Dodaj do ulubionych

Ornontowice

26.05.05, 09:39
Łońskego roku mioł żech we Gminnym Ośrodku Kultury w Ornontowicach wystawa
ślonskich notgeldow. Połosprowiołch wtedy trocha ze ichniom szefowom i
łobiycołch co szkryfna jakesik fraszki na 700-lecie Ornontowic. No i terozki
prawie mioł żech telefon w ty sprawie. Trza mi już te rymowanki szkryflać, bo
przez cołke lato bydom tam rożniste imprezy skiż tego gyburstagu, a rymowanki
se w GOKu przidadzom.
--
forum.gazeta.pl/forum/71,1.html?f=28940
Edytor zaawansowany
  • broneknotgeld 26.05.05, 09:43
    Jakby ktosik dołonczoł to tyż byłoby piyknie. Dyć niy bydzie to szkryflanie po
    darymnicy, bo w gminie jakosik to wykorzystajom. Inkszo sprawa, że majom moje
    słowo, co te fraszki kere jo szkryfna mogom brać bez łograniczyń ze tego forum.
    Co do inkszych autorow, to już jest sprawa łodrymbnych uzgodniyń.
    --
    forum.gazeta.pl/forum/71,1.html?f=28940
  • broneknotgeld 26.05.05, 09:46
    Hehe - jedne moje łograniczynie jednak jest.
    - Zowdy trza pamiyntać ło autorze - to niy som fraszki anonimowe.
    No dyć trza to mianować inaczy - to jest podstawowo norma.
    --
    forum.gazeta.pl/forum/71,1.html?f=28940
  • broneknotgeld 25.06.05, 11:32
    1510 hektorow
    Tysionc piyńćset z hokym - uno tela - wiycie
    Na nich cołko gmina - te Ornontowice.
    --
    forum.gazeta.pl/forum/71,1.html?f=28940
  • broneknotgeld 25.06.05, 12:29
    Na hektor

    Na hektor wyłazi mniyj niż sztyry dusze
    Toż ciźbom niy mynczom aż za wiela tu sie.
    --
    forum.gazeta.pl/forum/71,1.html?f=28940
  • broneknotgeld 24.02.08, 10:06
    Rym dali leci - ornontowicki
    Czy tako tukej bydzie na wdycki?
    --
    Ruda Śląska - stolica fraszki
  • broneknotgeld 07.04.09, 07:49
    Cołko historyjo w rymowankach majom
    Czy w Ornontowicach ślonski godce pszajom?
    --
    Ruda Śląska - stolica fraszki
  • broneknotgeld 11.02.12, 22:26
    Pszajom - tela wiym
    Przidzie czas na rym.
    --
    Ruda Śląska - stolica fraszki
  • broneknotgeld 26.05.05, 09:48
    700 lot Ornontowic

    Szkryfli - jest już tako wiocha
    Chocioż starszo łona trocha
    Toż gyburstag tyn fajruje
    Niych se dlo niyj fraszka suje.
    --
    forum.gazeta.pl/forum/71,1.html?f=28940
  • broneknotgeld 26.05.05, 09:54
    Ło utopku

    Jedyn utopek ze Ornontowic
    Pszoł gryfny frelce - dyć chopie to wiydz
    Że łona w zocy go nic niy miała
    Z utropy wysła mu woda w gałach
    Podobnoś dostoł chnet "wodowstryntu"
    I se zatracioł - aż do imyntu.
    --
    forum.gazeta.pl/forum/71,1.html?f=28940
  • broneknotgeld 26.05.05, 09:57
    Już sie aszom

    Aszom sie wystawom już Ornontowice
    Dożynki z notgeldym to niy yno wice
    Dyć tu i szkolorze bydom se dziwować
    Historyjom kero przed łoczy trza dować.

    (zeszłoroczno rymowanka)
    --
    forum.gazeta.pl/forum/71,1.html?f=28940
  • broneknotgeld 26.05.05, 09:58
    Żniwno korona w Ornontowicach

    Baby z Ornontowic przi koronie siedzom
    Komu łobrodziyło łone dobrze wiedzom
    Zefel mo dzieciontko łod Karlika przeca
    Dyć pszaje mu wiela bo ze ślubny neca.

    --
    forum.gazeta.pl/forum/71,1.html?f=28940
  • broneknotgeld 26.05.05, 10:01
    "Jyndruchowy" pałac

    Pałac to firma se miała
    W Ornontowicach. -Bezmała
    Już po remońcie w ruinie
    Tako w tyj naszy dziedzinie.
    --
    forum.gazeta.pl/forum/71,1.html?f=28940
  • broneknotgeld 26.05.05, 15:44
    Cd. - ło utopku ornontowickim

    Morał w tym taki - płaczki utopka
    Umiom wykończyć nawet i chopka
    Ornontowicki freli zaś mało
    Łogyń w niyj wiynkszy niżby se zdało.
    --
    forum.gazeta.pl/forum/71,1.html?f=28940
  • broneknotgeld 08.06.05, 18:59
    Utopek z "Szadego Bagna"

    Piyrwyj żył tukej - radocha mioł
    Jak we te bagno kogosik broł.
    --
    forum.gazeta.pl/forum/71,1.html?f=28940
  • broneknotgeld 26.05.05, 14:53
    "Renoltowice"

    Ze Renoltowic przez Rnontowice
    Wylazły w końcu Ornontowice?
    --
    forum.gazeta.pl/forum/71,1.html?f=28940
  • broneknotgeld 26.05.05, 14:59
    "Reinold"

    Reinold zasadźcom richtig ty wsi?
    Czy historyjo coś ło tym wiy?
    Czamu jo dzisioj tako to słysza?
    -Fara tyn karlus mioł dyć sołtysa

    Toż se w tych czasach na Ślonsku dzioło
    Choć wpiyrw niy było wcale wesoło
    Kolonizacjo wielko ruszyła
    Ze Flandrii Niymiec Walonii była
    Ludzi nalazło na ziymie puste
    By zaś se mogły stać bardzi tuste

    I niy dziwujcie se Reinoldowi
    Z zajtow historji ło nom sie jowi
    Choć niywyraźnie dyć możno styknie
    By to leciało dali już piyknie.

    --
    forum.gazeta.pl/forum/71,1.html?f=28940
  • broneknotgeld 26.05.05, 15:02
    Przi Ornontowickim Potoku

    Po łobu stronach potoku
    wydzielyli łany
    Kaj piyrwyj bor gynsty
    był niywyczesany

    Dyć go jednak wytli
    skiż ty ludzki woli
    By czowiek mog żyć tu
    i Ponboczka chwolić.

    --
    forum.gazeta.pl/forum/71,1.html?f=28940
  • broneknotgeld 26.05.05, 15:04
    Łany

    Już wedle strumiynia łany rozłożone
    Czidziści zrachujesz - poczontkym som łone.
    --
    forum.gazeta.pl/forum/71,1.html?f=28940
  • broneknotgeld 26.05.05, 15:07
    "Registrum Wyasdense" 1303-1306

    W tym registrze miejscowości piyrszo wzmianka dali
    Toż do historyji tako powołali
    I chocioż już łona ździybko piyrwyj była
    Gyburstag mo latoś - oby ciyngym żyła!
    --
    forum.gazeta.pl/forum/71,1.html?f=28940
  • broneknotgeld 29.05.05, 11:02
    W ksiynstwie bytomsko-kozielskim

    Ornontowice wpiyrw z Gliwicami
    w ksiynstwie bytomsko-kozielskim
    Toż łodpowiycie se na to sami
    Kazimierz panym tu wielkim

    Niy jakiś rycerz czy wasal inkszy
    Wioseczka czimoł we rynkach
    Yno Piastowicz - rod tu nojwiynkszy
    Przed niym trza było imklynkać

    Pleban i sołtys suchali jego
    A wola ksiyńcia chnet świynto
    Przeca z nadanio łoni istnego
    Niychej to kożdy pamiynto.
    --
    forum.gazeta.pl/forum/71,1.html?f=28940
  • broneknotgeld 29.05.05, 11:06
    W sztyrnostym wieku?

    W sztyrnostym wieku se tako stało?
    Już Przemyślidow ta ziymia cało?
    Ornontowice stojom przi Pszczynie?
    -Zdo sie to było we ty dziedzinie.
    --
    forum.gazeta.pl/forum/71,1.html?f=28940
  • broneknotgeld 29.05.05, 11:09
    Najazd - 1345

    Kazimierz Wielki ze swojym wojskym
    Najechoł ziymie - krol tu niyswojski?
    Wele Rybnika Pszczyny i Żor
    Wsie wszyske spoloł - wielki był wor

    Spolone tako Rybnik i Pszczyna
    Ślinto fest ślonsko naszo dziedzina
    W Ornontowicach tyż wielki płacz?
    Łoj historyku - pedzieć coś racz!
    --
    forum.gazeta.pl/forum/71,1.html?f=28940
  • broneknotgeld 31.05.05, 08:54
    1387

    Jan II Żelazny zaś panym na Pszczynie
    Jako w raciborski tyż cołki dziedzinie
    Czimoł Przemyślida ziymie rynkom kwardom
    Zniszczoł niyjednego co ze duszom hardom.
    --
    forum.gazeta.pl/forum/71,1.html?f=28940
  • broneknotgeld 31.05.05, 08:56
    Ksiynżno Helyna

    Jak w końcu zabrakło Jana Żelaznego
    Wdowa zastompiyła tu przeca istnego
    Sama ziymia pszczyńsko aż do wtedy miała
    Jak jom wola bosko z padołu zabrała.
    --
    forum.gazeta.pl/forum/71,1.html?f=28940
  • broneknotgeld 31.05.05, 09:00
    Husty w Gliwicach 1429-1431

    Wojska husycke wziyły Gliwice
    Trocha w nich nawet siedziały
    Wyfutrowały je okolice
    Utropa ze tym fest miały

    W końcu i im se tyż łoberwało
    Tu łod Konrada Biołego
    Ku Kościołowi wszysko wrocało
    Co łoderwane łod niego.
    --
    forum.gazeta.pl/forum/71,1.html?f=28940
  • broneknotgeld 31.05.05, 09:02
    W piytnostym wieku

    W piytnostym wieku co wpiyrw ksionżynce
    Rycerskim dobrym już stoło
    Kmiecie skiż tego możno we mynce
    Inkszym tyż tako se dzioło.

    --
    forum.gazeta.pl/forum/71,1.html?f=28940
  • broneknotgeld 01.06.05, 17:59
    Maciej Lencz

    Maciej Lencz podzieloł wioska
    Łobu synkom doł niytroszka
    Po niym gospodarzom łoni
    A czas drapko tukej goni.
    --
    forum.gazeta.pl/forum/71,1.html?f=28940
  • broneknotgeld 01.06.05, 18:02
    Bratki z Rynoltowic

    Mikołaj lencz był ze Rynoltowic
    Toż Pyjtra bratym tyż mioł
    Łoba panami - terozki powiydz
    Ło dwor swoj kożdy jyż bdoł.
    --
    forum.gazeta.pl/forum/71,1.html?f=28940
  • broneknotgeld 01.06.05, 18:05
    Jan Lencz z Runoltowic

    Jan Lencz przi ksiyńciu Bolku pisarzym
    Ło familiji swoji se marzy
    By jom podźwignońć i uposażyć
    Czy mog se na to tyn karlus ważyć?
    --
    forum.gazeta.pl/forum/71,1.html?f=28940
  • broneknotgeld 01.06.05, 18:09
    1467-1472

    Piotr Lencz we służbie ksiyńcia swojego
    Starostwo pszczyńske ze ronk istnego
    Do wsi Dymbiyńsko tako i prawa
    Jedyn mo trudy - inkszy zabawa.
    --
    forum.gazeta.pl/forum/71,1.html?f=28940
  • broneknotgeld 01.06.05, 22:27
    Ksionżoszek

    Jan Lencz ksionżoszkym - trza wiedzieć to
    Możno bracikow Lenczow tyż mo
    I jejich wspiyro na ksiyńcia dworze
    Po prowdzie niy wiym dyć szkryfna - może.
    --
    forum.gazeta.pl/forum/71,1.html?f=28940
  • broneknotgeld 01.06.05, 22:29
    "Piotr lens z Renerdorf"

    Zdo sie to karlus ze Rynoltowic
    Bo kto by inkszy? Jeronie - powiydz!
    --
    forum.gazeta.pl/forum/71,1.html?f=28940
  • broneknotgeld 01.06.05, 22:30
    "Rybniki"

    Ryby se tukej bogactwym zdały
    Ornontowice dwa stawy miały.
    --
    forum.gazeta.pl/forum/71,1.html?f=28940
  • broneknotgeld 01.06.05, 22:32
    Dwa młyny

    Dwa młyny we jedny wsi?
    Ktosik ło tym cosik wiy?
    Jedyn w jeji środku stoł
    Drugi kościoł u sia mioł.
    --
    forum.gazeta.pl/forum/71,1.html?f=28940
  • broneknotgeld 01.06.05, 22:36
    Koniec Lenczow?

    Ksionże Wacław stowioł na Jagiellończyka
    Toż Korwina w końcu dosiyngła go rynka
    Pewno potym Lenczom trza było stond zmykać
    By tu niy czekała na nich jakoś mynka.
    --
    forum.gazeta.pl/forum/71,1.html?f=28940
  • broneknotgeld 01.06.05, 22:38
    Kazimierz II Cieszyński (1480)

    Kupioł Piastowicz ta ziymia pszczyńsko
    Bestoż tu władza teroz cieszyńsko.
    --
    forum.gazeta.pl/forum/71,1.html?f=28940
  • broneknotgeld 02.06.05, 20:33
    Aleksy Turzo (1517)

    Aleksy turzo panym na Pszczynie
    Łon teroz "freiherr" we ty dziedzinie
    Toż jymu służom teroz dziedzice
    We kerych grabach Ornontowice.
    --
    forum.gazeta.pl/forum/71,1.html?f=28940
  • broneknotgeld 04.06.05, 15:51
    Jan Turzo (1525)

    Po Aleksym drapko ziymia w rynkach Jana
    Chocioż przidzie jeszcze niyroz zmiynić pana.
    --
    forum.gazeta.pl/forum/71,1.html?f=28940
  • broneknotgeld 04.06.05, 20:00
    Piotr Rynultowski

    We historyji ślod po niym łostoł
    Łod Kudowskiego stow rybny dostoł
    Za kery jymu doł konsek ziymi
    Toż z ksiyngi ziymski to wszysko wiymy.
    --
    forum.gazeta.pl/forum/71,1.html?f=28940
  • broneknotgeld 04.06.05, 20:02
    Stow wiejski

    Ze niego woda na młyn płynyła
    I gowiydź wiejsko tu woda piyła.
    --
    forum.gazeta.pl/forum/71,1.html?f=28940
  • broneknotgeld 04.06.05, 20:04
    Jan Kornic Rynultowski

    Kornic - toż se zdowo że niy bele kto
    Zasługi dlo Ślonska rod Kornicow mo
    Jana mioł we zocy pewno i pan Pszczyny
    We kerego władzy tutejsze dziedziny.
    --
    forum.gazeta.pl/forum/71,1.html?f=28940
  • broneknotgeld 05.06.05, 19:54
    Szczynsny i Jerzy Rynultowscy

    Toż z nich somsiady tego Kornica
    Sońdziyli se z niym ło okolica
    Las co sie ciongnoł do Gierałtowic
    Uczimoł Kornic - jeronie to wiydz.
    --
    forum.gazeta.pl/forum/71,1.html?f=28940
  • broneknotgeld 05.06.05, 19:56
    Karczma

    Karczma na gruntach była Kornica
    Toż czopowego jo mu niy licza
    Z wyszynku piwa szoł dobry grosz
    Jako i dzisioj kaj biyr tyż mosz.
    --
    forum.gazeta.pl/forum/71,1.html?f=28940
  • broneknotgeld 05.06.05, 19:58
    Dwa folwarki

    Dwa folwarki w jedny wsi
    Coś za wiela to sie wiy
    Kmieć na pańskim robić musioł
    Niym u siebie cosik usioł
    Tako samo i przi żniwach
    Dyć se niy ma czymu dziwać.
    --
    forum.gazeta.pl/forum/71,1.html?f=28940
  • broneknotgeld 05.06.05, 20:03
    Katarzyna

    Ze Kozłowy Gory wzioł se Kornic frela
    We wianie mu wniosła piniyndzy dość wiela
    Majontku dziedzica dyć jednak niy dała
    Toż i wdowom w końcu po niym tu łostała

    Tako se już stracioł tukej rod Kornica
    Niy szukej nastympcy we Ornontowicach.
    --
    forum.gazeta.pl/forum/71,1.html?f=28940
  • broneknotgeld 07.06.05, 17:28
    Małgola

    Cera łod Olszowca - sołtysa wsi Łonka
    Sie w Ornontowicach niy musiała błonkać
    Jerzy Rynultowski za ślubno jom wzioł
    Skiż śmierci niydogo jednak ze niom boł.
    --
    forum.gazeta.pl/forum/71,1.html?f=28940
  • broneknotgeld 07.06.05, 18:08
    "Niydogo"

    Kurde - zaś "niydugo" we wiyrchu być miało
    Dyć se coś z klawiyrom richtig pomiyszało.
    --
    forum.gazeta.pl/forum/71,1.html?f=28940
  • broneknotgeld 07.06.05, 18:12
    Szczynsny (Starszy) Rynultowski

    Z braci Rynultowskich łon som w końcu łostoł
    Jorga i Macieja działy w spadku dostoł
    I ło tym tu jeszcze przeca szkryfnońć musza
    Że tyż erbnoł tako grunt łod Mateusza.
    --
    forum.gazeta.pl/forum/71,1.html?f=28940
  • broneknotgeld 07.06.05, 18:14
    Stanisław Orzeski

    Łod Szczynsnego kupioł dział po Mateuszu
    Tako na Macieja grunt tyż grosz swoj ruszoł
    Toż już pan Orzesza wiela tukej znaczy
    Hołd ze Rynoltowic Promnicom łonaczy.
    --
    forum.gazeta.pl/forum/71,1.html?f=28940
  • broneknotgeld 08.06.05, 18:37
    Sztyrech synow

    Po Szczynsnym sztyrech synow łostało
    Kożdy dzaił chycioł - dyć przeca mało
    Szmat Rynultowic mioł tyn Orzeski
    Bo niy poskompioł na to łon kieski.
    --
    forum.gazeta.pl/forum/71,1.html?f=28940
  • broneknotgeld 08.06.05, 18:55
    "Rusek" i "Dorgesz"

    Miana dwóch stawow w Ornontowicach
    Ze ryb mo profit ta okolica.
    --
    forum.gazeta.pl/forum/71,1.html?f=28940
  • broneknotgeld 08.06.05, 18:57
    "Szade Bagno"

    Wele potoku wiejskiego było
    Gyry tu ponoć zowdy zmoczyło.

    --
    forum.gazeta.pl/forum/71,1.html?f=28940
  • broneknotgeld 08.06.05, 19:00
    1566

    Rynultowscy z Orzeskim
    Hołd w Pszczynie złożyli
    Toż se Promnicowi
    Tako pokłoniyli.
    --
    forum.gazeta.pl/forum/71,1.html?f=28940
  • broneknotgeld 08.06.05, 19:02
    Sztyry bratki

    Szczynsny i Melchior Adam Mikołoj
    Toż Rynultowscy - tako ich wołoj
    Łojciec mioł w kupie co dzielom łoni
    Bestoż tyż biyda ze czasym goni.
    --
    forum.gazeta.pl/forum/71,1.html?f=28940
  • broneknotgeld 08.06.05, 19:04
    Adam Rynultowski z Knurowa (1603)

    Tropi historyk tym swoja gowa
    Czamu terozki jest ze Knurowa?
    Pewno łopuścioł Ornontowice
    Wzion nowe grunta - tako powiycie.
    --
    forum.gazeta.pl/forum/71,1.html?f=28940
  • broneknotgeld 11.06.05, 08:25
    Prokop Rynultowski (1608/1613)

    Łostatniego z rodu wspomnieć trza tu chopa
    W hołdzie Promnicowi tyż momy Prokopa.
    --
    forum.gazeta.pl/forum/71,1.html?f=28940
  • broneknotgeld 11.06.05, 08:27
    Regina

    Regina - ślubno Prokopa
    Chnet pochowała tu chopa
    Utropa dyć wiynkszo miała
    Bo mu dziedzica niy dała.


    --
    forum.gazeta.pl/forum/71,1.html?f=28940
  • broneknotgeld 11.06.05, 08:29
    Rynultowice - Ornontowice

    Tu Rynultowscy se tracom
    Inksi na gruntach bogacom
    Rod w historyjo wpisany
    Ornontowicom był dany.
    --
    forum.gazeta.pl/forum/71,1.html?f=28940
  • broneknotgeld 11.06.05, 08:31
    Jan Welczek

    Jak prziszoł wiek siedymnosty
    Pedzioł - dziedzina tu mosz ty
    I Welczek usłuchoł tego
    Prziszoł z Dymbiyńska Wielkego.

    --
    forum.gazeta.pl/forum/71,1.html?f=28940
  • broneknotgeld 11.06.05, 08:32
    W siedymnostym wieku

    Ło Rynultowicach mianie zapomnieli
    Ornontowicami zwać ta sztela chcieli.
    --
    forum.gazeta.pl/forum/71,1.html?f=28940
  • broneknotgeld 04.07.05, 18:33
    Graf Krzysztof Welczek (1675)

    Toż niy yno jego te Ornontowice
    Przeca czimoł inksze tukej okolice
    Do tego mioł urzond starosty we Pszczynie
    Bestoż wiela znaczoł w ty ślonski dziedzinie.
    --
    forum.gazeta.pl/forum/71,1.html?f=28940
  • broneknotgeld 04.07.05, 18:35
    W XVII wieku

    W siedymnostym wieku sztela mo czi działy
    Nojwiynkszy - tyn Welczki se dlo sia zabrały
    Reistwitze Pielgrzymy te dwie familije
    Tyż grunt tu czimały - historio niy zmyje.
    --
    forum.gazeta.pl/forum/71,1.html?f=28940
  • broneknotgeld 04.07.05, 18:39
    Rod Welczkow

    Z Dymbiyńska Wielkiego rod Welczki swoj wziyli
    Toż na Gornym Ślonsku łoni w zocy byli
    Dymbiyńsko Leszczyny te Ornontowice
    Kamiyń Rydułtowy jejich Gardawice
    Jeszcze Niepaszyce Ligota do tego
    Jak widać niy mieli majontku małego.
    --
    forum.gazeta.pl/forum/71,1.html?f=28940
  • broneknotgeld 05.07.05, 22:41
    Krzysztof Welczek (1587)

    W tym roku za ślubno Anna Kloch se wzioł
    Z niom wiano na Ornie - kontynt z tego boł
    Tako sie w grunt tukej piyrszy Welczek wżynioł
    Rod dugo tu łostoł - już tego niy miynioł.
    --
    forum.gazeta.pl/forum/71,1.html?f=28940
  • broneknotgeld 05.07.05, 22:44
    Jan Welczek (1593)

    Anna Kloch von Konitz syna Welczkom dała
    Swoji familiji wyrosnoł na chwała
    W Ołomuńcu karlus wiela sztudiyrowoł
    Przi cysorzu czasym nasz Jan nawet stowoł
    Był w końcu u ksiyńcia zocnego kanclerzym
    Opolsko-raciborskim - jak kery niy wierzy.
    --
    forum.gazeta.pl/forum/71,1.html?f=28940
  • broneknotgeld 05.07.05, 22:45
    Graf Welczek (1656)

    Toż łod tego roku grafym trza mianować
    Przistoji Janowi przi nojlepszych stować.
    --
    forum.gazeta.pl/forum/71,1.html?f=28940
  • broneknotgeld 05.07.05, 22:47
    Hołd (1623)

    Hołd Promnicowi w tym roku dany
    Ze Orny Welczek zostoł wezwany
    Dyć przeca wiedzioł że go niy minie
    Pokłony swoje łoddać we Pszczynie.
    --
    forum.gazeta.pl/forum/71,1.html?f=28940
  • broneknotgeld 05.07.05, 22:48
    Ornontowice 1628

    Dział Orzeskiego Holly już mo
    A Rynultowskich kto teroz zno?
    Ano - se miano tukej straciyło
    Ornontowicom cosik ubyło.
    --
    forum.gazeta.pl/forum/71,1.html?f=28940
  • broneknotgeld 05.07.05, 22:51
    Jan Welczek 1670

    Pomarł graf zocny - w Gliwicach leży
    Czas bez litości przeca durś bieży
    Dyć to dlo rodu niy jakoś sztrofa
    Na syna paczom wszyscy - Krzysztofa.
    --
    forum.gazeta.pl/forum/71,1.html?f=28940
  • broneknotgeld 05.07.05, 22:55
    Graf Krzysztof Welczek

    Jan potomkow wiela mioł
    Tyn nojwiyncy po niym broł
    I som łod sia coś dołożoł
    Niym żywota w końcu dożoł

    Pszów Łabyndy i Gliwice
    To już Welczkow okolice
    Zdo sie richtig wielkim panym
    Taki los istnymu dany.
    --
    forum.gazeta.pl/forum/71,1.html?f=28940
  • broneknotgeld 05.07.05, 22:56
    Baca?

    Łowczarnio mioł Welczek nojwiynkszo na Ślonsku?
    Tysionce barankow - toż cosik w tym konsku.
    --
    forum.gazeta.pl/forum/71,1.html?f=28940
  • broneknotgeld 05.07.05, 22:58
    Djoboł?

    W swoji dziedzinie parafie grabioł?
    We Ornie ćwieka ksiyndzu tyż zabioł?
    Toż Kościołowi piyrwyj łon szkodzioł
    Z wiekym duch inkszy dyć se w niym rodzioł
    Chcioł wyrzondzone krziwdy naprawić
    A możno tako dusza se zbawić.
    --
    forum.gazeta.pl/forum/71,1.html?f=28940
  • broneknotgeld 05.07.05, 23:01
    Ślub 1654

    Z grafiniom Praschma "junior" sie żyni
    W Rybniku fajer pewno skiż tego
    Ze szczyńścio gymba łojca se miyni
    Czy Krzisztof rod jest? -Spytej istnego.
    --
    forum.gazeta.pl/forum/71,1.html?f=28940
  • broneknotgeld 06.07.05, 17:17
    Wdowa Welczek

    Maria Eufemia dzieci mu dała
    Szostka - toż cosik możno i wiela
    Po śmierci chopa upilnowała
    By Francik Rudolf erbnoł ta sztela.
    --
    forum.gazeta.pl/forum/71,1.html?f=28940
  • broneknotgeld 06.07.05, 17:19
    Franciszek Rudolf Welczek (1704)

    Już w niym dziedzica mo ta dziedzina
    Dyć dlo nos we tym żodno nowina
    Niym fater pomarł radcom Franc był
    W służbie cysorza niy szczyńdzioł siył.
    --
    forum.gazeta.pl/forum/71,1.html?f=28940
  • broneknotgeld 06.07.05, 17:25
    Tragedyjo 1717

    To wtedy se stało - grof w borze polowoł
    Na grubego zwiyrza pewnikym nastowoł
    We Franca trefiyła kula zabłonkano
    Stond wielko mecyjo familiji dano

    Cera se łostała - ta Maksymiliana
    We wianie majyntność teroz wielko dana
    Jan Wilhelm de Hollstein Orna tako chycioł
    Aż w końcu Oppersdorff dlo sia grunt tyn wycioł.
    --
    forum.gazeta.pl/forum/71,1.html?f=28940
  • broneknotgeld 06.07.05, 17:26
    1735

    Łodkupioł Oppersdorff tyż grunt łod Pielgrzima
    Już dziedzica tego w zocny Ornie niy ma.
    --
    forum.gazeta.pl/forum/71,1.html?f=28940
  • broneknotgeld 06.07.05, 17:28
    Graf Oppersdorff

    Welczkowna za ślubno piyrwyj łon se wzioł
    Coś erbnońć po Welczkach richtig w prawie boł.
    --
    forum.gazeta.pl/forum/71,1.html?f=28940
  • broneknotgeld 08.07.05, 16:51
    Zuzanna Karolina

    Po Oppersdorffie wdowa łostała
    Toż hołd Promnicom z Orny łoddała
    Jako se godzi na ślonski Pszczynie
    Bo ciyngym łona we ty dziedzinie.
    --
    forum.gazeta.pl/forum/71,1.html?f=28940
  • broneknotgeld 10.07.05, 23:43
    Po Oppersdorffach

    Po Oppersdorffach tyż rod Twardawa
    W Ornontowicach mioł grunt we prawach.
    --
    forum.gazeta.pl/forum/71,1.html?f=28940
  • broneknotgeld 10.07.05, 23:45
    Teodor Twardawa (1759)

    W Ornontowicach go pochowali
    Dyć co z majontkym dzioło se dali?
    Karol von Kornberg to kupioł tedy
    Se już niy pytej mie teroz - kedy?
    --
    forum.gazeta.pl/forum/71,1.html?f=28940
  • broneknotgeld 10.07.05, 23:48
    22 333 talarow de Maubeque talarki już doł
    Tela za ta Orna ponoć Kornberg chcioł.
    --
    forum.gazeta.pl/forum/71,1.html?f=28940
  • broneknotgeld 10.07.05, 23:52
    Jerzy de Maubeque (1771)

    Dziedzic umiyro - kto erbnie to?
    Dyć jego cera ta Orna mo
    Drapko łodstompi czyńść krewniokowi
    Tyż Maubeque - kożdy to powiy.
    --
    forum.gazeta.pl/forum/71,1.html?f=28940
  • broneknotgeld 10.07.05, 23:56
    Maksymilian Maubeque (1772)

    Za "dział pielgrzimowski" piyńć tysiyncy doł
    We wercie niywiela dyć jednak go chcioł.
    --
    forum.gazeta.pl/forum/71,1.html?f=28940
  • broneknotgeld 11.07.05, 00:00
    Ornontowice Dolne 1783

    Dressler łodkupioł Reiwitzow działy
    Majontek zdo sie z tym bardzi cały
    Działu Pielgrzima yno brakuje
    Durś tam Maubeque gospodaruje.
    --
    forum.gazeta.pl/forum/71,1.html?f=28940
  • broneknotgeld 11.07.05, 00:02
    Franciszek Leopold Zawadzki 1784

    Łodsprzedoł Dressler cołki majontek
    Zawadzki teroz chycioł tyn kontek
    Już wpiyrw mioł przeca Łaziska Średnie
    Fortuna rośnie mu a niy blednie.
    --
    forum.gazeta.pl/forum/71,1.html?f=28940
  • broneknotgeld 11.07.05, 00:09
    Rudolf Zawadzki 1794

    Kupioł Rudolf dział Pielgrzima
    Dyć go chnetko tukej niy ma
    Sztyry lata grunta czimoł
    Za wiela profitu niy mioł.
    --
    forum.gazeta.pl/forum/71,1.html?f=28940
  • broneknotgeld 11.07.05, 18:28
    Leopold von Heidebrand 1798

    Mo cołko Orna nowego pana
    Teroz ta ziymia jymu poddana
    W tym roku kupioł se wszyske konski
    Taki mioł koncept - zdo sie niywonski.
    --
    forum.gazeta.pl/forum/71,1.html?f=28940
  • broneknotgeld 11.07.05, 18:30
    Dolne Ornontowice

    Łod właścicieli tyn dział tyż zwany
    Reiswitzom piyrwyj był łon poddany.
    --
    forum.gazeta.pl/forum/71,1.html?f=28940
  • broneknotgeld 11.07.05, 18:32
    Dolne Ornontowice Zawadzkich

    Po śmierci Jana Reiswitza
    Zawadzkich ta okolica
    Tyż von Polanka se zwali
    Dyć dugo tu niy szczimali.
    --
    forum.gazeta.pl/forum/71,1.html?f=28940
  • broneknotgeld 11.07.05, 18:35
    Dolne Ornontowice 1751

    Jan Samuel de Boseck grunt tyn teroz broł
    Tysionc dwiesta talarow Zawadzkim dyć doł.
    --
    forum.gazeta.pl/forum/71,1.html?f=28940
  • broneknotgeld 11.07.05, 18:37
    Dolne Ornontowice 1756

    Familijo Lubowskich sztela se kupiyła
    Połtora tysionca teroz warto była.
    --
    forum.gazeta.pl/forum/71,1.html?f=28940
  • broneknotgeld 11.07.05, 18:40
    Dolne Ornontowice 1766

    Francik Gusnar ze Komorna
    Jymu kłonio sie ta Orna.
    --
    forum.gazeta.pl/forum/71,1.html?f=28940
  • broneknotgeld 11.07.05, 18:45
    Dolne Ornontowice Dresslera

    Jak siedymnoście rokow minyło
    Zaś właściciela to pomiyniyło
    Dyć tako wiymy - grunt łod Dresslera
    Ze resztom Orny cołkym jest teraz.
    --
    forum.gazeta.pl/forum/71,1.html?f=28940
  • broneknotgeld 11.07.05, 18:57
    Zawadzcy na Ornontowicach

    Rudolf Zawadzki - starosta pszczyński
    Z siostrom co wyszła za Porymbskiego
    Łod Heidebranda grunt wziyli wszyski
    Tako pospołu pilnujom tego

    W końcu brat siostrze czyńść sprzedoł swoja
    Cołko już Orna we jeji rynkach
    Czy bydzie dugo? -Ano sie boja
    Komuś łodsprzedo go zaś Porymbska.
    --
    forum.gazeta.pl/forum/71,1.html?f=28940
  • broneknotgeld 11.07.05, 19:00
    Ornontowice 1839

    August Wilhelm Schneider już ta Orna mo
    Możno wonglo szukoł - tako mi sie zdo
    Przeca gruby jego w Dymbiyńsku Czerwione
    Cis sie durś tam istny kaj niy swiyci słońce.
    --
    forum.gazeta.pl/forum/71,1.html?f=28940
  • broneknotgeld 11.07.05, 19:02
    Licytacyjo 1852

    Do śmierci Schneidera Orna na pomp żyje
    Toż trza zlicytować - to musi być czyjeś
    Z geldu przidzie pokryć roztoliczne borgi
    Czy richtig wystykło co dali za morgi?
    --
    forum.gazeta.pl/forum/71,1.html?f=28940
  • broneknotgeld 11.07.05, 19:03
    90 tysiyncy talarow

    Za tela majontek był zlicytowany
    Na piyńć lot terozki Eichbornowi dany.
    --
    forum.gazeta.pl/forum/71,1.html?f=28940
  • broneknotgeld 11.07.05, 19:05
    Moric Eichborn

    Mozno i kogoś brała cholera
    Że Orna w rynkach tego bankera
    Kery chnet profit ze tego mioł
    Bo przeca po to pewno jom chcioł.
    --
    forum.gazeta.pl/forum/71,1.html?f=28940
  • broneknotgeld 11.07.05, 19:07
    "Cud" Eichborna

    Jakby "cud" z niym w Orna prziszoł
    Geldym richtig łon zamiyszoł
    Sie dowiycie to niyskorzy
    Sprzedoł sztyry razy droży.
    --
    forum.gazeta.pl/forum/71,1.html?f=28940
  • broneknotgeld 11.07.05, 19:10
    Towarzystwo Akcyjne "Ornontowice"

    Po Eichbornie łone majontek czimało
    Toż czista piyńdziesiont tysiyncy mu dało
    Jako ze tym wyszło że mioł taki profit?
    Już se tu nikomu chyba niy przitrofi.

    --
    forum.gazeta.pl/forum/71,1.html?f=28940
  • broneknotgeld 11.07.05, 19:11
    Sztyry folwarki

    Sztyry folwarki - cołki majontek
    Ornontowice - zowiom tyn kontek.
    --
    forum.gazeta.pl/forum/71,1.html?f=28940
  • broneknotgeld 11.07.05, 19:12
    "Szlosshof"

    Folwark zowiom "Dwor Zamkowy"
    Toż we Ornie kożdy to wiy.
    --
    forum.gazeta.pl/forum/71,1.html?f=28940
  • broneknotgeld 11.07.05, 19:13
    "Mittelhof"

    Tako wiycie to "Dwor Średni"
    Oby jeszcze łon był przedni.
    --
    forum.gazeta.pl/forum/71,1.html?f=28940
  • broneknotgeld 11.07.05, 19:17
    "Neuhof"

    "Nowym Dworym" tyn zaś zwali
    Richtig świyżo zrychtowali.
    --
    forum.gazeta.pl/forum/71,1.html?f=28940
  • broneknotgeld 11.07.05, 19:18
    Młyn (XIX w)

    Młyn w tych czasach mloł tu gnaty
    W "monczka kostno" łon bogaty.
    --
    forum.gazeta.pl/forum/71,1.html?f=28940
  • broneknotgeld 11.07.05, 19:20
    4067 morgow

    Tela zrachowali
    We majontku morgow
    Jak licytowali
    Ta sztela skiż borgu.
    --
    forum.gazeta.pl/forum/71,1.html?f=28940
  • broneknotgeld 11.07.05, 19:22
    Ornontowice 1883

    Hegenscheidtowie kupiyli Orna
    Ich familiji mielom już żorna.
    --
    forum.gazeta.pl/forum/71,1.html?f=28940
  • broneknotgeld 12.07.05, 16:45
    Wilhelm Hegenscheidt

    Z Westfalii Wiluś na Ślonsk nom prziszoł
    W Gliwicach nojpiyrw ździybko namiyszoł
    Werk kaj drot ciongli "bajtlym" jest jego
    I huta "Baildon" była istnego
    Na Gornym Ślonsku fortuna rosła
    Chocioż do szpicy cołkym niy doszła.
    --
    forum.gazeta.pl/forum/71,1.html?f=28940
  • broneknotgeld 12.07.05, 16:46
    We Ornie

    We Ornie Wiluś wcale niy miyszkoł
    Dlo familiji majontek zyskoł
    By se tu wkludzioł nastympca jego
    Otto Hegenscheidt - znocie istnego.
    --
    forum.gazeta.pl/forum/71,1.html?f=28940
  • broneknotgeld 13.07.05, 17:24
    Wystowioł zamek

    Ano dyć Otto zamek wystowioł
    Ze familijom cołkom tu bowioł
    Ślubno Lucija dała dwie cery
    I syna Klausa - pamiynto kery?
    --
    forum.gazeta.pl/forum/71,1.html?f=28940
  • broneknotgeld 13.07.05, 17:28
    Pałac

    Pałac - dyć wszyscy zamkym go zwali
    Na eklektyczny muster tu dali
    Toż Hegenscheidtow teroz siedziba
    Już se łostanom na dugo chyba
    --
    forum.gazeta.pl/forum/71,1.html?f=28940
  • broneknotgeld 13.07.05, 17:30
    Hegenscheidtow

    Toż Hegenscheidtow Orna niy yno
    Zawiść Dymbiyńsko tyż ich wspomino
    Jelynio Gora podobnoś nawet
    Bo tyż tam grunta mieli we prawie.
    --
    forum.gazeta.pl/forum/71,1.html?f=28940
  • broneknotgeld 25.09.05, 13:22
    Klaus Hegenscheidt

    W armiji huzarym
    Służoł Wilusiowi
    Modym był - niy starym
    Kożdy tako powiy

    Na ost-froncie bioł sie
    I na tym co "west"
    We Ornie niy kroł sie
    Po wojnie tu jest.
    --
    forum.gazeta.pl/forum/71,1.html?f=28940
  • broneknotgeld 25.09.05, 13:24
    Klaus Hegenscheidt w Galicyji

    W Galicyji terminowoł
    Łon na ziymianina
    Coby tu gospodarowoł
    Kaj jego dziedzina.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:05
    Annemarie

    Zdo sie z niyj była swiatowo frela
    Rumunio Turcjo znaczyła wiela
    Dyć piyrszo wojna wszysko zmiyniyła
    Jakby z tym dziecku dowała siyła
    By słuzyć inkszym nawet we trudzie
    W ta strona Annemarie już pódzie.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:07
    Annemarie 1926

    Matura zdano - co dali bydzie?
    Toż sztudiyrować teroz jyj przidzie
    A że durś chciała ludzi kurować
    Na medycyna trza jyj z tym stowiać.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:09
    Annemarie Hegenscheidt

    Serce niy sługa - już Klausa ślubnom
    Dlo medycyny decyzjom zgubnom
    Bo z tym i studia frela przerwała
    Na gowie teroz majontek miała.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:10
    Park w Ornie

    Toż Annemarie ło niego dbała
    Ciyngym tyż cosik tam dokłodała
    By arboretum z niego zrobiyła
    Jakby co zaczła jednak skończyła.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:11
    "Ibongplatz"

    Ano - we parku kontek rychtuje
    "Przez szport do zdrowio" - tako tyż czuje.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:13
    Kolonie dziedziczki

    Wele Bielska na kolonie bajtli śle ze Orny
    By sie tako dychły - los niy dusioł morny
    Ano dlo nich przeca dobrodziejkom była
    Tako i bogactwym z biydnym se dzielyła.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:15
    "Fjoł"

    Medycyna "fjołym" durś zdo sie dziedziczki
    Toż se jyj chytała jako mogła wdycki
    Kobiytom prawiyła ło profilaktyce
    Łopieki dochtorski niy skompiyła - wiycie.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:17
    W majontku - 1926

    Dziewiyńdziesiont ton zboża ze pol se zebrali
    Łowsa tyż do tego wiela żniwowali
    W wiynkszości to wszysko polski rynek zbiyroł
    Klaus przeca na gyszeft ze ziymi zaziyroł.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:19
    Choć "obszary dworske"

    Choć "obszary dworske" polikwidowali
    Hegenscheidt był u sia - gospodorzoł dali
    Ziymi mu ubuło dyć wiela durś czimoł
    Zdo sie co we Ornie łon nigdy niy drzymoł.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:21
    W Dymbiyńsku

    W Dymbiyńsku Wielkim no i tyż Starym
    Czimoł Klaus niwy dość wielki miary
    I ciyngym tako gospodarowoł
    Że wiynkszym z roku na rok se stowoł.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:23
    Łogrodnictwo dworske

    Łogrodnik Skowronek ło nie richtig dboł
    Niy yno w warzywach uciecha dyć mioł
    Przeca rozkryńciyli gyszeft tu na kwiotkach
    W doniczkach stond brane wszyndy żeś mog spotkać.


    --
    forum.gazeta.pl/forum/71,1.html?f=28940
  • broneknotgeld 05.10.05, 22:25
    Dworsko "łowiyńdzina"

    Ano "łowiyńdzina" masowo hodowoł
    W tym mioł Klaus uciecha - dowom na to słowo
    Sławom sie ze Orny buhaje cieszyły
    No bo tyż pierońsko jurne łone były.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:27
    Mlyczornie Hegenscheidta

    Tam kaj jest bydło wiela tyż mlyka
    Trza je przerobiać a niy se smykać
    Tako sprzedować we swojich sklepach
    Było to miarom tego czowieka.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:29
    Śmietonka maślonka jogurty i mlyko
    Ze Orny nojzdrowsze bo dziedzic niy rzykoł
    Yno we chłodziarnie drapko wszysko tkoł
    Bestoż sort nojlepszy w swijich sklepach mioł.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:30
    8 ton

    Krowa rekordzistka w rok mo mlyka tela
    Tuste - sztyry procynt - dziwujom se wiela.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:31
    W Katowicach i Chorzowie

    W Katowicach i Chorzowie
    Sklepy ze nabiałym
    Co nojlepsze we nich krowie
    Z Orny towor cały.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:33
    Sztrom Hegenscheidta

    Toż jednym z piyrszych co swoj sztrom mioł
    Ze elektrowni mały parowy
    W latach dwudziestych bo tako chcioł
    Ze tym tu jakby wiek prziszoł nowy.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:35
    Stawy rybne

    Toż przi Potoku Ornontowickim
    Ryby hodowoł Hegenscheidt wdycki
    Mioł "prawo wodne" po swoji stronie
    Tako łod downa było - jeronie.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:36
    Kamiyniołom

    Kamiyniołom Klausowi zocny kamiyń dowoł
    Przecaz ty dziedziny nawet go sprzedowoł.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:37
    Tartak Hegenscheidta

    Jak las we rynkach i tartak zdo sie
    Gyszeft we kupie wtedy tyż mo sie.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:38
    Powozy dworske

    Szejść powozow - zdo sie wiela
    Toz i auto mo ta sztela
    Hegenscheidty szli ze czasym
    No i niy traciyli klasy.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:40
    Piyrszy telefon?

    Piyrszy mioł telefon w Ornie?
    Dugo ze tym tukej mornie
    Dyć we dworze trza go było
    Toż se drapko mu spełniyło.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:41
    Antoni Waloszczyk

    U Hegenschedtow zarzondzoł dworym
    Toż po dziedzicach łon piyrszy tukej
    Zowdy w robocie - nigdy niy chory
    Darmo takego kaj ińdzi szukej.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:44
    Adelajda Franzke

    Pod Waloszczykym ksiyngowom była
    Na jeji gowie cołki rachunek
    Sie tom robotom przeca cieszyła
    Choć możno czsym prziszoł frasunek.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:45
    Nadleśniczy Franzke

    Ano lasow mioł pon wiela
    We Dymbiyńsku tako w Ornie
    Trza istnego na ta sztela
    By niy poszło to na morne.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:47
    Klaus Hegenscheidt - patron kościoła

    Toż "ze urzyndu" jakby to mioł
    Farze niy skompioł bo tako chcioł
    Choć wiary przeca był wangelicki
    Coś dlo świontyni dowoł łon wdycki.
    --
    forum.gazeta.pl/forum/71,1.html?f=28940
  • broneknotgeld 05.10.05, 22:49
    Komitet Pomocy Bezrobotnym

    Klaus tyn komitet cołki czas wspiyroł
    Na biyda w ornie z troskom zaziyroł
    Bezrobotnymu by niy głodowoł
    Geldu coś kapnoł i jodło dowoł.
    --
    forum.gazeta.pl/forum/71,1.html?f=28940
  • broneknotgeld 09.10.05, 10:44
    "Jak długo my tu jeszcze coś posiadamy, nikt nie może u nas głodować względnie
    z głodu umierać"

    Tako w Komitecie Bezrobotnych prawioł
    Ze głodu wybawcom nikerym se jawioł
    Po złotku na tydziyń przeca biydnym dowoł
    No i jodła głodnym wiela tyż rozdowoł.
    --
    forum.gazeta.pl/forum/71,1.html?f=28940
  • broneknotgeld 09.10.05, 10:45
    Dowoł bezrobotnym

    Na gody i łodpust monki po dwie tony
    No i czsym krowy niy poskompioł łonym.
    --
    forum.gazeta.pl/forum/71,1.html?f=28940
  • broneknotgeld 09.10.05, 10:46
    Garkuchnia dlo bezrobotnych

    Niywiela by dali do warzynio garom
    Jakby tyn Hegenscheidt niy prziszoł z ofiarom.
    --
    forum.gazeta.pl/forum/71,1.html?f=28940
  • broneknotgeld 09.10.05, 10:49
    Biydaszyby w Ornie

    Ze tym bezrobotni robiyli fest szkoda
    Darmo po dobroci mog Hegenscheidt godać
    Las mu przeca niszczom drzewa przewrocajom
    Dyć choćby hajcować we doma czym majom
    A i tyż zarobić chcom te groszy pora
    Choć Klausa szanujom niy słuchajom dwora.


    --
    forum.gazeta.pl/forum/71,1.html?f=28940
  • broneknotgeld 09.10.05, 10:51
    Po kryzysie

    Niby kryzys minoł - dyć biyda łostała
    I ciyngym se pomoc dworu przidowała
    Toż dziedzice tako biydota wspiyrali
    Grzych prziwiyrać łoczy - to forsztelowali.
    --
    forum.gazeta.pl/forum/71,1.html?f=28940
  • broneknotgeld 09.10.05, 10:53
    W parku Hegenscheidta

    Dziedzic dowo na to zgoda
    By tu rechtor mioł - prziroda
    Toz we parku dziatwa z Orny
    Poznowała świat niymorny.
    --
    forum.gazeta.pl/forum/71,1.html?f=28940
  • broneknotgeld 09.10.05, 10:54
    Parkowe festyny

    Ano tyż sie odbywały
    Z gminy ciongnoł "kwiot" tu cały
    Dlo zabawy i muzyki
    -Radość miały nawet śpiki
    Tyż dziedziczka sie cieszyła
    Ze tym bliży "gminu" była.
    --
    forum.gazeta.pl/forum/71,1.html?f=28940
  • broneknotgeld 09.10.05, 10:56
    Ochotniczo Straż Pożarno 1927

    Jako by z niom w Ornie było
    Jakby klausa niy wciongnyło?
    Toż u niego zagościyli
    a i koni użyczyli.
    --
    forum.gazeta.pl/forum/71,1.html?f=28940
  • broneknotgeld 09.10.05, 10:58
    "Dom Zdrowio"

    Hegenscheidt sypnoł na to grosiwym
    Chocioż bogaty dyć niy był chciwy
    W dziesiyńciolecie państwa polskego
    Doł swoja "cegła" zocno do tego.
    --
    forum.gazeta.pl/forum/71,1.html?f=28940
  • broneknotgeld 09.10.05, 11:00
    Ornontowicki radny

    Strona niymiecko we Radzie czimoł
    Dyć se normalne to zdało
    Klaus służoł Ornie - przeca niy drzymoł
    Wiela go we tym wspiyrało.
    --
    forum.gazeta.pl/forum/71,1.html?f=28940
  • broneknotgeld 09.10.05, 11:01
    Komisyjo Drogowo

    Ano - zasługom tyż to dziedzica
    Co w Ornie drogi zmiyniajom lica
    Dwor se ze gminom dogodoł tako
    By dbać ło drogi tukej jednako.
    --
    forum.gazeta.pl/forum/71,1.html?f=28940
  • broneknotgeld 09.10.05, 11:03
    Gon

    Gon w ornontowickich lasach
    Hegenscheidtow - dobra nasza
    Przeca łoni to lubieli
    Tako se zabowiać chcieli.
    --
    forum.gazeta.pl/forum/71,1.html?f=28940
  • broneknotgeld 09.10.05, 11:04
    Kloźdowki na stawach

    Tako tu zimom zowdy zabawa
    Były kloźdowki na Orny stawach
    Kto przi ślynzuchach na lod se pchoł
    Choć dziedzic ze tym utropa mioł.
    --
    forum.gazeta.pl/forum/71,1.html?f=28940
  • broneknotgeld 09.10.05, 11:09
    Kuligi ornontowicke

    Dyć zaprzongnyli konie do sani
    Kulig powiedom we Orny lasy
    Choć niy dogoniom we lesie łani
    Przeca ty szteli dołozom krasy

    Toż wio koniku! Śniegu jest wiela
    Ziomb skuli szwongu w zadku łostanie
    Gorko przi tymu - trza nom wesela
    Zima w pamiyńci tako łostanie.


    --
    forum.gazeta.pl/forum/71,1.html?f=28940
  • broneknotgeld 28.05.05, 22:38
    Ornontowicko parafijo

    We wrocławski djecezyji
    Som Ornontowice
    Jako we ty parafiji?
    Przeca se dowiycie.
    --
    forum.gazeta.pl/forum/71,1.html?f=28940
  • broneknotgeld 29.05.05, 10:51
    We sztyrnostym wieku

    Znodli we wykazie kościoł parafialny
    Dyć powod szkryfniyńcio zdowo sie niyfajny
    Bo niy łopłaciyli "Vienny" dziesiyńciny
    Kero szła na wsparcie ty Świynty Dziedziny.
    --
    forum.gazeta.pl/forum/71,1.html?f=28940
  • broneknotgeld 29.05.05, 10:53
    6 skojcow (1335-1342)

    Farorz z Ornontowic spłacioł co do skojca
    Zaległy podatek do stolicy Łojca.
    --
    forum.gazeta.pl/forum/71,1.html?f=28940
  • broneknotgeld 29.05.05, 10:55
    Przi Glywicach

    Parafijo przi Glywicach
    Stoji w djecezyji
    Na Wrocka tyż paczy lica
    -Taki prowincyji.

    --
    forum.gazeta.pl/forum/71,1.html?f=28940
  • broneknotgeld 29.05.05, 10:57
    Piyrszy kościoł

    Piyrszy kościoł dyć drewniany
    we ty wiosce stoł
    Już Michała Archanioła
    za patrona mioł.
    --
    forum.gazeta.pl/forum/71,1.html?f=28940
  • broneknotgeld 11.06.05, 08:38
    1578

    Kościoł wystawiyli nowy tyż drewniany
    Łon na duge lata mioł im być tu dany
    Sztyrysta piytnoście rokow aże stoł
    Niym stond parafianin murowany mioł.
    --
    forum.gazeta.pl/forum/71,1.html?f=28940
  • broneknotgeld 11.06.05, 08:41
    Wizytacyjo parafiji ornontowicki (1687)

    Co wizytator szkryfnoł w papiorach?
    -Kościoł drewniany a niy we murach
    I zocny ponoć tu tyż skiż tego
    Że w niym niy majom pochowanego
    Kogoś kto szołby gibko za Lutrym
    - Tyż katolicki bydzie ze jutrym.


    --
    forum.gazeta.pl/forum/71,1.html?f=28940
  • broneknotgeld 13.06.05, 07:58
    Parafijo w siedymnostym wieku

    W siedymnostym wieku richtig ubożeje
    Niy były to dobre dlo koscioła dzieje
    Protestancko-katolicke roztoliczne wojny
    Biyda wiernym ciyngym niosły w tyn czas niyspokojny
    Bestoż i w Ornontowicach kościoł zdo sie chylić
    Chocioż Welczki przed nojgorszym trocha go chroniyli.
    --
    forum.gazeta.pl/forum/71,1.html?f=28940
  • broneknotgeld 20.06.05, 17:43
    Kościelne łorgany?

    Choć łorganista szkoła prowadzioł
    Grać na klawiyrach tu niy poradzioł
    Dyć insztrumyntu niy ma w kościele
    Tako se życie dziwacznie miele

    W Dymbiyńsku jednak pewno łon grywoł
    Tymu niyjedyn by se niy dziwoł
    Bo w Ornie w końcu zabrakło ksiyndza
    Toż parafialno richtig już nyndza.
    --
    forum.gazeta.pl/forum/71,1.html?f=28940
  • broneknotgeld 24.06.05, 21:24
    1693

    Durś parafijo podupadała
    Z tym rokym sztela w Dymbiyńsku miała
    W ornontowickim teroz kościele
    Mszo yno była skuli niydziele
    A plebanijo cołkym już pusto
    Przeca łod downa niy było tusto.
    --
    forum.gazeta.pl/forum/71,1.html?f=28940
  • broneknotgeld 03.07.05, 15:19
    Parafijo Ornontowicko 1719

    Ano - niy było już ksiyndza tukej
    Toż na Dymbiyńsko terozki klupej
    Tam farorzowi brak wikarego
    Wiela wymogać to szło łod niego?

    We cołkym roku msze w Ornie czi
    Kościoł podupod - kożdy to wiy
    Na lepsze czasy czekać sie zdo
    Czy łone przidom? Ponboczek do?
    --
    forum.gazeta.pl/forum/71,1.html?f=28940
  • broneknotgeld 03.07.05, 15:23
    "Fundacyjo Mszalno"

    Sztyrysta talarkow baron Welczek doł
    By kościoł posługa kapłanow tu mioł
    Profit erbnoł farorz Dymbiyńska Wielkego
    Jaki ? -Trza by spytać se możno istnego

    Dyć dwie parafije z tym se połonczyły
    Łod sia być zabrakło we tych czasach siyły
    Świontyni zaś biyda w łoczy zoglondała
    Chocioż tu na Ornie jakosik przetrwała.
    --
    forum.gazeta.pl/forum/71,1.html?f=28940
  • broneknotgeld 04.07.05, 18:23
    Farorz Jakub Talapacz (1678-1684)

    W Ujeździe był krzczony we wieku połowie
    Richtig świyntobliwy był ze niego czowiek
    Protestantow nawrocoł łon na rzymsko wiara
    Czy było ich wiela niym skończoł na marach?
    --
    forum.gazeta.pl/forum/71,1.html?f=28940
  • broneknotgeld 04.07.05, 18:27
    Farorz Paweł Kasperek (1684-1693)

    Wiela parafiji piyrwyj mioł we rynkach
    zdało sie - sutanna to dlo niego mynka
    Popić przeca lubioł połobrocać baby
    Bajtli tyż moioł pora wspomnieć tako trza by
    Na starość se zmiynioł - już w Ornontowicach
    Dyć tukej we nyndzy pogasły mu lica.
    --
    forum.gazeta.pl/forum/71,1.html?f=28940
  • broneknotgeld 14.07.05, 18:25
    Stary kościoł (1578-1893)

    Wiela stary kościoł we Ornie szczimoł
    Zdowało sie jakby czasym tu drzymoł
    Farorz ze Dymbiyńska ciyngym piecza mioł
    Ale w ciynżkich rokach niywiela tyż dboł.
    --
    forum.gazeta.pl/forum/71,1.html?f=28940
  • broneknotgeld 14.07.05, 18:26
    W dziewiytnostym wieku

    W dziewiytnostym wieku przibywo durś ludzi
    Toż se parafijo do życio łobudzi.
    --
    forum.gazeta.pl/forum/71,1.html?f=28940
  • broneknotgeld 14.07.05, 18:27
    Bractwo Rożańcowe 1849

    Czy już pobożniejszy miyszko tukej czowiek?
    Pewnie - przeca majom Bractwo Rożańcowe.
    --
    forum.gazeta.pl/forum/71,1.html?f=28940
  • broneknotgeld 14.07.05, 18:28
    W połowie XIX wieku

    Ołtorz Matki Boski gryfnie łodnowiony
    Sztyrdziści talarkow trza wyłożyć łonym.
    --
    forum.gazeta.pl/forum/71,1.html?f=28940
  • broneknotgeld 14.07.05, 18:29
    1862

    Delina drewniano była do niczego
    Toż teroz zrobiyli z piaskowca mocnego.
    --
    forum.gazeta.pl/forum/71,1.html?f=28940
  • broneknotgeld 14.07.05, 18:31
    Łorgany 1863

    Wolfgang ze Ujazdu wzioł w rynce łorgany
    Naprawioł co umioł - "wykurowoł rany"
    Rokow ze czidziści jeszcze tu służyły
    Na krotko w świontynia tyż nowo wkludziyły.
    --
    forum.gazeta.pl/forum/71,1.html?f=28940
  • broneknotgeld 14.07.05, 18:34
    Kościoł przed 1878

    Farorz z kościelnym tu gospodarzoł
    Możno dali tako rzońdzić by se marzoł
    Z gory nakozali mieć Zarzond Kościoła
    Myni teroz znaczoł - w tym dlo niego szkoła?
    --
    forum.gazeta.pl/forum/71,1.html?f=28940
  • broneknotgeld 18.07.05, 17:28
    Kaplica św. Jana

    Świyntego Jana kaplica
    Przi drodze naprzeciw kościoła
    Starego - tako uklyca
    Toż wele niego se stoła.
    --
    forum.gazeta.pl/forum/71,1.html?f=28940
  • broneknotgeld 18.07.05, 17:31
    Łostatnie lata

    Niym stary kościoł zbulyli
    Durś na mszo tukej łaziyli
    Niy szło dyć wystoć we środku
    Skuli pożaru przipodku

    Ci co se w ławkach niy siedli
    Na dworze czas mszy tu wiedli
    A przeca było ich wiela
    Bo Orna rosła - to tela.
    --
    forum.gazeta.pl/forum/71,1.html?f=28940
  • broneknotgeld 14.07.05, 18:36
    Zarzond Kościelny 1878

    W tym roku Zarzond Kościelny dany
    Na szpicy farorz - z niym parafiany
    Zocne bo przeca kożdy ze Orny
    Zarzond mioł bardzi być gospodorny.
    --
    forum.gazeta.pl/forum/71,1.html?f=28940
  • broneknotgeld 14.07.05, 18:39
    Zastympstwo Gminy Kościelny 1878

    Toż te Zastympstwo cołkym z welunku
    Mo "parafijo" ciongnońć ku słonku
    By samorzondność łod sia se miała
    I na Dymbiyńsko już niy paczała.
    --
    forum.gazeta.pl/forum/71,1.html?f=28940
  • broneknotgeld 14.07.05, 18:42
    Parafijo 1888

    Zarzond Kościelny tako uchwoloł
    "Że stary kościoł cołkym sie woloł
    Trza za budowa brać se nowego"
    Dziedzic Hegenscheidt niy bronioł tego
    Wsporcie dać musioł bo był patronym
    Dyć prziszło na to czekać tu łonym.
    --
    forum.gazeta.pl/forum/71,1.html?f=28940
  • broneknotgeld 14.07.05, 18:44
    Patronat Hegenscheidta

    Patronat czimoł nad parafijom
    Dyć to dlo niego tyż tu mecyjom
    Trza było groszym sypnońć na kościoł
    A łon wangelik - toż farorz pościoł.
    --
    forum.gazeta.pl/forum/71,1.html?f=28940
  • broneknotgeld 14.07.05, 18:48
    Ksiondz Ćwielong

    Dymbiyński farorz parafian wspiyroł
    By kościoł nowy na Ornie stoł
    Choć se do Pyjtra chnetko wybiyroł
    Dyć radość przeca z ideji mioł.
    --
    forum.gazeta.pl/forum/71,1.html?f=28940
  • broneknotgeld 14.07.05, 18:49
    Bauplac

    Doł dziedzic łod sia na to parcela
    Parku ubyło dyć mu niywiela.
    --
    forum.gazeta.pl/forum/71,1.html?f=28940
  • broneknotgeld 14.07.05, 18:54
    82 775 marek

    Trza na świotynio marek aż tela
    Tyż robocizna parafian w tym
    Dwie czecie patron doł na ta sztela
    Portmanyj łotwar to przeca wiym

    I chocioż bauplac wpiyrw tyż doł na to
    Choć geld wyłożoł bez ty radości
    Dyć przeca Orna niy jest sagato
    Coś łod sia dadzom i ludzie prości.


    --
    forum.gazeta.pl/forum/71,1.html?f=28940
  • broneknotgeld 14.07.05, 18:54
    73 tysionce

    Tela w gotowce wyłożyć trza
    Reszta z roboty parafian - pra?
    --
    forum.gazeta.pl/forum/71,1.html?f=28940
  • broneknotgeld 14.07.05, 18:55
    Kolekta na kościoł

    Ponoc dała wiyncy niż sie spodziywali
    Ludzie na świontynia z chyńciom grosz dowali.
    --
    forum.gazeta.pl/forum/71,1.html?f=28940
  • broneknotgeld 14.07.05, 18:57
    Z Funduszu Wolnych Kuksow

    Fundusz na tyn kościoł tyż doł zapomoga
    Wiela? tego niy wiym - toż szkryfnońć niy moga.
    --
    forum.gazeta.pl/forum/71,1.html?f=28940
  • broneknotgeld 14.07.05, 18:58
    30 tysiyncy marek

    Tela na świontynia pożyczyła gmina
    Dość dugo spłocali - toż to niy nowina.
    --
    forum.gazeta.pl/forum/71,1.html?f=28940
  • broneknotgeld 14.07.05, 18:59
    Nowy kościoł 1892/1893

    Toż we tych rokach go zbudowali
    Cześć Ponboczkowi tako łoddali.
    --
    forum.gazeta.pl/forum/71,1.html?f=28940
  • broneknotgeld 14.07.05, 19:13
    Budowa 1892/1893

    Projekt doł Jackisch na ta budowa
    Maksa Phillipa z Gliwic w tym gowa
    By w Ornie nowy kościoł chnet stoł
    Jako niyjedyn tukej dyć chcioł

    Ze Mikołowa Kasza malowoł
    Droga Krziżowo artysta dowoł
    W drewnie kunsztownie jest wystrugano
    Przez Dorfa z Nysy - take mioł miano.

    forum.gazeta.pl/forum/71,1.html?f=28940
  • broneknotgeld 14.07.05, 19:18
    23.IX.1893

    Archanioł Michał zdo sie mo świynto
    Toż te pokropki dugo spamiynto
    Z rynki farorza Zielonkowskiego
    Dyć przeca sztela pod władzom jego

    Filjom dymbiyński parafji łona
    Chocioż by chceli łod sia być "w doma"
    Pewno we końcu i to im przidzie
    Czekajom - z czasym richtig to bydzie.

    --
    forum.gazeta.pl/forum/71,1.html?f=28940
  • broneknotgeld 18.07.05, 19:56
    Ks. Zielonkowski

    Dymbiyński farorz popiyroł Orna
    Samodzielności sioł jakby ziorna.
    --
    forum.gazeta.pl/forum/71,1.html?f=28940
  • broneknotgeld 18.07.05, 20:00
    Ks. Ludwik Winkler

    Jak we Dymbiyńsku majom Winklera
    Z kuracjom w Ornie ruszo sie teraz
    Tyż samodzielność "parafii" wspiyroł
    Za tym na Wrocek ponoć zaziyroł.
    --
    forum.gazeta.pl/forum/71,1.html?f=28940
  • broneknotgeld 18.07.05, 20:01
    Mecyjo

    Już nowy kościoł a durś mecyjo
    Ciyngym podległo ta "parafijo"
    Filiom Dymbiyńska Wielkego przeca
    Jakby tu wylyźć ze tego "neca"?
    --
    forum.gazeta.pl/forum/71,1.html?f=28940
  • broneknotgeld 18.07.05, 20:05
    Ornontowicki ksiondz (1907)

    Orna "swojego" ksiyndza już miała
    Dyć mu miyszkanie wynajmowała
    Ło farze mog łon pomarzyć yno
    Choć tyż se ło nia coś dopomino.
    --
    forum.gazeta.pl/forum/71,1.html?f=28940
  • broneknotgeld 18.07.05, 20:09
    1907

    Ksiondz Stanoszek w Ornie teroz "wikaruje"
    "Parafijo" ze tym jakby fermynt czuje
    Co ze kuracyjom? Bydzie czy niy bydzie?
    Możno i co złego w końcu z tego przidzie?
    --
    forum.gazeta.pl/forum/71,1.html?f=28940
  • broneknotgeld 18.07.05, 20:11
    Ksiondz Jan Salzburg

    Doszły ploty take do biskupa aże
    Co farorz dymbiyński durś strania "maże"
    Coby parafijo we Ornie zrychtować
    Dyć czy idzie wiary tymu richtig dować?
    --
    forum.gazeta.pl/forum/71,1.html?f=28940
  • broneknotgeld 18.07.05, 20:14
    1908

    Sie ksiondz Stanoszek staroł z wiernymi
    Ło kuracyjo dlo Orny ziymi
    Kopp we Wrocławiu łobiycoł w końcu
    Zdało sie ludziom - idom ku słońcu.
    --
    forum.gazeta.pl/forum/71,1.html?f=28940
  • broneknotgeld 18.07.05, 20:17
    Wonty?

    Farorz ze Dymbiyńska podobnoś mioł wonty
    Tako łosprowiajom tukej wszyske konty.
    --
    forum.gazeta.pl/forum/71,1.html?f=28940
  • broneknotgeld 18.07.05, 20:19
    Tumult

    pod kościołym tumult robiom parafiany
    Dekret kuracyjny niy bydzie wydany?!
    Zdo sie co wikary wiernych gorko wspiyro
    Na władze przi tymu wcale niy spoziyro.
    --
    forum.gazeta.pl/forum/71,1.html?f=28940
  • broneknotgeld 18.07.05, 20:22
    Buntownik

    Toż już nad Stanoszkym stoji prokurator
    Ksiondz czy parafialny z niego "demokrator"?
    Kościoł pewdzioł - winny. Tako samo sond
    Ponoć przi wyroku czuć było tam swond
    I ktosik usłyszoł chichot tyż djobelski
    Że na wikarego tref prziszoł niysielski.
    --
    forum.gazeta.pl/forum/71,1.html?f=28940
  • broneknotgeld 18.07.05, 20:24
    Stanoszkowo sztrofa

    Dwa miesionce w kozie - przeca ło tym wiycie
    I musioł łopuścić już Ornontowice.
    --
    forum.gazeta.pl/forum/71,1.html?f=28940
  • broneknotgeld 18.07.05, 20:30
    Tako sie dzioło

    W Ornontowicach jako sie dzioło?
    -Ano niy było wcale wesoł
    Nowy wikary mioł być im dany
    Dyć sie zbiesiyli coś parafiany

    Do głosu teroz doszły tu baby
    Na łostro poszło - szkryfnońć mi trza by
    Toż za Stanoszkym sie postawiyły
    "Prowodyrami" tu łone były

    Zarzond Kościelny tyż se już sztrabnoł
    Z tym cołki "systym" jakby fest rabnoł
    Wiela roboty mieli żandary
    Szłoby dać miano "afera fary"

    Swoje dociepła tyż rejyncyjo
    Z Opola prziszła tako mecyjo
    Że przepełniyła sie richtig koza
    I nikt niy pedzioł co trza już "z woza".
    --
    forum.gazeta.pl/forum/71,1.html?f=28940
  • broneknotgeld 18.07.05, 20:34
    A ksiondz Stanoszek

    Swoje łodciyrpioł - z heresztu wyloz
    Do Ornontowic drapko sam prziloz
    Nic że nakozoł biskup "zesłanie"
    Jak w "parafiji" mo powożanie
    Dali łodprowio tu nabożyństwa
    Zdo sie ze znakym teroz mynczyństwa.
    --
    forum.gazeta.pl/forum/71,1.html?f=28940
  • broneknotgeld 18.07.05, 20:55
    "Łobiycano" kuracyjo 1909

    Ano dyć prziszła nowo utropa
    Czy decyzyji wierzyć tu Koppa
    Nojpiyrw łobiycoł potym zabronioł
    Jakby parafian we ćmok z tym gonioł.


    --
    forum.gazeta.pl/forum/71,1.html?f=28940
  • broneknotgeld 18.07.05, 20:43
    Wikary z Dymbiyńska

    Wikary z Dymbiyńska dyć był wyznaczony
    Ale co mog pedzieć boroczek tu łonym?
    Ornontowiczanie słuchać go niy chcieli
    Przeca łoni ksiyndza swojego już mieli

    Żol możno i było czasym kapelonka
    Co tu mszo łodprawioł dlo sia i dlo słonka
    Aże dwoch żandarow mioł tyż za łobstawa
    Niy była to richtig dlo niego "zabawa".
    --
    forum.gazeta.pl/forum/71,1.html?f=28940
  • broneknotgeld 18.07.05, 20:44
    "Bunt dzieci"

    Na nauki komunijne przestały prziłazić
    Choć Ponboczka przeca tako niy chciały łobrazić.
    --
    forum.gazeta.pl/forum/71,1.html?f=28940
  • broneknotgeld 18.07.05, 20:49
    Kamiyniowali?

    Richtig kamiyniami ciepali w farorzy?
    Chcieli łoni kościoł zamknońć parafianom?
    Trza było sie łostro na to aże wożyć?
    Ponboczku - wyboczom to ornontowianom!

    Bo przeca skiż pszonio yno to sie stało
    Chcieli tu być łod sia - tako im sie zdało
    Ze wiary to wielki wyszło baby chopa
    A terozki yno majom ta utropa!
    --
    forum.gazeta.pl/forum/71,1.html?f=28940
  • broneknotgeld 18.07.05, 20:50
    "Niysłychane zajścia"

    Kardynał Kopp se tako wyrazioł
    Toż "kij w mrowisko" tyż swoj tu wrazioł.
    --
    forum.gazeta.pl/forum/71,1.html?f=28940
  • broneknotgeld 18.07.05, 20:57
    W końcu

    Ksiyndza Stanoszka żandary copli
    Hereszt niy nyńcioł - swojego dopli
    Adres mo nowy - we Kopienicach
    Co leżom ponoć przi Pyskowicach.
    --
    forum.gazeta.pl/forum/71,1.html?f=28940
  • broneknotgeld 18.07.05, 21:01
    1.V.1911

    Aktym ze lutego - kardynała Koppa
    Kuracyjo majom - zniknyła utropa
    Dyć jeszcze sie tukej wiela tyż starali
    Niym se parafiji cołkym doczekali.
    --
    forum.gazeta.pl/forum/71,1.html?f=28940
  • broneknotgeld 18.07.05, 21:03
    Kuracyjo

    Ziymie dworske i gminne jeji podlegajom
    Już tu parafiany samodzielność majom
    Choć jeszcze niy pełno dyć ku tymu idzie
    Zdo sie że to drapko terozki im przidzie.

    --
    forum.gazeta.pl/forum/71,1.html?f=28940
  • broneknotgeld 18.07.05, 21:06
    Kuratus

    Po ornontowicki parafialny "wojnie
    Kożdy chcioł by było bardzi tu spokojnie
    Otto Maternymu kuracyjo dali
    Oby we ty Ornie mu teroz ufali.
    --
    forum.gazeta.pl/forum/71,1.html?f=28940
  • broneknotgeld 18.07.05, 21:09
    Z lutym 1911.

    Z lutym wszyscy to wiedzieli
    Trza mieć fara we ty szteli.
    --
    forum.gazeta.pl/forum/71,1.html?f=28940
  • broneknotgeld 18.07.05, 21:10
    Coby była

    Coby tu była chnet parafijo
    Fara poczebno - toż z niom mecyjo.
    --
    forum.gazeta.pl/forum/71,1.html?f=28940
  • broneknotgeld 18.07.05, 21:18
    Plebanio II.1911

    Projekt już wybrany
    Zezwolynio trza
    Wrocławiowi dany
    Zgoda bydzie - pra?
    --
    forum.gazeta.pl/forum/71,1.html?f=28940
  • broneknotgeld 18.07.05, 21:21
    24 tysionce marek

    tela parafiany na plebanio majom
    Z kolekty i darow - Ponboczkowi pszajom
    Dyć to niy wystarczy - jeszcze wiyncy czeba
    Drogo coś wyłazi ta "droga do Nieba".
    --
    forum.gazeta.pl/forum/71,1.html?f=28940
  • broneknotgeld 18.07.05, 21:24
    10 tysiyncy marek

    Toż łod patrona tela tyż chcieli
    By dobioł piniondz kery brakuje
    A łon łodmowioł! Niy chce ty szteli?!
    Fara? Czy jego utropom ty je?!
    --
    forum.gazeta.pl/forum/71,1.html?f=28940
  • broneknotgeld 18.07.05, 21:25
    Zdaniym patrona

    Bauplac na fara łod sia już doł
    I zapomoga jednorazowo
    Toż majom wiyncy niż łon by chcioł
    Take patrona łostatnie słowo.
    --
    forum.gazeta.pl/forum/71,1.html?f=28940
  • broneknotgeld 18.07.05, 21:27
    Farski spor

    Kurio sie wdała w tyn farski spor
    Bez niyj by możno wyrosnoł "mur"
    Dyć poszli wszyscy chnet na ugoda
    Choć geldu mało - nastała zgoda.
    --
    forum.gazeta.pl/forum/71,1.html?f=28940
  • broneknotgeld 18.07.05, 21:14
    Ornontowicko fara (1911)

    Architekt Giemza projekt swoj dowoł
    A z Siymianowic Kurpierz budowoł
    Toż w październiku cołkym stanyła
    Już kuratusa Piegzy gościyła.

    --
    forum.gazeta.pl/forum/71,1.html?f=28940
  • broneknotgeld 19.07.05, 19:03
    Ksiondz Hugo Piegza

    Toż łon Materny drapko podmiynioł
    Doczkoł co prziszło farorza miano
    Za parafijo sie niy rumiynioł
    Już spokojniejszo była mu dano.
    --
    forum.gazeta.pl/forum/71,1.html?f=28940
  • broneknotgeld 19.07.05, 19:06
    3.VIII.1914

    Już Kopp doł handszrift swoj na papiorze
    Toż Orna w końcu pódzie ku gorze
    Choć bydzie trocha to jeszcze trwało
    Czas niyspokojny - sie wojowało.
    --
    forum.gazeta.pl/forum/71,1.html?f=28940
  • broneknotgeld 19.07.05, 19:09
    Parafijo - 1.VI.1915

    Zdołby sie fajer w "Świyntym Michale"
    Dyć czas terozki niy cieszy wcale
    Łoj - coby już sie skończyła wojna
    I radośniejszo była ta Orna.
    --
    forum.gazeta.pl/forum/71,1.html?f=28940
  • broneknotgeld 19.07.05, 19:10
    W dekanacie dymbiyńskim

    W dekanacie dymbiyńskim ciyngym parafiany
    Tako jako piyrwyj tyn przidział im dany.
    --
    forum.gazeta.pl/forum/71,1.html?f=28940
  • broneknotgeld 19.07.05, 19:12
    Siostry Służebniczki - 1917

    Ksiondz Piegza ściongnoł je w ciynżkim roku
    Zdo sie co Niymcy lecom ku ćmoku
    A siostry przeca to ślubowały
    By tam kaj "ciymno" pomoc dowały.
    --
    forum.gazeta.pl/forum/71,1.html?f=28940
  • broneknotgeld 19.07.05, 19:13
    Wyjechoł

    Skuli podziału Gornego Ślonska
    Wyjechoł Piegza ze tego konska.
    --
    forum.gazeta.pl/forum/71,1.html?f=28940
  • broneknotgeld 19.07.05, 19:15
    Ksiondz Teofil Bromboszcz

    Ano ze Polskom Bromboszcz tu prziszoł
    Przeca niy po to by coś namiyszoł.
    --
    forum.gazeta.pl/forum/71,1.html?f=28940
  • broneknotgeld 25.08.05, 16:35
    28.VII.1922

    Ksindz Broboszcz farorzym - mioł przeca zasługi
    Toż administrowoł czas yno niydugi
    Jak yno granica nowo już stanyła
    Ta fara na stałe se jymu trefiyła.
    --
    forum.gazeta.pl/forum/71,1.html?f=28940
  • broneknotgeld 25.08.05, 16:40
    XII.1923

    Przeniyśli Bromboszcza aże do Katowic
    Trza nowego ksiyndza dlo tych Ornontowic
    Józef Grunt farorzym - z zocny Wsi Wojtowy
    Toż jakby ze Gliwic dzisioj kożdy powiy.
    --
    forum.gazeta.pl/forum/71,1.html?f=28940
  • broneknotgeld 18.09.05, 17:00
    Ks.dr. Teofil Bromboszcz 1923

    Ano - trza zdać było
    Ta fara ze Orny
    Dyć poloz we gora
    Tref niy czekoł morny
    Po szceblach se wspinoł
    Bez jakichś mecyji
    Aże sufraganym
    Łostoł djecezyji.
    --
    forum.gazeta.pl/forum/71,1.html?f=28940
  • broneknotgeld 18.09.05, 17:02
    Ks. Józef Grunt (6.XII.1923)

    Już tom parafijom łon administruje
    Farorzym łostanie - cosik tako czuje.
    --
    forum.gazeta.pl/forum/71,1.html?f=28940
  • broneknotgeld 18.09.05, 17:05
    Ks. Józef Grunt (1.IV.1924 - 18.XI.1933)

    We "prima-aprilis" farorzym tu zostoł
    Dyć na reszta życio parafijo dostoł
    Toż nikerzy richtig po niym fest płakali
    Jak dziyń taki prziszoł w kerym go chowali.
    --
    forum.gazeta.pl/forum/71,1.html?f=28940
  • broneknotgeld 18.09.05, 17:07
    Pora miesiyncy

    Z tom parafijom pora mesiyncy
    Sie bujakowski farorz umynczy
    Szczyńściym co trwało to tu niydugo
    Chnet Kwapuliński wszyskim zamrugoł.
    --
    forum.gazeta.pl/forum/71,1.html?f=28940
  • broneknotgeld 18.09.05, 17:09
    Ks. Juliusz Kwapuliński (IV.1934)

    Ponoć łośmiu ksiyndzy ło fara sie "biyło"
    Toż Kwapulińskiymu tako se trefiyło.
    --
    forum.gazeta.pl/forum/71,1.html?f=28940
  • broneknotgeld 18.09.05, 17:11
    Dola farorza

    Ano - we Ornie farorz był som
    Niy wspiyroł go tu wikary
    Łod sia tu tela yno se dom
    Boroczkym chory i stary.
    --
    forum.gazeta.pl/forum/71,1.html?f=28940
  • broneknotgeld 18.09.05, 17:14
    Zarzond Komisaryczny Parafiji Ornontowicki (8.VI.1925)

    Rady parafialny w tych latach niy było
    Toż z "komisorzami" se tukej rzońdziyło
    --
    forum.gazeta.pl/forum/71,1.html?f=28940
  • broneknotgeld 20.09.05, 23:54
    Zarzond Komisaryczny Parafiji 1925

    Pawełek Owczarek Szarf i Siedlaczek
    Toż przeca styknie - żodyn niy płacze
    A przewodniczy wszyskymu farorz
    Piyńciu zrachujesz tako ich naroz.
    --
    forum.gazeta.pl/forum/71,1.html?f=28940
  • broneknotgeld 20.09.05, 23:55
    Zarzond Komisaryczny 1927

    Toż za Owczarka Malczyka majom
    Tela - już wiyncy ło tym niy "wajom"
    Tako leciało do wojny aże
    I bez łostudy na Orny farze
    --
    forum.gazeta.pl/forum/71,1.html?f=28940
  • broneknotgeld 20.09.05, 23:58
    Zakrystianin Błażej Mikusz (1890-1935/6)

    Toż Błażej Mikusz wiela tu przeżoł
    Aże bych tymu jo niy uwierzoł
    Ty parafiji był żywom ksiyngom?
    A jo do zajtow spisanych siyngom.
    --
    forum.gazeta.pl/forum/71,1.html?f=28940
  • broneknotgeld 20.09.05, 23:59
    Zakrystianin Jan Adamczyk

    Mikusza wspiyroł w podeszłych latach
    Łojca w niym widzioł? -Przeca niy brata!
    --
    forum.gazeta.pl/forum/71,1.html?f=28940
  • broneknotgeld 21.09.05, 00:00
    Walenty Łowiński (1923-1931)

    Reskiyrowoł szkołom - tu był łorganistom
    Pieścioł parafianom uszy nutom czystom?
    --
    forum.gazeta.pl/forum/71,1.html?f=28940
  • broneknotgeld 21.09.05, 00:01
    Lorganista Rudolf Reczek

    Tyn na łorganach do wojny groł
    Tyż tako "fara" we Ornie mioł.
    --
    forum.gazeta.pl/forum/71,1.html?f=28940
  • broneknotgeld 21.09.05, 00:06
    Bierzmowanie 23.V.1933

    Kurde - to sie w gminie dzioło!
    Mioł Adamski tu wesoło
    Toż prziwiydli go cyklisty
    Witoł Zdzieblik głosym czystym
    Ksiondz Grunt wodom i kadzidłym
    W Ornie fest woniało mydłym

    Bierzmowańcow wiela było?
    Chnet piyńć setek sie zliczyło
    Biskup aże tym utrudzioł
    Dyć w nich wiara wiynkszo budzioł

    Prawiom - z Duchym Świyntym w Ornie
    Z tego czasu niy ma mornie.
    --
    forum.gazeta.pl/forum/71,1.html?f=28940
  • broneknotgeld 21.09.05, 00:10
    Nowe dzwony 1921

    Piyrsze z kościoła wojna zabrała
    Już we szesnostym se rozkulała
    Tako co spiżu wszyndy dzukali
    I z wież kościelnych wiela zabrali

    Toż nowych drapko trza parafianom
    Coby dzwoniyły niy yno rano
    Łod Hegenscheidta cosik dostali
    A reszta sami se dozbiyrali

    Juzaś radosne Ornontowice
    Ze klangu dzwonow - to niy som wice
    Ponboczka tako przeca tu chwolom
    We sercach dzwoniom tyż "wolnom wolom".
    --
    forum.gazeta.pl/forum/71,1.html?f=28940
  • broneknotgeld 21.09.05, 00:13
    Sztrom w kościele 1926

    Ksiondz Grunt pociongnoł sztrom do ty sztele
    Byrny już świycom we tym kościele
    Zdo sie - im jaśni tym bliży Boga
    Czy tako szkryfnońć jo tukej moga?
    --
    forum.gazeta.pl/forum/71,1.html?f=28940
  • broneknotgeld 21.09.05, 00:15
    Świyntokradztwo 5/6.X.1933

    Monstrancjo gotycko kelichy złocone
    W nocy ze kościoła były wykradzione
    Złodzieji niy znodli choć wiela szukali
    Aż na szejść tysiyncy straty zrachowali.
    --
    forum.gazeta.pl/forum/71,1.html?f=28940
  • broneknotgeld 21.09.05, 00:16
    Toutynhala

    Na starym kerchofie w miyndzywojniu była
    Toż kapliczka staro do tego służyła.
    --
    forum.gazeta.pl/forum/71,1.html?f=28940
  • broneknotgeld 21.09.05, 00:18
    Krziż ulbrycha 6.V.1934
    Toż biskup Bromboszcz świyńcioł tyn krziż
    Ulbrych był z Zabrza - to pewno wiysz.
    --
    forum.gazeta.pl/forum/71,1.html?f=28940
  • broneknotgeld 21.09.05, 00:19
    Krziż Owczarczyka VI.1936

    Francik Owczarczyk tyn krziż fundowoł
    Przi drodze co do Orzesza
    Świadectwo wiary tako swe dowoł
    Toż fraszkom jo tu niy zgrzesza.
    --
    forum.gazeta.pl/forum/71,1.html?f=28940
  • broneknotgeld 21.09.05, 22:32
    Bractwo Rożańca Świyntego (1849)

    Dyć tu nojwiynkszo ferajna z wiarom
    I niy zaszkodzi mianować "starom"
    Toż piyrwyj rosło w Ornie i rosło
    Czy do piyńciuset parafian doszło?
    Chnetko już tela w bractwie rzykało
    W latach czidziestych - a to niymało.
    --
    forum.gazeta.pl/forum/71,1.html?f=28940
  • broneknotgeld 21.09.05, 22:35
    Katolicke Stowarzyszynie Młodzieży Mynski

    Zdo sie jejich miyndzywojnie
    Rozkryncało se spokojnie
    Z niym łorkestra z niym tyjater
    -Tako szumioł w Ornie wiater.

    --
    forum.gazeta.pl/forum/71,1.html?f=28940
  • broneknotgeld 21.09.05, 22:37
    Katolicke Stowarzyszynie Młodzieży Żyński

    Ano i frelki ferajna miały
    Choć we nia myni łod sia dowały
    Toż dlo karlusa wiela znaczyło
    Jak se "godzinki" razym nuciyło.
    --
    forum.gazeta.pl/forum/71,1.html?f=28940
  • broneknotgeld 21.09.05, 22:39
    Arcybractwo Matek Krześcijańskich

    Czuwały łone nad familijom
    By krziżym żyła a niy mecyjom
    Podobnoś za tym rzykały wiela
    Co szczyńściym dzieci żyła ta sztela.
    --
    forum.gazeta.pl/forum/71,1.html?f=28940
  • broneknotgeld 21.09.05, 22:40
    Katolicke Stowarzyszynie Kobiyt

    Frelki matki - wszyske baby
    W ta ferajna wrazić trza by.
    --
    forum.gazeta.pl/forum/71,1.html?f=28940
  • broneknotgeld 21.09.05, 22:42
    Katolicke Stowarzyszynie Mynżow

    Czy yno żonatych wciongoł tyn pietruszka
    Ktoś członkowstwo stracioł skiż pustego łożka?
    --
    forum.gazeta.pl/forum/71,1.html?f=28940
  • broneknotgeld 21.09.05, 22:43
    Akcjo Katolicko 1934

    Wszyske te ferajny w jedna połonczyła
    Akcjo Katolicko - toż we niyj jest siyła.
    --
    forum.gazeta.pl/forum/71,1.html?f=28940
  • broneknotgeld 19.07.05, 19:16
    Stary cmyntorz

    Piyrszy cmyntorz był wele kościoła starego
    Co dzisioj łostało we Ornie ze niego?
    --
    forum.gazeta.pl/forum/71,1.html?f=28940
  • broneknotgeld 19.07.05, 19:17
    Cmyntorz do 1906

    Ano aż do wtedy na starym chowali
    Dyć zdoł sie już mały - nowy zrychtowali.
    --
    forum.gazeta.pl/forum/71,1.html?f=28940
  • broneknotgeld 19.07.05, 19:19
    Do 1922 roku

    Łorganista zakrystianin i kerownik szkoły
    Jedyn to cuzamyn czimoł - był ze tym wesoły?
    --
    forum.gazeta.pl/forum/71,1.html?f=28940
  • broneknotgeld 11.06.05, 08:44
    Ornontowice Hindenberga (1636)

    Wiela już widać na mapie jego
    Zocno wioseczka wedle istnego
    Kościoł tu majom i dwory czi
    Kaj sołtys miyszkoł tyż kożdy wiy
    Dyć yno jedna droga tu widać
    Orzesko - take miano trza by dać.


    --
    forum.gazeta.pl/forum/71,1.html?f=28940
  • broneknotgeld 11.06.05, 08:46
    Ornontowice Wielanda (1736)

    Toż niywiela se zmiyniyło
    Jest durś tako jako było
    Łod somsiadow dzielom lasy
    Mo w tym sztela wiyncy krasy.
    --
    forum.gazeta.pl/forum/71,1.html?f=28940
  • broneknotgeld 20.07.05, 19:43
    Bunty chłopskie - 1811

    Ano - we "państwie pszczyńskim" tyż były
    Ornontowice niy miały siyły
    Dyć przeca cosik i tu sie dzioło
    Ponoć we dworze niy za wesoło.
    --
    forum.gazeta.pl/forum/71,1.html?f=28940
  • broneknotgeld 20.07.05, 20:01
    Ornontowickie recesy 1821-1822

    Trocha gospodorzy, zagrodnikow tako
    Sie tu uwłaszczyło dyć dwor tyż niy płakoł
    Toż chłop dziedzicowi doł łodszkodowanie
    Coby pon niy stracioł - tyż było we planie.
    --
    forum.gazeta.pl/forum/71,1.html?f=28940
  • broneknotgeld 20.07.05, 22:05
    Uwłaszczynie 1848-1850

    Toż wszyscy terozki co ziymia łorajom
    Za własność jom w końcu w familiji majom.
    --
    forum.gazeta.pl/forum/71,1.html?f=28940
  • broneknotgeld 20.07.05, 22:08
    Kolanije Orny

    Niy yno w jedny kupie wieś była
    Kolanijami sie rozłożyła
    Beksza, Solarnia, Marzankowice
    Grenzdorf - toż Orny jakby "dzielnice"
    --
    forum.gazeta.pl/forum/71,1.html?f=28940
  • broneknotgeld 20.07.05, 22:10
    2000 merynosow

    Jak tu we folwarkach barany zrachować?
    Na łoko dyć idzie tako liczba dować.
    --
    forum.gazeta.pl/forum/71,1.html?f=28940
  • broneknotgeld 20.07.05, 22:12
    Gmina

    W dziewiytnostym wieku Orna tako gmina
    Sołtysa swojego miała ta dziedzina
    Kery naczelnika z czasym przijoł miano
    Przeca historyjo ta dobrze nom znano.
    --
    forum.gazeta.pl/forum/71,1.html?f=28940
  • broneknotgeld 20.07.05, 22:14
    Filip Schelthalter (1815-1826)

    Sołtysa w tych czasach dziedzic se mianowoł
    Filip jedynoście rokow rada dowoł.
    --
    forum.gazeta.pl/forum/71,1.html?f=28940
  • broneknotgeld 20.07.05, 22:15
    1826-1838

    Niy wiym kto tu sołtysowoł
    Jak sie dowiym - szkryfna - słowo!
    --
    forum.gazeta.pl/forum/71,1.html?f=28940
  • broneknotgeld 20.07.05, 22:16
    Piotr Cyprys (1838-1844)

    Ano Pyjter "fara" chycioł
    Co dobrego tu uklycioł?
    --
    forum.gazeta.pl/forum/71,1.html?f=28940
  • broneknotgeld 20.07.05, 22:17
    Jan Hanisch (1844-1848)

    Po Cyprysie - jako słysza
    Przeszło w rynce to Hanischa.
    --
    forum.gazeta.pl/forum/71,1.html?f=28940
  • broneknotgeld 20.07.05, 22:18
    Maciej Kornas (1848-1859)

    Sołtysuje teroz Kornas
    A durś rośnie nom ta Orna.
    --
    forum.gazeta.pl/forum/71,1.html?f=28940
  • broneknotgeld 20.07.05, 22:20
    Jakub Spyra (1860-1872)

    Spyra wiela wtedy znaczy
    Naczelnikym se łonaczy.

    --
    forum.gazeta.pl/forum/71,1.html?f=28940
  • broneknotgeld 20.07.05, 22:22
    Maciej Kornas (1873-1876)

    "W koło Macieju" - richtig to było?
    Juzaś Kornasa tako chyciyło.
    --
    forum.gazeta.pl/forum/71,1.html?f=28940
  • broneknotgeld 20.07.05, 22:23
    Karol Janek (1877-1898)

    Niyjedyn w Ornie był piykny ranek
    Jak naczelnikym tukej tyn Janek.
    --
    forum.gazeta.pl/forum/71,1.html?f=28940
  • broneknotgeld 20.07.05, 22:25
    Antoni Janek (1898-1910)

    Czy już łod Jankow to "dynastyjo"?
    "Fach" naczelnika to niy mecyjo.
    --
    forum.gazeta.pl/forum/71,1.html?f=28940
  • broneknotgeld 20.07.05, 22:26
    Poczta - 1900

    We gospodzie Szydłowskiego
    Agyncjo pocztowo
    Roz pytali sie istnego
    Czy brif biyra stowio?
    --
    forum.gazeta.pl/forum/71,1.html?f=28940
  • broneknotgeld 20.07.05, 22:28
    Kery?

    Stelmach tu briftryjgrym
    a laufrym zaś Błaszczyk
    Kery z nich we tasi
    wiyncy teroz taszczy?

    --
    forum.gazeta.pl/forum/71,1.html?f=28940
  • broneknotgeld 21.07.05, 22:08
    "Amtsvorstand"

    Toż łon czuwoł tyż nad gminom
    Właściciela dobr dziedzinom
    Hegenscheidt był naczelnikym
    Na ty grzondce łogrodnikym.
    --
    forum.gazeta.pl/forum/71,1.html?f=28940
  • broneknotgeld 21.07.05, 22:10
    "Rentmaister"

    Administracyjo na karku mioł gminy
    Porachowoł wszyske tutejsze rodziny?
    --
    forum.gazeta.pl/forum/71,1.html?f=28940
  • broneknotgeld 21.07.05, 22:11
    "Amtadiener"

    Zdo sie gminnego groł policaja
    Heresztym karoł jak wloz na haja.
    --
    forum.gazeta.pl/forum/71,1.html?f=28940
  • broneknotgeld 21.07.05, 22:13
    Zjednoczynie Zawodowe Polske w Ornontowicach

    Przed piyrszom wojnom zwionzek sie tworzoł
    Polskich roboli bronić tu wożoł.
    --
    forum.gazeta.pl/forum/71,1.html?f=28940
  • broneknotgeld 21.07.05, 22:24
    "Leopold" - 1798

    Heydebrand gruba tu łotwar tako
    Po niym se Winkler "chycioł" fedrować
    Jakeś poł wieku było jednako
    We końcu prziszło jom "zaryglować".
    --
    forum.gazeta.pl/forum/71,1.html?f=28940
  • broneknotgeld 21.07.05, 22:15
    "Porembski Wunsch" - 1830

    "Życzoł" sie Porembski tego
    By loz wongel dlo istnego.
    --
    forum.gazeta.pl/forum/71,1.html?f=28940
  • broneknotgeld 21.07.05, 22:17
    "Bremsky Wunsch" - 1845

    Piyrwyj ta gruba łod Porembskiego
    Miano zmiyniyła jak brakło jego.

    --
    forum.gazeta.pl/forum/71,1.html?f=28940
  • broneknotgeld 21.07.05, 22:18
    Huta cynku "Maria"

    To tyż sprowka Porembskiego
    Gyszeft ciongnoł tako jego.
    --
    forum.gazeta.pl/forum/71,1.html?f=28940
  • broneknotgeld 21.07.05, 22:20
    Huta Wegnera

    Major von Wegner z Tarnowskich Gor
    Tyż mioł we Ornie "cynkowy dwor".
    --
    forum.gazeta.pl/forum/71,1.html?f=28940
  • broneknotgeld 21.07.05, 22:26
    Do 1840 roku

    Na cynku tu sie niy dorobiyli
    Bo łobie huty drapko zamknyli.
    --
    forum.gazeta.pl/forum/71,1.html?f=28940
  • broneknotgeld 22.07.05, 19:32
    "Żeleźniok" - 1859

    Ano tyż fajrant - rudy już mało
    By jom tu kopać se łopłacało
    --
    forum.gazeta.pl/forum/71,1.html?f=28940
  • broneknotgeld 22.07.05, 19:34
    Wielki piec 1840-1860

    Wydobywali ruda darniowo
    Toż piec se tukej Franc Winkler stowio
    I chocioż ajzy niy loli dugo
    Z niym przi kuźnicach ta Orna mrugo.
    --
    forum.gazeta.pl/forum/71,1.html?f=28940
  • broneknotgeld 22.07.05, 19:36
    "Claudia" i "Leopold"

    Wele Orzesza kamyniołomy
    Piaskowiec zocny - niy jakeś "kromy".
    --
    forum.gazeta.pl/forum/71,1.html?f=28940
  • broneknotgeld 22.07.05, 19:37
    Cegelnia Grzegorczyka

    W miyndzywojniu mocie jeszcze
    Dyć zabrakło gliny - wierzcie.
    --
    forum.gazeta.pl/forum/71,1.html?f=28940
  • broneknotgeld 22.07.05, 19:39
    Tartak Zefla Grzegorczyka

    Po Spyrze tartak Grzegorczyk mioł
    Wele cegelni łon przeca stoł.
    --
    forum.gazeta.pl/forum/71,1.html?f=28940
  • broneknotgeld 22.07.05, 19:42
    Werk Hegenscheidta -1884

    Gliwicki fabryki filijo we Ornie
    Toż niyjednego łona przigornie
    Beleby w grabach mioł fach kowola
    Werk se łotwiyro przed niym "do mola".
    --
    forum.gazeta.pl/forum/71,1.html?f=28940
  • broneknotgeld 22.07.05, 19:43
    "Łańcuszkownia"

    Łańcuchow robiom tukej dość wiela
    Werk Hegenscheidta - szkryfna jo tela.
    --
    forum.gazeta.pl/forum/71,1.html?f=28940
  • broneknotgeld 22.07.05, 19:45
    1888

    Ornontowicom śmiejom sie lica
    Już przeca cug mo tukej bocznica
    Łańcuchow z Orny szukej w Europie
    Toż niy cygania cie teroz chopie.
    --
    forum.gazeta.pl/forum/71,1.html?f=28940
  • broneknotgeld 22.07.05, 19:48
    Po plebiscycie

    Otto Hegenscheidt po plebiscycie
    Na Dolnym Ślonsku - przeca to wiycie
    W Jelyni Gorze majontek mioł
    Tyn z polski strony synowi doł
    Klaus w Ornie wszysko czimie tu dali
    Dyć czas tyn idzie co to łobali.
    --
    forum.gazeta.pl/forum/71,1.html?f=28940
  • broneknotgeld 22.07.05, 19:50
    Huta szkła "Maria"

    Jeszcze niy tak downo ta huta we Ornie
    Terozki w Orzeszu - dyć czy bez to mornie.


    --
    forum.gazeta.pl/forum/71,1.html?f=28940
  • broneknotgeld 22.07.05, 19:52
    "Maria" Panofskych (od 1860)

    Łod kupcow Panofskych była ta glashuta
    Czy szkło wyrobiała na żydowsko nuta?
    --
    forum.gazeta.pl/forum/71,1.html?f=28940
  • broneknotgeld 22.07.05, 19:54
    W latach siedymdziesiontych XIX w

    Kupioł jom inkszy terozki kupiec
    Taki był Pollak aż w gowie klupie
    Gyszeft na glasie dyć lecioł dali
    Ludzi ze Orny tyż zatrudniali.
    --
    forum.gazeta.pl/forum/71,1.html?f=28940
  • broneknotgeld 22.07.05, 19:55
    Glashuta "Maria" - 1905

    Połojcu erbnoł to wszysko syn
    Maksymilianym zwany - dyć wiym.
    --
    forum.gazeta.pl/forum/71,1.html?f=28940
  • broneknotgeld 23.07.05, 22:47
    Piyrwyj

    piyrwyj jedna karczma yno w Ornie była
    W wieku dziewiytnostym dyć se rozmnozyła
    Znaczy - wzbogaciyła sie ta naszo sztela
    Geldu do wydanio mieli tukej wiela?
    --
    forum.gazeta.pl/forum/71,1.html?f=28940
  • broneknotgeld 23.07.05, 22:49
    1884

    Heidebrandt zamknoł karczma już swoja
    Niy ma kaj wypić? -Toż se niy boja
    Przeca tu takich pora przibytkow
    Piniondz im leci durś skuli zbytkow.
    --
    forum.gazeta.pl/forum/71,1.html?f=28940
  • broneknotgeld 11.06.05, 08:49
    Szkoła w Ornontowicach (1680)

    Som okryngym szkolnym te Ornontowice
    Toż szkoła już była - ło tym możno wiycie
    Pewnikym i piyrwyj bajtli tu uczyli
    Dyć to w historyji jakosik straciyli.

    --
    forum.gazeta.pl/forum/71,1.html?f=28940
  • broneknotgeld 11.06.05, 08:51
    Organista Antoni (1703)

    Organista Antoninus tu szkoła prowadzioł
    Nic wiyncy niy wiymy dyć jakoś se radzioł.
    --
    forum.gazeta.pl/forum/71,1.html?f=28940
  • broneknotgeld 11.06.05, 08:52
    Organistowka

    Tako ta szkoła szło by tu zwać
    Bo organistom prziszło jom brać.
    --
    forum.gazeta.pl/forum/71,1.html?f=28940
  • broneknotgeld 11.06.05, 08:56
    Szkoła "Organistowka"

    Take w tradycji miano nosiyła
    W Ornontowicach jedynom była
    Durś organista mioł jom na gowie
    Musioł robotny być z niego czowiek.
    --
    forum.gazeta.pl/forum/71,1.html?f=28940
  • broneknotgeld 11.06.05, 08:58
    Jan Stebel (1759)

    Tyż organista - niy byda miyszoł
    Przeca i belfrym szkoły se pisoł.
    --
    forum.gazeta.pl/forum/71,1.html?f=28940
  • broneknotgeld 11.06.05, 09:02
    Mateusz Rojowiec (1772-1777)

    Ło tym rechtorze trza szkryfnońć wiyncy
    W cysterskich Rudach wpiyrw łon se mynczy
    Dyć przeca dobrze wyuczoł fachu
    Mog iść na swoje - niy było strachu

    Toż dzieci uczoł w tych okolicach
    Niy yno w zocnych Ornontowicach
    I organistom był tyż do tego
    Tako poznali żeście istnego.
    --
    forum.gazeta.pl/forum/71,1.html?f=28940
  • broneknotgeld 11.06.05, 09:05
    Antoni Skrzypczyk (1781-1789)

    Dali ze szkołom tako leciało
    Skrzypczyk mioł jedny fary za mało
    Bestoż trza jymu rechtorym być
    By se tu jakoś ze tego żyć.
    --
    forum.gazeta.pl/forum/71,1.html?f=28940
  • broneknotgeld 11.06.05, 09:08
    Karol Janchin (1792-1821)

    Tuzin talarow rocznie dostowoł
    No i tyż drzewa do pieca
    Toż przi bogatych ze tym niy stowoł
    Biydnie żył - tako jo kleca

    Z rechtorowanio w końcu go ściepli
    Po polsku uczyć już niy mog
    Niy było bez to wcale tu "ciepli"
    Dyć pruski taki był wymog.
    --
    forum.gazeta.pl/forum/71,1.html?f=28940
  • broneknotgeld 23.07.05, 22:53
    Generalno Insztrukcyjo 1765

    Insztrukcyjo władze pruske tako tu wydali
    By do roku dwunostego bajtli nauczali
    Ano syny jak i cery - terozki tu tako
    Państwo szkoły pogorszyło by było jednako
    --
    forum.gazeta.pl/forum/71,1.html?f=28940
  • broneknotgeld 23.07.05, 22:57
    Do 1872

    Toż do tego czasu w szkole gornoślonski
    Polski był szyroki - niymiecki zaś wonski
    Potym na łodwyrtka wszysko sie zmiyniyło
    Toż z niymieckim ciynżko ciynżko i rechtorom było.
    --
    forum.gazeta.pl/forum/71,1.html?f=28940
  • broneknotgeld 24.07.05, 11:36
    Religijo po polsku

    Religijo po polsku yno w modszych klasach
    Tako tu "kulturkampf" pokozoł swo krasa.
    --
    forum.gazeta.pl/forum/71,1.html?f=28940
  • broneknotgeld 24.07.05, 11:37
    Karol Jaschin 1821

    Przestoł rechtorym byc we tym roku
    Bo we niymiecki niy zrobioł "kroku".
    --
    forum.gazeta.pl/forum/71,1.html?f=28940
  • broneknotgeld 24.07.05, 11:39
    Rechtor Jachin (Janik)

    Rechtor Jachin biyda klepoł
    We ruderze pomiyszkiwoł
    Tam łoswiata w gowy "ciepoł"
    Niyjedyn se tymu dziwoł.
    --
    forum.gazeta.pl/forum/71,1.html?f=28940
  • broneknotgeld 24.07.05, 11:40
    Nowo szkoła 1818/1819

    Jedna klasa szkolno nowo szkoła miała
    Kero co nojwyży sto bajtli zbiyrała.
    --
    forum.gazeta.pl/forum/71,1.html?f=28940
  • broneknotgeld 24.07.05, 11:45
    Franciszek Urbańczyk 1821-1831

    Dziesiyńć lot karlus szkołom kierowoł
    Jakoś se rada tukej z tym dowoł
    Chocioż dzieciskow durś przibywało
    A szkoła ciyngym była za mało.
    --
    forum.gazeta.pl/forum/71,1.html?f=28940
  • broneknotgeld 24.07.05, 11:47
    Franciszek Reichel 1831-1859

    Piyńćdziesiont talarkow za rechtorowanie
    Toż wiyncy trza było mu na uczimanie
    Ze "organistowki" cosik wycis jeszcze
    Dyć i to niywiela - w bogactwo niy wierzcie.
    --
    forum.gazeta.pl/forum/71,1.html?f=28940
  • broneknotgeld 25.07.05, 19:36
    Szkoła rośnie 1842-1844

    Richtig czas na to był już nojwyrszy
    Bo Orna przeca durś rośnie
    Edukacyjo to punkt jest piyrszy
    Bez niyj niy bydzie radośnie

    Szkoła terozki dwie klasy mo
    I dwoch rechtorow w niyj uczy
    Wiela szkolorzom łod sia tyż do
    Chocioż niyjedyn z nich buczy.
    --
    forum.gazeta.pl/forum/71,1.html?f=28940
  • broneknotgeld 25.07.05, 19:38
    "Adjuwant"

    Tako sie rechtor zwoł do pomocy
    Łod kerownika myni mioł mocy
    Ano - tyż myni zarobioł wiela
    Choć umynczyła tak samo sztela.
    --
    forum.gazeta.pl/forum/71,1.html?f=28940
  • broneknotgeld 25.07.05, 19:40
    Karol Miarka 1840

    Piyrszy adjuwant w tutejszy szkole
    Jeszcze przi tymu zdo sie pachole
    Przeca mioł rokow yno szesnoście
    Już bajtli uczoł - se wyłobroźcie.
    --
    forum.gazeta.pl/forum/71,1.html?f=28940
  • broneknotgeld 25.07.05, 19:47
    Ernest Dohn 1842

    Adjuwantym był przez rok?
    Kaj go powiod potym krok?
    --
    forum.gazeta.pl/forum/71,1.html?f=28940
  • broneknotgeld 25.07.05, 19:49
    Adjuwant Amand Spak 1845-1847

    Rechtorowoł niy za dugo
    Tako Orna ło niym "mrugo".
    --
    forum.gazeta.pl/forum/71,1.html?f=28940
  • broneknotgeld 25.07.05, 19:55
    Jozef Marzodko

    Zefel adjuwantym był we szkole dugo
    Jak pomrł kerownik ta "fara" tyż mrugo
    Dyć go powitały drapko Gardawice
    Tam szkole szefowoł - terozki już wiycie.
    --
    forum.gazeta.pl/forum/71,1.html?f=28940
  • broneknotgeld 25.07.05, 19:57
    Jozef Czammer 1859-1880

    Czammer kerownikym nowym
    Uczoł tukej aż do śmierci
    Cosik ło niym jeszcze powiym
    Bo se przeca tako werci.
    --
    forum.gazeta.pl/forum/71,1.html?f=28940
  • broneknotgeld 25.07.05, 19:58
    Kronika Szkolno 1864

    Toż pomyślunek we tym Czammera
    By w niyj coś szkryflać ło szkole teraz.
    --
    forum.gazeta.pl/forum/71,1.html?f=28940
  • broneknotgeld 25.07.05, 20:01
    Co ze szkołom?

    Ciyngym ta szkoła miała dwie klasy
    Richtig za mało jak na te czasy
    Dyć Zefel Czammer na gowie stowoł
    A ty utropie rady niy dowoł

    Deliberuje durś parafijo
    I Zarzond Szkolny - ciyngym mecyjo
    Nic to że wiela staro sie gmina
    Jeszcze poczeko na to dziedzina.
    --
    forum.gazeta.pl/forum/71,1.html?f=28940
  • broneknotgeld 25.07.05, 20:04