• broneknotgeld 25.07.09, 20:44
    Ze Afrykom tako bywo
    Że niyjedyn se jyj dziwo
    I choć nawet czowiek stary
    Ciyngym kusi go safari
    --
    Ruda Śląska - stolica fraszki
  • broneknotgeld 01.01.13, 12:47
    Za Afryka
    trza nom rzykać?
    --
    Ruda Śląska - stolica fraszki
  • broneknotgeld 01.10.15, 19:39
    Cosik nyjgerskego
    Dociepna do tego.
    --
    Ruda Śląska - stolica fraszki
  • broneknotgeld 17.07.05, 19:20
    "Berbery"

    Berbery tu piyrsze byli
    Toż łod zowdy jakby żyli
    Mianowali Fenicjany
    Dlo nich "dziki lud" w tym dany.
    --
    forum.gazeta.pl/forum/71,1.html?f=28940
  • broneknotgeld 17.07.05, 19:22
    Fenicjany przed Krystusym z tysionc lot tu byli
    Z Kartaginom przeca drapko w potynga rosnyli
    Berberom dowali rady - kraj sie zdoł poddany
    Tela że im na kark w końcu wleźli te Rzymiany.
    --
    forum.gazeta.pl/forum/71,1.html?f=28940
  • broneknotgeld 17.07.05, 19:30
    Maroko 786

    Przi muzułmanach Maroko rośnie
    Zdo sie że jakby terozki kwitnie
    Chwała krolestwa głoszom radośnie
    Choć tref tyz czasym niyszczyńście wytnie.
    --
    forum.gazeta.pl/forum/71,1.html?f=28940
  • broneknotgeld 17.07.05, 19:35
    Almohadzi

    Nowo dynastio chnet se tu sadzi
    Wszyscy jom znomy - to Almohadzi
    Kastylio nawet łoni czimali
    Niym krześcijanom ziymie poddali.
    --
    forum.gazeta.pl/forum/71,1.html?f=28940
  • broneknotgeld 17.07.05, 19:41
    Alawici (XVII w)

    Łonczom Maroko już Alawici
    Przi nich sułtanat sie zocny sklyci
    Dyć krwi tyż richtig wiela wyloli
    Ważne że rośnie - reszta zaś smolić.
    --
    forum.gazeta.pl/forum/71,1.html?f=28940
  • broneknotgeld 17.07.05, 19:45
    W wieku dziewiytnostym

    W wieku dziewiytnostym z Marokym mecyjo
    Zdo sie co chcom zrobić z niego kolonijo.
    --
    forum.gazeta.pl/forum/71,1.html?f=28940
  • broneknotgeld 17.07.05, 19:46
    Maroko 1912

    Ano już prawie tako sie stało
    Hiszpan wzioł wiela - Francuz niymało
    Dwa protektory teroz Maroka
    Szczyńściym niy mynczom cołkym boroka.
    --
    forum.gazeta.pl/forum/71,1.html?f=28940
  • broneknotgeld 17.07.05, 19:50
    Maroko 1956

    Niypodległościom blyszczy łod nowa
    Toż Muhammada teroz w tym gowa
    Coby Maroko szczyńśliwsze było
    Zły tref na lepszy tako zmiyniyło.
    --
    forum.gazeta.pl/forum/71,1.html?f=28940
  • broneknotgeld 17.07.05, 19:52
    Muhammad V

    Krol niypodległość łogłosioł Maroka
    Francjo i Hiszpanio przestały fest skokać.
    --
    forum.gazeta.pl/forum/71,1.html?f=28940
  • broneknotgeld 18.07.05, 16:20
    "Niybieski Czowiek"

    Tuareg cołki niybieski bywo
    Niych to wos wcale tukej niy dziwo
    Farba z burnusa wlazła mu w ciało
    Żeby do tego kompać sie chciało.
    --
    forum.gazeta.pl/forum/71,1.html?f=28940
  • broneknotgeld 02.01.12, 21:15
    Sie do Maroka
    Niy ciś we zokach.
    --
    Ruda Śląska - stolica fraszki
  • broneknotgeld 31.08.10, 16:32
    Mahometany

    Tukej chnetko wszyscy tu som muzułmany
    Yno jedyn procynt innowiercow dany.
    --
    Ruda Śląska - stolica fraszki
  • broneknotgeld 31.08.10, 16:36
    Kuknij na Maroko

    Plaże oceanu i gory Atlasu
    Pinie tako cedry kej kukniesz ku lasom
    Pustynio se złoci jako tyż czerwiyni
    Wspomnieć trza ło kuchni marokański ziymi
    Zaciekawiom pewno jejich zocne miasta
    Kuknij na Maroko - szkryfna to i basta.
    --
    Ruda Śląska - stolica fraszki
  • broneknotgeld 18.07.05, 16:22
    Tanger

    Z Gibraltarskom Cieśninom w zgodzie Tanger żyje
    Choć przez tysionclecia mioł z niom tyż mecyje.
    --
    forum.gazeta.pl/forum/71,1.html?f=28940
  • broneknotgeld 18.07.05, 16:24
    Port handlowy

    Drapko Fynicjanom prziszło to do gowy
    By se tu założyć zocny port handlowy
    Że sie w Iberyjo przi tymu fest ciśli
    Rozwijoł se piyknie - po jejich to myśli.
    --
    forum.gazeta.pl/forum/71,1.html?f=28940
  • broneknotgeld 18.07.05, 16:26
    Tignis

    Tignis - już rzymsko terozki sztela
    Dyć inkszych ludow prziszło tu wiela
    Wandale potym Bizantyjczyki
    W końću Araby dyć rożny "kryki".
    --
    forum.gazeta.pl/forum/71,1.html?f=28940
  • broneknotgeld 18.07.05, 16:36
    Pałac Dar el-Makhzen

