• broneknotgeld 20.11.05, 20:02
    KWK "Knurow" 1903-2003

    Toż był gyburstag gruby knurowski
    Szło drugi sety winszować
    Niych lepi leci ciyngym terozki
    Trza nom to wszysko szanować.
    --
    forum.gazeta.pl/forum/71,1.html?f=28940
  • broneknotgeld 21.02.08, 22:24
    Urodzony ktoś w Knurowie?
    Uraduje se tym czowiek
    Jak poczyto ło ty szteli
    Byście wkludzić sie tam chcieli?

    --
    Ruda Śląska - stolica fraszki
  • broneknotgeld 11.02.12, 22:20
    Ze Knurowym tu łonaca
    Aż przi tymu kurzy glaca.
    --
    Ruda Śląska - stolica fraszki
  • broneknotgeld 20.11.05, 20:04
    15.VI.1903

    Gustaw von Velsen kozoł budować
    Gruba dlo skarbu pruskego
    Trza geldu było na to wydować
    Dyć w końcu profit był z tego.
    --
    forum.gazeta.pl/forum/71,1.html?f=28940
  • broneknotgeld 20.11.05, 20:07
    1903

    Dwie szachty zaczli we jednym roku
    Dronżyć kaj wongel knurowski
    Mieli go przeca ciyngym na łoku
    Skarb a niy dopust to boski.
    --
    forum.gazeta.pl/forum/71,1.html?f=28940
  • broneknotgeld 20.11.05, 20:11
    I kolanijo (1904)

    Choć gruba ciyngym jeszcze w budowie
    Toż rośnie już kolanijo
    Coby mog miyszkać po blisku czowiek
    Tako i myńszo mecyjo.
    --
    forum.gazeta.pl/forum/71,1.html?f=28940
  • broneknotgeld 20.11.05, 20:13
    Knurowski cug (1904-1908)

    Kaj gruba bydzie
    Toż i cug zdo sie
    Chnet tako przidzie
    Co glajzy mo sie

    Wogel z Knurowa
    Dali pojedzie
    Skarbu w tym "gowa"
    By był na przedzie.
    --
    forum.gazeta.pl/forum/71,1.html?f=28940
  • broneknotgeld 20.11.05, 20:16
    XII.1905

    Piyrszo szachta już zgłymbiono
    Kosztowało możno słono
    Dyć geld zwroci sie sto razy
    Tako jak von Velsen marzy.
    --
    forum.gazeta.pl/forum/71,1.html?f=28940
  • broneknotgeld 20.11.05, 20:18
    VI.1906

    Dyć niy było to za dugo
    I skończono szachta drugo
    We tym roku już fedrunek
    Ze tym radość - niy frasunek.

    --
    forum.gazeta.pl/forum/71,1.html?f=28940
  • broneknotgeld 20.11.05, 20:19
    Piyrszy wongel (1906)

    Ano - we tym roku piyrszy wongel dali
    Potym coroz wiyncy ciyngym fedrowali.
    --
    forum.gazeta.pl/forum/71,1.html?f=28940
  • broneknotgeld 21.11.05, 21:50
    VI.1908 - IV szachta

    Choć czecio zasuli jednak szworto kopiom
    Tako se do wonglo knurowskego dropiom
    Przeca Pole Zachod niy śmi czekać dugo
    Zdo sie do Velsena łone ciyngym mrugo.
    --
    forum.gazeta.pl/forum/71,1.html?f=28940
  • broneknotgeld 21.11.05, 21:52
    VII.1908 - Velsen I i Velsen II

    Łojca gruby tako pamiyńć zachowano
    Co szachty knurowske noszom jego miano.
    --
    forum.gazeta.pl/forum/71,1.html?f=28940
  • broneknotgeld 21.11.05, 21:54
    Barborka 1908

    Już we cechowni Barborka majom
    Zowdy bergmony do Niyj rzykajom
    Niym zjadom na doł coby fedrować
    Toż świynto bydzie sie opiekować.
    --
    forum.gazeta.pl/forum/71,1.html?f=28940
  • broneknotgeld 21.11.05, 21:56
    Kolanije knurowske 1909

    Drugo czecio kolanijo
    Niych tu ściongnie familijo
    Bergmon co fedruje wiela
    Tako rośnie naszo sztela.
    --
    forum.gazeta.pl/forum/71,1.html?f=28940
  • broneknotgeld 21.11.05, 21:57
    VII.1909

    Na czi szychty teroz bergmon już fedruje
    Łoziym godzin styknie - łon som tako czuje.
    --
    forum.gazeta.pl/forum/71,1.html?f=28940
  • broneknotgeld 21.11.05, 21:59
    Sepera 1910

    Ło jeronie - toż radocha
    I niy yno przeca trocha
    Frele już som na seperze
    Tako szkryfna tukej szczerze

    Nic że ciynżko to robota
    Możno keroś straci cnota.
    --
    forum.gazeta.pl/forum/71,1.html?f=28940
  • broneknotgeld 21.11.05, 22:01
    Już szkolom (1911)

    Już przi ty grubie bergmonow szkolom
    Coś muszom umieć by zjechać szolom
    Fach jest we gowie tako i rynkach
    Trza tyż porzykać - niym grubsko mynka.


    --
    forum.gazeta.pl/forum/71,1.html?f=28940
  • broneknotgeld 21.11.05, 22:04
    Lazaryt "Uniji Bracki"

    Toż zaczli stowiać go dlo Knurowa
    Coby mog dwiesta ludzi kurować
    Z czech grub bergmonom mioł służyć - wiycie
    "Knurow" "Dymbiyńsko" no i "Glywice".
    --
    forum.gazeta.pl/forum/71,1.html?f=28940
  • hanys_hans 21.11.05, 22:24
    Uod 1976 do 1981 na tyj grubie zech fedrowou
    A Broonek z rukzakym pewnikym mie tam wachowou
  • broneknotgeld 22.11.05, 18:07
    III.1912

    Już bergmony tu sztrajkujom
    Mało geldu w kapsi czujom
    Dyć Skarb Pruski twardo stoji
    Nawet zwolniać se niy boji.
    --
    forum.gazeta.pl/forum/71,1.html?f=28940
  • broneknotgeld 22.11.05, 18:09
    1.VI.1912 Dyrekcyjo

    Ano - dyrekcyjo terozki stowiajom
    Do dzisioj siedziba ciyngym tako majom
    Toż niychej na lata im jeszcze wystyknie
    "Klockym" przeca niy jest - durś wyglondo piyknie.
    --
    forum.gazeta.pl/forum/71,1.html?f=28940
  • broneknotgeld 22.11.05, 22:52
    Bateryje koksownicze - 1913

    Wongel tukej zdo sie na te bateryje
    Toż ze gazym myńsze w tych stronach mecyje.
    --
    forum.gazeta.pl/forum/71,1.html?f=28940
  • broneknotgeld 22.11.05, 22:57
    "Knurow" - 1914

    Wojna swoje robi - z bergmonow wojoki
    Ze wonglym utropa - toż idzie spokopić
    Przeca dlo zbrojynio tyż jego poczeba
    Choć czy trza ty ziymi ze ołowiu nieba?
    --
    forum.gazeta.pl/forum/71,1.html?f=28940
  • broneknotgeld 22.11.05, 22:59
    IV szachta fertig (1915)

    Choć wojna w Europie fertig szachta szworto
    Ze tym cołko gruba zdo sie wiyncy worto.
    --
    forum.gazeta.pl/forum/71,1.html?f=28940
  • broneknotgeld 23.11.05, 16:51
    Knurowski lager (II.1915)

    Lager przi grubie toż tukej jyńce
    Na ślonski wongel dowajom rynce
    Z czasym ich wiela bydzie fedrować
    Mus w tym - wrogowi tako siył dować
    Ano - niyherske wojynne "prawa"
    Tako śmiertelno zdo sie "zabawa".
    --
    forum.gazeta.pl/forum/71,1.html?f=28940
  • broneknotgeld 23.11.05, 16:52
    200 bab na grubie (1916)

    Chopy na wojnie - baby sie zdadzom
    Dyć czy fedrować łone poradzom?
    --
    forum.gazeta.pl/forum/71,1.html?f=28940
  • broneknotgeld 23.11.05, 16:57
    Pokład 405 (2.I.1917)

    Życie zoleży łod boski woli
    Toż se pochylnio pokładu poli
    Śmiertka przi tymu bergmonow kosi
    Aż jedynoście dusz zaroz prosi
    Pode dźwiyrzami świyntego Piotra
    Coby je dlo nich zarozki łotwar

    A poparzone podtrute kaj?
    Ciynżko wyczimać tyn "ślonski raj"
    Co w tych godzinach piekłym dyć stowo
    Możesz pomacać - sie niy wydowo.

    --
    forum.gazeta.pl/forum/71,1.html?f=28940
  • broneknotgeld 23.11.05, 16:59
    Wrocajom z wojska (1917)

    Na wschodzie tako mniyj trza wojoka
    Toż z frontu wroco - tu musi "skokać"
    Przeca "maszyna" wojny światowy
    Bez wonglo stanie - kożdy to powiy.
    --
    forum.gazeta.pl/forum/71,1.html?f=28940
  • broneknotgeld 23.11.05, 17:02
    Sztrajki XII.1918

    Wojna skończono - sztrajki na grubie
    Ciynżko sie przeca przi wonglu dubie
    I wiara myńszo co lepi bydzie
    Czy jeszcze do nich zło wiynksze przidzie?
    --
    forum.gazeta.pl/forum/71,1.html?f=28940
  • broneknotgeld 23.11.05, 17:04
    W lagrze - 24.XII.1918

    Z tym dniym już jyńce na doł niy zjadom
    Toż lager przeca niy jest paradom
    Tako z Godami wolność se wziyli
    -Już jyj terozki niy popuściyli.
    --
    forum.gazeta.pl/forum/71,1.html?f=28940
  • broneknotgeld 04.04.06, 17:08
    28.VI.1922 "Knurow" w "Skarbofermie"

    Toż se granice poprzestowiały
    "Skarboferm" profit mo w tym niymały
    Polsko francuski tyn gyszeft przeca
    Fest bergmońskego chycioł sie neca.
    --
    forum.gazeta.pl/forum/71,1.html?f=28940
  • broneknotgeld 04.04.06, 17:12
    17.IX.1922 "Pyjter" i "Paweł"

    Knurow do Polski teroz włonczony
    "Velseny" coś niy sztimujom
    Toż nowe miana dali tu łonym
    I wongel dali fedrujom.
    --
    forum.gazeta.pl/forum/71,1.html?f=28940
  • broneknotgeld 10.04.06, 21:54
    "Foch" -1922

    Ferdynanda Focha - marszałka zocnego
    Miano szachcie "Szworty" tyż dali do tego.
    --
    forum.gazeta.pl/forum/71,1.html?f=28940
  • broneknotgeld 10.12.05, 09:51
    Knurowsko "Izba Tradycji"

    Wele gruby - kaj tyn NOT
    Knurow z "Izby" richtig rod
    Toż se asi niom szyroko
    Chnet muzeum - cieszy łoko.
    --
    forum.gazeta.pl/forum/71,1.html?f=28940
  • broneknotgeld 11.12.05, 10:14
    Kamiyń graniczny (1840)

    Pola gornicze tako znaczyli
    Se łoglondniecie go we Knurowie
    Ze ślonski ziymi do Iby wziyli
    Cosik łosprowio ciyngym pioskowiec.
    --
    forum.gazeta.pl/forum/71,1.html?f=28940
  • broneknotgeld 11.12.05, 10:15
    Teodolit (1904)

    Toż wiela znaczoł w rynkach miernika
    Bez niego mogby czasym porzykać
    Tako Ponboczka ło pomoc prosić
    Dyć teodolit stykło mu nosić.
    --
    forum.gazeta.pl/forum/71,1.html?f=28940
  • broneknotgeld 11.12.05, 10:18
    Dwanoście kościołow Burzca

    Tela kościołow rzeźbom łozdobioł
    Ołtorze znojdziesz w nich jego
    Toż tyn knurowski tyż łon łobrobioł
    Cyryla i Metodego.
    --
    forum.gazeta.pl/forum/71,1.html?f=28940
  • broneknotgeld 11.12.05, 10:20
    Cyryl z Metodym

    Cyryl z Metodym knurow łokrzciyli?
    Na Ślonsku przeca tyz nauczali
    Czy we tym konsku ludzie już żyli?
    Jako Krystusa forsztelowali?
    --
    forum.gazeta.pl/forum/71,1.html?f=28940
  • broneknotgeld 10.12.05, 13:15
    W samym poczontku łońskego wieku
    Knurow mioł piykno swoja aptyka
    Z kery pigulorz żył dyć czowieku
    Djoboł go zaczoł zaroz fest tykać

    Dom chnet przi zamku kościoł po blisku
    Tu łorganista mioł swoja szkoła
    Trza se kurować czynsto ludziskom
    Choć som we strachu skuli djoboła
    --
    forum.gazeta.pl/forum/71,1.html?f=28940
  • broneknotgeld 10.12.05, 13:19
    Toż tuplowano utropa tako
    Gyszeft źle idzie - dusza mynczono
    Czort już se cieszoł - aptykorz płakoł
    I zdało mu sie że w końcu skono

    Szczyńściym nad samom aptykom prawie
    Ślusorczyk mody se pomiyszkiwoł
    W dziyń ni mog myśleć łon ło zabawie
    Nocom na krzipkach przepiyknie grywoł
    --
    forum.gazeta.pl/forum/71,1.html?f=28940
  • broneknotgeld 10.12.05, 13:25
    A że mioł grajfka richtig do smyka
    Djoboł pod dźwiyrza jego prziłazioł
    Karlus skiż tego czyńści chcioł rzykać
    Bies jednak w końcu i tu pysk wrazioł

    Drapko mu krzipek smyk w graba dowo
    Grif insztrumynta wkłodo do drugi
    Dyć recht w tym - wcale sie niy wydowo
    Szpon jego wiela zdo sie za dugi
    --
    forum.gazeta.pl/forum/71,1.html?f=28940
  • broneknotgeld 10.12.05, 13:29
    Toż do szraubsztoka wkłodo pazury
    Coby ślusorczyk je łofajlowoł
    Czy mioł żałować djobelski skory?
    Dokryńcioł mocno i niy folgowoł

    To ci dopiyro prziszła utropa
    Z kopyta wielke iskry leciały
    Tako w niywoli teroz u chopa
    Wył aże słyszoł go Knurow cały
    --
    forum.gazeta.pl/forum/71,1.html?f=28940
  • broneknotgeld 10.12.05, 13:34
    W końcu łobiycoł dom niy nowiydzać
    Że sie doł chycić gańba fest była
    Dyć jak krzipkowi nauczka by dać?
    -Przeca po jego stronie zło siyła

    Nic yno zdybać go trza kajś ińdzi
    Tako durś czimoł sie łon Knurowa
    Tref w szponie graby karlusa wpyńdzi
    Piekło go czeko - jego w tym gowa!

    --
    forum.gazeta.pl/forum/71,1.html?f=28940
  • broneknotgeld 10.12.05, 13:40
    A mioł śusorczyk lipsta łognisto
    Gorko choć chudo jak szczapa łona
    Dyć w Szlostauchu woda durś czysto
    Lubieli na niym pływać łodkoma

    Tako przi stowie bies se pojawioł
    Już mioł liplinga do piekła porwać
    A dziołcha z kerom dobrze sie sprawioł
    Zdo sie terozki chce biesa dorwać
    --
    forum.gazeta.pl/forum/71,1.html?f=28940
  • broneknotgeld 10.12.05, 13:47
    Kece we gorze - doł w cołki krasie
    Toż tyn rogaty zaczoł aż skokać
    Czamu uciekosz gupi mamlasie?!
    Bies tako woło - Niy chca szraubsztoka!

    Jest we Knurowie aptyka zocno
    Świynto Barbara mo nad niom piecza
    Słychać tam krzipki durś porom nocnom?
    Czy jo na prożno tako wom kleca?
    --
    forum.gazeta.pl/forum/71,1.html?f=28940
  • broneknotgeld 10.12.05, 19:45
    Muzykalny djoboł ze Knurowa

    W samym poczontku łońskego wieku
    Knurow mioł piykno swoja aptyka
    Z kery pigulorz żył dyć czowieku
    Djoboł go zaczoł zaroz fest tykać

    Dom chnet przi zamku kościoł po blisku
    Tu łorganista mioł swoja szkoła
    Trza se kurować czynsto ludziskom
    Choć som we strachu skuli djoboła

    Toż tuplowano utropa tako
    Gyszeft źle idzie - dusza mynczono
    Czort już se cieszoł - aptykorz płakoł
    I zdało mu sie że w końcu skono

    Szczyńściym nad samom aptykom prawie
    Ślusorczyk mody se pomiyszkiwoł
    W dziyń ni mog myśleć łon ło zabawie
    Nocom na krzipkach czasami grywoł

    A że mioł grajfka richtig do smyka
    Djoboł pod dźwiyrza jego prziłazioł
    Karlus skiż tego czyńści chcioł rzykać
    Bies jednak w końcu i tu pysk wrazioł

    Drapko mu krzipek smyk w graba dowo
    Grif insztrumynta wkłodo do drugi
    Dyć recht w tym - wcale sie niy wydowo
    Szpon jego wiela zdo sie za dugi

    Toż do szraubsztoka wkłodo pazury
    Coby ślusorczyk je łofajlowoł
    Czy mioł żałować djobelski skory?
    Dokryńcioł mocno i niy folgowoł

    To ci dopiyro prziszła utropa
    Z kopyta wielke iskry leciały
    Tako w niywoli teroz u chopa
    Wył aże słyszoł go Knurow cały

    W końcu łobiycoł dom niy nowiydzać
    Że sie doł chycić gańba fest była
    Dyć jak krzipkowi nauczka by dać?
    -Przeca po jego stronie zło siyła

    Nic yno zdybać go trza kajś ińdzi
    Tako durś czimoł sie łon Knurowa
    Tref w szponie graby karlusa wpyńdzi
    Piekło go czeko - jego w tym gowa!

    A mioł ślusorczyk lipsta łognisto
    Gorko choć chudo jak szczapa łona
    Dyć we Szlostauchu woda durś czysto
    Lubieli na niym pływać łodkoma

    Tako przi stowie bies se pojawioł
    Już mioł liplinga do piekła porwać
    A dziołcha z kerom dobrze sie sprawioł
    Zdo sie terozki chce biesa dorwać

    Kece we gorze - doł w cołki krasie
    Toż tyn rogaty zaczoł aż skokać
    Czamu uciekosz gupi mamlasie?!
    Bies tako woło - Niy chca szraubsztoka!

    Jest we Knurowie aptyka zocno
    Świynto Barbara mo nad niom piecza
    Słychać tam krzipki durś porom nocnom?
    Czy jo na prożno tako wom kleca?

    --
    forum.gazeta.pl/forum/71,1.html?f=28940
  • broneknotgeld 13.12.05, 16:35
    Gryfno Madonna ze Knurowa

    Świyntego Wawrzyńca kościołek w Knurowie
    Jyj gryfnościom blyszczoł - dziwowoł se czowiek
    Tako i na muster ty gotycki frelki
    We kery kunszt ślonski przeca krył se wielki.

    --
    forum.gazeta.pl/forum/71,1.html?f=28940
  • broneknotgeld 13.12.05, 16:38
    Knurowsko Madonna (ok.1420)

    Ano - freliczka dworkom se zdowo
    Ze fraucymeru ślonski princesy
    Mustrym gotyku gryfności stowo
    -Że ze Knurowa trza nom sie cieszyć.
    --
    forum.gazeta.pl/forum/71,1.html?f=28940
  • broneknotgeld 13.12.05, 16:40
    Możno?

    Złocone berło - strzybno korona
    Zdo sie Piastownom możno jest łona
    Łaska Dzieciontka i kunszt natury
    Rozświytli nawet we ćmoku mury.

    --
    forum.gazeta.pl/forum/71,1.html?f=28940
  • broneknotgeld 13.12.05, 16:42
    We miyndzywojniu

    We miyndzywojniu znodli cie tako
    Uratowali dlo potomności
    Byś zaś blyszczała wszyskim jednako
    Chocioż w muzeum terozki gościsz.
    --
    forum.gazeta.pl/forum/71,1.html?f=28940
  • broneknotgeld 13.12.05, 16:44
    Przi jubileuszu

    Przi jubileuszu zocnego Knurowa
    I Gryfny Madonny jaśniejszo zaś gowa
    Z Dzieciontkym na rynce świyntość pokazuje
    Kożdy knurowianin tako forszteluje.
    --
    forum.gazeta.pl/forum/71,1.html?f=28940
  • broneknotgeld 13.12.05, 16:46
    Zdeptała szatana

    Knurowsko Madonna na miesionczku stoji
    Toż piekielnych mocy wcale se niy boji
    I gymba djobelsko depto swojom nogom
    Złe siyły jyj przeca przenigdy niy zmogom.
    --
    forum.gazeta.pl/forum/71,1.html?f=28940
  • broneknotgeld 13.12.05, 16:49
    Madonna - Ślonzoczka

    Na Śonsku powstała toż tako powiycie
    Że Ślonzoczkom łona przez duge swe "życie"
    W uśmiychu jyj poznać wszyske nasze frelki
    Dyć we kożdy dziołsze kunszt natury wielki.
    --
    forum.gazeta.pl/forum/71,1.html?f=28940
  • broneknotgeld 13.12.05, 16:51
    Wroco do Knurowa

    Choć kopiom dyć tako wroco do Knurowa
    Dugo jom niy było - mo być zaś łod nowa.
    --
    forum.gazeta.pl/forum/71,1.html?f=28940
  • broneknotgeld 13.12.05, 16:54
    Przi ołtorzu

    Przi ołtorzu stołaś w swoji strzybny szacie
    Toż wiela knurowian zoglondało na cie
    Ło łaska opieki ciyngym tyż rzykało
    -Dzieciontka i Ciebie zdo sie durś za mało.
    --
    forum.gazeta.pl/forum/71,1.html?f=28940
  • broneknotgeld 13.12.05, 16:56
    Tyś cerom

    Tyś cerom ty ziymi
    W opiece miyj matki
    No i tako samo
    Wszyske jejich dziatki.
    --
    forum.gazeta.pl/forum/71,1.html?f=28940
  • broneknotgeld 18.03.07, 10:12
    Gryfno Madonna zaś we Knurowie
    Choć zbajtlowano no muster tako
    Dyć se raduje terozki człowiek
    Już za tom piyrszom niychej niy płako.
    --
    Ruda Śląska - stolica fraszki
  • broneknotgeld 26.03.07, 12:53
    "Matka Piyknego Pszonio"

    Take miano nosić bydzie
    Ta figurka we Knurowie
    Radość wiynkszo ze niom przidzie
    To wiy tukej kożdy człowiek.
    --
    Ruda Śląska - stolica fraszki
  • broneknotgeld 26.03.07, 12:55
    Majym w Watykanie

    Ano - majym w Watykanie
    Papiyż cosik tyż dostanie
    Dwie figurki świyńcioł bydzie
    Jedna dyć na powrot przidzie
    Drugo kopia na gyszynka
    Już łostanie w Jego rynkach.
    --
    Ruda Śląska - stolica fraszki
  • broneknotgeld 08.01.06, 20:37
    Ło Knuroweuszu

    Tyn Knuroweusz ze ksiyńcia łaski
    Za gryfnym lasym dźwigoł osada
    By go czekały tu wiynksze blaski
    Dyć na przeszkodzie stanyła zwada

    Jurny był karlus przi "piyrszy nocy"
    Choć tego prawie żodyn niy bronioł
    Wystykło - frelka wlazła mu w łoczy
    Zarozki za niom ze twardym gonioł

    Cerze łod hexy tyż sie zdorzyło
    Co Knuroweusz dopod jom w lesie
    Chnet knurowiontko se z tym zjawiyło
    No i łostuda - wieść tako niesie

    Muter ze bajtlym frela wygnała
    Do łojca dziecka gyry jom niesom
    Nic że mu wcale dziołcha niy pszała
    Koligacyje fatra dyć cieszom

    A łon tyż wygnoł - złość matki rośnie
    Krew przodkow tako w duszy łodzywo
    Z tym go przeklyła - W nastympny wiośnie
    ze swoji skory bydziesz sie dziwoł!

    Rok drapko minoł - kwiecie zaś sypie
    I przeklyntymu tako chce skokać
    Knuroweuszu - pieroński gnypie!
    Gierow wystyknie dyć dlo guzioka!
    --
    forum.gazeta.pl/forum/71,1.html?f=28940
  • broneknotgeld 08.01.06, 21:37
    Z Knuroweusza guzioka mocie
    "Knur-guz" go Niymce tyż mianowali
    Inksze przigody jego poznocie
    Tako bydziecie forsztelowali
    Co ziymia naszo pamiyńć mo swoja
    Wystyknie klynknoć prziłożyć ucho
    Trza mi to szkryfnońć bo już se boja
    Że Ślonzok dusza bydzie mieć gucho

    --
    forum.gazeta.pl/forum/71,1.html?f=28940
  • broneknotgeld 09.01.06, 09:07
    Gliwa

    Toż w końcu szkryfnońć wom przeca musza
    Jako sie zwała łod hexy cera
    Gliwa - już czorno teroz jyj dusza
    Dyć radom na to wywar ze chmiela

    Gusiok se stracioł zły tref tyż tako
    Syn naszy frelki zdrowiuśko chowoł
    Piwo warzyła - czowiek niy płakoł
    Aże skiż tego sławnom sie stowo

    Łoj chmielu zocny - rośnij dziedzinie
    Z ciebie napitku trza wiyncy warzyć
    Szczyńście ty szteli tako niy minie
    Robota zocno - lepszy niy marzyć

    Byś był dorodny gnoju ci czeba
    Zaś kaj dymbina ajchlami suje
    Gusiokow gierow jest "konsek nieba"
    Szczyńście w tym Gliwy - to forsztelujesz.

    --
    forum.gazeta.pl/forum/71,1.html?f=28940
  • broneknotgeld 10.01.06, 08:13
    Gliwo

    Swoje zowitka miano mu dała
    Coby ło fatrze niy myśloł tako
    Wiela radości ze syna miała
    Szczyńśliwe roki lecom jednako

    Gliwo wyrosnoł i chmiel uprawioł
    Ze tym we gyszeft matki se wprzongnoł
    Roz mu w dymbinie gusiok se zjawioł
    Kery go jakby do sia prziciongnoł

    W łostympy leśne wywiod głymboko
    Kaj swoje lyże i giera mioła
    Z jeji pomocom na Gliwa skoko
    Jucha czerwono richtig fest loła

    Karlus jest ranny - gusiok ubity
    Majchrym co matka podarowała
    Giera z przichowkym łostała przi tym
    Dyć se na wander tako wybrała.

    --
    forum.gazeta.pl/forum/71,1.html?f=28940
  • broneknotgeld 10.01.06, 23:08
    Szumi las

    Wieść tako niesom dymbiyńske lasy
    -Był Knuroweusz nasz świniopasym
    Kery chcioł wiela frelek łobskokać
    Dyć skończoł żywot w skorze guzioka.
    --
    forum.gazeta.pl/forum/71,1.html?f=28940
  • broneknotgeld 10.01.06, 23:25
    Trza by se spytać

    Trza by Szumilas teroz sie spytać
    Przeca knurowsko to jest kobiyta
    Ło ta legynda zocny dziedziny
    Ze "wiejski" tako łona "rodziny".
    --

    --
    forum.gazeta.pl/forum/71,1.html?f=28940
  • broneknotgeld 27.01.06, 18:52
    Pewno se ktosik tymu już dziwo
    Jako to dali było ze Gliwo
    -Poranionego bol zdo sie niesie
    Aż ołma hexa spotyko w lesie

    Toż wnuka zielym wykurowała
    I historyjo łopowiedziała
    Ze kery karlus spokopioł tela
    By chcieć mieć djobła za przijociela

    Tako se błonko po okolicy
    Kto go napotko ze strachu rycy
    Jakby za życio tyn Gliwo gnioł
    -Dyć łojcobojcom przeca łon boł!
    --
    forum.gazeta.pl/forum/71,1.html?f=28940
  • broneknotgeld 27.01.06, 22:22
    Gliwa za synym codziynnie ślinto
    Dyć łon ło matce tyż niy pamiynto
    Durś jakby szuko czegoś we lesie
    Cosik go ciyngym w gynstwina niesie

    Aż roz natrefioł znajomo giera
    Ano uklynknoł przed niom se teraz
    Czy śmierci szukoł? -Miała prosioki!
    W strona istnego niesom je kroki

    Gliwo zapłakoł - powod był prosty
    Zdo sie łoboczoł braty i siostry
    Toż nawet giera to spokopiyła
    Do familiji z tym go przijyła

    Dziwne te stadko po lasach tyro
    Tako kaj dymby czynsto zaziyro
    Ze czasym swoja "dziedzina" zysko
    Se upodobo jedne chlywisko.

    --
    forum.gazeta.pl/forum/71,1.html?f=28940
  • broneknotgeld 27.01.06, 22:28
    Chlywisko

    Kaj te chlywisko? -Wele Kłodnicy
    Prawiom co w gliwy tyż okolicy
    Toż niychej teroz już wos niy dziwo
    Że cosik znaczoł tyn istny - Gliwo.
    --

    --
    forum.gazeta.pl/forum/71,1.html?f=28940
  • broneknotgeld 29.08.06, 09:53
    "Pożegnanie lata" w Knurowie
    2-3.IX. 2006

    We wieczor "Brathanki"
    tyn Knurow zabawiom
    Tako gorki "koniec"
    latu latoś sprawiom.
    --
    forum.gazeta.pl/forum/71,1.html?f=28940
  • broneknotgeld 30.08.06, 18:14
    Dziyń Regionalny
    03.09.2006

    Toż w niydziela we Knurowie
    Se zabawi richtig czowiek
    Szołtysek i "Ślonske Trio"
    "Raki" zacznom komedyjo
    Folklor tako "Ślonsk" pokoże
    Niy siedź w doma - Szczyńść Ci Boże.
    --
    forum.gazeta.pl/forum/71,1.html?f=28940
  • broneknotgeld 30.08.06, 18:17
    Już ło czeci

    Już ło czeci po połedniu
    Marsza zagro nom łorkestra
    Bydzie lepi niż we Wiedniu
    Toż niy yno trombka fesztra
    Prawi - Knurow tym rozruszom
    Marżoretki tyż pokuszom.

    --
    forum.gazeta.pl/forum/71,1.html?f=28940
  • broneknotgeld 17.01.07, 17:59
    "Sool Knurow" 1892

    Pole gornicze ło takim mianie
    Urzond przidzieloł Skarbowi
    Ze czasym zacznom tu fedrowanie
    Dziynkować trza Velsenowi.
    --
    Ruda Śląska - stolica fraszki
  • broneknotgeld 17.01.07, 18:07
    "Solanki Knurowskie"

    Na "tysioncu" wiela soli
    Łodwiertami wykozali
    Dyć se Knurow tym niy chwoli
    Zdroj niy bydzie z niego dali.
    --
    Ruda Śląska - stolica fraszki
  • broneknotgeld 17.01.07, 18:10
    Majontek Knurów

    Gwidon Frenzel dziedzina sprzedowo
    Skarb tu gruba chce drapko budować
    Wongel przeca jak złoto se stowo
    Toż skiż szachty trza ziymia borować.
    --
    Ruda Śląska - stolica fraszki
  • broneknotgeld 28.10.07, 13:39
    100 000 marek (1903)

    "Krolowy Luizie" geld taki prziznali
    Bydom we Knurowie szachta już wiertali
    Bo trza przeca wonglo ciyngym coroz wiyncy
    Skarb Pruski skiż tego jakby głośni jynczy.
    --
    Ruda Śląska - stolica fraszki
  • broneknotgeld 28.10.07, 13:41
    6 miljonow marek (1903-1912)

    Tela na ta gruba geldu planowali
    Rokow prawie dziesiyńć bydom budowali
    Porachować piyrwyj dobrze umioł człowiek
    Miljony z profitym zwrocom se w Knurowie.
    --
    Ruda Śląska - stolica fraszki
  • broneknotgeld 28.10.07, 13:43
    9 665 700 marek (1904-1913)

    Piyrwyj 6 miljonow dyć we gora poszło
    Chnetko do diesiyńciu już trozki doszło.
    --
    Ruda Śląska - stolica fraszki
  • broneknotgeld 28.10.07, 13:45
    Cechownia

    Ano - piyrszo tu stanyła
    Z badyhausym prawie była
    Tyż kantynom i biurami
    Kaj godali ze sztajgrami.
    --
    Ruda Śląska - stolica fraszki
  • broneknotgeld 28.10.07, 13:47
    Wieża cechowni

    Ech - ta wieża zygarowo
    W łoczach dyć do dzisioj stowo
    Dzwon z niyj dzwoni na bergmona
    Czas na szychta - niy spać w doma!
    --
    Ruda Śląska - stolica fraszki
  • broneknotgeld 28.10.07, 13:49
    Szatnio

    Przi badyhausie szatnio w cechowni
    Do dzisioj tako - niy yno downi.
    --
    Ruda Śląska - stolica fraszki
  • broneknotgeld 28.10.07, 13:52
    Maszynownio i kotłownio

    Toż przi szachcie tyż być musi
    Łognia para niy zadusi
    Dyć napyndzo dwie maszyny
    No i szola potko driny
    Tako samo tyż wyciongnie
    Woda z łogniym w jedno sprzongnie.
    --
    Ruda Śląska - stolica fraszki
  • broneknotgeld 28.10.07, 13:54
    Kuźnio z warstatym

    Kaj ta kuźnio ze warstatym
    Znojdziesz sztromu agrygaty
    Napyndzane tyż parowo
    Wonglym trza hajcować zdrowo.
    --
    Ruda Śląska - stolica fraszki
  • broneknotgeld 28.10.07, 13:59
    Połtora hektora

    Tako powierznio gruby w Knurowie
    Dwie wieże szachtow zbudowoł człowiek
    I wszysko inksze co potrza było
    Reszta na dole se już ukryło.
    --
    Ruda Śląska - stolica fraszki
  • broneknotgeld 28.10.07, 14:03
    6 m

    Z takom średnicom szachty borujom
    Przi tymu ściany drap łobudujom
    By dziury woda niy zolywała
    Kero ze iłow wiyrchnich se brała.


