Dodaj do ulubionych

Ło Warmii i Mazurach

22.09.04, 07:31
Toż Małopolska downo tu momy
Tyż Wielkopolska no i Pomorze
Ślonsk cołki - przeca go dobrze znomy
Nawet Mazowsze we godce - Boże

Warmii i Mazur jednak brakuje
Feler to wielki i czas z tym skończyć
Niych rym ło zocny ziymi sie suje
Choćby skiż tego ktoś chcioł zaś "bronczyć".
--
forum.gazeta.pl/forum/71,1.html?f=261
Edytor zaawansowany
  • broneknotgeld 22.09.04, 07:40
    Możno pomoże ktoś w ty zabawie
    Bych som niy musioł szkryflać tu prawie
    Dyć na Mazury Ślonzokow ciongnie
    Ktosik we wontek z czasym se wprzongnie.
    --
    forum.gazeta.pl/forum/71,1.html?f=261
  • broneknotgeld 25.09.04, 19:46
    Czy prawdziwych Mazurow już niy ma?
    Możno z Niymiec se wrocom w ta ziymia.
    --
    forum.gazeta.pl/forum/71,1.html?f=261
  • broneknotgeld 30.09.04, 16:22
    Kraina Tysionca Jezior

    Prowda to? -Joch nigdy tego niy rachowoł
    Dyć możno recht we tym - tako mi sie zdowo.
    --
    forum.gazeta.pl/forum/71,1.html?f=261
  • broneknotgeld 25.02.07, 21:57
    Możno trefia na "kartacze"
    Lepsze niż "pasztety kacze".

    --
    Ruda Śląska - stolica fraszki
  • broneknotgeld 25.10.07, 18:45
    Warmio, Mazury - komu to wadzi
    forum.gazeta.pl/forum/72,2.html?f=64&w=15994312&s=0
    jak se i Ślonzok tako paradzi?

    --
    Ruda Śląska - stolica fraszki
  • broneknotgeld 22.06.09, 19:14
    Dyć tam te Giżycko jest!
    Sie kamraci z Rudom fest?
    --
    Ruda Śląska - stolica fraszki
  • broneknotgeld 14.06.10, 22:48
    Mono tukej kuknie ktory
    Latoś w modzie te Mazury.
    --
    Ruda Śląska - stolica fraszki
  • broneknotgeld 06.06.11, 20:04
    Co we Polsce bardzi w zocy
    We Mazurach wiela mocy.
    --
    Ruda Śląska - stolica fraszki
  • broneknotgeld 08.10.12, 13:19
    Do Cyfusa "ślabikorza"
    mojemazury.pl/125744,Moja-Warmia-moje-zycie-czyli-Edward-Cyfus-od-kuchni.html
    Pewno kedyś kuknońć woża.
    --
    Ruda Śląska - stolica fraszki
  • broneknotgeld 22.04.13, 23:39
    Warmińsko godka
    pódzie do przodka?
    www.wochenblatt.pl/index.php/wiadomosci/kultura/item/2090-olsztyn-nowa-ksiazka-o-starym-jezyku
    --
    Ruda Śląska - stolica fraszki
  • broneknotgeld 23.10.04, 13:29
    "Warmia i Mazury" Erwina Kruka

    Se tako ksionżka chca wom polecić
    Możno se udo z niyj fraszki sklecić.
    --
    --
    forum.gazeta.pl/forum/71,1.html?f=261
  • broneknotgeld 24.10.04, 14:15
    U Ptolemeusza

    Galindy Sudowy u Ptolemeusza
    To pruske plemiona - szkryfnońć tako musza
    Dwa tysionce lotek tymu tukej byli
    Choć pisma niy znali - po swojymu żyli.
    --
    forum.gazeta.pl/forum/71,1.html?f=261
  • broneknotgeld 24.10.04, 19:49
    "Bruzi"

    "Geograf bawarski" tako już napisoł?
    Ze "Bruzi" do "Prusi" czowiek pryndko prziszoł.
    --
    --
    forum.gazeta.pl/forum/71,1.html?f=261
  • broneknotgeld 24.10.04, 19:53
    Nad jeziorym Orzysz

    Wele Orzysza kurhan łodkryli
    Wiedzom że tukej Galindy żyli
    Była to prawie ty ajzy era
    Mo archeolog uciecha teraz.
    --
    --
    forum.gazeta.pl/forum/71,1.html?f=261
  • broneknotgeld 25.10.04, 17:38
    Truso

    Legyndarne Truso Wulfstan już łopisoł
    Dlo Wikingow cosik łone tyż znaczyło
    Teroz archeolog na te miejsce prziszoł
    We jeziorze Druzno miano se ukryło.
    --
    forum.gazeta.pl/forum/71,1.html?f=261
  • broneknotgeld 25.10.04, 21:49
    Niy znali wina

    Niy znali wina - kumys lubieli
    Niym fajrowali we pruski szteli.
    --
    forum.gazeta.pl/forum/71,1.html?f=261
  • broneknotgeld 26.10.04, 17:51
    Świynty Wojciech

    Prziszoł biskup Wojciech do Prusow ze krziżym
    Dyć ze kraju w kerym widzieli tyż wroga
    Niy chcieli ze Bolkym pewnikym być bliży
    I niy rozumieli "Jedynego Boga"

    Zginoł Adalbertus na ty pruski ziymi
    Chrobry zaś łodkupioł mynczynnika ciało
    Historyjo tako ło kery my wiymy
    Tysionc lot ze hokym tymu to sie stało.
    --
    forum.gazeta.pl/forum/71,1.html?f=261
  • broneknotgeld 26.10.04, 17:56
    Czyja wina?

    Porzondliwym łokym Piasty zoglondali
    Na Bałtow łodwieczno ta przeca dziedzina
    Niy z krziżym to z mieczym se tu wyprowiali
    Bydymy sie wadzić z kery strony wina.
    --
    --
    forum.gazeta.pl/forum/71,1.html?f=261
  • broneknotgeld 26.10.04, 18:00
    Szaniec Prusow

    Znosz szaniec kaj Śniardwy i jezioro Tyrkło?
    Myśla co tu serce Prusa nawet pynkło
    Przeca tyż zrobiyli niyjedne powstanie
    Możno łod tych czasow tukej jejich szaniec.
    --
    forum.gazeta.pl/forum/71,1.html?f=261
  • broneknotgeld 27.10.04, 19:32
    A Długosz

    Długosz na Prusach nudle se wiyszoł
    Ło łożyrokach cosik namiyszoł
    Szkryfnoł że co dziyń se tu kompali
    By słepać mogli zarozki dali

    Toż niy mieściyło sie w jego gowie
    Że chcioł być czysty tyn pruski czowiek
    Pewno w Krakowie było inaczy
    Tela tyn zapis Długosza znaczy?
    --
    forum.gazeta.pl/forum/71,1.html?f=261
  • broneknotgeld 29.10.04, 21:10
    Prusowie

    "Lud srogi i okrutny" - pisoł Długosz tako
    Zowdy ło poganach szkryflali jednako
    Dyć pruske plemiona chciały żyć szczyńśliwie
    Niy było to dane w historyji dziwie.
    --
    forum.gazeta.pl/forum/71,1.html?f=261
  • broneknotgeld 01.11.04, 20:56
    Biskup Chrystian

    Chrystian mioł we misji dość dobre wyniki
    Na krziż zoglondali pruske naczelniki
    Surwabuno Warpode już Krystusa znajom
    No a Chrystianowi mitra nakłodajom
    W tysionc dwiesta piytnostym roku se to stało
    Rzym tyż sie dziwowoł podobnoś niymało.
    --
    forum.gazeta.pl/forum/71,1.html?f=261
  • broneknotgeld 08.11.04, 20:51
    Bałtowie Zachodni

    Prusy i Jaćwingi to już historyjo
    Mieli z somsiodami pierońsko mecyjo
    Dyć łoni Krziżokow na kark im ściongnyli
    Terozki szkryflomy co kedyć tu żyli.
    --
  • broneknotgeld 09.11.04, 16:54
    1222 - 1223

    Chrystian z Konradym wyprawiy wiydli
    Tako z Pomorza krziżowcy
    W końcu se Prusom richtig łobrzidli
    Przeca niy chcieli grać "owcy"

    Bestoż wybrali sie na Pomorze
    Mazowsze tyż łoberwało
    Piosek w klepsydrze lecioł - łoj Boże
    Nojgorsze na nich czekało.
    --
    forum.gazeta.pl/forum/71,1.html?f=261
  • broneknotgeld 16.11.04, 17:40
    Tako było

    Papiyż Chrystianowi nakozoł krucjaty
    By łokrzcioł te ziymie choćby i na raty
    Zakony go miały we tym nawet wspiyrać
    Bardzi dlo Kościoła niż do sia zabiyrać

    Dyć ło tym już wiymy - inaczy sie stało
    Ło cudze Krziżakom bić sie tyż niy chciało
    Kaj mieczym i łogniym znak krziża pokładli
    Tam tyż Prusow z ziymi normalnie łokradli

    Ze rynkom w nachtopie teroz tyż Poloki
    Myśleli co zyszczom - wyszło że boroki.

    --
    forum.gazeta.pl/forum/71,1.html?f=261
  • broneknotgeld 17.11.04, 19:45
    1230

    Już Herman von Salza - Wielki Miszcz Zakonu
    Ze ksiyńciym Mazowsza Konradym sie zgodoł
    Zadboł tyż ło wsparcie papiyskiego tronu
    Niym rozkaz "Na Prusy" rycerzom swym podoł

    We Ziymi Chełmiński se nojpiyrw stanyli
    Łoni z wojowanio przeca ciyngym żyli
    Pokozali Prusom jako jejich siyła
    Dyć i Polka na tym cosik utraciyła.
    --
    forum.gazeta.pl/forum/71,1.html?f=261
  • broneknotgeld 22.11.04, 19:11
    Herman von Balk

    Miszczym Krajowym karlus tyn był
    Dyć loł tych Prusow ze wszyskich siył
    Kaj wrazioł mocno tyn czorny krziż
    Już grod warowny przeca to wiysz
    Kwidzyn i Elblong Bałga tyż inksze
    Jedne dość małe nikere wiynksze
    Już tu niy stykło sie łokrzcić yno
    Zakon ło wszysko se dopomino
    Łon "panym" życio i śmierci jest
    Toż autochtonow umynczoł fest.
    --
    forum.gazeta.pl/forum/71,1.html?f=261
  • broneknotgeld 22.11.04, 20:32
    1242

    Prusowie se dźwigli - wybuchło powstanie
    Zaś tu krew i łogyń na lata łostanie
    Świyntopełk pomorski tyż pomoc im doł
    We końcu i jymu tyn Zakon fest wloł
    Skończyło sie wszysko "christburskim pokojym"
    Dyć rycerz zakonny dali mocno stoji.
    --
    --
    forum.gazeta.pl/forum/71,1.html?f=261
  • broneknotgeld 22.11.04, 20:36
    1249 Christburg (Dzierzgoń)

    Prusowie co piyrwyj sie tukej łokrzciyli
    Jakby z tym pokojym ździybeczko lżyj żyli

    Dyć przeca na wiela im sie to niy zdało
    Nawroconym pryndko ciynższe jarzmo dało.
    --
    forum.gazeta.pl/forum/71,1.html?f=261
  • broneknotgeld 24.11.04, 17:53
    1243

    Niym jeszcze Prusow cołkym podbiyli
    Sztyry biskupstwa już wykrojyli
    Z bullom papiyża Innocentego
    Dyć ze tym mianym przeca szwortego.
    --
    forum.gazeta.pl/forum/71,1.html?f=261
  • broneknotgeld 26.11.04, 18:46
    Sztyry

    Pomezańskie tyż chełmińskie
    Sambijskie i te warmińskie
    Toż biskupstwa teroz sztyry
    Dyć niy Prusow to som "gyry".
    --
    forum.gazeta.pl/forum/71,1.html?f=261
  • broneknotgeld 26.11.04, 20:35
    Dzielom skora na niydźwiedziu

    Mieli to wszysko dzielić na czi
    Dwa dlo Zakonu - jedyn "dlo mszy"
    Prusom niy miało łostać już nic
    To jedno we tym pewne - toż wiydz.
    --
    forum.gazeta.pl/forum/71,1.html?f=261
  • broneknotgeld 27.11.04, 11:19
    W diecezjach

    Dwie czecie ty ziymi noleżne Krziżokom
    Reszta dlo Kościoła - co pruskim borokom?
    --
    forum.gazeta.pl/forum/71,1.html?f=261
  • broneknotgeld 27.11.04, 11:24
    1260 -1274

    Miyndzy Niymnym a Wisłom zaś teroz powstanie
    Nojwiynksze co było we tym pruskim stanie
    Krziżoki po rzici wiela łoberwali
    Z pomocom Europy jednak wyczimali

    Prusoki ze Litwom mieli w tym przimierze
    Bo łoba narode we pogański wierze
    Łostatni ty ziymi to jyż "zryw wolności"
    Terozki w niywola pódom "ludzie prości".
    --
    --
    forum.gazeta.pl/forum/71,1.html?f=261
  • broneknotgeld 27.11.04, 11:26
    Harkus Monte

    Natangow do boju tyn Harkus prowadzioł
    Przeca bić Krziżakow pierońsko poradzioł
    W Magdeburgu take pobiyroł nauki?
    Ci łod Helmericha przi niymu to tuki.
    --
    forum.gazeta.pl/forum/71,1.html?f=261
  • broneknotgeld 27.11.04, 11:28
    Pod Lubawom

    Pod Lubawom Harkus fest Krziżakow pobioł
    Ze wojsk Helmericha łon se nic niy robioł.
    --
    --
    forum.gazeta.pl/forum/71,1.html?f=261
  • broneknotgeld 27.11.04, 11:31
    Skomand

    A Skomanda znocie? Jaćwingow wiod wiela
    Aze se zdowało - niy krziżacko sztela
    Przeca sie pokozoł pod Toruniym z niymi
    Doprze że my dzisioj cosik ło tym wiymy.

    --
    forum.gazeta.pl/forum/71,1.html?f=261
  • broneknotgeld 27.11.04, 11:32
    W Pomezanii

    Nawet w Pomezanii było te powstanie
    Toż se Kwidzynowi przi tymu dostanie.
    --
    --
    forum.gazeta.pl/forum/71,1.html?f=261
  • broneknotgeld 27.11.04, 11:33
    Diwan Klekin

    Ze Bartow chca wspomnieć Diwana Klekina
    Spustoszoł łon przeca chełmińsko dziedzina.
    --
    forum.gazeta.pl/forum/71,1.html?f=261
  • broneknotgeld 27.11.04, 11:35
    1274

    W tym roku upadło dyć Prusow powstanie
    Terozki niywola na wieki nastanie
    Europa rycerzy Zakonowi słała
    Toż sie jego siyła ciyngym łodnowiała.
    --
    forum.gazeta.pl/forum/71,1.html?f=261
  • broneknotgeld 28.11.04, 21:48
    1283

    Toż ziymie Nordowii Skalowii Jaćwieży
    Cołkym już podbite - możecie mi wierzyć.
    --
    forum.gazeta.pl/forum/71,1.html?f=261
  • broneknotgeld 29.11.04, 11:10
    Pyjter z Dusburga

    Karlus podboj Prusow w tych latach łopisoł
    Choć możno przi tymu tyż cosik namiyszoł
    Momy relacyjo yno z jedny strony
    Jako ze ty drugi - tego niy poznomy.
    --
    forum.gazeta.pl/forum/71,1.html?f=261
  • broneknotgeld 20.12.04, 20:41
    "Neronis imitatores"

    "Naśladowcy Nerona" tako ich tyż zwali
    Bo sie z ludym Prusow niy patyczkowali
    Nawroconych możnych ździybko w zocy mieli
    Dyć reszty niywola czekała w ty szteli.
    --
    forum.gazeta.pl/forum/71,1.html?f=261
  • broneknotgeld 28.12.04, 23:19
    Krzysztof Hartknoch 1644-1687

    W Gimnazjum Toruńskim karlus rechtorowoł
    Swy ziymi wypszony historyjo dowoł
    Dyć wele Pasymia w Jabłonce rodzony
    Ze dziejami Mazur richtig pogodzony.
    --
    forum.gazeta.pl/forum/71,1.html?f=261
  • broneknotgeld 29.12.04, 18:53
    1307

    Wenecjo już Miszcza Krziżakow żegnała
    Pewno płakać po niym wcale niy musiała
    Dyć w tym roku Malbork wiela se radowoł
    Feuchtwangena przeca siedzibom sie stowoł
    Stolicom Zakonu - ziym pruskich podbitych
    Zamkym-twierdzom wielkom - tref "niypospolity".
    --
    forum.gazeta.pl/forum/71,1.html?f=261
  • broneknotgeld 30.12.04, 19:57
    uż Feuchtwangen

    Już Feuchtwangen zrobioł swoje
    Wpiyrw ło "jynzyk" toczoł boje
    Kary kłod na tych co chcieli
    Pruskim godać w jego szteli

    Sprusieć tukej żodyn niy mog
    Taki Miszcza był w tym wymog
    Przeszło sto lot trza dyć było
    Niym se "pruski" wytympiyło.
    --
    --
    forum.gazeta.pl/forum/71,1.html?f=261
  • broneknotgeld 02.01.05, 17:51
    Winrych von Kniprode (1352-1382)

    Za jego czasow niymiecki wszyńdzie
    Łacina zniko nawet w urzyńdzie
    Pruski se tracioł - przegrano godka
    Jedna leciała yno do przodka.
    --
    forum.gazeta.pl/forum/71,1.html?f=261
  • broneknotgeld 03.01.05, 09:13
    Los powstańca pruskego

    Zowdy niywola go tu czekała
    Katorga kero skrocała życie
    Niyjedna twierdza na tym powstała
    Pot krew w kamiyniu - przeca to wiycie

    I cegła z tego czerwono bardzi
    Zamki kościoły jakby krasiyła
    Zakon choć Prusym pierońsko gardzi
    Z jego roboty biere swo siyła.
    --
    forum.gazeta.pl/forum/71,1.html?f=261
  • broneknotgeld 06.01.05, 18:34
    Niy wytli

    Po prowdzie Prusow niy wytli w piyń
    Dyć świat im zdoł sie jakby tyn ciyń
    Niymiec czy Litwin abo tyż Polok?
    W czi strony ciongnoł tyn "pruski bolok".
    --
    forum.gazeta.pl/forum/71,1.html?f=261
  • broneknotgeld 06.01.05, 18:39
    Niymcy w Prusach

    Zdo sie co ciynko ziymia pokryli
    Tym bracteatym tu jakby byli
    Ze jedny strony bardzi blyszczeli
    Drugom se asić przeca niy chcieli.
    --
    forum.gazeta.pl/forum/71,1.html?f=261
  • broneknotgeld 25.05.05, 08:06
    Zwionzek Pruski 1440

    Zakon uciskoł szlachta i miasta
    Toż chcieli pedzieć już tymu - basta
    We Zwionzku Pruskim siyły zbiyrali
    Bo już niy chcieli żyć tako dali.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:06
    Rod Skolimow

    Prywatno wojna mieli z Zakonym
    Zdo sie - Mars sprzijoł pierońsko łonym
    Zwionzku Pruskego staraniym przeca
    Niyjedyn komtur "wylecioł z neca".
    --
    forum.gazeta.pl/forum/71,1.html?f=28940
  • broneknotgeld 25.05.05, 08:07
    Toruń 1466

    Toruniu - wojna ty teroz przetni
    Ciynżki był czas tyn czinostoletni
    Toż cosik przinios jednak tyn boj
    Bo historyjo pedziała - kroj

    Prusy Krolewske - Zakonne tyż
    Krolewiec rośnie - już teroz wiysz
    Stolicom państwa dyć zakonnego
    Zdo sie - czas lepszy prziszoł do niego.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:07
    Wojna 1519-1521

    Skiż hołdu wojna terozki tukej
    We niyj upadku Zakonu szukej
    Krziżaki skarbiec se wyczyściyli
    Ziymiom żołd panom czynsto płaciyli
    Aż w końcu ściepli "zakonne szatki"
    Toż Hohenzollern princ teroz gładki
    Chocioż uklynknoł w końcu w Krakowie
    Dyć cosik erbnoł ze tym tyn czowiek.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:08
    Hołd Pruski 1525

    Dlo nos łon ciyngym wizjom Matejki
    W niyj Zygmunt Stary zdowoł sie Wielki.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:08
    Albrecht Hohenzollern

    Na Brandynburgii no i na Prusach
    Mocno se zicnoł - to szkryfnońć musza
    Na protestantyzm tyż łon postawioł
    Zdo sie przi tymu co wiynkszym jawioł.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:08
    Godka prusko (XVI w)

    Przi protestantach jakby coś blysła
    Dyć w końcu cołkym z użycio wyszła
    W Sambii i Warmii tako godali
    -Możno ciut dłuży zapominali.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:09
    Diecezjo Warmińsko (1243)

    Diecezjo Warmińsko nojwiynkszo we Prusach
    Ziymie Bardow Galindow wspomnieć tukej musza
    Pogezanow i Warmow z kerych miano wziyła
    Siedziba biskupow zowdy w Warmii była
    Z czasym Warmiom zowiom cołko diecezyjo
    Prusow już niy było toż na co mecyjo.

    --
    forum.gazeta.pl/forum/71,1.html?f=28940
  • broneknotgeld 25.05.05, 08:09
    Biskup Anzelm

    Piyrszy na stolcu warmińskim siedzioł
    I zdo sie - dobrze łon ło tym wiedzioł
    Że trza na Zakon fest pozor dować
    Choć przeca niy mog z niymi wojować.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:09
    Biskup Paweł Lagendorf

    Rok se tym stolcym biskupim cieszoł
    Za mało nawet by coś nagrzeszoł
    Pruski rod Stango karlusa nosioł
    A Jagiellończyk na Warmio prosioł
    By diecezyjo przi krolu czimoł
    I ze Zakonym konszachtow niy mioł.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:10
    Biskup Łukasz Watzenrode (1447-1512)

    Przi niymu Warmio kwitnońć sie zdowo
    Gowa mioł karlus niy łod parady
    Toż skiż Korony nadzieja nowo
    Zdo sie - tyż myni tukej jest zwady.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:10
    Ono ujek

    Watzenrode ujkym był łod Kopernika
    Toż mu prziszykowoł fara kanonika.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:10
    Biskup Maurycy Ferber

    Warmio pamiynto to biskupowi
    Że wydoł wojna jakby Lutrowi
    Hohenzollerna tym wnerwioł chyba
    Dyć ze Ferbera niy jakoś ryba.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:11
    Indygynat pruski?

    We Prusach Krolewskich był gwarantowany
    Dyć zdo sie - na zowdy wcale tu niy dany
    Niyroz to Koronie właziyło do gowy
    Wcisnońć tam swojego kaj mioł być miejscowy.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:11
    Biskup Jan Dantyszek (1538-1548)

    Dziesiyńć lot biskupstwo w swojich rynkach czimoł
    Zdowało sie tukej że nigdy niy drzymoł
    Niy dość że poeta z niego wielko był
    Diecezjo durś dźwigoł z cołkich swoich siył

    Toż łon kanonikom kozoł sztudiyrować
    Na kultura ciyngym chcioł tyż pozor dować
    Dboł ło bibliotyka, zbior malarstwa zocny
    I w dyplomacyji Dantyszek był mocny.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:12
    Biskup Thiedemann Giese (1549-1550)

    Łostatni "miejscowy" na stolcu biskupa
    Zdo sie - już Korona wyloła ta "zupa"
    Terozki swojymi se w ty Warmii "warzy"
    Toż Polokom ciyngym ta fara sie marzy.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:12
    Biskup Stanisław Hozjusz

    Już Polska swojego biskupa tu dała
    Ło indygynacie cosik zapomniała
    Karlus sie z niymiecki familijo wodzioł
    Rodzony w Krakowie Koronie dogodzioł

    Z niym kontrreformacjo mocniejszo w tych stronach
    Do nauki Lutra niy mog se przekonać
    Jezuitow pryndko tyż tukej sprowadzioł
    Som z protestantami by se niy poradzioł.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:12
    Biskup Marcin Kromer

    Już indygyna tukej niy bydzie
    Zowdy z Korony nominat przidzie
    I choć niy tykom se jo Kromera
    Coś mie przi tymu biere cholera

    Dyć co sie tyczy tego biskupa
    Szłoby tu szkryfnońć ło niym tyż kupa
    Warmii ze stolca swojego bronioł
    Zdo sie przed Polskom nawet jom chronioł.