    Toż ze rozkazu powstoł Mulaja
    A dzisioj we niym muzeum sztuki
    Niy religijno jakosik haja
    Kunszt pokazujom toż dlo nauki.
    --
    forum.gazeta.pl/forum/71,1.html?f=28940
  • broneknotgeld 18.07.05, 16:38
    Tanger 1923

    Anglio Francjo Hiszpanio
    Razym ze Niymcami
    Sztela z wolnym handlym
    Majom tu latami.
    --
    forum.gazeta.pl/forum/71,1.html?f=28940
  • broneknotgeld 18.07.05, 16:40
    Handel

    Na niym Tanger rośnie
    Przi protektoracie
    Chocioż niy radośnie
    Przeca "wdziywo lacie)
    --
    forum.gazeta.pl/forum/71,1.html?f=28940
  • broneknotgeld 18.07.05, 16:45
    "Bioły Tanger"

    Ano bioły - czy niywinny?
    Krew niy plami już te mury?
    Zdo sie pokoj tu niyzmiynny
    Piyrwyj były jednak chmury.
    --
    forum.gazeta.pl/forum/71,1.html?f=28940
  • broneknotgeld 18.12.05, 16:43
    Asila

    Nad Atlantykym Asila leży
    Z historiom dugom - możecie wierzyć
    Toż wpiyrw fynickom koloniom była
    Potym przi Rzymie sie umynczyła
    Mo tako karta swoja arabsko
    Niym Portugalczyk położoł łapsko
    Za tym zaś prziszli w końcu Hiszpany
    W końcu zaś sułtan tukej jest panym.
    --
    forum.gazeta.pl/forum/71,1.html?f=28940
  • broneknotgeld 18.12.05, 16:47
    Pasza Raisouli (1906-1924)

    Rabczyk tu paszom - jego Asila
    Rzondy istnego niy trwały chwila
    W czas kolonialny rożnie se dzioło
    Czynsto utropa - toż niywesoło.
    --
    forum.gazeta.pl/forum/71,1.html?f=28940
  • broneknotgeld 19.12.05, 20:41
    Pałac w Asili

    Pasza Raisouli se go wymarzoł
    Toż drapko cudo tu stanie
    Biołościom swojom bydzie sie jarzoł
    Przi modrym dyć oceanie.
    --
    forum.gazeta.pl/forum/71,1.html?f=28940
  • broneknotgeld 22.12.05, 19:32
    Festiwal Kultury w Asili

    W lipcu Asila blyszczy kulturom
    Łona niy szkodzi tutejszym murom
    Choć latym se tu ze słonkym biydzisz
    Przi festiwalu i pałac zwiydzisz
    Co tego miasta symbolym zocnym
    Czasu Maroka jakoby nocnym.
    --
    forum.gazeta.pl/forum/71,1.html?f=28940
  • broneknotgeld 22.12.05, 19:34
    W medynie

    Wymalowane domow fasady
    Na kunszt artysty niy ma tu rady
    Czas jednak ciyngym tyż robi swoje
    Jako łodnowić? Som ło to "boje"?
    --
    forum.gazeta.pl/forum/71,1.html?f=28940
  • broneknotgeld 22.12.05, 19:35
    Yno w lipcu

    Yno w lipcu se zwiydzisz pałac Raisouliego
    W kozdy inkszy miesionc niy wpuszczom do niego.
    --
    forum.gazeta.pl/forum/71,1.html?f=28940
  • broneknotgeld 26.12.05, 15:36
    Lixus

    To po Rzymianach zocno ruina
    Z czasow jak jejich była dziedzina
    Badyhaus zwiydzisz no i tyjater
    Dyć teroz hulo tu yno wiater.
    --
    forum.gazeta.pl/forum/71,1.html?f=28940
  • broneknotgeld 26.12.05, 15:39
    Neptun

    Na mozaice znojdziesz go tukej
    Bog atlantycki tako niy szukej
    Bo ci ocean włazi we łoczy
    Mioł Neptun Lixus we swoji mocy.
    --
    forum.gazeta.pl/forum/71,1.html?f=28940
  • broneknotgeld 26.12.05, 15:41
    Larache

    Larache miyszo modre ze biołym
    Czowiek przi tymu zdo sie wesoły
    Jeszcze dołożysz te żołte pioski
    Możno w ty szteli zniknom ci troski.
    --
    forum.gazeta.pl/forum/71,1.html?f=28940
  • broneknotgeld 26.12.05, 15:47
    "Cera Grenady"

    Po rekonkwiście tu se chroniyli
    Jak krziż Grenadom już władoł
    Tako tetuan w gora dźwignyli
    Toż sie do tego im nadoł.
    --
    forum.gazeta.pl/forum/71,1.html?f=28940
  • broneknotgeld 26.12.05, 15:49
    Aleja Muhammada V

    Dyć cie zodziwi pałacykami
    Abo swojymi tyż kafejami
    Kaj po turecku bonkawa pijesz
    -Zarozki raźni przi tymu żyjesz.
    --
    forum.gazeta.pl/forum/71,1.html?f=28940
  • broneknotgeld 30.12.05, 20:06
    Plac Al-Jala

    Na Placu Al-Jala muzeum znojdziecie
    Dlo archeologow tukej tyż raj przecie
    Czi Gracje z Lixusu w szteli zlondowały
    Chocioż w badyhausie kompac se wolały.
    --
    forum.gazeta.pl/forum/71,1.html?f=28940
  • broneknotgeld 23.01.06, 18:02
    "Casablanka"

    Łostawiyła kajś stolica
    Gospodarkom tako rośnie
    Tu Maroka jakby lica
    Co kerujom se ku wiośnie.
    --
    forum.gazeta.pl/forum/71,1.html?f=28940
  • broneknotgeld 23.01.06, 18:06
    Plac Narodow Zjednoczonych

