Dodaj do ulubionych

Orzesze!!!

  • broneknotgeld 20.11.05, 15:06
    Orzesze

    Jaki herb może mieć ta dziedzina?
    Dyć wszyscy wiymy - yno leszczyna.

    --

    Problym z Orzeszym jednak niymały
    Łorzechy wodne tukej bywały.

    --
    forum.gazeta.pl/forum/71,1.html?f=28940
  • broneknotgeld 20.11.05, 15:11
    W dzisiejszym Orzeszu

    Nojstarszom osadom tu były Woszczyce
    Za tym Zgoń se lecioł no i Gardawice
    Potym zaś Orzesze z niym razym Zawada
    Zawiść bardzi modo to niy jest przesada
    Tako tyż Krolowki no i Jaśkowice
    Dlo Woszczyc smarkate jakby okolice.

    --
    forum.gazeta.pl/forum/71,1.html?f=28940
  • broneknotgeld 20.11.05, 15:13
    Urzond Okryngowy we Orzeszu (1922)

    Miyndzy powiatym łon był a gminom
    Tyn we Orzeszu wiynkszom "dziedzinom"
    "Pod niym" Zawada i Jaśkowice
    Dyć tyż do tego Ornontowice

    --
    forum.gazeta.pl/forum/71,1.html?f=28940
  • broneknotgeld 20.11.05, 15:14
    Robert Lis z Orzeszo

    Sekretorzym łon amtowym
    Czimoł Urzond Okryngowy
    Hereszt był we jego mocy
    Policyjo do pomocy
    Gospodarka tyż do tego
    Zdo sie wiela dlo istnego.

    --
    forum.gazeta.pl/forum/71,1.html?f=28940
  • broneknotgeld 20.11.05, 15:14
    Urzond Okryngowy w Orzeszu (1925)

    Na wiynkszym konsku terozki "siedzioł"
    Trza bych i ło tym coś tukej pedzioł
    Ano - Orzesze Ornontowice
    Zawada Zawiść tako Woszczyce
    Tyż Gardawice no i Krolowka
    Zazdrość - już wiyncy niy wiy mo głowka.

    --
    forum.gazeta.pl/forum/71,1.html?f=28940
  • broneknotgeld 23.01.06, 22:08
    Wielke Orzesze

    Ponoć wielke te Orzesze
    Richtig tako ku uciesze
    Dyć se piyknie przeca dzieli
    Aż na dziesiyńć myńszych szteli.
    --
    forum.gazeta.pl/forum/71,1.html?f=28940
  • broneknotgeld 15.01.13, 09:06
    W Orzeszu sie tropiom
    www.dziennikzachodni.pl/artykul/739523,pozar-kosciola-w-orzeszu-splonal-dach-i-poddasze,id,t.html
    Kej zaś dach pokropiom?

    --
    Ruda Śląska - stolica fraszki
  • broneknotgeld 20.11.05, 15:07
    Woszczyce

    Miano skiż Woszka ponoć jest take
    Woszek i Wojciech - prawie jednake
    Łod Adalberta znak we tym przeca
    Woszczyce kłada do jego neca.

    --
    forum.gazeta.pl/forum/71,1.html?f=28940
  • broneknotgeld 20.11.05, 15:10
    Cystersi w Woszczycach

    Cystersi nad Rudom klosztor założyli
    Pewne że w Woszczycach przed Tatarym byli
    Dyć niym sie porzondnie tukej zasiedzieli
    Skuli strat z najazdu wykludzać musieli
    Do Rud se przeniyśli i tam już łostali
    Historyjo przeca leciała nom dali.

    --
    forum.gazeta.pl/forum/71,1.html?f=28940
  • broneknotgeld 20.11.05, 15:11
    We XV wieku

    Tyż sztudiyrowali ze Woszczyc w Krakowie
    Zowdy był to jednak "urodzony" czowiek.

    --
    forum.gazeta.pl/forum/71,1.html?f=28940
  • broneknotgeld 20.11.05, 15:13
    Woszczycko parafio

    Nojpiyrwyj parafio we Woszczycach była
    Siedymset lot z hokym toż to czasu siyła
    Z sztyrnostego wieku znomy btyż farorza
    Papiyżowi podpod - miano mioł Grzegorza
    Słać do Awinionu niy chcioł dziesiyńciny
    Dyć z ekskomunikom smyntne robioł miny.

    --
    forum.gazeta.pl/forum/71,1.html?f=28940
  • broneknotgeld 20.07.11, 13:40
    Ponoć w Woszczycach godka rozkwito
    Prowda czy yno zaś mi sie śni to.
    --
    Ruda Śląska - stolica fraszki
  • broneknotgeld 20.11.05, 15:07
    Gardawice

    "Gardy" czy hardy - abo tyż srogi?
    Niy użałowoł nawet niybogi?
    Możno ktoś taki żył w ty dziedzinie
    Niychej rym ślonski tego niy minie.

    --
    forum.gazeta.pl/forum/71,1.html?f=28940
  • broneknotgeld 20.11.05, 15:12
    Piotr Gardawski

    Łodstompioł Wacława - princa Raciborza
    Wzioł strona Madziara Macieja Korwina
    Dzisioj jo mu palcym za to niy pogroża
    Dyć na tym łon zyskoł no i ta dziedzina.

    --
    forum.gazeta.pl/forum/71,1.html?f=28940
  • broneknotgeld 20.11.05, 15:13
    Ksionżyncy Zgoń

    Ksionzynco osada to była
    Stond ryby szły zowdy na Pszczyna
    Dyć stawy to jakby jyj siyła
    We zocy Zgoń mieli niy krzyna.

    --
    forum.gazeta.pl/forum/71,1.html?f=28940
  • broneknotgeld 20.11.05, 15:15
    Jaśkowice - skond te miano?
    Czy Jaśkowi sztela dano?
    Richtig tako wzioł jom do sia?
    No i kaj jest ta Małgosia?

    --
    forum.gazeta.pl/forum/71,1.html?f=28940
  • broneknotgeld 20.11.05, 15:17
    Jaśkowo sztela

    Jaśkow w Polsce richtig wiela
    Tyż niyjedyn mo swo sztela
    Dyć Orzesze - tako wiycie
    Mo jaśkowe Jaśkowice.

    --
    forum.gazeta.pl/forum/71,1.html?f=28940
  • broneknotgeld 20.11.05, 15:18
    "Jasiek"

    Zdo sie mondro tako głowka
    co ze "jaśkym" ciyngym śpi?
    Ze Jaśkowic chce zogowka!
    We Orzeszu pedzom - niy!

    --
    forum.gazeta.pl/forum/71,1.html?f=28940
  • broneknotgeld 24.07.10, 11:38
    We Jaśkowicach Jaśka szukała
    Z kuli kerego z bajtlym łostała.
    --
    <a rel="nofollow" href="forum.gazeta.pl/forum/71,1.html?
    f=28940">Ruda Śląska - stolica fraszki</a>
  • broneknotgeld 26.07.09, 09:51
    Choć żech kukoł dyć niy znoloz
    Toch kaj ińdzi drapko poloz.
    --
    Ruda Śląska - stolica fraszki
  • broneknotgeld 21.06.12, 20:15
    Kej w Orzeszu sie coś dzieje
    Slonsko dusza aże śmieje.
    --
    Ruda Śląska - stolica fraszki
  • broneknotgeld 24.06.12, 08:05
    Mo Orzesze Abrahama!

    Kej Abrahama to trza sie cieszyć
    mikolow.naszemiasto.pl/artykul/1452595,uroczysta-msza-swieta-odbedzie-sie-30-czerwca-w-kosciele-p,id,t.html#cf06a3a3bf46ba83,1,3,6
    Ździybko porzykać, ździybko pogrzeszyć.
    --
    Ruda Śląska - stolica fraszki

Popularne wątki

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka
Agora S.A. - wydawca portalu Gazeta.pl nie ponosi odpowiedzialności za treść wypowiedzi zamieszczanych przez użytkowników Forum. Osoby zamieszczające wypowiedzi naruszające prawo lub prawem chronione dobra osób trzecich mogą ponieść z tego tytułu odpowiedzialność karną lub cywilną. Regulamin.