    --
    Ruda Śląska - stolica fraszki
  • broneknotgeld 28.10.07, 14:06
    Ech ta kurzawka! (I szachta)

    Trza łobudować wpiyrw tubingami
    Pierściynie wciskać w ziymia prasami
    Aże zmierzyli metrow sztyrnoście
    Głymbi zaś kopać - se wyłobroźcie.
    --
    Ruda Śląska - stolica fraszki
  • broneknotgeld 28.10.07, 14:10
    Przi drugi szachcie

    Przi drugi szachcie wiynkszo utropa
    Kurzawka bardzi umynczy chopa
    Niy szło dichtować nijak ty dziury
    Se tela wody cisło do gory
    Że drapko wszysko to zasypali
    Bo im kotłownio mogło łobalić.
    --
    Ruda Śląska - stolica fraszki
  • broneknotgeld 28.10.07, 14:12
    1.II.1904 (II szachta)

    Zaś se chytajom głymbić szyb drugi
    Niym skały dońdom minie czas długi
    Ćwierć setki metrow we szejść miesiyncy
    Zdało se przi tym - szkatuła jynczy.
    --
    Ruda Śląska - stolica fraszki
  • broneknotgeld 28.10.07, 14:14
    I po kurzawce

    I po kurzawce - chycić trza bory
    łodstrzelić kamiyń - hajer niy chory
    Śleper ładuje - wio drapko w gora
    Chnet dwiesta metrow mo kożdo dziura.
    --
    Ruda Śląska - stolica fraszki
  • broneknotgeld 28.10.07, 14:17
    Szachta I (243,3 m)

    Ech - przi karbonie zaś ciśnie woda
    Dyć som głymboko - geldu niy szkoda
    Trza tch tubingow - pompa w ruch idzie
    W sztyry miesionce z tym fajrant bydzie.
    --
    Ruda Śląska - stolica fraszki
  • broneknotgeld 28.10.07, 14:19
    Szachta I - 462 m (18.XI.1905)

    Fajrant z wiercyniym - trza łobudować
    Fertig chnet prawie - czas wongel dować.
    --
    Ruda Śląska - stolica fraszki
  • broneknotgeld 28.10.07, 14:22
    Szachta II (216 m)

    I tu woda we karbonie
    Ze postympym dyć niy koniec
    Choć trza przerwać borowanie
    Drapko hajer dali stanie
    Bo robota pociś trza
    Przeca siyngnom w końcu dna.
    --
    Ruda Śląska - stolica fraszki
  • broneknotgeld 28.10.07, 14:24
    Szachta II - 462 m (14.V.1906)

    Ano - z majym to se stało
    Wykopano dziura cało
    Z tym dwie szachty we komplecie
    Kyns roboty w ziymi przecie.
    --
    Ruda Śląska - stolica fraszki
  • broneknotgeld 28.10.07, 14:26
    2 554 331 marek

    Dwa i poł miljona z hokym
    Te dwie szachty kosztowały
    Fedrowanie niy jest skokym
    Toż wydatek był niymały.
    --
    Ruda Śląska - stolica fraszki
  • broneknotgeld 28.10.07, 17:58
    Dyrechtor IV Inspekcji Gorniczy (1.X.1904)

    Ano - już gruba mo dyrechtora
    Otton von Velsen jeszcze do wczora
    Był kerownikym na ty budowie
    Teroz nojpiyrszym zdo sie w Knurowie.


    --
    Ruda Śląska - stolica fraszki
  • broneknotgeld 28.10.07, 18:00
    Gustaw i Otton von Velsen

    Co ujek zaczoł bratanek skończoł
    Ryńsko-westfalski rod w tym se łonczoł.
    --
    Ruda Śląska - stolica fraszki
  • broneknotgeld 28.10.07, 18:04
    Cyntrala sztromu (1905)

    Dwa tysionce z hokym
    Mo Voltow szpanongu
    Dyć niy łognondniecie
    Tego we fasongu
    Na doł poślom myńszym
    Aże sztyry razy
    Miyniom to trafokym
    Wiyncy se niy marzy.
    --
    Ruda Śląska - stolica fraszki
  • broneknotgeld 28.10.07, 18:06
    Wiynkszo kotłownio (1905)

    Pary wiyncy ciyngym trzeba
    Dyć ze gara a niy nieba
    Idzie tymu se dziwować
    I do kotłow fest folować.
    --
    Ruda Śląska - stolica fraszki
  • broneknotgeld 29.10.07, 22:53
    IV kwartał 1906

    Na wschod i zachod przekopym idom
    Piyrsze pokłady w zosiyngu bydom
    Tako i wonglo ufedrowali
    Pora tysiyncy ton chocioż dali.
    --
    Ruda Śląska - stolica fraszki
  • broneknotgeld 30.10.07, 18:09
    Knurowske szachty (1906/1907)

    Piyrszym mo iść wydobycie
    Dyć na razie - ano wiycie
    Wydobywczym tyn szyb drugi
    Bydzie tako na czas długi?
    --
    Ruda Śląska - stolica fraszki
  • broneknotgeld 30.10.07, 18:10
    Poziom 450

    Na wschod i zachod fedrować chcieli
    Z tym piyrszy wongel na wiyrchu mieli.
    --
    Ruda Śląska - stolica fraszki
  • broneknotgeld 30.10.07, 18:15
    Ze sztromwerkow (1907)

    Ze sztromwerkow bierom siyła
    Gruba bez niyj by niy była
    Teroz sztromu dyć wystyknie
    Łodwodniynie leci piyknie
    Luftu wiyncy podowajom
    Kaj już wongel wybiyrajom.
    --
    Ruda Śląska - stolica fraszki
  • broneknotgeld 30.10.07, 18:17
    Z Huty Glywice

    Huty Glywice wieża szybowo
    Drapko w Knurowie terozki stowo
    I maszynownio tako na para
    Trza tyż kotłowni bo siyła wgarach.
    --
    Ruda Śląska - stolica fraszki
  • broneknotgeld 30.10.07, 18:18
    Z Huty Glywice

    Huty Glywice wieża szybowo
    Drapko w Knurowie terozki stowo
    I maszynownio tako na para
    Trza tyż kotłowni bo siyła w garach.
    --
    Ruda Śląska - stolica fraszki
  • broneknotgeld 30.10.07, 20:43
    Kotłownia (1907/1908)

    Przi drugi szachcie kotłowni trzeba
    Komin wysoki jakby do nieba
    Dyć tu maszyna jest wyciongowo
    Niy na sztrom przeca yno parowo.
    --
    Ruda Śląska - stolica fraszki
  • broneknotgeld 30.10.07, 20:45
    Sepera (1908/1909)

    Z "Knurowa" wongel potrza sortować
    Wypłokać grysik i miał do tego
    Z kynsow nojbardzi cieszy se głowa
    Dyć szkoda tracić tyż coś myńszego.
    --
    Ruda Śląska - stolica fraszki
  • broneknotgeld 30.10.07, 20:47
    A na dole

    A na dole drapko prujom
    Wyntylacji poziom gryzom
    W wydobywczym już fedrujom
    Do pokładow wonglo idom.
    --
    Ruda Śląska - stolica fraszki
  • broneknotgeld 30.10.07, 20:48
    Poziom 450

    Toż wgryzajom se w pokłady
    Potrza wonglo - niy ma rady
    Ciyngym wiynksze wydobycie
    Dlo ty gruby we tym życie.
    --
    Ruda Śląska - stolica fraszki
  • broneknotgeld 30.10.07, 20:50
    Poziom 350

    Trza na dole luftu wiela
    Bestoż poziom tyn borujom
    Szkryfna ło tym yno tela
    Wongel niży dyć fedrujom.
    --
    Ruda Śląska - stolica fraszki
  • broneknotgeld 30.10.07, 20:51
    Łodwodniynie

    Ano - woda durś na grubie
    Bergmon we pokładach dłubie
    Dyć by to pozalywało
    Szczyńściym se - wyplompowało.
    --
    Ruda Śląska - stolica fraszki
  • broneknotgeld 30.10.07, 20:54
    Nowy badyhaus ze cechowniom (X.1908)

    Łoziymdziesiont brauzow prawie
    A dlo sztajgrow wannow siedym
    I cechownio tu na jawie
    Epny z tym budynek jedyn.
    --
    Ruda Śląska - stolica fraszki
  • broneknotgeld 02.11.07, 17:30
    Pola gornicze (1908)

    Pola gornicze juz wyznaczone
    Piyńć przinoleżnych Gierałtowicom
    Sztyry Knurowa - dyć to niy koniec
    Bo piyńć pisane tyż Szczygłowicom.
    --
    Ruda Śląska - stolica fraszki
  • broneknotgeld 02.11.07, 17:33
    30,7 kilometrow kwadratowych

    Jest co fedrowac pod ziymiom tako
    Pol aż sztyrnoście - Skarbnik niy płako
    Bele na dole mu niy gwizdali
    Kunsztym bergmońskim tyn wongel brali.
    --
    Ruda Śląska - stolica fraszki
  • broneknotgeld 02.11.07, 17:34
    Pyndzom chodniki

    Pyndzom chodniki ciyngym na dole
    Nowych pokładow tako siyngajom
    Toż wyciongajom wongel ze szole
    Dobry poczontek - przeca niy wajom.
    --
    Ruda Śląska - stolica fraszki
  • broneknotgeld 03.11.07, 00:18
    Ratownictwo kopalni "Knurow" (1907)

    Toż ratownictwo juz se rychtuje
    Choć gruba ciyngym tako buduje
    Trza aparaty miec łoddychowe
    Coby pod ziymiom ratowoł człowiek
    Przed skisłym luftym , matowom tako
    Łogniym, zawałym - tref zły jednako
    I niyroz bergmon stowio z tym życie
    Paciyrzo mało - to przeca wiycie.
    --
    Ruda Śląska - stolica fraszki
  • broneknotgeld 03.11.07, 00:18
    Ratownictwo kopalni "Knurow" (1907)

    Toż ratownictwo już se rychtuje
    Choć gruba ciyngym tako buduje
    Trza aparaty miec łoddychowe
    Coby pod ziymiom ratowoł człowiek
    Przed skisłym luftym , matowom tako
    Łogniym, zawałym - tref zły jednako
    I niyroz bergmon stowio z tym życie
    Paciyrzo mało - to przeca wiycie.
    --
    Ruda Śląska - stolica fraszki
  • broneknotgeld 03.11.07, 00:23
    Po wypadku

    Po wypadku we Francyji
    Ratownictwo drapko rośnie
    Czy trza wiyncy tragedyji?
    Szczyńścio bergmońskego proście
    Dyć niy yno przeca w Bogu
    Gwarek mo nadzieja widzieć
    Som kamraty co pomogom
    Na ratunek kożdy idzie.
    --
    Ruda Śląska - stolica fraszki
  • broneknotgeld 03.11.07, 18:36
    Ratowniczo drużyna

    Niy był ratownik cołkym sagaty
    Mioł na ty grubie już aparaty
    Sztyry "Draegery" stykły z poczontka
    Czy już sprowdziyły se tu na piontka?
    --
    Ruda Śląska - stolica fraszki
  • broneknotgeld 03.11.07, 18:38
    W ratowniczy służbie

    Cyntralno Stacjo kursy prowadzi
    Toż ratownikow szkolom w zawodzie
    Kto ze "Knurowa" wiela poradzi
    Gruba se dźwigo - niy chce być w szkodzie.
    --
    Ruda Śląska - stolica fraszki
  • broneknotgeld 03.11.07, 18:40
    Roz we tydniu

    Roz we tydniu ludzi szkolom
    By se radzić we utropom
    Aparaty swoje chwolom
    Do kamratow tyż dokopiom.
    --
    Ruda Śląska - stolica fraszki
  • broneknotgeld 03.11.07, 18:42
    1500 ton na szychcie

    Tysionc piyńćset ton na szychta
    Przez sepera przyńść musiało
    Niym se nafty spoli szlichta
    Sort drobniejszy wypłokało.

    --
    Ruda Śląska - stolica fraszki
  • broneknotgeld 03.11.07, 18:44
    Na seperze

    Na seperze ruszt Karopa
    Wongel w taśmy tkoł Korneta
    Mniyj roboty tu dlo chłopa
    Niy tkej kynsow do bereta.
    --
    Ruda Śląska - stolica fraszki
  • broneknotgeld 03.11.07, 18:46
    Sepera z płoczkom 1909-1914

    Choć we tych rokach tyż usprowniano
    Dyć przeca grubie nowo chnet dano
    Kero przi piyrszy szachcie wystawiom
    Tako ty richtig koniec chnet jawiom.
    --
    Ruda Śląska - stolica fraszki
  • broneknotgeld 03.11.07, 18:48
    Kopalniano bana

    Glajzow gruba miała wiela
    Poranoście torow - tela
    Banhof, tako przesuwnice
    Cug dyć jakby dowo życie.
    --
    Ruda Śląska - stolica fraszki
  • broneknotgeld 03.11.07, 18:50
    Droga ze wiaduktym (1910)

    Ano - już nowo droga tu wiedzie
    Niy yno cugym przeca dojedziesz
    Szejść metrow prawie tako szyroko
    Rowno że koło kary niy skoko.
    --
    Ruda Śląska - stolica fraszki
  • broneknotgeld 03.11.07, 18:52
    Przi holcplacu (1910)

    Przi holcplacu kuźnio nowo
    Warstat mechaniczny stowo
    Tako samo dlo stolorzy
    Bo tyż drzewo wiela woży.
    --
    Ruda Śląska - stolica fraszki
  • broneknotgeld 04.11.07, 10:14
    Fojerwera (1910)

    Ano - już bezpieczni teraz
    Jak na grubie fojerwera
    Łogyń wiyrchu chnet ugaszom
    Chocioż gorko - se niy straszom.
    --
    Ruda Śląska - stolica fraszki
  • broneknotgeld 04.11.07, 10:17
    Pokład H (405) - 1911

    Wongel z pokładu juz wybiyrajom
    Toż wydobycie swoje dźwigajom
    Przez pora rokow fest tu fedrujom
    Do cugow wonglo wiela wsypujom.


    --
    Ruda Śląska - stolica fraszki
  • broneknotgeld 04.11.07, 17:23
    Na wschod

    Na wschod łod szachtow bogate złoża
    Wongel do tego dość płytko leży
    Toż Velsen pedzioł - Na to se woża
    Zmiyniomy plany - chciyjcie mi wierzyć

    Trza ciś w ta strona - se aże prosi
    By wpiyrw wyciongnońć co niy głymboko
    "Trzista piyńćdziseiont" poziom łogłosić
    Tyż wydobywczym - w przod gruba skoko.

    --
    Ruda Śląska - stolica fraszki
  • broneknotgeld 04.11.07, 17:26
    Poziom 250

    Na wschod łod szachtow poziom chnet - wiycie
    Sto metrow nizy szło wydobycie
    A tyn by luftu niy brakowało
    Przeca pod ziymiom czynsto go mało.
    --
    Ruda Śląska - stolica fraszki
  • broneknotgeld 04.11.07, 17:30
    Hala maszyn 1912/1912

    Tu piyrwyj kompresor w baraku drewnianym
    Epnom halom tako chnet łobudowany
    Maszyny parowe, kompresorow pora
    Już we środku majom - lepi jako wczora
    Na dokłodka jeszcze trafoki, prondnice
    Siyły potrza grubie - przeca ło tym wiycie.
    --
    Ruda Śląska - stolica fraszki
  • broneknotgeld 04.11.07, 17:31
    Hala maszyn 1911/1912

    Tako w tytule wyży być miało
    Zaś chochlikowi miyszać se chciało.
    --
    Ruda Śląska - stolica fraszki
  • broneknotgeld 04.11.07, 17:34
    Nowo wyntylacjo (1912)

    Ano - bez luftu jako fedrować?
    Trza go durś wiyncy na doł podować
    Przi szachcie piyrszy z nowa stowiajom
    Wyntylatory - dwa take majom
    Dyć maszyn nowych dlo nich tyż trza
    I tako pary durś wiyncy - ja.
    --
    Ruda Śląska - stolica fraszki
  • broneknotgeld 11.11.07, 09:53
    Potrza wody

    Ech - potrza wody ciyngym na grubie
    Sie dyrekcyjo po głowie szkubie
    Do picio, mycio i ty kotłowni
    Niy było leko ze tym tyż downi.
    --
    Ruda Śląska - stolica fraszki
  • broneknotgeld 11.11.07, 09:55
    Ze "Szlostaucha"

    Ze "Szlostaucha" zrobiom para?
    Dyć i ło to trza se starać
    Coby dna niy było widać
    Wiyncy wody jako by dać?
    --
    Ruda Śląska - stolica fraszki
  • broneknotgeld 11.11.07, 09:56
    Dlo płuczki

    Przi seperze płuczka majom
    Toż ło łoda dlo niyj wajom.
    --
    Ruda Śląska - stolica fraszki
  • broneknotgeld 11.11.07, 09:58
    Ze Potoka Gierałtowickego

    Ze potoka bierom woda
    Jeji jakby myni szkoda
    Wiedzom to Gierałtowice
    Już terozki wy tyż wiycie.
    --
    Ruda Śląska - stolica fraszki
  • broneknotgeld 11.11.07, 10:04
    Dlo koksowni (1914)

    Ze potoka woda brali
    Gorki koks niom polywali.
    --
    Ruda Śląska - stolica fraszki
  • broneknotgeld 11.11.07, 10:00
    Woda do picio i mycio

    Potrza grubie coby pić
    I po szychcie maras zmyć
    Durś grubiorzy robi wiyncy
    Badymajstra to aż mynczy.
    --
    Ruda Śląska - stolica fraszki
  • broneknotgeld 11.11.07, 10:02
    Stacjo wodno "Kwitek"

    Sztyry studnie głymbinowe
    Skuli gruby wierci człowiek
    Plompow prawie poł tuzina
    Dyć mo mało durś dziedzina.
    --
    Ruda Śląska - stolica fraszki
  • broneknotgeld 11.11.07, 10:06
    Przi klosztorze

    Prziklosztorno studnio kopiom
    Z niyj świyncono woda żłopiom?
    Niy ło szpas w tym jednak idzie
    Bez ty wody gruba w biydzie.


    --
    Ruda Śląska - stolica fraszki
  • broneknotgeld 11.11.07, 10:09
    Wieża wodno (1912)

    Drapko przi grubie potrzebno była
    Toz ze tym rokym prawie stanyła
    Piyńćset kubikow w ajzie zamknione
    Utropy z wodom jednak niy koniec.
    --
    Ruda Śląska - stolica fraszki
  • broneknotgeld 11.11.07, 10:12
    Stacjo ratowniczo (1913)

    Już ratowniki stacyjo majom
    Tu se zastympy teroz zbiyrajom
    Tu aparaty som łoddychowe
    Toż do ty służby potrzebny człowiek.
    --
    Ruda Śląska - stolica fraszki
  • broneknotgeld 11.11.07, 10:14
    Dyrekcyjo (1912-1913)

    Co piyrwyj dworske prawie zbulyli
    I dyrekcyjo tam postawiyli
    Mustrym do inkszych podobno wiela
    Gruba państwowo - szkryfna tu tela.

    --
    Ruda Śląska - stolica fraszki
  • broneknotgeld 11.11.07, 10:16
    Nowo sepera ze płuczkom (1912-1914)

    Ano - stowiajom wielko sepera
    Przi szachce I juz bydzie teraz
    W niyj wiyncy wonglo przerobiom tako
    Coby na sorty zodyn niy płakoł.
    --
    Ruda Śląska - stolica fraszki
  • broneknotgeld 11.11.07, 10:18
    Przed I wojnom.

    Gruba ciyngym we budowie
    Dołym tako jako gorom
    Szkryfnońć wiela może człowiek
    Szachta niy jest yno dziurom.
    --
    Ruda Śląska - stolica fraszki
  • broneknotgeld 11.11.07, 12:02
    Cyntrala telefoniczno - 20NN (1913)

    Na podszybiy już jom majom
    Z dołu na wiyrch tako dzwoniom
    Na "Siemensa" niy zawajom
    Niych drutami słowa goniom.
    --
    Ruda Śląska - stolica fraszki
  • broneknotgeld 11.11.07, 12:04
    Łodwodnianie (1914)

    Sztyry plompy co poradzom?
    Ło to tukej se powadzom?
    Łoziym wyloć śmiom kubikow?
    Niy trza lepszych w tym wynikow?
    --
    Ruda Śląska - stolica fraszki
  • broneknotgeld 11.11.07, 12:06
    Sztromwerk na grubie

    Skiż koksowni gazu wiela
    Toż ło sztromie myśli sztela
    Potrza przeca go dlo maszyn
    Jak siył wiyncy mało straszy.

    --
    Ruda Śląska - stolica fraszki
  • broneknotgeld 11.11.07, 12:08
    Piyrszy turbogynerator (1914-1916)

    Te połtoryj megawata
    Szło ze niego już wydusić
    Styknie to na duge lata?
    Gazu wiela - drugi kusi.
    --
    Ruda Śląska - stolica fraszki
  • broneknotgeld 11.11.07, 18:48
    Ze koksowni

    Koks ze bateryjow i gazu dość wiela
    Sztromwerk by se dźwignońć mogła drapko sztela
    Dyrekcyjo nad tym fest deliberuje
    Dyć trza jeszcze poczkać niym coś wybuduje.
    --
    Ruda Śląska - stolica fraszki
  • broneknotgeld 11.11.07, 18:50
    Sztromwerk gazowy

    Ano - jako gaz wypolać?
    Sztromu potrza - tako wola
    Dyrekcyji łoczywisto
    Intyncyjo dyć tyż czysto.

    --
    Ruda Śląska - stolica fraszki
  • broneknotgeld 11.11.07, 18:53
    Pokład H - Antonina (405)

    Ech - cołke Pole Wschod ubogacioł
    Toż bergmon wonglo z niego niy tracioł
    Tako przez pora rokow dyć trwało
    Stond wydobycie gruby se brało.

    --
    Ruda Śląska - stolica fraszki
  • broneknotgeld 11.11.07, 18:55
    Pokład H (1912-1916)

    Ze filorow wongel bierom
    Bo go ciyngym wiyncy trza
    Tako niym Skarbowi ścielom
    Dyć niy leko ze tym - pra?
    --
    Ruda Śląska - stolica fraszki
  • broneknotgeld 11.11.07, 18:57
    Strach fedrować

    Strach fedrować choć trza tako
    Zawał, pożar - niy nowina
    Za bergmonym ktoś zapłako?
    Jak śmierć skosi czyja wina?
    --
    Ruda Śląska - stolica fraszki
  • broneknotgeld 11.11.07, 18:59
    Wtorek 2.I.1917

    Po dwoch dniach wolnego bergmony zjechali
    Trza se we utropie ze niymi użalić
    Łogniowi w chodnikach przeca niy zaradzom
    Niyjednego potym tyż do truły wsadzom.
    --
    Ruda Śląska - stolica fraszki
  • broneknotgeld 16.12.07, 10:31
    Pochylnio III poziom 350

    Sztajger Mańka z bergmonami
    Piyrszy "bioł sie" ze pożarym
    Z rana gaszom sikowkami
    Łogyń coroz wiynkszy miary

    Przed połedniym poziom 300
    Żywym łogniym tyż se poli
    Toż terozki łoczywista
    Trza tamować - reszta smolić

    Możno by se drap udało
    Dyć durś gazow coroz wiyncy
    A i luftu niy za mało
    Wybuch idzie - pokład jynczy

    Gazy trujom, łogyń poli
    Śmiertka błonko se po grubie
    Już niyjedyn w jeji woli
    Życie z płucow jakby szkubie.
    --
    Ruda Śląska - stolica fraszki
  • broneknotgeld 16.12.07, 10:36
    Knurowsko tragedyjo

    Łogyń prziszło im pomacać
    Gorkość wielko metan niesie
    Iskry styknie - toż łonacza
    Robić na ty grubie chce sie?

    Tragedyjo we Knurowie
    Jedni tracom se na froncie
    I na dole pomrze człowiek
    Jak mu śmiertka powiy "mom cie"

    Toż dziedzina uślimtano
    Jedynostu wykosiyło
    Z tym utropa wielko dano
    We żałobie wszysko było

    Wongel jako czorne złoto
    Płaczki z łoczu nm wycisko
    Ku Pyjtrowym poszli wrotom
    Pamiyńć styknie już za wszysko.


    --
    Ruda Śląska - stolica fraszki
  • broneknotgeld 16.12.07, 10:41
    Von Velsen na dole

    Von Velsen na dole akcjom zawiadywoł
    Z Ringmannym se tako pożarowi dziwoł
    Kaj tamy trza stowiać drapko ugodali
    Dyć na własny skorze wybuchu doznali
    Sczyńściym to przeżyli - chocioż poparzone
    Tragedyji ze tym dyć przeca niy koniec.
    --
    Ruda Śląska - stolica fraszki
  • broneknotgeld 16.12.07, 10:43
    Piontek z Bartoszkym

    Piontek z Bartoszkym życie łoddali
    Wpiyrw jednak sztajgra wyratowali
    Losza se Mańkom zaopiekowoł
    Na wiyrchu gruby ze niym chnet stowo.
    --
    Ruda Śląska - stolica fraszki
  • broneknotgeld 16.12.07, 10:44
    Jedynostu ze ty gruby

    Ze ty gruby jedynostu
    Słonka już se niy łoboczy
    Wongel niy jest życio krostom
    Choć im zamknoł cołkym łoczy.
    --
    Ruda Śląska - stolica fraszki
  • broneknotgeld 16.12.07, 10:47
    Antoni Pietras

    Przimusowo tu harowoł
    Karlus młody ze Byndzina
    Wiela wonglo nafolował?
    Matka łopłakuje syna!
    --
    Ruda Śląska - stolica fraszki
  • broneknotgeld 16.12.07, 10:49
    Ludwik Bartoszek

    Z Dymbiyńska rodzony - miyszkoł we Chuchowie
    Pewnikym przezocny był z hajera człowiek
    Sztajgra wyprowadzioł - som łostoł przi tymu
    Śmiertka go trefiyła jako łobłok dymu.

    --
    Ruda Śląska - stolica fraszki
  • broneknotgeld 16.12.07, 10:52
    Juliusz Jojko

    Dymbiyńsko Stare miało hajera
    Toż iść za trułom przidzie tam teraz
    Bo życie kere matka mu dała
    Istnymu gruba prawie zabrała.
    --
    Ruda Śląska - stolica fraszki
  • broneknotgeld 16.12.07, 10:56
    Teodor Masarczyk

    Być hajerym synek chcioł
    Grajfka do roboty mioł
    By se drapko w tym wyszkoloł
    Dyć zły tref mu niy zezwoloł

    Ślimto teroz familijo
    Młody karlus - tragedyjo
    W Rudach tako i w Poryciu
    Ślod łostanie po tym życiu?

    --
    Ruda Śląska - stolica fraszki
  • broneknotgeld 16.12.07, 10:58
    Maksymilian Piontek

    Murorz ze Stancy uwidzioł tu tama
    Przed łoczami jakby dźwigła mu sie sama
    Wierzyć tymu jako? Aże fest zamrugo
    Agonijo jego niychej niy trwo dugo.
    --
    Ruda Śląska - stolica fraszki
  • broneknotgeld 16.12.07, 11:00
    Ignacy Głogowski

    Niwka grubie z musu tego synka dała
    Toż za młodym śleprym bydzie fest ślimtała
    Gazami zatruty - dusza już we Niebe
    Niy darmo bergmony rzykajom do Ciebie.
    --
    Ruda Śląska - stolica fraszki
  • broneknotgeld 16.12.07, 11:04
    Hugon Rhode

    W Łodzi Hugon był rodzony
    Z carski armji refioł tukej
    W lagrze tako łosadzony
    Jyńcym go na dole szukej

    Chopa śmiertka wykosiyła
    Szworty krziżyk ledwo zaczoł
    Ciało do sia ziyma wziyła
    Duszom Niebo ubogacioł.
    --
    Ruda Śląska - stolica fraszki
  • broneknotgeld 16.12.07, 11:05
    Paweł Laksa

    Mioł śleper Laksa frelka we głowie
    Dwadziścia jedyn lot pożoł człowiek
    Ślimtajom za niym w Niyborowicach
    Dymbiyńsko Stare tyż tropi lica.
    --
    Ruda Śląska - stolica fraszki
  • broneknotgeld 16.12.07, 11:16
    Marcol, Müller, Wróbel

    Na knurowski grubie duchy se błonkajom
    Dyć po dwóch miesioncach cała wycingajom
    W poświyncony ziymi już kaj familje
    We pamiyńci niychej tego kery żyje

    Prawiom tyż - Jak stracisz sie w ciymnych chodnikach
    Trza ci za ta "trojca" zdrowaśki porzykać
    W łoczach chnet coś blyśnie - do szoli sprowadzi
    -Tako tukej bergmon niyjedyn doradzi.
    --
    Ruda Śląska - stolica fraszki
  • broneknotgeld 29.10.07, 22:56
    Kronika Kopalni "Knurów"

    Wielki tom i richtig ruby
    Historyjo w niym ty gruby
    Dyć tu rymy jom poniesom
    Niychej tako wszyskich cieszom.
    --
    Ruda Śląska - stolica fraszki
  • broneknotgeld 08.01.11, 18:53
    Kej WOŚP potyrajom
    www.dziennikzachodni.pl/stronaglowna/354551,knurow-gliwice-sztafeta-juz-biegnie-na-wosp,id,t.html
    Dzieciokom dyć pszajom.

    --
    Ruda Śląska - stolica fraszki
  • broneknotgeld 11.02.11, 09:49
    Co ło Ślonsku
    potrza wiedzieć?
    katowice.naszemiasto.pl/artykul/773338,wszystko-co-turysci-chcieliby-wiedziec-o-tym-regionie-ale,id,t.html#237f1b133c6e3247,1,3,5
    W naszym kontku
    niy trza siedzieć
    Chciyj wandrusie coś spokopić
    I konszczyczkym Ślonska "łopić".
    --
    Ruda Śląska - stolica fraszki
  • broneknotgeld 12.10.12, 10:22
    "Mitologijo knurowsko"

    Ło kryjolyjo!
    www.facebook.com/photo.php?fbid=374913275916915&set=pb.195759197165658.-2207520000.1350029780&type=1&theaterMitologijo?!
    --
    Ruda Śląska - stolica fraszki
  • broneknotgeld 13.10.12, 21:24
    Nigdy niy za wiela wsparcio godki naszy
    I mitologijo ślonsko tyż niy straszy
    Radzi my jyj przeca
    Link kłada do Neca
    www.facebook.com/photo.php?fbid=374913275916915&set=pb.195759197165658.-2207520000.1350154637&type=1&theater
    Zowdy wiela trzimia tego w swoji taszy.


    --
    Ruda Śląska - stolica fraszki
  • broneknotgeld 09.09.13, 22:42
    Izba Tradycji KWK "Knurow"

    Wiyrchym tukej tradycyjo!
    Trza niom asić - kryjolyjo!
    Cudow wiela
    www.facebook.com/media/set/?set=a.517234165018158.1073741850.195759197165658&type=1
    Mo ta sztela
    Kunszt, robota, komedyjo.



    --
    Ruda Śląska - stolica fraszki
  • broneknotgeld 11.10.15, 11:34
    Połosprowiać ło Knurowie
    Tyż by czasym chcioł tu czowiek

    --
    Ruda Śląska - stolica fraszki
  • broneknotgeld 29.11.16, 14:05
    Dyć czy yno połosprowiać?
    Szło by cosik wydrukować?

    --
    Ruda Śląska - stolica fraszki

Popularne wątki

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka
Agora S.A. - wydawca portalu Gazeta.pl nie ponosi odpowiedzialności za treść wypowiedzi zamieszczanych przez użytkowników Forum. Osoby zamieszczające wypowiedzi naruszające prawo lub prawem chronione dobra osób trzecich mogą ponieść z tego tytułu odpowiedzialność karną lub cywilną. Regulamin.