    Czyś służbowo czy na wczasy?
    -Tukej bije serce "Casy"!
    Z mustrym neomaurytańskim
    Blyszczy w słonku marokańskim.
    --
    forum.gazeta.pl/forum/71,1.html?f=28940
  • broneknotgeld 23.01.06, 18:08
    Nowo Casablanka

    Ano - Casablanka nowo
    We art deco sie wydowo
    Z czasow dyć protektoratu
    Czy jedynom to zapłatom?
    --
    forum.gazeta.pl/forum/71,1.html?f=28940
  • broneknotgeld 23.01.06, 18:10
    Park Ligi Arabski

    Po piyrszy wojnie go założyli
    Tako do dzisioj sie niym cieszyli
    I dali niychej bydzie to dugo
    Wygro do kogo tyn park zamrugo.
    --
    forum.gazeta.pl/forum/71,1.html?f=28940
  • broneknotgeld 24.01.06, 17:19
    Wielki Meczet

    Toż jest perłom Casablanki
    Muzułmańskim światłym zocnym
    Kery by mog iść z niym w "szranki"?
    Yno z Mekki bardzi mocny!

    Drugi w swiecie łon wielkościom
    Tako tym Arabom blyszczy
    Laser łonczy ze świyntościom
    Nikt tu na to dyć niy pyszczy.

    --
    forum.gazeta.pl/forum/71,1.html?f=28940
  • broneknotgeld 24.01.06, 17:22
    Minaret Wielkego Meczetu

    Na dwiesta metrow sztartuje w gora
    Zdo ci sie szpica jego we chmurach
    Z niyj blask lasera na Mekka leci
    Tako sie wszysko ciekawie kleci.

    --
    forum.gazeta.pl/forum/71,1.html?f=28940
  • broneknotgeld 24.01.06, 17:24
    Na 200 metrow

    Na dwiesta metrow minaret w gorze
    Pewno poszkrobołby boki chmurze
    Dyć mo Allaha tako tyż chwolić
    I w muezzina głosie se szkolić.
    --
    forum.gazeta.pl/forum/71,1.html?f=28940
  • broneknotgeld 24.01.06, 17:26
    Wielki Meczet Hasana II - 1993

    Ano po szejściu rokach budowy
    Stanoł tu meczet coluśki nowy
    Francuz go tako zaprojektowoł
    Z tym cosik łod sia dziedzinie dowoł.
    --
    forum.gazeta.pl/forum/71,1.html?f=28940
  • broneknotgeld 24.01.06, 17:27
    25 000 wiernych
    Tela sie wiernych zmieści w meczecie
    Tako go "Wielkim" mianować chcecie.
    --
    forum.gazeta.pl/forum/71,1.html?f=28940
  • broneknotgeld 24.01.06, 17:34
    Fontanna

    Toż we kubbie łona stoji
    Czy se keryś napić boji?
    z łykym wody wrocisz tukej
    Tako ty fontanny szukej.
    --
    forum.gazeta.pl/forum/71,1.html?f=28940
  • broneknotgeld 24.01.06, 17:36
    Medyna Casablanki

    Stare miasto za murami
    Co swoj wiek tyż przeca majom
    Dyć niy łaźcie po niym sami
    Zdo sie co niy wszyskim pszajom.
    --
    forum.gazeta.pl/forum/71,1.html?f=28940
  • broneknotgeld 25.01.06, 18:18
    Rabat

    Ano - do Rabatu - stolicy Maroka
    Piyrwyj Fenicjanom juz chciało se skokać
    Tako Kartagina a potym Rzymianie
    Mieli we ty szteli zocne używanie
    Muzułmanow rożne dynastyje tukej
    I z Andaluzyji piratow poszykej
    W Historyjo Rabat ze tym niy sagaty
    Toż przi inkszych sztelach naprowdy bogaty.
    --
    forum.gazeta.pl/forum/71,1.html?f=28940
  • broneknotgeld 25.01.06, 18:20
    Wieża Hasana

    Jakub el-Mansur radocha mioł
    Nojwiynkszy światu minaret doł
    Na cołki meczet niy stykło siył
    Dyć przeca widać jaki by był.
    --
    forum.gazeta.pl/forum/71,1.html?f=28940
  • broneknotgeld 25.01.06, 18:22
    "Bu Raghragh"

    Toż ta rzeka dlo Rabatu
    Zdo sie mamom no i tatom
    Co by bez niyj tu stanyło?
    Jako ciynżko by se żyło?
    --
    forum.gazeta.pl/forum/71,1.html?f=28940
  • broneknotgeld 25.01.06, 18:25
    Jakub el-Mansur (XII w.)

    Jakub el-Mansur ze Almohadow
    Chcioł wyrychtować tukej cud świata
    Zaczoł to z wielkom przeca paradom
    Dyć niy chcioł Allah widzieć w niym brata.
    --
    forum.gazeta.pl/forum/71,1.html?f=28940
  • broneknotgeld 26.01.06, 13:39
    Kazba Oudaia

    Abd el-Moumen jom zbudowoł
    Ze tym siyła miastu dowoł
    Kto by twierdza ta zdobywoł?
    -Dyć niy yno jo sie dziwoł.
    --
    forum.gazeta.pl/forum/71,1.html?f=28940
  • broneknotgeld 26.01.06, 13:41
    "Jama el-Aiqa"

    Meczet Rabatu nojstarszy dzisioj
    Choć miynioł sie wiela razy
    Dyć nudli na tym niy byda wiyszoł
    Bo zaś "piyrszego" łobrazym.
    --
    forum.gazeta.pl/forum/71,1.html?f=28940
  • broneknotgeld 26.01.06, 13:43
    Brama Oudaia

    Wele kazby tukej brama
    Z czasow stoji el-Mansura
    Kunsztym zdo sie łona sama
    Toż stolica a niy dziura.
    --
    forum.gazeta.pl/forum/71,1.html?f=28940
  • broneknotgeld 29.01.06, 12:54
    Sztyry muzea

    Sztyry muzea som we Rabacie
    Stolica Maroka kraszom
    Richtig wystyknie im tego bracie?
    Przeca sie niymi tyż aszom.
    --
    forum.gazeta.pl/forum/71,1.html?f=28940
  • broneknotgeld 01.02.06, 20:39
    Muzeum kazby Oudaia

    Mulaj Ismail tyn gmach zbudowoł
    Tu mioł siedziba w Rabacie
    Tako rozkazy swoje wydowoł
    Teroz muzeum jest bracie.
    --
    forum.gazeta.pl/forum/71,1.html?f=28940
  • broneknotgeld 01.02.06, 20:44
    Muzeum w nowym mieście

    Archeologijo starszo dyć łod Rzymu
    Tukej se łoglondna i niy spytom - czymu.
    --
    forum.gazeta.pl/forum/71,1.html?f=28940
  • broneknotgeld 01.02.06, 20:50
    Muzeum poczty

    A dyć ze Maroka przecie
    Tu brifmarki mosz w komplecie
    Jeszcze te sprzed piyrszy wojny
    Richtig wszyske - być spokojny.
    --
    forum.gazeta.pl/forum/71,1.html?f=28940
  • broneknotgeld 05.02.06, 17:32
    Sale

    Przi Rabacie Sale - postrach Atlantyku
    Niy bojcie sie wcale - dyć jo se porzykom
    Za tych co na morzu piraty zabiyli
    Za tych co ukorzom niywolom - choć żyli.
    --
    forum.gazeta.pl/forum/71,1.html?f=28940
  • broneknotgeld 05.02.06, 17:33
    Wielki Meczet w Sale

    Jak w kozdym mieście i tu go znojdziesz
    Dyć do medresy tyż tako dojdziesz.
    --
    forum.gazeta.pl/forum/71,1.html?f=28940
  • broneknotgeld 05.02.06, 17:36
    Za "Bab el Misra"

    Takom bramom wlejziesz nojpiyrw do mellahu
    Wpiyrw dzielnica Żydow dyć ciś dali brachu
    Toż we środku miasta znojdziesz sukow wiela
    Niymi tyż ciekawi ta piracko sztela.
    --
    forum.gazeta.pl/forum/71,1.html?f=28940
  • broneknotgeld 16.02.06, 21:50
    Meknes

    Downo Maroka to jest stolica
    Mulaj Ismail mioł sroge lica
    Dyć ło ta sztela naprowdy dboł
    Prawiom co fjoła na tle jyj mioł.
    --
    forum.gazeta.pl/forum/71,1.html?f=28940
  • broneknotgeld 16.02.06, 21:52
    Sułtan Mulaj Ismail (1672-1727)

    Poł wieku przeszło Marokym włodoł
    Łon "Krolym Słońce" zdo sie ty ziymi
    Pierońsko srogi - kożdy to godoł
    Meknes łostawioł - to przeca wiymy.

    --
    forum.gazeta.pl/forum/71,1.html?f=28940
  • broneknotgeld 16.02.06, 21:54
    Richtig mog?

    Kamrat Mulaja - Ludwik Sztyrnosty
    Kery był "Słońcym" w zocny francyji
    Mog ze sułtana brać muster prosty
    Piyńćset nałoznic - żodny mecyji.
    --
    forum.gazeta.pl/forum/71,1.html?f=28940
  • broneknotgeld 16.02.06, 21:57
    "Bab Mansour"

    Toż nojgryfniejszo Maroka brama
    Wlyź do Meknesu - prosi cie sama
    Podziwej na to co Mulaj stworzoł
    Sułtan na wiela przeca sie wożoł.

    --
    forum.gazeta.pl/forum/71,1.html?f=28940
  • broneknotgeld 16.02.06, 21:59
    "Bajkowy świat Mulaja"

    Dzisioj se dziwosz na "świat bajkowy"
    Juchom znaczony utropom tako
    Wiela traciyło przi tymu gowy
    Usłyszołś? -Ktosik po cichu płako.
    --
    forum.gazeta.pl/forum/71,1.html?f=28940
  • broneknotgeld 26.08.05, 17:46
    Na Dżerbie

    Palm daktylowych miljon zrachujesz
    Jeszcześ niy fertig - toż forsztelujesz
    Czamu ze fligra łona zielono
    I daktylami tyż ciyngym wonio.
    --
    forum.gazeta.pl/forum/71,1.html?f=28940
  • broneknotgeld 26.08.05, 17:48
    Odyseusz

    Odyseusz na Dżerba ponoć tyż zawitoł
    Toż ło droga do dom nikerych łopytoł
    Kwiotkami lotosu tu go ugościyli
    I dali se błonkać po morzu puściyli.

    --
    forum.gazeta.pl/forum/71,1.html?f=28940
  • broneknotgeld 26.08.05, 17:55
    Z ronk do ronk

    Po Rzymianach Wandale - potym zaś Araby
    Normanow tyż tukej wspomnieć przeca trza by
    Po nich prziszło rzońdzić na krotko Hiszpanom
    A dyć drapko Turkom ta wyspa poddano.
    --
    forum.gazeta.pl/forum/71,1.html?f=28940
  • broneknotgeld 26.08.05, 17:57
    Dragut

    Dragut w służbie Turkow
    Wyspa w końcu zdoboł
    Hiszpanow tu wiela
    Podobnoś łon pobioł
    Z ich czaszek zbudowoł
    Groźno piramida
    Tako ze pirata
    Pierońsko łobrzida.
    --
    forum.gazeta.pl/forum/71,1.html?f=28940
  • broneknotgeld 26.08.05, 18:08
    Grobla

    Za rzymskich czasow tu usypano
    Kontynyntowi z tym wyspa dano
    Dyć se na dugo grobla straciyła
    By zaś echt-wyspom ta Dżerba była.
    --
    forum.gazeta.pl/forum/71,1.html?f=28940
  • broneknotgeld 26.08.05, 18:00
    W Guelalla

    Piyrwyj w Guelalla gorki wyrobiali
    Niy yno w Aryce łone używali
    Dzisioj sie niywiela warsztatow łostało
    Dlo turystow styknie - to i tak niymało.
    --
    forum.gazeta.pl/forum/71,1.html?f=28940
  • broneknotgeld 26.08.05, 18:03
    Muzeum Sztuki Ludowy

    Ło tym co piyrwyj muzeum powiy
    Jako te ludy na Dżerbie żyli
    Ze kunsztym swojym co wyloz z gowy
    Trza by se tako tyż pochwolyli.
    --
    forum.gazeta.pl/forum/71,1.html?f=28940
  • broneknotgeld 26.08.05, 18:29
    Fort Espagnol

    Rort se taki łostoł z czinstego wieku
    Hiszpanom trgedjo przinios łon czowieku
    Toż Dragut ich tukej wybioł richtig wiela
    Krześcijańskom juchom łobmalowoł sztela.
    --
    forum.gazeta.pl/forum/71,1.html?f=28940
  • broneknotgeld 26.08.05, 18:32
    "Borż el-Ras"

    "Piramida czaszek" przi forcie stanyła
    Postrachym dlo wielu richtig łona była
    Tako ze rozkazu Draguta se stało
    Życie od Hiszpana znaczyło tu mało.
    --
    forum.gazeta.pl/forum/71,1.html?f=28940
  • broneknotgeld 26.08.05, 18:35
    W Mindun

    W Mindun Negrow coś za wiela
    Ano tako to już sztela
    Niywolnikow wyzwolyli
    Tu sie łoni łosiedlyli.

    --
    forum.gazeta.pl/forum/71,1.html?f=28940
  • broneknotgeld 03.08.08, 22:26
    Koloseum w Al-Dżamm

    Rzym yno mo wiynksze - ło tym teroz wiycie
    Niyjedyn gladiator łoddoł tukej życie.
    --
    Ruda Śląska - stolica fraszki
  • broneknotgeld 03.08.08, 22:28
    Kairuan

    Jako ci meczety tutejsze zrachować
    Kairuan świynty - ło tym tukej mowa.
    --
    Ruda Śląska - stolica fraszki
  • broneknotgeld 03.08.08, 22:30
    Sidi Abi Sa'id

    Wele Kartaginy miasteczko znojdziecie
    Kunsztowi malyrzy dziwać se tu chcecie?
    --
    Ruda Śląska - stolica fraszki
  • umfana 01.01.06, 01:06
    Z przyjemnością czytam afrykańskie fraszki!
    :o)
    --
    ♥Kocie♥Panny♥
  • broneknotgeld 31.07.06, 22:36
    Latarnia Faros

    Na wyspie faros bliza stanyła
    Z Ptolemeusza dyć woli była
    Sostrados z Knidos jom projektowoł
    Tako "cud świata" bliźnim wystowioł.

    --

    "Cud świata"

    Jednym z siedmiu cudow świata
    Bliza se zdowała
    Toż w czech roznych tysioncleciach
    Na morze blyskała.
    --

    Faros 1302

    Czyńsiynie ziymi bliza zbulyło
    Z tym we ruinie cołkym to było.

    --
    forum.gazeta.pl/forum/71,1.html?f=28940
  • broneknotgeld 02.03.06, 20:10
    W kraju Kusz

    W starożytnym kraju Kusz
    Niy brak grobow dlo tych "dusz"
    Co tu piyrwyj jednak żyły
    Choć te czasy już minyły.
    --
    forum.gazeta.pl/forum/71,1.html?f=28940
  • broneknotgeld 02.03.06, 20:12
    Chartum

    Chartum stolicom wielki dziedziny
    Co choć arabski dzisioj rodziny
    Ze roztomajtom dyć historyjom
    Ludzie łod downa tu przeca żyjom.
    --
    forum.gazeta.pl/forum/71,1.html?f=28940
  • broneknotgeld 03.03.06, 18:06
    Safari

    Ano - tym Kynia kożdego kusi
    Tako przigoda aż hyrtoń dusi
    Toż afrykańsko widzisz natura
    Yno niy czimej gowy we chmurach.
    --
    forum.gazeta.pl/forum/71,1.html?f=28940
  • broneknotgeld 03.03.06, 18:13
    Park Narodowy "Masai Mara"

    Elefanty i żyrafy
    Kajsik majom rożne afy
    Lwy lamparty nosorożce
    Tukej jakby u nos owce.
    --
    forum.gazeta.pl/forum/71,1.html?f=28940
  • broneknotgeld 05.10.06, 17:23
    Kynijske plymiona

    Poradziesiont plymion
    W Kyniji durś żyje
    Jejich to dziedzina
    Niy ziymie niczyje.
    --
    forum.gazeta.pl/forum/71,1.html?f=28940
  • broneknotgeld 05.10.06, 17:25

    Mont Kenya 5199 m n.p.m.

    Mont Kenya richtig nojwiynkszom tu gorom
    Jak na wiyrchu bydziesz podziwej se chmurom.

    forum.gazeta.pl/forum/71,1.html?f=28940
  • broneknotgeld 04.09.07, 23:06
    Masaje i Samburu

    Ciyngym ich tu niy brakuje
    Jest Afryka co koczuje.
    --
    Ruda Śląska - stolica fraszki
  • broneknotgeld 05.09.07, 18:51
    Kenijske "safari"

    Dzisioj polujesz z knipsaparatym
    Zwiyrz we Keniji kożdy jest za tym
    W doma na ścianie łostow se flinta
    Bo tu dlo ciebie bydzie jak piynta.
    --
    Ruda Śląska - stolica fraszki
  • broneknotgeld 05.09.07, 18:53
    Rezerwat "Masai Mara"

    Antylopy, gazele, zebry i żyrafy
    Dyć pamiyntej cobyś niy popełnioł gafy
    Rezerwat krolestwym kotow roztomajtych
    Gepardy tu przeca, lwy no i lamparty.
    --
    Ruda Śląska - stolica fraszki
  • broneknotgeld 05.09.07, 18:54
    Rezerwat "Tsavo"

    Elefantym sztela słynie
    Toż jyj pewno niy łominiesz.
    --
    Ruda Śląska - stolica fraszki
  • cymanon 05.09.07, 23:47
    "Ściąć wysokie drzewa"
    Nie zasiadłam już do kolacji.
    To zdanie we mnie dojrzewa.
  • broneknotgeld 08.09.07, 23:20
    Park Narodowy Jeziora Nakuru

    Ano - wcale se niy zdowo
    Woda we niym jest sodowo
    Dyć park ptoctwym swojim kusi
    Aże dych we klocie dusi.
    --
    Ruda Śląska - stolica fraszki
  • broneknotgeld 08.09.07, 23:23
    Przilot flemingow

    Jeziorym Namuru flemingi włodajom
    Dyć ich tukej wtedy dwa miljony majom.

    --
    Ruda Śląska - stolica fraszki
  • broneknotgeld 08.09.07, 23:26
    Morski Park Narodowy

    Z Mombasy na rafy pewno popłyniecie
    Dyc se koralowcom tyż dziwować chcecie.
    --
    Ruda Śląska - stolica fraszki
  • broneknotgeld 08.09.07, 23:28
    40 plymion Keniji

    Ciyngym tukej plymion wiela
    Dyć kupluje państwa sztela
    Tradycyjom mniyj se aszom
    Tako cosik w duszach gaszom.
    --
    Ruda Śląska - stolica fraszki
  • broneknotgeld 09.10.06, 22:59
    W "dhaw"

    W dhaw se pływajom i ryby łowiom
    Z rana wandrusow przeca niy bowiom
    Dyć po połedniu byś zrobioł gafa
    -We dhaw trza płynońć z niymi na rafa.
    --
    forum.gazeta.pl/forum/71,1.html?f=28940
  • broneknotgeld 09.10.06, 23:03
    Na wyspie

    Ano - Mombasa na wyspie leży
    I rafa blisko - trza tymu wierzyć
    Abo przifurgnońć by se podziwać
    Po darymnicy gowom niy kiwać.
    --
    forum.gazeta.pl/forum/71,1.html?f=28940
  • broneknotgeld 09.10.06, 23:04
    W Starym Porcie

    Tukej ciyngym szify jak piyrwyj ładujom
    Toż colutki towor plecy jejich czujom.
    --
    forum.gazeta.pl/forum/71,1.html?f=28940
  • broneknotgeld 09.09.07, 13:08
    Morski Park Narodowy

    Z Mombasy na rafy pewno popłyniecie
    Dyć se koralowcom tyż dziwować chcecie.
    --
    Ruda Śląska - stolica fraszki
  • broneknotgeld 15.10.06, 15:45
    Nairobi XIX w.

    Bana w te strony prawie ciongnyli
    Roboty wiela - ze tym osada
    Tako na rowno tu wystowiyli
    Teroz stolicom - ło to niy zwada.
    --
    forum.gazeta.pl/forum/71,1.html?f=28940
  • broneknotgeld 15.10.06, 15:47
    4 miljony

    Sztyry miljony ludzi tu żyje
    Dyć wiynkszość w slamsach - szczyńście w tym czyje?
    --
    forum.gazeta.pl/forum/71,1.html?f=28940
  • broneknotgeld 03.03.06, 18:15
    Wodospady Wiktorii (1856)

    Już połtora wieku tymu Livingstone je znoloz
    Toż tyn wandrus i misjonorz nawet tukej poloz.
    --
    forum.gazeta.pl/forum/71,1.html?f=28940
  • broneknotgeld 03.03.06, 18:09
    Botswana

    Na djamyntach se bogaci
    Dyć tradycjo ze tym traci
    Choć kraj wielki - mało ludzi
    Możno ktoś se tu przikludzi.
    --
    forum.gazeta.pl/forum/71,1.html?f=28940
  • broneknotgeld 05.03.06, 16:29
    Republika Połedniowy Afryki

    Cołki Afryki richtig połednie
    Czy słonko tukej jakosik blednie?
    Gorko jak kajsik możno i niy ma
    Dyć tyż niy tropi mie zaroz ryma.
    --
    forum.gazeta.pl/forum/71,1.html?f=28940
  • broneknotgeld 08.09.07, 17:31
    Przilondek Dobry Nadzieji

    Prawiom - tu nojdalsze Afryki połednie
    Choć prowdy w tym niy ma przilondek niy blednie.
    --
    Ruda Śląska - stolica fraszki
  • broneknotgeld 08.09.07, 17:37
    Przilondek Igielny

    Choć bez nadzieji dyć prawie tukej
    W same połednie Afryki kukej.
    --
    Ruda Śląska - stolica fraszki
  • broneknotgeld 29.08.10, 16:42
    Park Narodowy Krugera 1898

    Dzisioj zdo sie co to dziwy
    Dyc tu krolym boł myśliwy
    Szło na zwiyrza zapolować
    Loz ześ z flintom kejś mioł gowa.


    --
    Ruda Śląska - stolica fraszki
  • broneknotgeld 29.08.10, 16:45

    Park Narodowy Krugera 1927

    Drap sie czasy pomiyniyły
    W turystyce wiyncy siyły
    No i zwierza przeca szkoda
    Flinta schowej - inkszo moda

    Se podziwać jednak idzie
    Knipsaparat tyż niy w biydzie
    Zwiyrz we buszu to już szpana
    Miast bawoła zjydz barana.
    --
    Ruda Śląska - stolica fraszki
  • broneknotgeld 29.08.10, 16:47
    Wielgo Piontka Afryki

    Nosorozce, elefanty
    Tyż bawoły, lwy, lamparty
    Trefisz w parku łod Krugera
    Dyć bez flinty lyź - cholera!
    --
    Ruda Śląska - stolica fraszki
  • broneknotgeld 08.09.07, 17:33
    Kapsztad

    Konskym Europy se Kapsztad zdowo
    Holynder, Anglik, Francuz tu stowo
    I ździybko jakby czuje u siebie
    Chocioż RPA wcale niy w niebie.
    --
    Ruda Śląska - stolica fraszki
  • broneknotgeld 08.09.07, 17:35
    Wele Gory Stołowy

    Przo Gorze Stołowy kaj brzeg oceanu
    Se tyn Kapsztad prawie dyć dlo ludzi stanoł.
    --
    Ruda Śląska - stolica fraszki
  • broneknotgeld 08.09.07, 18:24
    Dzielnica portowo

    Dzielnica portowo jako w Holandyji
    Idzie se zabawić - potrza komedyji.
    --
    Ruda Śląska - stolica fraszki
  • broneknotgeld 08.09.07, 21:48
    Kapsztad nojgryfniejszy

    Tako nikierzy tyż ło niym prawiom
    Wandrusom Kapsztad jak cudo jawiom
    Ocean miastu se tukej dziwo
    I falom Gorze Stołowy kiwo.
    --
    Ruda Śląska - stolica fraszki
  • broneknotgeld 08.09.07, 23:13
    Miasto dwoch oceanow nadzieji

    Toż podobnoś prawie tukej
    Fal z dwoch oceanow szukej
    I nadzieji richtig wiela
    Z niyj przilondek - szkryfna tela.
    --
    Ruda Śląska - stolica fraszki
  • broneknotgeld 08.09.07, 23:15
    Na Gora Stołowo

    Klajnbana na linie
    Ty gory niy minie
    Zwyrto se wagonik
    Coś na wiyrch cie goni.
    --
    Ruda Śląska - stolica fraszki
  • broneknotgeld 08.09.07, 23:17
    Ze Gory Stołowy

    Na Atlantyk z niyj se dziwosz
    Ku zatoce - miastu kiwosz
    Kapsztad gryfny Ci se jawi
    Tako widać radość sprawi.
    --
    Ruda Śląska - stolica fraszki
  • podrozniktom 04.11.07, 16:14
    Ten Kapsztad z RPA?



    ..........
    <a
    href="http://skarby-swiata.pl/rpa_republika_poludniowej_afryki/rpa_afryka/kapsztad.html">
    Kapsztad </a>
  • broneknotgeld 04.09.10, 18:02
    Stadion

    Stadion z Mundialu tyn Kapsztad krasi
    Szpila zagrajom tam kedyś nasi?

    --
    Ruda Śląska - stolica fraszki
  • broneknotgeld 02.01.11, 15:33
    Port Elizabeth

    Stadiom Mandeli Mundial wspomino
    Ech, wuwuzeli brakuje ino.
    --
    Ruda Śląska - stolica fraszki
  • broneknotgeld 25.07.06, 20:53
    Zjednoczono Republika Tanzańji 1964

    Tanganika z Zanzibarym unio zrychtowała
    Tako ło tym dobrze wiymy - do dzisioj łostała.
    --
    forum.gazeta.pl/forum/71,1.html?f=28940
  • broneknotgeld 25.07.06, 20:57
    Zanzibar

    Samy Afryki to archipelag
    I chocioż wyspow mo łon niywiela
    To niyjednego przeca pokusi
    Jak go kontynynt ździybko przidusi.
    --
    forum.gazeta.pl/forum/71,1.html?f=28940
  • broneknotgeld 26.07.06, 15:43
    Zanzibar - wyspa goździkow

    Zdo sie - wyspa goździkowo
    Tu te drzewa rosnom zdrowo
    Niymi tyn Zanzibar słynie
    Kedyś piyrszy we dziedzinie.

    --
    forum.gazeta.pl/forum/71,1.html?f=28940
  • broneknotgeld 26.07.06, 15:45
    "Wyspa Przipraw"

    Kurkuma imbir anyż cynamon
    Pieprz i waniljo muszkat kardamon
    Tu roztomajte rosnom prziprawy
    Szkryflom niy yno to dlo zabawy.
    --
    forum.gazeta.pl/forum/71,1.html?f=28940
  • broneknotgeld 31.07.06, 19:30
    "Zinj el Barr"

    Kupce arabske tu przipływali
    Toż "Ziymi Czornych" miano jyj dali
    Tako we czecim wieku już było
    No i do dzisioj se niy zmiyniyło.
    --
    forum.gazeta.pl/forum/71,1.html?f=28940
  • broneknotgeld 01.08.06, 19:50
    Zanzibar - wyspa przipraw

    Roztomajte rosnom na wyspie "korzynie"
    Za smakym poleci pewno powoniynie.
    --
    forum.gazeta.pl/forum/71,1.html?f=28940
  • broneknotgeld 31.07.06, 22:20
    Farrokh Bulsara 1946

    Na Zanzibarze tako rodzony
    Ze "Queen" go przeca nojlepi znomy
    I choć skończyło se jego życie
    Tukej poczontek - już teroz wiycie.
    --
    forum.gazeta.pl/forum/71,1.html?f=28940
  • broneknotgeld 31.07.06, 22:22
    Freddie Mercury

    Szejśćdziesiont rokow by skończoł latoś
    Dyć mu niy dane to było jakoś
    W swojich szlagerach jednak durś żyje
    Niy musisz pytać jak słuchosz - czyje?
    --
    forum.gazeta.pl/forum/71,1.html?f=28940
  • broneknotgeld 31.07.06, 19:09
    Nungwi

    Toż kurort taki na Zanzibarze
    Trocha hoteli i gryfne plaże
    Dychniesz se jakby tukej łod świata
    Abo i wrocisz na stare lata.
    --
    forum.gazeta.pl/forum/71,1.html?f=28940
  • broneknotgeld 31.07.06, 19:11
    Stocznia w Nungwi

    Rybacke łodki "dhow" tu bajstlujom
    Chcesz - i dlo ciebie coś przirychtujom.
    --
    forum.gazeta.pl/forum/71,1.html?f=28940
  • broneknotgeld 31.07.06, 19:13
    Wele Nungwi

    Wele Nungwi ponurkujesz
    Raf tu wiela - forsztelujesz
    Atol Mnemba tyż dość blisko
    Z tym podwodne dziwowosko.
    --
    forum.gazeta.pl/forum/71,1.html?f=28940
  • broneknotgeld 01.08.06, 19:35
    Stone Town

    Kamyń rafowy miasto budowoł
    We downych czasach urosło zdrowo
    Handel Afryki z Azjom tu kwitnoł
    Terozki jakby ze szteli pitnoł.
    --
    forum.gazeta.pl/forum/71,1.html?f=28940
  • broneknotgeld 01.08.06, 19:36
    Stone Town XII-XV w.

    Stone Town rosło właśnie w tych wiekach
    Dźwignione przeca kunsztym czowieka.
    --
    forum.gazeta.pl/forum/71,1.html?f=28940
  • broneknotgeld 01.08.06, 19:38
    Architektura suahili

    Misz-masz afrykańsko-hindusko-arabski
    W Stone Town durś widać - niy trza mu tu łaski.
    --
    forum.gazeta.pl/forum/71,1.html?f=28940
  • broneknotgeld 01.08.06, 19:40
    "Beit el Ajaib"

    "Dom ludow" se tukej postawioł Burghasha
    Sułtan Zanzibaru - jo istnym niy strasza.
    --
    forum.gazeta.pl/forum/71,1.html?f=28940
  • broneknotgeld 01.08.06, 19:47
    Zachod Słonka w Stone Town

    We łogrodach Forodhani
    Ze tym kwitnie życie
    Kichol wos niy łocygani
    Dobrze teroz zjycie.
    --
    forum.gazeta.pl/forum/71,1.html?f=28940
  • broneknotgeld 22.08.06, 15:26
    40 miljonow rokow nazod

    Toż łod Afryki już łoddzielono
    Kanałym coroz to szyrszym
    Łod sia se żyje - wcale niy kono
    Przeca to szkryflom niy piyrszy.
    --
    forum.gazeta.pl/forum/71,1.html?f=28940
  • broneknotgeld 22.08.06, 15:31
    Wielko Rafa Koralowo Tulear

    Dlo płetwonurkow zdowo sie cudym
    Żodyn z nich tukej niy ciyrpi nudy.
    --
    forum.gazeta.pl/forum/71,1.html?f=28940
  • broneknotgeld 22.08.06, 15:34
    13 miljonow

    Czinoście miljonow Malgaszy durś żyje
    Toż se ich spytejcie - co tukej jest czyje?
    --
    forum.gazeta.pl/forum/71,1.html?f=28940
  • broneknotgeld 22.08.06, 15:36
    Kolanijo francusko

    Szejśćdziesiont rokow tu Francyjoki
    Blikali richtig tym "pańskim łokym"
    Dyć se skończyły ich rzondy tukej
    Tako na wolność wyspy pokukej.
    --
    forum.gazeta.pl/forum/71,1.html?f=28940
  • broneknotgeld 22.08.06, 15:40
    Lud Vezo

    Lepszych zyjmanow no i rybokow
    Nikaj na świecie niy szukej
    Dyć czasym żol ci przeca borokow
    Na blizny jejich pokukej

    Ano - polujom dyć na rekiny
    Dropieżcow nojwiynkszych w wodzie
    Niyjedyn Vezo u nich tyż driny
    A miynso rekina w modzie.

    --
    forum.gazeta.pl/forum/71,1.html?f=28940
  • broneknotgeld 26.08.09, 22:28
    Angola

    Wojna domowo zdo sie za niymi
    Idzie se dziwać angolski ziymi.
    --
    Ruda Śląska - stolica fraszki
  • broneknotgeld 26.08.09, 22:30
    Pustynia Namib

    Sie z Atlantykym w Angoli styko
    Cuzamyn suche ze mokrym rzyko.
    --
    Ruda Śląska - stolica fraszki
  • broneknotgeld 17.10.09, 20:28
    Wodospad Ruacana

    Na rzece Cunene taku cud przirody
    Sto dwadziścia metrow mo tu ściana wody
    Siedymset szyroko - zdo sie niy mieć końca
    A przi tymu donga skiż promykow słońca.
    --
    Ruda Śląska - stolica fraszki
  • broneknotgeld 03.11.09, 00:51
    Czerwone frelki

    Z plymiynia Himba frelki czerwone
    Glinkom ze łojym wyszmarowane
    Niy Indjanerki tako dyć łone
    Przez gzy, chroboki z tym łomijane.
    --
    Ruda Śląska - stolica fraszki

Popularne wątki

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka
Agora S.A. - wydawca portalu Gazeta.pl nie ponosi odpowiedzialności za treść wypowiedzi zamieszczanych przez użytkowników Forum. Osoby zamieszczające wypowiedzi naruszające prawo lub prawem chronione dobra osób trzecich mogą ponieść z tego tytułu odpowiedzialność karną lub cywilną. Regulamin.