Trza poczekać - sie dowiymy
    Data ważno - tyż to wiymy
    Wiersz publicznym chnet trzi tydnie
    "Kunszt łod starki" coś mi brzidnie
    Zaś gupawo ktoś wykryńci
    Nawet czytać niy mom chyńci.
    --
    Ruda Śląska - stolica fraszki
  • broneknotgeld 14.01.12, 21:23
    Erna
    ------

    Bolek - czekać jo niy byda
    Jedna z drugom jak łobrzida!
    Że ze Rudy łobie - nic
    Sztyngs tym niesom - to niy wic!
    Kero zgłosi po nagroda?
    Łobie z Rudy - szkoda godać!
    --
    Ruda Śląska - stolica fraszki
  • broneknotgeld 16.01.12, 22:40
    Bolek
    ------

    Zdo sie co źle ciongniesz tymat
    "Bijesz" w łobie - prowdy niy ma.
    --
    Ruda Śląska - stolica fraszki
  • broneknotgeld 16.01.12, 22:40
    Erna
    ------

    Moga pedzieć coch wygrała!
    Istno w końcu przeprosiyła
    Moje wiyrchym - niy godałach?!
    Żech z plagiatym zawalczyła!
    --
    Ruda Śląska - stolica fraszki
  • broneknotgeld 16.01.12, 22:41
    Bolek
    -----

    Łoj - toż ciesza sie z poprawy
    Kej autorki wziyłaś strona
    Plagiatorstwo niy zabawy
    Ktoś sie ło tym mog przekonać.
    --
    Ruda Śląska - stolica fraszki
  • broneknotgeld 16.01.12, 22:41
    Erna
    -----

    Tyś mi w tym niy pomog prawie
    Toż co szkryflosz ło "zabawie"?
    --
    Ruda Śląska - stolica fraszki
  • broneknotgeld 16.01.12, 22:41
    Bolek
    ------

    A dyć kuknołch we dwa konty
    Bestoż godom - miynisz fronty
    Dyć autorka z tym w proficie
    Zowdy w prowie - niy powiycie?
    --
    Ruda Śląska - stolica fraszki
  • broneknotgeld 16.01.12, 22:42
    Erna
    -----

    Bolek - czytosz co jo pisza?!
    We czym teroz śmiysz mi miyszać?
    Cołki czas sieło to biyłach
    By autorka wiyrchym była!
    --
    Ruda Śląska - stolica fraszki
  • broneknotgeld 16.01.12, 22:44
    Bolek
    --------

    (cytat Erny)

    "Bolek - czekać jo niy byda
    Jedna z drugom jak łobrzida!
    Że ze Rudy łobie - nic
    Sztyngs tym niesom - to niy wic!
    Kero zgłosi po nagroda?
    Łobie z Rudy - szkoda godać!"

    Bolek
    ------

    Tako cie tu zacytuja
    Coś czym wcale niy raduja
    Dyć to twoje przeca słowa
    -Możno yno "mowa-trowa"?
    --
    Ruda Śląska - stolica fraszki
  • broneknotgeld 16.01.12, 22:44
    Erna
    ------

    Bolek - co ty widzisz krom ty twoji Rudy?!
    Plagiat skiż kerego doszło do łostudy
    Czy jedna przisłała, czy szkryfnyła drugo
    Łobie umarasioł, choć możno niy dugo!

    Łobie za łobrzidy żech łobszmarowała
    Dyć byłach w prawie - niym prowda poznała
    Przeca wiysz co Berbel to piyrszo wytknyła
    Jo - coby dońść prowdy, żech wszysko robiyła

    Ignac sie dowiedzioł i moderatory
    Łobrzidliwość z Rudy, a tyś możno chory
    Na rudzian i inkszych jo ludzi niy dziela
    Dlo mie to jednako - żech z Dortmundu frela!
    --
    Ruda Śląska - stolica fraszki
  • broneknotgeld 16.01.12, 22:45
    Bolek
    ------

    Ja - pizna sie w klota i szkryfna że ciesza
    Kej co rudzke rośnie - zdo ci sie co grzesza?
    Rod żech jest pierońsko, co w konkursie prawie
    Sztyrech z Rudy boło - dlo mie "śnik na jawie"
    Sukces Rudy Ślonski po czyńści tyż mojim
    Tu żech jest rodzony - we papiorach stoji

    Kej łobie rudzianki łobrzidami zwałaś
    Na jedna łoszczyrstwo bezprownie ciepałaś
    I niy cyluj wy mie terozki marasym
    Wszyskich mom we zocy, a Dortmund niy straszy.
    --
    Ruda Śląska - stolica fraszki
  • broneknotgeld 16.01.12, 22:46
    Erna
    ------

    Bolek, żech jest tako - szkryflom to co myśla!
    Tego mi łodmowiosz, to mosz możno fiśla
    Dyć żech jest we prawie kej ło prowdzie godom
    Niy byda sie tropić jakomś twojom zgodom.
    --
    Ruda Śląska - stolica fraszki
  • broneknotgeld 16.01.12, 22:47
    Bolek
    ------

    Ano, godej - szkryflej swoje
    Dyć z marasym niy właź w "moje"
    Niy "ssej z palca" segregacji
    Z tym niy bydzie tu "owacji".
    --
    Ruda Śląska - stolica fraszki
  • broneknotgeld 16.01.12, 22:47
    Erna
    -----

    Dyć swoje wiym przeca - dzwigosz ciyngym Ruda
    Toż po co tu inkszych prziciongosz kej cuda
    Zdo sie yno rudzke poradzisz mieć w zocy
    Bolek - joch niy dzisioj przejrzała na łoczy!
    --
    Ruda Śląska - stolica fraszki
  • broneknotgeld 16.01.12, 22:48
    Bolek
    ------

    Ludzi wciongom wszyskich - tako niy sortuja
    Sama kładziesz dowod - toż i tym raduja.
    --
    Ruda Śląska - stolica fraszki
  • broneknotgeld 16.01.12, 22:49
    Erna
    ------

    Ano - ciesz sie chopie kej w Rudzie talynta
    Yno mi niy wmowiej co u inkszych "piynta"
    Kaj ińdzi niy gorsi, choć tu niy szkryflajom
    Niy mosz ich we zocy - zdo mi sie - niy bajom.
    --
    Ruda Śląska - stolica fraszki
  • broneknotgeld 18.01.12, 16:33
    Bolek
    ------

    Ciesza sie z talyntow i ciesza ze tego
    Kej kunszt prawie blyśnie ze miasta mojego
    Ciesza sie, że szkryflosz co tako jo moga
    Bo bych mog uwierzyć co grzysza niyboga
    Dyć niy tkej mi tego coś szkryfła na końcu
    Niy szukej tam ćmoka kaj forum we słońcu.
    --
    Ruda Śląska - stolica fraszki
  • broneknotgeld 18.01.12, 16:34
    Erna
    -----

    Kej sie łobie prziznowały
    Kej we dwie wiersz jedyn dały
    Rowno żech łobsztorcowała!
    Aże prowda w tym poznała.
    --
    Ruda Śląska - stolica fraszki
  • broneknotgeld 18.01.12, 16:34
    Bolek
    -------

    Jedna winno była
    Drugo żeś skrziwdziyła
    A mie tkosz co dziela!
    Przeproś choć ta frela
    Kero łoskarżyłaś, a racji niy miałaś
    "Fałszywe świodectwo" dyć ofyn ciepałaś!
    --
    Ruda Śląska - stolica fraszki
  • broneknotgeld 18.01.12, 16:35
    Erna
    -----

    Prowda wyszła cołko zdo sie w czas niyskory
    Mie Ignac niy szkryfnoł kto wiersza autorym!
    Możno ci sie zdowo co jo to wiedziałach
    Niy - bestoż na łobie "ze Marsa" beształach!
    --
    Ruda Śląska - stolica fraszki
  • broneknotgeld 18.01.12, 16:35
    Bolek
    ------

    Ignac zrobioł swoje - tako jak sie dało
    Na forum publicznym to przeca niymało
    Niy boło łoskarzyń dyć ze strony jego
    Jo żech mu wytykoł coś cołkym inkszego.
    --
    Ruda Śląska - stolica fraszki
  • broneknotgeld 18.01.12, 16:36
    Erna
    ------

    A jako żech szkryflać ło "autorkach" miała?
    Kero plagiatorka przeca niy wiedziałach!
    --
    Ruda Śląska - stolica fraszki
  • broneknotgeld 18.01.12, 16:37
    Bolek
    ------

    Trza boło z tym haltnońć, niy zaroz "szarżować"
    Kredyt zaufanio wiynkszy tymu dować
    Co drapci sie ofyn na forum widziało
    Ignac "trzimoł karty". Ciebie tyż zachciało?
    --
    Ruda Śląska - stolica fraszki
  • broneknotgeld 18.01.12, 16:38
    Erna
    ------
    Łobie z Rudy - cosik sie wyklarowało
    Jedna tyż łobrzida - kej tako leciało.
    --
    Ruda Śląska - stolica fraszki
  • broneknotgeld 18.01.12, 16:39
    Bolek
    ------

    "Tyż łobrzida" godosz - ciyngym mie coś tropi
    Znosz "łobrzidow" w Rudzie - kto cie tu spokopi?
    Lepi byś marasym ciepać już skończyła
    Niy pytom czyś istno richtig przeprosiyła.
    --
    Ruda Śląska - stolica fraszki
  • broneknotgeld 18.01.12, 22:58
    Erna
    -----

    Niy pytej! Jo pytom! Asisz sie wierszami?
    Sztyry ponoć z Rudy - czy szkryfli je sami?
    Mom nadzieja - tyś im tego niy napisoł
    Dyć na mie niy bydziesz nudli teroz wiyszoł.
    --
    Ruda Śląska - stolica fraszki
  • broneknotgeld 18.01.12, 23:00
    Bolek
    ------

    Wiela balakwastrow wyciepiesz ze duszy?
    Ponoć mi "zezwolosz" tym radować prawie
    Twoje fandzolynie mie wcale niy ruszy
    Dyć kota niy zwyrtej ofyn w ty "zabawie".
    --
    Ruda Śląska - stolica fraszki
  • broneknotgeld 18.01.12, 23:00
    Erna
    ------

    Coś wielkego zrobioł? Konkurs popromowoł?
    Mosz tela "znajomych", że jontrzkym sie zdowo
    Toś sie niy namachoł, niywiela trza było
    Stykło rozfechtować i drap to kulnyło.
    --
    Ruda Śląska - stolica fraszki
  • broneknotgeld 18.01.12, 23:18
    Bolek
    ------

    Ja, słoł zech durś brify, w komyntarze tkoł
    Choć tyż czasu na to ździybko mało mioł
    Dyć sie tym niy darmo festelnie raduja
    Kej i takim mustrym ślonskość animuja
    Po prowdzie "znajomych" żech cołkym łostawioł
    Inkszejszym "profilom" ideja ta jawioł
    Trza by możno godać ło tym ci dość wiela
    Dyć wystyknie na tym, fertig - szkryfna tela.
    --
    Ruda Śląska - stolica fraszki
  • broneknotgeld 21.01.12, 14:51
    Erna
    ------

    Mie tyż już to mierzi - smola rudzke forum
    Niy byda sie na noc psuć tukej humoru
    Styknie co mom racjo - żech swoje zrobiyła
    Sama plagiatorka w końcu przeprosiyła.
    --
    Ruda Śląska - stolica fraszki
  • broneknotgeld 21.01.12, 14:51
    Lyjo
    ------

    Erna - kej to czytom chca wciepać "trzi grosze"
    Dlo mie wpiyrw autorki tyż rowne po trosze
    Tela że niywinne aże do momyntu
    Kej prowdy sie siyngnie cołkego imyntu
    Drap łoskarżyć idzie - ciynżko to cofinać
    Tela łod sia szkryfna, niym już póda nynać.
    --
    Ruda Śląska - stolica fraszki
  • broneknotgeld 21.01.12, 14:52
    Berbel
    -------

    Dyć nojlepszo zowdy zgoda
    Erna przeca dobrze chciała
    Ze niyj tako "krew niy woda"
    Stond drap swoje naszkryflała.
    --
    Ruda Śląska - stolica fraszki
  • broneknotgeld 21.01.12, 14:53
    Bolek
    -------

    Żech spokopioł ło co idzie
    Dyć autorka boła w biydzie
    Wiysz już - rechtoruje w szkole
    Gnać musiała Erna "w pole"?
    Łobie? Tako sie godziyło?
    Czy pochwolisz to co było?
    --
    Ruda Śląska - stolica fraszki
  • broneknotgeld 21.01.12, 14:55

    Berbel
    -------

    Ech, żech sama to wskozała
    Erna "interwyniowała"
    Po swojymu kożdy kuko
    Coś inkszego czasym szuko
    I zrymuje coś na drap
    Koncept wloz, a potym knap
    --
    Ruda Śląska - stolica fraszki
  • broneknotgeld 21.01.12, 14:55
    Bolek
    ------

    Joch uwidzioł ubliżynie
    Tako godo mi sumiynie
    Plagiatorka wiersz sie "wziyła"
    Erna łod sia "dołożyła"
    We tym norma "naszy-klasy"?
    W kunszt trza ciepać tyż marasym?
    --
    Ruda Śląska - stolica fraszki
  • broneknotgeld 21.01.12, 14:56
    Berbel
    -------

    Ta łostuda już za nami
    Choć skończyło sie niypiyknie
    Niy szkryflomy tukej sami
    Coś spokopi kto tu kliknie

    Istno kero wiersz sie "wziyła"
    Tako cosik nauczyła.
    --
    Ruda Śląska - stolica fraszki
  • broneknotgeld 21.01.12, 23:38
    Bolek
    -------

    Trza nom prow autorskich bronić
    Trza złodziejow czyńści gonić
    Trza nom wspiyrać ich ofiary
    Trza zocniejszy ciyngym miary.
    --
    Ruda Śląska - stolica fraszki
  • broneknotgeld 21.01.12, 23:38
    Berbel
    --------

    Trza - tu przidzie to poleku
    Możno tego jo doczekom
    Klasowicze dyć czytajom
    Sie poprawi. -Czy jo bajom?
    --
    Ruda Śląska - stolica fraszki
  • broneknotgeld 21.01.12, 23:39
    Bolek
    -------

    Ano - zowdy jest nadzieja
    Toż ze "bojek" sie niy śmieja
    Prow autorskich trza pilnować
    Muster inkszym tako dować
    Apelować tyż tu idzie
    Z czasym możno lepi bydzie.
    --
    Ruda Śląska - stolica fraszki
  • broneknotgeld 21.01.12, 23:40
    Berbel
    -------

    Lepi - wiyncy to spokopi!
    Plagiat tworcy ciyngym topi.
    --
    Ruda Śląska - stolica fraszki
  • broneknotgeld 21.01.12, 23:40
    Bolek
    -------

    Koncept łazi mi po gowie
    Możno kuknie tukej czowiek
    Co chce bronić prow autora
    Lepi bydzie? Niy jak wczora?
    --
    Ruda Śląska - stolica fraszki
  • broneknotgeld 21.01.12, 23:41
    Berbel
    --------

    Toż sie przespij z tym do rana
    Kukna tu jak yno wstana.
    --
    Ruda Śląska - stolica fraszki
  • broneknotgeld 21.01.12, 23:44
    Bolek
    ------

    Ano - czas na to niyskorzyj
    Wontek nowy sie łotworzy
    Coś dlo administracyji
    Skiż autorskich prow mecyji

    Możno bydzie mioł poparcie
    Niy trza nom durś stoć na warcie
    Niy trza nom z tym nudlow wiyszać
    No, dyć możno bydzie - cisza.
    --
    Ruda Śląska - stolica fraszki
  • broneknotgeld 21.01.12, 23:47
    Berbel
    --------
    Zrob tak - jo już światło gasza
    Jutro blikna - niy wystrasza.
    --
    Ruda Śląska - stolica fraszki
  • broneknotgeld 21.01.12, 23:47
    Bolek
    -------

    Toż dobranoc - czas już spać
    -Z rana trza mi za to brać.
    --
    Ruda Śląska - stolica fraszki
  • broneknotgeld 21.01.12, 23:49
    Łobroz VII - "Apel".

    Jutro bydzie jako wczora?
    Apel skuli prow autora
    Wloz we forumowy kontek
    Toż kuknijcie - leci wontek!
    --
    Ruda Śląska - stolica fraszki
  • broneknotgeld 21.01.12, 23:51
    Bolek
    -------

    Szanowna Administracjo Portalu

    Portal ten cieszy sie dużym powodzeniem wśród twórców wyrosłych ze społeczności lokalnych (poetów, fraszkopisarzy, itp), dzięki czemu zaczyna odgrywać znaczącą rolę dla rozwoju kultury (literatury).
    Wyjątkowa łatwość upowszechniania wierszy, fraszek, rymowanek jednak prowadzi też do efektów negatywnych, gdyż są one masowo przeklejane anonimowo bez wiedzy i zgody autora.
    Stoi to w pewnej sprzeczności z etyką i obowiazującym w Polsce prawem autorskim.
    Zdajemy sobie sprawę, że tego nie unikniemy całkowicie, jednak uważamy, że te sprawy powinny być precyzyjnie przedstawione użytkownikom portalu w jego regulaminie.

    ------------------------------

    Niżej wpisani dołączają do tego apelu.
    --
    Ruda Śląska - stolica fraszki
  • broneknotgeld 23.01.12, 19:51
    Berbel
    -------

    Jo popiyrom - podpisuja
    Apel leci - tym raduja.
    --
    Ruda Śląska - stolica fraszki
  • broneknotgeld 23.01.12, 19:52
    Bolek
    -------

    Coby klar z tym wszyjscy mieli
    Żech "za" - prow trza bronić w szteli.

    --
    Ruda Śląska - stolica fraszki
  • broneknotgeld 23.01.12, 19:53
    Lyjo
    ------

    Blikom i jo poniywczasie
    Apel leci w "naszy-klasie"
    Widza - wiela ludzi wspiyro
    Drugi dziyń kulo dopiyro
    A już wontku sztyry strony
    Plagiatorstwu rady domy?

    Ano - podpis swoj tyż kłada
    Plagiat zowdy niesie zwada
    Zowdy krziwda w tym autora
    Wiym jo ło tym niy łod wczora.
    --
    Ruda Śląska - stolica fraszki
  • broneknotgeld 23.01.12, 19:53
    Bolek
    ------

    Lyjo - dziynki! Inkszym tyż!
    Wsparcio potrza - przeca wiysz.
    --
    Ruda Śląska - stolica fraszki
  • broneknotgeld 23.01.12, 19:54
    Magda
    ------

    Witam poetów, witam autorów
    Sądzę, że wsparcie w tym dostaniecie
    Wiem - męczy twórców kradzież utworów
    Nie jest niewinną praktyką przecież
    Branie bez zgody, wręcz podszywanie
    Albo na "niebyt" tym skazywanie.
    --
    Ruda Śląska - stolica fraszki
  • broneknotgeld 23.01.12, 19:55
    Bolek
    ------

    Magda - widza, że nos wspiyrosz
    Ciesza sie że tu zaziyrosz
    Jedne zdanie cołkym styknie
    "Jest żech za" - już richtig piyknie.
    --
    Ruda Śląska - stolica fraszki
  • broneknotgeld 23.01.12, 19:56
    Magda
    ------

    Na każdym "profilu" winno być podane
    Że jest wykroczeniem takie kopiowanie
    Co stoi w sprzeczności z prawami autora
    Plagiat w "naszej-klasie" to prawdziwa zmora.
    --
    Ruda Śląska - stolica fraszki
  • broneknotgeld 25.01.12, 20:23
    Bolek
    ------

    Koncept dość ciekawy - richtig dali idzie
    Dyć na razie "apel" niychej tukej bydzie
    Ludzie tu prziłażom - ciyngym popiyrajom
    Sama przeca widzisz - posty "za" dowajom.
    --
    Ruda Śląska - stolica fraszki
  • broneknotgeld 25.01.12, 20:24
    Magda
    ------

    Rzeczywiście - cenny wątek
    Dobry "apel" na początek
    --
    Ruda Śląska - stolica fraszki
  • broneknotgeld 25.01.12, 20:25
    Bolek
    ------

    Drugi dziyń tyn "apel" przeca
    Tako prowda ło niym kleca
    Że być może "wielkom sprawom"
    A niy jakomś tam "zabawom".
    --
    Ruda Śląska - stolica fraszki
  • broneknotgeld 25.01.12, 20:26
    Julek
    -------

    Wszystko jest w regulaminie
    A podpisy wciąż składają
    Czy czas głupków tu nie minie?
    Klasowicze nie czytają?!
    --
    Ruda Śląska - stolica fraszki
  • broneknotgeld 25.01.12, 20:29
    Bolek
    -------

    We regulaminie tako musi być
    Dyć co jest to przeca po prowdzie za mało
    We dwoch punktach zdo sie co autorske kryć
    Drap idzie przepomnieć, kej roz przeczytało.
    --
    Ruda Śląska - stolica fraszki
  • broneknotgeld 25.01.12, 20:30
    Julek
    ------

    Administracja z tego uśmieje
    Głupi tu piszą - a gdzie złodzieje?
    --
    Ruda Śląska - stolica fraszki
  • broneknotgeld 25.01.12, 20:31
    Bolek
    ------

    Niy ciep marasym, niy droźnij ludzi
    Kej ze poparciym wiela tu kludzi.
    --
    Ruda Śląska - stolica fraszki
  • broneknotgeld 26.01.12, 00:07
    Lyjo
    ------

    Strać sie Julek z wontka
    Tu posty "za" klecom
    Poszukej dyć kontka
    Kaj z łostudom lecom.
    --
    Ruda Śląska - stolica fraszki
  • broneknotgeld 26.01.12, 00:08
    Julek
    ------

    To trzeba napisać - kopiują bez zgody
    A nie zaraz "zmieniać regulamin"
    Nie czyta coś stary, nie czyta i młody
    Woli poprzeć "apel" głupimi postami.
    --
    Ruda Śląska - stolica fraszki
  • broneknotgeld 26.01.12, 00:08
    Bolek
    ------

    Karlusie - zmiyń adres - niy tkej dubeltowo
    Kej wontek z poparciym ciyngym leci zdrowo
    Ludzie tukej posty durś zocnie dowajom
    Ty ich zaś łobrożosz - toż niy dziw co wajom.
    --
    Ruda Śląska - stolica fraszki
  • broneknotgeld 26.01.12, 00:09
    Julek
    ------

    W regulaminie można poczytać
    O kopiowaniu - nie trzeba pytać
    Klasowicz świadom to podpisuje?
    Nieświadom? Głupstwem śmiech wywołuje!
    --
    Ruda Śląska - stolica fraszki
  • broneknotgeld 26.01.12, 00:09
    Bolek
    ------

    Szworty roz szkryflosz "trzi po trzi" swoje
    Wontek z apelym dyć przeca to jest
    Wiymy - dlo ciebie tu "gupieloki"
    Idź już kaj ińdzi kukać "złym łokym".
    --
    Ruda Śląska - stolica fraszki
  • broneknotgeld 26.01.12, 00:10
    Berbel
    ------

    W końcu sie stracioł - wsparcie zaś momy
    Apel to niy som jakesik kromy
    Ktoś "za" - na forum niychej pokoże
    W prawach autorow ciut dźwignońć może.
    --
    Ruda Śląska - stolica fraszki
  • broneknotgeld 26.01.12, 00:10
    Lyjo
    ------

    Myni dyszkursu - poparcio trza!
    Tako zaś leci? Jeronie - ja!
    --
    Ruda Śląska - stolica fraszki
  • broneknotgeld 28.01.12, 15:13
    Julek
    ------

    Nie wszyscy ten "apel" jednak popierają
    Ci którzy są "przeciw" więcej racji mają
    Autorzy reklamy darmowej są głodni?
    Widać na tym wątku - przecież jej niegodni!
    Skoro od złodziei zaraz wyzywają
    A administracji nawet nie zgłaszają.
    --
    Ruda Śląska - stolica fraszki
  • broneknotgeld 28.01.12, 15:13
    Bolek
    ------

    Administracyjo durś "rynce umywo"
    Zdo sie co na plagiat nawet niy podziwo
    Toż niy myńdź zaś tako - co było, wystyknie
    Możno zajś kajś ińdzi te "mondrości" klikniesz.
    --
    Ruda Śląska - stolica fraszki
  • broneknotgeld 28.01.12, 19:33
    Julek
    ------

    Że im ubliżacie - też tu piszą ludzie
    Chcą sie tym zabawić - wykroczeń nie widzą
    Fraszka, rymowanka? -Nie mówcie o cudzie!
    Wyzwać od złodziei? -Autorzy niech wstydzą!
    --
    Ruda Śląska - stolica fraszki
  • broneknotgeld 28.01.12, 19:34
    Bolek
    -------

    Chce ci sie tu durś mataczyć
    Idz kaj indxi połonaczyć
    Tukej "apel" niychej leci
    I popaecie ciyngym kleci.
    --
    Ruda Śląska - stolica fraszki
  • broneknotgeld 28.01.12, 19:34
    Berbel
    -------

    Ech, wiym tela - tref Syzyfa
    Tworcom dany - potrza knifa
    Coby "apel" za swoj wziyni
    Zdo sie to dlo ślonski ziymi?
    Dyć jest szansa ciś do gory
    Kunszt naszy literatury!
    --
    Ruda Śląska - stolica fraszki
  • broneknotgeld 28.01.12, 19:35
    Bolek
    -------

    Ano - Berbel - ło to idzie
    Coby autor niy boł w biydzie
    Coby go Ślonzoki znali
    Coby płynońć mog "na fali"
    Dyć czy wszyjscy to spokopiom?
    Wiela takich kierzy "topiom"!
    --
    Ruda Śląska - stolica fraszki
  • broneknotgeld 28.01.12, 19:35
    Lyjo
    ------

    Coś za wiela labiydzicie
    A poparcie leci - wiycie?!
    --
    Ruda Śląska - stolica fraszki
  • broneknotgeld 28.01.12, 19:36
    Ignac
    ------

    Jo "apelu" niy popiyrom!
    Sie dziwuja, kej zaziyrom
    NK tego mo wachować?
    Z armijom adminow stować?

    Kto chce niych se wiersze wydo
    Som żech prawie w tym niy biydok
    Mie wydowo aż Warszawa!
    Gyszeft robiom? -Jejich sprawa!
    No i moja, boch autorym
    "Apel" poprzić? Żech niy chory!
    --
    Ruda Śląska - stolica fraszki
  • broneknotgeld 28.01.12, 23:17
    Lyjo
    ------

    Ignac - dyć niy ło to idzie!
    We portalu lepi bydzie
    Jak spokopi tukej wiyncy
    Że fest plagiat tworce mynczy

    Wydać tomik niy ma leko
    Kaj wydawca? Wierszow czeko?
    Nic że wiela mniyj we wercie
    Czy kej cudze to sie biercie?!

    Bierom te co spodobajom
    Roztomajte gusta majom
    Weznom - wytnom tyż autora
    Krziwdzom tako niy łod wczora

    Apel z krziwdy - ktoś zaziyro
    Kto niy biere, tyn to wspiyro
    Kery tworzy - winiyn tako!
    Choć ktoś glyńdzi, choć ktoś "krako"!
    --
    Ruda Śląska - stolica fraszki
  • broneknotgeld 28.01.12, 23:18
    Ignac
    -------

    Nic we wercie "apel" taki
    Możno komuś potrza "klaki"
    Abo "klika" już robicie
    Nic we wercie! Co? -Niy wiycie?
    --
    Ruda Śląska - stolica fraszki
  • broneknotgeld 28.01.12, 23:19
    Bolek
    -------

    Ja, już piyrwyj coś żeś tkoł
    Że wydawcy bydziesz mioł
    ISBN - numer ofyn
    Możno cie łobciongli sztofym?

    Niyroz prziszło ci to pieprzyć
    Widać co sie czujesz lepszy
    Niy dlo ciebie "naszo-klasa"?
    No a fraszka - coś do lasa.
    --
    Ruda Śląska - stolica fraszki
  • broneknotgeld 28.01.12, 23:20
    Ignac
    ------

    Wontek tyn - prowokacyjom!
    Dlo adminow - komedyjom
    "Fikcjo" tako ci szkryfnyła
    Rada jest, bydzie i była
    Kej co szkryfnie - pokopiujom
    Niych ludziska tyż radujom.
    --
    Ruda Śląska - stolica fraszki
  • broneknotgeld 28.01.12, 23:20
    Bolek
    ------

    Ignac - w ciymno sztrasa pylosz!
    Tworcow dropiesz a niy kilosz
    Konkurs skończoł sie plagiatym
    Zdo sie - jakby żeś boł za tym

    Bydzie drugo edycyjo?
    Plagiatorow? Kryjolyjo!
    --
    Ruda Śląska - stolica fraszki
  • broneknotgeld 28.01.12, 23:21
    Berbel
    -------

    Dyć łostowcie ta łostuda
    Tak czy siak - na forum cuda!
    Mało "przeciw" - wiela "za"
    Tym sie fest radować trza.
    --
    Ruda Śląska - stolica fraszki
  • broneknotgeld 28.01.12, 23:22
    Bolek
    ------

    Berbel - recht mosz - toż przeproszom
    Niych spokojnie te "za" wnoszom.
    --
    Ruda Śląska - stolica fraszki
  • broneknotgeld 03.02.12, 00:06
    Ignac
    ------

    Co Haźbiytka wom szkryfnyła?
    Cołko prowda - we niyj siyła!
    Mo sie tropić kto autorym?
    W jeji wieku czas niyskory

    Toż sie biere - wklejo dali
    Wyście w gowach namiyszali!
    Do "znajomych" zaproszocie
    A pretynsje ło rym mocie!
    --
    Ruda Śląska - stolica fraszki
  • broneknotgeld 03.02.12, 00:07
    Bolek

    Istno swoje tu "pedziała"
    Dyć czy recht w tym richtig miała?
    Kej coś biere łod autora
    Dali tako tko po forach

    Brać ze tworcy mianym może
    A bez miana? -Broń jom Boże!
    Pod autora sie podszywo?
    Możno cołkym niy, dyć dziwo

    Biere - kunszt tako mo w zocy
    Chce niym inkszych napaś łoczy
    A autora poniywiyro!
    We ćmok ciśnie - toż dopiyro!
    --
    Ruda Śląska - stolica fraszki
  • broneknotgeld 03.02.12, 00:08
    Magda
    -------

    Oj, ta pani nie zrozumie
    Twórcę skrzywdzi, bo nie umie
    Pojąć w czym autorskie prawa
    Brać w ten sposób - nie zabawa.
    --
    Ruda Śląska - stolica fraszki
  • broneknotgeld 03.02.12, 00:08
    Lyjo
    ------

    Ano - sie nikerym zdowo
    Co kej ktoś na forum stowo
    Kej tu kunsztym swojim dzieli
    Chce coby go za nic mieli.
    --
    Ruda Śląska - stolica fraszki
  • broneknotgeld 03.02.12, 00:09
    Magda
    ------

    Szkoda że administracja
    Twórców jakoś nie chce wspierać
    Bo po czyjej stronie racja
    Nie ma nawet sensu szperać.
    --
    Ruda Śląska - stolica fraszki
  • broneknotgeld 03.02.12, 00:09
    Lyjo
    -----

    Użytkownik "naszy-klasy"
    Zdo sie czasym w pukeltaszy
    Abo w szkołce - wiysz" - "przedszkolu"
    Jo tego niy byda chwoloł.
    --
    Ruda Śląska - stolica fraszki
  • broneknotgeld 03.02.12, 00:10
    Ignac
    ------

    A jo coch prawie pytoł prawnika
    Tu sie możecie pierdoły klikać
    Kej sami wiersze szkryflocie w necie
    To zdo sie tako co tego chcecie
    Coby se inksi łod wos to brali
    I ło autora nic niy starali.
    --
    Ruda Śląska - stolica fraszki
  • broneknotgeld 03.02.12, 00:10
    Magda
    ------

    Pewno to nie był "palestry orzeł"
    Praw swych autor bronić może
    I powinien - żle się dzieje
    Gdy plagiator jawnie śmieje.
    --
    Ruda Śląska - stolica fraszki
  • broneknotgeld 03.02.12, 00:11
    Bolek
    ------

    Ano, prawo zowdy prawym
    Sie niy traci skiż "zabawy"
    Portal gyszeft wiynkszy robi
    Kej plagiator ciyngym zgobi?
    Klasowicze durś klikajom
    Profit "władcy NK" majom!

    Łazi cosik mi po gowie!
    Profit taki - sztyngs w połowie?!
    Czy "srebrniki Judoszowe"?!
    --
    Ruda Śląska - stolica fraszki
  • broneknotgeld 03.02.12, 00:11
    Lyjo
    -----

    Kery niy chce - niy spokopi
    Choć to tworcy richtig tropi
    Dyć trza ciyngym ło tym prawić
    Klasowiczom tako jawić
    Apelowi sie dziwajom
    Z czasym lepi bydzie - bajom?

    Jo co moje u sia kłada
    Zdo sie yno tako rada
    Z jednym pseudonimym zowdy
    Wartko dońda tyż do prowdy
    Piyrwyj jest na moji stronce
    Niym kaj ińdzi kuknie w słońce.
    --
    Ruda Śląska - stolica fraszki
  • broneknotgeld 03.02.12, 00:12
    Bolek
    -------

    Jo mom forum - przeca wiycie
    forum.gazeta.pl/forum/f,28940,Ruda_Slaska_stolica_fraszki.html
    Tam tyż rymom leci życie
    Tam co moje trefia zowdy
    No i dońść drap idzie prowdy.
    --
    Ruda Śląska - stolica fraszki
  • broneknotgeld 05.02.12, 19:32
    Berbel
    -------

    Ciyngym tukej łosprowiocie
    Apel niesie wiela pociech
    Czy niy styknie sie radować?
    Ludzie chcom poparcie dować!
    --
    Ruda Śląska - stolica fraszki
  • broneknotgeld 05.02.12, 19:32
    Bolek
    -------

    Ano - to jest nojważniesze
    Posty cieszom, tyż dzisiejsze
    Toż ideji to niy wadzi
    Że ktoś szkryfnońć "niy" poradzi.
    --
    Ruda Śląska - stolica fraszki
  • broneknotgeld 05.02.12, 19:33
    Lyjo
    ------

    Berbel - wontek som łod siebie
    Jak bajlaga co na chlebie
    Ktoś spokopi - ktosik niy
    Jest utropa - niychej wiy
    Co brać idzie abo jak?
    We tym naszych czasow znak!
    --
    Ruda Śląska - stolica fraszki
  • broneknotgeld 05.02.12, 19:33
    Magda
    -------

    Przecież pisałam, że tu "profile"
    Trzeba "ozdobić" regulaminem
    Dwa lub trzy zdania, dobrze by było
    I praw autorskich lepiej broniło
    Niech każdy widzi, ma przed oczami
    Nie poniewiera potem twórcami.
    --
    Ruda Śląska - stolica fraszki
  • broneknotgeld 05.02.12, 19:34
    Bolek
    -------

    Fajniście by boło, dyć na razie styknie
    Jak apel z poparciym leci ciyngym piyknie
    Możno tysionc głosow zebiere tyn wontek
    Ludzie fest kukajom terozki w nasz kontek.
    --
    Ruda Śląska - stolica fraszki
  • broneknotgeld 07.02.12, 23:21
    Ignac
    -------

    Łoj Ślonzoki, łoj Ślonzoki!
    Tuście richtig same ćmoki
    Idźcie spytać sie prawnika
    Niy na forum gupio klikać

    W NK tyż mom prawie "fara"
    Lepi byście poszli "jarać"
    Tu coś docie - z tym godzicie
    Że zabierom. Co - niy wiycie?!

    Wasze rymy jak z deliny!
    Siano w gowach mocie driny?

    Szkryfna - "Ponczek jest przed śledziym
    Jak cygaństwo żech niydźwiedziym"
    Biercie dali jako chcecie
    "Ponczek" wos w gowiczki gniecie?!
    --
    Ruda Śląska - stolica fraszki
  • broneknotgeld 07.02.12, 23:21
    Bolek
    -------

    Łoj Ślonzoku - toś łoszkliwy!
    Teroz żeś tu wrazioł "dziwy"!
    Czym sie asisz? Czy kulturom?
    Lepszym zdosz sie - co przed dziurom
    Stanoł coby w nia napulać
    Ignac - przestoń tako fulać!
    --
    Ruda Śląska - stolica fraszki
  • broneknotgeld 07.02.12, 23:23
    Berbel
    -------

    Zdało mi sie w czymsik drzymać
    Ignac "blysnoł" tu, kaj cima
    Dyć w tym jedna jest pociecha
    "Wyleciało szydło z miecha".
    --
    Ruda Śląska - stolica fraszki
  • broneknotgeld 07.02.12, 23:24
    Lyjo
    -----

    Ignac - niy grosz romantyka?
    Już do "M" niy bydziesz rzykać?
    Z gwinta chlapnołś, czy z zymfcioka?
    Przestoń, przestoń tu nom skokać!
    --
    Ruda Śląska - stolica fraszki
  • broneknotgeld 09.02.12, 00:15
    Ignac
    -------

    Ja - łobrożać poradzicie!
    Tym na forach marasicie!
    Mondry wiy co gupiejecie
    NK uczyć czegoś chcecie?

    Jo jak inksi tyż kopiuja
    Kej co piykne tym raduja
    Wezna fraszka - mom przeproszać?
    Mie dziynkujcie kej to nosza!
    Mom autora kajsik szukać?
    Przestońcie tu gupio blukać!
    --
    Ruda Śląska - stolica fraszki
  • broneknotgeld 09.02.12, 00:16
    Lyjo
    -----

    Ignac - jako cie spokopić?
    Kogoś chcesz, czy som "utopić"?
    Niy rob świyntym kejś trunkowy
    Post sie zdo zaś "promilowy".
    --
    Ruda Śląska - stolica fraszki
  • broneknotgeld 09.02.12, 00:16
    Magda
    ------

    Cóż mam myśleć? Źle się dzieje!
    Może diabeł z tego śmieje
    Tu nie ceni twórców prawie
    Będzie znany we Warszawie?
    Czy ma gdzieś autora prawa?
    Oj, nieładna to "zabawa"!
    --
    Ruda Śląska - stolica fraszki
  • broneknotgeld 11.02.12, 20:30
    Berbel
    -------

    Kej prowda szkryfnie, a kej scygani?
    Nos tu mianuje gupielokami?!
    Niych sie swojego trzimie "fanklubu"
    Tu apel leci - niy "łubudubu".
    --
    Ruda Śląska - stolica fraszki
  • broneknotgeld 11.02.12, 20:31
    Bolek
    ------

    Ech, utropa z mitomanym
    Miniherostratesikym?
    Inkszy w nocy, inkszy ranym
    Zdo sie tako łobłudnikym
    Czy romantyk? Ktoś z portalu?
    Czy łoszkliwiec? Pijanica?
    Prowdom tako niy pochalom
    Poznowomy jego lica.
    --
    Ruda Śląska - stolica fraszki
  • broneknotgeld 11.02.12, 20:32
    Ignac
    ------

    Fandzolicie tu za wiela
    Kajsik mom to - szkryfna tela
    Jako bronić prow autora
    Medykuja niy łod wczora

    Mynczyć "gora" trza brifami!
    Niych sie cisnom tysioncami!
    --
    Ruda Śląska - stolica fraszki
  • broneknotgeld 11.02.12, 20:34
    Bolek
    ------

    Ignac - zaś tu sztyngs przinosisz
    Żeś z NK - ło brify "prosisz"?
    We tym widać tyż łobłuda
    Spamowanie to niy "cuda".
    --
    Ruda Śląska - stolica fraszki
  • broneknotgeld 11.02.12, 20:35
    Ignac
    ------

    Bałamońcisz ludziom tukej!
    Z wiatrakami bić sie majom?
    Gupich dyć kaj ińdzi szukej!
    I adminy już cie znajom.
    --
    Ruda Śląska - stolica fraszki
  • broneknotgeld 11.02.12, 20:35
    Bolek
    ------

    I "adminy", i "prawniki"
    Zdo sie co ze twoji "kliki".
    --
    Ruda Śląska - stolica fraszki
  • broneknotgeld 11.02.12, 22:29
    Ignac
    -------

    Chopie - ło podpisach prawisz
    Dyć gupota swoja jawisz!
    Niy trza tego nom na forach!
    Szmaruj lepi do dochtora
    Kto to czyto? -Małowiela!
    Rudzko dziura - szkryfna tela.
    --
    Ruda Śląska - stolica fraszki
  • broneknotgeld 11.02.12, 22:30
    Bolek
    ------

    Bych niy pedzioł co to "dziura"
    Wiela gowa tu mo "w chmurach".
    --
    Ruda Śląska - stolica fraszki
  • broneknotgeld 11.02.12, 22:30
    Ignac
    ------

    Ja, przichlastow mosz dość wiela
    Roz to karlus, a roz frela
    Niymi tako reskiyrujesz
    Na tym forum "guru" czujesz!

    Dyć kto rozum mo tyn wiy
    Gupkow mamisz, mondrych niy
    Som ześ jako fraszka twoja
    Gupieloku - lyź do gnoja!
    --
    Ruda Śląska - stolica fraszki
  • broneknotgeld 11.02.12, 22:31
    Bolek
    -------

    Szkalujesz ofyn przezocnych ludzi
    Co złe ze tobom zdo sie tu kludzić.
    --
    Ruda Śląska - stolica fraszki
  • broneknotgeld 11.02.12, 22:31
    Ignac
    --------

    Bolek - trza ci wiela klaki
    Toż dej lepi apel taki
    Coby we regulaminie
    Czcionkom boło jako w kinie
    Grubom, epnom - dlo ślepokow
    I echt-ciymnych tych Ślonzokow.
    --
    Ruda Śląska - stolica fraszki
  • broneknotgeld 11.02.12, 22:31
    Berbel

    Ech, jako to strowić?! Jako tukej czytać?
    Jo, "ciymno Ślonzoczka", śmia Ignaca pytać!
    Wiela łoaszkliwości tukej ciyngym ciepie
    Ze jego "kultury" aże mi sie chepie.
    --
    Ruda Śląska - stolica fraszki
  • broneknotgeld 11.02.12, 22:32
    Ignac
    ------

    Wiym Berbel, co Bolka sie tu słuchać musisz
    Kej łon ci rozkoże - siekyra nabrusisz
    Łon "krolym" na forum - ty mu służkom ino
    Możno na cia mustrym gorolskim kajś sklino.
    --
    Ruda Śląska - stolica fraszki
  • broneknotgeld 11.02.12, 22:32
    Berbel
    --------

    Gańba by cie było - idzie pobłoznować
    Dyć jako tu ofyn łoszczyrstwa śmiysz dować?!
    --
    Ruda Śląska - stolica fraszki
  • broneknotgeld 11.02.12, 22:33
    Ignac
    -------

    Na gorolskim forum gorol reskiyruje!
    Abo - zdrajca Ślonzok! Kto mondry wiy, czuje
    Jo gorolstwo tympia - tako wom łonacza
    Możno skiż chadziajstwa profil w NK straca.
    --
    Ruda Śląska - stolica fraszki
  • broneknotgeld 11.02.12, 22:33
    Berbel
    -------

    Stracisz? Kej trollujesz
    Niy łod dzisioj przeca
    I tym uradujesz
    -Dychnij sie łod Neca.
    --
    Ruda Śląska - stolica fraszki
  • broneknotgeld 11.02.12, 22:33
    Ignac
    -------

    Ludzie! "Profil" traca prawie przez goroli!
    No i gupieloka kerego ktoś chwoli!
    --
    Ruda Śląska - stolica fraszki
  • broneknotgeld 11.02.12, 22:34
    Bolek
    -------

    Tu bamonci już za wiela
    Z tego zno go NK-sztela
    Pod kogosik zaś podszywo?
    "Profil" traci - mie niy dziwo.
    --
    Ruda Śląska - stolica fraszki
  • broneknotgeld 11.02.12, 22:35
    Magda
    -------

    No i "profil" w końcu już zlikwidowany
    Spokój temu forum będzie teraz dany
    Apel popularny - poparcie wciąż zbiera
    Niech z prawem autora lepiej będzie teraz.
    --
    Ruda Śląska - stolica fraszki
  • broneknotgeld 11.02.12, 22:35
    Bolek
    ------

    Ech, dyć ze Ignaca "wieloprofilowiec"
    Wkulo sie tu "fikcjom" jak jakiś "bombowiec"
    Szczyńściym co boroczek wiela niy poradzi
    Stowio na cygaństwo - co prowdzie durś wadzi.
    --
    Ruda Śląska - stolica fraszki
  • broneknotgeld 11.02.12, 22:35
    Berbel
    -------

    Choć spokojni ździybko bydzie
    Chocioż ktosik coś spokopi
    Forum, wontek niy we biydzie
    Na "Toastach" idzie łopić
    nk.pl/#forum/17/977/58
    --
    Ruda Śląska - stolica fraszki
  • broneknotgeld 11.02.12, 22:36
    Lyjo
    -----

    No, poparcie fest ruszyło
    Jak z poczontka - niy stanyło.
    --
    Ruda Śląska - stolica fraszki
  • broneknotgeld