    --
    forum.gazeta.pl/forum/71,1.html?f=28940
  • broneknotgeld 25.05.05, 08:13
    Dziejopis Marcin Kromer 1512-1589

    Zocny dziejopis dwou w Krakowie
    Toż Jagiellonow łoddany czowiek
    Biskupym w końcu zostoł w Lidzbarku
    Była ta Warmio na jego karku.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:13
    W biskupich dobrach gracjalnych

    Chnet kożdy biskup niy indygyna
    Ściongoł tu swoja tyż familijo
    A jako monka ze tego "młyna"?
    -Warmia poleku jak kolanijo.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:13
    Prusy Ksionżynce

    Piyrsze to państwo w cołki Europie
    Kaj sie na Lutra tezy niy "kopie"
    Princ Albrecht polskim lynnikym łostoł
    Dyć wolno rynka we Prusach dostoł.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:14
    Krolewiec 1544

    Dboł Hohenzollern ło swo stolica
    Chcioł by gryfniejsze durś miała lica
    Toż uniwerek tukej wystawioł
    By uczoł ale tyż przeca sławioł.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:14
    Ło mazurskości

    Ło mazurskości jako tu prawić
    W szesnostym wieku zaczła sie jawić
    Czynsto siyngomy w wiek dziewiytnosty
    Dyć z niom jest problym - richtig niyprosty

    Łod Prus Ksionżyncych zdo sie to idzie
    Z wangelikami we zgodzie bydzie
    Polski ze pruskim se razym zmiyszo
    Niymiec dołoży - nudli niy wiyszo.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:15
    Przi Hohenzollernie

    Przi Hohenzollernie Krolewiec to zyszczy
    Że polskościom jakby teroz bardzi blyszczy
    Albrecht reformacjo wspiyroł we Koronie
    Dyć i katolikom niy powiedzioł - koniec.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:15
    W Krolewcu i Ełku (1543-1552)

    Wiyncy tu ksionżek polskich drukujom
    Niż w cołki Polsce - to forszelujom?
    --
    forum.gazeta.pl/forum/71,1.html?f=28940
  • broneknotgeld 25.05.05, 08:16
    Prusy ze Szwecyjom

    We Prusach Ksionżyncych niy było wesoło
    Jak sie wojsko szwedzke na Polska wyloło
    Brandynburczyk zgodoł sie ze krolym szwedzkim
    I doszło skiż tego w tych stronach do sieczki

    Toż Gosiewski prziszoł razym z Tatarami
    Pokozoł co umioł w bitwie pod Prostami
    Tysionce poległy - tysionce w niywoli
    Mor zabroł nojwiynce - serce z tego boli.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:16
    Traktat welawsko-bydgoski 1657

    Prusy skiż wojny fest uciyrpiały
    Fryderyk Wilhelm jednak mioł profit
    "Wielki Elektor" wpiyrw "lynnik mały"
    Dostoł nagroda - niy coś ze sztrofy

    Już hołdu skłodać przeca niy musi
    Prus Brandynburgii pan absolutny
    Zdo sie tyż wiynkszo rola go kusi
    Downiejszy wasal teroz fest butny.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:16
    Krolewiec 18.X.1663

    Hołd złożyły pruske stany
    Władca "z boży łaski dany"
    Dziyń "Wielkego Elektora"
    Absolutyzm - tako pora.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:17
    Edukacjo w Prusach

    Piyrsze państwo we Europie co lud kształcić chciało
    No i przeca na ty drodze zrobiyło niymało
    Pryndko co wpiyrw tukej polske szło we zapomniynie
    Geld kariera inkszy profit - niy mynczy sumiynie.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:17
    Samuel Przypkowski (XVI w)

    Samuel przypkowski osiod w Kozinowie
    Toż ze Braci Polskich richtig zocny czowiek
    Ściongali do niego Z Korony ariany
    Dyć w Polsce już niy mog być spokoj im dany.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:17
    Fryderyk von der Groeben (1645-1712)

    Fater sie ksiyńciu tukej sprzeciwioł
    Toż nikt synowi se tyż niy dziwoł
    Że z regimyntym swojym pod Wiedniym
    Druh Sobieskiego zdo sie łon przedni.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:18
    Jan Władysław Suchodolec (1687-1751)

    Kartograf fater - inżynier syn
    We tym woda już na ichni młyn
    We Wyngorzewie wodociong przeca
    Zdo sie co wyloz ze jego neca
    Wyregulować Wisła planowoł
    Kanały "Wielkim Jeziorom" dowoł.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:18
    Komornictwa

    Biskupstwo Warmińske tako se dzielyło
    Aż dziesiyńć komornictw przeca we niym było
    Siedym czimoł biskup mocno w swoji rynce
    Czi zaś kapituła - czy przez to we mynce?
    --
    forum.gazeta.pl/forum/71,1.html?f=28940
  • broneknotgeld 25.05.05, 08:18
    Frombork Pieniężno Olsztyn

    Toż te komornictwa czimie kapituła
    Myni tu znaczyła łod biskupa stuła.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:19
    Warmiński synator

    W Koronie zesel mioł synatora
    Ze "wysokego" przeca był "wora"
    Tyn co w lidzbarskim zamku se siedzioł
    Trza byś i ło tym czowieku wiedzioł.
    --
    --
    forum.gazeta.pl/forum/71,1.html?f=28940
  • broneknotgeld 25.05.05, 08:19
    Biskup Szymon Rudnicki (1605-1621)

    Tymu przi dworze stykło być prawie
    Sakra biskupio dostoł w Warszawie
    Ło swe owieczki jednak fest dboł
    I Świynto Lipka we zocy mioł

    Gościoł w Lidzbarku brandynburczyka
    Dyć to chca wciepnońć tyż do koszyka
    -Łon po niymiecku wcale niy umioł
    Szczyńściym elektor go wyrozumioł.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:19
    Stefan Sadorski (XVII w)

    Przi krolu polskim sekretarzowoł
    Dyć wiela łod sia Warmii tyż dowoł
    Dboł ło ta ziymia kaj mioł majontek
    Chcioł ciyngym dźwigać tyn zocny kontek
    --
    forum.gazeta.pl/forum/71,1.html?f=28940
  • broneknotgeld 25.05.05, 08:20
    "Potop"

    Kaj Karol Gustaw wpiyrw mioł kwatera?
    -Wybroł se Frombork - jasno cholera
    I brandynbuczyk po jego stronie
    Toż sie zdowało że z Polskom koniec

    Fest kapituła wtedy ciyrpiała
    Łogołocono cołkym bez mała
    Dyć jak już Szwedy wyleźli z "wora"
    Warmio we rynkach jest elektora

    Stropiono ciyngym biskupio dusza
    Doczkała w końcu - szkryfnońć to musza
    Po łośmiu latach djecezji wolny
    Czas ze tym prziszoł bardzi spokojny.
    --
    forum.gazeta.pl/forum/71,1.html?f=28940
  • broneknotgeld 25.05.05, 08:20
    Mor w Prusach 1709-1711

    Ano toż prziszły czasy zarazy
    Godali - "skuli boski łobrazy"
    Dyć mor wzioł cosik dwiesta tysiyncy
    Toż niy dziwota że ziymia jynczy
    I zdo sie woło ło nowych ludzi
    Przeca chce życie nazod łobudzić

    Prziszli z Salzburga Nassau Szwajcarii
    Na prusko ziymia jednak sie garli
    By zaś wydała swoj nowy plon
    I niy pedziała nikomu - won!
    --
    forum.gazeta.pl/forum/71,1.html?f=28940
  • broneknotgeld 23.07.06, 12:17
    Kanał Ostródzko-Elblonski

    Tako zowdy zwać go pódzie
    Jak bydziecie we Ostródzie.
    --
    forum.gazeta.pl/forum/71,1.html?f=28940
  • broneknotgeld 23.07.06, 12:20
    Kanał Elblonsko-Ostródzki

    Stare Jabłonki kaj? A Iława?
    Ze Miłomłynym tyż tako sprawa.
    --
    forum.gazeta.pl/forum/71,1.html?f=28940
  • broneknotgeld 23.07.06, 12:24
    Na muster "Morris"

    Mustrym był kanał hamerykański
    Co dzisioj zdo sie jakby cygański
    Bo przeca z cołkym nowom technikom
    Tu na historio i tako blikom.
    --
    forum.gazeta.pl/forum/71,1.html?f=28940
  • broneknotgeld 23.07.06, 12:27
    82 km

    Ze elblonga do Ostródy kilometrow tela
    Dyć se niychej ci niy zdowo że to cołko sztela.
    --
    forum.gazeta.pl/forum/71,1.html?f=28940
  • broneknotgeld 23.07.06, 12:28
    129,8 km

    Tela kilometrow kanału zrachujesz
    Tyż ze łodnogami - przeca forsztelujesz.
    --
    forum.gazeta.pl/forum/71,1.html?f=28940
  • broneknotgeld 23.07.06, 12:31
    1860-2010 Gyburstag Kanału Elblonskego

    Za sztyry roki gyburstag przidzie
    Jako fajrować ta sztela bydzie
    Możno czas ło tym pomyśleć prawie
    By niy skończyło sie na zabawie.
    --
    forum.gazeta.pl/forum/71,1.html?f=28940
  • broneknotgeld 23.07.06, 12:34
    Jakub Georg Steenke

    W kanale "Morris" już muster mioł
    Dyć przeca dzieło take nom doł
    Co aże dzisioj cudym sie zdowo
    Kunszt Steenke światu durś na wiyrch stowio.
    --
    forum.gazeta.pl/forum/71,1.html?f=28940
  • broneknotgeld 25.07.06, 21:22
    2310 m po glajzach

    Tela po glajzach se "popływajom"
    Toz richtig we tym radocha majom.
    --
    forum.gazeta.pl/forum/71,1.html?f=28940
  • broneknotgeld 25.07.06, 21:23
    "Canal Trophy"

    Wiela uciechy piyrwyj z tym było
    Na bele czym s4e go przepłynyło
    Mozno tradycjo wroci se jeszcze
    Przi gyburstagu? Ano - w to wierzcie!
    --
    forum.gazeta.pl/forum/71,1.html?f=28940
  • broneknotgeld 26.07.06, 20:07
    Kanał Elblonski 1860

    Gyburstag chnetko bydzie mioł zocny
    Kanał Elblonski do dzisioj zocny.
    --
    forum.gazeta.pl/forum/71,1.html?f=28940
  • broneknotgeld 26.07.06, 20:08
    Kanał Oberlandzki

    Oberlandu miano dzisioj zapomniane
    Dyć ze tym kanałym piyrwyj kuplowane.
    --
    forum.gazeta.pl/forum/71,1.html?f=28940
  • broneknotgeld 07.07.05, 18:06
    "Mazury Garbate"

    Po ślonsku szkryfnońć - bydom "puklate"
    Jedno jest pewne - niy som sagate
    Choć je tyż czasym "Alaskom" zwom
    Teroz we gowie je prawie mom.
    --
    forum.gazeta.pl/forum/71,1.html?f=28940
  • broneknotgeld 07.07.05, 18:14
    Kaj łone?

    Puszcza Romnicko tako Borecko
    Wiy ło nich możno i nawet dziecko
    A te "Mazury Puklate" kaj?
    Dyć miyndzy niymi to zdo sie raj
    Wele Gołdapi mosz Szeske Wzgorza
    Ty ziymi lepsze czasy jo wroża.
    --
    forum.gazeta.pl/forum/71,1.html?f=28940
  • broneknotgeld 07.07.05, 18:17
    Śniyg

    Śniyg mazurski dugo leży
    Niy trza jechać by uwierzyć
    Se do puszczy tyż weź narty
    Bez biegowek to niy żarty.
    --
    forum.gazeta.pl/forum/71,1.html?f=28940
  • broneknotgeld 07.07.05, 18:26
    "Alaska"

    Mazury zimom tyż przeca piykne
    Tako "Alaska" zdo sie wystyknie
    Na Piykno Gora zowdy bier narty
    Sztela mo przeca i take "karty".
    --
    forum.gazeta.pl/forum/71,1.html?f=28940
  • broneknotgeld 13.07.05, 21:29
    "Tatarsko Gora"

    Aszom se tym parkym Mazury Garbate
    We dziko zwierzyna ziymie przebogate
    W Polsce tu hodowla nojwiynkszo takowo
    Możecie mi wierzyć terozki na słowo.
    --
    forum.gazeta.pl/forum/71,1.html?f=28940
  • broneknotgeld 13.07.05, 21:34
    Tadeusz Rudziewicz

    Skuli pomyślunku jego
    Choć i geldu tyż trza było
    Zoo-safari tu istnego
    Sie Mazurom przitrefiyło.
    --
    forum.gazeta.pl/forum/71,1.html?f=28940
  • broneknotgeld 13.07.05, 21:36
    Bezkrwawe Safari

    U Rudziewicza w dżipie se siedzi
    I tako wjyżdżo w środek gowiedzi.
    --
    forum.gazeta.pl/forum/71,1.html?f=28940
  • broneknotgeld 07.07.05, 18:21
    Gołdap-Zdroj

    Ponoć luft nojczystszy tukej
    W cołki Polsce już niy szukej
    Bestoż płuca se kurujom
    Ci co dychawica czujom.
    --
    forum.gazeta.pl/forum/71,1.html?f=28940
  • broneknotgeld 07.07.05, 18:34
    Na nerwy

    Nerwy słabe - do Gołdapi
    Tam niy yno nic niy capi
    Zdo sie dusza tyż ukojisz
    Profit - życio se niy bojisz.
    --
    forum.gazeta.pl/forum/71,1.html?f=28940
  • broneknotgeld 07.07.05, 18:45
    W Gołdapi

    Niy zapomnij tego wdycki
    Że przi puszczy jest Romnicki
    Ano - zicnij se na koło
    Popyndaluj tam wesoło.
    --
    forum.gazeta.pl/forum/71,1.html?f=28940
  • broneknotgeld 07.07.05, 18:48
    Na Piykny Gorze

    Na Piykny Gorze stare grodzisko
    Żodyn z Jaćwingow już tam niy miyszko
    Dyć wiater cosik szumi ło Prusach
    Wsłuchać se kedyś w to richtig musza.
    --
    forum.gazeta.pl/forum/71,1.html?f=28940
  • broneknotgeld 08.07.05, 17:02
    Spływ Gołdapom

    Z jeziora rzekom aż do Rożyńska
    Cie na tym konsku niy czeko klynska
    Dalo - do Wrobla już gorzi bydzie
    Szczimież - toż radość ze tego przidzie.

    --
    forum.gazeta.pl/forum/71,1.html?f=28940
  • broneknotgeld 09.07.05, 10:06
    W restauracyji "Janczesu"

    Kartacze z krautym tyż tukej zjym
    I niy za drogo - dobrze że wiym
    We samym środku Gołdapi przeca
    Bestoż na łobiod drapko tam leca.
    --
    forum.gazeta.pl/forum/71,1.html?f=28940
  • broneknotgeld 11.07.05, 18:47
    "Janczes" - łogrodek letni

    Łogrodek letni - zupa grzibowo
    Golonko z krzonym podjym se zdrowo
    Wszysko zaś biyrym zocnym zapija
    No toż zarozki wiym że jo żyja.
    --
    forum.gazeta.pl/forum/71,1.html?f=28940
  • broneknotgeld 13.07.05, 17:52
    Narciarski Bieg Jaćwingow

    Co roku w styczniu kaj Piykno Gora
    Gołdap to przeca niy jakoś dziura.
    --
    forum.gazeta.pl/forum/71,1.html?f=28940
  • broneknotgeld 13.07.05, 18:06
    Zajazd "Pod Piyknom Gorom"

    Komu kartacz zasmakuje
    Tu se pympkym świata czuje
    Wiela łon dyć przeca znaczy
    W Cyntrum Smakoszy Kartaczy.
    --
    forum.gazeta.pl/forum/71,1.html?f=28940
  • broneknotgeld 18.07.05, 17:36
    "Kartaczewo"

    Połowa siyrpnia - świynto kartaczy
    W Gołdapi kożdy se tym łonaczy
    To wtedy zdo sie tu pympek świata
    Trza jeszcze czekać mi tego lata.

    --
    forum.gazeta.pl/forum/71,1.html?f=28940
  • broneknotgeld 18.07.05, 17:39
    "Pod Piyknom Gorom"

    Te "Kartaczewo" w zajeździe takim
    Toż łobżarciuchy - szykować smaki!
    --
    forum.gazeta.pl/forum/71,1.html?f=28940
  • broneknotgeld 18.07.05, 23:26
    "Leśny Zakontek"

    W "Lesnym Zakontku" nad samom wodom
    Dychniesz se dobrze - tela ci godom
    Ździybko portmanyj uciyrpi na tym
    Dyć geld trza wydać tyż do wypłaty.
    --
    forum.gazeta.pl/forum/71,1.html?f=28940
  • broneknotgeld 18.07.05, 23:29
    Dom "Pod Dzikom Różom"

    Na d rzeczkom i przi jeziorze
    Trza polecić teroz może
    Niy za drogo z familijom
    Choć problym z restauracyjom.
    --
    forum.gazeta.pl/forum/71,1.html?f=28940
  • broneknotgeld 19.02.06, 09:34
    Skiż Gryfny Góry

    Do Gołdapi jedź na narty
    We Garbate te Mazury
    Richtig wypad tego warty
    Choćby skiż ty Gryfny Góry
    --
    forum.gazeta.pl/forum/71,1.html?f=28940
  • broneknotgeld 19.02.06, 09:48
    Gryfno Gora (272 m n.p.m.)

    Narty ci tu pożyczajom
    Przeca wszyskim tako pszajom
    Kierzy geldu coś łostawiom
    I na śniegu sie zabawiom.
    --

    --
    forum.gazeta.pl/forum/71,1.html?f=28940
  • broneknotgeld 19.02.06, 10:06
    Niy musisz

    Jak cie umynczy stok Gryfny Góry
    Bar ciepły w dole pokusi
    W kominku łogyń rozjaśnio chmury
    Drapko stond wylyżć niy musisz.
    --
    forum.gazeta.pl/forum/71,1.html?f=28940
  • broneknotgeld 13.08.06, 11:36
    X Miyndzynarodowy Konkurs Krzikoczy

    Larma w Gołdapi dzisioj za wiela
    Karlus to wygro czy możno frela?
    --
    forum.gazeta.pl/forum/71,1.html?f=28940
  • broneknotgeld 06.09.06, 20:45
    Ogolnopolski Zjazd Internowanych i Represjonowanych
    23-24.IX.2006 Gołdap

    "Stanu wojynnego" tako we ćwierćwiecze
    Trza pamiyntać jako historyjo plecie.
    --
    forum.gazeta.pl/forum/71,1.html?f=28940
  • broneknotgeld 07.07.05, 18:53
    "Rechot"

    W Puszczy Romnicki ścieżka jest tako
    Z edukacyjom żabom jednako
    Ludzi natura jednak ciekawi
    To przeca uczy niy yno bawi.
    --
    forum.gazeta.pl/forum/71,1.html?f=28940
  • broneknotgeld 08.07.05, 20:29
    Kajzerowskie kamiynie

    Na zielonym szlaku w puszczy je znojdziecie
    Toż lubioł polować tukej kajzer przecie
    Kaj Wilusia kula jelynia siyngnyła
    Tak kamiyń dowali - jest ich tukej siyła.
    --
    forum.gazeta.pl/forum/71,1.html?f=28940
  • broneknotgeld 08.07.05, 20:32
    Zielony szlak

    Z Jurkiszek łon wiedzie cie przez rezerwaty
    W kere bor do dzisioj przeca jest bogaty.
    --
    --
    forum.gazeta.pl/forum/71,1.html?f=28940
  • broneknotgeld 12.07.05, 17:06
    Dziko

    Puszcza Romnicko ciyngym jest dziko
    Czy kajzer Wiluś tako wyrzykoł?
    By zwiyrz mioł tukej zowdy ostoja
    Dyć jo sie dzisioj ło nia tyż boja.
    --
    forum.gazeta.pl/forum/71,1.html?f=28940
  • broneknotgeld 18.07.05, 23:33
    Agroturystyka "Czi Świyrki"

    Jezioro Ostrowek już w Puszczy Romnicki
    Dyć pod te "Czi Świyrki" wrocać byś chcioł wdycki
    Kuchniom regjonalnom skuszom niyjednego
    Atrakcyji wiela dołożom do tego.

    --
    forum.gazeta.pl/forum/71,1.html?f=28940
  • broneknotgeld 18.07.05, 23:38
    Agroturystyka "Puszcza Romnicko"

    Na skraju puszczy w chałupie stary
    Zdowć sie bydzie żeś ciyngym jary
    Jeszcze jak babka zjysz kartoflano
    Chuć tura może bydzie ci dano.
    --
    forum.gazeta.pl/forum/71,1.html?f=28940
  • broneknotgeld 18.07.05, 23:41
    Agroturystyka "Cicho Dolina"

    Chałupa leży tu we kotlinie
    Swoja zatoczka na rzeczce mo
    We ty gołdapski piykny dziedzinie
    "Cicho Dolina" niyjedyn zno.
    --
    forum.gazeta.pl/forum/71,1.html?f=28940
  • broneknotgeld 13.07.05, 21:39
    Krol Puszczy Borecki

    Żubr tukej rzońdzi
    Zdo mi sie tako
    W puszczy niy błońdzi
    I niy zapłako.
    --
    forum.gazeta.pl/forum/71,1.html?f=28940
  • broneknotgeld 13.07.05, 21:44
    Na śmierć żubra

    Ze rynki krola Hiszpanii pod
    Joch wcale niy był ze tego rod
    Krol zabioł krola roku łońskiego
    Czy Juan Karlos zjod już istnego?
    --
    forum.gazeta.pl/forum/71,1.html?f=28940
  • broneknotgeld 18.07.05, 23:43
    Agroturystyka "Kozie Gory"

    Puszczy Borecki teroz mosz kraj
    Zdo sie mazurski kolejny raj.
    --
    --
    forum.gazeta.pl/forum/71,1.html?f=28940
  • broneknotgeld 08.07.05, 20:35
    Stańczyki

    Nad Błyńdziankom cupnyły przi Puszczy Romnicki
    Zdo sie że tu łone leżom już łod wdycki.
    --
    --
    forum.gazeta.pl/forum/71,1.html?f=28940
  • broneknotgeld 09.07.05, 21:15
    Wiadukty w Stańczykach

    Cug Gołdap - Żytkiejmy Niymce mieli w planie
    Toż we miyndzywojniu zaczli budowanie
    Wiadukty w Stańczykach na bezrok mieć bydom
    Łoziymdziesiont rokow - na gyburtag przidom?
    --
    forum.gazeta.pl/forum/71,1.html?f=28940
  • broneknotgeld 09.07.05, 21:17
    Kaj te glajzy?

    Glajzow już niy ma szejśćdziesiont lot
    Rusek ze łupu ponoć był rod.
    --
    --
    forum.gazeta.pl/forum/71,1.html?f=28940
  • broneknotgeld 09.07.05, 21:22
    "Szlak Połomanych Symaforow"

    Z Botkun niybieski szlak cie powiedzie
    Trasom kaj cug już downo niy jedzie
    Blikej ciekawie jednak na mosty
    Przez Jarka piyrsze - muster ich prosty
    Nad Blodziom przyńdziesz sucho drugimi
    Czecie Stańczyki - co ło nich wiymy?
    -Ano wiadukty zdo sie nojwyrsze
    We cołki Polsce łone w tym piyrsze.
    --
    forum.gazeta.pl/forum/71,1.html?f=28940
  • broneknotgeld 09.07.05, 21:26
    Prywatne

    W Stańczykach dej pozor - wiadukty prywatne
    Chcesz skokać na bungee - portmanyj se natnie.
    --
    --
    forum.gazeta.pl/forum/71,1.html?f=28940
  • broneknotgeld 09.07.05, 21:28
    1924

    Wele jeziora Taballus Mały
    W tym roku szpryngnoł se metan cały
    Zdo sie bogactwym tutejszy ziymi
    Czy zaś wybuchnie? -Tego niy wiymy.
    --
    forum.gazeta.pl/forum/71,1.html?f=28940
  • broneknotgeld 10.07.05, 11:32
    Barthel Thorvaldsen

    Barthel Thorvaldsen grobowiec stowioł
    Poniatowskiego Warszawie dowoł
    I tako samo tyż Kopernika
    W Rapie kunszt widać z jego "koszyka"
    --
    --
    forum.gazeta.pl/forum/71,1.html?f=28940
  • broneknotgeld 10.07.05, 11:34
    Fryderyk von Farenheid

    Toż ciekawo mioł zachcianka
    Choć niy prziszoł z tym do manka
    Piramida se wystawioł
    Możno w Egipt tako bawioł.
    --
    forum.gazeta.pl/forum/71,1.html?f=28940
  • broneknotgeld 10.07.05, 11:39
    W łotwartych trułach

    W łotwartych trułach "mumie" tu leżom
    Se zoglondnijcie kierzy niy wierzom
    Ano to ruskich soldatow sprowka
    Dlo nich to była yno zabowka
    Czy na pamiontka głowy zabrali?
    Tago grobowiec sprofanowali.
    --
    forum.gazeta.pl/forum/71,1.html?f=28940
  • broneknotgeld 04.09.05, 23:05
    Park Miniatur

    Na Park Miniatur tu se dziwuja
    Trza chopa z fiołym - to forszteluja
    Toż Doleckiymu szejść gwiozdek za to
    Sztela skiż niego bardzi bogato.
    --
    --
    forum.gazeta.pl/forum/71,1.html?f=28940
  • broneknotgeld 22.09.04, 07:52
    Zamek w Morongu

    Na brzegu jeziora warownia stanyła
    Wpiyrw ponoć ze drzewa yno łona była
    Pryndko murowany zamek postawiyli
    Krziżaki w tym majstry na mazurach byli
    --
    forum.gazeta.pl/forum/71,1.html?f=261
  • broneknotgeld 22.09.04, 07:57
    Modry zamek

    Tako za komuny go posztrajchowali
    Sond se tukej wkludzioł i było tyż kino
    Ło zabytek jednak za wiela niy dbali
    Tela to sie jeszcze ludziom przipomino

    Jedne krzodło zocne do dzisioj łostało
    Możno je poleku zaś wyremontujom
    Niywiela - dyć przeca tyż richtig niymało
    Teroz w rynkach ludzi co ducha w niym czujom.

    --
    forum.gazeta.pl/forum/71,1.html?f=261
  • broneknotgeld 22.09.04, 08:05
    Duch zamku

    Wielki Mistrz von Plauen tu wyzionoł ducha
    Jak zakon hołd łoddoł krolowi polskymu
    Błonko sie po zamku i durś szuko zucha
    By Krziżakow powiod - bo siył brakło jymu
    --
    forum.gazeta.pl/forum/71,1.html?f=261
  • jozefosmenda 26.09.04, 11:57
    ..to tam dopiero są prawdziwe Mazury.Na dodatek powiem ci Bronku,że moja
    teściowa mieszka w Węgorzewie i dla mnie urlop bez pobytu tam właśnie to urlop
    stracony.Znam te ziemie całkiem przyzwoicie bo bywam tam od ponad 35 lat.Mam
    porównanie jak Węgorzewo i inne miejsowości się zmieniają.
    W ostatni wekend nasi radni byli z wizytą w Giżycku by podpisac tam umowę o
    współpracy.A ślązacy na Mazurach byli od zawsze i są tam bardzo lubiani.Mamy
    również w Rudzie Śląskiej mazurów, którzy już są na emeryturach górniczych lub
    jeszcze pracują na naszych kopalniach.To są jeszce efekty poprzedniej epoki jak
    jeździliśmy tam i werbowali ludzi do pracy na gruba i do szkół górniczych. Nie
    mam z tego powodu jednak wyrzutów sumienia lecz pewną nutkę satysfakcji.
  • broneknotgeld 28.09.04, 20:07
    No piyknie.
    Wiym że Giżycko już wspołpracuje z naszom Rudom. Jakby tak jeszcze inkszych
    miast było mało to proponuja Wejherowo i Zakopane.
    Tyn wontek poleku bydzie sie rozwijoł. Ze wszyskim łostro ciongnońć niy moga,
    ale czasu jest dość. Jak Rudzie klupnie fufcig lot, to możno Giżycko fondnie jyj
    tomik ślonskich fraszek ło Mazurach.
    A Wyngorzewo przi okazji tyż "rzduchna".
    Pozdrowiom. broneknotgeld
    --
    forum.gazeta.pl/forum/71,1.html?f=261
  • madalenka25 07.10.04, 11:15
    ja jestem z Giżycka
    a w Wilkasach koło Giżycka był kiedys ośrodek wypoczynkowy gdzie w wakacje
    przyjeżdzał chyba cały Śląsk
    a z tego co wiem to po takich wakacjach starsznie dużo małżeństw było
    zawieranych :-)))

    a wilakskie chłopaki nie raz spuścili manto ślązakom za podrywanie "ich"
    dziewczyn

    a mógłbys cos więcej napisac o współpracy Rudy z Giżyckiem?
  • mo66 08.10.04, 18:45
    No, chyba nie cały Śląsk.

  • broneknotgeld 09.10.04, 19:27
    Hehe - wiym że Ruda z Giżyckym "tańcuje"
    Poleku sie rymy i ło tym wysuje
    Bestoż tyż tyn wontek we Rudzie być musi
    Dyć na razie jednak co inkszego kusi.
    --
    forum.gazeta.pl/forum/71,1.html?f=261
  • broneknotgeld 28.09.04, 20:10
    Won!

    Tako von Plauen ryczy tu basym
    Bo godka durś słyszy polsko
    Idzie wystraszyć se tego czasym
    Dyć dlo nikerych to swojsko.
    --
    forum.gazeta.pl/forum/71,1.html?f=261
  • broneknotgeld 28.09.04, 23:12
    Johann Gottfried von Herder (1744-1803)

    Toż filozof Herder w Morongu se rodzioł
    W Krolewcu sztudiowoł - pastorym był tyż
    Jakby mog to wszyske narody by godzioł
    No - terozki przeca ło tym dobrze wiysz.
    --
    forum.gazeta.pl/forum/71,1.html?f=261
  • broneknotgeld 26.05.05, 01:09
    Piotr von Dohna

    Rod jego downo Krziżakom służoł
    Przi nich wyrosnoł i wiela użoł
    Pyjter w Morongu burgrabiom łostoł
    Zameczek zocny przi tymu dostoł
    Dyć sie ze czasym zamek stoł ciasny
    Syn - Piotr Achacy - postawioł własny.

    --
    forum.gazeta.pl/forum/71,1.html?f=28940
  • broneknotgeld 26.05.05, 01:09
    "Nowy Dom"

    Pyjter von Dohna syna tyż mioł
    Pyjter Achacy - dwa miana doł
    Toż tego Morong nic niy łonacy
    Wkludzioł do Słobit se nasz Achacy.

    --
    forum.gazeta.pl/forum/71,1.html?f=28940
  • broneknotgeld 26.05.05, 01:10
    Abraham von Dohna

    Pyjter Achacy fatrym łod niego
    Bogactwo czimie sie tu istnego
    Toż wybudowoł pałac w Słobitach
    Talarkow stykło - niy trza sie pytać.

    --
    forum.gazeta.pl/forum/71,1.html?f=28940
  • broneknotgeld 26.05.05, 01:10
    Aleksander zu Dohna

    Tego już poznoł wiek siedymnosty
    I chocioż czas tyn niy był za prosty
    Olek se pałac fest rozbudowoł
    Szło sie niym asić - dowom wom słowo.

    --
    forum.gazeta.pl/forum/71,1.html?f=28940
  • broneknotgeld 05.08.07, 14:48
    Klewki 1352

    Kapituła Warmińsko włóki ziymi dowo
    Klauke za zasadź ce przeca tukej stowo
    Tako wieś urosła miyndzy jeziorami
    Kero se mianuje na dzisioj Klewkami.
    --
    Ruda Śląska - stolica fraszki
  • broneknotgeld 05.08.07, 14:55
    Mikołaj Klauke

    Niy Polok, niy Niymec
    Prusok był z istnego
    Choć se zatraciyła
    Dziedzina Klaukego.

    --
    Ruda Śląska - stolica fraszki
  • broneknotgeld 05.08.07, 14:58
    Klaukendorf

    Ze Klauka se miano wziyna ta wioszczyna
    Choć Prusow już niy ma łostała dziedzina.
    --
    Ruda Śląska - stolica fraszki
  • broneknotgeld 05.08.07, 21:36
    Klaukendorf (XVI w.)

    Toż Jerzy Troszka tu gospodarzy
    Se świytność rodu istnymu marzy?
    Pewnikym folwark wystawioł tukej
    Toż dzisioj w Klewkach pałacu szukej.
    --
    Ruda Śląska - stolica fraszki
  • broneknotgeld 14.10.07, 12:28
    Klankendorf 1581

    Sztyrech bratkow - Troszkow tako
    Reskiyrujom tu jednako?
    Czy Klankendorf se z tym dzieli?
    Czy nojstarszy młodszym ścieli?
    --
    Ruda Śląska - stolica fraszki
  • broneknotgeld 10.10.04, 17:03
    Giżycko

    Gizewiusza tako uhonorowali
    Że ze niego miano miastu tymu dali
    Pastor przeca zowdy był za Mazurami
    Dyć ich kajś przegnali - tyż uciykli sami.
    --
    forum.gazeta.pl/forum/71,1.html?f=261
  • broneknotgeld 10.10.04, 17:07
    Fajno sztela

    Niegocin kanał łonczy z Kisajno
    A miyndzy nimi sztela jest fajno
    Kaj byż zabawioł niyjedna nocka
    I dziołchom pszoł tyż na pewno mocka.
    --
    --
    forum.gazeta.pl/forum/71,1.html?f=261
  • broneknotgeld 10.10.04, 17:09
    Gustaw Gizewiusz

    Pastor we łobrona Mazurow durś broł
    Historio tyż ło tym pamiynto
    Dyć serce dlo wszyskich jednake łon mioł
    Na ziymi co jeszcze niy świynto.

    --
    forum.gazeta.pl/forum/71,1.html?f=261
  • broneknotgeld 10.10.04, 17:15
    Krziż św. Brunona

    Tukej świynty Brunon Prusow krzcić tyż chcioł
    Z poparciym Chrobrego dyć prziszoł
    Za wiara łon jednak życie swoje doł
    We tysionc dziewiontym - toś słyszoł

    Przez las wiedzie droga św. Brunona
    Idź - dyć se tego niy lynkej
    Kaj krziż dzisioj stoji prziszło jymu skonać
    Mosz Boga we duszy to klynkej.
    --
    forum.gazeta.pl/forum/71,1.html?f=261
  • ol4 11.10.04, 14:05
    Ty bronek ale dajesz:) skad te wiersze?
  • broneknotgeld 26.05.05, 10:07
    Giżycko agroturystyka

    Agroturystykom Giżycko se blyszczy
    Czy z rudzkich wandrusow latoś wiyncy zyszczy?
    --
    forum.gazeta.pl/forum/71,1.html?f=28940
  • broneknotgeld 26.05.05, 10:08
    We gminie

    Zdo sie dość jezior w giżycki gminie
    Kero w mazurski przeca dziedzinie
    Joch szejść na mapie aże zrachowoł
    Łoj - bych se po niych tyż pożeglowoł
    Chocioż zyjmanić umia niywiela
    Dyć mie tym kusi giżycko sztela.
    --
    forum.gazeta.pl/forum/71,1.html?f=28940
  • broneknotgeld 20.02.12, 15:45
    Rymym popieszcza
    Kej "lecom w leszcza"
    www.gizycko.pl/gizycko-zaprasza-na-400-lecie-miasta-8862.html
    --
    Ruda Śląska - stolica fraszki
  • broneknotgeld 26.02.12, 16:48
    400 rokow miasta Giżycko!

