Dodaj do ulubionych

Ło Mazowszu

01.06.05, 22:54
Szkryflom ło regionach se na forum Ruda
Terozki już ze tym we Mazowsze póda.
--
forum.gazeta.pl/forum/71,1.html?f=28940
Edytor zaawansowany
  • broneknotgeld 03.04.15, 21:13
    Ze Niziny Mazowiecki
    Piykne som niy yno kiecki.
    --
    Ruda Śląska - stolica fraszki
  • broneknotgeld 01.06.05, 22:56
    Nigdych niy łazioł po ty Warszawie
    Ynoch na dworcu przesiodki mioł
    Bestoż sie szkryfna jo ło tym prawie
    Taki już przeca jest tyn moj fioł.
    --
    forum.gazeta.pl/forum/71,1.html?f=28940
  • broneknotgeld 01.06.05, 22:57
    Pałac Kultury i Nauki

    Jest w ty stolicy Pałac Kultury
    A we nim ślonske przeca marmury
    Z zamku w Kamiyńcy je wytargali
    No i Warszawie "podarowali".
    --
    forum.gazeta.pl/forum/71,1.html?f=28940
  • broneknotgeld 01.06.05, 22:57
    "Salonik"

    "Breżniewa salonik" ponoć tyż w Pałacu
    Ducha ktoś tam widzioł ale był na kacu.

    --
    forum.gazeta.pl/forum/71,1.html?f=28940
  • broneknotgeld 01.06.05, 22:58
    Most Świyntokrzyski

    Tym łon podobnoś tukej zasłynoł
    Że ktoś se richtig z kosztami minoł
    Fufcig miljonow wiyncyj wydali
    Mo szwong stolica - niy żałowali.
    --
    forum.gazeta.pl/forum/71,1.html?f=28940
  • broneknotgeld 01.06.05, 22:58
    Dom Partii

    Bioły - dyć partio czerwono była
    We tych kolorach polsko jest siyła
    Ponoć tam giełda terozki "rzońdzi"
    Choć duch Bieruta po salach "błońdzi".

    --
    forum.gazeta.pl/forum/71,1.html?f=28940
  • broneknotgeld 01.06.05, 22:58
    Stolica w Warszawie

    Dyć skuli Wazy tela mecyji
    Bo chcioł łon bliży mieć do Szwecyji.
    --
    --
    forum.gazeta.pl/forum/71,1.html?f=28940
  • broneknotgeld 01.06.05, 22:59
    "Daewoo"

    Daewoo tu poszło dwiesta metrow w gora
    Biurowiec niy jejich - w kasie mieli dziura
    Kto skoko wysoko - toż wiymy już wszyscy
    Jak śleci to wiyncy bolu przi tym zyszczy.
    --
    forum.gazeta.pl/forum/71,1.html?f=28940
  • broneknotgeld 01.06.05, 23:00
    "Złoty Zomb Komunizmu"

    Komuna wieżowiec dugo budowała
    Dyć siył by go skończyć już cosik niy miała
    Bestoż łon terozki bardzi "jasnomodry"
    Szczyńściym że do niego los był jednak szczodry
    Bo już se myśleli że padnie "niyboga"
    Przeca piyrwyj tukej była synagoga.
    --
    forum.gazeta.pl/forum/71,1.html?f=28940
  • broneknotgeld 01.06.05, 23:00
    Plac Defilad

    Kaj som te ludzie co tukej stoli?
    Toż ponoć wiela komunie pszoli
    Bardzi w pamiyńci już targowisko
    To historyjo przeca nom blisko.
    --
    forum.gazeta.pl/forum/71,1.html?f=28940
  • broneknotgeld 01.06.05, 23:00
    Ściana Wschodnio

    Łoj to ponoć "cud" jest z epoki Gomułki
    Zowdy tu być miały przeca pełne połki.
    --
    forum.gazeta.pl/forum/71,1.html?f=28940
  • broneknotgeld 01.06.05, 23:01
    Na pamiontka

    Na pamiontka w Warszawie ciynżko znojść syrynka
    Cosik z tym niyrichtig. Trza sie ło nich lynkać?
    --
    forum.gazeta.pl/forum/71,1.html?f=28940
  • broneknotgeld 01.06.05, 23:01
    Bar "Pod Żubrym"

    Vipowskom ponoć zasłynoł "chryjom"
    Szkryfna niyśmiało. -Ciyngym tu bijom?
    --
    forum.gazeta.pl/forum/71,1.html?f=28940
  • broneknotgeld 01.06.05, 23:02
    "Koneser"

    Nojzocniejszo tukej gorzołeczka prasko
    Dyć czasym na gowie tyż jom keryś szczasko.
    --
    forum.gazeta.pl/forum/71,1.html?f=28940
  • broneknotgeld 01.06.05, 23:03
    W warszawskim zoo

    Pingwiny w raja se ustowiajom
    Dwa razy na dziyń fisze tu majom
    Możno przi tymu ktosik zaślinto
    Co stare czasy ciyngym pamiynto.
    --
    forum.gazeta.pl/forum/71,1.html?f=28940
  • broneknotgeld 01.06.05, 23:04
    "Przekręt"

    Konkurs we Warszawie ponoć "rozpisano"
    Jake by mioł tunel zocne nosić miano
    co pod Wisłostradom se wyrychtowali?
    "Przekręt" - propozycjo warszawioki dali.
    --
    forum.gazeta.pl/forum/71,1.html?f=28940
  • broneknotgeld 01.06.05, 23:04
    Warszawske bobry

    Zalyngły se bobry w Warszawie
    Dyć tam niy budujom se prawie
    Wiślane mosty im styknom
    Prawiom co rzeka w nich piyknom.
    --
    --
    forum.gazeta.pl/forum/71,1.html?f=28940
  • broneknotgeld 01.06.05, 23:05
    "Belwedere" - gryfny widok

    Pac tu swoji ślubny pałacyk wystawioł
    Niy yno ze Klarom widokym se bawioł
    Dyć to pewno skryła ta ichnio alkowa
    Bestoż se niy byda zawrocoł tym gowa.
    --
    forum.gazeta.pl/forum/71,1.html?f=28940
  • broneknotgeld 25.07.10, 16:18
    Ślonski jynzyk we Warszawie
    Mogby latoś blysnońć prawie.
    --
    <a rel="nofollow" href="forum.gazeta.pl/forum/71,1.html?
    f=28940">Ruda Śląska - stolica fraszki</a>
  • broneknotgeld 07.05.13, 17:38
    "Krysia"

    "Krysia" niy podrzymie
    No i wiela strzimie.
    www.dziennikzachodni.pl/artykul/887364,slaska-krystyna-przegryza-sie-przez-warszawe-tunel-metra,id,t.html
    --
    Ruda Śląska - stolica fraszki
  • broneknotgeld 05.03.06, 18:23
    Żoliborz

    Łostoł sie z wojny cołki w Warszawie
    Bo tukej Niymce miyszkali prawie
    Polić i bulić mieli stolica
    By już niy mogła podźwignońć lica.
    --
    forum.gazeta.pl/forum/71,1.html?f=28940
  • broneknotgeld 05.03.06, 18:25
    "Polkowo"

    Niym tu Żoliborz warszawski stowo
    To wioska była zwano Polkowo
    Wpiyrw princ jom czimoł - tyn mazowiecki
    Trza by wiedziały to nawet dziecki
    --
    forum.gazeta.pl/forum/71,1.html?f=28940
  • broneknotgeld 06.03.06, 21:21
    "Kympa Polkowsko"

    Piyrwyj to wyspa na Wiśle była
    Rzeka kapryśno swoj nurt zmiyniyła
    Dzisioj park z mianym Kympy potocki
    To Żoliborza już nowsze "klocki".
    --
    forum.gazeta.pl/forum/71,1.html?f=28940
  • broneknotgeld 06.03.06, 21:22
    "Kanałek"

    Tu piyrwyj Wisła loła swo woda
    "Kanałek" łostoł - ździybeczko szkoda.
    --
    forum.gazeta.pl/forum/71,1.html?f=28940
  • broneknotgeld 06.03.06, 21:25
    Dżuma 1624

    Jako se radzić prziszło ze morym?
    Tako se znoloz niyjedyn chory
    Na wyspie zwany Kympom Polkowskom
    Wiela przeżyło za łaskom Boskom?
    --
    forum.gazeta.pl/forum/71,1.html?f=28940
  • broneknotgeld 06.03.06, 21:26
    Drna

    Ano - przez Polkowo ta rzeczka płynyła
    Ruski pogłymbiyli toż i fosom była.
    --
    forum.gazeta.pl/forum/71,1.html?f=28940
  • broneknotgeld 06.03.06, 21:27
    Polkowske młyny

    Wiela stanyło młynow przi Drnie?
    -Komu se dzisioj łodpedzieć chce?
    --
    forum.gazeta.pl/forum/71,1.html?f=28940
  • broneknotgeld 06.03.06, 21:29
    Lazaryt Świyntego Ducha

    Kalyki i ołpy swo sztela w tym mieli
    Toż i łoni godnie doczkać śmierci chcieli.
    --
    forum.gazeta.pl/forum/71,1.html?f=28940
  • broneknotgeld 06.03.06, 21:32
    "Fawory" Lazarytu Świyntego Ducha

    Folwark tako zwali - na lazaryt robioł
    Kery możno nawet szteli niy łozdobioł
    Dyć jedyny taki co służoł Warszawie
    No i przeca wiycie co poczebny prawie.
    --
    forum.gazeta.pl/forum/71,1.html?f=28940
  • broneknotgeld 06.03.06, 21:34
    Fosa

    Ze Drny fosa sie łostała
    Cytadeli bronić miała
    Ruski tako umocniyli
    Bo niy cołkym u sia byli.
    --
    forum.gazeta.pl/forum/71,1.html?f=28940
  • broneknotgeld 07.03.06, 20:47
    Wały Lubomirskiego (XVIII w.)

    Czy Warszawy łobroniyły?
    Mor łod miasta łodgoniyły?
    Ruskom bardzi sie przidały?
    Cytadeli tyż to wały.
    --
    forum.gazeta.pl/forum/71,1.html?f=28940
  • broneknotgeld 07.03.06, 20:49
    Majontek "Fawory" (1768)

    Majontek "Fawory" rozparcelowany
    Toż gryfny szmat ziymi pod budowa dany
    By rezydyncyje urosły podmiejske
    Z tym drapko aromy tukej myni wiejske.
    --
    forum.gazeta.pl/forum/71,1.html?f=28940
  • broneknotgeld 07.03.06, 20:51
    "Joli bord"

    Marysiyńka Sobiesko tako powiedziała
    Jak na ta dziedzina kedyś se blikała.
    --
    forum.gazeta.pl/forum/71,1.html?f=28940
  • broneknotgeld 07.03.06, 20:54
    Cytadela

    Kaj to wszysko sie straciyło
    co tu piyrwyj zbudowali?
    Pałacykow wiela było
    -Ruski Cytadela dali!
    --
    forum.gazeta.pl/forum/71,1.html?f=28940
  • broneknotgeld 08.03.06, 16:28
    Pod ryskim zaborym

    Pod ruskim zaborym Żoliborz rozkwito?
    Cytadela kwiotkym? -Wojok cie tu wito?!
    --
    forum.gazeta.pl/forum/71,1.html?f=28940
  • broneknotgeld 08.03.06, 16:31
    We dwudziestoleciu

    We dwudziestleciu Żoliborz w przod ruszo
    Sie rozbudowuje dziynki społdzielczości
    Miyszkaniami wszyskich do dzielnicy kuszom
    Zawodowy kontek fachmanow niy złości.
    --
    forum.gazeta.pl/forum/71,1.html?f=28940
  • broneknotgeld 08.03.06, 16:33
    Żoliborz wojskowych

    Oficersko społdzielnia piyrsze domy stowio
    Tako i armijo ze kwater wybowio.

    --
    forum.gazeta.pl/forum/71,1.html?f=28940
  • broneknotgeld 10.03.06, 23:24
    Żoliborz dziynnikarski

    Żornalisty rożne w dzielnicy miyszkajom
    Ze szkryflanio żyjom - piorom tako pszajom
    Toż jejich społdzielnia domy zbudowała
    Bestoż tu cuzamyn istnych pozbiyrała.
    --
    forum.gazeta.pl/forum/71,1.html?f=28940
  • broneknotgeld 10.03.06, 23:26
    Żoliborz beamtrow

    Być beamtrym we Warszawie
    To dopiyro życie
    Sie Żoliborz niymi asioł
    Już terozki wiycie.
    --
    forum.gazeta.pl/forum/71,1.html?f=28940
  • broneknotgeld 10.03.06, 23:27
    Kolanije robotnicze

    Toż jakby miały być mini-gminy
    Ze utopijny zdo sie dziedziny
    Dlo robotnikow raj maciupyńki
    -Zabrakło czasu i zocny rynki.
    --
    forum.gazeta.pl/forum/71,1.html?f=28940
  • broneknotgeld 11.03.06, 09:38
    Solidarnościowy Żoliborz

    Tu Popiełuszko głosioł kozania
    Zaś Kuroń miyszkoł kaj Plac Wilsona
    Tukej wolności szukać zarania
    Choć sie zdowało że bydzie konać.
    --
    forum.gazeta.pl/forum/71,1.html?f=28940
  • broneknotgeld 11.03.06, 09:39
    Czarnieckiego 55

    Toż Piłsudskiego to ponoć sztela
    Choć niy pomiyszkoł tukej za wiela.
    --
    forum.gazeta.pl/forum/71,1.html?f=28940
  • broneknotgeld 11.03.06, 09:41
    Czarnieckiego 45

    Lucjan Żeligowski szarża mioł wysoko
    Dyć rym taki ło niym niych i tukej skoko.
    --
    forum.gazeta.pl/forum/71,1.html?f=28940
  • broneknotgeld 11.03.06, 22:10
    Czesław Niemen

    Na Żoliborzu pieśniczki tworzoł
    Szkoda że końca swojego dożoł.
    --
    forum.gazeta.pl/forum/71,1.html?f=28940
  • broneknotgeld 11.03.06, 22:11
    Za okupacyji

    Za okupacyji w Żoliborzu wrało
    Tu polske podziymie swoja sztela miało.
    --
    forum.gazeta.pl/forum/71,1.html?f=28940
  • broneknotgeld 26.08.05, 17:27
    Radziejowicki zamek

    Choć już magnackich łoczow niy cieszy
    Toż "bidom z nyndzom" wcale niy grzaszy
    Dom Pracy Tworczy we niym terozki
    We inkszych czasach inksze tyż troski.
    --
    forum.gazeta.pl/forum/71,1.html?f=28940
  • broneknotgeld 26.08.05, 17:29
    W dobrych rynkach

    Zamek i pałac oranżeryjo
    Gryfne choć ze tym czasym mecyjo
    Dyć sie zobytek magnacki łostoł
    I w dobre rynce tyż przeca dostoł.
    --
    forum.gazeta.pl/forum/71,1.html?f=28940
  • broneknotgeld 26.08.05, 17:33
    Park angielski

    Toż łon łozdobom tyż Radziejowic
    Se we aleji kłoniom grabowi
    Olchy jesiony buki czerwone
    Tyż miłorzymby szkryfna na koniec.
    --
    forum.gazeta.pl/forum/71,1.html?f=28940
  • broneknotgeld 14.02.06, 22:37
    Liw terozki

    Liw terozki żyje cichcym
    Piyrwyj dzioło se nad Liwcym
    Ziymi Liwski dyć stolica
    Mo do dzisioj krase lica.
    --

    Przez Liw

    Z Korony na Litwa przez Liw trza sie kludzić
    W niym kładziesz se na noc i rano łobudzisz
    Zowdy ze grosiwa coś tu tyż łostawisz
    Toż sztela mo profit a ty dobrze bawisz.
    --

    Skond?

    Skond te miano chycioł Liwiec?
    Czy korzynie toploł iwie?
    Skuli sztrofy tako chycioł
    Ktosik ło tym rym uklycioł?

    --
    forum.gazeta.pl/forum/71,1.html?f=28940
  • broneknotgeld 14.02.06, 22:39
    Czysto woda

    Liwiec durś mo czysto woda
    Aże kompać se w niyj szkoda.
    --

    Zamek liwiecki

    Zamek liwiecki
    Tyż mazowiecki
    -Czy to Podlasie?
    Łopytom dziecki.

    --
    • Blisko...
    czesiula 07.01.06, 17:58 + odpowiedz


    Liw, to Mazowsze.
    Też piękne, owszem.


    --
    forum.gazeta.pl/forum/71,1.html?f=28940
  • broneknotgeld 25.02.06, 21:29
    Liwski zamek

    Mazowsza przed Litwom tyn zamek mioł bronić
    Niklos go budowoł ze cegły czerwony
    Toż ksiyńcia Janusza we tym jest staranie
    Bydzie spokojniejszy jak warownia stanie
    --

    Zamek Niklosa

    Zamek wybudowoł majster nad majstrami
    Łon w tym nojzocniejszy - niy byda wos mamić
    Bestoż nom do dzisioj cosik tu łostało
    Chocioż sie wydowo że możno za mało.
    --

    Żołto dama z Liwu

    Po murach zamku kobiyta łazi
    Zowdy jak zygor połnoc wybijo
    Na żoło blyszczy że aże razi
    Dyć se niy myślcie co komedyjo

    Toż duch niywiasty to richtig prawy
    Kero ło zdrada tu posondzali
    Tako do dzisioj ciyngym sie jawi
    Bo jom niywinno na śmierć skozali.

    --
    forum.gazeta.pl/forum/71,1.html?f=28940
  • broneknotgeld 31.07.11, 11:30
    Ech, tyn Liw
    Jako dziw.
    --
    Ruda Śląska - stolica fraszki
  • broneknotgeld 29.08.06, 19:30
    Jabłonna 1418

    Biskupow płockich Jabłonna tako
    Dbajom ło swoja dziedzina
    Princ skiż niyj przeca wcale niy płako
    Dyć ze Kościołym trza czimać.
    --
    forum.gazeta.pl/forum/71,1.html?f=28940
  • broneknotgeld 29.08.06, 19:31
    Jabłonna Poniatowskich

    Rod we Jabłonnie wcale niy straszy
    Dyć Poniatowski był tyż prymasym.
    --
    forum.gazeta.pl/forum/71,1.html?f=28940
  • broneknotgeld 29.08.06, 19:34
    Pałac prymasa Poniatowskiego

    Łostoł we Jabłonnie po dzisiejsze czasy
    Mazowiecko sztela tako richtig krasi
    Sala Pompejańsko, Chińsko i kolisto
    Zodziwiom bogactwym a przeca niy wszysko
    Jest jeszcze Balowo no i Mayrytańsko
    Pomiyzkiwoł prymas richtig wielkopańsko.
    --
    forum.gazeta.pl/forum/71,1.html?f=28940
  • broneknotgeld 29.08.06, 19:36
    Park pałacowy

    Prawiom co ze Zuga wyloz richtig gowy
    Starych drzew tu wiela - na nie se podziwej
    Trzidziści hektorow jakby do "łodnowy"
    Poszpacyruj ździybko - toż gowom niy kiwej.
    --
    forum.gazeta.pl/forum/71,1.html?f=28940
  • broneknotgeld 29.08.06, 19:39
    Łuk Tryjumfalny 1842

    W parku pałacowym tyn Łuk ciyngym stoji
    Ksionże Poniatowski z tym we gowie moji
    Bo przeca istnego chwała tako głosi
    A możno ło pamiyńć yno richtig prosi.
    --
    forum.gazeta.pl/forum/71,1.html?f=28940
  • broneknotgeld 02.09.06, 10:58
    Nowy Dwor Mazowiecki

    Kaj se do ty Wisły Bug i Narew wlywo
    Tam i grod takowy niyjednego dziwo.
    --
    forum.gazeta.pl/forum/71,1.html?f=28940
  • broneknotgeld 02.09.06, 11:01
    Nowy Dwor Mazowiecki 1355

    Zajta historyji łotwarto z tym rokym
    Choć na prawa miejske trza było poczekać
    Dyć we koncu przidom - to nastympnym krokym
    Tako mieszczaninym uwidzom czowieka.

    --
    forum.gazeta.pl/forum/71,1.html?f=28940
  • broneknotgeld 02.09.06, 11:02
    Nowy Dwor Mazowiecki 1374

    "Dwor" se tako grodym stowo
    Niychej miasto rośnie zdrowo.
    --
    forum.gazeta.pl/forum/71,1.html?f=28940
  • broneknotgeld 02.09.06, 20:16
    Dziedzina rosła

    Na handlu zbozym i solom rosła
    Z tym do znaczynio poleku doszła
    Toż i komora celno tu była
    Coby Korona tyż niy traciyła.
    --
    forum.gazeta.pl/forum/71,1.html?f=28940
  • broneknotgeld 02.09.06, 20:18
    Kościoł św. Michała Archanioła 1792

    Zocno świontynia ciyngym tu majom
    Klasycyzmowi istny tyz pszajom
    Zawadzki tako jom projektowoł
    Archanioł Michał w opiece stowoł.
    --
    forum.gazeta.pl/forum/71,1.html?f=28940
  • broneknotgeld 02.09.06, 20:19
    Św. Izydor

    W nowodworskim kościele łobroz Izydora
    Łod downa go majom - przeca niy łod wczora.
    --
    forum.gazeta.pl/forum/71,1.html?f=28940
  • broneknotgeld 02.09.06, 20:21
    Modlin

    Z Nowym Dworym Mazowieckim
    Tako dzisioj skuplowany
    Dyć to wiedzom nawet dziecki
    -Ku łobronie piyrwyj dany.
    --
    forum.gazeta.pl/forum/71,1.html?f=28940
  • broneknotgeld 02.09.06, 20:23
    Twierdza Modlin 1807

    W czas napoleoński tako budowano
    Chnetko rokow dwiesta ty dziedzinie dano.
    --
    forum.gazeta.pl/forum/71,1.html?f=28940
  • broneknotgeld 02.09.06, 20:25
    Modlin 4.XII.1830

    Powstańce twierdza tako chyciyli
    "Listopadowcow" nadzieje marne
    Choć se w Modlinie fest rozgościyli
    Dyć przeca prziszły dni dlo nich marne.
    --
    forum.gazeta.pl/forum/71,1.html?f=28940
  • broneknotgeld 02.09.06, 20:32
    Nowogieorgijewsk 1834

    Toż pokozali swoje Rosjany
    Terozki Modlin ze takim mianym
    Dyć twierdza ze tym drapko tyż rośnie
    Coby niy marzoł Polok ło wiośnie.
    --
    forum.gazeta.pl/forum/71,1.html?f=28940
  • broneknotgeld 02.09.06, 20:35
    Gieorgijewsk 1864

    Toż twierdza ze tym juzaś fest rośnie
    Todtleben tako rozbudowuje
    Możno niy wszyskim ze tym radośnie
    Czy Sewastopol tu istny czuje?


    --
    forum.gazeta.pl/forum/71,1.html?f=28940
  • broneknotgeld 03.09.06, 09:18
    Twierdza pierściyniowo 1878-1880

    Mo forteca małe forty
    Pierściyń taki wiela worty
    Cybulice Małe tako
    Ze Kosewym w tym jednako
    Te Grochale i Janówek
    Małocice, Poniechówek
    Tyż Zakroczym i Dymbina
    Z tym warowno fest dziedzina.
    --
    forum.gazeta.pl/forum/71,1.html?f=28940
  • broneknotgeld 03.09.06, 09:21
    Modlin "Pierściyń zewnyntrzny" 1912-1914

    Toż przed piyrszom wojnom samom
    Łon dlo nowych fortow "mamom"
    Dziesiyńć z dalsza ich stanyło
    Zdo sie - wszysko wojskym żyło.
    --
    forum.gazeta.pl/forum/71,1.html?f=28940
  • broneknotgeld 03.09.06, 09:22
    100 tysiyncy wojokow

    Tu armijo wielko stoła
    Ponoć wroga se niy boła
    Generałow tyż dość wiela
    Bo trzidziści miała sztela.
    --
    forum.gazeta.pl/forum/71,1.html?f=28940
  • broneknotgeld 03.09.06, 09:24
    W tydziyń

    Niymce w tydziyń Modlin wziyli
    Ruski marnie se tu biyli
    Już niy cara a kajzera
    Tako twierdza richtig teraz.
    --
    forum.gazeta.pl/forum/71,1.html?f=28940
  • broneknotgeld 03.09.06, 09:27
    W 1939

    Armjo "Modlin" twierdzy broni
    Skory tu niy sprzedo toni
    Chnet do końca września czimie
    Bioły oreł dyć kajś drzymie
    Zdo sie - ciynżko łon raniony
    Furgnoł jakby w inksze strony.
    --
    forum.gazeta.pl/forum/71,1.html?f=28940
  • broneknotgeld 05.09.06, 20:25
    Twierdza zobytkowo

    Ano - dwiesta rokow już twierdzy klupnyło
    Tako zobytkowe chnet wszysko co było
    I aże do dzisioj se nom tu łostało
    Możecie mi wierzyć - richtig to niymało.
    --
    forum.gazeta.pl/forum/71,1.html?f=28940
  • broneknotgeld 05.09.06, 20:31
    Wieże i bramy twierdzy

    Ano - ciynżko porachować
    Dyć na muster trza je dować
    Tyż som przeca zabytkowe
    Niyroz dziwo se im czowiek.
    --
    forum.gazeta.pl/forum/71,1.html?f=28940
  • broneknotgeld 06.09.06, 21:22
    Czerwońsk nad Wisłom

    Na szkarpie wiślany se zicnoł wysoko
    Dyć przeca do wody niy bydzie łon skokoł.
    --
    forum.gazeta.pl/forum/71,1.html?f=28940
  • broneknotgeld 06.09.06, 21:26
    Czerwińsk 1148

    Dzisioj klasztor Salezjanow
    Piyrwyj tych ze Lateranu
    Kanonikow Regularnych
    Z tym tref zocny a niy marny.
    --
    forum.gazeta.pl/forum/71,1.html?f=28940
  • broneknotgeld 06.09.06, 21:29
    W czerwińskim klasztorze

    Jagiełło z Witoldym tu se spotykali
    Pewnikym radziyli jako ciongnońć dali.
    --
    forum.gazeta.pl/forum/71,1.html?f=28940
  • broneknotgeld 06.09.06, 21:31
    Czerwińsk 1819

    Zakon skasowali z tym rokym Rosjany
    Tako istny klasztor na zniszczynie dany
    Zdało se co ciyngym bydzie we ruinie
    Dyć przeca rozblyśnie jeszcze w ty dziedzinie.
    --
    forum.gazeta.pl/forum/71,1.html?f=28940
  • broneknotgeld 06.09.06, 21:33
    Kościoł Zwiastowanio NMP (XII w.)

    Tako już widzicie - romańsko świontynia
    Szkryfnońć ło niyj cosik tukej niy łomina
    Bo przeca niywiela takowych łostało
    Piyrwyj wiyncy było - dzisioj richtig mało.
    --
    forum.gazeta.pl/forum/71,1.html?f=28940
  • broneknotgeld 08.09.06, 18:49
    Cegła romańsko

    W czerwińskim kościele ta cegła znojdziecie
    Dyć starszy ze świyczkom darmo szukać przecie.
    --
    forum.gazeta.pl/forum/71,1.html?f=28940
  • broneknotgeld 08.09.06, 18:51
    Kościelne freski

    Toż nojstarsze tukej z XII wieku
    Kunsztym starodownym dzisioj zodziwiajom
    Łodkrycio zocniejszych wcale już niy czekom
    W Czerwińsku szczyńśliwi że takowe majom.
    --
    forum.gazeta.pl/forum/71,1.html?f=28940
  • broneknotgeld 08.09.06, 18:56
    Matka Bosko Czerwińsko (1612)

    Łukasz z Łowicza jom namalowoł
    Na muster włoski Madonny
    Wiara swyj duszy kunsztym nom dowoł
    Dar cudny - tako dozgonny.
    --
    forum.gazeta.pl/forum/71,1.html?f=28940
  • broneknotgeld 08.09.06, 18:58
    Pod łobrozym

    Pod łobrozym czerwińskim rzykali i Wazy
    Wtedy jak Korona łobrywała razy
    Toż czerwińsko Matka kraj w łopiece miała
    Na co i dowody niyroz tyż dowała.
    --
    forum.gazeta.pl/forum/71,1.html?f=28940
  • broneknotgeld 08.09.06, 19:01
    Matce Boski płaczki lecom

    Ano - z łobrozu płaczki leciały
    Na Dzikich Polach łogyń niymały
    Chmielnicki ruszoł kozokow tako
    Se we tym razie łobroz rozpłakoł

    Po Beresteczku ze tym już koniec?
    Chorongwie bestoż tu powieszone?
    Co historyjo ło tym nom prawi?
    Możno legyndom se yno jawi.
    --
    forum.gazeta.pl/forum/71,1.html?f=28940
  • broneknotgeld 08.09.06, 19:02
    "Brama opata Rafała" 1497

    Łod rzeki ta brama ci klasztor łotwiyro
    Byś na jego cuda terozki zaziyroł.
    --
    forum.gazeta.pl/forum/71,1.html?f=28940
  • broneknotgeld 08.09.06, 19:03
    Przi figurze Krystusa

    Pawiom co w tym miejscu wojska porzykały
    A potym pod Grunwald se tako wybrały.
    --
    forum.gazeta.pl/forum/71,1.html?f=28940
  • broneknotgeld 07.09.06, 19:32
    Zakroczym XIV-XV w.

    Mazowiecke prince Zakroczym czimali
    Prawiom co tu niyroz nawet nocowali.
    --
    forum.gazeta.pl/forum/71,1.html?f=28940
  • broneknotgeld 07.09.06, 19:36
    Kościoł Podwyższynio Krziża Św. (XVI-XVII w.)

    Dugo bazylika tukej budowali
    Dyć przeca se rada ze świontyniom dali
    Łokna fynsterbretow tu cołkym niy majom
    Przeca som łokrongłe toż po co jo wajom.
    --
    forum.gazeta.pl/forum/71,1.html?f=28940
  • broneknotgeld 07.09.06, 19:40
    Matka Bosko z Dzieciontkym (1663)

    Matka Bosko z Dzieciontkym na głownym ołtorzu
    W Zakroczymiu łobroz zowdy wiela wożoł
    Toż we tym kościele do Niyj durś rzykajom
    Tako Jezusowi ze Mateczkom pszajom.
    --
    forum.gazeta.pl/forum/71,1.html?f=28940
  • broneknotgeld 07.09.06, 19:42
    Kościoł św. Wawrzyńca (1714)

    Kaj tu klasztor kapucynow
    Ta świontynia stoji
    Bliknij tam we Zakroczymiu
    Sztela przeca stroji.
    --
    forum.gazeta.pl/forum/71,1.html?f=28940
  • broneknotgeld 07.09.06, 19:43
    W klasztorze

    Tu sztuki sakralny muzeum znojdziecie
    Kunszt na chwała Pana - tako wiycie przecie.
    --
    forum.gazeta.pl/forum/71,1.html?f=28940
  • broneknotgeld 07.09.06, 19:46
    Refektorz klasztoru X.1831

    Rzond se siedzioł - Sejm tyż radzioł
    Polok z historyjom wadzioł
    Toż łostatnie tu łobrady
    Insurgyntom dali rady.
    --
    forum.gazeta.pl/forum/71,1.html?f=28940
  • broneknotgeld 15.09.06, 22:35
    Wyszogrod 1065

    Ano - historyjo już tyn grod nom jawi
    Toz i ze tym przeca radość wielko sprawi.
    --
    forum.gazeta.pl/forum/71,1.html?f=28940
  • broneknotgeld 15.09.06, 22:36
    Wyszogrod XII w.

    Kasztelanio wyszogrodzko
    Blyszczy w ty dziedzinie
    Lepszych czasow jeszcze doczko
    Zocnośc niy przeminie
    --
    forum.gazeta.pl/forum/71,1.html?f=28940
  • broneknotgeld 15.09.06, 22:38
    Wyszogrod XIII w.

    Princ Konrad tu zamek dlo siebie buduje
    Mazowieckim Piastom tyn grod fest sztimuje.
    --
    forum.gazeta.pl/forum/71,1.html?f=28940
  • broneknotgeld 15.09.06, 22:39
    Wyszogrod XV-XVI w.

    Toż Wyszogrod blyszczy
    Handlym se bogaci
    Wiślany port zyszczy
    Na suknie niy traci.
    --
    forum.gazeta.pl/forum/71,1.html?f=28940
  • broneknotgeld 15.09.06, 22:41
    Po wojnach szwedzkich

    Po tych wojnach szwedzkich sztela fest biydnieje
    Mało kto radośnie se już tukej śmieje.
    --
    forum.gazeta.pl/forum/71,1.html?f=28940
  • broneknotgeld 18.09.06, 17:59
    Gora Zamkowo

    Po zamku śladu tu niy łostało
    A przeca piyrwyj dziedzina cało
    Princ mazowiecko doglondoł z grodu
    Już se niy wroci - tako wom godom.
    --
    forum.gazeta.pl/forum/71,1.html?f=28940
  • broneknotgeld 18.09.06, 18:01
    Zamek proncow mazowieckich

    Niy ma już zamku z Gory Zamkowy
    Zbulyli cołkym niy do połowy
    Cegła przidała se im kaj ińdzi
    Tako widzicie - czas w przodek pyńdzi.
    --
    forum.gazeta.pl/forum/71,1.html?f=28940
  • broneknotgeld 18.09.06, 18:09
    Stroże Grobu Pańskego 1320-1819

    Toż Bożogrobcow Wyszogrod znoł
    Pociecha ze nich przeca tyż mioł
    Princom mieszczanom w Bogu służyli
    Dlo tych w utropie nojpełni żyli.
    --
    forum.gazeta.pl/forum/71,1.html?f=28940
  • broneknotgeld 18.09.06, 18:12
    Piyrszy kościoł parafialny Trojcy Świynty

    Piyrszy kościoł na szkarpie stanoł blisko rzeki
    Woda z Wyszogrodu go wziyła na wieki
    Toż dugo świontyni tu nowy niy mieli
    Chocioż do Ponboczka ciyngym rzykać chcieli.
    --
    forum.gazeta.pl/forum/71,1.html?f=28940
  • broneknotgeld 18.09.06, 18:14
    Wyszogrod 1726

    Z tym rokym Wisła szkarpa zabrała
    Z cołkom świontyniom! Czy jeji chwała?
    --
    forum.gazeta.pl/forum/71,1.html?f=28940
  • broneknotgeld 18.09.06, 18:18
    Kościoł parafialny Trojcy Świynty 1779-1786

    Siedym rokow w Wyszogrodzie tyn kościoł dźwigali
    Z Gdańska Fischer kunszt swoj dowo - bydom jymu pszali
    Dyć wyrosła im świontynia - blyszczy we dziedzinie
    Jak zoglondniesz to na pewno tego niy łominiesz.
    --
    forum.gazeta.pl/forum/71,1.html?f=28940
  • broneknotgeld 18.09.06, 18:19
    Kościoł Franciszkanow

    Gotyk z barokym w niym wymiyszany
    Był wangelikom piyrwyj tyż dany
    Po drugi wojnie zaś katolikom
    Tako se we niym teroz porzykom.
    --
    forum.gazeta.pl/forum/71,1.html?f=28940
  • broneknotgeld 18.09.06, 18:22
    Most na Wiśle

    Przi drugi wojnie ze jyńcow potu
    I krwi tyż przeca był budowany
    Że już go niy ma zdo sie gupotom
    Bo ku pamiyńci tyż jakby dany.
    --
    forum.gazeta.pl/forum/71,1.html?f=28940
  • broneknotgeld 17.09.06, 11:33
    Kościoł Zwiastowanio NMP (1526)

    Miasto jakby nowe - wystilizowane
    We niym ty świontyni krolowanie dane.
    --
    forum.gazeta.pl/forum/71,1.html?f=28940
  • broneknotgeld 21.10.06, 23:27
    Z Kadzidła na Mszyniec

    Z Kadzidła na Mszyniec - prowdziwki znojdziecie
    Podgrzibkow, kozokow tyż wiela tu przecie.
    --
    forum.gazeta.pl/forum/71,1.html?f=28940
  • broneknotgeld 21.10.06, 23:28
    Z Kadzidłą na Łyse

    Z Kadzidłą na Łyse - dziedzina maślokow
    Tukej tyż nazbiyrosz wiela zajonczokow.
    --
    forum.gazeta.pl/forum/71,1.html?f=28940
  • broneknotgeld 21.10.06, 23:32
    Stary kościoł w Łysym

    Zobytek drewniany - trza go mieć w łopiece
    Niywiela na Kurpiach łostało z nich przecie.
    --
    forum.gazeta.pl/forum/71,1.html?f=28940
  • broneknotgeld 21.11.06, 16:49
    Klajnbana

    Rogowsko klajnbana już na glajzach stoji
    Toż czeko nos rajza - żodyn se niy boji.
    --
    forum.gazeta.pl/forum/71,1.html?f=28940
  • broneknotgeld 21.11.06, 16:51
    Arboretum w Rogowie

    Trza tu zoglondnońć jak żes w Rogowie
    Zowdy przirodzie se dziwo czowiek.
    --
    forum.gazeta.pl/forum/71,1.html?f=28940
  • broneknotgeld 21.11.06, 16:52
    Muzeum Lasu i Drewna

    Toż we Rogowie taki przibytek
    Co las nom dowo to niy jest zbytek.
    --
    forum.gazeta.pl/forum/71,1.html?f=28940
  • broneknotgeld 21.11.06, 16:55
    Skansyn w Rogowie

    Tu wagoniki, ciuchcie, drezyny
    Na wonskich glajzach chlybom dziedziny
    Tako tyn banhof richtig ciekawy
    Dyć czas na rajza - koniec zabawy.
    --
    forum.gazeta.pl/forum/71,1.html?f=28940
  • broneknotgeld 21.11.06, 16:58
    Jeżów

    Ze Rogowa do Jeżowa
    We klajnbanie moja gowa
    Dyć już w zadku momy sztela
    Keryś szkryfna ło niyj wiela.
    --
    forum.gazeta.pl/forum/71,1.html?f=28940
  • broneknotgeld 21.11.06, 17:01
    Głuchów

    Barokowy kościoł
    Dwie wieże wysoko
    Wagonik na glajzach
    Wesolutko skoko.
    --
    forum.gazeta.pl/forum/71,1.html?f=28940
  • broneknotgeld 21.11.06, 17:03
    Do Rawy Mazowiecki

    Toż i do ty Rawy wonske glajzy ciongnom
    Możno we szkryflanie fraszek ło niyj wprzongnom.

    --
    forum.gazeta.pl/forum/71,1.html?f=28940
  • broneknotgeld 21.11.06, 17:05
    W Boguszycach

    W Boguszycach pauza nojlepszo sie zdowo
    Toż dziedzina zocno we łoczach nom stowo.
    --
    forum.gazeta.pl/forum/71,1.html?f=28940
  • broneknotgeld 21.11.06, 17:06
    Drewniany kościołek 1558

    Boguszycki kościołek pod Boskom opiekom
    Dobrze se łopiyroł tym monionym wiekom.
    --
    forum.gazeta.pl/forum/71,1.html?f=28940
  • broneknotgeld 21.11.06, 17:08
    Bioło Rawsko

    Ano - tu koniec już naszy rajzy
    Dali klajnbany niy wiedom glajzy.
    --
    forum.gazeta.pl/forum/71,1.html?f=28940
  • broneknotgeld 21.11.06, 17:11
    Pałac w Bioły Rawski

    Zdo sie jak zamek kery warowny
    A przeca pałac to niy jest downy
    Z dziewiytnostego zoledwie wieku
    Mustrym ciekawy - toż wiydz czowieku.
    --
    forum.gazeta.pl/forum/71,1.html?f=28940
  • broneknotgeld 21.11.06, 17:13
    Kościoł w Bioły Rawski

    Kościoł gotykym kożdymu wonio
    Kto przi ołtorzu tu głowa skłonio.
    --
    forum.gazeta.pl/forum/71,1.html?f=28940
  • broneknotgeld 26.07.09, 12:33
    Nowy Dwor

    Wele Rawy Mazowiecki
    Kaj i rawka prawie płynie
    Piyrwyj niy ciongnyły kiecki
    Dwor dlo fesztrow stoł w dziedzinie

    Prince na gon tu zjyżdżali
    W Bolimowski Puszczy przeca
    Richtig wiela polowali
    Bestoż ło tym rymym kleca.
    --
    Ruda Śląska - stolica fraszki
  • broneknotgeld 26.07.09, 12:35
    Piyrwyj dworek

    Piyrwyj dworek był drewniany
    Dyc niy strzimoł wiekow tela
    Teroz prawie murowany
    Richtig krasi cołko sztela.
    --
    Ruda Śląska - stolica fraszki
  • broneknotgeld 13.09.11, 00:23
    We ryncach Okynckich

    Łoni wystowiyli dwor po piyrszy wojnie
    Jak już na ty ziymi boło dość spokojnie
    Co piyrwyj drewniane terozki murujom
    Biołe ściany wszyskich do dzisioj radujom.
    --
    Ruda Śląska - stolica fraszki
  • broneknotgeld 21.08.10, 15:10
    Rokitno

    Ech, downymi czasy Rokitno słynyło
    Łobroz Matki Boski łaskami durś darzy
    Dyć pontnikow dzisioj jakby kajsik wciyło
    Choć co piyrwyj boło farorzowi marzy.
    --
    Ruda Śląska - stolica fraszki
  • broneknotgeld 22.08.10, 11:22
    Kościoł Wniebowziynty Bogurodzicy

    Wito cie Maryja z gwiozdami nad głowom
    Pozdrow znakym krziża jako jo pozdrowiom
    Dyć kuknij do środka - ołtorz kolumnowy
    Cudny łobroz blyszczy - w duszy łogyń nowy.
    --
    Ruda Śląska - stolica fraszki
  • broneknotgeld 24.08.10, 20:47
    Kościelno dzwonnica

    Cołkym łod sia se stanyła
    Jako piyrwyj zadzwoniyła
    Czy pontnikow prziwołała?
    Ech, by juzaś tego chciała!
    --
    Ruda Śląska - stolica fraszki
  • broneknotgeld 24.08.10, 20:49
    Wele kościoła

    Wele kościoła maszyn dość wiela
    Jako muzeum blyszczy ta sztela
    Czym sie łorało, sioło, młociyło
    Tukej łoboczysz co piyrwyj było.
    --
    Ruda Śląska - stolica fraszki
  • broneknotgeld 03.09.11, 13:48
    Łomża

    Kaj Narew lyniwie se wody durś leje
    Tam tyż prawie Łomża do wandrusa śmieje.
    --
    Ruda Śląska - stolica fraszki
  • broneknotgeld 03.09.11, 13:49
    Herb Łomży

    Kej princ mazowiecki prawa miejske nadoł
    "Niydźwiedź, jelyń bydzie" - tako istny padoł.
    --
    Ruda Śląska - stolica fraszki
  • broneknotgeld 03.09.11, 14:19
    Na gon

    Na gon wele Łomży krol polski mioł chyntka
    Sie wybroł z asystom - Krzizok mu jak piyntka
    Przeca po Grunwaldzie już sie tako dzioło
    A kej zwiyrza goniom rycerzom wesoło
    --
    Ruda Śląska - stolica fraszki
  • broneknotgeld 03.09.11, 14:22
    Dyć to prawie wtedy tako im trefiyło
    Zwiyrza we tych puszczach richtig wiela było
    Niydźwiedź epny dopod tu princa Janusza
    Koń niy poretowoł. Jako mu sie ruszać?
    --
    Ruda Śląska - stolica fraszki
  • broneknotgeld 03.09.11, 14:24
    Ano - domb mu przipod na cołke schroniynie
    Dzisioj w herbie Łomży jako przipomniynie
    Łodsiycz w końcu prziszła - princ życio niy stracioł
    Historyjo grodu tako ubogacioł.
    --
    Ruda Śląska - stolica fraszki
  • broneknotgeld 03.09.11, 14:30
    Już ubioł jednego ze epnom koronom
    Słyszy ryk inkszego - czy koniym pogoniom?
    Ech, Cieszko spokopioł co sie za tym kryło
    Krola przihaltowoł - a jako skończyło?
    --
    Ruda Śląska - stolica fraszki
  • broneknotgeld 03.09.11, 14:33
    Rycerze Krziżokow podeszli we borze
    Władce porwać chcieli, nawet ubić może
    Krol tako retniony, Cieszka z tym nagrodzioł
    Łomży herb przi tymu ciekawy przigodzioł.

    --
    Ruda Śląska - stolica fraszki
  • broneknotgeld 03.09.11, 14:39
    Na gon

    Na gon wele Łomży krol polski mioł chyntka
    Sie wybroł z asystom - Krzizok mu jak piyntka
    Przeca po Grunwaldzie już sie tako dzioło
    A kej zwiyrza goniom rycerzom wesoło

    Dyć to prawie wtedy tako im trefiyło
    Zwiyrza we tych puszczach richtig wiela było
    Niydźwiedź epny dopod tu princa Janusza
    Koń niy poretowoł. Jako mu sie ruszać?

    Ano - domb mu przipod na cołke schroniynie
    Dzisioj w herbie Łomży jako przipomniynie
    Łodsiycz w końcu prziszła - princ życio niy stracioł
    Historyjo grodu tako ubogacioł

    A jelyń?! Tyż przeca go w herbie znojdziecie
    Pewnikym i ło niym dowiedzieć coś chcecie
    Po princa przigodzie ze niydźwiedziym srogim
    Jagiełło pokusioł na jelynie rogi

    Już ubioł jednego ze epnom koronom
    Słyszy ryk inkszego - czy koniym pogoniom?
    Ech, Cieszko spokopioł co sie za tym kryło
    Krola przihaltowoł - a jako skończyło?

    Rycerze Krziżokow podeszli we borze
    Władce porwać chcieli, nawet ubić może
    Krol tako retniony, Cieszka z tym nagrodzioł
    Łomży herb przi tymu ciekawy przigodzioł.

    Ruda Śląska - stolica fraszki
  • broneknotgeld 03.09.11, 15:02
    Z Hankom Bielickom

    Z Hankom Bielickom pogodosz tukej
    Na jeji ławka niy yno kukej.
    --
    Ruda Śląska - stolica fraszki
  • broneknotgeld 03.09.11, 15:05
    Katedra św. Michała - XVI w.

    We niyskory gotyk tako łobleczono
    Dyć zdo sie rozkwitać kej wiara niy kono
    Ponboczek hebrajskim w niyj mianym szkryfniony
    Dyć go jako Jahwe prawie tukej momy.
    --
    Ruda Śląska - stolica fraszki
  • broneknotgeld 03.09.11, 15:08
    Kościoł i klasztor kapucynow

    Kaj ta sztrasa Krziwe Koło
    -barokym zochwyco
    Kukniesz - dusza zdo wesoło
    jak toskańske lico.
    --
    Ruda Śląska - stolica fraszki
  • broneknotgeld 03.09.11, 15:13
    Kościoł Wniebowziyńcio NMP - 1877

    Z bizantyńska jest dźwigniony
    Jako cerkiew kościoł zdo sie
    Toż se tymu tu dziwomy
    Niy trza mieć zobytku w nosie.

    --
    Ruda Śląska - stolica fraszki
  • broneknotgeld 03.09.11, 15:16
    Kamiynne Schody

    Co na wiyrchu? Co w dolinie?
    Krziwe koło tu łominiesz?
    Niy cygania wos, niy strasza
    Schody dzielom tako sztrasa
    Dyć kuplujom tyż dziedzina
    Toż je tukej niy łomina.
    --
    Ruda Śląska - stolica fraszki
  • broneknotgeld 03.09.11, 15:18
    Brama Napoleona

    Dom ze bramom kaj łon społ?
    W bramie chyntka na coś mioł?
    --
    Ruda Śląska - stolica fraszki

Popularne wątki

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka