Dodaj do ulubionych

Tyn Gorny konsek Ślonska

25.09.03, 11:25
Nysa

Za Prowincji Gornoślonski
Tam szoł durś podatek
Dzisioj problym je niywonski
Geldu brak - łostatek.
Edytor zaawansowany
  • broneknotgeld 25.09.03, 11:26
    Opole

    To z Opola jakeś byki
    Niszczyć ślonske chcom pomniki
    Ajzynkrojce ańfach majom
    Bo sie Polskom podpiyrajom.
  • broneknotgeld 17.03.12, 22:54
    Lepi głosy dać świontyni
    rudaslaska.naszemiasto.pl/artykul/galeria/1309835,najpiekniejszy-kosciol-rudy-slaskiej-glosowanie-nowy-bytom-pw-sw-pawla,galeria,2246131,id,t,tm,zid.html
    Niż gorzoła słepać w siyni.
    --
    Ruda Śląska - stolica fraszki
  • broneknotgeld 25.09.03, 11:27
    Mysłowice

    Pechowy herb chyba majom
    Na gowy tam napodajom.
  • broneknotgeld 25.09.03, 11:27
    Radzonkow

    Cidry radzionkowske zaś se łod sia siedzom
    Bytom im na koniec poszachrowoł z miedzom.
  • broneknotgeld 25.09.03, 11:28
    Bytom

    Bytom sie fest poci
    Skiż giełdy staroci
    Co gro za pasera
    Aż skrynco cholera.
  • broneknotgeld 25.09.03, 11:31
    Katowice

    We Katowicach Korfanty stoji
    Wele marszałka na koniu
    Widać że ździebko Zefla sie boji
    Choć tyż sie mu tu niy skłonioł.
  • broneknotgeld 25.09.03, 11:31
    Świyntochłowice

    Czym sie zachwycać?
    W Świyntochłowicach
    Może tom wieżom wodnom
    Lepszego losu godnom.
  • broneknotgeld 25.09.03, 11:33
    Toszek

    Już na ty zajcie siedza troszka
    Może wyjada z tym do Toszka
    Bele niy tam kaj niy ma klamek
    Mie by sie marzoł yno zamek.
  • broneknotgeld 25.09.03, 11:33
    Rybnik

    We Rybniku na Gliwicki
    Bywoł żech tam kedyś wdycki
    W końcu machli na mie rynkom
    W Internecie teroz kwynkom.
  • broneknotgeld 25.09.03, 11:37
    Zabrze

    Serca tu szyjom piyknie
    Ale to im niy styknie
    Przemysłym chcieliby słynońć
    Co jakby mioł już przeminońć.
  • broneknotgeld 25.09.03, 11:38
    Wrocław

    Mom syntymynt jo do Wrocka
    Boch tam przeżoł piykno nocka
    Tak żech wrocłowiance pszoł
    Ranoch kapsy puste mioł.
  • broneknotgeld 25.09.03, 11:41
    Jeronie - teroz zaś gryza lacie
    W Dolnym to miało leżeć tymacie.
  • broneknotgeld 25.09.03, 11:42
    Chorzow

    By polsko tukej rzondziyła gowa
    Krolewsko Huta
    W gminy łobuta
    Wziyła sie miano Chorzowa.
  • broneknotgeld 25.09.03, 11:44
    Lipiny

    Lipiny palcym wytykajom
    I tacy som co je kochajom
    Choć richtig biydy wiela tukej
    W Lipinach ślonski duszy szukej.
  • broneknotgeld 25.09.03, 11:45
    Bobrek

    Kopalnia "Bobrek" i "Bobrek" huta
    Szło to do przodku na tako nuta
    Jak już te "Bobrki" sztopnyły tukej
    Lepi kaj indzi szczyńścio sie szukej.
  • broneknotgeld 25.09.03, 11:45
    Borowo Wieś

    Bora łod downa tu niy ma
    Chocia zielono je tukej
    Ze Mokołowa to ziymia
    Trocha na zachod jyj szukej.
  • broneknotgeld 25.09.03, 11:46
    Świyntochłowice

    Wicow stond dużo
    Yno niy swiyntych
    W Ślonsku sie nurzo
    Że idzie w piynty.
  • broneknotgeld 25.09.03, 11:48
    Tarnowske Gory

    Gory to chyba skuli gornika
    Co łod lot tukej tyko Skarbnika.
  • broneknotgeld 25.09.03, 11:49
    Chudów

    Zamek zaś rośnie
    Choć był w ruinie
    Chnetko radośnie
    Chudów zasłynie.
  • broneknotgeld 25.09.03, 11:50
    Bohumin

    Do Bogumina szła Karolina
    Była na Odry już moście
    A dzisioj ciśnie do Gogolina
    Czamu zmiyniyli to goście?

    Bogumin przeca był raciborski
    Ślonska to piykny kraiczek
    Oderberg niy ma w granicach Polski
    Tuli go do sia Pepiczek.
  • broneknotgeld 25.09.03, 11:51
    Otmuchów

    To piyrsze miasto co je pod krychom
    Jak ło tym myśla to ciynżko dychom
    Ponoć to wszysko je skuli szkoł
    Tam dugi wielge majom jak woł

    Yno że niy je to tyż przijymne
    Że za rzondzynie brali durś prymie
    Choć kasa gminy na krycha żyła
    I zaległości ciyngym mnożyła

    Teroz szukajom tam łoszczyndności
    Możno kumisorz u nich zagości
    Życza im z serca - niych sie poradzom
    I wiyncy robiom a myni wadzom.
  • broneknotgeld 25.09.03, 11:52
    Bieruń

    W Bieruniu lepi ludzie sie pszajom
    Kościoł z Walyntym przeca tam majom.
  • broneknotgeld 25.09.03, 11:52
    Kluczbork

    Te sławne miasto krziża rycerzy
    Wydało wielkich Ślonzokow
    Skarb to regionu - trza nom w to wierzyć
    I chcieć doczimać im kroku.
  • broneknotgeld 30.07.06, 17:18
    Ze Kluczborkym

    Mo ta Stobrawa
    ze niym zabawa?
    Wodnik se pytoł
    jak tu zawitoł.
    --

    Na skraju

    Na skraju stanoł Borow Stobrawskich
    Ponboczek tako niy skompioł łaski
    Toż grod krziżowcom drapko se dzwigoł
    Kto w Boga wierzoł przeca niy migoł.

    --
    forum.gazeta.pl/forum/71,1.html?f=28940
  • broneknotgeld 30.07.06, 17:19
    Jan z Kluczborka

    Wrocoł spod Grunwaldu w gloryji Jagiełło
    Istny go prziwitoł - cołke jego dzieło?

    --

    Rechtor Jan z Kluczborka

    Toż rechtorowoł istny w Krakowie
    Tako z Kluczborka mondry był czowiek
    I niy dziwota że krola witoł
    Jakby se ło to ktosik tu pytoł.

    --
    forum.gazeta.pl/forum/71,1.html?f=28940
  • broneknotgeld 30.07.06, 17:21
    Ks. Jan Dzierżon

    Blyszczy miano w Dzierżoniowie
    Dyć Kluczborka przeca czowiek
    Tu se dzieworodztwu dziwoł
    Czy przi miodzie pitnym kiwoł?
    --

    Jego ul

    Łod Dzierżona ul se czimie
    Co wynoloz to niy drzymie.

    --
    forum.gazeta.pl/forum/71,1.html?f=28940
  • broneknotgeld 30.07.06, 17:22
    Pomnik ks. Jana Dzierżona

    Przi Byczyński pomnik stoji
    Tako Kluczbork richtig stroji
    Tyn co go rozsławioł w świecie
    To bartniki wiedzom przecie.

    --

    Festyn Miodu Pitnego?

    Jeszcze go niy ma? -Dyć może być!
    Bo kaj by zocni te miody pić?!

    --
    forum.gazeta.pl/forum/71,1.html?f=28940
  • broneknotgeld 30.08.06, 18:23
    Kreuzburg 1425

    Prawym magdyburskim rzońdzi już se miasto
    Pewnikym terozki bydzie lepszy czas to
    Rajce z burgemajstrym tego upilnijom
    Dyć gospodorzami richtig fest sie czujom.
    --

    Ło Kluczborku

    W ksiynstwie wrocławskim głogowskim brzeskim
    Pod niebym co mo kolor niybieski
    Tako se kluczbork wiod dzieje swoje
    W lekciejsze roki i ciynżke znoje

    Za austryjockich i pruskich czasow
    Miynioł sie grod tyn tyż swojom krasom
    Toż Niymce prziszły zaś potym Polsko
    A Kluczbork stoji - czuj se w niym swojsko.
    --

    Dwunostu apostołow

    Dwunostu apostołow stoło tu przi rynku
    Dyć se dlo nich zdało to za wielkom mynkom
    Czasy ciynżke prziszły - niy wszystko łostało
    Toż domy w komplecie by mieć se zachciało.

    --
    forum.gazeta.pl/forum/71,1.html?f=28940
  • broneknotgeld 30.08.06, 18:26
    Ze Kluczborkym

    Mo ta Stobrawa
    ze niym zabawa?
    Wodnik se pytoł
    jak tu zawitoł.
    --

    Na skraju

    Na skraju stanoł Borow Stobrawskich
    Ponboczek tako niy skompioł łaski
    Toż grod krziżowcom drapko se dzwigoł
    Kto w Boga wierzoł przeca niy migoł.

    --

    Jan z Kluczborka

    Wrocoł spod Grunwaldu w gloryji Jagiełło
    Istny go prziwitoł - cołke jego dzieło?

    --
    forum.gazeta.pl/forum/71,1.html?f=28940
  • broneknotgeld 30.08.06, 18:26
    Rechtor Jan z Kluczborka

    Toż rechtorowoł istny w Krakowie
    Tako z Kluczborka mondry był czowiek
    I niy dziwota że krola witoł
    Jakby se ło to ktosik tu pytoł.

    --

    Ks. Jan Dzierżon

    Blyszczy miano w Dzierżoniowie
    Dyć Kluczborka przeca czowiek
    Tu se dzieworodztwu dziwoł
    Czy przi miodzie pitnym kiwoł?
    --

    Jego ul

    Łod Dzierżona ul se czimie
    Co wynoloz to niy drzymie.

    --
    forum.gazeta.pl/forum/71,1.html?f=28940
  • broneknotgeld 30.08.06, 18:27
    Pomnik ks. Jana Dzierżona

    Przi Byczyński pomnik stoji
    Tako Kluczbork richtig stroji
    Tyn co go rozsławioł w świecie
    To bartniki wiedzom przecie.

    --

    Festyn Miodu Pitnego?

    Jeszcze go niy ma? -Dyć może być!
    Bo kaj by zocni te miody pić?!

    --

    Brama Krakowsko

    Brama Krakowsko se tu łostała
    W latach czidziestych wody nabrała
    Toż roztomajcie durś szteli służy
    I oby stoła im jak nojdłuży.

    --
    forum.gazeta.pl/forum/71,1.html?f=28940
  • broneknotgeld 30.08.06, 18:28
    Piyrwyj

    Kluczborske sukno na Ślonsku znali
    Toż tym i miasto przeca dźwigali.
    --

    Park nad Stobrawom

    Dyć niy bydzie we tym grzycha
    Prziłaź tukej se podychać.
    --

    Barokowy rynek

    Ciyngym barokym blyszczy tu przeca
    Ratusz ze tego mustru tyż neca.

    --
    forum.gazeta.pl/forum/71,1.html?f=28940
  • broneknotgeld 30.08.06, 18:31
    Wangelicki kościoł

    W nojstarszy czyńści z piastowskich czasow
    Gotycke mury kunsztu niy gaszom
    Co w środku przeca jest rokokowy
    Trza tam zoglondnońć - kożdy ci powiy.
    --

    W XVI wieku

    Zbor ze kościoła wnet wangelicki
    Łostało szteli tako na wdycki.

    --

    Arianie w Kluczborku

    Ano - jak prziszło prześladowanie
    Tukej schroniyli se tyż Arianie.

    --
    forum.gazeta.pl/forum/71,1.html?f=28940
  • broneknotgeld 30.08.06, 18:32
    Adam Gdacjusz

    Toż istny był przeca ślonskim Rejym zwany
    W naszy godce szkryfloł - ze tego tyż znany
    We kluczborskim zborze kozania łon głosioł
    Ło dobro człowieka i Ponboczka prosioł.
    --

    Muzeum im. ks. Jana Dzierżona

    Barci znojdziesz tukej tela
    Że zodziwi cie ta sztela
    Z nich nojstarszo w naszym kraju
    -Durś miod zbliżoł nos do raju.

    --
    forum.gazeta.pl/forum/71,1.html?f=28940
  • broneknotgeld 25.09.03, 11:53
    Prudnik

    Czuwo nad miastym Pogańsko wieża
    Ze czasow czeskich prastarych
    Kedyś był Neustad bestoż jo wierza
    Że Prudnik durś bydzie jary.
  • broneknotgeld 25.09.03, 11:53
    Paczkow

    Z Paczkowa złocone ramy
    To kedyś towor był znany
    We cołki naszy Europie
    Tyż ło tym pamiyntej chopie.
  • broneknotgeld 27.07.06, 13:40
    Słynie

    Z murow warownych tyn Paczkow słynie
    Dyć nojciekawsze w naszy dziedzinie.
    --
    forum.gazeta.pl/forum/71,1.html?f=28940
  • broneknotgeld 27.07.06, 13:43
    Planty

    Paczkowske planty ciyniym witajom
    Przeca platany po to tu majom
    Ze poniymieckich tych jeszcze czasow
    Do dzisioj szteli som łone krasom.
    --
    forum.gazeta.pl/forum/71,1.html?f=28940
  • broneknotgeld 25.09.03, 11:54
    Bujakow

    Mikołoj patronym je parafii ichni
    Rzykom jo do niego - szczyńściym we nich gichni.
  • broneknotgeld 25.09.03, 11:54
    Kończyce

    Dzisioj w Kończycach Zabrze sie kończy
    A kedyś Polska kończyła
    Tyn skrowek ziymi jednak tyż łonczy
    Plastyka tu sie wkludziyła
    Z całego Zabrza a i ze Rudy
    Uczom sie mode artysty
    I chocia wszyńdzie durś jeszcze brudy
    W sztuce Ślonsk bardzi nom blyszczy.

Popularne wątki

Nie pamiętasz hasła lub ?

 

Nie masz jeszcze konta? Zarejestruj się

Nakarm Pajacyka
Agora S.A. - wydawca portalu Gazeta.pl nie ponosi odpowiedzialności za treść wypowiedzi zamieszczanych przez użytkowników Forum. Osoby zamieszczające wypowiedzi naruszające prawo lub prawem chronione dobra osób trzecich mogą ponieść z tego tytułu odpowiedzialność karną lub cywilną. Regulamin.