    Sztyry setki - richtig wiela
    Fajruje mazursko sztela
    Przez rok cołki - niy dziwota
    Tropić tym - zdo sie gupota!

    --
    Ruda Śląska - stolica fraszki
  • broneknotgeld 26.05.05, 10:10
    Wilkaski "Gwarek"

    Toż wiela tukej bergmonow było?
    Kierzy we wodzie toplać se chcieli
    Ta Piykno Gora tyż bogaciyło
    A jako teroz jest we ty szteli?

    --
    forum.gazeta.pl/forum/71,1.html?f=28940
  • broneknotgeld 26.05.05, 10:10
    Pynsjonat "Skarpa"

    Taki pynsjonacik latym kwieciym kusi
    Szczyńściym tyż za wiela potmanyj niy dusi
    We Wilkasach znojdziesz - Niegocin po blisku
    Tu uśmiych rozkwitnie na niyjednym pysku.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:11
    Krukolin

    Kruk na liny tu poluje?
    Toż to kożdy forszteluje
    Że nurkować coś niy umi
    Yno czy kruk to rozumi?
    --
    forum.gazeta.pl/forum/71,1.html?f=28940
  • broneknotgeld 26.05.05, 10:12
    Bogacko

    Niybogaty kaj Bogacko
    Jednak czuje sie tyż chwacko
    Do szczyńścio Dejguny mo
    Styknie abo mi sie zdo?
    --
    forum.gazeta.pl/forum/71,1.html?f=28940
  • broneknotgeld 26.05.05, 10:12
    Hotel "Gajewo"

    Niy przijedzie dyć tu "cieć"
    Trza mu pełno kapsa mieć
    Nic że idzie porajtować
    Jak trza grosza wiela dować
    Ano - droższo to już "klasa"
    -Wola siedzieć we Wilkasach.

    --
    forum.gazeta.pl/forum/71,1.html?f=28940
  • broneknotgeld 26.05.05, 10:14
    Yno co w tych Gutach jest?
    Terozki se tropia fest
    No i jako tam dojechać?
    Przez Kamionki - toż uciecha.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:14
    W foldery Giżycka kukom
    Cosik ło tych Gutach szukom
    Ano to niy żodyn wic
    Ło ty szteli richtig nic.
    --
    forum.gazeta.pl/forum/71,1.html?f=28940
  • madalenka25 11.10.04, 16:04
    żebym jeszcze rozumiała co piszesz :-)))

    ale wywnioskowałam, że chodzi Ci o rymowanki tak??
  • w36 11.10.04, 17:39
    Jak chodzi o Bronka to metoda jest prosta. Bierze n.p. takie teksty:
    www.gizycko.um.gov.pl/Miasto/Historia/Historia.htm
    swidwin.piwko.pl/files/zakon11.htm
    i przy jego zdolnościach, z nawet krótkiej notki potrafi wytworzyć kilkadziesiąt
    rymowanek.Bardziej trafnie jednak, można powiedzieć, kilkadziesiąt dni na
    wznoszenie się na szczycie forum, bo rymowanie to niestety nie jest głównym
    hobby Bronka, czego tu na forum w szczególny sposób doświadczamy.

    To też jest ciekawe, jeśli Was Bronek interesuje:
    forum.gazeta.pl/forum/72,2.html?f=261&w=11518549&a=11585912
    forum.gazeta.pl/forum/72,2.html?f=261&w=12146579&a=12167348
  • madalenka25 12.10.04, 09:09
    dzięki za wyjaśnienie
    czyli bronek to taki wasz lokalny wierszokleta
    tak myslałam, szkoda tylko że do tłumaczenia jego "poezji" musze prosić
    domowników

    pozdrawiam
  • broneknotgeld 11.10.04, 21:09
    Ano widzisz Magdalynko
    Fraszka ślonsko niy mo miynko
    Dyć we Rudzie durś sie rodzi
    Choć niy kożdy se z tym godzi.
    --
    forum.gazeta.pl/forum/71,1.html?f=261
  • madalenka25 12.10.04, 09:10
  • broneknotgeld 13.10.04, 19:32
    Olsztyn?

    Olsztyn? A! -Sztela mało we Jurze
    Ponoć tam dobre som jajca kurze
    Bo niy brakuje w skorupce wopna
    Taki rym wom tu na forum "dopna".
  • broneknotgeld 13.10.04, 19:36
    Wszyske drogi

    Wszyske drogi Warmii wiedom do Olsztyna
    Niy musza wom przeca ło tym przipominać.
    --
    forum.gazeta.pl/forum/71,1.html?f=261
  • broneknotgeld 13.10.04, 19:39
    "Baba prusko"

    Tukej "baba prusko" jakby muster frelki
    Chopy pociong majom do niyj richtig wielki
    Retli jom ze wieży zamkowy wysoki
    Teroz na dziedzińcu czimajom boroki.
    --
    --
    forum.gazeta.pl/forum/71,1.html?f=261
  • broneknotgeld 15.10.04, 20:15
    Kopernik nakrykloł

    Kopernik łoglondoł niebo tukej w nocy
    Przeca kapitule łon administrowoł
    Nakrykloł som cosik skuli rownonocy
    Na ścianie krużganka - tako se wydowo.

    --
    forum.gazeta.pl/forum/71,1.html?f=261
  • broneknotgeld 16.10.04, 09:25
    Erich Mendelsohn

    Tu Erich Mendelsohn piyrszy dom swoj stowioł
    Tyn wele kirkuta - we niym łoczyszczynie
    Potym kunszt swoj wielki Europie tyż dowoł
    Dyć serce łostało na zowdy w Olsztynie.
    --
    forum.gazeta.pl/forum/71,1.html?f=261
  • broneknotgeld 29.12.04, 18:57
    Herb Olsztyna

    Blikom na Herb tyn i widza droga
    Toż muszla przeca w Jakuba rynce
    Pont w tym Olsztyna mo być do Boga?
    Łoj - bydzie możno miasto we mynce.
    --
    forum.gazeta.pl/forum/71,1.html?f=261
  • broneknotgeld 26.05.05, 10:18
    Kościoł św. Jakuba 1334

    W tym roku kościoł zaczyli stowiać
    Trocha to jednak potrwało
    Dzisioj przed łoczy trza nom go dować
    Niywiela takich łostało

    Zdo sie gotyku perłom połnocnom
    Nojstarszym w zocnym Olsztynie
    Łon no i zamek czimiom sie mocno
    Niychej ich czas tu niy minie.
    --
    forum.gazeta.pl/forum/71,1.html?f=28940
  • broneknotgeld 27.08.11, 14:44
    Wieczerzo Żydowsko - Olsztyn 30.XI.2011

    Już Hotel Wilyński na wieczerzo prosi
    Muzyki klezmerski niy braknie - to głosi
    I szpas po żydowsku - pewnikym lubicie
    Przi tymu szlajmzupy, czulyntu pojycie.

    --
    Ruda Śląska - stolica fraszki
  • broneknotgeld 07.05.15, 11:59
    OLSZTYN
    Województwo warmińsko-mazurskie
    miasto na prawach powiatu
    ---
    Powierzchnia: 88,33 km2
    Liczba ludności: 174775
    Nadanie praw miejskich: 1353
    ---
    Bazylika konkatedralna pw. Św. Jakuba Apostoła
    - II poł. XIV w.
    -------------
    Olsztyn

    Grōd nad Alnōm – dzisioj Łynōm
    Czasy Prusōw tym wspōminōm
    Wpiyrw strażnica tukej była
    Wartko zamek – przeca siyła
    Zakōn ciyngym dźwigōł swoja
    Miecz i krziż niōs w srogich bojach
    Dyć tyż dźwigoł grody, miasta
    Allenstein z Zakōnu ciasta.

    --
    Ruda Śląska - stolica fraszki
  • broneknotgeld 14.10.04, 20:16
    "Bitwa pod Grunwaldym"

    Tu wojsko cara lyjty dostało
    Choć wpiyrw pociśli w przodek niymało
    Hindenburg Ruska ponoć zaczimoł
    Choć we salonce yno se drzymoł.
    --
    --
    forum.gazeta.pl/forum/71,1.html?f=261
  • broneknotgeld 19.10.04, 08:54
    Jakiś "historyk" możno namiyszoł
    Kto z Luksymburga nakazu prziszoł?
    Ano wasale - tako Ślonzoki
    Mieli ło cudze bić sie boroki
    Bestoż Krziżaki wojna przegrali
    A my po rzici fest łoberwali.
    --
    forum.gazeta.pl/forum/71,1.html?f=261
  • broneknotgeld 26.05.05, 10:43
    "Byli" i "biyli" trza mi napisać
    Dyć nudli na tym niy chciyjcie wiyszać
    Bo to na Ślonsku jakby niy "błond"
    A przeca wiycie że pisza stond.

    --
    forum.gazeta.pl/forum/71,1.html?f=28940
  • broneknotgeld 26.05.05, 10:44
    Kościoł Grunwaldzki

    Kościoł ze dzwonnicom Zakon tu zbudowoł
    Pociecha poległych duszom ponoć dowoł
    Tysionc lot stoć bydzie - tako sie zdowało
    Dyć po niymu dzisioj nic już niy łostało.
    --
    forum.gazeta.pl/forum/71,1.html?f=28940
  • broneknotgeld 06.01.05, 18:44
    Nidzica

    Zamek krziżacki wpiyrw tukej był
    Przi niymu osada rosła
    Jak Zakon bardzi nabiyroł siył
    I łona praw miejskich doszła

    Winrych Kniprode przeca je doł
    Wiek jeszcze lecioł sztyrnosty
    Dyć dźwignońć tako ta sztela chcioł
    Koncept w tym richtig był prosty.
    --
    --
    forum.gazeta.pl/forum/71,1.html?f=261
  • broneknotgeld 08.01.05, 17:21
    Matka Bosko Gietrzwałdzko

    Warmińskim frelkom co żeś godała
    jakeś ze klona na nie blikała?
    Niy po niymiecku - to yno wiym
    Co żeś pedziała? Po to tkom rym.
    --
    forum.gazeta.pl/forum/71,1.html?f=261
  • broneknotgeld 30.08.05, 19:02
    W Gietrzwałdzie

    Przed cudownym łobrozym i papiyż tu klynkoł
    Porzykoł i jakby se myni już lynkoł
    Toż wiedzioł - Maryja ło wszyskich pamiynto
    Kożdo rodzicielka ze niom jakby świynto.
    --
    forum.gazeta.pl/forum/71,1.html?f=28940
  • broneknotgeld 05.05.05, 23:45
    Se tam a nazod ludzie rajzujom
    Zdo sie nikerzy w proficie
    Z łońskego roku to forsztelujom
    A wy co ło tym powiycie?
    --

    Łod września

    Łod września my som partnery
    No dyć do jasny cholery
    Z "zielonych szkoł" latoś nic
    Skond my już znomy tyn "wic"?
    --

    Wiceszef RM

    Pytlok zwalo na "partnera"
    Że niymrawy coś - cholera
    Że przetargi som na "szkoły"
    Niy wiedzieli - jakeś woły?
    Zdo sie jakby z łobu stron
    Ktoś w fałszywy bije dzwon.
    --

    Zaczło sie niyhersko
    Bydzie dali sielsko?
    --

    Giżycko ze Rudom teroz sztama czimie
    Zdo sie - coś dobrego we tym richtig drzymie.
    --

    Foldery

    Foldery z Giżycka ponoć w Rudzie som
    Niy widziołch - dyć wierza i radocha mom
    Ło zniżkach czy cosik we nich już szkryfnyli?
    Kto ze nich skorzysto? -W Urzyńdzie szepnyli?
    --

    Promocja Rudy Ślonski w Giżycku

    Ruda we Giżycku chce sie tyż promować
    Toż trza mi tych fraszek tukej wiyncy dować
    Plany majom wielke - choć zdowo sie tajne
    Łoj bydzie tam richtig blyszczeć Ruda fajnie.
    --
    forum.gazeta.pl/forum/71,1.html?f=28940
  • broneknotgeld 05.05.05, 23:46
    Giżycko

    Gizewiusza tako uhonorowali
    Że ze niego miano miastu tymu dali
    Pastor przeca zowdy był za Mazurami
    Dyć ich kajś przegnali - tyż uciykli sami
    --

    Fajno sztela

    Niegocin kanał łonczy z Kisajno
    A miyndzy nimi sztela jest fajno
    Kaj byż zabawioł niyjedna nocka
    I dziołchom pszoł tyż na pewno mocka.
    --

    Gustaw Gizewiusz 1810-1848

    Pastor we łobrona Mazurow durś broł
    Historio tyż ło tym pamiynto
    Dyć serce dlo wszyskich jednake łon mioł
    Na ziymi co jeszcze niy świynto.
    --

    Krziż św. Brunona

    Tukej świynty Brunon Prusow krzcić tyż chcioł
    Z poparciym Chrobrego dyć prziszoł
    Za wiara łon jednak życie swoje doł
    We tysionc dziewiontym - toś słyszoł

    Przez las wiedzie droga św. Brunona
    Idź - dyć se tego niy lynkej
    Kaj krziż dzisioj stoji prziszło jymu skonać
    Mosz Boga we duszy to klynkej.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:17
    Skiż

    Skiż Kristofa Celestyna
    Zwom Mrongowym ta dziedzina
    No bo przeca tyn Mrongowiusz
    Polsko godka w zocy mioł już.

    --
    forum.gazeta.pl/forum/71,1.html?f=28940
  • broneknotgeld 04.11.05, 08:46
    Jerzy Gosiewski - leśnik

    Znajom go dobrze mrongowske lasy
    Zoglondnie we nie i teroz czasym
    Czidziści rokow taki roboty
    To richtig niy som jakeś gupoty.

    --
    forum.gazeta.pl/forum/71,1.html?f=28940
  • broneknotgeld 19.02.06, 09:51
    Gora Sztyrech Wiatrow

    Gora Sztyrech Wiatrow we Mrongowie majom
    Dyć i tu terozki narciarzom fest pszajom.
    --
    forum.gazeta.pl/forum/71,1.html?f=28940
  • broneknotgeld 19.02.06, 17:46
    Zima w Mrongowie

    Gora Sztyrech Wiatrow narciarzy tu wito
    Sztyryma trasami - jakby se kto pytoł
    Dyć mosz jeszcze tukej i tor saneczkowy
    Rynny do snowboardu toż niy trop se gowy

    Ośrodek łońskego roku zrychtowany
    Zdo ci sie i dzisioj co wysztiglowany
    Tych chyntnych do zjazdu dużo tukej bywo
    Niychej to we zima nikogo niy dziwo.

    -
    forum.gazeta.pl/forum/71,1.html?f=28940
  • broneknotgeld 19.02.06, 17:48
    Park im. Juliusza Słowackiego

    Stare dymby graby sosny
    We Mrongowie cie czekajom
    Zazielyni sie park z wiosny
    Choć i zimom jymu pszajom.
    --
    forum.gazeta.pl/forum/71,1.html?f=28940
  • broneknotgeld 19.02.06, 17:50
    Park im. Sikorskiego

    W nocy strach tu szpacyrować
    Dyć to musisz forsztelować
    Co wpiyrw kerchof tukej był
    Wangelikow tako krył.
    --
    forum.gazeta.pl/forum/71,1.html?f=28940
  • broneknotgeld 19.02.06, 17:52
    Na galindzki ziymi

    Galindy te ziymie wpiyrw zamiyszkiwali
    Niym Krziżaki życie im poprzewrocali.
    --
    forum.gazeta.pl/forum/71,1.html?f=28940
  • broneknotgeld 19.02.06, 17:58
    "Sense" (kosa)

    W okolicy niedźwiedź pieroński grasowoł
    Toż niyjedyn śmiałek mu rady niy dowoł
    Dyc jak w końcu kosom łapa mu utnyli
    To ze jom do herbu miasta przeca wziyli.

    --
    forum.gazeta.pl/forum/71,1.html?f=28940
  • broneknotgeld 26.05.05, 10:22
    Johannisburg

    Zamek nad Pisom krziżacki stoji
    Johannisburgym go zwali
    W mazurski godce Jańsbork - niy w moji
    Toście już forsztelowali.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:24
    Pisz

    Skond se wywodzi grodu te miano?
    Ano łod "pisy" rzecz to już znano
    Prusy na bagno tako godali
    Zdo sie - w pamiyńci naszy łostali.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:24
    Jerzy Krzysztof Pisański

    Pisański przeca musioł być z Pisza
    Ło tym karlusie terozki słysza
    Regionalista we Prusach piyrszy
    Choć czas pokoże co niy nojwyrszy.
    --
    forum.gazeta.pl/forum/71,1.html?f=28940
  • broneknotgeld 27.08.11, 14:34
    II Fesitwal Runa Leśnego 10.IX.2011

    Co las dowo tukej zjycie
    Ano - to dopiyro życie
    Niy trza z rana zaroz stować
    Styknie w Piszu degustować.
    --
    Ruda Śląska - stolica fraszki
  • broneknotgeld 09.05.15, 21:48
    PISZ

    Województwo warmińsko-mazurskie
    powiat piski, gmina miejsko-wiejska
    ---
    Powierzchnia: 10,08 km2
    Liczba ludności: 19547
    Nadanie praw miejskich: 1645
    ---
    Kosciół pw. Św. Jana Chrzciciela – 1694
    ------------------------------
    Pisz – Johannisburg

    Galindio Mazowszu? Galindio Kujawōm?
    Princ Kazimierz zrzekł sie, tōż Krziżoki jawiōm
    Nad Pisōm co piyrwyj Prusōw radowała
    Miecz krwawi, żor poli, Pōnbōczkowi chwała?!

    Zakōn zamek dźwignōł, już Litwinōm wadzi
    Kiejstut ze wojami swojymi zaradzi?
    Krziżokōm nazgobiōł we tych strōnach wiela
    Ze hasio zdoł dźwigać Johannisburg – tela.





    --
    Ruda Śląska - stolica fraszki
  • broneknotgeld 26.05.05, 10:25
    Lubecki Frombork

    Na prawie lubeckom zostoł lokowany
    Historyjom tako z Lubekom zwionzany
    Ze kery tu prziszli osadniki piyrsze
    Te ziymie sie stały dlo nich chnet nojwyrsze.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:26
    Frombork 1278

    Prusy Braniewo fest poniszczyli
    Trza było przeniyść tu kapituła
    Biskupy Frombork tako dźwignyli
    Dyć som na Warmii - niy trza sie tułać.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:27
    Frombork 8.VII.1310

    Osmego lipca fajer tu zowdy
    Skiż tych praw miejskich! -Wiela w tym prowdy?
    --
    forum.gazeta.pl/forum/71,1.html?f=28940
  • broneknotgeld 26.05.05, 10:27
    Frauenburg - Frombork

    Toż "Grodu Pani" pisane było
    Biskupstwo z Braniewa tu se przekludziyło
    I choć poszło dali do tego Lidzbarka
    We Fromborku ciyngym "kapitulno" marka.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:27
    "Madonna w Winnej Altanie"

    Łobroz nagrobny łod kanonika
    Kunsztym niy yno dziwuje
    W łokrongły romie - cudo gotyka
    Teroz już to forsztelujesz?
    --
    forum.gazeta.pl/forum/71,1.html?f=28940
  • broneknotgeld 26.05.05, 10:28
    Mikołaj Kopernik (1473-1543)

    "Samotnikym fromborskim" kanonika zwali
    We gwiozdy zoglondoł toż forsztelowali
    Że niy trza przi tymu sie za wiela wadzić
    By z haltongym słońca mog se som poradzić.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:28
    "Wieża Kopernika"

    Toż i dzisioj stoji "Wieża Kopernika"
    I pewno wspomino nawet kanonika
    Kery tu samotnie na gwiozdy se dziwoł
    W dziyń blikoł ku słońcu i palcym mu kiwoł.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:28
    "O obrotach sfer niebieskich"

    Co dowiod? -Niy wszyscy w Polsce rozumieli
    A możno tyż czasym poskopić niy chcieli
    Przeca wieki całe Kościoł zakozywoł
    Czytać "O obrotach..." - bestoż to niy dziwo.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:29
    Frombork 1626

    Co tu w katedrze cynnego było
    To wojsko szwedzke cołkym złupiyło
    Tako z Gustawa Adolfa woli
    -Niych Warmio ciyrpi - niych to jom boli.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:29
    Ołpa Kopernika

    Ołpa Kopernika miyszkoł wele Nysy
    W wiosce Kopperniki - niych forum to słyszy.
    --
    forum.gazeta.pl/forum/71,1.html?f=28940
  • broneknotgeld 07.04.15, 16:57
    Frombork

    Województwo warmińsko-mazurskie,
    powiat braniewski, gmina miejsko-wiejska
    ---
    Powierzchnia: 7,59 km2
    Liczba ludności: 2470
    Pierwsza wzmianka historyczna: 1278
    ---
    Bazylika archikatedralna pw. Wniebowzięcia NMP
    ---
    Frombork (Frauenburg)

    Kej Prusy roz sztrabli – Braniewo spolyli
    Biskupa Warmiji pierōnym stropiyli
    Tōż sie kapituła tukej przekludziyła
    I wartko katedra tyż nowo stanyła

    Łod jeji patrōnki teroz miano grodu
    Frauenburg – i dzisioj czasym tako godōm
    Tysiōnc trzista dziesiyńć – trza tyn rok pamiyntać
    Grōd już w prawie miejskim – przeca to niy piynta.

    --
    Ruda Śląska - stolica fraszki
  • broneknotgeld 26.05.05, 10:30
    Jan z Sącza (XVI w)

    Jan z Sącza w Ełku drukarnia mioł
    Wiela łon ksionżek po polsku doł
    Zdo sie - Ełk wtedy blyszczoł w Koronie
    Choć z czasym prziszoł i na to koniec.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:31
    "Rast"

    Prusy osada mieli przi borze
    Spokojnie w niyj kedyś żyli
    Dyć krziż już mieczym za cosik korze
    Bestoż trza pedzieć - tu byli.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:31
    "Rastenburg" - 1329

    Już tu Krziżakow strażnica stoji
    Łognia se jednak przi tymu boji
    Bo przeca ciyngym jeszcze drewniano
    Trza by zrychtować chnet murowano.
    --
    --
    forum.gazeta.pl/forum/71,1.html?f=28940
  • broneknotgeld 26.05.05, 10:32
    "Rastenbburg" 1374

    A no zamczysko już stoji zocne
    W murach krew jakby - toz richtig mocne
    Dobudowali przez wieki wiela
    W łostatni wojnie w łogniu ta sztela
    Dyć dzisioj zamkym Kyntrzyn sie asi
    Łodbudowany zaś miasto krasi.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:33
    Jerzy Andrzej Helwig

    Szkryfoł ta "Flora Angerburgica"
    Zowdy do ziyla łobrocoł lica
    We Wyngorzewie przecw rodzony
    Toż paczoł zowdy na swoje strony.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:33
    Świynto Lipka 1482

    Kapliczka już tukej se stoła
    W opiece Zakonu była
    W niyj lipa a łona dokoła
    -Jakby te drzewo chroniyła

    Wiela na pont prziłaziyło
    Prosiyło ło łaska Nieba
    Nikerym sie to ziściyło
    Szkryfnońć mi tako tu czeba.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:34
    Świynto Lipka

    Toż i protestanty na pont tu łaziyli
    Przeca boski łaski tyż łoni prosiyli.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:34
    Downe jarmarki we Świynty Lipce

    Co roku tu płotno tym "złotym" towarym
    Nawet ze Flandryji kupce se zjyżdżali
    Niy yno pontnikow kusiyła swym czarym
    W Świynty Lipce przeca gyszeft ubijali.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:35
    Reszel 1631

    Jezuici z Braniewa tukej se wkludziyli
    Ano skuli Szwedow we tułaczce byli
    Dyć reszel z tym zyskoł kolegium przezocne
    Wiela to wspiyrało - toż stało sie mocne.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:36
    Reszel dzisioj

    Toż mie sie tako ciyngym tu zdo
    Co richtig Reszel fest szczyńście mo
    Wojna go przeca niy poszczyrbiyła
    Se za murami jakby stanyła.
    --
    forum.gazeta.pl/forum/71,1.html?f=28940
  • rita100 25.11.05, 22:00
    Re: Reszel i fraszka
    Autor: Gość: tralala
    'Wojna go przeca niy poszczyrbiyła
    Se za murami jakby stanyła.' To prawda - dzięki temu Reszel mógł trafić na
    listę zabytków, bo całe miasto zachowało dawny gotycki układ ulic i urodę
    sprzed stuleci. Szukałam gdzieś zdjęcia całego miasteczka, i chyba najlepsze co
    znalazałam jest tu - trzeba jeszcze tylko dodatkowo kliknąć Widok z wieży i
    otwiera się panorama (dziś bezpłatnie - promocja! na żywo 4 zł od osoby)

    www.reszel.iap.pl/index.html?k=31&id_tekst=15



  • broneknotgeld 26.05.05, 10:37
    Wojciech Pomian Pasarowius (1594-1696)

    W Mikołajkach w kościele portret jego mocie
    Ze dugego wieku niy yno go znocie
    Siedymdziesiont jedyn lot parafiom kryńcioł
    Pomogoł durś wiernym a sie niy umynczoł.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:38
    Andrzej Kowalewski

    Po Pasaraviusie Kowalewski prziszoł
    Toż ło tym pastorze co inkszego słyszołch
    Ze zdrowiym miol ciyngym pierońsko utropa
    Dyć wiela doł inkszym - żałowali chopa.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:38
    Mikołajki 1444

    Piyrszy roz wzmiankujom je ponoć w tym roku
    Już była to sztela mazurskich rybokow.

    --
    forum.gazeta.pl/forum/71,1.html?f=28940
  • broneknotgeld 26.05.05, 10:38
    Mikołajki 1726

    Ze wioski przeca w końcu wyrosły
    Do tych miast w Prusach terozki doszły.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:39
    Mikołajki

    "Perłom Mazur" zowiom Mikołajki dzisioj
    Pewno żeś już ło tym w cołki Polsce słyszoł
    Miyndzy Mikołajskim a Tałty jeziorym
    Zajrzyj jak żeś niy był tukej do ty pory.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:40
    Festiwal Krola Sielaw

    Sezon turystyczny krol Sielaw zaczyno
    Chocioż wystrugany ze drzewa łon yno
    Wodujom go przeca i na holu czimiom
    Dyć możno tyż czary we ty rybie drzymiom.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:41
    Krol Sielaw

    Przez wieki Krol Sielaw w jeziorze panowoł
    Toż cołki swiat wodny cześć mu tu łoddowoł
    Ludzie w końcu prziszli - ryby zaczli łowić
    I zdo sie - Sielawa w tym krolestwie dowić

    Łon tyż se rybokom doł we znaki wiela
    Bo przeca sie ciśli tam kaj jego sztela
    We sieci ze ajzy jednak go chyciyli
    Życie darowali chocioż zniywolyli


    Gorzke dlo Sielawa tu czasy nostały
    Z tego se niyszczyńścia tyż nastympne dzioły
    Ciyngym przeca widzioł w sieciach swo czelodka
    Już wiedzioł że lepi mu było śmierć spotkać.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:41
    Hotel "Mazur"

    Toż łobleka se jo lacie
    We tym downym magistracie
    Kaj beamtry wpiyrw dzrzymali
    Teroz tako leci dali.
    --
    forum.gazeta.pl/forum/71,1.html?f=28940
  • broneknotgeld 26.05.05, 10:42
    Na promenadzie

    Na promenadzie ze kuflym piwa
    Se na jezioro bych chcioł podziwać
    Zyjmanić niy trza - tego mi styknie
    Biyr i jezioro - toż już jest piyknie.
    --
    forum.gazeta.pl/forum/71,1.html?f=28940
  • broneknotgeld 08.09.07, 23:40
    Niy miniesz

    Jak z Rucianego na Ryn se płyniesz
    To Mikołajek przeca niy miniesz.

    --
    Ruda Śląska - stolica fraszki
  • wedkarz25 19.04.14, 10:16
    Ile kilometrów jest z Mrągowa do Mikołajek
  • broneknotgeld 12.04.15, 09:20
    Coniyco żech przeżoł
    Dyć tego niymierzoł.
    --
    Ruda Śląska - stolica fraszki
  • broneknotgeld 26.05.05, 10:39
    W herbie

    W herbie majom krola - Sielaw jego miano
    Bliko tyż na miasto z fontanny co rano.
    --
    forum.gazeta.pl/forum/71,1.html?f=28940
  • broneknotgeld 16.06.05, 07:28
    Liceum im. Marion Donhoff

    Mo tu liceum naszo grafini
    To Mikołajki ździybko łodmiyni
    Już dzisioj cisnom se tam szkolorze
    A chnet internat ponoć być może.
    --
    forum.gazeta.pl/forum/71,1.html?f=28940
  • broneknotgeld 06.09.07, 22:41
    "Perła Mazur"

    Tukej krol Sielaw mo swo stolica
    Sie Mikołajek radujom lica
    I jako perła mazursko blyszczom
    Inksze dziedziny z zowiści piszczom?
    --
    Ruda Śląska - stolica fraszki
  • broneknotgeld 08.09.07, 13:44
    W herbie

    Krol Sielaw w herbie ty szteli zocny
    Tam kaj jeziora łon wszyndy mocny.
    --
    Ruda Śląska - stolica fraszki
  • broneknotgeld 08.09.07, 17:46
    Fontanna z Sielawym

    Kaj by mog se asić tako?
    Sielaw rzońdzi czy tu płako?
    Łańcuch dyć wandrusa dziwo
    W końcu smutno mu pokiwo.
    --
    Ruda Śląska - stolica fraszki
  • broneknotgeld 08.09.07, 23:37
    Mazursko Wenecjo

    Zdo sie jakby tyż na wodzie
    Dwa jeziora tu we zgodzie
    Krasy szteli dokłodajom
    Mikołajkom przeca pszajom.
    --
    Ruda Śląska - stolica fraszki
  • broneknotgeld 09.09.07, 13:11
    Muzeum Reformacyji Polski

    W stary szkole co wele kościoła
    Historyjo i tako chce wołać
    Toż zoglondnij - ideji se dziwej
    Ździybko inkszy tyż wierze pokiwej.
    --
    Ruda Śląska - stolica fraszki
  • broneknotgeld 09.09.07, 23:26
    Nad jezioro Łukajno

    Bryczkom z Mikołajek drapko tam dojedziesz
    Ano - jest Łukajno we Europy przedzie
    Zodziwio łabyńdzi epnom kolanijom
    Kero przed UNESCO tu wcale niy kryjom.
    --
    Ruda Śląska - stolica fraszki
  • broneknotgeld 21.02.06, 22:47
    Krzyżowo Gora

    Krzyżowo Gora we zimie blyszczy
    Tu kozdy narciorz radochy zyszczy
    Już poranoście lot se to kulo
    Jakby w Beskidach - niy byda fuloł.
    --
    forum.gazeta.pl/forum/71,1.html?f=28940
  • broneknotgeld 21.02.06, 22:51
    Trasa "Jurek"

    Dlo poczontkujoncych chnetko poł kilosa
    Jak na mie - wystyknie. Ło wiyncy niy prosza.
    --
    forum.gazeta.pl/forum/71,1.html?f=28940
  • broneknotgeld 21.02.06, 22:53
    Trasa "Paulina"

    Idzie pohulać na ty "Paulinie"
    Czas ze uciechom ci tukej minie.
    --
    -
    forum.gazeta.pl/forum/71,1.html?f=28940
  • broneknotgeld 21.02.06, 22:55
    Trasa "Kormoran"

    Chocioż przikrotko dyć stromo trocha
    Dej pozor - możesz cosik popochać.
    --

    --
    forum.gazeta.pl/forum/71,1.html?f=28940
  • broneknotgeld 04.05.15, 16:48
    LIDZBARK WARMIŃSKI

    Województwo warmińsko-mazurskie
    powiat lidzbarski, gmina miejska
    ---
    Powierzchnia: 14,34
    Liczba ludności: 16826
    Nadanie praw miejskich: 1308
    ---
    Brak kościoła pw. Jezusa Chrystusa
    ----------------------------------
    Lidzbark Warmiński

    Kaj Warmy, kaj Barty ich Ledzbarg stoł zocny
    Przeciwko Krziżakōm - zdo niy bōł za mocny
    Choć wartko w dziedzinie zamek postawiyli
    Dyć Prusy w powstaniu go cołkym spolyli

    Na nic krew przelōno – wiycie – historyjo
    Prusōm rychtowała wartko tragedyjo
    Kej biskupym Warmji stoł Eberhard z Nysy
    Ślōnzokōw naskludzoł – Ślōnskym Lidzbark dyszy?



    --
    Ruda Śląska - stolica fraszki
  • broneknotgeld 22.04.06, 14:10
    Wojnowo

    Z guberni witebski wiedzie swoje miano
    Na pamiontka inkszy szteli tako dano
    W kery Sidon Borys na tyn świat se prziloz
    Ze carski Rosyji istny potym wyloz.
    --
    forum.gazeta.pl/forum/71,1.html?f=28940
  • broneknotgeld 22.04.06, 22:42
    Wieś filiponow

    W siedymnostym wieku wygnoni z Rosyji
    Bo reform Nikona niy chcieli przijmować
    Trefiyli w te strony - choć niy bez mecyji
    Mogom po swojymu chwała Bogu dować.
    --
    forum.gazeta.pl/forum/71,1.html?f=28940
  • broneknotgeld 25.04.06, 20:15
    Wojnowsko cerkiewka

    Niy mo nawet tych stu lot
    Dyć jak blikosz toś fest rod
    Zdo sie przeca ci bajkowo
    No i tako - cebulowo.
    --
    forum.gazeta.pl/forum/71,1.html?f=28940
  • broneknotgeld 25.04.06, 20:20
    Klasztor

    Na skraju wioski
    Kaj Duś jezioro
    Trza ci zoglondnońć
    Choć już niyskoro

    Czy jeszcze tukej
    Dźwiyrza łotworzom?
    Toż roki lecom
    Wszysko chnet zmożom.


    --
    forum.gazeta.pl/forum/71,1.html?f=28940
  • broneknotgeld 25.04.06, 20:23
    Klosztor żyński

    Wele cerkwi ciyngym stoji
    Choć i łon ło los sie boji
    W chopskim downo mnichow niy ma
    Cosik yno godo ziymia.


    --
    forum.gazeta.pl/forum/71,1.html?f=28940
  • broneknotgeld 25.04.06, 20:25
    Stary kerchow

    Stary kerchof se cyplym wcino we jezioro
    Lepi tam niy łaźcie jak richtig niyskoro.
    --

    --
    forum.gazeta.pl/forum/71,1.html?f=28940
  • broneknotgeld 22.07.06, 09:13
    Krziżacke kościoły

    Momy ich we Polsce do dzisioj niymało
    Na lista UNESCO wpisać se je zdało
    Przez to by pewnikym myni nom niszczały
    Dziedzictwym kultury na wieki łostały.
    --
    forum.gazeta.pl/forum/71,1.html?f=28940
  • rita100 09.09.07, 21:23
    Krziżackie koszczioły
    uleciały jak pszczoły
    Dziedzictwo narodowe
    wznowi budowe

    --
    Bandziewam wipraziać rozmajite fizmatantki i hop i siup i po szluczku, po jenam,
    po drugam »¸¸.•*¨`•»
  • broneknotgeld 09.09.07, 21:33
    Ech - by se chciało i ło tym pisać
    Dyć rymy w głowie zaczynom miyszać.
    --
    Ruda Śląska - stolica fraszki
  • haisza 14.10.07, 12:36
    A co o Poznaniu napisał byś?
    Mnie to bardzo ciekawi tyż.

Popularne wątki

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka