Dodaj do ulubionych

Niydowno i terozki w Polsce

03.05.05, 09:11
Ło tym co niy tak downo i teroz w Polsce
broneknotgeld 29.09.2003 18:43 + odpowiedz

Tuz łod zdrowio

Wojowoł w Warszawie wojowoł na Ślonsku
Wykończyć chcioł kasy tak konsek po konsku
Dyć jednak tu u nos połomoł sie zymby
Niy zadboł ło zdrowie. Co zrobioł ze gymby?
Niych inszym to jako przestroga wystarczy
Kto babrze we zdrowiu tyn kończy na tarczy.


• Re: Ło tym co niy tak downo i teroz w Polsce
broneknotgeld 29.09.2003 18:46 + odpowiedz

UE

Rożnie ło Unii tukej jo słysza
Roz dobrze a roz łokropnie
Jednak sie rynkom pod niom podpisza
A niych Leppera gyńś kopnie.


• Re: Ło tym co niy tak downo i teroz w Polsce
broneknotgeld 29.09.2003 18:47 + odpowiedz

Co je grane?

Coś za głośno łostanio Bushowi klackomy
Dyć łod niego tych fligrow za darmo niy momy
Niy muszymy zapolać irackego lonta
Lepi nom niy wojować na arabskich frontach
Coś za pryndko tu keryś zaś szabelkom macho
Choć armio ciynko przyndzie i stary sprzynt dracho
A naszo gospodarka jakoś durś we krzokach
Niy trza ciongnońć na wojna polskego boroka.
--
forum.gazeta.pl/forum/71,1.html?f=28940
Edytor zaawansowany
  • broneknotgeld 03.05.05, 09:12
    Re: Ło tym co niy tak downo i teroz w Polsce
    broneknotgeld 29.09.2003 18:48 + odpowiedz

    Tatrzańsko lawina

    To co nojcynniejsze zaś skradła lawina
    W zimny bieli śniegu zgasło mode życie
    Zostoł bol po Siedmiu kerych z nami niy ma
    Som teroz wysoko wyży niż na szczycie

    Znicz w łoknie zaświycić my yno mogymy
    Podobnie jak świycom znicze przi ich szkole
    Razym z rodzinami tyż sie popłaczymy
    Bo ich niy spotkomy na ziymskim padole.


    • Re: Ło tym co niy tak downo i teroz w Polsce
    broneknotgeld 29.09.2003 18:50 + odpowiedz

    Prziszoł Rywin do Michnika

    Prziszoł Rywin do Michnika
    Momy teroz widowisko
    Jadnym uśmiych z gymby znika
    Inszym iskra w łoku blysko

    Dyć to nasze polske piekło
    To niy yno je "warszawka"
    Ciaplyty trocha wyciepło
    Kogo to naprowdy sprawka?

    Ktoś we mediach mocno pierdzi
    Bonki puszczo - choć po cichu
    Wszyscy wiymy już że śmierdzi
    Kogo łapnom na tym grzychu?
    --
    forum.gazeta.pl/forum/71,1.html?f=28940
  • broneknotgeld 03.05.05, 09:12
    • Re: Ło tym co niy tak downo i teroz w Polsce
    broneknotgeld 29.09.2003 18:50 + odpowiedz

    Zwionzki Zawodowe

    Historio kulo sie kołym
    W łoczy to ciepie sie wołym

    Bo jak przed Polskom problym niywonski
    Zaś na tapeta bierom go Zwionzki
    Dyć rzond durś u nos kiepsko se radzi
    "Warszawka" czynsto yno sie wadzi

    Polok mo teroz niywiela pociech
    Pierońsko mynczy go bezrobocie
    Choć jo i Zwionzkow trocha sie boja
    Jak majom racjo za nimi stoja.


    • Re: Ło tym co niy tak downo i teroz w Polsce
    broneknotgeld 29.09.2003 18:51 + odpowiedz

    Kłodki Kołodki

    Ulgi w podatkach som w Polsce po to
    By czowiek państwo wspiyroł z ochotom
    Fakt że kosztuje to podatnika
    Jednak je mondro ta polityka

    Zamach na ulgi - dyć to je maras
    Państwo sie same robi ambaras
    Kurzo ślepota i mocka błyndu
    Jak sie tu ulgi tympi z urzyndu

    Dzisioj to robi minister skarbu
    Chyba niy widzi swojego garbu
    Zaś by chcioł wszysko czimać cyntralnie
    Choć dymokracji służy to marnie.
    --
    forum.gazeta.pl/forum/71,1.html?f=28940
  • broneknotgeld 03.05.05, 09:13
    • Re: Ło tym co niy tak downo i teroz w Polsce
    broneknotgeld 29.09.2003 18:52 + odpowiedz

    Zaś

    Zaś rozkrynco sie lajera
    Polityczno jak cholera
    Rzond chce rzondzić ze myńszości
    Chyba do sie to we kości
    Czy sie skończył "czas mańkuta"?
    Przidzie za to już pokuta?


    • Re: Ło tym co niy tak downo i teroz w Polsce
    broneknotgeld 29.09.2003 18:53 + odpowiedz

    Golacz PITow

    Z "ulg" te pity chce łogolić
    I już zaczoł sie tym chwolić

    Co łon chce retnońć kosztym rodziny?
    Komu łon wcisko te wypociny?
    To przeca jakeś pierońske draństwo
    Myśleć - "Rodzina to niy je państwo"
    Jako z tom myślom chce tukej rzondzić?
    Biydno rodzina co ze nim błońdzi
    Do Salomona to mu daleko
    Niych kedyś ziymia bydzie mu leko.


    • Re: Ło tym co niy tak downo i teroz w Polsce
    broneknotgeld 29.09.2003 18:54 + odpowiedz

    Mataczyć

    Te słowo teroz robi kariera
    A mie pierońsko biere cholera.
    --
    forum.gazeta.pl/forum/71,1.html?f=28940
  • broneknotgeld 03.05.05, 09:13
    • Re: Ło tym co niy tak downo i teroz w Polsce
    broneknotgeld 29.09.2003 18:54 + odpowiedz

    Wojna

    Na razie dlo nos to choby czyrak
    Ale mie mynczy wojna ło Irak
    Saddam łogłosioł już "świynto wojna"
    Wiym że niy bydzie wiosna spokojna
    Jak kedyś wdarli sie tu husyty
    To "w imie wiary" Ślonsk dostoł lyjty.


    • Re: Ło tym co niy tak downo i teroz w Polsce
    broneknotgeld 29.09.2003 18:55 + odpowiedz

    Tak to zawsze z tym bywało
    Jak sie gorze wojny chciało
    To krew loła sie na dole
    I wsionkała nom we pole

    Bronić familiji swoji
    Ziymi na kery sie stoji
    Idzie jeszcze "Z Panym Bogym"
    U sia trza wojować z wrogym

    Ale ciepać sie na cudze
    To niy godzi sie już - ludzie!
    Zymścić sie to przeciyż może
    Broń nos przed tym świynty Boże.


    • Re: Ło tym co niy tak downo i teroz w Polsce
    broneknotgeld 29.09.2003 18:56 + odpowiedz

    Jo tyż tu myśla że trza nom lepi
    Na własnych śmieciach "wojować"
    By dobrze miały sie nasze dzieci
    Tego nom trza przipilnować.

    --
    forum.gazeta.pl/forum/71,1.html?f=28940
  • broneknotgeld 03.05.05, 09:14
    • Re: Ło tym co niy tak downo i teroz w Polsce
    broneknotgeld 29.09.2003 18:57 + odpowiedz

    "Niy zabijej"

    "Niy zabijej" - papiyż godo
    "Niy zabijej" - kożdy zno
    Dymokracjo momy modo
    A Polok sie w wojna pcho.


    • Re: Ło tym co niy tak downo i teroz w Polsce
    broneknotgeld 29.09.2003 18:58 + odpowiedz

    Polok to je Polok i tak już być musi
    To co trocha śmierdzi durś przeca nos kusi
    Zakazany owoc - choćby nawet gorzki
    Zawsze sprobujymy niy patrzonc na troski
    Dwóch Polokow ciyngym bydzie mieć trzi zdania
    Choby nawet za to dostali po baniach
    No a jak se czasym wspomnymy "Niy krodnij"
    Co potym robiymy? Som już se to zgodnij.


    • Re: Ło tym co niy tak downo i teroz w Polsce
    broneknotgeld 29.09.2003 18:59 + odpowiedz

    Tyn nasz Lepper
    To niy śleper
    Łon sie ryncy
    Niy umyncy
    Dyć terozki
    Jak som troski
    Łon na biydzie
    Łostro jydzie
    Coś wytyko
    Kit nom wtyko
    Dyrś w tym miyszo
    Koty wiyszo
    Coś nom mońci
    Bałamońci
    No i Polska jego jest
    Dyć mu ło to chodzi fest.

    --
    forum.gazeta.pl/forum/71,1.html?f=28940
  • broneknotgeld 03.05.05, 09:14
    • Re: Ło tym co niy tak downo i teroz w Polsce
    broneknotgeld 29.09.2003 19:00 + odpowiedz

    Tako polityka
    To przeca tyż państwo
    Niy idzie umykać
    Jak wszyńdzie to draństwo

    Kożdy w tyj ciaplycie
    Mo swoja kwatera
    Jo to wiym - Wy wiycie
    I we tym cholera.


    • Re: Ło tym co niy tak downo i teroz w Polsce
    broneknotgeld 29.09.2003 19:16 + odpowiedz

    Alianty

    Hamerykon z Kurdym we jednym szeregu
    To niy jest utropy zaczimanie biegu
    Kurd durś bydzie krojoł przeca swoje państwo
    A z tego tyż jeszcze może wylyźć draństwo
    Może być to tako nastympno ciaplyta
    Skond wiela problymow idzie tyż przipytać.


    • Re: Ło tym co niy tak downo i teroz w Polsce
    broneknotgeld 29.09.2003 19:18 + odpowiedz

    No i zaś po świyntach
    Trza sie nom spamiyntać
    Stanońć we szeregu
    Tyż sztartnońć do biegu
    W referendum meta
    Unia na podnieta.
    --
    forum.gazeta.pl/forum/71,1.html?f=28940
  • broneknotgeld 03.05.05, 09:15
    • Re: Ło tym co niy tak downo i teroz w Polsce
    broneknotgeld 29.09.2003 19:31 + odpowiedz

    We wiosna

    Jak przichodzi wiosna i słonko nom grzeje
    To we cołki Polsce richtig źle sie dzieje
    Trowy tukej przeca ciyngym wypolajom
    Szłoby se powiedzieć - rozumu niy majom

    Jadom do pożary nasze fojerwery
    Kosztuje to drogo - Czy pomyśli kery?
    Trza by nom wszyskich piromanow chytać
    Dyć kożdy niywinny - niy werci sie pytać

    Prośby groźby grziwny - nic to niy pomoże
    Bydle mo sztrachecle i chodzi po dworze
    Chocioż grzych to czasym jo takymu życza
    By mu ta fojera spolyła palica

    Bo żol mi jak widza cołkym czorno łonka
    Nad kerom niy słychać świyrgotu skowronka
    I wiym że ta ziymia niy bydzie zaś zdrowo
    Pożar niy użyźnio - robi jom jałowo.


    • Re: Ło tym co niy tak downo i teroz w Polsce
    broneknotgeld 29.09.2003 19:32 + odpowiedz

    Politykom

    Kaj som te firmy coście wspiyrali?
    Ze rad nadzorczych piniondze brali
    Możno som łone w prokuraturze
    Choć polityki durś na tyj gorze.


    • Re: Ło tym co niy tak downo i teroz w Polsce
    broneknotgeld 29.09.2003 19:33 + odpowiedz

    Ordynacko

    Coś ordynaci sypać sie zaczyli
    Czarzasty z Kwiatkowskim tyż z tyj kamaryli
    By chycić ławica w ordynacko sieć
    Łona wszyske łoka mocne musi mieć.
    --
    forum.gazeta.pl/forum/71,1.html?f=28940
  • broneknotgeld 03.05.05, 09:15
    • Re: Ło tym co niy tak downo i teroz w Polsce
    broneknotgeld 29.09.2003 19:33 + odpowiedz

    Prokurator

    Słyszołch co tyż ta figura
    Nitkom ze grubszego sznora.


    • Re: Ło tym co niy tak downo i teroz w Polsce
    broneknotgeld 29.09.2003 19:36 + odpowiedz

    To ci wozyk

    Jechoł Miller na Buzka
    A teroz jak ciongnie?
    Kedy z tego wozka
    Ktosik go wyprzongnie?


    • Re: Ło tym co niy tak downo i teroz w Polsce
    broneknotgeld 29.09.2003 19:36 + odpowiedz

    Miller

    Już go richtig nic niy niesie
    Sprzontanie po AWS-ie
    Jego gwiozdka leci w doł
    Miller? - Politykym chyba boł.

    Łobiycywoł piykno sztela
    Ale pryndko napsuł tela
    Że pamiyntać go niy chcymy
    Jego rzondym sie wstydzymy.
    --
    forum.gazeta.pl/forum/71,1.html?f=28940
  • broneknotgeld 03.05.05, 09:16
    • Re: Ło tym co niy tak downo i teroz w Polsce
    broneknotgeld 29.09.2003 19:37 + odpowiedz

    Take gruchy

    Urosło ich przi nich tela
    Że sie zliczyć niy łośniela
    Piyknie - yno do cholery
    Jejich gruszki to afery.


    • Re: Ło tym co niy tak downo i teroz w Polsce
    broneknotgeld 29.09.2003 19:38 + odpowiedz

    Obiycanki

    Obiycanka Leszka
    Jak na gowie weszka
    Krwi sie jusz napiyła
    We niyj jeji siyła

    Choć sie czowiek dropie
    Przi taki urtopie
    Niy mo łona biydy
    Dyć som jeszcze gnidy.


    • Re: Ło tym co niy tak downo i teroz w Polsce
    broneknotgeld 29.09.2003 19:38 + odpowiedz

    Koniec

    Bydymy widzieć czy chop jest z niego
    Jak skończy ze tym co dzisioj jego.


    --
    forum.gazeta.pl/forum/71,1.html?f=28940
  • broneknotgeld 03.05.05, 09:16
    • Re: Ło tym co niy tak downo i teroz w Polsce
    broneknotgeld 29.09.2003 19:39 + odpowiedz

    Polske zboże

    Państwo we zbożu sie umoczyło
    Bo choć być miało - to go niy było
    Szachrajstwa przi tym zaś było kupa
    Co z tego wyszło? - Dyć goło dupa.


    • Re: Ło tym co niy tak downo i teroz w Polsce
    broneknotgeld 29.09.2003 19:40 + odpowiedz

    Polsko - Niymiecke Pojednanie

    Bogacom sie tam na cudzy mynce
    Podobno czyste som jejich rynce
    We tyj fundacji durś źle sie dzioło
    A Zarzond huloł chyba wesoło

    Piniondz ze Niymiec leserow żywi
    Bo tukej nos już wcale niy dziwi
    Że sie w fundacji nachapać idzie
    We dupie majonc tych wszyskich w biydzie.


    • Re: Ło tym co niy tak downo i teroz w Polsce
    broneknotgeld 29.09.2003 19:40 + odpowiedz

    "Oriynt Express"

    "Oriynt Express" towarowy
    Mynczy trocha nasze gowy
    Ze Sławkowa zrobić szłoby
    Gyszeft europejski doby

    Cug przez Azjo na tym torze
    Wiela Polsce tyż pomoże
    Yno jak to rzduchnońć dali?
    TIRym drogi sie rozwali

    Jo bych kanał tam pociongnoł
    I Odra tyż we to wprzonoł
    Barki zaś by nom ruszyły
    Po niyj przeca już płynyły.
    --
    forum.gazeta.pl/forum/71,1.html?f=28940
  • broneknotgeld 03.05.05, 09:17
    • Re: Ło tym co niy tak downo i teroz w Polsce
    broneknotgeld 29.09.2003 19:41 + odpowiedz

    Inkszy lew

    Rywin jest już starym Lwym
    Dlo tych mediow - jo to wiym
    Ciongnie sie to coś przidugo
    A już inksze "lwiontko" mrugo

    Wieczerzak to tyż figura
    Kaj końce jego kostura?
    Nogi czynsom sie nikerym
    Kogo wsypie? - Do cholery!


    • Re: Ło tym co niy tak downo i teroz w Polsce
    broneknotgeld 29.09.2003 19:41 + odpowiedz

    Narodowy Fundusz Zdrowia

    Choć służba zdrowio robi bokami
    I czynsto mynczom nos aferami
    Gaże chce dzwignońć siebie cyntrala
    Kto tam zahaczoł to był mondrala.


    • Re: Ło tym co niy tak downo i teroz w Polsce
    broneknotgeld 29.09.2003 19:42 + odpowiedz

    Już go niy ma

    Już Kołodki w rzońdzie niy ma
    Jest zamkniynty jego tymat
    Niy pomnożoł łon nom chleba
    Prowda ło tym pedzieć czeba
    Zas do zadku momy rok
    Kaj pódzie nastympny krok?
    --
    forum.gazeta.pl/forum/71,1.html?f=28940
  • broneknotgeld 03.05.05, 09:17
    • Re: Ło tym co niy tak downo i teroz w Polsce
    broneknotgeld 29.09.2003 19:43 + odpowiedz

    Ze parlamyntu

    Głosujom te wotum w piontek czinostego
    Pech bydzie dlo Polski czy dlo rzondu jego?


    • Re: Ło tym co niy tak downo i teroz w Polsce
    broneknotgeld 29.09.2003 19:44 + odpowiedz

    Chcom go

    Chcom posły tego Millera
    Chocioż mie biere cholera
    Gruszka na wierzbie w nim widza
    I za tyn rzond już sie wstydza.


    • Re: Ło tym co niy tak downo i teroz w Polsce
    broneknotgeld 29.09.2003 19:45 + odpowiedz

    Rokita

    Choć śladow niy mo na glacy
    Rokita łoczami paczy
    Dyć tako z niego cholera
    Że sie niy boji Millera.

    --
    forum.gazeta.pl/forum/71,1.html?f=28940
  • broneknotgeld 03.05.05, 09:18
    • Re: Ło tym co niy tak downo i teroz w Polsce
    broneknotgeld 29.09.2003 19:45 + odpowiedz

    ZUS

    Ponoć emerytow skiż Bismarcka momy
    Bestoż z ZUSym czynsto tu na piyńku momy
    Tyn systym łod downa zresztom już kuleje
    A "żelazny kanclerz" z zaświatow sie śmieje.


    • Re: Ło tym co niy tak downo i teroz w Polsce
    broneknotgeld 29.09.2003 19:46 + odpowiedz

    Jednak we tym ZUSie piniyndzy brakuje
    Bestoż ze budżetu dzisioj sie tam suje
    Wszysko w nim do kitu to yno tu powiym
    Dyć nawet niy wiedzom kedy bydzie zdrowy.


    • Re: Ło tym co niy tak downo i teroz w Polsce
    broneknotgeld 29.09.2003 19:47 + odpowiedz

    Akwaparki

    Już te akwaparki niy som coś we modzie
    Widać że to piniondz utopiony w wodzie.

    --
    forum.gazeta.pl/forum/71,1.html?f=28940
  • broneknotgeld 03.05.05, 09:18
    • Re: Ło tym co niy tak downo i teroz w Polsce
    broneknotgeld 29.09.2003 19:47 + odpowiedz

    Przimierze dlo Polski

    Nowo partio "starych" ludzi
    Zaufanio niy łobudzi
    Łoni z kwiotka zaś na kwiotek
    Niy przeskoczom jednak płotek.


    • Re: Ło tym co niy tak downo i teroz w Polsce
    broneknotgeld 29.09.2003 19:48 + odpowiedz

    Na Millera

    Wybiyrzmowali go na - Afera
    I dali czimie stołek prymiera.


    • Re: Ło tym co niy tak downo i teroz w Polsce
    broneknotgeld 29.09.2003 19:48 + odpowiedz

    I zaś afera

    "Starachowice" - afera nowo
    Durś nom "wiyrchuszka" zły przikłod dowo
    Wiela tych zgniyłych jabłek se ściepnie
    -polsko jabłonka - zanim łokrzepnie?


    --
    forum.gazeta.pl/forum/71,1.html?f=28940
  • broneknotgeld 03.05.05, 09:18
    • Re: Ło tym co niy tak downo i teroz w Polsce
    broneknotgeld 29.09.2003 19:49 + odpowiedz

    W sejmie

    W sejmie żech widzioł "Starachowice"
    Musza naszkryflać że to som wice
    Ale sie z tego lachać niy umia
    Bo coroz myni Polska rozumia.


    • Re: Ło tym co niy tak downo i teroz w Polsce
    broneknotgeld 29.09.2003 19:50 + odpowiedz

    W SLD

    Weryfikować sie ponoć bydom
    Chcom se poradzić ze swojom "biydom"
    Bo przeca kożdy już teroz widzi
    Że im za siebie trzeba sie wstydzić.


    • Re: Ło tym co niy tak downo i teroz w Polsce
    broneknotgeld 29.09.2003 19:50 + odpowiedz

    Do Europy

    Czimejcie sie baby chopy
    Chnet idymy do Europy
    Wybrać posłow tam muszymy
    Trza nom myśleć kerych chcymy

    Beton zaś nos zacznie mamić
    Bo łon umi fest cyganić
    A do dzisioj niy skruszony
    Durś chce władzy i mamony

    Jo postawioł bych na modych
    Niych zaznajom tyj przigody
    Myśla - możno nos usuchnom
    No bo starsi pryndko guchnom.
    --
    forum.gazeta.pl/forum/71,1.html?f=28940
  • broneknotgeld 03.05.05, 09:19
    • Re: Ło tym co niy tak downo i teroz w Polsce
    broneknotgeld 29.09.2003 19:51 + odpowiedz

    Ustawa

    Z ustawom ło mediach sztopnom już terozki
    Za wiela mo władza przeca ze niom troski
    Wyraźnie już widać że zamataczyli
    Śzczyńściym Rywin sprawioł - na aut wykopnyli.


    • Re: Ło tym co niy tak downo i teroz w Polsce
    broneknotgeld 29.09.2003 19:52 + odpowiedz

    Samoobrona Narodu Polskiego

    Nowo partia sie nom kroji
    Co Leppera sie niy boji
    Choć przi niymu bajukali
    Na dwoch nogach chcom iść dali

    Miano program - to ciekawe
    Widać że sie czujom w prawie
    Bronić narod przed narodym
    - Coś ze tego wieje chłodym.


    • Re: Ło tym co niy tak downo i teroz w Polsce
    broneknotgeld 29.09.2003 19:52 + odpowiedz

    Sejm penityncjarny

    Do wiyńziynio posły idom
    Jak poradzić sie z tom biydom?

    Przeca majom tu głosować
    Kaj "łobstawa" jejich schować?
    Czy w kajdankach dane głosy
    Zmiyniom naszy Polski losy?

    Niy ma we tym nic zabawy
    -"W polityce mało prawych"
    To we Sejmie tyż godajom
    Czy se rada ze tym dajom?

    Dyć to wszysko przeca minie
    Jak Sejm zmiyniom we wiyńziynie
    Wiynkszość posłow pokibluje
    A myńszość sie dostosuje

    Wierzcie - dobro to intyncjo
    Przeca wzrośnie tam frekwyncjo
    Skorzysto tyż telewizjo
    Jak do koza se na wizjo.
    --
    forum.gazeta.pl/forum/71,1.html?f=28940
  • broneknotgeld 03.05.05, 09:20
    • Re: Ło tym co niy tak downo i teroz w Polsce
    broneknotgeld 29.09.2003 19:53 + odpowiedz

    Anita

    Posłanka z Pabianic "warszawce" pasuje
    W "Komisji Rywina" do Ziobra sztartuje
    Feromony jednak cosik jom zmylyły
    Bo mrozym zawioło - aniołki sie skryły

    We tyj polityce wiyncyj faru u ni
    Niywiela brakuje - SLD sie skłoni
    I powiy - Po Leszku my chcymy Anita
    Bo ze ni "żelazno" lewicy kobiyta.


    • Re: Ło tym co niy tak downo i teroz w Polsce
    broneknotgeld 29.09.2003 19:53 + odpowiedz

    Bonda

    Z "Samoobrony" Bonda mie tropi
    Kedy Tymida jego obłopi?
    W gazetach ło nim czytomy cosik
    W tym "polskim piekle" to już jest ktosik.


    • Re: Ło tym co niy tak downo i teroz w Polsce
    broneknotgeld 29.09.2003 19:54 + odpowiedz

    Koń Millera

    Dugo se jeździoł na koniu Buzka
    A teroz kwaśno jest jego buźka
    "W koło Macieju" cosik rajtowoł
    Pewnie prochami bydle futrowoł

    Już zresztom trombiom kajsik coś ło tym
    Że czynsom na nim sie tyż galoty
    Bo kaj sie wejrzy widzi matactwo
    A przeca wszysko to jego "bractwo"

    W konia zrobiyli go czy we łosła?
    "Gruszka na wierzbie" chyba wyrosła
    Pewnie jom teroz wciepnom do żłobu
    I na dodatek dadzom tyż bobu.
    --
    forum.gazeta.pl/forum/71,1.html?f=28940
  • broneknotgeld 03.05.05, 09:20
    • Re: Ło tym co niy tak downo i teroz w Polsce
    broneknotgeld 29.09.2003 19:56 + odpowiedz

    "Czerwone Barony"

    "Czerwonych Baronow" we tyj Polsce momy
    Jednak niy na wojnie zablyszczeli łony
    Władzom sie nom cieszom ciepiom czasym w łoczy
    Widać że festelnie majom jom we zocy
    Po prowdzie to chcieli by zagarnońć wiyncy
    A że coś niy idzie - trocha ich już mynczy
    Zawiydli sie jakby na "gruszkach Millera"
    Możno tyż po cichu biere ich cholera
    Że już teroz jedyn klynczy na kolanach
    A ktosik tyż ćwiyrko - Łoszczic trza barana.


    • Re: Ło tym co niy tak downo i teroz w Polsce
    broneknotgeld 29.09.2003 19:57 + odpowiedz

    Nasi wybrańcy

    Nikierzy głosy dostali
    I zaroz prawo łosrali
    Dyć swojim służom przikładym
    I niy ma na to już rady
    Wybrali my tych co czeba?
    Naprowdy niy trza nom nieba?
    Ze świyczkom szukać ta siyła
    Kero by czysto nom była
    Bo biołe kajś siedzi se cicho
    Nad naszym losym powzdycho
    - Że "polske piekło" durś rośnie
    I myśli yno ło wiośnie
    W kery nabrało by mocy
    Bo Polok miołby je w zocy.


    • Re: Ło tym co niy tak downo i teroz w Polsce
    broneknotgeld 29.09.2003 19:58 + odpowiedz

    Na Pola

    Pol - minister łod parady
    Chce budować autostrady
    To u niego richtig chciejstwo
    Jak go słysza - wodolejstwo

    Niych na pola woda leje
    Bo tam tyż sie źle coś dzieje
    Zaś na jego fandzolynie
    Jedna rada jest - zwolniynie.
    --
    forum.gazeta.pl/forum/71,1.html?f=28940
  • broneknotgeld 03.05.05, 09:21
    • Re: Ło tym co niy tak downo i teroz w Polsce
    broneknotgeld 29.09.2003 19:58 + odpowiedz

    Ziobro

    Ziobro jest lepszy łod ziobra Adama
    Myśli Anita - SLD dama.


    • Re: Ło tym co niy tak downo i teroz w Polsce
    broneknotgeld 29.09.2003 19:59 + odpowiedz

    J.M. Rokita

    Baba z diobłym w jedny skorze
    Dobrze że chop jest na gorze.


    • Re: Ło tym co niy tak downo i teroz w Polsce
    broneknotgeld 29.09.2003 19:59 + odpowiedz

    I zaś Komisjo Rywina

    Słyszołch że za ziobro trza by wiyszać posła
    Ze kerego gymby tajymnica "poszła"
    Prosto do cajtonga - by my wyczytali
    Że prokuratory pytania dostali
    Na kartce - jak mieli przepytać Millera
    Ponoć to normale. O jasno cholera!
    Po co czas swoj tracioł prymier w ich urzyńdzie?
    Łodpisołby kartkom - niy byliby w błyńdzie
    Piniondz podatnika przi tym by łoszczyńdzioł
    Chyba że mioł wolne - na swoj koszt tam pyńdzioł.

    --
    forum.gazeta.pl/forum/71,1.html?f=28940
  • broneknotgeld 03.05.05, 09:21
    • Re: Ło tym co niy tak downo i teroz w Polsce
    broneknotgeld 29.09.2003 20:00 + odpowiedz

    Poligarchia

    To co teroz w Polsce momy
    Czerwonawo - to już znomy
    Dyć choćby i bioło była
    W niyj durś bydzie ta zło siyła

    Piyrszym prawym - prawo kliki
    Władza po to by wyniki
    Mieć dlo siebie i dlo grupy
    - Obywatel?! Z nim do dupy!

    Państwo dobre to poletko
    Robić na niym idzie letko
    Rzondzom w Polsce durś układy
    No i na to niy ma rady.


    • Re: Ło tym co niy tak downo i teroz w Polsce
    broneknotgeld 29.09.2003 20:00 + odpowiedz

    Wyniki

    Selm rzond gminy - wszyńdzie kliki
    "Poligarchia" mo wyniki.


    • Re: Ło tym co niy tak downo i teroz w Polsce
    broneknotgeld 29.09.2003 20:01 + odpowiedz

    Biurokracjo

    Zeżyro nom Polska richtig coroz pryndzy
    Bo rośnie we siyła i chce dyrś piniyndzy
    Beamtrow co roku przeca nom przibywo
    Dobrze zarobiajom - majom swoje żniwo
    Bestoż na nic u nos som jakeś reformy
    Urzond zowdy gorom - a inkszym brak formy.

    --
    forum.gazeta.pl/forum/71,1.html?f=28940
  • broneknotgeld 03.05.05, 09:22
    • Re: Ło tym co niy tak downo i teroz w Polsce
    broneknotgeld 29.09.2003 20:01 + odpowiedz

    Minister Jakubowsko

    Jakubowsko możno w grupie
    Co chce czimać władza w kupie
    Dioboł wysłoł ta kobiyta?
    Tela wiym że niy Rokita.


    • Re: Ło tym co niy tak downo i teroz w Polsce
    broneknotgeld 29.09.2003 20:02 + odpowiedz

    Kancelario prymiera

    Kancelario mu sie sypie
    A łon ślypiym na to łypie
    Przeca chyba niy jest dumny
    Że pynkajom mu kolumny.


    • Re: Ło tym co niy tak downo i teroz w Polsce
    broneknotgeld 29.09.2003 20:03 + odpowiedz

    Tygodnik "Wprost"

    Ło naszyj łostatni "wojnie"
    "Wprost" napisoł dość spokojnie
    Łobrażono jest Warszawa
    Wielko tam skiż tego wrzawa

    Jo rozruchow niy pochwola
    Ale ślonske gruby wola
    Jak fedrujom życie dajom
    Tego w cyntrum niy poznajom

    Wonglym niy chcom w Polsce polić
    Cudzy gaz te państwo woli
    Mie to w pale sie niy mieści
    Choć niy dziwiom już złe wieści.
    --
    forum.gazeta.pl/forum/71,1.html?f=28940
  • broneknotgeld 03.05.05, 09:22
    • Re: Ło tym co niy tak downo i teroz w Polsce
    broneknotgeld 29.09.2003 20:04 + odpowiedz

    Wiycie już jak nom leci tyn rok
    Wy teroz tukej czimejcie krok.


    • Re: Ło tym co niy tak downo i teroz w Polsce
    broneknotgeld 02.10.2003 19:29 + odpowiedz

    Liga Polskich Rodzin
    Niywiela mo godzin
    Już sie rozlatuje
    A Kościoł jyj wsuje.


    • Re: Ło tym co niy tak downo i teroz w Polsce
    broneknotgeld 02.10.2003 19:30 + odpowiedz

    No bo to jest Liga polsko
    Wszyskich czuć tam jakoś swojsko.

    --
    forum.gazeta.pl/forum/71,1.html?f=28940
  • broneknotgeld 03.05.05, 09:23
    • Re: Ło tym co niy tak downo i teroz w Polsce
    broneknotgeld 02.10.2003 23:11 + odpowiedz

    We Błyndowie

    Afrika Korps już tam niy trynuje
    Bestoż pustynia zielym sie suje.


    • Re: Ło tym co niy tak downo i teroz w Polsce
    broneknotgeld 07.10.2003 21:03 + odpowiedz

    Cwany dioboł

    We komputrze siedzioł dioboł
    Jakubowski znaki dowoł
    Kapnoł że sie coś niy ziści
    Pedzioł enter i - wyczyścić.


    • Re: Ło tym co niy tak downo i teroz w Polsce
    broneknotgeld 07.10.2003 21:04 + odpowiedz

    I w pysk

    Ktosik dostoł choby w pysk
    Jak sie spytoł ło tyn dysk.
    --
    forum.gazeta.pl/forum/71,1.html?f=28940
  • broneknotgeld 03.05.05, 09:23
    • Re: Ło tym co niy tak downo i teroz w Polsce
    broneknotgeld 07.10.2003 21:05 + odpowiedz

    Jakubowsko zaś mu na to
    Wszysko było tam prywatom
    Co państwowe to je moje
    Kaj wścibiosz te bryle swoje?!


    • Re: Ło tym co niy tak downo i teroz w Polsce
    broneknotgeld 07.10.2003 22:49 + odpowiedz

    Sond

    Sobotko to anioł wszyscy durś godajom
    Coś prokuratory zaś na niego majom
    Ze tego sie niesie jakiś dziwny swond
    Upadłych aniołow jo czuja już sond.


    • Re: Ło tym co niy tak downo i teroz w Polsce
    broneknotgeld 07.10.2003 22:54 + odpowiedz

    Narodowy Fundusz Zdrowia

    Jednak wiyncyj łod nos dlo siebie chcom capnońć
    Mazowsze już znojdło kaj tyn geld se drapnońć
    I choć ktoś powiedzioł - bydzie z tego "rokosz"
    Haltuj sie z tom godkom bo za wiela skokosz
    Cisza! - I pamiyntej już ło tym - cholera
    Że chytosz za cyngel jakegoś sztucera.


    --
    forum.gazeta.pl/forum/71,1.html?f=28940

Popularne wątki

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka