Dodaj do ulubionych

Pomorske blizy

11.07.06, 19:20
Niych światło jejich jest ciyngym wyży
Bo czasym życiym te nasze blizy.
--
forum.gazeta.pl/forum/71,1.html?f=28940
Edytor zaawansowany
  • broneknotgeld 11.07.06, 19:22
    Toż światło blizy niych do dom wiedzie
    Zyjmanom droga wskazuje
    Jako ta iskra Boga na przedzie
    Ku dobru zowdy keruje.
    --
    forum.gazeta.pl/forum/71,1.html?f=28940
  • broneknotgeld 31.07.06, 22:27
    W starożytności

    W starożytności łognie polyli
    Coby ze morza niy pobłońdziyli
    Wyży brandera to zowdy lepi
    W ćmoku rozblysko i serce krzepi.

    --
    forum.gazeta.pl/forum/71,1.html?f=28940
  • broneknotgeld 31.07.06, 22:29
    15 bliz

    Na polskim brzegu piytnoście bliz
    Do dzisioj świyci - przeca to wiysz
    Tyż pora zgasłych sie nom łostało
    Co już zobytkym som jakich mało.

    --
    forum.gazeta.pl/forum/71,1.html?f=28940
  • broneknotgeld 31.07.06, 22:31
    Latarnia Faros

    Na wyspie faros bliza stanyła
    Z Ptolemeusza dyć woli była
    Sostrados z Knidos jom projektowoł
    Tako "cud świata" bliźnim wystowioł.

    --
    forum.gazeta.pl/forum/71,1.html?f=28940
  • broneknotgeld 31.07.06, 22:33
    "Cud świata"

    Jednym z siedmiu cudow świata
    Bliza se zdowała
    Toż w czech roznych tysioncleciach
    Na morze blyskała.
    --
    forum.gazeta.pl/forum/71,1.html?f=28940
  • broneknotgeld 03.02.07, 12:00
    Ech - se lato mi wspomino
    Bestoż wontek dźwigna ino.
    --
    Ruda Śląska - stolica fraszki
  • broneknotgeld 24.07.10, 20:12
    Toż niychej blyszczy
    I szczyńścio zyszczy.
    --
    <a rel="nofollow" href="forum.gazeta.pl/forum/71,1.html?
    f=28940">Ruda Śląska - stolica fraszki</a>
  • broneknotgeld 27.09.12, 17:34
    Blizow momy wiela
    Blyszczy niymi sztela
    --
    Ruda Śląska - stolica fraszki
  • broneknotgeld 23.07.13, 12:09
    Światowy Dziyń Latarniow Morskich
    18.VIII.2013

    W trzecio niydziela siyrpnia te świynto
    Latarniom pszaja - bestoż jo wiym to.

    www.facebook.com/events/555937844452251/
    Piyrszy roz cosik na Ślonsku bydzie
    Świynto latarniow drap tako przidzie.
    --
    Ruda Śląska - stolica fraszki
  • broneknotgeld 23.07.13, 14:34
    Siyrpiyń blizom poświyncymy
    Toż niych lecom ło nich rymy.
    www.facebook.com/events/555937844452251/
    --
    Ruda Śląska - stolica fraszki
  • broneknotgeld 27.07.13, 10:31
    Coś ło blizach już tam jest
    www.sferatv.pl/vod/wakacje-z-telewizja-sfera/audycja/2789-wakacje-z-telewizja-sfera-26-07-2013.html
    Radzi tymu bydom fest?

    Trza kuknońć tak po 22 minucie programu.
    --
    Ruda Śląska - stolica fraszki
  • broneknotgeld 09.08.13, 19:31
    Link ciekawi
    latarniemorskie.cba.pl/index.php?option=com_content&view=article&id=119%3Aoddam-stron
    Cosik jawi.
    --
    Ruda Śląska - stolica fraszki
  • broneknotgeld 09.08.13, 23:04
    Blysły blizy

    Blysły blizy w Pyskowicach
    www.facebook.com/media/set/?set=a.500346846706890.1073741838.195759197165658&type=3
    Dyć ciekawo okolica
    Czamu tam - sie dziwujecie?
    Powiat to glywicki przecie
    Co ze puckim fest kamraci
    Blysły blizy - nikt niy straci
    Dyć recht w tym - pewnikym wiycie
    Co kultura we proficie.
    --
    Ruda Śląska - stolica fraszki
  • broneknotgeld 14.08.13, 17:34
    "Nieba bliżyj"

    Już wystawa zmontowano
    Choć tropiyło mie to rano.
    www.facebook.com/media/set/?set=a.540623829320221.1073741840.427827820599823&type=1
    --
    Ruda Śląska - stolica fraszki
  • broneknotgeld 16.08.14, 22:53
    Byrna ze blizy

    W Łaziskach przeca i byrna majom
    Ze Świnoujścio - wcale niy bajom
    Swoje we morze już poświyciyła
    Toż do muzeum tako trefiyła
    I chocioż wiyncyj już niy zablyńdzi
    Ponoć kej cima ło morzu glyńdzi
    Sztormowe nocki ciyngym wspomino
    Kej w niyj retunek zdoł komuś ino
    Kej z szifa blysku jeji czekali
    Do Mikołaja prawie rzykali
    Przeca jawiyła istnym nadzieja
    Byrno - jo do cia sie dzisioj śmieja.

    www.facebook.com/AsocjacjaMBP18/photos/a.700745013308101.1073741902.427827820599823/700745703308032/?type=1&theater
    --
    Ruda Śląska - stolica fraszki
  • broneknotgeld 22.02.15, 21:05
    Co latoś z wystawom?
    Blizy cosik jawiom.

    www.facebook.com/media/set/?set=a.753983154650953.1073741922.427827820599823&type=3
    --
    Ruda Śląska - stolica fraszki
  • broneknotgeld 12.03.15, 16:17
    Muzeum rychtujom
    Tako uradujom.

    gryf24.pl/2015/03/11/wyremontuja-zabytkowy-dom-latarnika-w-czolpinie-powstanie-muzeum-latarnictwa/
    --
    Ruda Śląska - stolica fraszki
  • broneknotgeld 04.08.15, 21:01
    W Rudzie Ślonski blizow świynto
    Już terozki prawie wiym to
    Kto za "latarnika"?
    Wystyknie tam klikać
    Szpas w tym zdo sie - niy "memynto"

    www.facebook.com/events/1098225406854312/
    --
    Ruda Śląska - stolica fraszki
  • broneknotgeld 19.08.16, 16:37
    U "ślonskego latarnika"!

    U "ślonskego latarnika"
    Zaś my latoś sie trefiyli
    By na blizy gryfne blikać
    U Trefonia - roztomili.

    www.facebook.com/Bronis%C5%82aw-W%C4%85troba-195759197165658/photos/?tab=album&album_id=1128141223927446

    --
    Ruda Śląska - stolica fraszki
  • broneknotgeld 11.07.06, 19:25
    100-lecie latrni morski "Stilo"

    Cołko ze ajzy tu postawiono
    Sto rokow stoji - przeca niy kono
    Ciyngym ze skarpy ta bliza blyszczy
    Niych druge tela rokow tyż zyszczy.
    --
    forum.gazeta.pl/forum/71,1.html?f=28940
  • broneknotgeld 11.07.06, 19:27
    W choczewski gminie

    W choczewski gminie łona jedyno
    Jako i przeca w powiecie
    Tako trza pszoć jyj niy teroz yno
    -Cołke nastympne stulecie!
    --
    forum.gazeta.pl/forum/71,1.html?f=28940
  • broneknotgeld 11.07.06, 20:22
    Brifmarki 2006

    Sztyry brifmarki a na nich blizy
    "Stilo" z tym juzaś ździybeczko wyży
    Prawie fajrujom jeji stulecie
    Toż skuli tego to wszysko przecie.
    --
    forum.gazeta.pl/forum/71,1.html?f=28940
  • broneknotgeld 12.07.06, 16:50
    Medal na gyburstag

    Toż na pamiontka medal wybiyli
    Blizom trza asić se tako
    Cołke sto rokow ze niom tu żyli
    W morze durś świyci jednako.

    --
    forum.gazeta.pl/forum/71,1.html?f=28940
  • broneknotgeld 12.07.06, 16:51
    Odznaka na gyburstag

    Tyż odznaka na pamiontka
    Falerysta se raduje
    Cosik jest ze tego kontka
    Yno łon to forszteluje?
    --
    forum.gazeta.pl/forum/71,1.html?f=28940
  • broneknotgeld 12.07.06, 16:54
    Turystyczno Odznaka Latarni Morskich "Bliza"

    Toż odznaka "Blizy" ze STILO rozkwitnie
    Bronz, srybro i złoto - tako bydzie piyknie
    Zwiydzojcie latarnie - sztymplujcie "paszporty"
    Wasz wander odznaki gryfny bydzie worty.
    --
    forum.gazeta.pl/forum/71,1.html?f=28940
  • broneknotgeld 12.07.06, 16:55
    Ze Łeby

    Kto w Łebie siedzi niych tu zowito
    Ło bliza Stilo niy yno spyto.
    --
    forum.gazeta.pl/forum/71,1.html?f=28940
  • broneknotgeld 12.07.06, 16:57
    Wystawa "Stilo i okolice"

    We blizie latoś tako wystawa
    Tyn kunszt malarski przepiykno sprawa
    Marynistyczny tymat tyż tako
    Bo sto lot bliza blyszczy jednako.
    --
    forum.gazeta.pl/forum/71,1.html?f=28940
  • broneknotgeld 12.07.06, 17:00
    29.07.2006 Wielki Fajer

    Przi Stilo jako w Choczewie tyż
    W gyburstag se zabawiymy
    Tako przijyżdżej jak ło tym wiysz
    Tyż po to som moje rymy.

    --
    forum.gazeta.pl/forum/71,1.html?f=28940
  • broneknotgeld 12.07.06, 17:01
    Sasino - Choczewo 29.07.2006

    Darmo autokar wozi po trasie
    Richtig to przeca bydzie na czasie
    W tym dniu i bliza zwiydzi sie darmo
    Gyburstag zocny - łona niy marno.
    --
    forum.gazeta.pl/forum/71,1.html?f=28940
  • broneknotgeld 12.07.06, 17:05
    IV Zlot Miłośnikow VW Garbusow
    28-30.07.2006

    Przi gyburstagu latarni Stilo
    "Cherbi" Choczewo tako pokilo
    Na czi dni zjadom tu garbusami
    Asić sie bydom tymi autami.


    --
    forum.gazeta.pl/forum/71,1.html?f=28940
  • broneknotgeld 12.07.06, 17:12
    IX.2006 Miyndzynarodowy Plyner Malarski - Lubiatowo

    Ano, teroz mi sie zdowo
    blyśnie fest te Lubiatowo
    A i Stilo we stulecie
    Jaśni świyci tako przecie.


    --
    forum.gazeta.pl/forum/71,1.html?f=28940
  • broneknotgeld 12.07.06, 17:15
    Sto rokow już stoji

    Na sasińskim wzgorku
    Sto rokow już stoji
    Rybok skuli istny
    Mniyj se morza boji
    Bo przeca we nocy
    Droga mu pokoże
    Zyjmanow raduje
    Toż szkryfna - Szczyńść Boże.

    --
    forum.gazeta.pl/forum/71,1.html?f=28940
  • broneknotgeld 27.07.06, 13:56
    Herb Choczewa

    Na modry tarczy latarnia Stilo
    Ze kożdy strony kłosek jom kilo.
    --
    forum.gazeta.pl/forum/71,1.html?f=28940
  • broneknotgeld 01.08.06, 19:26
    Apruzinowym szlakym

    Apruzinowym szlakym żech szoł
    Tako do Stilo dońść richtig chcioł
    Nogi do rzici chnetko właziyły
    Dyć na ta bliza w końcu trefiyły.
    --
    forum.gazeta.pl/forum/71,1.html?f=28940
  • broneknotgeld 18.07.06, 19:48
    Stilo 1859

    Mapy szykowali morski nawigacji
    Skiż tego w tym richtig wiela było racji
    Coby we tym miejscu stowa postawiyli
    Jako pomyśleli tako i zrobiyli.
    --
    forum.gazeta.pl/forum/71,1.html?f=28940
  • broneknotgeld 20.07.06, 06:48
    Stowa Stilo 1861

    Kaj "Chałpy w Borze" wele ty Łeby
    Stowa w tym roku dźwigali
    Tako skiż szifow przeca potrzeby
    Wiela talarkow wydali

    Majster z Lymborka wzioł drzewo z sosny
    Dwadziścia metrow szoł w gora
    Skończoł - był ponoć richtig radosny
    Chocioż wiyrch stowy niy w chmurach.
    --
    forum.gazeta.pl/forum/71,1.html?f=28940
  • broneknotgeld 20.07.06, 06:50
    1700 talarkow

    Tela ta stowa skarb kosztowała
    Bioło-czerwone pasy tyż miała
    No i prawiyli co niy na łoko
    Szejśćdziesiont szejść stop łona wysoko.
    --
    forum.gazeta.pl/forum/71,1.html?f=28940
  • broneknotgeld 20.07.06, 18:32
    Friedrich Bork z Leba Boor

    Tutejszy gospodorz mioł stowa w łopiece
    Toż sztyry talarki za miesionc broł przecie.
    --
    forum.gazeta.pl/forum/71,1.html?f=28940
  • broneknotgeld 20.07.06, 18:34
    Stowa Stilo

    Bratki Stielow z Łeby
    Wydma łobsadziyli
    Zdo sie co tyż łoni
    Tako jom łokrzciyli
    Dziynki niym porosnoł
    Piosek zocnym lasym
    Kery przeca cieszy
    I nos ze tym czasym.
    --
    forum.gazeta.pl/forum/71,1.html?f=28940
  • broneknotgeld 20.07.06, 18:35
    Stowa Stilo 1861-1904

    Koniec stowy tukej
    Jest poczontkym blizy
    Kero wydźwignyli
    Przeca jeszcze wyży.
    --
    forum.gazeta.pl/forum/71,1.html?f=28940
  • broneknotgeld 20.07.06, 20:36
    Stilo 1901

    Niymiecki Zwionzek Nawigacyjny
    Doł wniosek coby bliza budować
    Rzond pruski tymu tako przichylny
    Choć geld trza było na to wydować.
    --
    forum.gazeta.pl/forum/71,1.html?f=28940
  • broneknotgeld 20.07.06, 20:37
    Niy yno bliza

    Niy yno bliza - buczka trza było
    Coby se we mgle larmo robiyło.
    --
    forum.gazeta.pl/forum/71,1.html?f=28940
  • broneknotgeld 20.07.06, 20:40
    Walter Korte (1855-1914)

    Karlus w Berlinie zaprojektowoł
    W nawigacyjnych znakach łon majster
    Kunszt swoj Pomorzu tako tyż dowoł
    Bliza to przeca niy jest wihajster.
    --
    forum.gazeta.pl/forum/71,1.html?f=28940
  • broneknotgeld 20.07.06, 20:41
    "Julius Pintsch" - Berlin

    Fyrmy berliński dokumyntacjo
    Niy piyrszo jejich to bliza
    Szpecjalizacjom dyć nawigacjo
    Dlo szifow łoczy i dźwiyrza.
    --
    forum.gazeta.pl/forum/71,1.html?f=28940
  • broneknotgeld 20.07.06, 20:44
    Stilo 1904

    Budowa zaczynto ślusorze se pocom
    W rok wieża postawiom choć niy robiom nocom
    Dyć jeszcze laterna trza gryfnie zmajstrować
    Coby byrna mogła we morze blyndować.
    --
    forum.gazeta.pl/forum/71,1.html?f=28940
  • broneknotgeld 20.07.06, 20:45
    Werk z Gdańska

    Werk z Gdańska na bliza ze ajzy doł wszysko
    Tubingowo wieża tako Stilo zysko.
    --
    forum.gazeta.pl/forum/71,1.html?f=28940
  • broneknotgeld 20.07.06, 20:52
    Jako we zimie?

    Jako we zimie
    latarnik szczimie?
    Dyć mo cyntralne tu łogrzywanie
    I gruby korek tako na ścianie.
    --
    forum.gazeta.pl/forum/71,1.html?f=28940
  • broneknotgeld 20.07.06, 20:54
    75 m.n.p.m.

    Tako latarnia wysoko stoji
    Blysko we morze daleko
    Zyjman se myni tu wydmow boji
    Rejs bezpieczniejszy go czeko.
    --
    forum.gazeta.pl/forum/71,1.html?f=28940
  • broneknotgeld 20.07.06, 20:56
    Na Latarnikow

    Na Latarnikow do dzisioj stoji
    Mały familok ta sztela stroji
    W niym latarniki durś pomiyszkujom
    Tako i bajtli tyż wychowujom.
    --
    forum.gazeta.pl/forum/71,1.html?f=28940
  • broneknotgeld 21.07.06, 18:52
    "Wilhelm Weule" - Goslar

    Fyrma z Goslaru robi optyka
    Toż inkszym blizom ło tako rzykać
    Byrna łukowo tu na sztrom stały
    Sto dziesiyńć voltow - kop tym niymały.
    --
    forum.gazeta.pl/forum/71,1.html?f=28940
  • broneknotgeld 21.07.06, 18:53
    81 800 marek

    Wszysko cuzamyn tela kosztuje
    Do cołki sety trocha brakuje.
    --
    forum.gazeta.pl/forum/71,1.html?f=28940
  • broneknotgeld 21.07.06, 18:56
    Tabulka fyrmowo 1906

    Mesingowo tabulka w blizie była dugo
    Dyć złodziejske łoko tukej na nia mrugo
    By w końcu jom ukraść choćby na pamiontka
    Toż u nos utropa niyjednego kontka.
    --
    forum.gazeta.pl/forum/71,1.html?f=28940
  • broneknotgeld 21.07.06, 19:10
    Tabula pamiontkowo 2006

    Latoś już dali nowo tabula
    Tam kaj ta piyrszo - niy byda fulać
    Skiż gybusrstagu tako "replika"
    By niy ukradli - trza tyż porzykać.
    --
    forum.gazeta.pl/forum/71,1.html?f=28940
  • broneknotgeld 21.07.06, 19:13
    Nautofon 1906

    Kilometer łod latarni przi plaży już stoji
    Buczy głośno - dyć se richtig zwiyrz aż tego boji
    Toż i Neptun tym wnerwiony - śle za falom fala
    Som se do sia tako pedzioł - "Kolumna łobala".
    --
    forum.gazeta.pl/forum/71,1.html?f=28940
  • broneknotgeld 21.07.06, 19:14
    Buczek mgłowy

    Dwadziścia jedyn metrow wysoki
    Przi mgle za głośny se zdowo
    Dyć z tym zyjmany niy som boroki
    Szifom sygnały durś dowo.
    --
    forum.gazeta.pl/forum/71,1.html?f=28940
  • broneknotgeld 21.07.06, 21:18
    Bliza Stilo 1926

    Ano se wiela z tym pomiyniyło
    Byrna żarowo tako wstawiyło
    A przi złym trefie (choćby kurszlusie)
    Lampa gazowo łoświyco tu sie.
    --
    forum.gazeta.pl/forum/71,1.html?f=28940
  • broneknotgeld 21.07.06, 21:20
    Przed drugom wojnom

    Toż jeszcze przeca przed drugom wojnom
    Przi blizie jest maszynownia
    Robota ze tym bardzi spokojnom
    Na miejscu tu "elektrownia".
    --
    forum.gazeta.pl/forum/71,1.html?f=28940
  • broneknotgeld 21.07.06, 21:23
    Maszt meteo 1944

    Przi ścianie połnocny
    Łon ty maszynowni
    Terozki go niy ma
    Dyć przeca był downi

    W szejśćdziesiontych rokach
    Cołkym zatracony
    Bestoż go już prawie
    W pamiyńci niy momy.
    --
    forum.gazeta.pl/forum/71,1.html?f=28940
  • broneknotgeld 21.07.06, 21:44
    Z końcym wojny

    Z końcym wojny ze fligra
    Szczylali w ta bliza
    Dyć im tako łodpedziała
    -Rany se wyliża.
    --
    forum.gazeta.pl/forum/71,1.html?f=28940
  • broneknotgeld 21.07.06, 21:46
    Stilo - kwieciyń 1946

    Po krotki przerwie zaś rozblysnyła
    Szejśćdziesiont rokow Polsce świyciyła
    I dali tako tyż przeca bydzie
    Choć seta klupła - durś niy we biydzie.
    --
    forum.gazeta.pl/forum/71,1.html?f=28940
  • broneknotgeld 27.07.06, 09:23
    Halogyny Stilo 1975

    Toż halogyny blyszczom terozki
    Aże do dzisioj już tako
    Ze łoświycyniym myni tyż troski
    Przi ćmoku zowdy jednako.
    --
    forum.gazeta.pl/forum/71,1.html?f=28940
  • broneknotgeld 27.07.06, 09:25
    Ze buczka bliza

    Kolumna buczka ze blizy Stilo
    Teroz kaj ińdzi niebo już kilo
    Toż we Jastarni świyci na morze
    Oby durś tako - dej istny Boże.
    --
    forum.gazeta.pl/forum/71,1.html?f=28940
  • broneknotgeld 27.07.06, 09:30
    Nowo wieża nautofonu

    Ceglano wieża wybudowali
    Wiynkszo i dali łod plaży
    Tam stary buczek zamontowali
    Co dzisioj mozno se marzy

    Bo przeca wszysko prawie w ruinie
    Nautofon - downe tu dzieje
    I pamiyńć ło niym możno przeminie
    Purtek ze tego se śmieje.
    --
    forum.gazeta.pl/forum/71,1.html?f=28940
  • broneknotgeld 27.07.06, 09:32
    Stilo nigdy niy zgaśnie?

    Mozno i zgaśnie dyć niychej stoji
    Zobytek przeca już zocny
    Druge sto rokow brzeg morski stroji
    Co we te blizy durś mocny.
    --
    forum.gazeta.pl/forum/71,1.html?f=28940
  • broneknotgeld 29.07.06, 16:53
    Po starym buczku

    Co po starym buczku do dzisioj łostało?
    Toż jeszcze cokołu morze niy zabrało.
    --
    forum.gazeta.pl/forum/71,1.html?f=28940
  • broneknotgeld 29.07.06, 16:54
    Stulecie cokołu buczka

    Leży se na plaży i kłonio durś morzu
    Łon przeca tak samo sulecio tu dożoł.

    --
    forum.gazeta.pl/forum/71,1.html?f=28940
  • broneknotgeld 29.07.06, 16:56
    Wieża nowego buczka

    Po nowym buczku wieża łostała
    Na widokowo by se tyż zdała
    Dyć we ruina drapko już idzie
    Za pora rokow zbulić czas przidzie.
    --
    forum.gazeta.pl/forum/71,1.html?f=28940
  • broneknotgeld 30.07.06, 20:47
    "100-lecie Latarni Morskiej Stilo"
    autor - Apoloniusz Łysejko
    Gdynia 2006

    Toż wszyskim kierzy chcom sie czegoś wiyncy dowiedzieć ło blizie Stilo, prawie
    tako broszura chca polecić.
    Joch tyż do niyj siyngoł przi ukłodaniu rymowanek.
    --
    forum.gazeta.pl/forum/71,1.html?f=28940
  • broneknotgeld 29.01.08, 18:59
    "Stilo"

    "Stilo" znaczy cisza
    A jo tu coś słysza
    Smutno szumi morze
    Miyj w łopiece Boże.
    --
    Ruda Śląska - stolica fraszki
  • broneknotgeld 29.01.08, 19:02
    Za spokoj dusz

    Tako ze blizy na morze blikom
    Za spokoj dusz tyż se tukej rzykom
    Toż przeca tymu możecie wierzyć
    Kajś na dnie "Wilhelm Gustloff" tam leży.
    --
    Ruda Śląska - stolica fraszki
  • broneknotgeld 20.07.09, 08:34
    7 stilo - Choczewo.

    "Siedym stilo" - piniondz majom
    Dom ta dycha - niy zawajom.
    --
    Ruda Śląska - stolica fraszki
  • broneknotgeld 20.07.06, 11:25
    Bliza piyrwyj?

    Jeszcze niym tu piyrszo bliza zaświyciyła
    Zapolali łogyń na wieży kościoła
    Mozno sie skiż tego świontynia spolyła
    Szify za daleko by na pożar wołać.
    --

    Helsko bliza 1640

    Zowdy tu w nocy łogyń polyli
    By se ryboki niy potraciyli
    Dyć wqe papiorach z tym rokym piyrszo
    Choć skuli tego wcale niy wyrszo.
    --

    Sie jyj dziwoł

    Jan Sobieski sie jyj dziwoł
    Jak na Helu roz zabawioł
    Beka w gora - gowom kiwoł
    Łogyń smolny dyć se jawioł.

    --
    forum.gazeta.pl/forum/71,1.html?f=28940
  • broneknotgeld 20.07.06, 11:25
    Helsko bliza 1667

    Staro bliza wypolono - nowo wnet stowiajom
    Niychej w nocy i ryboki na Hel se wrocajom.
    --

    Bliza 1702

    Sztorm pieroński richtig był
    Że latarnio w morze zmył
    Trza jom dali wybudować
    By blask mogła szifom dować.
    --

    Nowo bliza

    Stanyła na wydmie latarnio zaś nowo
    Łod morza daleko se teroz wydowo
    Zdo sie co dośc dugo im tukej świyciyła
    Nastympno we wieku dziewiytnostym była.

    --
    forum.gazeta.pl/forum/71,1.html?f=28940
  • broneknotgeld 20.07.06, 11:26
    Bliza 1826/27

    Ano już bliza jest murowano
    Przeszło styrdziści metrow dźwigano
    Blask ze niyj lecioł mil siedymnoście
    Łolyj z rzepoku polom jyjmoście.
    --

    Kanona 1903

    Przi blizie teroz kanona stoji
    Choć se na wojna wcale niy kroji
    Szczylali ze niyj przi wielki mgle
    Jak światło widać pieronym źle.
    --

    To ci utropa

    Toż skiż kanony wielko utropa
    Chnet istno se rozleciała
    Jeszcze przi tymu zabiyło chopa
    Aż bliza se rozpłakała

    Tako do dzisioj prawiom Beloki
    Że ducha czasym tu widać
    Jak mgła prziłazi by gynstły ćmoki
    Salwa z kanony chciołby dać.

    --
    forum.gazeta.pl/forum/71,1.html?f=28940
  • broneknotgeld 20.07.06, 11:27
    Bliza 1926

    Łolyj ze rzepoku na nafta zmiyniyli
    Ciekawe czy dali ze tym zablyńdziyli.
    --

    Bliza 1938

    Prziszoł dran tu i na sztrom
    Ktosik pedzioł - "Byrna dom".
    --

    Helsko bliza 1939

    Ano szpryngli jom Poloki
    Coby Niymcom niy pomogła
    Sie straciyła ze tym rokym
    Dali blyszczeć już niy mogła?

    --
    forum.gazeta.pl/forum/71,1.html?f=28940
  • broneknotgeld 20.07.06, 11:27
    Bliza 1942

    Dziesiyńć metrow łod ty stary
    Nowo bliza teroz stowo
    Dyć to niy som jakeś czary
    Wcale se nom to niy zdowo.
    --

    Do dzisioj stoji

    Toż do dzisioj tukej stoji
    Szifom światło śle we morze
    Zbłonkać żodyn se niy boji
    Tako mrugo im - "Szczyńść Boże".

    --
    forum.gazeta.pl/forum/71,1.html?f=28940
  • broneknotgeld 21.07.11, 17:23
    Prawie latoś żech z niyj kukoł
    Dyć niy ło tym byda blukoł.
    --
    Ruda Śląska - stolica fraszki
  • broneknotgeld 20.10.11, 10:26
    Kaj "krowski łogon" poszpacyrujom
    www.gazetakaszubska.pl/19649/bity-ze-stradu-kaszubskie-zwyczaje-na-helu
    Pewno przi tymu tyż uradujom.
    --
    Ruda Śląska - stolica fraszki
  • broneknotgeld 23.07.13, 11:39
    Helsko bliza - XVII w.

    Na wieży kościelny brandera skłodali
    Zyjmanom, rybokom - coby tu wrocali
    Coby tyż do Gdańska spokojnie trefiyli
    Na jakoś mielizna tako niy natknyli.
    --
    Ruda Śląska - stolica fraszki
  • broneknotgeld 23.07.13, 11:46
    "Żuraw" na cyplu

    Ano - sie kościoła wieża wypolyła
    Zły tref - dyć za bliza zyjmanom służyła
    Toż wartko tyn "żuraw" był teroz stowiany
    Coby niy traciyli sie w nocy zyjmany
    We gorze sie poloł kocioł połny smoły
    Hajcowały djoski czy możno janioły?

    --
    Ruda Śląska - stolica fraszki
  • broneknotgeld 23.07.13, 16:03
    "Żuraw" - 1702

    Sztorm zniszczoł ta bliza - niy łodbudowali
    Choć mozno kajś łogyń dali rozpolali.
    --
    Ruda Śląska - stolica fraszki
  • broneknotgeld 23.07.13, 16:06
    Z końcym XVIII wieku

    Ano - z końcym wieku zaś bliza tu świyci
    Latarnik durś poli - niy yno kej bryza
    Cołki rok kej cima mo światła wachować
    I talarki swoje za służba rachować.

    --
    Ruda Śląska - stolica fraszki
  • broneknotgeld 23.07.13, 20:11
    Stowiajom nowo bliza 1806-1826

    Dwadziścia rokow bliza stowiali?
    Toż ruła mieli choć zrychtowali
    We końcu gryfno i murowano
    Helowi tako jest istno dano.
    --
    Ruda Śląska - stolica fraszki
  • broneknotgeld 23.07.13, 20:14
    Latarnio Hel - 1.VIII.1827

    Już ze laterny we morze blysko
    Szejść lampow zwyrto - zyjmanom mrugo
    Co poł sekundy toż widowisko
    Helowi służyć bydzie dość dugo.
    --
    Ruda Śląska - stolica fraszki
  • broneknotgeld 23.07.13, 20:17
    Latarnio Hel - 1926

    Z tym rokym w latarni petronelym polom
    Zdo sie co we Polsce richtig tako wolom?
    Sie z tym światło blizy trocha pomiyniyło
    Po prowdzie te nowe niy na dugo było.
    --
    Ruda Śląska - stolica fraszki
  • broneknotgeld 23.07.13, 20:19
    Latarnio Hel - 1938

    Sztrom pociongli ze tym rokym
    W blizie byrna trojżarowo
    Trzitysioncwatowym łokym!
    Ech, co nowe wiyrchym stowo!
    --
    Ruda Śląska - stolica fraszki
  • broneknotgeld 23.07.13, 22:42
    19.IX.1939

    Tako latarnio helsko szpryngniono
    Tako skonała kej Polska kono
    Choć Niymce jom tu wybudowali
    Poloki cołki jyj niy łoddali.
    --
    Ruda Śląska - stolica fraszki
  • broneknotgeld 23.07.13, 22:44
    Nowo latarnio - 1942

    Bliza Helowi potrzebno była
    Toż Niymce z cegły dźwigajom nowo
    Wele ty piyrszy w lesie stanyła
    Sztyrdziści z hokym metrow wystowo.
    --
    Ruda Śląska - stolica fraszki
  • broneknotgeld 23.07.13, 22:49
    1000 watow byrna

    Byrna tysionc watow we laternie świyci
    Kejby sie spolyła tref cimy niy sklyci
    Bo wartko zażarzy byrna forantowo
    Nawet kej latarnik przi niyj drap niy stowo.
    --
    Ruda Śląska - stolica fraszki
  • broneknotgeld 23.07.13, 22:51
    203 schody

    Dwiesta trzi schody - wiyrch blizy kusi
    Dwiesta trzi schody - wlyźć czowiek musi
    Z wiyrcha na cypel helski podziwać
    Z wiyrcha z daleka szifom pokiwać.
    --
    Ruda Śląska - stolica fraszki
  • broneknotgeld 22.07.06, 12:02
    "Borowsko Bliza"

    W Jastarni-Borze łona stanyła
    Geld prawie słali z Francyji
    Szifom pomocno w tych czasach była
    Z niom myni tu tragedyji.
    --
    forum.gazeta.pl/forum/71,1.html?f=28940
  • broneknotgeld 22.07.06, 12:04
    "Borowsko Bliza" 15.XII.1872

    Już na połwyspie łona rozblysko
    I choć z daleka niy widać
    Niyjedyn rybok cosik z niom zyskoł
    Toż i rym ło tym trza mi dać.
    --
    forum.gazeta.pl/forum/71,1.html?f=28940
  • broneknotgeld 22.07.06, 12:07
    "Borowsko Bliza" 1936

    Już światła blizy z tym rokym ni ma
    Żol - ano tako se stało
    Na Gorze Szwedow nowo chcom czimać
    Możno to zdo sie za mało?
    --
    forum.gazeta.pl/forum/71,1.html?f=28940
  • broneknotgeld 22.07.06, 12:11
    Wspominka z Jastarni

    Ech - bliza była
    W Jastarni-Borze
    Dyć se straciyła
    Wrocić niy może.
    --
    forum.gazeta.pl/forum/71,1.html?f=28940
  • broneknotgeld 22.07.06, 12:14
    Bliza na Gorze Szwedow 1936

    W ty szeli tako latarnio drugo
    W czidziestym szostym stanyła
    Ze tym "Borowsko" już nom niy mrugo
    Ta przeca jom zastompiyła.
    --
    forum.gazeta.pl/forum/71,1.html?f=28940
  • broneknotgeld 22.07.06, 12:16
    Wieża blizy na Gorze Szwedow

    Toż przeca łona yno kratowo
    Żodyn laterny niy nadzorowoł
    Stykło co z Helu czimali piecza
    Tako ze jejich jakby tyż neca.
    --
    forum.gazeta.pl/forum/71,1.html?f=28940
  • broneknotgeld 22.07.06, 12:17
    Na Gorze Szwedow 1936-1991

    Szejśćdziesiont piyńć rokow nom bliza świyciyła
    W końcu wyłonczyli - tako se straciyła.
    --
    forum.gazeta.pl/forum/71,1.html?f=28940
  • broneknotgeld 22.07.06, 12:21
    Co łostało?

    Niy cołkym wieża zdemontowali
    Toż niyciekawe świadectwo dali
    Zdo sie to straszyć dzisioj w ty szteli
    A możno tako mieć tukej chcieli?
    --
    forum.gazeta.pl/forum/71,1.html?f=28940
  • broneknotgeld 22.07.06, 12:23
    Czecio bliza 1938-1939

    Toż postawiyli wieża kratowo
    Już se świyciłą - dowom wom słowo
    Dyć prziszła wojna i ta szpryngnyli
    Niymcom ty blzy niy łostawiyli.
    --
    forum.gazeta.pl/forum/71,1.html?f=28940
  • broneknotgeld 22.07.06, 12:25
    Szworto bliza

    We dwudziestego wieku połowie
    Stowiać już szworto chycioł se czowiek
    Wieża ze buczka "Stilo" zabrali
    Tu se przidała i służy dali
    Ze niyj laterna nowo nom mrugo
    Na mil piytnoście świyci dość dugo.
    --
    forum.gazeta.pl/forum/71,1.html?f=28940
  • broneknotgeld 24.07.13, 09:06
    "Borowsko Bliza" - 15.XII.1872

    Bliza dźwigli w Helu-Borze
    Coby tu świyciyłą w morze
    Choć po prowdzie - niydaleko
    Co we końcu jom tu czeko?
    --
    Ruda Śląska - stolica fraszki
  • broneknotgeld 24.07.13, 12:13
    Borowsko Bliza - 1936

    Już niy świyci - wyłonczyli
    Gora Szwedow łoświyciyli.
    --
    Ruda Śląska - stolica fraszki
  • broneknotgeld 24.07.13, 12:14
    Borowsko Bliza - IX.1939

    Ano - we wrześniu cołkym już skono
    Przez polske wojsko tukej szpryngniono.

    --
    Ruda Śląska - stolica fraszki
  • broneknotgeld 24.07.13, 12:16
    Gora Szwedow - 1936

    Na Gorze Szwedow bliza znojdziecie
    Ta drugo wojna nawet strzimała
    Dyć już niyczynno - tref tako plecie
    Maszt ciyngym stoji - choć niy na chwała.

    --
    Ruda Śląska - stolica fraszki
  • broneknotgeld 24.07.13, 12:17
    Na Gorze Szwedow

    Na Gorze Szwedow maszt blizy straszy?
    -Tela łostało z latarni naszy.
    --
    Ruda Śląska - stolica fraszki
  • broneknotgeld 24.07.13, 12:22
    Bliza Jastarnio 1938-1939

    Przed samom wojnom nowo stowiali
    Dyć jeji wieży Niymcom niy dali
    Bestoż jyj darmo w Jastarni szukej
    Choć na dwie wieże prawie pokukej.
    --
    Ruda Śląska - stolica fraszki
  • broneknotgeld 24.07.13, 12:24
    Bliza Jastarnio - 1950

    Buczka łod "Stilo" w niyj druge życie
    Toż historyjo - terozki wiycie.


    --
    Ruda Śląska - stolica fraszki
  • broneknotgeld 24.07.13, 12:25
    15 milow morskich

    Na tela w morze blyńdzi latarnio
    Znak dowo szifom co już Jastarnio.
    --
    Ruda Śląska - stolica fraszki
  • broneknotgeld 22.07.06, 22:00
    Rozewie

    Już we średniowieczu światło tu blyszczało
    Droga tym na morzu tako wskozywało
    Cosik ło tym przeca Kaszuby godajom
    Choć dowodow na to szkryfnionych niy majom.
    --
    forum.gazeta.pl/forum/71,1.html?f=28940
  • broneknotgeld 22.07.06, 22:04
    W siedymnostym wieku

    W siedymnostym wieku już bliza tu stoła
    Staro szwedzko mapa tako wyjawiyła
    Brać morsko zyjmanić se myni z tym boła
    We ćmoku brzeg przeca przed niymi jawiyła.
    --
    forum.gazeta.pl/forum/71,1.html?f=28940
  • broneknotgeld 22.07.06, 22:06
    Rozewie 1821

    Toż bliza kero do dzisioj stoji
    W tym roku zaczli budować
    Sztela rozewsko nom ciyngym stroji
    Możecie se forsztelować?
    --
    forum.gazeta.pl/forum/71,1.html?f=28940
  • broneknotgeld 22.07.06, 22:11
    Laterna rozewsko 1866

    Aparat Fresnela wtedy założyli
    Łolyj rzepakowy we niym już polyli
    Na godzina stykło sztyrdziści piyńć gram?
    Czy se polepszyło tako wszysko tam?
    --
    forum.gazeta.pl/forum/71,1.html?f=28940
  • broneknotgeld 22.07.06, 22:13
    Drugo bliza rozewsko

    Jak już we Czołpinie bliza postawiyli
    To i na Rozewiu drugo zbudowali
    Terozki se blaskym jejich niy mylyli
    Przeca skuli tego wszysko zdublowali.
    --
    forum.gazeta.pl/forum/71,1.html?f=28940
  • broneknotgeld 22.07.06, 22:17
    Dubeltowe światła

    Jena wele drugi stanyła se prawie
    Świycom blizy piyknie - dyć niy ku zabawie
    Tako te dwa jasne łoczka jejich jarzom
    Że aże stolymy ło takowych marzom.
    --
    forum.gazeta.pl/forum/71,1.html?f=28940
  • broneknotgeld 22.07.06, 22:22
    Rozewie 1910

    Toż ze tym rokym se pomiyniyło
    Ta bliza starszo w gora dźwignyło
    Byrna w laternie już na sztrom dali
    Bydzie nom gryfnie świycić ku fali

    A nowszo gaszom choć ciyngym stoji
    Już niy rozblyśnie - to se niy kroji
    Dyć na Rozewiu przeca łostała
    I niych tu bydzie - szteli na chwała.


    --
    forum.gazeta.pl/forum/71,1.html?f=28940
  • broneknotgeld 23.07.06, 11:36
    W ryncach Kristerów

    Do piyrszy wojny tako z tym było
    We familiji fach latarnika
    Jak Polska wlazła to se skończyło
    Na darmo ło to Kristerom rzykać.
    --
    forum.gazeta.pl/forum/71,1.html?f=28940
  • broneknotgeld 23.07.06, 11:39
    Leon Wzorek 1920-1939

    Toż w miyndzywojniu Lyjo tu rzońdzioł
    By szif we ćmoku zaś niy pobłońdzioł
    Nawet tabula jego jest tukej
    Toż przi okazji na nia pokukej.
    --
    forum.gazeta.pl/forum/71,1.html?f=28940
  • broneknotgeld 23.07.06, 11:41
    Leon Wzorek IX.1939

    Ano - dyć wojny z niego ofiara
    Trza ło tabula se było starać
    Tu przeca wachta łostatnio jego
    Pamiyńć niych jako te buka drzewo.
    --
    forum.gazeta.pl/forum/71,1.html?f=28940
  • broneknotgeld 23.07.06, 11:43
    Bliza Wzorków 1920-1985

    Tu familijo Wzorków se czimie
    Yno bez wojna inaczy
    We jejich ryncach bliza niy drzymie
    I na Pomorzu coś znaczy.
    --
    forum.gazeta.pl/forum/71,1.html?f=28940
  • broneknotgeld 23.07.06, 11:54
    Bliza im. Stefana Żeromskiego
    1.VII.1933

    Choć poniymiecko ta bliza była
    Podobnoś ze tym se upolszczyła
    Pisorz ze morzym tyż był zwionzany
    Toż i Rozewiu tako już dany.
    --
    forum.gazeta.pl/forum/71,1.html?f=28940
  • broneknotgeld 23.07.06, 11:57
    "Izba Żeromskiego" 26.VI.1938

    Prawie muzeum tukej łotwarli
    Cołkym pisorza do sia przigarli.
    --
    forum.gazeta.pl/forum/71,1.html?f=28940
  • broneknotgeld 25.07.06, 21:08
    Muzeum Latarnictwa

    Dyć te muzeum tu tyż znojdziecie
    Bestoż trza zwiydzać ta sztela
    Blizow we Polsce trocha jest przecie
    Dowiysz se ło nich tu wiela.

    --
    forum.gazeta.pl/forum/71,1.html?f=28940
  • broneknotgeld 25.07.06, 21:09
    "Dzieje latarnictwa morskego"

    Takom wystawom Rozewie kusi
    Zoglondnońć na nia niyjedyn musi.
    --
    forum.gazeta.pl/forum/71,1.html?f=28940
  • broneknotgeld 25.07.06, 21:12
    Ech te rozewske buki

    Richtig tu rosnom cos za wysoko
    Nad niymi światło ty blizy skoko
    Dyc chnet jom w gora dźwigać trza bydzie
    Bo jako szifom blyskać jyj przidzie?
    --
    forum.gazeta.pl/forum/71,1.html?f=28940
  • broneknotgeld 26.07.06, 15:21
    Rozewie 1978

    Cylindra se dorobiyła
    Łoziym metrow podźwignyła
    I laterna cołkym nowo
    To niy yno mie sie zdowo.
    --
    forum.gazeta.pl/forum/71,1.html?f=28940
  • broneknotgeld 26.07.06, 15:23
    33 metry

    Metrow tela już wysoko
    Z polskich blizow nojjaśniejszo
    W ćmoku cieszy zowdy łoko
    Dyć i bez dziyń z tym gryfniejszo.
    --
    forum.gazeta.pl/forum/71,1.html?f=28940
  • broneknotgeld 26.07.06, 15:25
    Z 26 mil morskich

    Szifowi światło jeji już blysko
    To szkryfnońć styknie przeca za wszysko.
    --
    forum.gazeta.pl/forum/71,1.html?f=28940
  • broneknotgeld 26.07.06, 19:37
    Pomorski zobytek 1972

    W registrze zobytkow pomorskich znojdziecie
    Tako dlo potomnych trza łostawić przecie
    Choćby i wygasła - ze Rozewiym bydzie
    Na zatrata nigdy niych istno niy przidzie.
    --
    forum.gazeta.pl/forum/71,1.html?f=28940
  • broneknotgeld 26.07.06, 19:42
    Rozewie satelitarne

    Tako w Rozewiu jako w Dźiwnowie
    Mo satelita blizy we "gowie"
    Niy yno szify ze tym znojdziecie
    Świat w przodek leci bo ciyngym chcecie.
    --
    forum.gazeta.pl/forum/71,1.html?f=28940
  • broneknotgeld 26.07.06, 19:44
    Odznaka "Blizy"

    Chcecie odznaka "Blizy" se zdobyć
    Trza na Rozewiu trocha wom pobyć
    Bliknońć se na świat tukej z wysoka
    Toż to uciecha zowdy dlo łoka.
    --
    forum.gazeta.pl/forum/71,1.html?f=28940
  • broneknotgeld 24.07.06, 17:46
    Rozewske buki

    Durś chcom zasłonić światło ty blizy
    Bestoż se rosnom coroz to wyży
    Ty historyji pewno niy znocie
    Tako dyć ło tym tu poczytocie

    --------------------------------

    We czas "potopu" wszysko se dzioło
    Jak Szwedy tukej wylondowali
    Niy było w Polsce richtig wesoło
    Wiela jyj przeca niyszczyńścio dali

    Po blisku Puck se pierońsko bronioł
    Wojska szewdzkego było tu wiela
    Dyć jedyn oddział tukej zagonioł
    Kaj latarnika wtedy już sztela

    Z blizy jak zowdy szło światło w morze
    Istny swojego fachu pilnowoł
    Ze tym niyszczyńście prziszło - moj Boże
    Toż se im borok wrogym wydowoł

    Blask blizy mog być nawet sygnałym
    Kery by wysłoł jakiś łodsieczy
    Na nic se jego godki im zdały
    -Co trza go nawet przeca ty keczy

    Toż rapierami chopa zażgali
    Na łoczach lipsty co jymu pszoła
    Z tym klontwa jeji na siebie brali
    Srogo bo przeca śmierć jom łogrzoła

    Tako jak stoli w drzewa już miyniom
    Liście ze palcow bukowe rosnom
    Szłapy se w ziymi drapko korzyniom
    Do dzisioj szumiom ło tym ze wiosnom

    Światło laterny durś chcom zadusić
    Podobnoś wtedy klontwa złomano
    Dyć czy zło w dobro idzie łobrocić?
    -Deliberuja nad tym co rano.

    --
    forum.gazeta.pl/forum/71,1.html?f=28940
  • broneknotgeld 24.07.06, 17:55
    Wpiyrw 21,3 m

    Tako wysoko tu piyrszo wieża
    Dzisioj już tego jo niy wymierza
    Bo wiela razy przebudowano
    Blizy terozki tym chmurom dano.

    --
    forum.gazeta.pl/forum/71,1.html?f=28940
  • broneknotgeld 24.07.13, 22:10
    Rosehoned XV w.

    We flamandzki locji tako łopisany
    Zyjmanom ze światłym na Bałtyku dany.
    --
    Ruda Śląska - stolica fraszki
  • broneknotgeld 24.07.13, 22:13
    Rosehoned 1696

    Na szwedzki mapie tyż uwidzicie
    Był za latarniom - tymu wierzycie.
    --
    Ruda Śląska - stolica fraszki
  • broneknotgeld 24.07.13, 22:39
    Cera Franka

    Frank - szwedzki kupiec wiela handlowoł
    W Szwecyji zboże polske sprzedowoł
    Profitu wiela ze tego było
    Dyć roz niyszczyńście epne trefiyło

    Ano, we burza żagle potracioł
    Fran kaj Rozewie z tym życie stracioł
    Wiela zyjmanow sie potopiyło
    Cera z niym była - co jyj trefiyło?

    Fest do Ponboczka istno rzykała
    Fala we topiel jom niy zabrała
    Morze sie jakby ulitowało
    I kaj Rozewie londowi dało

    Toż mody rybok znod jom, kurowoł
    Co było trzeba ze duszy dowoł
    I z niym na zowdy istno łostała
    Z niym dziecek wiela dziedzinie dała

    Dyć zowdy w nocy - sie zodziwicie
    Łogyń na gorce polyła - wiycie
    Coby zyjmany go uwidzieli
    Coby retnyli możno z topieli

    Kej cera Franka legnyła w grobie
    Choć familijo po niyj w żałobie
    Dziecka jak łona łogyń polyły
    Po nich zaś wnuki jyj za to wziyły

    Tako sie dzioło tu przed wiekami
    Niym bliza dźwigli toż wiycie sami
    Dzisioj fest asi sie niom dziedzina
    We Polsce starszy łod niyj dyć niy ma.
    www.facebook.com/photo.php?fbid=522952454420692&set=a.482128675169737.1073741825.427827820599823&type=3&theater
    --
    Ruda Śląska - stolica fraszki
  • broneknotgeld 25.07.13, 14:22
    Latarnio Rozewie 1821

    Rewsko bliza prawie dźwigajom
    Dwadziścia metrow z hokym - niy bajom
    Kaj piyrwyj łogyńzowdy polyli
    Daleko w morze bydom świyciyli.
    --
    Ruda Śląska - stolica fraszki
  • broneknotgeld 25.07.13, 14:26
    Latarnio Rozewie - 15.XI.1822

    Lampy Arganda blask ślom we morze
    Rozewie tako prawi "Śzczyńść Boże"
    Piytnoście lampow - zdo sie dość wiela
    Dyć potrza richtig tu prawie tela.
    --
    Ruda Śląska - stolica fraszki
  • broneknotgeld 25.07.13, 14:29
    Bliza Rozewie - 1866

    Aparat Fresnela do laterny kładom
    Łolyj ze rzepoku - na tym dali "jadom"
    Dwadziścia mil z hokym światło z morza widać
    Kej blyszczy zyjmanow myni tropi biyda.
    --
    Ruda Śląska - stolica fraszki
  • broneknotgeld 25.07.13, 14:31
    Dwie latarnie rozewske - 1875

    Bliza w Czołpinie z tym rokym świyci
    Jako rozewsko - tref tako klyci
    Toż wartko stanie latarnio drugo
    Niych dubeltowo Rozewie mrugo.
    --
    Ruda Śląska - stolica fraszki
  • broneknotgeld 25.07.13, 14:44
    Drugo latarnio rozewsko - 1875

    Łośmioboczno wieża, z cegły, tynkowano
    Niydaleko piyrszy ta drugo stowiano
    Chnet metrow trzidzisci - latarnio wysoko
    Petronelym polom - światło cieszy łoko
    Dach kukfrowy jeji wartko zzielynieje
    Mur "apruzinowy" cieszy kej już dnieje
    Dyć w nocy dwie blizy "Rozewie!" wołajom
    Tako znak zyjmanom we morze dowajom.
    --
    Ruda Śląska - stolica fraszki
  • broneknotgeld 25.07.13, 14:47
    Latarnio Rozewie - 1910

    Kej buki wyrosły, kej światło chcom zdusić
    Tako staro bliza podźwigać sie musi
    Piyńć metrow w wiyrch styknie? Sie zdo niy za wiela
    Dyć prawie z tym rokym podźwigali tela.

    --
    Ruda Śląska - stolica fraszki
  • broneknotgeld 25.07.13, 14:50
    Byrna na sztrom - 1910

    Kej bliza dźwignyli byrna na sztrom dali
    Sygnał jeji inkszy z tym leci na fali.
    --
    Ruda Śląska - stolica fraszki
  • broneknotgeld 25.07.13, 14:54
    Drugo latarnio - 1910

    Trzidziści piyńć rokow blask morzu dowała
    Teroz wygaszono - dyć stoji na chwała
    Do dzisioj w Rozewiu jom przeca znojdziecie
    Toż możno tyż na nia terozki kukniecie.

    --
    Ruda Śląska - stolica fraszki
  • broneknotgeld 25.07.13, 14:57
    Latarnio im. Stefana Żeromskiego - 1933

    Ano, Żeromski ta bliza znoł
    Toż miano swoje tako jyj doł
    Tabula ło tym cosik ci prawi
    Już polske dzieje latarni jawi.
    --
    Ruda Śląska - stolica fraszki
  • broneknotgeld 25.07.13, 15:01
    Latarnio Rozewie - 1938

    Jest ło Żeromskim już tu wystawa
    Zdo sie muzeum - ciekawo sprawa.
    --
    Ruda Śląska - stolica fraszki
  • broneknotgeld 25.07.13, 15:03
    Izba Pamiyńci Stefana Żeromskiego

    Prawie Rozewie niy przepomniało
    Istny mo Izba durś tukej cało.
    --
    Ruda Śląska - stolica fraszki
  • broneknotgeld 25.07.13, 15:07
    Muzeum Latarnictwa

    Dość wiela blizow momy na brzegu
    Mustrym niymieckim stojom w szeregu
    Pora za Polski tyż podźwigali
    Co było cieszy łoko tu dali
    Byrny, soczewki, aparatura
    Piyrwyj blyńdziyły - blask lecioł w chmurach
    Niyjedna zdo sie durś majstersztykym
    Toż na Rozewiu niy łomiń blikym.
    --
    Ruda Śląska - stolica fraszki
  • broneknotgeld 25.07.13, 15:09
    Latarnio Rozewie - 1978

    Juzaś latarnio dźwigli niymało
    Dyć sie tym bukom rosnońć durś chciało.
    --
    Ruda Śląska - stolica fraszki
  • broneknotgeld 23.07.06, 19:06
    "Strażniczka Mierzeji"

    Tako tyż zowiom krynicko bliza
    Toż teroz do niyj se rymym zbliża.
    --
    forum.gazeta.pl/forum/71,1.html?f=28940
  • broneknotgeld 23.07.06, 19:08
    Niy było

    Miyndzy Helym a Pilawom
    Durś blizy niy było
    Coś za dugo se z tym bawiom
    Dyć w końcu ruszyło.
    --
    forum.gazeta.pl/forum/71,1.html?f=28940
  • broneknotgeld 23.07.06, 19:14
    Krynicko bliza 1894

    Edward Stach z Elblonga ta wieża bajstlowoł
    Na gzyms i postumynt Drezno granit dało
    Ze cegły licowy tyż majster murowoł
    Aże na czerwono we słonku blyszczało

    Laterna ze Gdańska - optyka z Berlina
    Co nojlepsze wtedy ta bliza dostała
    Tako radowała se richtig dziedzina
    Ze końcym z Krynicy światło morzu dała.

    --
    forum.gazeta.pl/forum/71,1.html?f=28940
  • broneknotgeld 23.07.06, 19:15
    Krynicko bliza 1.V.1895

    Blyszczy z daleka - mil łoziymnoście
    We łobie strony - lepszy niy proście.
    --
    forum.gazeta.pl/forum/71,1.html?f=28940
  • broneknotgeld 23.07.06, 19:19
    Krynicko bliza 1895-1945

    Piyńćdziesiont rokow sztela krasiyła
    Niymcy jom Ruskom niy dali
    Tako historio se jyj skończyła
    Swoje z Krynicy zabrali?

    --
    forum.gazeta.pl/forum/71,1.html?f=28940
  • broneknotgeld 23.07.06, 19:21
    Krynicko bliza 1945

    Ech - wleźli na nia ruske sołdaty
    Możno ich powiod tam czort rogaty
    Dyć bliza była zaminowano
    Tako z istnymi w luft zaroz dano.
    --
    forum.gazeta.pl/forum/71,1.html?f=28940
  • broneknotgeld 23.07.06, 19:22
    "Krynicki ćmok" 1945-1948

    Żol zocny blizy - światła tu trza
    Ciynżko wyczimać bez tego - pra?
    --
    forum.gazeta.pl/forum/71,1.html?f=28940
  • broneknotgeld 23.07.06, 19:25
    Bliza "Bałtyk" 1948

    Na wieżyczce pynsjonatu światełko se poli
    Dyć to przeca durś za mało - niy ma co sie smolić
    Yno bliza nowo stowiać bo trza jom naprowdy
    Drapci chciyjcie wyrychtować - mo być tu na zowdy.
    --
    forum.gazeta.pl/forum/71,1.html?f=28940
  • broneknotgeld 23.07.06, 19:26
    Już rychtujom

    Politechnika Gdańsko se tropi
    Puzyna tako wszyskim keruje
    Czego se chyci dyć niy utopi
    Bliza uczelnio zaprojektuje.
    --
    forum.gazeta.pl/forum/71,1.html?f=28940
  • broneknotgeld 23.07.06, 19:29
    25.VIII.1951

    Gdański Urzond Morski mioł w tyn dziyń tu świynto
    To dyrechtor Wallas przeca zapamiyntoł
    Toż blysnyła piyknie - richtig we tym grajfka
    Niy szło yno ło to że łon przetnoł szlajfka.
    --
    forum.gazeta.pl/forum/71,1.html?f=28940
  • broneknotgeld 23.07.06, 19:31
    25.VIII.1951 - 25.VIII.2006

    Piyńćdziesiont piyńć rokow - gyburstag tyż zocny
    Tako go pokropia richtig czymsik mocnym.
    --
    forum.gazeta.pl/forum/71,1.html?f=28940
  • broneknotgeld 23.07.06, 19:33
    Radjolatarnio krynicko 1957-1997

    "KM" - tyn sygnał ta bliza miała
    Toż Morse'ym w eter go przesyłała.
    --
    forum.gazeta.pl/forum/71,1.html?f=28940
  • broneknotgeld 24.07.06, 16:42
    Krynicko bliza 1996

    Z tym rokym była remontowano
    I na czerwono posztrajchowano
    Jako ta piyrszo - daleko mrugo
    Dyć pamiyntejcie - łona tu drugo.
    --
    forum.gazeta.pl/forum/71,1.html?f=28940
  • broneknotgeld 24.07.06, 16:44
    We środku Krynicy Morski

    Piyrszo za Krynicom stoła
    Drugo tyż w tym miejscu
    Dyć se idzie to zawołać
    -We miasta już sercu!
    --
    forum.gazeta.pl/forum/71,1.html?f=28940
  • broneknotgeld 24.07.06, 16:45
    Zwiydzejcie

    Wandrusom dźwiyrza tu łotwiyrajom
    I wczasowiczom w Krynicy pszajom
    Tako ta bliza zowdy zwiydzejcie
    Ze chyńciom geld tyż na bilet dejcie.
    --
    forum.gazeta.pl/forum/71,1.html?f=28940
  • broneknotgeld 25.07.13, 22:52
    Kahlberg

    Kaj piyrwyj osada łode Prusow wodza
    Kero dyć Krziżaki ze ziymiom zrownali
    Kaj jantarym darzy durś Bałtyka woda
    Tam Kahlberg ryboki juzaś podźwigali

    Możno skuli tego co ranki tu kalne
    Choć we roku słonka zdo sie richtig wiela
    Miejsce na mierzeji przeca richtig fajne
    Toż z czasym urośnie ździybeczko ta sztela.
    --
    Ruda Śląska - stolica fraszki
  • broneknotgeld 25.07.13, 22:54
    Kahlberg-Liep - VII.1843

    Blumenthal rejyncji kwidzyński szefowoł
    Toż sie Kahlberg tymu wcale niy dziwowoł
    Co istny w tym czasie z urzyndu zaziyro
    I ofyn tu kurort nadmorski łotwiyro.
    --
    Ruda Śląska - stolica fraszki
  • broneknotgeld 25.07.13, 23:01
    Kurort Kahlberg

    Z Elblonga już piyrwyj tukej przipływali
    I ze gdańska nawet tu w wodzie toplali
    Tymu niy dziwejcie - tako kurort rośnie
    Dychnie sie niyjedyn - to szkryfna radośnie.
    --
    Ruda Śląska - stolica fraszki
  • broneknotgeld 25.07.13, 23:05
    "Kompielisko Morske Kahlberg" - 1876

    A dyć take miano społka nowo nosi
    Gyszeft elblonżanom sie wartko rozwijo
    Kierzy tu chcom dychnońć - Kahlberg do sia prosi
    Ty szteli dyć przeca słonko niy łomijo.
    --
    Ruda Śląska - stolica fraszki
  • broneknotgeld 25.07.13, 23:13
    Miyndzy Helym a Piławom

    Miyndzy Helym a Piławom
    Zyjman cimom trocha tropioł
    Rejs dyć niy jest mu zabawom
    Widziołby coś kejby popioł

    Dyć jest cima przi mierzeji
    Na mil morskich poranoście
    Ślimtać komuś wele keji?
    Bliza! Bliza drap tu wroźcie!
    --
    Ruda Śląska - stolica fraszki
  • broneknotgeld 25.07.13, 23:15
    Berlin - 4.V.1893

    Toż sie stało - dali zgoda
    Coby bliza drap stanyła
    Kaj we nocy ćmok i woda
    Zyjmanom tako blysnyła.
    --
    Ruda Śląska - stolica fraszki
  • broneknotgeld 26.07.13, 21:44
    Kamyń wyngelny - VI.1894

    Stach z Elblonga mioł budować
    Prosiyli kajzera nawet
    Coby kamiyń zamurować
    -Niy przijechoł Wiluś prawie

    Dyć robota sie polyła
    Co być miało szło we gora
    Bliza fest potrzebno była
    Kaj zyjmanom "ciymno dziura"

    Ze Matarni gdański cegła
    Granit drezno tako dało
    Gdańsk tyż dźwignoł tu laterna
    Braci Picht ampla niymało

    Rok wystyknoł - podźwigali
    Blysk na mile w morze leci
    Wiela tym uradowali
    -Tref zyjmanom lepszy kleci.


    --
    Ruda Śląska - stolica fraszki
  • broneknotgeld 26.07.13, 21:46
    1 maja 1895

    Ano, z tym dniym już łoddano
    Bliza gryfno, fest ceglano
    Dyć tyż siwo skiż granitu
    Rod jest Kahlberg? -Po co pytom.
    --
    Ruda Śląska - stolica fraszki
  • broneknotgeld 26.07.13, 21:51
    18 Mm

    Blysko w morze dość daleko
    Dwie sekundy - krotko tako
    Szif niyjedyn na to czeko
    Pauza - sztyry - durś jednako

    Z milow morskich łosiymnostu
    W morzu blyski jeji widać
    Kahlberg już niy "ciymnom krostom"
    Mustrym terozki trza by dać.
    --
    Ruda Śląska - stolica fraszki
  • broneknotgeld 26.07.13, 21:53
    48 m n.p.m.

    Dziewiytnoście metrow wieża
    Wydma tyż niy tako mało
    Lecioł blysk w morze z wybrzeża
    Szif uwidzioł - pomogało.
    --
    Ruda Śląska - stolica fraszki
  • broneknotgeld 26.07.13, 22:11
    Na brynol 1895-1928

    Trzidziści lot z hokym bynzolym polyli
    Chocioż takom amplom tyż czasym tropiyli
    Kej dysze palnika trza pucować czynsto
    Przerwy przitrefiały tukej coś za gynsto.
    --
    Ruda Śląska - stolica fraszki
  • broneknotgeld 26.07.13, 22:16
    5.XII.1928

    Już na gaz laterna i blask wiynkszy tako
    Roboty tyż myni - bestoż niyjednako
    Dyć co bynzolowe w rezerwie łostało
    Podobnoś we zima czasym przidowało.
    --
    Ruda Śląska - stolica fraszki
  • broneknotgeld 26.07.13, 22:26
    Utropa we zimie

    Utropa we zimie - szyby łoblodzajom
    Bliza blyńdzi słabo - wcale wom niy bajom
    Toż wietrzom laterna i niydogrzywajom
    Swiatłu to na dobre - ludzie gorzyj majom.
    --
    Ruda Śląska - stolica fraszki
  • broneknotgeld 26.07.13, 22:28
    Latarnio Kahlberg - 1938

    Z tym rokym blizie sztrom pociongnyli
    Radzi ze tego pewnikym byli
    Byrna niy palnik - wiela wygody
    Blysku pewniejsze bałtycke wody.
    --
    Ruda Śląska - stolica fraszki
  • broneknotgeld 28.07.13, 15:07
    Przez drugo wojna

    Przez drugo wojna bliza zetrwała
    Dyć szczyńścio cołkym jednak niy miała
    Bo sie w sztyrdziestym piontym straciyła
    Cołke poł wieku w Kahlbergu była.
    --
    Ruda Śląska - stolica fraszki
  • broneknotgeld 28.07.13, 15:09
    3.V.1945

    Toż ruske wojsko ze tym dniym tukej
    Już niymieckego wcale niy szukej
    Bliza durś stoji - przeca niydugo
    Zły tref terozki do niyj zamrugo.
    --
    Ruda Śląska - stolica fraszki
  • broneknotgeld 28.07.13, 15:12
    Szpryngniono

    Ano - szpryngniono - pobojowiska
    Podminowane dyć było wszysko
    Ruske wojoki z tym potracone
    Choć wojny przeca prawie był koniec.
    --
    Ruda Śląska - stolica fraszki
  • broneknotgeld 28.07.13, 15:13
    Krynicki cmyntorzyk

    Przi blizie prawie cmyntorzyk mały
    Tych kierzy życie tukej straciyli
    Dlo nich sie skończoł ze tym świat cały
    Cegła i granit durś wroge były.
    --
    Ruda Śląska - stolica fraszki
  • broneknotgeld 28.07.13, 15:16
    "Łysica"

    Niymce ze kurortu drap pouciykali
    Dyć Kahlberg uciyrpioł - Ruski "używali"
    Poleku zaś życie łod nowa wrocało
    I sztela ze polska tako mianowało.

    --
    Ruda Śląska - stolica fraszki
  • broneknotgeld 28.07.13, 15:22
    Wioska rybokow

    Ano - pynsjonaty poszły w zatracynie
    Szczyńściym fiszow tukej durś niy brakowało
    Toż poleku dźwigo - tref mo tyż sumiynie
    Bydzie niyjednego jeszcze radowało.
    --
    Ruda Śląska - stolica fraszki
  • broneknotgeld 28.07.13, 15:27
    "Bałtyk" blizom

    Niy dziwejcie tymu - pynsjonat wysoko
    Toż w ćmoku już kuko tam ryboka łoko
    Dziesiyńć milow morskich leci swiatło w morze
    W komunie na morzu tyż godo "Szczyńść Boże".
    --
    Ruda Śląska - stolica fraszki
  • broneknotgeld 28.07.13, 15:29
    Latarnio w Łysicy - 1951

    Niydaleko piyrszy zaś bliza stanyła
    Dyć laterna wyżyj terozki źwignyła
    Z betonikow dźwigli, miejscami zbrojyli
    No i na czerwono co siwe sztrajchnyli.
    --
    Ruda Śląska - stolica fraszki
  • broneknotgeld 28.07.13, 15:35
    Ze 53 m n.p.m.

    Byrna tysionc watow ze laterny blysko
    Dwadziścia mil morskich - prawie tako wszysko
    Dwa razy dwa blyski som dwusekundowe
    Po tym pauza dugszo - spokopi drap czowiek.
    --
    Ruda Śląska - stolica fraszki
  • broneknotgeld 28.07.13, 15:38
    Łysica - 25.VIII.1951

    Z tym dniym szlajfka przetli
    Z tym dniym bliza świyci
    Czy sie kajsik wetli
    Co tref tako sklyci?

    Wartko lecom roki
    Trzecie tysionclecie
    W blizie ciyngym kroki
    Blyńdzi jako chcecie.
    --
    Ruda Śląska - stolica fraszki
  • broneknotgeld 28.07.13, 15:41
    Krynica Morsko - 1958

    Wioska na mierzeji juzaś podźwigano
    Juzaś jako kurort ciyngym budzi rano
    Letnikow prziciongo bursztynowom plażom
    Kej roz tukej trefiom niyroz choć zamarzom.
    --
    Ruda Śląska - stolica fraszki
  • broneknotgeld 28.07.13, 15:47
    Radjolatarnio "KM" - 1956-1997

    "Kropka, kryska, kryski trzi"
    Toż Krynica - kożdy wiy
    Ktoś alfabet Morse'a znoł
    I latarni tako pszoł.
    --
    Ruda Śląska - stolica fraszki
  • broneknotgeld 28.07.13, 15:48
    Krynica Morsko bioło-czerwono

    Wieża czerwono - laterna bioło
    Tym tyż we morze ta bliza woło
    Kej szif jom widzi - już wiy - Krynica
    Bioło-czerwone durś jeji lica.
    --
    Ruda Śląska - stolica fraszki
  • broneknotgeld 28.07.13, 15:53
    Krynicko bliza

    Dyć wandrusowi łotworzy dźwiyrza
    Zaprosi do sia krynicko bliza
    Siył niychej styknie - czekajom schody
    Yno poleku kej żeś niymody

    Z wiyrchu pokukosz na połne morze
    Zalyw Wiślany tyż ci pokoże
    Za niym już przeca Frombork, Tolmicko
    Na zachod kukniesz - Gdańsk z dalsza blysko.
    --
    Ruda Śląska - stolica fraszki
  • broneknotgeld 24.07.06, 17:58
    Czołpino

    Miyndzy Łebom a Rowami Czołpino znojdziecie
    Pewno tam tyż zocno bliza łodwiydzić zechcecie
    Toż łod czyrwca aż do siyrpnia idzie wlyźć na gora
    I dziwować se z wysoka choc niy cołkym w chmurach.
    --
    forum.gazeta.pl/forum/71,1.html?f=28940
  • broneknotgeld 24.07.06, 18:00
    Bliza w Czołpinie 1875

    Możno za te franki w złocie jom wybudowali
    Co Prusoki na Francuzach we wojnie wygrali.
    --
    forum.gazeta.pl/forum/71,1.html?f=28940
  • broneknotgeld 24.07.06, 18:03
    Czołpino 1872-1875

    Trocha to trwało niym tu stanyła
    Dyć przeca w miejscu łodludnym była

    Wysoko wydma kaj dwa jeziora
    I bliza z cegły co niy łod wczora.
    --
    forum.gazeta.pl/forum/71,1.html?f=28940
  • broneknotgeld 24.07.06, 18:05
    15.01.1875

    Już se ta bliza tu zablyszczała
    Tako zyjmanom tyż pokozała
    I choć sie wiela już pomiyniyło
    Zowdy przi jeji świetle to było.
    --
    forum.gazeta.pl/forum/71,1.html?f=28940
  • broneknotgeld 24.07.06, 18:07
    W laternie

    W laternie piyrwyj łolyj polyli
    Ze czasym byrna na sztrom wraziyli
    Tysioncwatowo łona wystyknie
    By światło w morze blyskało piyknie.
    --
    forum.gazeta.pl/forum/71,1.html?f=28940
  • broneknotgeld 24.07.06, 18:09
    E.Kummer

    Toż jom istny projektowoł
    Przeca gryfnie - se niy zdowo
    Wiela łona już szczimała
    I czasowi niy poddała.
    --
    forum.gazeta.pl/forum/71,1.html?f=28940
  • broneknotgeld 24.07.06, 18:11
    Aparat fresnela w laternie

    Piyńćdziesiont rokow swiycioł z latarni
    Niym go na byrna zmiyniyli
    Możno i światło dowoł łon marni
    Dyć trza by my go chwolyli.
    --
    forum.gazeta.pl/forum/71,1.html?f=28940
  • broneknotgeld 24.07.06, 18:13
    Chołpino 1926

    Tako laterna przebudowali
    Z tym rokym byrna na sztrom jyj dali
    "Made in France" ze tym i reszta
    Jako terozki tu Niymcow zbesztać?
    --
    forum.gazeta.pl/forum/71,1.html?f=28940
  • broneknotgeld 24.07.06, 18:16
    Na Baranku

    Na Baranku ta bliza stanyła
    Pora wydm przeca zowiom tu tako
    Łona za swe nojwiynkszo dyć wziyła
    Kożdy cieszoł sie z tego - niy płakoł.
    --
    forum.gazeta.pl/forum/71,1.html?f=28940
  • broneknotgeld 24.07.06, 18:19
    Na Park Słowiński

    Na Park Słowiński z niyj se dziwocie
    Jezioro Łebsko przeca poznocie
    I wydmow wiela tako tyż widać
    Dyć blik ku morzu jeszcze trza by dać.
    --
    forum.gazeta.pl/forum/71,1.html?f=28940
  • broneknotgeld 24.07.06, 18:21
    Łod 1994

    Łod tego roku zwiydzać jom idzie
    Toz niychej dali i tako bydzie
    Odznaki "Blizy" trza wom do szczyńścia
    Se zoglondnijcie - niy mocie wyńścia.
    --
    forum.gazeta.pl/forum/71,1.html?f=28940
  • broneknotgeld 28.07.13, 19:04
    "Baranki"

    Kaj wydmy "Baranki" latarnio stowiajom
    Cegła, cymynt, wszysko łod morza dowajom
    Tymu niy dziwejcie - ze londu utropa
    Drogi tam niy było - toż tako spokopia.
    --
    Ruda Śląska - stolica fraszki
  • broneknotgeld 11.08.13, 15:20
    Idzie sie dziwać

    Blizie w Czołpinie dziwać sie idzie
    Wojny strzimała, niych zowdy bydzie.

    --
    Ruda Śląska - stolica fraszki
  • broneknotgeld 11.08.13, 15:31
    Chnetko do kōńca

    Chnetko do kōńca w dwudziestym wieku
    Tu latarniki mieszkali
    Dyć już niy teroz, wiydz to człowieku
    Niywiela tu „używali”.

    --
    Ruda Śląska - stolica fraszki
  • broneknotgeld 11.08.13, 15:38
    Czołpino 2010

    Już latarnika cołkym niy trzeba
    Już tu niy musi być bliżyj nieba
    Na światło niy trza durś pozor dować
    Tym już niy tropi czowieka gowa.


    --
    Ruda Śląska - stolica fraszki
  • broneknotgeld 11.08.13, 15:39
    Kaj Gardno, kaj Łebsko, przepiykne jeziora
    Pośrodku znojdziecie tam bliza – niy zmora.

    --
    Ruda Śląska - stolica fraszki
  • broneknotgeld 11.08.13, 15:39
    Miyndzy jeziorami

    Miyndzy jeziorami Czołpino znajdziecie
    We Słowińskim Parku – kej tu trefić chcecie
    Na wydmie co zdo sie richtig dość wysoko
    Kuknijcie – ta bliza uraduje łoko.

    --
    Ruda Śląska - stolica fraszki
  • broneknotgeld 11.08.13, 15:40
    Kej zwiydzosz blizy

    Kej zwiydzosz blizy bydziesz w Czołpinie
    Przeca latarni ty niy łominiesz.

    --
    Ruda Śląska - stolica fraszki
  • broneknotgeld 11.08.13, 15:43
    Czołpino 15.I.1975

    Już w laternie polom - aparat Fresnela
    Na łolyj - w tym czasie to zdo sie za tela
    Na ćwierć setki metrow wieża wydźwigano
    Jakby jako baszta wydmie dokłodano.

    --
    Ruda Śląska - stolica fraszki
  • broneknotgeld 11.08.13, 15:46
    Czołpino 1926

    Z laterny wyciepli aparat Fresnela
    Cudo ze Francyji światło dowo teraz
    Tako już łostało na lata w Czołpinie
    Blysk na morze kładzie w słowiński dziedzinie.

    --
    Ruda Śląska - stolica fraszki
  • broneknotgeld 28.07.13, 19:25
    Twierdza Wisłoujście - 1482

    Wpiyrw drzewniano-ziymno była
    Dyć z tym rokym wzbogaciyła
    Sie ło wieża murowano
    Ku łobronie richtig dano

    Dyć szło na niyj łogyń skłodać
    Co by wiyncy wom tu godać?
    W tym latarnio Gdańsk mioł swoja
    Szkryfna tako - niy nabroja.
    --
    Ruda Śląska - stolica fraszki
  • broneknotgeld 28.07.13, 19:27
    Wisłoujście - 1758

    Z tym rokym na wieży już łognia niy polom
    Latarnio we porcie dźwignyli - jom wolom.
    --
    Ruda Śląska - stolica fraszki
  • broneknotgeld 28.07.13, 19:29
    Latarnio gdańsko - 1755

    Wele Brzeźna, w porcie prawie
    Latarnio dźwigajom
    Zdo sie możno wom ciekawe
    -Wonglym łopolajom.
    --
    Ruda Śląska - stolica fraszki
  • broneknotgeld 28.07.13, 19:31
    Z nabieżnikym

    Po prowdzie dwie były - kurs niy belejaki
    Kej sie kuplowały cuzamyn dwa znaki.
    --
    Ruda Śląska - stolica fraszki
  • broneknotgeld 28.07.13, 19:34
    Latarnio gdańsko - 1817

    Na latarni teroz polom epne świyce
    W laternie już prawie, niy inaczy - wiycie.
    --
    Ruda Śląska - stolica fraszki
  • broneknotgeld 29.07.13, 09:28
    Latarnio gdańsko - 1819

    Świyce niy na dugo we laternie były
    Terzo trzi palniki gazowe świyciyły
    Dyć z czasym dwa jeszcze tam dokuplowali
    Cuzamyn piyńć tako - światło leci dali.
    --
    Ruda Śląska - stolica fraszki
  • broneknotgeld 29.07.13, 09:30
    Nabieżnik - 1825

    Kej piyńć palnikow na gaz świyciyło
    Ze nabieżnika światło straciyło.
    --
    Ruda Śląska - stolica fraszki
  • broneknotgeld 29.07.13, 09:34
    Latarnio gdańsko - 1888

    Piyrszo na pruskim brzegu Bałtyku
    Ta bliza asi sie elektrykom
    Byrna w niyj świyci - blask niy gazowy
    Zdowo ci znakym już ery nowy
    Choć prawie teroz ta "para rzońdzi"
    Kery w sztom wierzy tyn niy pobłońdzi.

    --
    Ruda Śląska - stolica fraszki
  • broneknotgeld 29.07.13, 09:37
    Latarnio w Nowym Porcie - 1894

    A dyć zaś dźwigli latarnio nowo
    Byrna na sztrom w jyj laternie stowo
    Stoji do dzisioj - jyj podziwejcie
    Dyć blyskow w morze już niy czekejcie.
    --
    Ruda Śląska - stolica fraszki
  • broneknotgeld 29.07.13, 10:24
    "Kula Czasu"

    Kej dwanosto - leci w doł
    "Szklonka" - kapnoł nawet woł
    Jako tyn dzwon łokryntowy
    Słychać było kaj Port Nowy.
    --
    Ruda Śląska - stolica fraszki
  • broneknotgeld 29.07.13, 10:25
    Latarnio Nowy Port - 1921

    "Szklonek" słychać już niy było
    W radyjoku dyć dzwoniyło.
    --
    Ruda Śląska - stolica fraszki
  • broneknotgeld 29.07.13, 10:29
    Latarnio Nowy Port - 1984

    Dziewiyńdziesiont rokow blyńdziyła we morze
    Teroz już sie dychnońć prawie richtig może
    Toż jom wygasiyli - łoświyciyli nowo
    Tam kaj Port Połnocny gdańsko bliza stowo.
    --
    Ruda Śląska - stolica fraszki
  • broneknotgeld 29.07.13, 10:30
    Latarnio Nowy Port 2008

    "Kula Czasu" zaś w doł leci
    Tref ciekawie istny kleci.
    --
    Ruda Śląska - stolica fraszki
  • broneknotgeld 29.07.13, 10:33
    Latarnio Port Połnocny

    We Gierkowskich czasach już port budowany
    Jakby szyrszym łokym na świat Polsce dany
    Latarnio wysoko nad Kapitanatym
    Kozdymu sztimuje kej stanyło na tym.
    --
    Ruda Śląska - stolica fraszki
  • broneknotgeld 29.07.13, 10:37
    Port Połnocny - 18.VI.1984

    Blysko we zatoka na ćwierć setki milow
    Trzi blyski z przerwami - uwidziołch bez brylow
    Z polkich blizow łona nojmłodszo terozki
    Blysko w morze ciyngym - w tym niy dopust Boski.
    --
    Ruda Śląska - stolica fraszki
  • broneknotgeld 29.07.13, 10:40
    Niy zwiydzicie

    Ta latarnio niy zwiydzicie
    W porcie wartko leci życie
    Wandrus yno by tu wadzioł
    Toż niy bydzie drap paradzioł.
    --
    Ruda Śląska - stolica fraszki
  • broneknotgeld 29.07.13, 10:42
    Latarnio Port Połnocny - 2014?

    Trzidziści rokow ty blizie bydzie
    Trzidziści rokow - co ze tym przidzie?
    Możno zrychtujom tam "dziyń łotwarty"
    Trzidziści rokow - piykne mo karty.
    --
    Ruda Śląska - stolica fraszki
  • broneknotgeld 05.08.13, 16:51
    Piyrszo latarnio gdańsko tam była
    www.facebook.com/photo.php?fbid=10153131106090424&set=a.10150131641850424.392784.487587700423&type=1&theater
    Twierdza niy yno przeca broniyła.
    --
    Ruda Śląska - stolica fraszki
  • broneknotgeld 20.09.15, 12:17
    Skiż gyrow, niy gowy
    Tytuł honorowy
    Dyć niy byda wajać
    Blizom wiela pszaja.

    www.facebook.com/195759197165658/photos/a.278332652241645.64630.195759197165658/908944449180459/?type=1&theater
    --
    Ruda Śląska - stolica fraszki
  • broneknotgeld 29.07.13, 10:45
    Sopot - 1903

    Kaj wpiyrw gazownio zakład budujom
    W kerym sie ludzie teroz kurujom
    Tako tam było do drugi wojny
    W czas dlo Sopotu cołkym spokojny.
    --
    Ruda Śląska - stolica fraszki
  • broneknotgeld 29.07.13, 10:47
    Miejski Badyhaus 1945-1956

    Po drugi wojnie sie kompiom tukej
    Dzisioj już tego dyć darmo szukej.


    --
    Ruda Śląska - stolica fraszki
  • broneknotgeld 09.08.13, 18:16
    Lazaryt - 1956

    Kej cie tropiyła fest ryjmatyka
    Na darmo było w kościele rzykać
    Stykło kurować sie we Sopocie
    Tako i dzisioj - lazaryt mocie.
    --
    Ruda Śląska - stolica fraszki
  • broneknotgeld 09.08.13, 18:22
    Latarnio Sopot - 1977

    Komin wpiyrw tukej był lazarytu
    Dyć łod dwoch rokow w niym niy polyli
    Łobudowali - na cudo blikom
    Latarnio wiyrchym tako zrobiyli.


    --
    Ruda Śląska - stolica fraszki
  • broneknotgeld 09.08.13, 18:24
    Wieża widokowo

    Sie Sopotowi z niyj idzie dziwać
    Możno na molo komuś pokiwać
    Komin, latarnio, wieża widokow
    Z dołu i z gory cudym dlo łokow.
    --
    Ruda Śląska - stolica fraszki
  • broneknotgeld 09.08.13, 18:25
    Bliza w Sopocie
    Przi molo mocie
    Toż tam kukniecie
    Kej yno chcecie.
    --
    Ruda Śląska - stolica fraszki
  • broneknotgeld 12.08.06, 15:40
    Na stacji pilotów 1871

    Na stary stacji światło już blysko
    Lekci do portu dopłynońć
    Toż sxzif znak zocny z laterny zysko
    I Ustki niy chce łominońć.
    --
    forum.gazeta.pl/forum/71,1.html?f=28940
  • broneknotgeld 12.08.06, 21:48
    6 mil morskich

    Choć światło blyńdzi niy za daleko
    Se zyjman dowiy że port tu czeko
    Mioł dyć we zocy lampa naftowo
    Co we zły chwili nadzieja dowo.
    --
    forum.gazeta.pl/forum/71,1.html?f=28940
  • broneknotgeld 15.08.06, 12:10
    Nowo stacjo pilotow 1892

    Majom piloty już nowo sztela
    Przi falochronie wschodnim stanyła
    Z tym - jakby dlo nich tyż zocno "frela"
    Wieża wysoko tako stanyła
    Na kery wiyrchu laterna właśnie
    Światełko ze niyj przi ćmoku mrugo
    Toż niychej bliza nigdy niy zgaśnie
    I Ustka cieszy se istnom dugo.

    --
    forum.gazeta.pl/forum/71,1.html?f=28940
  • broneknotgeld 28.07.13, 18:08
    Kaj ujście Słupi

    Kaj ujście Słupi kwitnie port Ustki
    Pomorze tukej niy jako pustki
    Kwitnie we Prusach handel bałtycki
    Zdo sie co bydzie tako na wdycki.

    --
    Ruda Śląska - stolica fraszki
  • broneknotgeld 28.07.13, 18:10
    Latarnio 1871-1892

    Stacjo pilotow maszt miała mocny
    Bliza to była we porze nocny
    Co na czerwono ciyngym świyciyła
    W morze szejść milow tako siyngnyła.
    --
    Ruda Śląska - stolica fraszki
  • broneknotgeld 28.07.13, 18:14
    Latarnio 1892

    Stacjo pilotow nowo dźwignyli
    Ze ośmiobocznom wieżom, ceglano
    Wiyrchym laterna - w morze świyciyli
    Kej noc we Ustce - durś gaszom rano.

    --
    Ruda Śląska - stolica fraszki
  • broneknotgeld 28.07.13, 18:26
    Latarnio 15.XI.1945

    Kej drugo wojna bliza strzimała
    Zaś blyńdzi w morze - tym radowała
    Szify i kutry w porcie tutejszym
    Tako jest przeca po dziyń dzisiejszy.
    --
    Ruda Śląska - stolica fraszki
  • broneknotgeld 28.07.13, 18:28
    Postomino 1945-1946

    "Słupoujście" sie straciyło
    Toż ta bliza w Postominie
    Szczyńściym co niydugo było
    Tako w polski już dziedzinie.
    --
    Ruda Śląska - stolica fraszki
  • broneknotgeld 28.07.13, 18:31
    Latarnio w Ustce - 1.I.1947

    Z tym dniym już Ustka Polsce niy wadzi
    Brzegym Bałtyka tako paradzi
    Latarnio blysko kej zowdy w morze
    Z tym dniym tref Ustce pedzioł - Szczyńść Boże.
    --
    Ruda Śląska - stolica fraszki
  • broneknotgeld 28.07.13, 18:35
    We łostudzie

    Ustka z Łebom we łostudzie
    -Kero latym wiyrchym pódzie?
    Ustka z blizom - Łeba niy
    Kaj "stolica"? -Ktosik wiy?
    --
    Ruda Śląska - stolica fraszki
  • broneknotgeld 30.03.15, 07:55
    Zdo ciekawe
    Dom tu prawie.

    www.latarnica.pl/index.php/2015/03/stara-pieczec-ze-stara-ustecka-latarnia/
    --
    Ruda Śląska - stolica fraszki
  • broneknotgeld 05.08.13, 16:56
    Latarnio Jaroslawiec 1830

    Piyrszo latarnio tukej stanyła
    Dyć coś za nisko podobnoś była
    Toż sie chyciyli podźwigać nowo
    Teroz wysoko już richtig stowo.
    --
    Ruda Śląska - stolica fraszki
  • broneknotgeld 05.08.13, 16:59
    Latarnio Jarosławiec 1835-1838

    Drugo już prawie tukej budujom
    Cegłow na bliza niy pożałujom
    Toż podźwigano richtig wysoko
    Trzi gzymsy widzi tyż moje łoko.
    --
    Ruda Śląska - stolica fraszki
  • broneknotgeld 05.08.13, 17:01
    Jarosławiec - 33,3 m

    Trzi razy wiyncyj byłaby setka
    Dyć tu wystyknie - wcale niy betka
    Szify już swiatło widzom z daleka
    Zdo sie co woło bliza czowieka.


    --
    Ruda Śląska - stolica fraszki
  • broneknotgeld 05.08.13, 17:11
    Latarnio Jarosławiec 1.VII.1838

    Już blask leci z blizy nowy
    Polom łolyj rzepokowy
    Dyć sie teroz wyłobroźcie
    Lampow prawie tu piytnoście.


    --
    Ruda Śląska - stolica fraszki
  • broneknotgeld 05.08.13, 17:13
    Na gaz

    Gazym tukej tyż polyli
    W końcu sztromu dyć chyciyli.
    --
    Ruda Śląska - stolica fraszki
  • broneknotgeld 05.08.13, 17:15
    Latarnio Jarosławiec - 1908

    Prawie sztrom już pociongnyli
    Byrna tako łoświyciyli
    Kero tysionc watow miała
    Latarnika radowała.
    --
    Ruda Śląska - stolica fraszki
  • broneknotgeld 05.08.13, 17:18
    Jarosławiec - 1957

    Niy yno świyci, już - kryjolyjo!
    Tukej tyż radjonawigacyjo!
    --
    Ruda Śląska - stolica fraszki
  • broneknotgeld 05.08.13, 17:20
    Bliza Jarosławiec - 1975

    Sie sztyry byrny durś łobrocajom
    Po szejset watow terozki majom
    Toż światło w morze leci daleko
    Leci, dyć trzeba - bestoż niy czeko.
    --
    Ruda Śląska - stolica fraszki
  • broneknotgeld 05.08.13, 17:22
    Kuknij na bliza

    Żeś w Jarosławcu - kuknij do blizy
    Z niyj tyż - niy darmo tam bydziesz wyży.
    --
    Ruda Śląska - stolica fraszki
  • broneknotgeld 09.08.13, 16:38
    Piyrwyj tu wiela utropy było
    Piyrwyj – niym z blizy światło świyciyło.

    --
    Ruda Śląska - stolica fraszki
  • broneknotgeld 09.08.13, 16:40
    Jarosławiec XVIII/XIX w.

    Wioska rybacko - co tu sie dzioło?
    A dyć niy było zowdy wesoło
    Tu Bałtyk czynsto łodbiyroł życie
    Tropioł zyjmanow - pewnikym wiycie.
    --
    Ruda Śląska - stolica fraszki
  • broneknotgeld 09.08.13, 17:36
    Jarosławiec 1830

    Na cyplu prawie bliza stowiajom
    Wiela pożytku dyć z niyj niy majom
    Wieża za nisko - blyńdzi za blisko
    Tela coch szkryfnoł zdo sie już wszysko.
    --
    Ruda Śląska - stolica fraszki
  • broneknotgeld 09.08.13, 17:39
    Jarosławiec 1838

    Bliza dźwignyli epno, ceglano
    Klifowi jako ta frelka dano
    Łokrongło, gryfno, sztyroczyńściowo
    Z wiyrchu laterna blask morzu dowo.
    --
    Ruda Śląska - stolica fraszki
  • broneknotgeld 09.08.13, 17:43
    Na klifie

    Na klifie teroz latarnio stoji
    Kej w morze blyńdzi Bałtyk mniyj broji
    Co w piyrszy było niy zmarnowali
    Tu do laterny palniki dali

    Wiela ich było - prawie piytnoście
    Łolejym polom - sie wyłobroźcie
    Szesnoście milow blysk leci falom
    Toż tu zyjmany myni już żalom.
    --
    Ruda Śląska - stolica fraszki
  • broneknotgeld 09.08.13, 17:45
    Na wschod niy świyci

    Na wschod niy świyci - wydmy tam przeca
    Na zachod, połnoc - za światłym leca.
    --
    Ruda Śląska - stolica fraszki
  • broneknotgeld 09.08.13, 17:48
    Na gaz 1901-1909

    Acetylynym trocha polyli
    Dyć potym juzaś łolejym
    Gazym sie tukej ciyngym tropiyli
    Co piyrwyj - tako woleli.
    --
    Ruda Śląska - stolica fraszki
  • broneknotgeld 09.08.13, 17:50
    Latarnio na sztrom - 1914

    Gaz, łolyj - psinco - to godom wom
    Blizie nojbardzi sztimuje sztrom
    Kożdy latarnik sie tako chwoli
    Kej we laternie tysionc wat poli.
    --
    Ruda Śląska - stolica fraszki
  • broneknotgeld 09.08.13, 17:52
    Wojna strzimała

    Dyć drugo wojna bliza strzimała
    Armjo sowiecko w niywola brała
    Toż jeszcze trocha czasu zetrwało
    Niym łona polsko już była cało.

    --
    Ruda Śląska - stolica fraszki
  • broneknotgeld 09.08.13, 17:54
    1.VI.1947

    Z tym dniym już bliza cywilom świyci
    Jyj historyjo polsko echt klyci.
    --
    Ruda Śląska - stolica fraszki
  • broneknotgeld 09.08.13, 23:22
    Darłowo XIV w.

    Kej grod tu stanoł i pot tyż mieli
    Przeca niy dziwo w bałtycki szteli.
    --
    Ruda Śląska - stolica fraszki
  • broneknotgeld 09.08.13, 23:24
    We Hanzie

    Kej we Hanzie była siyła
    I Darłowo prziciongnyła.
    --
    Ruda Śląska - stolica fraszki
  • broneknotgeld 09.08.13, 23:33
    Darłowo 1872-1879

    Toż falochrony pobudowali
    Tako przed portym prowdziwym dali
    A coby w ćmoku sie tu trefiyło
    Ze brzega Wieprzy światło blyńdziyło.
    --
    Ruda Śląska - stolica fraszki
  • broneknotgeld 09.08.13, 23:35
    Stacjo pilotow - 1885

    Przi falochronie z cegłow stanyła
    Ze wieżom z keryj w morze blyńdziyła
    Lekci do portu tako wpływało
    Profit ze tego Darłowo miało.
    --
    Ruda Śląska - stolica fraszki
  • broneknotgeld 09.08.13, 23:37
    6 Mm

    Bliza świyci niydaleko
    Dyć we ćmok szif na to czeko.
    --
    Ruda Śląska - stolica fraszki
  • broneknotgeld 10.08.13, 15:43
    Latarnio Darłowo - 1927

    Stacjo pilotow rozbudowali
    Przi tymu wieża tyż podźwigali
    Jedyn sztok wyżyj laterna bioło
    Blyńdzi we morze - zdo sie wesoło.
    --
    Ruda Śląska - stolica fraszki
  • broneknotgeld 10.08.13, 15:45
    14 Mm

    Blyńdzi laterna terozki dali
    Kej wieża jeji fest podźwigali
    I mo dwadziścia metrow ze hokym
    Blyńdzi - Darłowa prowdziwym łokym.
    --
    Ruda Śląska - stolica fraszki
  • broneknotgeld 10.08.13, 15:52
    W zima utropa

    W zima utropa - morze za blisko
    Toż niy dziwejcie kej lodzi wszysko
    I światłu ciynżyj "wylecieć" w morze
    Źle kej sztorm prawie, a mroz na dworze.
    --
    Ruda Śląska - stolica fraszki
  • broneknotgeld 10.08.13, 15:55
    Latarnio Darłowo - VII.1946

    Po drugi wojnie juzaś stond blyndzom
    Roki durś lecom, zdo sie co pyndzom
    Światło tyż miyniom kej potrza tako
    Dyć blask stond leci, choć niyjednako.
    --
    Ruda Śląska - stolica fraszki
  • broneknotgeld 10.08.13, 16:12
    Światło biołe

    Jednym sie niy tropi gowa
    -Światło biołe ze Darłowa
    Tela co cykle miyniyli
    Pora razy, dyć niy kryli.
    --
    Ruda Śląska - stolica fraszki
  • broneknotgeld 10.08.13, 16:14
    Latarnio Darłowo - 2006

    Co nowego? Szkryfnońć musza
    Kusi bliza już wandrusa
    Juz jom ofyn zwiydzać idzie
    Niychej zowdy tako bydzie.
    --
    Ruda Śląska - stolica fraszki
  • broneknotgeld 10.08.13, 16:18
    Byrna 1000 W

    Tysionc watow byrna biere
    Jako inksze conikere
    Tysionc watow blyńdzi w morze
    Droga szifom tako wskoże.

    --
    Ruda Śląska - stolica fraszki
  • broneknotgeld 10.08.13, 16:19
    Bliza Darłowo 2007

    Niy trza sztekra - ćmok łoświyco
    Te Darłowa zocne lico.

    --
    Ruda Śląska - stolica fraszki
  • broneknotgeld 10.08.13, 16:23
    Bliza Darłowo 2010

    Niy trza już jyj latarnika
    Dyć durś świyci - idzie blikać
    We ta strona, w ćmok, na morze
    Możno kedyś wom pokoże.
    --
    Ruda Śląska - stolica fraszki
  • broneknotgeld 09.08.13, 23:41
    Gonski - 1876

    Wele Kołobrzega, dyć ciyngym ze wschodu
    Bliza już dzwigajom - prowda ło tym godom
    Sto metrow ze hokym łod brzega stanyła
    Dzisioj sie wydowo co zowdy tu była.



    --
    Ruda Śląska - stolica fraszki
  • broneknotgeld 10.08.13, 12:05
    Łod morza

    Łod morza cegła, cymynt zwoziyli
    Rośnie - toż radzi tymu fest byli
    Wieża poł setki metrow wysoko
    Na niyj laterna raduje łoko.

    --
    Ruda Śląska - stolica fraszki
  • broneknotgeld 10.08.13, 12:07
    Latarnio Gonski 1.I.1878

    Ze tym dniym już świyci - już Gonski raduje
    Dyć zyjman łod morza tyż blizie dziwuje
    Światło z falom leci milow łoziymnoście
    Dali już niy trzeba, toż ło to niy proście.
    --
    Ruda Śląska - stolica fraszki
  • broneknotgeld 10.08.13, 12:11
    Gonski 1907

    Wpiyrw ciyngym świyciyła
    Tyż migo z tym rokym
    Szifom łoznojmiyła
    Co pod Gonsek łokym.
    --
    Ruda Śląska - stolica fraszki
  • broneknotgeld 27.08.16, 21:16
    Funkenhagen

    Ano - sie Gonski tak mianowały
    Ze Funkenhagen w morze leciały
    Promiynie światła - szifow retunek
    Zyjman mioł ze tym myńszy frasunek.

    --
    Ruda Śląska - stolica fraszki
  • broneknotgeld 27.08.16, 21:23
    226 schodow

    Zdo sie dość wiela
    Szkryfna tu tela
    Dy je wysoko - metrow poł setki
    Wlyźć na wiyrch dlo mie już niy som betki.

    --
    Ruda Śląska - stolica fraszki
  • broneknotgeld 27.08.16, 21:26
    Petronelym świycom

    Petronelym świycom poł wieku już tukej
    Trzi tony ze hokym - w pamiyńci niy szukej
    Tela we laternie co roku wypolom
    Zetrwo niym sztrom dadzom i byrna pochwolom.

    --
    Ruda Śląska - stolica fraszki
  • broneknotgeld 27.08.16, 21:27
    We środku tunel

    We środku tunel skiż petronelu
    I coby blyskom czas rowno ścieloł.

    --
    Ruda Śląska - stolica fraszki
  • broneknotgeld 27.08.16, 21:31
    Funkenhagen 1927

    W soczewce Fresnela już byrna sie świyci
    Latarnikom lekszo robota tref sklyci.

    --
    Ruda Śląska - stolica fraszki
  • broneknotgeld 27.08.16, 21:34
    Bliza 1933

    Z zachodu pynko elewacyjo
    Jako łostawić to - kryjolyjo?!
    Toż ze tym rokym już plomby kładom
    Zdało to istnym jedynom radom.

    --
    Ruda Śląska - stolica fraszki
  • broneknotgeld 27.08.16, 21:38
    Bliza 1933

    Z zachodu pynko elewacyjo
    Jako łostawić to - kryjolyjo?!
    Toż ze tym rokym już plomby kładom
    Zdało to istnym jedynom radom.
  • broneknotgeld 27.08.16, 21:38
    Gonski - 1945

    Bliza zarozki niy zablyńdziyła
    Kej czyńść soczewki cołkym straciyła
    Dwa lata trwało
    Niym tako stało
    Niym zaś we morze światłym mrugnyła.

    --
    Ruda Śląska - stolica fraszki
  • broneknotgeld 27.08.16, 21:41
    Gonski - 1947

    Ano - zaś świyci, zaś w morze mrugo
    Niych tako zowdy, niych tako dugo
    Na polski Bałtyk ze Gonsek dziwo
    I szifom swiatłym z daleka kiwo.

    --
    Ruda Śląska - stolica fraszki
  • broneknotgeld 27.08.16, 21:50
    Bliza 1951

    Szprice z cymyntu tako dostała
    Coby sie wartko niy rozleciała
    Kej łod zachodu ciyngym spynkano
    Tropioł sie czowiek niyroz tym rano.

    --
    Ruda Śląska - stolica fraszki
  • broneknotgeld 27.08.16, 21:52
    Ze końcym XX wieku

    We końcu dali jyj halogyny
    Robić za wiela niy trzeba driny
    Toż latarnkow ze blizy tracom
    Przi niyj za wiela niy ubogacom.

    --
    Ruda Śląska - stolica fraszki
  • broneknotgeld 27.08.16, 22:04
    Kurujom "olkitym" - 1964

    Kurujom "olkitym" dyć na psinco zdo sie
    Z zachodu durs pynko, gro istnym na nosie
    Zleci trocha czasu, zaś jom łotać przidzie
    Bez blizy by były dyć Gonski we biydzie.

    --
    Ruda Śląska - stolica fraszki
  • broneknotgeld 27.08.16, 22:09
    Bliza Gonski 1985-1997

    Tropiom naukowce ze politechniki
    Medykujom wiela - czy bydom wyniki?
    Ciyngym jom łotajom, silikon w nia cisnom
    Czy łona to strzimie? Łoni przi niyj skisnom?
    "Olkit" wydubali, ze nowa murujom
    Czas w końcu pokoże jako wykurujom.

    --
    Ruda Śląska - stolica fraszki
  • broneknotgeld 27.08.16, 22:14
    W trzecim tysioncleciu

    W trzecim tysioncleciu bliza sama świyci
    Co tref latarnikom terozki uklyci?
    Ano - dyc turysty fest Gonskom dziwujom
    Toż za przewodnikow istnych potrzebujom.

    --
    Ruda Śląska - stolica fraszki
  • broneknotgeld 10.08.13, 20:47
    Kołobrzeg 1666

    Ze Hanzom piyrwyj kwitnyła sztela
    Toż szkryfna tukej jo yno tela
    Już we papiorach kajsik to dali
    Co blask stond lecioł w morze na fali.

    --
    Ruda Śląska - stolica fraszki
  • broneknotgeld 10.08.13, 20:59
    Na maszcie - 1866

    Prawie ze masztu terozki świycom
    Piyńć milow w morze - na tela liczom
    Dyć blyndzi przeca niy ze wysoka
    Maszt łoziym metrow - choć myni ćmoka.
    --
    Ruda Śląska - stolica fraszki
  • broneknotgeld 10.08.13, 21:02
    Na czerwono - 1881

    Świyciyli z masztu piyrwyj na bioło
    Z tym rokym sztela inaczy "woło"
    Ano - już blyńdzi stond na czerwono
    Choc niydaleko, przeca niy kono.
    --
    Ruda Śląska - stolica fraszki