Dodaj do ulubionych

Dlo gości

28.09.03, 20:45
Tukej szkryflajom niych nasze goście
Śmiało te swoje "czi grosze" wroźcie.
Edytor zaawansowany
  • Gość: Szwager IP: *.dip.t-dialin.net 28.09.03, 21:07
    A mogom byc tysz cztyry fynki?
    Bo we fynikach jo mom wyniki!
  • Gość: Kiyks IP: *.crowley.pl 28.09.03, 22:05
    Z internetowyj klikom kafyjki.
    Mom ino ruble no i kopiyjki!
  • broneknotgeld 28.09.03, 22:18
    "Szczyńść Boże"

    Wciepcie i euro do tyj Europy
    Dyć Wos tu witom po ślonsku chopy.
  • Gość: Szwager IP: *.dip.t-dialin.net 28.09.03, 22:28
    Jako waluta we Slonsku majom?
    Te co po slonsku rymy skuodajom?
  • Gość: Kiyks IP: *.crowley.pl 28.09.03, 22:44
    Kożdo waluta dobro na rymy,
    byle niy chińsko - taki niy chcymy!
  • Gość: Szwager IP: *.dip.t-dialin.net 28.09.03, 22:47
    Suyszouch, co notgeld u wos je w modzie
    Bronek podobno mo go na skuodzie
  • broneknotgeld 28.09.03, 22:59
    Toś teroz ruszoł tymatym mojim
    Trza by tyż ze tym trocha pobrojić.
  • Gość: Kiyks IP: *.waw.cdp.pl / *.waw.cdp.pl 28.09.03, 23:04
    za taki notgeld nic dzis niy kupisz,
    nic niy wypijesz i niy (tego niy napisza - FUJ!)
  • Gość: Szwager IP: *.dip.t-dialin.net 28.09.03, 23:10
    No ale aby mosz te uczucie
    Zes chop w celyndrze - niy ino w hucie


    ps

    fajne som te Twoje konski we nowym Echo Slonska - Gratuluja!
  • broneknotgeld 29.09.03, 15:52
    Za gratulacje piyknie dziynkuja
    Dyć niy wiym za co - już tam blikuja.
  • broneknotgeld 29.09.03, 15:57
    Już wiym że niy wiym co tukej godom
    Ale Kiyksowi tyż braw dokłodom.
  • broneknotgeld 29.09.03, 15:58
    Jak sie Wom spodobo nasze rudzke forum
    Inkszym pokazujcie - trzeba nom humoru.
  • broneknotgeld 29.09.03, 21:11
    Kiyksowi

    Ale Ci Ślonzek gro we ty duszy
    Trza by słyszały to inksze uszy
    Jo durś sie nad tym terozki głowia
    Kto druknie nasze ze forum słowa?
  • 1kiyks 29.09.03, 21:43
    Jo za Bronkiym fora zwiedzom
    boch polubił jego rymy,
    A jak ło nos źle powiedzom
    Wiyncy ich niy łodwiedzymy!

    Gro nom Ślonzek w całyj duszy
    toż szkryflomy dyrdymały
    a jak wpadnom komu w uszyuszy
    bydzie to już sukces mały.

    pozdrowiynia dlo całyj Rudy Ślonski, kiero jest cool, kiero jest piykno i
    i prawdziwie Ślonsko

    Kiyks z Mysłowic, kiere narazie so rzondzone przez czerwonych

    www1.gazeta.pl/forum/790620,30353,790602.html?f=13239



  • michi3 29.09.03, 22:28
    Wy mocie we Myslowicach tyz piykno rzecz - Dreikeiserecke!!!
    Ciekawe czi ktos sie tym terynem interesuje? To by mogla byc richtig
    ciekawostka na couko Europa.
  • Gość: Szwager IP: *.dip.t-dialin.net 29.09.03, 22:34
    Kyjks a wiysz ize we Myslowic je jeszcze jedyn Kyjks(Kiyks, Kyks - jak tam kto
    godo tak godo)?
  • michi3 29.09.03, 22:44
    chyba z Michalkowic ?
  • Gość: Kiyks IP: *.crowley.pl 29.09.03, 22:48
    Ja, Szwagier, chodzi ci o Jasia Skrzeka? Jasiu jest ze Michałkowic i jest cool.
    jakżech sie już zalogowoł i zaczon klepać toch sie kapnył, żech ukrod ksywka
    takimi gościowi. Kiyksie prawdziwy wybocz!
    Jasia Skrzeka podziwiom i jestech jego goroncym wielbicielym, prawia tak samo
    jak Bronka Notgelda!
  • Gość: Szwager IP: *.dip.t-dialin.net 29.09.03, 22:51
    Mosz recht, piyknie gro i jeszcze piykniyj po naszymu spiywo - a Pieron je jak
    sie paczy. Widzious kedys o nim film? - leciou kedys na TV Polonia.

    I tyn konsek "To bou chop, to bou chop ...
  • Gość: Kiyks IP: *.crowley.pl 29.09.03, 23:07
    Pewno, że znom. Miołech tego winyla. "To był chop! Beczka piwa móg wypic som,
    nikt go niy móg zwalic z nóg". Film widziołech. Piyrwszy roz widziołech jego i
    Riedla w TV jak pokazywali śpiywogra Katarzyny Goertner "Pozłacany warkocz". To
    było takie bardzo gorolskie wydanie Ślonskich piosynek. Niy podobało mi sie -
    rok chyba 1979 (?). Ale Kiyks i Riedel byli tam autyntyczni i cool!
    Dziynki za linka na leśniczówka.

    Ersatzkiyks :-(
  • Gość: Szwager IP: *.dip.t-dialin.net 29.09.03, 23:12
    Widza ize my "po jednych piyniondzach" som. Jo mom tysz trocha nagrane na
    Video ze "Pozuacanego warkocza" cz.1 (mom tysz i ze czynsci drugyj trocha - to
    co pokozali we TV Katowice), ale tego ze Kyksym 'ech niy widziou jeszcze. Mom
    tysz CD "Pozuacany warkocz" (ta piyrszo czynsc) i wiym ize sie miaua drugo
    czynsc tysz na CD pokozac, ale narazie chyba sie niy pokozaua. Abo?

    O rysku bou tysz kedys z okazi odniego smierci piykny reportarz ze odniego
    muzykom i przi jednyj piosynce bouo take ujyncie jak jedyn "sueptok" ze
    katowic siedzi na schodkach przi ulicy i slimto - zol Ryska jak pieron!
  • Gość: Kiyks IP: *.crowley.pl 29.09.03, 23:23
    Żol Ryśka. Może naraża sie tym kierzy go wielbiom. Był to wielki artysta i
    suchom go durs ze zapartym tchym. Ale mom swoje lata i na sprawy ćpanio patrza
    szpetnie. Tak mie wychowali. No cóż, jako chop, łojciec i czowiek był niywiela
    warty.

    Kiyks

    P.S. Bronek nom nazdo, że glyndzymy bez rymowanio! :-)
  • Gość: Szwager IP: *.dip.t-dialin.net 29.09.03, 23:28
    Niywiym eli tak idzie pedziec - on bou w naogu, a to je jak choroba - ale
    napewno zodyn leko z nim niymiou, to fakt. Suyszos odniego synka jak spiywo? -
    bys pomyslou ize to Rysiek.
  • Gość: Kiyks IP: *.crowley.pl 29.09.03, 23:38
    Ja słyszouech. Cołki tata.
    No był to nałog. Ino że mie wychowali tak, że ni ma we Slonski tradycji miyjsca
    na takie nałogi. Chop mo dbac ło dom, baba, dziecki i paczec coby im krziwdy
    niy było. Tak samo niy bydzie do mie autorytetym synator Kutz, kiery ło ślonski
    tradycji łosprawio, pouczo, mondrzi sie a jes chyba ze czwortom babom. Rozwody
    to ni ma Ślonsko tradycjo! Ale chconcymu niy dzieje sie krziwda - ich wybór.

    Pozdrowiom Szwagierku i do jutra

    Kiyks
  • Gość: Szwager IP: *.dip.t-dialin.net 29.09.03, 23:58
    powia krotko

    mosz prawie i tela
  • broneknotgeld 30.09.03, 00:06
    Tyś sie Ślonsku udoł chopie
    Bo pomogosz w tyj "utropie".
  • broneknotgeld 29.09.03, 23:34
    Szwager szkryflo tu z daleka
    Kiyks ze bliska - kajś z drajeka
    Tych zza rzyki forum goni
    My wygromy czy tyż łoni.
  • Gość: Szwager IP: *.dip.t-dialin.net 29.09.03, 23:35
    Jo ich smola - kij im w oko
    W Rudzie gorol niych niy skoko!
  • broneknotgeld 30.09.03, 00:05
    Tu ło tym trombia - ze tego konska
    Że Mekkom fraszek jest Ruda Ślonska
    Niy pitnom jednak stond do Mediny
    Furgnom na wszyske ślonske dziedziny.
  • broneknotgeld 30.09.03, 00:14
    Za ta biblijo podziwiom Cie
    Dyć wiysz że rymy wciongajom mie.
  • Gość: Szwager IP: *.dip.t-dialin.net 30.09.03, 00:19
    Ty 'es blank dobry je w maratonie
    Przescig's nos wszyskich Slonski Pieronie
  • broneknotgeld 30.09.03, 22:15
    Jo sie przed rymym zowdy niy migom
    Czasym tyż ze tym trocha sie ścigom
    Dyć chca tym Ślonskym jakoś poruszyć
    By niy musiało go cosik puczyć.
  • broneknotgeld 01.10.03, 20:16
    Niy ma Szwagra niy ma Kiyksa
    Płaczkow już mom pełno biksa.
  • Gość: stanczyk25 IP: *.waw.cdp.pl / *.waw.cdp.pl 02.10.03, 12:28
    Nie ma kolegów ale jestem ja i serdecznie pozdrawiam z Mysłowic.
    Dopiero dzisiaj tu trafiłam,bo u nas albo nuda ,albo w pysk.Jak zwykle zresztą.
    Nie zapraszam "do nas",bo sama tez raczej nie bywam.Hej:)))))
  • broneknotgeld 02.10.03, 15:31
    Ze Mysłowic witom frela
    Co na szpasie zno sie wiela

    Dyć za som tyn jeji szpas
    Poszoł bych z niom w ciymny las.
  • Gość: stanczyk25 IP: *.crowley.pl 03.10.03, 06:03
    Pozdrawiam serdecznie.widzę ze u was w Rudzie też nikomu sie nie chce pisać.
    To moze dobrze,że nasi jeszcze plują?
    Ja też tak jak Ty Bronku wstaje raniutko i widze,ze do lasu byś chętnie
    poszedł,no jezeli na grzyby to faktycznie mozemy razem.Tylko co bysmy w tym
    lesie znalezli to już inny problem.
    Frelka:).
  • broneknotgeld 02.10.03, 17:42
    A niych Ci sie frelko szczyńści
    I zaglondej tukej czyńści
    Wiysz że wiela tu dlo szpasu
    Chocioż trocha tyż marasu
    Tak te życie sie nom plecie
    Jesiyń zowdy jest po lecie
    Zima tyż we gnatach czuja
    Ale jakoś przezimuja
    Dyć przi Ciebie jo radośnie
    Zaroz myśla zaś ło wiośnie
    Ło tych naszych kwiotkach z pola
    Wiosna łod jesiyni wola!

    Bestoż wiosna wlepia tukej
    Szczyńścio we niyj zy mnom szukej.
  • broneknotgeld 02.10.03, 17:49
    Jednak prowda na tym forum
    Trocha musi mieć koloru
    Jo do tego sie prziznowom
    Niy za wszysko ryncza gowom.
  • broneknotgeld 02.10.03, 19:07
    Chyntnie bych tukej z frelkami godoł
    Chyntnie poczytoł ich zdanie
    Ta starszo frela i ta dość młodo
    Kaj wyście som moje panie?
  • broneknotgeld 02.10.03, 19:50
    Zaś mi tu żodyn niy chce naszkryflać
    Lepi ta halba było mi "wychlać".
  • broneknotgeld 02.10.03, 20:03
    Som na forum - to niyszczyńście
    Czy jest z tego jakeś wyńście?
  • broneknotgeld 02.10.03, 20:43
    Cisza

    Nikogo nom niy prziwioło
    Pies niy chce łogonym sam myrdnońć
    By jednak coś sie tu dzioło
    Jo wpod żech - choć po to by piyrdnońć.
  • broneknotgeld 02.10.03, 20:44
    Dyć mało wiela mie tu niy było
    Alech przitargoł gazmaska
    Czuja że śmierdzieć już tu skończyło
    We kont jom wciepna - do diaska
  • broneknotgeld 02.10.03, 21:04
    Ciepia dlo nos i publiki
    Nasze ślonske tortynsztiki.
  • Gość: kiyks IP: *.crowley.pl 02.10.03, 22:53
    Tortynsztiki i eklery?
    To dlo kiszek istno bomba!
    jak ich wiyncy zjysz niż cztery
    to sie zrobisz z dupy tromba!

    Pyrsk
  • broneknotgeld 03.10.03, 07:07
    No i piyknie - ło tym wiydz
    Kreple jeszcze tyż sie zjydz.
  • broneknotgeld 03.10.03, 08:33
    Cug w Katowicach pitnoł po glajzach
    Jo na Internet fondnoł sie rajza
    Bestoż za zaś tukej cosik pobroja
    Bo przeca tego sie nic niy boja.
  • Gość: Radex IP: *.tychy.sdi.tpnet.pl 03.10.03, 10:34
    Po śląsku niespecjalnie rozumiem, ale w półsłówkach domyśliłem się o co chodzi
    w wątku:)
    Mam 2 bliskich przyjaciół w Rudzie, więc jakąś sympatią to miasto daże.
    Pozdrawiam
  • broneknotgeld 04.10.03, 16:28
    Witom tu karlusa z Tych
    Z chyńciom tam sie wybroł bych.
  • Gość: stanczyk25 IP: *.waw.cdp.p / *.waw.cdp.pl 04.10.03, 08:06
    Serdecznie pozdrawiam.Byłam wczoraj raniutko ale chyba Bronku nie zauważyłeś.U
    nas w Mysłowicach jak zwykle romanse na pierwszym miejscu-zwłaszcza te na
    WYSOKIM SZCZEBLU-straszno i smieszno.Pogoda szykuje sie całkiem miła,już
    słonko przebija sie przez chmury.Będzie ładny dzień.Miłej soboty i niedzieli
    Tobie i wszystkim mieszkańcom Rudy życzy tako jedna frelka-znano jako
    stanczyk.:))))))
  • broneknotgeld 04.10.03, 16:25
    Dziynki za te pozdrowiynia
    W Mysłowicach nic niy zmiynia
    Zaś humoru szukej tukej
    Jak nojczyńści w Ruda klupej

    Jo pozdrowiom Cie przez włos
    Co spod z glacy na moj nos.
  • broneknotgeld 04.10.03, 16:55
    Jak Wom spodobo sie rudzke forum
    Inkszym pokożcie - trza nom humoru.
  • Gość: stanczyk25 IP: *.crowley.pl 05.10.03, 19:29
    U nas leje strasznie,nuda wszędzie, pozdrawiam i życze miłego tygodnia.Pa Pa Pa
  • broneknotgeld 05.10.03, 19:35
    Tyż Ci życza piyknych dni
    Ze karlusym - to sie wiy
    No i gorkich richtig nocy
    Choć na dworze gynsto moczy.
  • broneknotgeld 06.10.03, 19:20
    Lepiyj już mi na ty duszy
    Jakoś sie udało ruszyć.
  • broneknotgeld 07.10.03, 22:40
    Żywiec stolicom mo być humoru
    A co myślicie ło naszym forum?
  • broneknotgeld 08.10.03, 22:50
    Forum ponoć se czytajom
    Dyć za mało tu szkryflajom.
  • Gość: zbyszek nowicki IP: *.internetdsl.tpnet.pl 08.10.03, 23:54
    bardzo pikne te frasecki
    choc pisane byz flasecki
  • broneknotgeld 09.10.03, 11:02
    No to ciesza sie
    Zaroz żech w krasie
    Biyr yno pija
    Bo z tego tyja.
  • broneknotgeld 09.10.03, 11:00
    Durś sie Wos prosza - szkryflejcie tukej
    Dyć take forum ze świyczkom szukej.
  • Gość: rita IP: *.biezanow.sdi.tpnet.pl 09.10.03, 21:48
    proszę bardzo
    wszystkiego najlepszego
  • broneknotgeld 09.10.03, 22:09
    Jo tyż tego Ci winszuja
    Bestoż rym tyn krotki suja.
  • mantis1 09.10.03, 22:23
    godoj po noszymo ba ja nic kurde nie kumam. co to w ogole za wiara?:)


    --
    "Wyobraźnia jest ważniejsza od wiedzy"
  • broneknotgeld 09.10.03, 22:27
    Bo zy mie niy jest ślonski "purysta"
    Yno we rymach pryndki "turysta".
  • mantis1 09.10.03, 22:33
    ale godosz jakos dla mnie obco.
    --
    "Wyobraźnia jest ważniejsza od wiedzy"
  • broneknotgeld 09.10.03, 22:40
    To już problym Twoj
    Bo przeca niy moj.
  • broneknotgeld 10.10.03, 08:32
    Wiym że ludzie to czytajom
    Myśla - znak tu jakiś dajom.
  • broneknotgeld 14.10.03, 18:50
    Pewnie ło to bydzie prości
    Jak we gorze jest - "Dlo gości".
  • Gość: rita IP: *.biezanow.sdi.tpnet.pl 14.10.03, 20:27
    Cieplutkie pozdrowienia
  • broneknotgeld 15.10.03, 20:53
    Tyn tymat za nisko cosik nom ucieka
    A przeca na gości łon tukej durś czeko.
  • broneknotgeld 15.10.03, 20:55
    Ale rym.
    Zmiyńcie "a" na "o"
    Boch jo spaścioł to.
  • broneknotgeld 16.10.03, 23:23
    No i zaś nastympno seta
    Forum leci jak raketa.
  • broneknotgeld 16.10.03, 23:28
    Na pora postow łod gości licza
    Zapola za to se jedna świyca.
  • islescapture 16.10.03, 23:59
    Kiedys dawno przed wiekami
    Ludzie bardzo sie kochali
    Teraz patrza spode lba
    Zimne serca jako kra.
  • broneknotgeld 17.10.03, 16:51
    Mie sie teroz dusza śmieje
    Z tego co sie tukej dzieje
    Szkryflom rymy dlo radości
    Pszonie tyż tu przeca gości.
  • broneknotgeld 17.10.03, 22:19
    Łod gości bych wiedzieć chcioł
    Czy ich cieszy rudzki fioł?
  • broneknotgeld 18.10.03, 13:28
    Som jo Rudy niy pociongna
    Inkszych cosik ciynżko wprzogać
    Dyć i tak sie ciesza z tego
    Żech coś zrobioł - wesołego

    We tym nikt mie niy pobije
    Bo mom przeca szwongu wiela
    Dziynki mie te forum żyje
    I humoru to jest sztela.
  • broneknotgeld 20.10.03, 23:07
    Z prozy tyż sie fest raduja
    I na licznik tyż dziwuja
    Chciołbych z Rudom iść do przodka
    Ale ciynżko ło tym godka.
  • broneknotgeld 25.10.03, 19:05
    Problym z forum taki mom
    Za czynsto tu szkryflom som.
  • broneknotgeld 29.10.03, 19:48
    Jo tu licza durś na posty
    Boch jest przeca chopek prosty.
  • broneknotgeld 19.11.03, 12:31
    Teroz czeba sie logować
    Coby posty tukej dować.

Popularne wątki

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka