Dodaj do ulubionych

Zespoł Szkoł w Choczewie

19.05.05, 10:44
Unii Europejski szkoła miano nosi
Cosik z tym zrychtować aże sie fest prosi.
--
forum.gazeta.pl/forum/71,1.html?f=28940
Edytor zaawansowany
  • broneknotgeld 19.05.05, 10:52
    Choczewo w Uniji 08.05.2005

    Osmy maja mieli świynto
    Kere gmina zapamiynto
    Vipow se zjechało tela
    Że blysnyła niymi sztela

    Ano wiedzieć to wom trza
    Miano dali szkole - ja
    Co durś ku Europie paczy
    Toż jak mogło być inaczy

    Pochod z gminy szoł do szkoły
    Kożdy zdoł sie w niym wesoły
    Farorz skropioł fest tabula
    Z cołkom resztom - niy trza fulać

    Tako piyknie i bez zwady
    Miano mo Europy Rady
    Zespoł Szkoł dziedzina sławi
    Wychowuje uczy bawi.

    --
    forum.gazeta.pl/forum/71,1.html?f=28940
  • broneknotgeld 19.05.05, 10:53
    Na podzim łotworza tam mało wystawa
    Pomorskich notgeldow - to ciekawo sprawa.
    --
    forum.gazeta.pl/forum/71,1.html?f=28940
  • broneknotgeld 19.05.05, 10:55
    Na podzim wszysko se fest rozkulo
    Dyć mo ta szkoła miano Uniji
    Teraz niy byda za wiela fuloł
    Styknie mi inkszych przeca mecyji.
    --
    forum.gazeta.pl/forum/71,1.html?f=28940
  • broneknotgeld 19.05.05, 11:16
    Dyrechtor

    Dyrechtor szkoły bliknoł na glaca
    Jako to wszysko mu wyłonaca?
    Notgeld pomorski pokozać chciołbych
    I coś ze fraszki do tego miołbych.
    --
    forum.gazeta.pl/forum/71,1.html?f=28940
  • broneknotgeld 26.09.05, 12:57
    Banknoty zastępcze Wejherowa 1914-1920.

    Przed I wojną światową marka niemiecka była walutą oparta na stałym złotym
    parytecie. W obiegu były złote monety pełnowartościowe o nominałach 10 i 20
    marek, a wymienialność banknotów na złoto była w pełni gwarantowana. W
    przeddzień wybuch wojny władze Niemiec zawiesiły wymienialność swej waluty na
    złoto, przystępując zarazem do operacji zwiększenia swych rezerw kruszcowych,
    poprzez ściągnięcie złota monetarnego z obiegu. Doprowadziło to do zaniku
    obiegu pieniądza kruszcowego na rynku lokalnym, bezpośrednio po wybuchu I
    wojny światowej, czyli już z początkiem sierpnia 1914 roku. Sytuację
    niezmiernie skomplikował fakt, iż również monety srebrne zostały pochowane
    przez ludność "na czarną godzinę". Prowadzone działania wojenne wywołały
    zwiększony popyt na artykuły spożywcze, zwłaszcza te które mogły być dłużej
    przechowywane w gospodarstwach domowych. Tymczasem okazało się, że niedobór
    pieniędzy o nominałach od1/2 do 20 marek bardzo utrudniał realizację
    codziennych zakupów.
    Aby jakoś zaradzić zaistniałym trudnościom władze miast i gmin szybko
    zdecydowały się na emisję zastępczego pieniądza w postaci bonów, które miały
    ułatwić ludności codzienne rozliczenia. W ślad za samorządami poszli też
    prywatni przedsiębiorcy w większych miastach i okręgach przemysłowych,
    ponieważ kasy zakładowe również miały problemy z wypłatą zarobków
    pracowniczych. Te praktyki nie były w pełni legalne, ale z konieczności
    tolerowane przez władze zwierzchnie. Obieg pieniądza tego typu miał być
    krótkotrwały i ograniczony terytorialnie, a po utracie ważności walory te
    miały zostać wykupione przez emitentów za pomocą oficjalnych środków
    pieniężnych.
    W mieście Neustadt, dzisiejszym Wejherowie, również doszło do emisji lokalnego
    pieniądza w postaci papierowych bonów zwanych też notgeldami. Miasto to
    zresztą już wtedy było stolicą powiatu o tej samej nazwie. Jednak pierwszy
    odważny ruch wykonał magistrat, który już 5.VIII.1914 roku wprowadził do
    obiegu serię bonów o nominałach 50 fenigów, 1, 2 i 3 marek. Te cztery walory w
    założeniu miały zastąpić błyskawicznie znikające z obiegu srebrne monety o
    tych nominałach. Wydrukowano je na różnokolorowym papierze, z jednostronnym
    nadrukiem określającym nominał, datę emisji i emitenta. Każdy walor opatrzony
    był też pieczęcią miejską i dwoma podpisami osób nadzorujących edycję tego
    pieniądza. Szybko okazało się, że potrzeby lokalnego rynku lokalnego były
    nieco większe niż zakładano i doszło do kolejnych edycji o nominałach 5, 10,
    50 fenigów i 1 marki na wzór wcześniejszych i o tej samej dacie wydania.
    Nakłady walorów o fenigowych nominałach były stosunkowo wysokie (od kilkunastu
    tysięcy do kilkudziesięciu tysięcy sztuk), natomiast walory nominowane w
    markach miały tylko kilkutysięczne nakłady. Bony te prawdopodobnie już we
    wrześniu były sukcesywnie wycofywane z obiegu lub wykupywane przez kasę
    magistracką. Dokonywano wtedy ich unieważnienia poprzez perforację. Dzisiaj na
    naszym rynku kolekcjonerskim spotyka się częściej walory unieważnione, no i
    można się natknąć na odmiany napisowe niższych nominałów..
    Stopniowy zanik w obiegu walorów magistrackich nie oznaczał jednak jeszcze
    odejścia od lokalnego pieniądza zastępczego na tym terenie. We wrześniu
    pałeczkę bowiem zaczął już przejmować Urząd Powiatowy wprowadzając na
    podległym sobie terenie własne bony o nominałach 50 fenigów,1, 2 i 3 marek. W
    przypadku walorów markowych nakłady były wyższe niż edycji miejskich, co jest
    sprawą oczywistą z uwagi na fakt obiegu na terenie całego powiatu. Walory i
    tym razem drukowano jednostronnie. Zastosowano do ich produkcji biały papier
    ze znakami wodnymi, co lepiej zabezpieczało je przed możliwością ewentualnego
    fałszerstwa. Czarny nadruk określał nominał, emitenta i datę edycji
    1.IX.1914r. Całość uzupełniała brązowa numeracja oraz podpisy osób
    nadzorujących tę emisję,w tym przypadku urzędującego landrata i skarbnika
    powiatowego. Walory te były w użyciu jesienią 1914 roku, jednak i one powoli
    znikały z obiegu, gdyż władze państwowe, chcąc jakoś unormować niezdrową
    sytuację pieniężną, zdecydowały się na emisję niskonominałowych banknotów,
    które stopniowo wyrugowały z obiegu notgeldy. W roku 1915 sytuacja była już
    ustabilizowana i edycje pieniądza zastępczego praktycznie zanikły.
    Wydawało się, że takie zjawisko już nie wystąpi, jednak wojna rządziła się
    swoimi prawami. Niemcy praktycznie nie były przygotowane do prowadzenia
    długotrwałych, wyniszczających działań wojennych i nawet doraźne sukcesy i
    rabunkowa gospodarka na okupowanych terenach nie były już w stanie niczego
    zmienić. W roku 1916 odczuwano ogromne braki wszelkich materiałów
    strategicznych, co zaowocowało między innymi zanikiem w obiegu monety
    zdawkowej o fenigowych nominałach, bitej wcześniej w brązie i niklu.
    Początkowo pojawiły się więc notgeldy monetarne wykonane z żelaza lub cynku,
    bo tych metali jeszcze nie brakowało, jednak z uwagi na stosunkowo wysokie
    koszty produkcji takiego pieniądza zastępczego, szybko doszło też do masowych
    emisji fenigowych bonów pieniężnych.
    W Wejherowie, podobnie jak w wielu miejscowościach ówczesnych Niemiec
    wprowadzono wtedy do obiegu bony pieniężne o nominałach 5, 10 i 50 fenigów.
    Obowiązki emitenta wziął na siebie tym razem znowu magistrat miejski.
    Wprowadzone do obiegu walory miały datę emisji 20.XII.1916 roku. I tym razem,
    właściwie już tradycyjnie, nie określono na nich daty ważności. Widocznie
    uznawano, że znacznie wygodniej będzie w odpowiednim czasie posłużyć się
    ogłoszeniem w prasie lokalnej lub innym. Istnieją odmiany różniące się przede
    wszystkim wymiarami, co pośrednio świadczy, że dokonywano wymiany tego
    pieniądza lub też uzupełniano w późniejszym terminie pewne niedobory. Na
    walorach wycofanych z obiegu umieszczano pieczątkę z napisem "entwertet". Same
    notgeldy z tych edycji miały już dwustronny nadruk. Na awersach tradycyjnie
    przedstawiano nominał, emitenta, datę edycji. Dodatkowo umieszczano tu pieczęć
    miejską i faksymile dwóch podpisów. Rewersy zawierały obszerniejszy tekst
    informacyjny, skierowany do użytkowników, którzy przecież przyjmowali taki
    pieniądz na zasadzie dobrowolności, choć zaistniała sytuacja niejako to
    wymuszała.
    Koniec I wojny światowej nie oznaczał jednak unormowania sytuacji pieniężnej
    Niemiec. Militarna klęska, rewolucja którą jednak udało się zdusić,
    demobilizacja ogromnej armii, straty materialne i terytorialne, jak też widmo
    konieczności wypłaty ogromnych odszkodowań wojennych niewyobrażalnie
    komplikowały sytuację rodzącej się Republiki Weimarskiej. Tak więc
    bezpośrednio po wojnie władze zwierzchnie wręcz zachęcały do emisji lokalnego
    pieniądza większe miasta, powiaty, czy też związki miast, zalecając jednak aby
    takie walory obiegały na większym terenie i były dobrze zabezpieczone przed
    ewentualnym fałszerstwem, a zarazem też miały realne pokrycie w pieniądzu
    państwowym, co gwarantowało później ich wykup. I tym razem odpowiedziało na to
    miasto, emitując dwa nominały: 50 fenigów i 5 marek. Poza tym, że podano na
    nich datę emisji 15.XI.1918 rok. Trudno mi cokolwiek na ten temat napisać,
    gdyż dzisiaj są to unikaty, praktycznie nie spotykane na naszym rynku
    kolekcjonerskim.

    --
    forum.gazeta.pl/forum/71,1.html?f=28940
  • broneknotgeld 26.09.05, 12:58
    W następnym roku ważyły się już losy przynależności państwowej tej ziemi i to
    również znalazło odbicie w stosowanym tutaj pieniądzu zastępczym. Doszło do
    ciekawej reemisji bonów powiatowych z okresu wojennego, które po wykupie nie
    zostały fizycznie zniszczone, lecz przechowane w kasie powiatowej. Fakt, iż
    tereny te w nieodległej przyszłości miały już oficjalnie zmienić swoją
    przynależność państwową raczej nie skłaniał do przygotowania specjalnej
    edycji, jednak puszczone w obieg ponownie walory oznaczono już polską
    pieczęcią powiatu w kolorze czerwonym. Wyobraża ona polskiego orła z koroną i
    otokowo biegnącym napisem "Starostwo Powiatu Wejherowskiego".
    Niemieckie źródła mówią o roku 1919 jako terminie tej powtórnej emisji, co
    jednak wydaje się być mało prawdopodobne, bo choć w tym właśnie roku zapadły
    konkretne decyzje o zmianie państwowości tego terenu, to taka edycja wydaje się
    być przedwczesną i zapewne wprowadzono je na krótko w roku następnym.
    Sytuacja zmieniła się jednak w lutym 1920 roku, jako że dokładnie 10 lutego
    Polska oficjalnie przejęła te tereny. Nie pociągnęło to jednak za sobą szybkiego
    nasycenia lokalnego rynku oficjalną walutą, którą była wtedy marka polska. Zanik
    znaczenia waluty niemieckiej i niedostatek polskiej siłą rzeczy skłonił władze
    samorządowe do sięgnięcia po sprawdzone już środki zaradcze, czyli emisję
    kolejnej serii lokalnego pieniądza. Dość szybko władze powiatowe uporały się z
    wydaniem własnych banknotów zastępczych. Z dniem 14.II.1920 r puszczono w obieg
    banknoty miejskie nazwane po polsku „przekazami”, a w każdym bądź razie taką
    datę edycji podano na samych bonach. Cała seria objęła tym razem 8 nominałów: 50
    fenigów, 1, 2, 3, 5, 10, 20 i 50 marek. Wykonano je na białym papierze ze
    znakami wodnymi. Awersy posiadały czarny, dwujęzyczny nadruk i numerację w
    kolorze czerwonym. Widzimy tu też różnokolorowy poddruk (kolor zależny od
    nominału), z umieszczonym centralnie wyobrażeniem orła polskiego. Rewersy
    zawierały teksty skierowane do użytkownika (polski i niemiecki), a dotyczące
    ogólnych zasad wykupu i drukowaną pieczęć powiatową. Nie sprecyzowano terminu
    wykupu informując jedynie o tym że nastąpi to poprzez specjalne ogłoszenie.
    Zapewne nastąpiło to jeszcze w 1920 roku i większość tych pieniędzy wymieniono
    na marki polskie. Część jednak została w rękach użytkowników, a zwłaszcza
    kolekcjonerów, ponieważ zbieractwo takich walorów stało się bardzo popularne w
    całych Niemczech, a i na terenach przyłączonych do Polski.

    broneknotgeld


    --
    forum.gazeta.pl/forum/71,1.html?f=28940
  • broneknotgeld 04.06.07, 19:56
    Choczewsko szkoła (8.05.2007)

    Miano Uniji dwa roki nosi
    Czy ło geld jeji tym głośni prosi?
    --
    Ruda Śląska - stolica fraszki
  • broneknotgeld 19.05.05, 10:59
    Choczewo w Uniji

    Jest tako gmina w Uniji wielki
    Fason trza czimać - niy duperelki.
    --
    forum.gazeta.pl/forum/71,1.html?f=28940
  • broneknotgeld 19.05.05, 11:01
    "Melan"

    Tu "supermarket" mo miano "Melan"
    Utargu w sezon nawet tam wiela
    Ano - toż niy som to jakeś wice
    W kasa fest bijom te wczasowicze.
    --
    forum.gazeta.pl/forum/71,1.html?f=28940
  • broneknotgeld 19.05.05, 11:03
    Gmina Choczewo

    Gmina mo dobre ponoć wyniki
    Jak niy zawiedom w sezon letniki
    A jak pogoda zdo sie pod psym
    Biydni tu jakoś - to przeca wiym.
    --
    forum.gazeta.pl/forum/71,1.html?f=28940
  • broneknotgeld 19.05.05, 11:06
    Bar "Bakar"

    Niym Kopalino w dziedzinie słynie
    Toż atrakcyjo! -Niych cie niy minie.
    --
    forum.gazeta.pl/forum/71,1.html?f=28940
  • broneknotgeld 19.05.05, 11:08
    Na plaży

    Na plaży we Lubiatowie
    Dychnie se spokojnie czowiek
    Scisku jak kaj ińdzi niy ma
    Yno czasym biere ryma
    Jak łod morza wiater wije
    Neptun zdo sie tako śmieje.
    --
    forum.gazeta.pl/forum/71,1.html?f=28940
  • broneknotgeld 19.05.05, 11:11
    Restauracyjo choczewsko

    Restauracyjo we gminie staro
    Aż dziw że ciyngym se to niy zmiynio
    Wiym że niy bydzie łona już jaro
    Dyć se tam czujesz jak jaki "brynio".
    --
    forum.gazeta.pl/forum/71,1.html?f=28940
  • broneknotgeld 19.05.05, 11:12
    W restauracyji

    Wypłowiałe skory z dzika
    Staro sroka u patyka
    W środku czerep ze rogami
    Toż łostońcie se tu sami.
    --
    forum.gazeta.pl/forum/71,1.html?f=28940
  • broneknotgeld 19.05.05, 11:15
    Pod hubom

    Zicnołch se pod hubom w ty restauracyji
    I wsłuchoł we szwargot pijackich mecyji
    Sezon kajś przed niymi - widać co tu biyda
    Pod grzibym jo siedza - ta ślonsko łobrzida.
    --
    forum.gazeta.pl/forum/71,1.html?f=28940
  • broneknotgeld 19.05.05, 11:18
    Nowo restauracyjo

    Ano - jest tyż tukej nowo
    Dyć zamkniono - sie niy zdowo
    Miywo wziyńcie we sezonie
    Jak łon minie zdo sie - koniec.
    --
    forum.gazeta.pl/forum/71,1.html?f=28940
  • broneknotgeld 19.05.05, 11:23
    Osieki

    Dzisioj Osieki jakby w ruinie
    Możno zły czas tu tyż w końcu minie
    Choć ze pałacu nic niy łostało
    Przeca z majontku jednak niymało.
    --
    forum.gazeta.pl/forum/71,1.html?f=28940
  • broneknotgeld 19.05.05, 11:25
    U "Antonia"

    U "Antonia" w Kopalinie
    Przez sezon posiedzisz
    Środek lata drapko minie
    No i zaś se biedzisz.
    --
    forum.gazeta.pl/forum/71,1.html?f=28940
  • broneknotgeld 19.05.05, 11:27
    We powiecie

    We powiecie wejherowskim jedna morsko gmina
    Ano ło tym dobrze wiycie - choczewsko dziedzina.
    --
    forum.gazeta.pl/forum/71,1.html?f=28940
  • broneknotgeld 19.05.05, 11:29
    Dejcie pozor

    Widzioł żech tu epno żmija
    Łona żyje i jo żyja
    Dyć trza pozor dować w lesie
    Jad gadzina przeca niesie.
    --
    forum.gazeta.pl/forum/71,1.html?f=28940
  • broneknotgeld 19.05.05, 11:31
    Choczewski pałac

    Łostoł we Choczewie pałac dość ciekawy
    We kerym terozki remont prawie leci
    Po wakacjach fertig - gmina tako sprawi
    Zaś zacznom tam łazić skiż nauki dzieci.
    --
    forum.gazeta.pl/forum/71,1.html?f=28940
  • broneknotgeld 22.05.05, 14:59
    Perseidy (11.08.2004)

    Ze Kopalina w strona Jackowa
    Keruja w nocy se moja gowa
    Jest - już ślatuje jekby do lasu
    Co sie winszuja? -Zabrakło czasu

    Dyć gwiozdka spodo zarozki drugo
    Czy szczyńście richtig do mie zamrugo?
    Już leci czecio szworto i pionto
    Styknie dobrego - w pamiyńci mom to.
    --
    forum.gazeta.pl/forum/71,1.html?f=28940
  • broneknotgeld 22.05.05, 15:01
    Choczewske lipy

    Choczewske lipy dworka wachujom
    Dyć asić by sie niym chciały
    Czas na to przidzie - łone to czujom
    Zobytek blyśnie zaś cały.
    --
    forum.gazeta.pl/forum/71,1.html?f=28940
  • broneknotgeld 22.05.05, 15:02
    Cudne lipy

    Lip we Choczewie Ponboczek niy sioł
    Toż we nich znać Jego wola
    Możno żeś ło tym cudzie coś słyszoł?
    Joch bliknoł i bestoż chwola.
    --
    forum.gazeta.pl/forum/71,1.html?f=28940
  • broneknotgeld 22.05.05, 15:03
    Lubiatowsko mszo

    Chcesz mszo w niydziela se mieć na plaży
    Toż Lubiatowo ci sie zaś marzy
    W lipcu i siyrpniu niym zońdzie słonko
    Tam sie z Ponboczkym niy bydziesz błonkoł
    --
    forum.gazeta.pl/forum/71,1.html?f=28940
  • broneknotgeld 22.05.05, 15:04
    Gmina Choczewo

    Łod Wejherowa to dzisioj gmina
    Dyć i lymborsko jakby dziedzina
    Miyszo sie tako co jest a było
    Bydzie skiż tego lepi se żyło?
    --
    forum.gazeta.pl/forum/71,1.html?f=28940
  • broneknotgeld 22.05.05, 15:05
    Osetnik - Stilo

    Kto na "blizie" robi tukej zamiyszkuje
    Choć możno nikery tymu sie dziwuje
    Do roboty bliży - przeca to jest plus
    Toż dlo latarnika Osetnik chnet mus.
    --
    forum.gazeta.pl/forum/71,1.html?f=28940
  • broneknotgeld 22.05.05, 15:05
    "Choczewskie Cisy"

    Szczyńściym natura je zachowała
    Siył do mnożynio tyż jeszcze dała
    Dyć trza nom chronić richtig je fest
    Cisow niywiela już w Polsce jest.
    --
    forum.gazeta.pl/forum/71,1.html?f=28940
  • broneknotgeld 26.05.05, 22:32
    Dzwony

    Już na dzwonnicy dwa serca bijom
    Parafian na mszo wołajom
    We Kopalinie weseli żyjom
    I nowym dzwonom fest pszajom

    Tyż tako samo we Lubiatowie
    Kościołek jedyn - dwie wioski
    Radosny bardzi terozki czowiek
    Jak dzwoniom zdo sie mniyj troski.
    --
    forum.gazeta.pl/forum/71,1.html?f=28940
  • broneknotgeld 26.05.05, 22:35
    Tako w Kopalinie

    Lasy jagod pełne roztomajtych grzibow
    Wole je niż wiela z kurortowych wygod
    I ta plaża złoto - zowdy niy za ciasno
    W Kopalinie siedza - dusza zdo sie jasno.
    --
    forum.gazeta.pl/forum/71,1.html?f=28940
  • broneknotgeld 26.05.05, 22:37
    Starbienino

    Starbienino kożdego wiatrakym wpiyrw wito
    A ło zocny pałac ktosik se zapyto?
    Perełkom łon ciyngym jest choczewski gminy
    Niy jedynom zresztom z nadmorski dziedziny.
    --
    forum.gazeta.pl/forum/71,1.html?f=28940
  • broneknotgeld 26.05.05, 22:41
    We Lublewie

    Jako w Lublewie przed wojnom se żyło?
    Dwor łostoł junkerski - familijo wciyło
    Czas łodkryć na nowo historio tyj ziymi
    Ci co tu miyszkali niy byli dyć niymi.
    --
    forum.gazeta.pl/forum/71,1.html?f=28940
  • broneknotgeld 26.05.05, 22:43
    Lubiatowo - plaża - 11 km.

    Jeszcze łostatni kroczek do morza
    Tyn koncek zaroz terozki zmoża.
    --
    forum.gazeta.pl/forum/71,1.html?f=28940
  • broneknotgeld 26.05.05, 22:46
    Żelazno

    Toż drog choczewskich zdo sie rozstaje
    Na Wejherowo! Jakub nom pszaje!
    Dyć se na Niego jeszcze bliknymy
    Potym na Ślonzek jednak wrocymy.
    --
    forum.gazeta.pl/forum/71,1.html?f=28940
  • broneknotgeld 27.03.08, 13:49
    Mie sie nad Bałtykym nojlepi rymuje
    Fraszki jako piosek gowa wtedy suje.
    --
    Ruda Śląska - stolica fraszki
  • broneknotgeld 01.07.05, 20:31
    Nowy pynsjonat

    Nowy pynsjonat we Kopalinie
    Latoś łotworzom go w ty dziedzinie?
    Zdo sie na bezrok jednak to przidzie
    Toż se podziwom jako tam bydzie.
    --
    forum.gazeta.pl/forum/71,1.html?f=28940
  • broneknotgeld 01.07.05, 23:01
    Zamkniony!

    Bar "Bakar" zamkniony - inwestora szuko
    Na darmo żech yno w dźwiyrze tam zaklupoł.
    --
    forum.gazeta.pl/forum/71,1.html?f=28940
  • broneknotgeld 01.07.05, 23:03
    Do "Antonia" w Kopalinie

    Do "Antonia" wlyźć mi jako?
    Toż zamkniony jeszcze - psiakość!
    Trza przi sklepie piwo pić?
    Czy to musi tako być?
    --
    forum.gazeta.pl/forum/71,1.html?f=28940
  • broneknotgeld 27.07.05, 18:56
    Chnetko ze Choczewym jo sie zaś prziwitom
    Miyni sie na lepsze? -Tako tyż zapytom.
    --
    forum.gazeta.pl/forum/71,1.html?f=28940
  • broneknotgeld 24.09.05, 15:02
    We pyńdziałek tako bydzie
    Zaś Choczewo do mie przidzia
    Co jo szkryflom? Toż parada
    Przeca jo tam juzaś jada.
    --
    forum.gazeta.pl/forum/71,1.html?f=28940
  • broneknotgeld 29.05.06, 22:31
    "Piwno"

    Jest w Choczewie Piwno sztrasa
    Chocioż biyra tam niy lejom
    I niyhersko jeji krasa
    Bestoż se nikerzy śmiejom.
    --
    forum.gazeta.pl/forum/71,1.html?f=28940
  • broneknotgeld 29.07.08, 09:43
    Agroturystyka

    Ano - rozkwito w choczewski gminie
    Toz se dychniecie we ty dziedzinie.
    --
    Ruda Śląska - stolica fraszki
  • broneknotgeld 29.07.08, 18:03
    Kwietny Bieg w choczewski gminie
    9.VI.2008

    Ano - przelecieli przez gmina szkolorze
    Papiyża Poloka wspomnieć kożdy może
    Przeca łon te państwo przi poncie łobudzioł
    Gorkości ze serca żodyn już niy studzioł.
    --
    Ruda Śląska - stolica fraszki
  • broneknotgeld 01.07.08, 16:25
    Choć czynsto Bałtyk za zimny bywo
    Przi gorki frelce dusza szczyńśliwo.
    --
    Ruda Śląska - stolica fraszki
  • broneknotgeld 27.07.08, 16:49
    Choczewske Stowarzyszynie Turystyczne 2003-2008

    Piyńć rokow ferajna ze Choczewa żywo
    We gminie nadmorski to wcale niy dziwo
    Dyć przeca durś wiyncy wakacyjnych gości
    Toż se im kwaterow ciyngym wiela mości.
    --
    Ruda Śląska - stolica fraszki
  • broneknotgeld 29.07.08, 09:46
    W 5-cio lecie Choczewskiego Stowarzyszynio Turystycznego

    Co w Kopalinie piyrwyj tu było
    Latoś Kierzkowa niy łominyło
    Toż na festynie gości tu bawiom
    Tako ta sztela turystom jawiom.
    --
    Ruda Śląska - stolica fraszki
  • broneknotgeld 27.07.08, 16:51
    LKS "Orzeł" Choczewo

    W Choczewie szportowce swoja sztela majom
    Klubowi tu przeca niy łod dzisioj pszajom.
    --
    Ruda Śląska - stolica fraszki
  • broneknotgeld 29.07.08, 17:24
    Dubeltowo donga

    Dubeltowo donga niebo łokrasiyła
    Dlo choczewski gminy wrózba we tym była
    Szczyńśliwo - bo przeca jako by inaczy
    -Po burzy pogoda kolorami znaczy.
    --
    Ruda Śląska - stolica fraszki
  • broneknotgeld 29.07.08, 17:48
    Setny numer "Wieści Choczewskich"

    Mo szejset szejśćdziesiont rokow już dziedzina
    Sie setnym numerym cieszy przi tym gmina
    Toż niychej niy dziwo tyn papior kredowy
    Jako to że cajtong richtig kolorowy.
    --
    Ruda Śląska - stolica fraszki
  • broneknotgeld 29.07.08, 17:51
    "Wieści Choczewskie" 1998-2008

    Dziesiyńć rokow służom gminie
    Fajer niychej ich niy minie
    Sto numerow tyż za niymi
    Już łod czyrwca ło tym wiymy.
    --
    Ruda Śląska - stolica fraszki
  • broneknotgeld 29.07.08, 17:53
    VII.1998 "Wieści Choczewskie"

    Piyrwszy numer wyloz "Wieści..."
    Wszysko we niym sie niy zmieści
    Dyć ło gminie wiela prawiom
    To co ważne zowdy jawiom.
    --
    Ruda Śląska - stolica fraszki
  • broneknotgeld 29.07.08, 17:55
    1348-1998

    Szejset piyńćdziesiont rokow Choczewa!
    Czy zaszumiały ło tym tu drzewa?
    We piyrszych "Wieściach..." szło se poczytać?
    Kogo by prawie dzisioj łopytać?
    --
    Ruda Śląska - stolica fraszki
  • broneknotgeld 29.07.08, 17:58
    1348-1998-2008

    Dziesiyńć rokow "Wieści..." prawiom
    Co choczewske wszyskim jawiom
    Historyjo w zocy majom
    Toz dziedzinie swoji pszajom
    Kery siodmo setka leci
    Tref niych szczyńście ciyngym kleci!
    --
    Ruda Śląska - stolica fraszki
  • broneknotgeld 29.07.08, 18:00
    Dubeltowy gyburstag 1348/1998 - 2008

    "Wieści..." z Choczewym razym fajrujom?
    Tako trefiyło - niych se radujom.
    --
    Ruda Śląska - stolica fraszki
  • broneknotgeld 18.09.08, 19:14
    Jutro

    Zaś z Choczewym se prziwitom
    Ło gyburstag możno spytom.
    --
    Ruda Śląska - stolica fraszki
  • broneknotgeld 01.08.08, 18:40
    Cugym do Choczewa 1905

    Za Wilusia już tu tako
    Kto z Choczewa tyn niy płako
    Banhof stoji, przi niym glajzy
    Choczewiany to niy łajzy.
    --
    Ruda Śląska - stolica fraszki
  • broneknotgeld 17.09.08, 20:11
    Sołectwo Kopalino-Lubiatowo

    Ło "sprawnych inaczy" Anna Dymna myśli
    Tref jyj tam ośrodek po wojokach kryśli
    Tako reskiyruje fundacyjom swojom
    Coby dlo nich plaża była tyż ostojom.
    --
    Ruda Śląska - stolica fraszki
  • broneknotgeld 25.05.11, 08:13
    We Choczewie

    We Choczewie boćki som
    Tyż uciecha z tego mom.
    --
    Ruda Śląska - stolica fraszki
  • broneknotgeld 11.09.11, 19:47
    Na Piwny

    Choczewo koncept miało w tym dziwny
    Czy mi nalejom biyra na Piwny?
    --
    Ruda Śląska - stolica fraszki
  • broneknotgeld 11.09.11, 19:50
    Choczewo 1348

    Jedne jest pewne - wtedy już było
    Jaśkowi Świyncy tako trefiyło
    Sztyrdziści siedym włok wtedy miało
    I magdyburske prawo dostało.
    --
    Ruda Śląska - stolica fraszki
  • broneknotgeld 11.09.11, 19:53
    Choczewo XVI-XVIII w.

    Przi Jackowskich ta dziedzina
    Z łojca idzie durś na syna.
    --
    Ruda Śląska - stolica fraszki
  • broneknotgeld 20.08.05, 22:46
    "Zadziobano" gmina?

    Zdo sie co ta gmina trocha "zadziobano"
    Familijo wiynkszo jest ty szteli dano?
    Kaj byś niy zoglondnoł Dziobak cie prziwito
    Bestoż se niy dziwcie że tako jo pytom.
    --
    forum.gazeta.pl/forum/71,1.html?f=28940
  • broneknotgeld 20.08.05, 23:14
    6 tysiyncy dusz

    Na tela ziymi richtig niywiela
    Szczyńściym że latym ludno jest sztela
    Ciongnom ludziska przeca do morza
    Jo tyż co roku se na to woża.
    --
    forum.gazeta.pl/forum/71,1.html?f=28940
  • broneknotgeld 20.08.05, 23:17
    Kosodrzewina

    Sie kosodrzewina na wydmach rozrosła
    Do czistu hektorow ponoć tukej doszła
    W dziewiytnostym wieku dobrze pomyśleli
    Jak jom posadziyli bo brzeg mocny chcieli.
    --
    forum.gazeta.pl/forum/71,1.html?f=28940
  • broneknotgeld 20.08.05, 23:20
    Niby

    Niby se w Choczewie fest latarniom aszom
    Czy jom na stulecie wiyńcym niy łopaszom?
    A możno zrychtujom gryfny "Festyn Stilo"
    Sto lot nawet władze czasami pokilo.
    --
    forum.gazeta.pl/forum/71,1.html?f=28940
  • broneknotgeld 20.08.05, 23:21
    17 kilometrow

    Aże siedymnoście kilometrow plaży
    Toż se niyjednymu tako sztela marzy.
    --
    forum.gazeta.pl/forum/71,1.html?f=28940
  • broneknotgeld 04.10.05, 20:58
    Powiatowo-Gminne Dożynki 2005

    Latoś w Szemudzie dyć se łodbyło
    Choczewo blysło w powiecie
    Wiyńcym z Kierzkowa laur zdobyło
    Trza mieć we zocy to przecie

    Ano se było czymu dziwować
    Dwa metry cołkym wysoki
    inksze przi tymu mogły sie schować
    Dyć niy skiż tego boroki

    Muster ciekawy - koncept w tym przeca
    Coby był wiyniec herbowy
    Choczewski z blizom - tako ukleca
    Trza kunsztu no i tyż gowy.
    --
    forum.gazeta.pl/forum/71,1.html?f=28940
  • broneknotgeld 14.10.05, 19:25
    Choczewske krziże

    Na ślonsku z kamynia abo i drewniane
    A tam z ajzy tela przed łoczy mi dane
    Że sie aż dziwuja skond se tako wziyło
    Trza bydzie łopytać ło ich historyjo.
    --
    forum.gazeta.pl/forum/71,1.html?f=28940
  • broneknotgeld 24.07.08, 20:43
    Agroturystyka

    Ano - rozkwito w choczewski gminie
    Toż se dychniecie we ty dziedzinie.
    --
    Ruda Śląska - stolica fraszki
  • broneknotgeld 27.07.08, 16:53
    17 km plaży

    Siedymnoście kilometrow szczyńścio dlo Choczewa
    Choć se dziwosz tu na dworki i we lesie drzewa
    Przeca kusi cie nojbardzi w złotym piosku plaża
    Jo co roku zowdy w zima se ło niyj już marza.
    --
    Ruda Śląska - stolica fraszki
  • broneknotgeld 30.08.10, 15:53

    Ło jackowskim młynorczyku

    Prawioł mi to starzik latoś w Kopalinie
    Co kedyś młynorczyk pszoł frelce dziedzica
    Było ło tym słychać w jackowski dziedzinie
    Toż miała grafianka richtig gryfne lica

    Młyn stoł piyrwyj zocny we pobliskim lesie
    Kaj strugi do stowka wody swoje loły
    Młynorczyk robotny - wieść ło tym sie niesie
    Dyć dziedzic Jackowa coś niy boł wesoły

    Cera uślimtano po izbach sie snuje
    Karlus tyż jyj w sercu ponoć richtig siedzioł
    Łojciec przeciw tymu - złość do dziecka czuje
    Ech, w końcu sie djosek choczewski dowiedzioł

    Mono koło młyńske ło tym mu pedziało
    Buki przi tych strugach tako wyszumiały
    Zaroz mu liplinga na złe kusić chciało
    Przeca we tym profit purtka zdo sie cały

    Wystykło cyrograf yno krwiom podpisać
    Lygli chnetko w trułach dziołchy rodziciele
    Rok żałoby zlecioł - pszoniu jako miyszać?
    Zapowiedzi ślubne w osieckim kościele

    Mono młynorczyka sumiynie ruszyło?
    Mono pszoł jyj tako że prowda wyjowioł?
    Ano, weseliskym wcale niy skończyło
    A niyszczyńśnik duszy skiż tego niy zbowioł

    Dziołcha ze żałości w ty utropie wielki
    Poszła do Żarnowca - w habicie pokuta
    Grzych jyj szaca tako dosiyngnoł ty frelki
    A jymu łostała już yno poruta

    Buk przi strudze szumi tu richtig żałośnie
    Ponoć cołko zima wisioł trup tam jego
    Łodetli go prawie kej szło już ku wiośnie
    Jest jackowski cmyntorz - leży wele niego

    Zoglondnij wandrusie kaj młyn boł w Jackowie
    Ze kamynia żornom i bukom podziwej
    Idź ze znakym krziża jak żeś zocny czowiek
    I na purtka nigdy tukej niy pokiwej.
    --
    Ruda Śląska - stolica fraszki
  • broneknotgeld 28.08.05, 11:00
    Z Choczewa se ida szlakym na Kierzkowo
    "Kocie łby" mie wiedom - gyry ciongnom zdrowo
    Z jedny strony łowies - ze drugi pszynica
    Drapko do wsi dońda - na to teroz licza

    Droga mi sie żołci lipa wito zocno
    Miejscami i zyto złoci pole mocno
    Grab z lewa ździybeczko liściami pomachoł
    Jawor se zodziwioł - coś ło mie poklachoł.
    --
    forum.gazeta.pl/forum/71,1.html?f=28940
  • broneknotgeld 28.08.05, 11:02
    Dyć krziż teroz widza ze ajzy zrobiony
    Tu milicjant Bemka legł z rynki czerwonych
    I chocioż już było czi tydnie po wojnie
    Śmiertka se machnyła zaś kosom spokojnie.
    --
    forum.gazeta.pl/forum/71,1.html?f=28940
  • broneknotgeld 28.08.05, 11:05
    W Kierzkowo już właża asfalt se zaczyno
    Wioska lepsze dzieje możno i wspomino
    Dwor ze prawy strony cołki jasnomodry
    Czas tukej dlo niego niy był tyż za szczodry

    Łostało przi niymu stodoły dyć poła
    Możno ło retunek dlo dworu trza wołać
    Dzwigli w miyndzywojniu we czidziestym drugim
    Zomb czasu go gryzie choć niy jest za dugi

    --
    forum.gazeta.pl/forum/71,1.html?f=28940
  • broneknotgeld 28.08.05, 11:09
    Rozstaje ze krziżym co wiela durś znaczy
    Polno droga dali - czas mi sie łonaczy
    Dyć ciyngym se czimia jo szlaku żołtego
    Pewno lasym dońda niym aż do modrego

    Niym w bor gynsty wlejza olchy mie witajom
    Możno wandrusowi łone trocha pszajom
    Łosłoniajom glaca mi przed gorkim słonkym
    I wiedom do lasu zaciynionym gonkym.
    --
    forum.gazeta.pl/forum/71,1.html?f=28940
  • broneknotgeld 28.08.05, 11:13
    Tu na kraju ciyngym leśniczowka stoji
    Dzwonia - durś zamknione - czy ktoś mie sie boji?
    Szkoda - stare buki łoczy moje cieszom
    Dyć mom dali pylać - niych gyry niy grzeszom

    Trza za leśniczowkom pozor dać na szlaki
    Z żołtego na modry - koncept moj jest taki
    Toż terozki cisna w strona Kopalina
    Już ty szteli moji pewnikym niy mina.
    --
    forum.gazeta.pl/forum/71,1.html?f=28940
  • broneknotgeld 28.08.05, 11:17
    Zowdy se zochwycom tym nadmorskim lasym
    Skarbym łon choczewskim na wieczne już czasy
    Zwiyrza tukej wiela runo przebogate
    Bez niego by ziymie te były sagate

    Droga coś sie dłuży - boroweczek skubna
    Czornych jagod podjym bo ze nich niy zrubna
    Jelyń mi przed gymbom dość drapko przeleci
    I rym ło ym prosty gowa tyż ukleci
    --
    forum.gazeta.pl/forum/71,1.html?f=28940
  • broneknotgeld 28.08.05, 11:23
    Tako se wandruja miyndzy świyrki sosny
    I zdo sie co nastroj mom bardzi radosny
    Do czasu to yno - szarpnie coś za dusza
    Przeca do cmyntorza tym szlakym dońść musza

    Z downych lubiatowian tela tu łostało
    Ktosik by powiedzioł -"to przeca niymało"
    Niych ziymia ło ludziach swojich durś pamiynto
    No a na kerchofie łona richtig świynto

    Aż żol wlyźć tam teroz i deptać po grobach
    Spokojnym już duszom jo tego niy zrobia
    Przida tukej kedyś łoświycić im świyczka
    Teroz se przeżegnom - w myślach ściongna mycka.
    --
    forum.gazeta.pl/forum/71,1.html?f=28940
  • broneknotgeld 28.08.05, 11:25
    Ano za drzewami dachy prześwitajom
    Trza do Kopalina - już na mie czekajom
    Dziwujom se czamu tako żech szoł piechty
    -Pekaes mi uciyk a niy nyncom fechty.
    --
    forum.gazeta.pl/forum/71,1.html?f=28940
  • broneknotgeld 23.05.06, 00:06
    Choczewski purtek

    Ponoć swojego purtka mo sztela
    Choć tyn choczewski znaczy niywiela
    Dyć tyż dlo ludzi bywo utropom
    Czasym istnego w gorzole topiom.
    --
    forum.gazeta.pl/forum/71,1.html?f=28940
  • broneknotgeld 26.05.06, 22:53
    Latym w gminie niypogoda
    Ano purtek robi szkoda
    Wczasowiczow tako goni
    Yno wtedy w strachu łoni.
    --
    forum.gazeta.pl/forum/71,1.html?f=28940
  • broneknotgeld 26.05.06, 22:54
    W cołki szteli wiater wieje
    Toż se purtek zowdy śmieje
    Ano richtig mi sie zdo
    Co durś djosek humor mo.
    --
    forum.gazeta.pl/forum/71,1.html?f=28940
  • broneknotgeld 26.05.06, 22:58
    Spotkoł zech purtka roz w Kopalinie
    Przeca se szwyndo po cołki gminie
    Pytom se djoska ło jego miano
    A łon mi na to - Dowiysz se rano!

    Budzi mie słonko - we pryku leża
    Jakoś istnymu richtig niy wierza
    Aż naroz ślubno głośno mi ryknie
    Wstowej już lebrze! Gnicio ci styknie!
    --
    forum.gazeta.pl/forum/71,1.html?f=28940
  • broneknotgeld 26.05.06, 22:59
    Purtek Leber

    Choczewski purtek mo Lebra miano
    To ci uciecha tukej mi dano
    Czasym se gaftom na lewo noga
    Czy jo istnego zastompić moga?
    --
    forum.gazeta.pl/forum/71,1.html?f=28940
  • broneknotgeld 26.05.06, 23:02
    "Leber Mały"

    We choczewski gminie purtki se spotkały
    Kery z nich jest wielki, a kery zaś mały?
    Tako uradziyli by ciepać kamynie
    Kto trefi nojdali nojwyrszym w dziedzinie
    Dyć prawie że wszyske do morza wleciały
    Leber trefioł w Morsko stond przezwisko - Mały.
    --
    forum.gazeta.pl/forum/71,1.html?f=28940
  • broneknotgeld 01.08.06, 21:56
    Skiż purtka

    Zaś choczewski purtek namiyszoł w gorzole
    Ze rana pierońsko łeb terozki kole
    Idzie wykurować jednak ta utropa
    Dwa biyry na nogi postawiom dyć chopa.
    --
    forum.gazeta.pl/forum/71,1.html?f=28940
  • broneknotgeld 29.07.08, 09:26
    Choczewski "piekarnik"

    Stoł piyrwyj kamiyń epny w dziedzinie
    Ło kerym tako prawiyli
    Klontwa na niego dano niy minie
    Bo ludzie niy poprawiyli

    Choczewski piekorz w niym kedyś przeca
    Piyk chlyb we świontek i piontek
    Geldu nazbiyroł wiela do neca
    Dyć na nic zdoł sie majontek

    Roz we niydziela przi mszy w Osiekach
    Nakłod do pieca chop ciasta
    Toż we kościele niy ma czowieka
    Farorz sie wnerwioł i basta

    Ech - piekorz tako tyż we utropie
    Piekarnik z chlebym skamiynioł
    Sie po palicy dopiyro dropie
    Trefiyło coś do sumiynio.
    --
    Ruda Śląska - stolica fraszki
  • broneknotgeld 29.07.08, 09:30
    Rozdoł profity ponoć ubogim
    Kłod na ofiara w kościele
    By świynty Pyjter niy był za srogi
    Dostompioł niybiński sztele

    Kamiyń zaś łostoł jako przestroga
    Ktoś znakym krziża go wito
    Był we Choczewie ze woli Boga
    A kaj jest dzisioj? Kto pyto?
    --
    Ruda Śląska - stolica fraszki
  • broneknotgeld 14.05.10, 19:05
    Plaża w ty gminie już mi sie marzy
    Pewno z pyńdziałkym prawie przidarzy.
    --
    Ruda Śląska - stolicafraszki
  • broneknotgeld 12.07.06, 17:08
    Klub Miłośnikow VW Garbusow "Cherbi"

    Jest we Choczewie ferajna tako
    Szteli dokłodo z tym krasy
    Tu za garbusym niyjedyn płako
    I szumiom ło tym tyż lasy.
    --
    forum.gazeta.pl/forum/71,1.html?f=28940
  • broneknotgeld 12.07.06, 17:17
    100-lecie latrni morski "Stilo"

    Cołko ze ajzy tu postawiono
    Sto rokow stoji - przeca niy kono
    Ciyngym ze skarpy ta bliza blyszczy
    Niych druge tela rokow tyż zyszczy.
    --

    W choczewski gminie

    W choczewski gminie łona jedyno
    Jako i przeca w powiecie
    Tako trza pszoć jyj niy teroz yno
    -Cołke nastympne stulecie!
    --

    Brifmarki 2006

    Sztyry brifmarki a na nich blizy
    "Stilo" z tym juzaś ździybeczko wyży
    Prawie fajrujom jeji stulecie
    Toż skuli tego to wszysko przecie.

    --
    forum.gazeta.pl/forum/71,1.html?f=28940
  • broneknotgeld 12.07.06, 17:17
    Medal na gyburstag

    Toż na pamiontka medal wybiyli
    Blizom trza asić se tako
    Cołke sto rokow ze niom tu żyli
    W morze durś świyci jednako.

    --

    Odznaka na gyburstag

    Tyż odznaka na pamiontka
    Falerysta se raduje
    Cosik jest ze tego kontka
    Yno łon to forszteluje?
    --

    Turystyczno Odznaka Latarni Morskich "Bliza"

    Toż odznaka "Blizy" ze STILO rozkwitnie
    Bronz, srybro i złoto - tako bydzie piyknie
    Zwiydzojcie latarnie - sztymplujcie "paszporty"
    Wasz wander odznaki gryfny bydzie worty.

    --
    forum.gazeta.pl/forum/71,1.html?f=28940
  • broneknotgeld 12.07.06, 17:18
    Ze Łeby

    Kto w Łebie siedzi niych tu zowito
    Ło bliza Stilo niy yno spyto.
    --

    Wystawa "Stilo i okolice"

    We blizie latoś tako wystawa
    Tyn kunszt malarski przepiykno sprawa
    Marynistyczny tymat tyż tako
    Bo sto lot bliza blyszczy jednako.
    --

    29.07.2006 Wielki Fajer

    Przi Stilo jako w Choczewie tyż
    W gyburstag se zabawiymy
    Tako przijyżdżej jak ło tym wiysz
    Tyż po to som moje rymy.

    --
    forum.gazeta.pl/forum/71,1.html?f=28940
  • broneknotgeld 12.07.06, 17:20
    Sasino - Choczewo 29.07.2006

    Darmo autokar wozi po trasie
    Richtig to przeca bydzie na czasie
    W tym dniu i bliza zwiydzi sie darmo
    Gyburstag zocny - łona niy marno.
    --

    IV Zlot Miłośnikow VW Garbusow
    28-30.07.2006

    Przi gyburstagu latarni Stilo
    "Cherbi" Choczewo tako pokilo
    Na czi dni zjadom tu garbusami
    Asić sie bydom tymi autami.

    --

    Co to "Cherbi" tako wiycie
    forum.gazeta.pl/forum/72,2.html?f=28940&w=24115299&a=45123528
    Dli nich "garbus" jako życie.

    --
    forum.gazeta.pl/forum/71,1.html?f=28940
  • broneknotgeld 12.07.06, 17:20
    IX.2006 Miyndzynarodowy Plyner Malarski - Lubiatowo

    Ano, teroz mi sie zdowo
    blyśnie fest te Lubiatowo
    A i Stilo we stulecie
    Jaśni świyci tako przecie.


    --

    Sto rokow już stoji

    Na sasińskim wzgorku
    Sto rokow już stoji
    Rybok skuli istny
    Mniyj se morza boji
    Bo przeca we nocy
    Droga mu pokoże
    Zyjmanow raduje
    Toż szkryfna - Szczyńść Boże.

    --
    forum.gazeta.pl/forum/71,1.html?f=28940
  • broneknotgeld 20.07.06, 06:51
    Stilo 1859

    Mapy szykowali morski nawigacji
    Skiż tego w tym richtig wiela było racji
    Coby we tym miejscu stowa postawiyli
    Jako pomyśleli tako i zrobiyli.
    --

    Stowa Stilo 1861

    Kaj "Chałpy w Borze" wele ty Łeby
    Stowa w tym roku dźwigali
    Tako skiż szifow przeca potrzeby
    Wiela talarkow wydali

    Majster z Lymborka wzioł drzewo z sosny
    Dwadziścia metrow szoł w gora
    Skończoł - był ponoć richtig radosny
    Chocioż wiyrch stowy niy w chmurach.
    --

    1700 talarkow

    Tela ta stowa skarb kosztowała
    Bioło-czerwone pasy tyż miała
    No i prawiyli co niy na łoko
    Szejśćdziesiont szejść stop łona wysoko.

    --
    forum.gazeta.pl/forum/71,1.html?f=28940
  • broneknotgeld 20.07.06, 18:38
    Friedrich Bork z Leba Boor

    Tutejszy gospodorz mioł stowa w łopiece
    Toż sztyry talarki za miesionc broł przecie.
    --

    Stowa Stilo

    Bratki Stielow z Łeby
    Wydma łobsadziyli
    Zdo sie co tyż łoni
    Tako jom łokrzciyli
    Dziynki niym porosnoł
    Piosek zocnym lasym
    Kery przeca cieszy
    I nos ze tym czasym.
    --

    Stowa Stilo 1861-1904

    Koniec stowy tukej
    Jest poczontkym blizy
    Kero wydźwignyli
    Przeca jeszcze wyży.

    --
    forum.gazeta.pl/forum/71,1.html?f=28940
  • broneknotgeld 20.07.06, 20:48
    Stilo 1901

    Niymiecki Zwionzek Nawigacyjny
    Doł wniosek coby bliza budować
    Rzond pruski tymu tako przichylny
    Choć geld trza było na to wydować.
    --

    Niy yno bliza

    Niy yno bliza - buczka trza było
    Coby se we mgle larmo robiyło.
    --

    Walter Korte (1855-1914)

    Karlus w Berlinie zaprojektowoł
    W nawigacyjnych znakach łon majster
    Kunszt swoj Pomorzu tako tyż dowoł
    Bliza to przeca niy jest wihajster.

    --
    forum.gazeta.pl/forum/71,1.html?f=28940
  • broneknotgeld 20.07.06, 20:49
    "Julius Pintsch" - Berlin

    Fyrmy berliński dokumyntacjo
    Niy piyrszo jejich to bliza
    Szpecjalizacjom dyć nawigacjo
    Dlo szifow łoczy i dźwiyrza.
    --

    Stilo 1904

    Budowa zaczynto ślusorze se pocom
    W rok wieża postawiom choć niy robiom nocom
    Dyć jeszcze laterna trza gryfnie zmajstrować
    Coby byrna mogła we morze blyndować.
    --

    Werk z Gdańska

    Werk z Gdańska na bliza ze ajzy doł wszysko
    Tubingowo wieża tako Stilo zysko.

    --
    forum.gazeta.pl/forum/71,1.html?f=28940
  • broneknotgeld 20.07.06, 20:58
    Jako we zimie?

    Jako we zimie
    latarnik szczimie?
    Dyć mo cyntralne tu łogrzywanie
    I gruby korek tako na ścianie.
    --

    75 m.n.p.m.

    Tako latarnia wysoko stoji
    Blysko we morze daleko
    Zyjman se myni tu wydmow boji
    Rejs bezpieczniejszy go czeko.
    --

    Na Latarnikow

    Na Latarnikow do dzisioj stoji
    Mały familok ta sztela stroji
    W niym latarniki durś pomiyszkujom
    Tako i bajtli tyż wychowujom.

    --
    forum.gazeta.pl/forum/71,1.html?f=28940
  • broneknotgeld 21.07.06, 18:58
    "Wilhelm Weule" - Goslar

    Fyrma z Goslaru robi optyka
    Toż inkszym blizom ło tako rzykać
    Byrna łukowo tu na sztrom stały
    Sto dziesiyńć voltow - kop tym niymały.
    --

    81 800 marek

    Wszysko cuzamyn tela kosztuje
    Do cołki sety trocha brakuje.
    --

    Tabulka fyrmowo 1906

    Mesingowo tabulka w blizie była dugo
    Dyć złodziejske łoko tukej na nia mrugo
    By w końcu jom ukraść choćby na pamiontka
    Toż u nos utropa niyjednego kontka.

    --
    forum.gazeta.pl/forum/71,1.html?f=28940
  • broneknotgeld 21.07.06, 19:16
    Tabula pamiontkowo 2006

    Latoś już dali nowo tabula
    Tam kaj ta piyrszo - niy byda fulać
    Skiż gybusrstagu tako "replika"
    By niy ukradli - trza tyż porzykać.
    --

    Nautofon 1906

    Kilometer łod latarni przi plaży już stoji
    Buczy głośno - dyć se richtig zwiyrz aż tego boji
    Toż i Neptun tym wnerwiony - śle za falom fala
    Som se do sia tako pedzioł - "Kolumna łobala".
    --

    Buczek mgłowy

    Dwadziścia jedyn metrow wysoki
    Przi mgle za głośny se zdowo
    Dyć z tym zyjmany niy som boroki
    Szifom sygnały durś dowo.

    --
    forum.gazeta.pl/forum/71,1.html?f=28940
  • broneknotgeld 21.07.06, 21:24
    Bliza Stilo 1926

    Ano se wiela z tym pomiyniyło
    Byrna żarowo tako wstawiyło
    A przi złym trefie (choćby kurszlusie)
    Lampa gazowo łoświyco tu sie.
    --

    Przed drugom wojnom

    Toż jeszcze przeca przed drugom wojnom
    Przi blizie jest maszynownia
    Robota ze tym bardzi spokojnom
    Na miejscu tu "elektrownia".
    --

    Maszt meteo 1944

    Przi ścianie połnocny
    Łon ty maszynowni
    Terozki go niy ma
    Dyć przeca był downi

    W szejśćdziesiontych rokach
    Cołkym zatracony
    Bestoż go już prawie
    W pamiyńci niy momy.

    --
    forum.gazeta.pl/forum/71,1.html?f=28940
  • broneknotgeld 21.07.06, 21:48
    Z końcym wojny

    Z końcym wojny ze fligra
    Szczylali w ta bliza
    Dyć im tako łodpedziała
    -Rany se wyliża.
    --

    Stilo - kwieciyń 1946

    Po krotki przerwie zaś rozblysnyła
    Szejśćdziesiont rokow Polsce świyciyła
    I dali tako tyż przeca bydzie
    Choć seta klupła - durś niy we biydzie.

    --
    forum.gazeta.pl/forum/71,1.html?f=28940
  • broneknotgeld 27.07.06, 09:27
    Halogyny Stilo 1975

    Toż halogyny blyszczom terozki
    Aże do dzisioj już tako
    Ze łoświycyniym myni tyż troski
    Przi ćmoku zowdy jednako.
    --

    Ze buczka bliza

    Kolumna buczka ze blizy Stilo
    Teroz kaj ińdzi niebo już kilo
    Toż we Jastarni świyci na morze
    Oby durś tako - dej istny Boże.

    --
    forum.gazeta.pl/forum/71,1.html?f=28940
  • broneknotgeld 27.07.06, 09:33
    Nowo wieża nautofonu

    Ceglano wieża wybudowali
    Wiynkszo i dali łod plaży
    Tam stary buczek zamontowali
    Co dzisioj mozno se marzy

    Bo przeca wszysko prawie w ruinie
    Nautofon - downe tu dzieje
    I pamiyńć ło niym możno przeminie
    Purtek ze tego se śmieje.
    --

    Stilo nigdy niy zgaśnie?

    Mozno i zgaśnie dyć niychej stoji
    Zobytek przeca już zocny
    Druge sto rokow brzeg morski stroji
    Co we te blizy durś mocny.

    --
    forum.gazeta.pl/forum/71,1.html?f=28940
  • broneknotgeld 29.07.06, 16:57
    Po starym buczku

    Co po starym buczku do dzisioj łostało?
    Toż jeszcze cokołu morze niy zabrało.
    --

    Stulecie cokołu buczka

    Leży se na plaży i kłonio durś morzu
    Łon przeca tak samo sulecio tu dożoł.

    --

    Wieża nowego buczka

    Po nowym buczku wieża łostała
    Na widokowo by se tyż zdała
    Dyć we ruina drapko już idzie
    Za pora rokow zbulić czas przidzie.

    --
    forum.gazeta.pl/forum/71,1.html?f=28940
  • broneknotgeld 01.08.06, 19:28
    Apruzinowym szlakym

    Apruzinowym szlakym żech szoł
    Tako do Stilo dońść richtig chcioł
    Nogi do rzici chnetko właziyły
    Dyć na ta bliza w końcu trefiyły.

    --
    forum.gazeta.pl/forum/71,1.html?f=28940
  • broneknotgeld 25.07.06, 20:42
    Trasa "Wrzosowo"

    We choczewskim nadleśnictwie tyż se porajujesz
    Ta "Wrzosowo" trasa konno rzić ździybko poczuje.
    --
    forum.gazeta.pl/forum/71,1.html?f=28940
  • broneknotgeld 26.07.06, 15:38
    Czerwono podkowa

    Purtek na drzewo znak taki dowo
    Jak mu se dusza jakoś sprzedowo.
    --
    forum.gazeta.pl/forum/71,1.html?f=28940
  • broneknotgeld 26.07.06, 15:40
    Taki szlak

    W choczewskich lasach jest taki szlak
    Kaj końske muchy zerom cie tak
    Że porajtujesz szłapcugym zdrowo
    Czamu ta trasa zowiom "Wrzosowo"?
    --
    forum.gazeta.pl/forum/71,1.html?f=28940
  • broneknotgeld 03.08.06, 17:35
    Stary cmyntorz

    Miyndzy Jackowym a tym Biebrowym
    Cmyntorz żech "łodkrył" niynowy
    Czegosik ło niym se teroz dowiym
    Czy trefia na "cisza zmowy".
    --
    forum.gazeta.pl/forum/71,1.html?f=28940
  • broneknotgeld 03.08.06, 17:36
    Skazane

    Cmyntorze w tych stronach
    Tyż jakby skazane
    Choć już "lepsze czasy"
    Ździybeczko im dane.
    --
    forum.gazeta.pl/forum/71,1.html?f=28940
  • broneknotgeld 29.01.08, 19:04
    "Stilo"

    "Stilo" znaczy cisza
    A jo tu coś słysza
    Smutno szumi morze
    Miyj w łopiece Boże.
    --

    Za spokoj dusz

    Tako ze blizy na morze blikom
    Za spokoj dusz tyż se tukej rzykom
    Toż przeca tymu możecie wierzyć
    Kajś na dnie "Wilhelm Gustloff" tam leży.


    --
    Ruda Śląska - stolica fraszki
  • broneknotgeld 29.01.08, 19:06
    Osetnik

    Mało osada przi blizie "Stilo"
    Latym tu wiela turystow pylo
    Dyć potym cicho i prawie pusto
    Jakby se żyło tam niy za tusto.
    --
    Ruda Śląska - stolica fraszki
  • broneknotgeld 24.07.08, 19:54
    660 rokow Choczewa?

    Prawiom tu ło tym że starszo sztela?
    Toż wiela rokow zrachujom? Wiela?
    --
    Ruda Śląska - stolica fraszki
  • broneknotgeld 24.07.08, 19:57
    "Blizarium" choczewske

    Koncept "Blizarium" richtig ciekawy
    Dlo edukacji jak i zabawy
    Pokozać polskich blizow modele
    Prziciongać bydom tym do ty sztele.
    --
    Ruda Śląska - stolica fraszki
  • broneknotgeld 19.08.05, 20:56
    Osada Choczewo

    Wiela lot liczy? -Ciynżko zrachować
    W czinostym wieku szłoby jom schować.
    --
    forum.gazeta.pl/forum/71,1.html?f=28940
  • broneknotgeld 19.08.05, 21:15
    26.V.1348

    Wielki Mistrz Krziżacki wieś nadoł Jaśkowi
    Synowi łod Świńczy - możno to coś powiy.
    --
    forum.gazeta.pl/forum/71,1.html?f=28940
  • broneknotgeld 23.08.05, 22:29
    Jaśko syn Świńczy

    Sie z pomorskego rodu wywodzioł
    Ze Świńczy wele Pruszcza Gdańskiego
    Z Zakonym w zgodzie Jaśko tyż chodzioł
    Bezto Choczewo terozki jego.
    --
    forum.gazeta.pl/forum/71,1.html?f=28940
  • broneknotgeld 23.08.05, 22:30
    We rodzie Świńczow?

    We rodzie Świńczow dugo Choczewo?
    Recht w tym? Niy szkryfna jo jednak tego.
    --
    forum.gazeta.pl/forum/71,1.html?f=28940
  • broneknotgeld 23.08.05, 22:34
    Patynt lynny 1527

    Rod Jackowskich mocno stowo
    Toż sie wcale to niy zdowo
    Ich Biebrowo i Choczewo
    Ditzow dyć i te Jenczewo
    Przebendowo i Kierzkowo
    Tyż Zwartowo i Borkowo
    Z jejich mianym te Jackowo
    I Sasino ich sie stowo.
    --
    forum.gazeta.pl/forum/71,1.html?f=28940
  • broneknotgeld 23.08.05, 22:36
    Choczewo 1737

    Czasy Jackowskich już tu minyły
    Rod Folkersambow mo tela siyły
    Że dlo sia kupioł tyż i Choczewo
    Zdo sie to nowe lymborske drzewo
    Przeflancowane z Inflantow tukej
    Bo przeca piyrwyj tam jejich szukej.
    --
    forum.gazeta.pl/forum/71,1.html?f=28940
  • broneknotgeld 23.08.05, 22:39
    Familijo von Diezelsky 1774

    Toż zaś sie tako tu pomiyniyło
    Już von Diezelskych Choczewo było.

    --
    forum.gazeta.pl/forum/71,1.html?f=28940
  • broneknotgeld 23.08.05, 22:41
    Choczewsko familijo

    Von Diezelsky ze Choczewym we jedno sie zloli
    Przeca lot sto siedymdziesiont łoni tukej sioli
    Kwitnoł przi nich tyn majontek - rosnoł razym z niymi
    Zdo sie tyż tom solom byli ze kaszubski ziymi.
    --
    forum.gazeta.pl/forum/71,1.html?f=28940
  • broneknotgeld 23.08.05, 22:46
    +1939+

    Pomarła ślubno tukej dziedzica
    Tubera w końcu wygrała
    Nic to że śmiertka zgasiyła lica
    Przi dworze pani być chciała

    Toż pochowali jom wele dwora
    Mogiła stoji do dzisioj
    I choć łopisć prziszła już pora
    Za mało ło niyj żech słyszoł.
    --
    forum.gazeta.pl/forum/71,1.html?f=28940
  • broneknotgeld 23.08.05, 22:48
    Georg Robert von Diezelsky

    Mioł we armiji ranga majora
    Dyć niy boł nazista z niego
    Czas już łodległy - niy to co wczora
    Bestoż trza wspomnieć istnego.
    --
    forum.gazeta.pl/forum/71,1.html?f=28940
  • broneknotgeld 23.08.05, 22:50
    +1944+

    Wyszło co major antyfaszystom
    Ze Stauffenbergym kamracioł?
    Fragom to mojom jest yno czystom
    Życie we lagrze dyć stracioł.
    --
    forum.gazeta.pl/forum/71,1.html?f=28940
  • broneknotgeld 23.08.05, 22:52
    Ernest Oskar von Diezelsky +1943+

    Dziewiytnoście rokow pożył karlus yno
    Na ostfrońcie żywot kostucha ucino.
    --
    forum.gazeta.pl/forum/71,1.html?f=28940
  • broneknotgeld 23.08.05, 22:57
    Friederike von Diezelsky

    Czy cera richtig szalono była?
    Dyć we zakładzie żywot skończyła
    Zamordowano z nazistow woli
    Tym co niyrichtig łoni niy pszoli.
    --
    forum.gazeta.pl/forum/71,1.html?f=28940
  • broneknotgeld 23.08.05, 22:59
    Marie Klementine i Vera Elizabeth

    Dwie latorośle wojna przetrwały
    Dyć stond do Niymiec wnet wyjechały.
    --
    forum.gazeta.pl/forum/71,1.html?f=28940
  • broneknotgeld 23.08.05, 23:00
    Pałac von Diezelskych

    Stoji w Choczewie - ciyngym tu trwo
    Co go spotkało dobrze łon zno
    Zdo sie co teroz na lepsze idzie
    Toz niychej richtig już tako bydzie.
    --
    forum.gazeta.pl/forum/71,1.html?f=28940
  • broneknotgeld 23.08.05, 23:02
    Szkoła

    Ponoć se szkoła zaś w pałac wkludzi
    Czy bardzi pamiyńć ze tym łobudzi?
    W Niymcach łopyto za dziedzicami?
    Przeca my niy som w Europie sami.
    --
    forum.gazeta.pl/forum/71,1.html?f=28940
  • broneknotgeld 23.08.05, 23:04
    Co sie łostało?

    Co sie po parku tukej łostało?
    Pora lip zocnych - to już niymało
    I kasztanowcow gryfno aleja
    Szepto mi cosik ło downych dziejach.
    --
    forum.gazeta.pl/forum/71,1.html?f=28940
  • broneknotgeld 28.08.05, 10:55
    Łoziymnostu poległych 1914-1918

    Łoziymnostu z Choczewa życie swoje dało
    Dynkmal potym stanoł by se pamiyntało
    Tabula w granocie widzom moje łoczy
    Dyć zdo sie co tukej niy była we zocy

    Marmyr wiela szczimoł - wielke we niym rany
    Ajzynkrojc pewnikym był tukej skuwany
    Tako historyjo pomstliwie skrzeczała
    Serce ze kamiynia zdo sie bliźnim dała

    Szczyńściym w końcu szasy zmiyniyły ta sztela
    Na dolno tabula zoglondom jo teraz
    Za tych co straciyli sie w rokach nymieckich
    Możno porzykajom i polske już dziecki.
    --
    forum.gazeta.pl/forum/71,1.html?f=28940
  • broneknotgeld 28.08.05, 12:36
    Przi choczewskim kościele

    Co tu sie łostało po niymieckich grobach?
    Zoglondom na resztki i w gowa fest szkrobia
    Czy idzie podeptać ziymi historyjo?
    Dobrze co z tym fertig - dzisioj niy mecyjo.
    --
    forum.gazeta.pl/forum/71,1.html?f=28940
  • broneknotgeld 15.10.05, 16:23
    "Remedium"

    Pigulorza sztela miano take nosi
    Aże ło "remedium" chciało by sie prosić
    Dyć "żytomycynom" zowdy se kuruja
    Ze kożdym kielonkym jakby zdrowi czuja.
    --
    forum.gazeta.pl/forum/71,1.html?f=28940
  • broneknotgeld 04.06.07, 19:53
    60 rokow bibljotyki choczewski

    W choczewskim dworku ta bibljotyka
    Zocny gyburstag prawie fajruje
    Ło czytelnikow niy trza tam rzykać
    100 rokow - tela kożdy winszuje.
    --
    Ruda Śląska - stolica fraszki
  • broneknotgeld 21.02.08, 21:33
    Gromadzko Bibjotyka - 1947

    Już bibljotyka w Choczewie majom
    Bo przeca ksionzkom tu richtig pszajom
    Jan Top we ryncach swojich jom trzimie
    Tako tyż szkoła - toż mało drzymie.
    --
    Ruda Śląska - stolica fraszki
  • broneknotgeld 29.08.11, 00:11
    Choczewsko Społdzielnio Mlyczarsko - 1891

    W lymborskim powiecie piyrszo prawie była
    Społka ta dziedzina jakby podźwignyła
    Tu wiela majontkow mlyko łodstowiało
    I łod gospodorzy cosik dokłodało.
    --
    Ruda Śląska - stolica fraszki
  • broneknotgeld 29.08.11, 00:14
    28 majontkow mlycznych

    Aż tela majontkow mlyko tu dowało
    Toż niy ma co dziwać skond bogactwo brało
    Możno we Osiekach tyż za to rzykali
    Coby "rzeka" mlyka loła sie tu dali.
    --
    Ruda Śląska - stolica fraszki
  • broneknotgeld 18.10.07, 21:11
    Choczewo XIII w.???

    W trzinostym wieku już pewno było
    Choć historyji dyć jakby skryło
    Niy trza se tymu dzisioj dziwować
    Co we papiorach - na to nom stowiać.

    --
    Ruda Śląska - stolica fraszki
  • broneknotgeld 18.10.07, 21:14
    "Choczeschow" - 1348

    Prawym magdyburskim z nowa lokowane
    I Jaśkowi Świyncy we lynno już dane
    Ze tym historyjo Choczewa rozblysko
    Pewno se cieszyło dziedziny panisko.
    --
    Ruda Śląska - stolica fraszki
  • broneknotgeld 18.10.07, 21:15
    47 włok

    Ano - włok tela
    Mo Jaśka wioska
    Możno niywiela
    Dyć tyż niy troszka.
    --
    Ruda Śląska - stolica fraszki
  • broneknotgeld 19.10.07, 21:15
    "Kuskow" XV w.

    Sond lymborsko-pucki tak mianuje sztela
    Czy papiorow ziymskich było ło niyj wiela?
    --
    Ruda Śląska - stolica fraszki
  • broneknotgeld 20.10.07, 15:21
    "Cuiskow" 1414

    Sie ze Starbiyninym ło miedza wadziyli?
    Dyć mozno skiz tego nawet fest pobiyli
    Że aże sond ziymski nakaz wydać musi
    -"Niychej se pogodzom, a zowiść niy dusi".
    --
    Ruda Śląska - stolica fraszki
  • broneknotgeld 23.10.07, 18:44
    A możno Chućko?!

    A możno Chućko dźwignoł Chuciywo!
    Tu bajtli mnożyć wom se zachciywo?

    --
    Ruda Śląska - stolica fraszki
  • broneknotgeld 23.10.07, 18:46
    Z chuci?

    Z chuci se Choczewo wziyło?
    Mie by richtig to cieszyło!
    --
    Ruda Śląska - stolica fraszki
  • broneknotgeld 25.07.08, 21:20
    "Sledź Rybę czyli zdrówko" 26.VII.2008

    We Choczewie festyn z fiszom
    Niych kaj ińdzi ło tym słyszom
    I przijadom ti se bawić
    Trza uciecha duszy sprawić.
    --
    Ruda Śląska - stolica fraszki
  • broneknotgeld 25.07.08, 21:21
    Sie pokosztujesz

    Darmowy fiszy sie pokosztujesz
    Toz we sobota przijedx tu prawie
    Pewniktm wtedy i potańcujesz
    Aże do rana na ty zabawie.
    --
    Ruda Śląska - stolica fraszki
  • broneknotgeld 25.07.08, 21:23
    "Zdrowie z ikrom"

    Na rybnym festynie zdrowszy zaroz bydziesz
    I film se łoglondniesz i do formy przidziesz.
    --
    Ruda Śląska - stolica fraszki
  • broneknotgeld 25.07.08, 21:26
    Wodecki w Choczewie 26.VII.08

    Pod wieczor zaśpiywo! Czy zagro na krzipkach?
    Chycioł we Choczewie ktosik złoto rybka?
    Prawie na festynie winszowoł istnego?
    Możno brateringa tyż jeszcze do tego!
    --
    Ruda Śląska - stolica fraszki
  • broneknotgeld 29.08.11, 00:19
    Dziyńcielskego "dzieło"

    Ano - von Diezelsky tukej reskiyrowoł
    Toż kto krowy trzimoł - żoł dostatnio, zdrowo
    Z mlykym gyszeft idzie - piniondz fest sie suje
    Richtig to dziedzina festelnie raduje.
    --
    Ruda Śląska - stolica fraszki
  • broneknotgeld 29.08.11, 00:24
    20000 litrow

    Tela litrow mlyka co dziyń tu zwoziyli
    Syr, masło, maślonka - tako tym asiyli
    Dyć erbli nagroda na Torgach Poznańskich
    A przi tymu gyszeft to niy yno pański.
    --
    Ruda Śląska - stolica fraszki
  • broneknotgeld 29.08.11, 00:26
    Torgi Poznańske 1911

    Blysła na tych torgach mlyczarnio z Choczewa
    Druge miejsce miała - co jyj wiyncy trzeba?
    --
    Ruda Śląska - stolica fraszki
  • broneknotgeld 30.08.11, 22:21
    Choczewsko Mlyczarnio 1931

    Kej sztyrdziści rokow mlyczarnio już była
    Sie bardzi przi tymu jeszcze rozwinyła
    Kyjza już tu robiom i masła za tela
    Ech, trza bydzie beczek wiyncyj łod Folgera.

    --
    Ruda Śląska - stolica fraszki
  • broneknotgeld 30.08.11, 22:23
    15 cetnorow masła

    We rokach trzidziestych co dziyń tako było
    Masło ze Choczewa i Berlin cieszyło.
    --
    Ruda Śląska - stolica fraszki
  • broneknotgeld 30.08.11, 22:25
    Mlyczno krowa

    Krowa holynderka wiela mlyka dowo
    Czerwono-holsztyńsko tyż w zawody stowo
    Trzi tysionce litrow dać mlyka tustego
    Na rok - dyć tu wiela krowow "chyto" tego.
    --
    Ruda Śląska - stolica fraszki
  • broneknotgeld 30.08.11, 22:28
    Kej cug we Choczewie

    Kej cug we Choczewie na glajzach już stoji
    Mlyko sie w dziedzinie jakby zocni doji
    Toż masło z Choczewa daleko wywożom
    Tako sie bogacom i tyż wiyncyj wożom.
    --
    Ruda Śląska - stolica fraszki
  • broneknotgeld 30.08.11, 23:55
    U Fliessbachow

    U Fliessbachow duńske krowy
    holynderka co im powiy?
    Wiyncyj mlyka łona dowo?
    Czy sie chowie bardzi zdrowo?
    --
    Ruda Śląska - stolica fraszki
  • broneknotgeld 19.09.11, 22:35
    Kasa Zapomogowo-Pożyczkowo 1896

    Piyrszo we powiecie - Lymbork aż dziwowoł
    Kej gospodorz w kasie gyszeft idzie zdrowo
    Dyć i rzymieślnikom choczewskim sie darzy
    A kaj ińdzi jako? Ktosik yno marzy.
    --
    Ruda Śląska - stolica fraszki
  • broneknotgeld 19.09.11, 22:38
    Piyrwyj

    Piyrwyj niż ta kasa dom tyn przeca stoł
    Fasada ciekawo richtig prawie mioł
    Prawiom co go Żydy w dziedzinie stowiali
    Możno i porzykać sie tukej zbiyrali.
    --
    Ruda Śląska - stolica fraszki
  • broneknotgeld 19.09.11, 22:40
    W pożydowskim domie

    W pożydowskim domie "bank" co w gminie woży
    Rzymieślnikow cieszy, tako gospodorzy.
    --
    Ruda Śląska - stolica fraszki
  • broneknotgeld 21.11.12, 14:54
    Choczewo 666 - 1348-2014

    Za dwa roki - zdo sie chnet
    Purtkow zleci tu - dom wet
    Hexa z Wicka mi pedziała
    Zaproszynie już dostała
    Na gyburstag do Choczewa
    Rada tymu jako mewa.
    --
    Ruda Śląska - stolica fraszki
  • broneknotgeld 22.03.13, 22:37
    Choczewo 666!

    Purtki roz we Wicku były
    Heksom tam pozowiściyły
    Dyć aleja swoja majom
    Tam kuknijcie - jo niy bajom

    A w Choczewie psinco zdo sie!
    Djoskom ktosik gro na nosie?
    Sie przi gyburstagu zlecom
    Czy "Aleja Purtkow" sklecom?!
    --
    Ruda Śląska - stolica fraszki
  • broneknotgeld 20.08.05, 22:39
    15.VIII.1985-2005 Lubiatowo

    W dziyń Matki Boski kery tyż ziela
    We lubiatowskim małym kościele
    Jest dubeltowe przeca tyż świynto
    Dwadziścia rokow sztela pamiynto.
    --
    forum.gazeta.pl/forum/71,1.html?f=28940
  • broneknotgeld 21.08.05, 11:30
    Dwadziścia lot kościoła w Lubiatowie

    Pewno i tego farorz jest rod
    Jeździ z Choczewa dwadziścia lot.
    --
    forum.gazeta.pl/forum/71,1.html?f=28940
  • broneknotgeld 21.08.05, 11:33
    Dwie w jednym

    Kopalino z Lubiatowym tyn kościoł fest spino
    Sołtys jedyn na dwie wioski tyż se przipomino.
    --
    forum.gazeta.pl/forum/71,1.html?f=28940
  • broneknotgeld 24.08.05, 17:18
    Pani na Lubiatowie

    Toż Anna Dymna jak dobrze pódzie
    Tam paniom bydzie - wiydzcie to ludzie
    Niypełnosprawnym ośrodek zrobi?!
    Dyć niych i tako gmina łozdobi.
    --
    forum.gazeta.pl/forum/71,1.html?f=28940
  • broneknotgeld 08.10.05, 10:41
    Dworek Urzyndu Morskiego

    Urzond Morski w dworku siedzi
    Ło stan jego tyż sie biedzi
    Toż jest gryfny i zadbany
    Dyć przez kogo podziwiany?
    --
    forum.gazeta.pl/forum/71,1.html?f=28940
  • broneknotgeld 09.10.05, 10:23
    Niy widać

    Z drogi wiela go niy widać
    Drzewa przeca zasłoniajom
    A za przikłod tu trza by dać
    Co ło sztela tako dbajom.
    --
    forum.gazeta.pl/forum/71,1.html?f=28940
  • broneknotgeld 17.01.06, 19:47
    300-letnie cisy lubiatowske

    Ano - sztyry rosnom tako w jednym rzondku
    By cosik pedziały ło tym zocnym kontku
    Dyć przi łogrodzyniu z dalsza niy dosłyszysz
    Zdo ci sie co cisy rosnom w wielki ciszy.

    --
    forum.gazeta.pl/forum/71,1.html?f=28940
  • broneknotgeld 27.05.08, 11:31
    W siyła rośnie

    Lubiatowo w siyła rośnie
    Latoś widziołch to przi wiośnie.
    --
    Ruda Śląska - stolica fraszki
  • broneknotgeld 11.09.11, 20:23
    Lubiatowsko mszo

    Lubiatowsko mszo przi plaży
    -Możno tako wom sie marzy?
    Zowdy latym w Kopalinie
    To wos richtig niyłominie
    Zowdy latym w Lubiatowie
    Dyć sołectwo po połowie.
    --
    Ruda Śląska - stolica fraszki
  • broneknotgeld 09.10.05, 10:25
    Lubiatowo 1497

    Toż princ pomorski Bogusław dowo
    Dwom bratom zocne te Lubiatowo
    Hans no i Maciej - miana ich znajom
    Ło ta dziedzina przeca zadbajom.
    --
    forum.gazeta.pl/forum/71,1.html?f=28940
  • broneknotgeld 09.10.05, 10:27
    Lubiatowo Lubiatowskich

    Aże po wiek dziewiytnosty
    W familiji rynkach
    Dyć je w końcu łodsprzedali
    Chocioż w tym udrynka.
    --
    forum.gazeta.pl/forum/71,1.html?f=28940
  • broneknotgeld 09.10.05, 10:29
    Lubiatowo Triechelów 1811-1820

    Familijo tukej razym gospodarzy
    Dyć se ździybko jednak dziedzina rozłazi
    Toż Gustaw zamiyszkoł blisko - w Kopalinie
    W Lubiatowie tako prziszło Adolfinie.
    --
    forum.gazeta.pl/forum/71,1.html?f=28940
  • broneknotgeld 09.10.05, 10:31
    Adolfina i Albert Krammerowie

    Dyć Adolfina we wianie dała
    Majontek zocny kery tu miała
    We Lubiatowie dźwigli dwor nowy
    Stoji do dzisioj - jest cołkym zdrowy.
    --
    forum.gazeta.pl/forum/71,1.html?f=28940
  • broneknotgeld 09.10.05, 10:33
    Lubiatowski dworek 1846

    Na bezrok zocny gyburstag bydzie
    Możno łotworzyć wrota mu przidzie
    By "dni łotwarte" mogli zrychtować
    Przikłod i tako inkszym tyż dować.
    --
    forum.gazeta.pl/forum/71,1.html?f=28940
  • broneknotgeld 09.10.05, 10:35
    Albrecht Krammer

    Adolfina pochowoł
    -ślubno wzioł se drugo
    Dyć z Maryjom ponoć
    niy pożył za dugo.
    --
    forum.gazeta.pl/forum/71,1.html?f=28940
  • broneknotgeld 09.10.05, 10:37
    Lubiatowo 1912

    Stary Krammer pomarł
    Wdowa rozsprzedowo
    Co po chopie erbła
    -Dyć za tym niy stowo.
    --
    forum.gazeta.pl/forum/71,1.html?f=28940
  • broneknotgeld 09.10.05, 10:38
    Lubiatowo Hoffmana

    Folwark Hoffman kupioł
    Czy dugo go czimoł?
    -We tym Lubiatowie
    Wiela niy podrzymoł.
    --
    forum.gazeta.pl/forum/71,1.html?f=28940
  • broneknotgeld 15.10.05, 15:31
    Roz w Lubiatowie zabrakło piwa
    Dziurom to było - niy trza sie dziwać
    Toż w staro krypa beczki wkulali
    Do Mikołaja tyż porzykali
    I wypłynyli śmiało na morze
    Dej se im wrocić ze biyrym Boże!
    --
    forum.gazeta.pl/forum/71,1.html?f=28940
  • broneknotgeld 15.10.05, 15:34
    Ano - we Gdańsku przezocny browar
    Słodu niy skompioł przeca piwowar
    Jak se tam znodli ździybko popiyli
    I beki pełne w ładownia wziyli
    Bo w Lubiatowie brand wielki - pra?
    Drapko im wrocić terozki trza.
    --
    forum.gazeta.pl/forum/71,1.html?f=28940
  • broneknotgeld 15.10.05, 15:36
    Dyć w gowie żdziybko im już szumiało
    Porzykać wszyskim se zapomniało
    A morze groźne bo czeko burzy
    Zarozki zaczło tyż niebo chmurzyć
    Dyszczym lunyło wiater cis fale
    Niy było leko terozki wcale
    --
    forum.gazeta.pl/forum/71,1.html?f=28940
  • broneknotgeld 15.10.05, 15:39
    Tref zły i krypa przeca już staro
    Downe to czasy jak była jaro
    Lubiatowiany w wielki utropie
    Kto teroz za nich piwo wyżłopie?
    Choć beki pełne życio im szkoda
    Trefiyła groźno se fest przigoda
    --
    forum.gazeta.pl/forum/71,1.html?f=28940
  • broneknotgeld 15.10.05, 15:42
    Ćmok rychło prziszoł - ducha straciyli
    Już pewni śmierci na morzu byli
    Dyć ktosik światło z dala wypaczoł
    Latarnio Stilo?! Bog znak dać raczoł?!
    Toż w jeji strona teroz sterujom
    Szansa ratunku tako już czujom
    --
    forum.gazeta.pl/forum/71,1.html?f=28940
  • broneknotgeld 15.10.05, 15:44
    W końcu szkorupa fala ciepnyła
    Na brzeg - a tako była w tym siyła
    Że staro łajba se rozsypała
    Niyjedna beka zaś pokulała
    Do somsiedniego gynstego lasu
    Trza było szukać biyra zawczasu.
    --
    forum.gazeta.pl/forum/71,1.html?f=28940
  • broneknotgeld 15.10.05, 15:46
    Dziw to nad dziwy - wszyske sie znodły
    Tref chocioż ciynżki dyć niy był podły
    Jedna zarozki łodszpuntowali
    Ze "wiktoryji" uradowali
    Żyć przeca zowdy lepi z tym piwym
    Kożdy przi tymu zdo sie szczyńśliwy
    --
    forum.gazeta.pl/forum/71,1.html?f=28940
  • broneknotgeld 15.10.05, 15:49
    A jo se dropia teroz po gowie
    Usyszołch tako we Lubiatowie
    Toż stary Kaszub mi ło tym prawioł
    Choć se zdowało że tako bawioł
    Czy stond "Wiktorii" richtig jest miano?
    Biyr mi łodpowiy - dyć jutro rano.
    --
    forum.gazeta.pl/forum/71,1.html?f=28940
  • broneknotgeld 14.10.05, 19:50
    "Lubiatowo - wejście 44"

    Sztyrdziści sztyry - cosik mi świto
    Czy wieszcz jakowyś se tako wito?
    "Sztyrdziści sztyry" - czyje to miano?
    Niy społ żech w nocy - spokopiołch rano.
    --
    forum.gazeta.pl/forum/71,1.html?f=28940
  • broneknotgeld 14.10.05, 19:54
    Ośrodek Wczasowy "Wiktoria"

    Tu staro krypa nawet znojdziecie
    A na niyj beczka - toż wiycie przecie
    Że sie fest tymu niy trza wom dziwać
    Czamy na łajbie łona do piwa?
    --
    forum.gazeta.pl/forum/71,1.html?f=28940
  • broneknotgeld 15.10.05, 15:27
    Lubiatowsko krypa

    Ano "Wiktorii" tyż miano nosi
    Tako wygrano nad morzym głosi
    A wszysko skuli piwa se stało
    Pijcie i niychej niy ma wom mało!
    --
    forum.gazeta.pl/forum/71,1.html?f=28940
  • broneknotgeld 13.10.07, 11:25
    Lubiatowo - Bałtycko

    Se Bałtyckom już pomykom
    Ano, ano - do Bałtyku.
    --
    Ruda Śląska - stolica fraszki
  • broneknotgeld 14.10.07, 23:17
    "Dziobakowo"?

    W Lubiatowie "Dziobakowo"?
    Kolanijo Dziobak stowio?
    --
    Ruda Śląska - stolica fraszki
  • broneknotgeld 28.07.08, 10:05
    Rośnie

    Lubiatowo w siyła rośnie
    Latoś widziołch to przi wiośnie.
    --
    Ruda Śląska - stolica fraszki
  • broneknotgeld 28.07.08, 09:59
    Lubić do sie

    Lubiatowo lubić do sie
    Jak te piegi co na nosie.
    --
    Ruda Śląska - stolica fraszki
  • broneknotgeld 09.08.08, 14:52
    300-letnie lubiatowske cisy

    Ano - sztyry rosnom tako w jednym rzondku
    By cosik pedziały ło tym zocnym kontku
    Dyć przez łogrodzynie z dalsza kto dosłyszy?
    Zdo sie co te cisy rosnom w wielki ciszy.
    --
    Ruda Śląska - stolica fraszki
  • broneknotgeld 28.08.11, 23:59
    Latoś nad morzym

    Latoś mie słonko niy rozpieszczało
    We Kopalinie było go mało
    Tyż tako samo kaj Lubiatowo
    -Za to poloło dyszczym dość zdrowo!
    --
    Ruda Śląska - stolica fraszki
  • broneknotgeld 29.08.11, 00:05
    Śledzia wyndzonego

    Śledzia wyndzonego
    Do dzisioj pamiyntom
    Jod żech go ciepłego
    Rybom niy zoklyntom
    Ech, smakowoł richtig mi we Lubiatowie
    Na bezrok zaś kukna - już dzisioj mom w gowie.
    --
    Ruda Śląska - stolica fraszki
  • broneknotgeld 16.09.12, 20:33
    Na Bałtycki

    W Lubiatowie na Bałtycki
    W "Złoty Rybce" siedza wdycki
    Niy dziwota - "tyske" majom
    Toz niy psiocza i niy wajom.
    --
    Ruda Śląska - stolica fraszki
  • broneknotgeld 16.09.12, 20:35
    We "Złoty Rybce"

    We "Złoty Rybce" co se winszujesz
    Tako żołondek swoj uradujesz
    Yno dej pozor, niy skompia prowdy
    Portmanyj rod tam jednak niy zowdy.
    --
    Ruda Śląska - stolica fraszki
  • broneknotgeld 16.09.12, 20:37
    Smażalnio "Złoto Rybka"

    Co usmażom? Co uwarzom?
    -Co letniki se zamarzom.
    --
    Ruda Śląska - stolica fraszki
  • broneknotgeld 16.09.12, 20:38
    Halibut

    Halibuta - chocioż drogi
    Se zjym kej tu kryncom nogi
    Halibuta pokosztuja
    W "Złoty Rybce" uraduja.
    --
    Ruda Śląska - stolica fraszki
  • broneknotgeld 16.09.12, 20:40
    Wyndzony ślydź

    Ślydź siyżo wyndzony
    W "Złoty Rybce" momy
    I "tyske" przi tymu
    Aż godom do rymu!
    --
    Ruda Śląska - stolica fraszki
  • broneknotgeld 14.10.12, 14:32
    Lubiatowo - lipiec 2012

    Blyszczy teroz Lubiatowo
    Richtig antyatomowo
    Som obozy i festyny
    Zdo sie co ciekawi driny
    "Sztromwerk" tukej na uranie
    Zdo sie nigdy niy powstanie.
    --
    Ruda Śląska - stolica fraszki
  • broneknotgeld 19.11.12, 22:21
    Sie winszowali

    We "Złoty Rybce" sie winszowali
    Coby w ty gminie "zolytowali"
    Ze solarami, słonkym, wietrzyskym
    Zdo sie co atom sztyngły tu wszyskim.
    --
    Ruda Śląska - stolica fraszki
  • broneknotgeld 11.02.13, 23:30
    Przi lubiatowski plaży

    Latoś już domki nowe przi plaży
    We kożdym cosik zocnego warzy
    Niy krepniesz z głodu
    Tako ci godom
    Zjydz coś dobrego jako ci marzy.
    --
    Ruda Śląska - stolica fraszki
  • broneknotgeld 20.08.05, 22:43
    Kopaliński "czyn łodpustowy"

    Choć to niy wyszło ze moji gowy
    Toz żech zoliczoł "czyn łodpustowy"
    Czech za robota łostro chyciyło
    Tam konsek drogi se utwordziyło

    Na działki wjazd już suchy terozki
    Z wywozym szamba myni tyż troski
    Choć ździybko mynczy mało utropa
    Że uno tela wciongło to chopa.
    --
    forum.gazeta.pl/forum/71,1.html?f=28940
  • broneknotgeld 20.08.05, 23:04
    Restauracyjo wegetariańsko

    Jest restauracyjo nowo w Kopalinie
    Tam wegetariańsko kuchnia cie niy minie
    Toż wzioł żech se krupy z zołzom meksykańskom
    Dobre choć sie zdało porcyjom cygańskom
    Dyć możno ze czasym dońdom tu do tego
    Wiyncy krupow sypnom do danio istnego.
    --
    forum.gazeta.pl/forum/71,1.html?f=28940
  • broneknotgeld 21.08.05, 11:25
    Na Morski w Kopalinie

    Ło czym mi szumiom dymby na Morski?
    Czi kilometry - krok czimia dziorski
    Byda na plaży za poł godziny
    W som roz by niy mieć skrziwiony miny.
    --
    forum.gazeta.pl/forum/71,1.html?f=28940
  • broneknotgeld 21.08.05, 11:27
    Domb ze Morski

    Na końcu morski domb wielki stoji
    Wiela lot? -Tego po prowdzie niy wiym
    Zdo sie dostojny i nic niy boji
    Łon Kopalina tyż jakimś dziwym.
    --
    forum.gazeta.pl/forum/71,1.html?f=28940
  • broneknotgeld 21.08.05, 11:29
    Toż Kopalino

    Toż Kopalino dworku niy miało?
    Dyć przeca ździybko i tego chciało
    Bestoż terozki jakby sam rośnie
    Pynsjonat sztartnie pewno ku wiośnie.
    --
    forum.gazeta.pl/forum/71,1.html?f=28940
  • broneknotgeld 21.08.05, 20:09
    Drink z "Antonia"

    "Szraubyncijer Meksykański"
    Skiż teqili niy cygański
    W zofcie dyć za apruziny
    Lyj do gymby tako driny.
    --
    forum.gazeta.pl/forum/71,1.html?f=28940
  • broneknotgeld 24.08.05, 17:23
    W Jeziorze Kopalińskim

    Już ze rana kije mocza
    Wiynkszo fisza jo łobocza?
    Toż tu prawie pitle bierom
    Epne som? Czy nic niy żerom?
    --
    forum.gazeta.pl/forum/71,1.html?f=28940
  • broneknotgeld 28.08.05, 23:12
    Stolem w Kopalinie

    Stolem tu łazioł za swojim capym
    We Kopalinie łostoł ślad szłapy
    Woda go jednak cołkym zaloła
    W końcu Capowka przi niymu stoła.
    --
    forum.gazeta.pl/forum/71,1.html?f=28940
  • broneknotgeld 28.08.05, 23:15
    Dziwom se

    Dziwom se boćkom we Kopalinie
    Toż dopisało szczyńście dziedzinie
    W piontka furgajom teroz nad łonkom
    A jo we piwie gymba se tonkom.
    --
    forum.gazeta.pl/forum/71,1.html?f=28940
  • broneknotgeld 14.10.05, 19:40
    Kopaliński krziż

    Ano - ze ajzy ta "Bożo Mynka"
    Pod niym kapliczka - szłoby tu klynkać
    W niyj Matki Boski stoji figura
    A Krystus wisi jakby we chmurach.
    --
    forum.gazeta.pl/forum/71,1.html?f=28940
  • broneknotgeld 14.10.05, 19:42
    "Morske" wilgi

    Spotkołch na Morski jo wilgow porka
    Spytały - Bydziesz tukej do wtorka?
    Niy - we pyńdziałek już jada dodom
    Rzegnom se z morzym - tako im godom.
    --
    forum.gazeta.pl/forum/71,1.html?f=28940
  • broneknotgeld 14.10.05, 19:44
    Jeszcze wiela

    Hej - borowek jeszcze wiela!
    Se czerwiyni leśno sztela
    Gorzko-kwaśny smaczek majom
    Zimom w doma przidowajom.


    --
    forum.gazeta.pl/forum/71,1.html?f=28940
  • broneknotgeld 25.10.05, 19:07
    Jaśkowo krasula

    Łostatnio krowa we Kopalinie
    Toż atrakcyjo niych cie niy minie
    Ze rozkosmanom Jasiu tu myjnom
    Cud wom pokoże - łona unijnom!

    Toż kto po cycku chce jom pomacać
    Euro wyciongnie - na moja glaca!
    Wiela we wercie gowiydź jest jego
    Tako spokopiołch koncept istnego.


    --
    forum.gazeta.pl/forum/71,1.html?f=28940
  • broneknotgeld 23.05.06, 21:47
    Chlyb oliwski

    Chlyb oliwski ze Bolszewa
    W Kopalinie żech zajodoł
    Wszyndy nałokoło drzewa
    Wiyncy wom niy byda godoł.
    --
    forum.gazeta.pl/forum/71,1.html?f=28940
  • broneknotgeld 27.05.06, 20:42
    Na Bursztynowy

    Kopaliński znak drogowy
    Poznowo nikere gowy
    Gwiozdki bursztynowe śle
    Ano niy ma ze niym źle.

    --
    forum.gazeta.pl/forum/71,1.html?f=28940
  • broneknotgeld 02.07.06, 09:56
    Purtka zaś spotkom we Kopalinie
    Czi ćwierci wypić mie z niym niy minie
    Łon już kopytkym ło kamyń stuko
    Bronkanotgelda po lesie szuko.
    --
    forum.gazeta.pl/forum/71,1.html?f=28940
  • broneknotgeld 04.07.07, 17:07
    W Kopalinie

    Ech - naprowdy rośnie wszysko
    Już niy wioska a letnisko.
    --
    Ruda Śląska - stolica fraszki
  • broneknotgeld 04.07.07, 17:10
    "Szlachecke gniozdo"

    "Szlachecke gniozdo" we Kopalinie
    Restauracyji już niy łominiesz
    Toż jako dworek gryfny se jawi
    Brzuch ci napełni i tyż zabawi.
    --
    Ruda Śląska - stolica fraszki
  • broneknotgeld 04.07.07, 17:11
    "Szlachecke Gniozdo" 30.VI.2007

    Ano - łotwarli, dyć ło tym pisza
    Jak tam wesoło tu chnetko cisza.

    --
    Ruda Śląska - stolica fraszki
  • broneknotgeld 04.07.07, 17:14
    We łotwarcie "Szlacheckego Gniozda"

    W dziyń łotwarcio richtig loło
    Toż skiż tego mniyj wesoło
    Przi pogaodzie fest "barowy"
    Trunek bardzi loz do głowy.
    --
    Ruda Śląska - stolica fraszki
  • broneknotgeld 04.07.07, 17:17
    Dlo vipow

    We "Szlacheckim Gnioździe" dlo vipow "pokropek"
    I uciechy stołu z końcym czyrwca tako
    Dyć lipiec już momy - z frelkom przidzie chopek
    Se we Kopalinie zabawiom jednako.
    --
    Ruda Śląska - stolica fraszki
  • broneknotgeld 06.07.07, 23:37
    "Szlachecke Gniozdo" 1.VII.2007

    Ano - choć jo niy herbowy
    Tam mi włos niy spadnoł z głowy.
    --
    Ruda Śląska - stolica fraszki
  • broneknotgeld 06.07.07, 23:39
    "Szlachecke Gniozdo" 7.VII.2007

    Krzysztof Krawczyk tam zaśpiywo
    To pewnikym wos niy dziwo
    "Dinozaur" durś we modzie
    Toz go widać i przi wodzie.
    --
    Ruda Śląska - stolica fraszki
  • broneknotgeld 02.08.07, 18:43
    Dyć chnet środa - jak już przidzie
    W Kopalinie człowiek bydzie.
    --
    Ruda Śląska - stolica fraszki
  • broneknotgeld 28.09.08, 22:32
    Ze końcym września w "Szlacheckim Gnioździe"

    Ech - ze końcym wrzesnia "żywca" tukej piołch
    We restauracyji yno jo żech boł?
    Dyć wele kominka jeszcze ktosik siedzioł
    Zdało sie że djosek - tako bych wom pedzioł.




    --
    Ruda Śląska - stolica fraszki
  • broneknotgeld 28.09.08, 22:35
    Chcioł

    Djosek we tym "Gnioździe" chcioł poszukać jojka
    Dyć spokopioł w końcu że to inkszo bojka
    Toż zicnoł za stołym i biyra winszowoł
    Prawiom ze tyż duszom frelki poczynstowoł
    Kery w Kopalinie se pieronym ckniyło
    Ano - we tym prowdy cosik richtig było.

    --
    Ruda Śląska - stolica fraszki
  • broneknotgeld 29.09.08, 20:07
    Dwie kanony

    Przi "Szlacheckim Gnioździe" dwie kanony stojom
    Ponoć skuli tego, że purtki tu brojom
    Toż jedyno rada - łostro zaczońć strzylać
    Zowdy wtedy drapko chcom do piekła pylać.
    --
    Ruda Śląska - stolica fraszki
  • broneknotgeld 29.09.08, 20:09
    Skrod dusza

    Purtek skrod dusza we Kopalinie
    Tako se stało richtig w dziedzinie
    W "Szlacheckim Gnioździe" żelosko majom
    Do środka duszy już niy dowajom.
    --
    Ruda Śląska - stolica fraszki
  • broneknotgeld 01.10.08, 18:07
    Duch we zbroji

    Łazi tyn istny po Kopalinie
    Wele połnocy niych cie niy minie
    Bo zowdy trefisz potym nad morze
    A tam przed toniom broń cie już Boże.
    --
    Ruda Śląska - stolica fraszki
  • broneknotgeld 01.10.08, 18:08
    Placki kartoflane po rycersku

    Kartoflane placki po rycersku zjysz
    Miecza do nich niy trza - już terozki wiysz.
    --
    Ruda Śląska - stolica fraszki
  • broneknotgeld 01.10.08, 18:12
    Niy znojdziecie

    Dworku junkra w Kopalinie
    Dzisioj niy znojdziecie
    Dyć "szlacheckim Gniozdym" słynie
    Czego wiyncy chcecie?
    --
    Ruda Śląska - stolica fraszki
  • broneknotgeld 02.10.08, 23:13
    We "Szlacheckim Gnioździe"

    We "Szlacheckim Gnioździe" apartamynt majom
    Ponoć w niym se nawet ołpa z ołmom pszajom
    Take cuda dziejom we tym Kopalinie
    Jak tu kedyś trefisz to cie tyż niy minie.
    --
    Ruda Śląska - stolica fraszki
  • broneknotgeld 02.10.08, 23:15
    Pryk ze baldachym

    W "Szlacheckim Gnioździe" pryk ze baldachym
    Znojdziesz tam ślubno ze jeji gachym?
    --
    Ruda Śląska - stolica fraszki
  • broneknotgeld 05.10.08, 11:57
    Kaj "Szlachecke gniozdo" piyrwyj purtek kukoł
    Zowdy tu we krzokach ponoć frelek szukoł
    Kere chuciom swojom djoska fest nyńciyły
    Ponoć skuli niego w siodmym niebie były.
    --
    Ruda Śląska - stolica fraszki
  • broneknotgeld 05.10.08, 11:59
    Na wyrost?

    "Na wyrost" tukej restauracyjo?
    Wyrosła gryfno - niy komedyjo
    Toż mi we gowie tyn koncept migo
    -"Szlachecke gniozdo" dziedzina dźwigo.
    --
    Ruda Śląska - stolica fraszki
  • broneknotgeld 05.10.08, 12:01
    Niy znojdziecie

    Dworku junkra w Kopalinie
    Dzisioj niy znojdziecie
    Dyć "Szlacheckim Gniozdym" słynie!
    Czego wiyncy chcecie?

    --
    Ruda Śląska - stolica fraszki
  • broneknotgeld 28.08.07, 16:52
    Żech se w Kopalinie miesionczkowi dziwoł
    Niyroz tyż zdowało że mi jakby kiwoł.

    --
    Ruda Śląska - stolica fraszki
  • broneknotgeld 09.10.07, 19:40
    Na Kwiatowy

    Wiela kwiotkow na Kwiatowy?
    -Kopalino niych łodpowiy.
    --
    Ruda Śląska - stolica fraszki
  • broneknotgeld 14.10.07, 23:18
    Kopalino - Leśno

    Leśno cie we las prowadzi
    Szczyńściym wcale to niy wadzi
    Kopalino zdo sie w borze
    No i richtig blisko morze.
    --
    Ruda Śląska - stolica fraszki
  • broneknotgeld 30.06.09, 16:26
    Trowa kosiołch w Kopalinie
    I po plaży szpacyrowoł
    Myślołch ło rudzki
    Dyć na forum nic niy dowoł.
    --
    Ruda Śląska - stolica fraszki
  • broneknotgeld 22.12.07, 21:42
    Capowka we Kopalinie

    Cigi capa wykopały
    Bo se z młodszym parzyć chciały
    Po ty cały kopaninie
    Zdechnoł istny w Kopalinie

    Tako we Choczewie prawiom
    Downe czasy dzieciom jawiom
    Już niy musisz mynczyć głowki
    Jak zoglondniesz do Capowki.
    --
    Ruda Śląska - stolica fraszki
  • broneknotgeld 22.12.07, 22:00
    Dynkmal capa?!

    W Kopalinie bych postawioł
    Coby se wandrusom jawioł
    Prawie jako znak dziedziny
    Niych se dowiy kto już driny.
    --
    Ruda Śląska - stolica fraszki
  • broneknotgeld 22.12.07, 22:04
    Stary cap

    Ze Choczewa wykopany
    Trefioł prawie tu nad ranym
    Przi jeziorku witoł słonko
    Broda w zimny wodzie tonkoł
    Dyć po prowdzie fest tyż tropioł
    Aże w końcu sie utopioł.
    --
    Ruda Śląska - stolica fraszki
  • broneknotgeld 22.12.07, 22:05
    Czy z kopanio?

    Czy z kopanio Kopalino?
    Ło tym capie wspomna ino
    Dyć już wiekym żech niy młody
    -Lepi jak niy znojda wody.
    --
    Ruda Śląska - stolica fraszki
  • broneknotgeld 28.01.08, 17:07
    W choczewski gminie

    W choczewski gminie "Szlachecke Gniazdo"
    Pewnikym purtek komuś tu nazdoł
    I se choć tako stare wrociyło
    Szlachcic czy junker - jako mu było?

    --
    Ruda Śląska - stolica fraszki
  • broneknotgeld 17.02.08, 19:17
    Choć mie Kopalino słonkym prziwitało
    Dyć terozki widza że zdo sie go mało.
    --
    Ruda Śląska - stolica fraszki
  • broneknotgeld 24.07.08, 20:01
    Choczewski purtek we "Złoty rybce"

    Do "Złoty rybki" purtek roz prziszoł
    Pado - Jo nudli niy byda wiyszoł
    Dyć bych se biyra tukej winszowoł
    Łoj - jako pedzioł tako sie stowo!
    --
    Ruda Śląska - stolica fraszki
  • broneknotgeld 24.07.08, 20:04
    "Złoto rybka"

    W Kopalinie "Złoto rybka" do sia gości prosi
    Tu zoglondnie nawet taki co marzyń niy nosi.
    --
    Ruda Śląska - stolica fraszki
  • broneknotgeld 24.07.08, 20:08
    W "Złoty rybce"

    Żech se biyra powinszowoł
    Niy roz, niy dwa, tyż niy trzi
    Zowdy dyć przedymnom stowo
    Złoto rybka - to sie wiy.
    --
    Ruda Śląska - stolica fraszki
  • broneknotgeld 24.07.08, 20:10
    Wymarzoł

    We "Złoty rybce" ło frelce marzoł
    I tref mu prawie istno przidarzoł
    Mozno przi biyrza jak medytowoł
    Fisza słyszała - to mi sie zdowo.

    --
    Ruda Śląska - stolica fraszki
  • broneknotgeld 24.07.08, 20:12
    Przi stary rymizie

    Przi stary rymizie "Złoto rybka" majom
    Tam pojym, popija - toż już niy zawajom.
    --
    Ruda Śląska - stolica fraszki
  • broneknotgeld 24.07.08, 20:14
    Ło czym marzy?

    Ło czym "Złoto rybka" marzy?
    Se szlachectwo jyj przidarzy?
    Wele "Gniozda" przeca prawie
    Tako richtig tu na jawie!
    --
    Ruda Śląska - stolica fraszki
  • broneknotgeld 27.07.08, 16:46
    W barze "Wilga"

    W barze "Wilga" jest natura?
    "Toy-toy" to niy w ziymi dziura.
    --
    Ruda Śląska - stolica fraszki
  • broneknotgeld 29.07.08, 17:22
    V festyn kopaliński 19.VII.2008

    Ano - jubileuszowy
    Tako wlazło mi do gowy
    Sie w sołectwie zabowiyli
    Gościom radość tyż sprowiyli.
    --
    Ruda Śląska - stolica fraszki
  • broneknotgeld 28.07.08, 09:55
    Dynkmal capa?

    By pasowoł w Kopalinie
    Kedyś stanie w ty dziedzinie?
    Pacanowa niy trza szukać
    Tu na capa pódzie kukać?

    --
    Ruda Śląska - stolica fraszki
  • broneknotgeld 28.07.08, 09:56
    Na Konwaliowy

    Koncept taki wloz do gowy
    -Stoji cap na Konwaliowy
    Se dziwujom mu fest tykej
    Kaj inkszego w Polsce szukej?
    --
    Ruda Śląska - stolica fraszki
  • broneknotgeld 28.07.08, 09:58
    Jakby

    Jakby Kopalinu se godła zachciało
    Pewnikym by capa na nie z chyńciom brało.
    --
    Ruda Śląska - stolica fraszki
  • broneknotgeld 29.07.08, 09:48
    Ptoszki w Kopalinie

    Ptoszki z rana budzom mie we Kopalinie
    Ech - urlop se kończy, co dobre chnet minie.
    --
    Ruda Śląska - stolica fraszki
  • broneknotgeld 29.07.08, 09:50
    Ze Kopalina śla pozdrowiynia
    Zapomnieć forum niy mom sumiynia
    Czy kosza trowa, czy kostka kłada
    Ze rymym ślonskim zdo mi sie jada.
    --
    Ruda Śląska - stolica fraszki
  • broneknotgeld 27.07.08, 17:01
    Purtek we "Szlacheckim Gnioździe"

    Zjechoł tu purtek roz na gościna
    Poru kamratow ze niym cuzamyn
    Kożdy z nich robi fest tyngo mina
    Szefowo myśli - terozki amyn

    Dyć biyra w kufle przeca naloli
    Kuchorz uwinoł drapko przi garach
    Choć se rogatych richtig tu boli
    Trza ło klijynta było tyż starać

    Purtek choczewski blysnoł kopytym
    Za wszysko złotkym twardym zapłacioł
    Ech - zachichotoł złośliwie przi tym
    Bo jak wyleźli piniondz sie stracioł

    Toż krziż na droga, niywielko strata
    Cosik gorszego mogło być przeca
    Zły tref djosecko niesie zapłata
    Niy darmo ło tym jo tukej kleca.


    --
    Ruda Śląska - stolica fraszki
  • broneknotgeld 29.07.08, 17:11
    Jest w Kopalinie

    "Szlachecke Gniozdo" jest w Kopalinie
    Toż jako cudo we ty dziedzinie
    Co lepsze czsy zarozki wróży
    Zdo sie tu dongom kero po burzy.
    --
    Ruda Śląska - stolica fraszki
  • broneknotgeld 29.07.08, 17:16
    Młyn we Kopalinie

    Młyn we Kopalinie na maluśki strudze
    Wody w niyj niywiela - szło prawić ło cudzie
    Dyć to piyrwyj było - dzisioj yno ślady
    Czas już swoje zrobioł, niy ma na to rady,
    --
    Ruda Śląska - stolica fraszki
  • broneknotgeld 29.07.08, 17:18
    Zicnoł se purtek

    Zicnoł se purtek przi starym młynie
    Żol że to wszysko w taki ruinie
    Przeca pamiynto lepsze tu czasy
    Ech - juzaś kogoś djosek postraszy!
    --
    Ruda Śląska - stolica fraszki
  • broneknotgeld 12.11.09, 21:25

    Witom, witom z Kopalina
    Mom niyhersko prawie mina
    Bo Internet ze komorki
    Niy pokulo sie i z gorki

    Klikna i piyńć minut czekom
    Czy godziny rowne wiekom?
    Kupiołch karta żech I-Plusa
    Sygnał mom, dyć psioczyć musza.--
    Ruda Śląska - stolica fraszki
  • broneknotgeld 26.06.11, 09:54
    We Kopalinie

    Kej dyszcz cie tropi we Kopalinie
    Pewnikym nuda tyż niy łominie
    Abo ze Smyntkym trefisz przi biyrku
    Chyba że gorko frela mosz w wyrku.
    --
    Ruda Śląska - stolica fraszki
  • broneknotgeld 28.08.11, 23:59
    Latoś nad morzym

    Latoś mie słonko niy rozpieszczało
    We Kopalinie było go mało
    Tyż tako samo kaj Lubiatowo
    -Za to poloło dyszczym dość zdrowo!
    --
    Ruda Śląska - stolica fraszki
  • broneknotgeld 05.09.11, 23:27
    We Kopalinie "U Gabi"

    Piwo tonio lejom
    Toż chopy se śmiejom
    Baby mniyj radujom
    Tak czy siak - poczujom.
    --
    Ruda Śląska - stolica fraszki
  • broneknotgeld 05.09.11, 23:33
    "U Gabi"

    Piyrwyj futrowali mie tu zielyninom
    Teroz zjysz se łobiod prawie z wieprzowinom
    I popijesz biyrkym coby lepi strowić
    "U Gabi" sie idzie czasym tyż zabowić.

    --
    Ruda Śląska - stolica fraszki
  • broneknotgeld 05.09.11, 23:36
    Stajnio "Grzywa"

    Chcesz na koniu se pokiwać?
    Chcesz na koniu porajtować?
    Toż zaproszo stajnio "Grzywa"
    Dyć grosz za to trza tam dować.
    --
    Ruda Śląska - stolica fraszki
  • broneknotgeld 11.09.11, 19:21
    Zaś żech trefioł

    Purtka zaś żech trefioł latoś w Kopalinie
    Zaś mi połosprowioł prawie ło dziedzinie
    We kery łon broji niy łod dzisioj przeca
    Kej sie to poskłodom we rymy poleca.
    --
    Ruda Śląska - stolica fraszki
  • broneknotgeld 11.09.11, 19:28
    "Kamyń Furmona"

    Welem Jeziora Kopalińskego
    Tyż epny kamyń - kuknij na niego
    Zen pol gospodorz wioz tyndy zboże
    Zarył w marasie - ruszyć niy może

    Toż zaczoł richtig szpetnie przeklinać
    Aże mioł purtek radosno mina
    Zła se po dwakroć furmon winszowoł
    Som siebie przekloł, toż co z tym stowo?

    Ano - w kamiyniu łostoł zaklynty
    Z furom cuzamyn - djosek niy świyntym
    Niy miił litości - tako sie stało
    Co furmonowi lepszym widziało.

    --
    Ruda Śląska - stolica fraszki
  • broneknotgeld 15.09.12, 16:58
    W barze "Antonio"

    "Wściekłe psy" w barze
    Zowdy po parze
    Ciyngym goniyły
    Fest łostre były

    Kej żeś po biyrach
    Durś stoł na gyrach
    "Wściekły pies" tropi
    Dyć kto spokopi?


    --
    Ruda Śląska - stolica fraszki
  • broneknotgeld 15.09.12, 17:02
    Świynto Jagody 20.VII.2012

    Świynto Jagody we Kopalinie
    Dyć niy dziwota co w ty dziedzinie
    Lasow tu wiela, we nich jagodzin
    Som w lipcu, jym je przeca tu co dziyń
    Świynto Jagody wszyskich raduje
    We Kopalinie dyć niy dziwuje.

    --
    Ruda Śląska - stolica fraszki
  • broneknotgeld 21.11.12, 14:57
    Zabaluje za dwa roki

    Kopaliński purtek se już fest raduje
    Dyć na gyburstagu istny zabaluje
    Dwa roki chnet zlecom - Choczewo zaprosi
    Już kaszubske djoski skuli tego nosi.
    --
    Ruda Śląska - stolica fraszki
  • broneknotgeld 16.02.13, 21:25
    Domb na Morski

    Sie dymbowi durś dziwuja
    Wiela przeżoł - tako czuja
    Pniok szyroki, astow tela
    Zno utropy, zno wesela
    Kere z morza w Kopalino
    Tyndy lazły choć niy ino.
    --
    Ruda Śląska - stolica fraszki
  • broneknotgeld 26.08.13, 21:04
    Erika

    Kej widzisz erika
    W kopalińskim lesie
    Niy yno skiż blika
    Łazić ci tam chce sie
    www.facebook.com/media/set/?set=a.511083662299875.1073741844.195759197165658&type=1
    We nocy zaś ciśnie tyż tyn las do gowy
    Niy darmo śnik potym mosz richtig lilowy.
    --
    Ruda Śląska - stolica fraszki
  • broneknotgeld 24.08.05, 17:21
    Kierzkowo 1932-2007

    Dwor bydzie mioł chnetko te czi ćwierci sety
    Możno trza by zadbać - niszczeje - niystety.
    --
    forum.gazeta.pl/forum/71,1.html?f=28940
  • broneknotgeld 26.07.08, 17:12
    Kierzkowski festyn 13.VII.2008

    Czy Kopalinu pozowiściyli?
    Toż piyrszy festyn u sia zrobiyli
    Oby co roku już tako było
    Sie tu w sezonie cosik ruszyło.
    --
    Ruda Śląska - stolica fraszki
  • broneknotgeld 26.07.08, 17:14
    Kierzkowo 2008

    Turystyki tu szefowo
    Chce podźwignońć tyż Kierzkowo
    Toż i festyn zrychtowany
    Ku radości wiosce dany.
    --
    Ruda Śląska - stolica fraszki
  • broneknotgeld 26.07.08, 17:15
    Na festynie

    Grosza trocha nazbiyrali
    Chodnik bydom rychtowali
    Wygryfnieje te Kierzkowo
    To se wcale niy wydowo.
    --
    Ruda Śląska - stolica fraszki
  • broneknotgeld 30.07.14, 20:26
    Kierzkowski cmyntorz

    Znod żech tyn cmyntorz - podziwujecie?
    Mozno i za mnom tam kuknońć chcecie
    Przi drodze ciyngym coniyco stoji
    Czas, historyjo - wszysko mu broji
    Choć znakym ziymi ty ciyngym przeca
    Jako tu piyrwyj - czy cosik skleca?

    www.facebook.com/media/set/?set=a.813299435377265.1073741828.658379314202612&type=1
    --
    Ruda Śląska - stolica fraszki
  • broneknotgeld 03.07.18, 12:18
    "Pod Strzechom"

    Trombia ło tym wom z uciechom
    We Kierzkowie, tam "Pod Strzechom"
    Mini-zoo tyż już znojdziecie
    Ptokom sie podziwujecie.

    www.facebook.com/egapodstrzecha/?ref=bookmarks


    --
    Ruda Śląska - stolica fraszki
  • broneknotgeld 20.08.05, 23:28
    Biebrowo

    Z Kopalina do Biebrowa
    Niesom gyry lasym
    W strona dworu krynca gowa
    Co znoł lepsze czasy.
    --
    forum.gazeta.pl/forum/71,1.html?f=28940
  • broneknotgeld 20.08.05, 23:30
    Rod von Jatzkow

    Rod von Jatzkow wpiyrw siedzioł w biebrowskim majontku
    Mioł we swojich rynkach jedynoście kontkow
    Dyć se niy dziwujcie - puściyli Biebrowo
    Von Somnitz terozki na majontku stowo.
    --
    forum.gazeta.pl/forum/71,1.html?f=28940
  • broneknotgeld 20.08.05, 23:33
    XVIII/XIX w

    Podkomorzy von Somnitz tukej gospodarzy
    Dyć w końcu Biebrowo łodsprzedać se waży
    Kupioł je pułkownik tyz z Somnitzow rodu
    Za łoziym tysiyncy talarkow - wom godom.

    --
    forum.gazeta.pl/forum/71,1.html?f=28940
  • broneknotgeld 20.08.05, 23:35
    Park

    Zdo sie co Somnitze piyrsze drzewa sadzom
    Graby ze dymbami se tukej paradzom
    Park jeszcze niy blyszczy dyć z czasym to przidzie
    Gryfnie i zielono wele dworu bydzie.
    --
    forum.gazeta.pl/forum/71,1.html?f=28940
  • broneknotgeld 20.08.05, 23:37
    Graf Schwerin

    Toż było Biebrowo i grofa Schwerina
    Łodsprzedoł Kraussemu w końcu ta dziedzina.
    --
    forum.gazeta.pl/forum/71,1.html?f=28940
  • broneknotgeld 20.08.05, 23:39
    Georg F. Krausse

    Za wiela Biebrowym pon sie niy nacieszoł
    Syn po niym to erbnoł - trocha tu "nagrzeszoł".
    --
    forum.gazeta.pl/forum/71,1.html?f=28940
  • broneknotgeld 21.08.05, 00:00
    Jezioro Biebrowskie

    Jezioro Biebrowskie staraniym Kraussego
    Już zmeliorowane - trza gruntu zocnego
    Park tako wygryfnioł - wiyncy drzew już mioł
    Toż niyjedyn dziedzic tako by tyż chcioł.
    --
    forum.gazeta.pl/forum/71,1.html?f=28940
  • broneknotgeld 21.08.05, 00:03
    1892

    Von Dewitz z tym rokym mo to familijo
    Dyć możno z tym była jakowoś mecyjo
    Bo rok yno przeszoł już właściciel nowy
    Von Wiehe terozki to jest baronowy.
    --
    forum.gazeta.pl/forum/71,1.html?f=28940
  • broneknotgeld 21.08.05, 00:07
    Franz Flissbach

    Jak łon dziedzicym Borkowa zostoł
    Majontek szwongu wiynkszego dostoł
    Dwor piyknie przeca se rozbudowoł
    Jeszcze fontanna łod frontu stowio
    Park zas wygryfnioł - folwark rozkwito
    Zdo sie co lepsze czasy łon wito.
    --
    forum.gazeta.pl/forum/71,1.html?f=28940
  • rita100 21.08.05, 00:10
    Witam na gorącym uczynku pracowitości :)
  • broneknotgeld 21.08.05, 00:10
    1926-1945

    Pomarł Franz Flissbach - erbła to cera
    Kaśka Frostowo wszysko mo teraz
    Do końca wojny tu gospodarzy
    Dyć ło łostaniu niy mo co marzyć.
    --
    forum.gazeta.pl/forum/71,1.html?f=28940
  • broneknotgeld 21.08.05, 00:23
    Po wojnie

    Po wojnie jakby dogorywanie
    Dwor ciyngym stoji dyć co sie stanie
    Jak w końcu przidzie cołko ruina?
    Niyszczyńściym dloń jest polsko dziedzina?
    --
    forum.gazeta.pl/forum/71,1.html?f=28940
  • broneknotgeld 21.08.05, 00:26
    Leżom po somsiedzku wioski już "wickowe"
    Dyć mie te Borkowo terozki we gowie
    Bo przeca i tukej dwor downy se łostoł
    Chocioż nic dobrego przi Polsce niy dostoł.
    --
    forum.gazeta.pl/forum/71,1.html?f=28940