Dodaj do ulubionych

Europa po ślonsku (II)

22.02.07, 21:54
No i zaś jo musza ciongnońć
By Europa w Ślonzek wprzongnońć.

--

Tu idzie szkryflać ło tyj Europie
My w niyj łod zowdy babo i chopie.

--

Leko ło Europie sie szkryflo po ślonsku
Bydzie tukej cołko - tak konsek po konsku.
--

"Edukacjo regionalno" trza z Europom łonczyć
Jo sie ło to byda staroł - choćby mieli "bronczyć".
--
Ruda Śląska - stolica fraszki
Edytor zaawansowany
  • broneknotgeld 27.05.08, 08:59
    Niych se wontek w gora dropie
    Styknie rymow ło Europie.
    --
    Ruda Śląska - stolica fraszki
  • broneknotgeld 10.12.13, 21:16
    Maryjo Krolowo Polski
    Dwanoście gwiozdek nad Tobom
    Maryjo Królowo Polski
    Gwiozdek tych strzimać niy mogom?
    wyborcza.pl/1,75478,15110171,Pawlowicz_o_fladze_UE__Jakas_unijna_szmata.html
    --
    Ruda Śląska - stolica fraszki
  • broneknotgeld 19.03.12, 09:37
    Wciongło to i Katowice
    Dyć nic z tego - dobrze wiycie.

    --
    Ruda Śląska - stolica fraszki
  • broneknotgeld 19.03.12, 09:38
    Katowice?

    Jeszcze dugo niom niy bydom
    Dyć pewnikym kejś dran przidom.
    --
    Ruda Śląska - stolica fraszki
  • broneknotgeld 22.02.07, 22:00
    Belgio

    Belgio z belgijokym mi sie durś kojarzy
    Krolik we chlywiku tyż sie zaroz marzy.
    --

    Belgio szokoladom słynie
    I my ło tym cosik wiymy
    Tako było w tyj dziedzinie
    - Skiż kolonii maszkecymy

    W szokoladzie krew i pot
    Nyjgra z Konga Belgijskego
    Haratoł łon wiela lot
    Kakało niyszczyńściym jego.
    --

    Belgijske frytki

    Belgio już sto lot frytkami stoji
    Braku kartofli sie tyż niy boji
    Wiydz ło tym jak som frytki zaś wcinosz
    Toż Belgijoka w tym przpominosz.
    --

    Dubeltowy Belg

    Flamandzki, waloński - dwa jynzyki majom
    Belgijskego w Belgii na prozno szukajom.
    --

    Leo Hendrik Baekeland

    Łod lot se siedzymy wygodnie na klopie
    Bakelit jest jego - wiydz babo i chopie.
    --

    Pynkniynto Belgio

    Skiż Flamandow i Walonow kraj sie richtig dzieli
    Dyć monarchio i stolica wszysko jakoś kleji.

    --
    Ruda Śląska - stolica fraszki
  • broneknotgeld 22.02.07, 22:01
    Ło Flamandzie

    Wspomnij Flamandowi tyn jynzyk flamandzki
    Zarozki ci powiy że to niderlandzki.
    --

    Ło Walonie

    Po francusku godo niby
    Dyć akcynt mo taki
    Że we Francji by mioł hiby
    Zimowoł kaj raki.
    --

    Jakoś se żyjom

    Flamand w Niderlandy paczy
    Walon za Francyjom
    Dziwnie im se to łonaczy
    Dyc tako se zyjom.
    --

    Downiyj...

    Downiyj Flamandy uboge byli
    Kokosy mieli Walony
    Terozki jakby se łodmiyniyli
    Ciyngym coś dzieli tu łonych.
    --

    Niy dziwota

    We Belgii nawet to cie niy dziwo
    Że tu trapiści tyż warzom piwo
    Dyć wszyske sorty ciynżko zrachować
    A co dopiyro se pokosztować.
    --

    Belgio a kolonie

    Downiyj tukej Negrow w klotkach wystawioli
    Na "okazy" z Konga szło se podziwować
    Dyć se tym niy pódzie terozki pochwolić
    Prowda ło koloniach ciynżko jednak schować.

    --

    Princesa Matylda

    Do polskich korzyni łona sie prziznowo
    Przeca jeji matko z Komorowskich rodu
    I niychej tym przikłod tyż inkszym fest dowo
    Co majom krew w żyłach z lackego narodu.

    --
    Ruda Śląska - stolica fraszki
  • broneknotgeld 12.04.17, 22:03
    Belgjo
    ---
    Kejś ziymie Belgōw Rzymiany chycōm
    Potym tu Franki swoje uklycōm
    Flandrjo bogaci
    Dyć coś tyż straci
    Choć i Burgundy trocha tu świycōm.
    ---
    Z wianym Habsburgōw dziedzina stała
    Skiż religiji niyszczyńść zoznała
    Na psinco siyła
    Tōż podzielyła
    Wiara w Krziż wtedy niy kuplowała.
    ---
    Po rewolucyji, po Napoleonie
    Zdało co szajdōngu prowincyjōw kōniec
    Dyć krōtko zetrwało
    Niy pokuplowało
    Belgjo idzie sama z Koburgym na trōnie.
    ---
    Niymce jōm mynczōm we wielgi wojnie
    Przi drugi ciynżko, fest niyspokojnie
    EWG uścieli
    Sztela we Brukseli
    Przidzie w Uniji jyj żyć dostojnie.


    --
    Ruda Śląska - stolica fraszki
  • broneknotgeld 22.02.07, 22:02
    Stolicom komiksu belgijsko Bruksela
    Smurfy nagodały by ci ło tym wiela
    Na takim kryklaniu łod lotek sie znajom
    Bestoż tyż Muzeum Komiksu tu majom.
    --

    Manneken Pis

    Niyjedyn chcioł łoblyc już bajtla z siusiokym
    Dyć łon jest wybredny - nic mu niy sztimuje
    Leje we Brukseli - leci rok za rokym
    I sie niczym tukej przeca niy przejmuje.
    --

    McDonald`s"

    W Brukseli cołkym ty sieci niy ma
    Choć frytki - preca belgijski tymat.
    --

    Brukselczyk

    Szkryfnońć coś ło niym - przeca niy kiep
    We Belgii jakby to "czeci szczep".
    --

    "Matonge"

    Ta dzielnica Negrow rośnie we Brukseli
    Choć możno niy cołkym tukej tego chcieli.
    --

    Taki pomnik

    Pomnik kolonistow w Brukseli niszczeje
    Toż bogactwo dali - prawdziwe to dzieje
    A terozki gańba - niy chcom tego ruszać
    Bestoż jo na forum ło tym szkryfnońć musza.

    --
    Ruda Śląska - stolica fraszki
  • broneknotgeld 22.02.07, 22:03
    Biołe piwo ponoć ta Antwerpio zno
    Jo zaś "tyske" wola co swoj kolor mo.


    Dom Rubynsa

    Dom Rubynsa w Antwerpii połoglondać idzie
    Zowdy pamiyńć ło niymu już tukej żyć bydzie.



    Rubynsowsko linio teroz niy jest w modzie
    Dzisioj anorekcjo rzońdzi sie w urodzie.




    Przi katedrze na rynku Rubyns dzisioj stoji
    Ło te swoje płotna nic sie już niy boji
    W świontyni tyż przeca som jego tryptyki
    Ciepnij na nie chocioż ze dwa twoje bliki.



    Muzeum Morske w zamku prastarym
    To tyż atrakcjo jest wielki miary.



    Antwerpsko legynda

    Druon Antigon port tu założoł
    Kupcow tym do sia fest nyńcioł
    Dyć sie nad nimi pierońsko srożoł
    I krod im towor ze chyńciom

    Czynsto kupczyki bronić sie chcieli
    A z niego siłocz był przeca
    Ucinoł rynce i do topieli
    Rzece je ciepoł we necach

    Jednak na niego tyż kryska prziszła
    Bo Brabo Sylwiusz był hardy
    Z kikuta zboja mocno krew trysła
    Rynka zaś zabroł nurt Skaldy

    Niy dziw sie teroz fontannie ichni
    Co na antwerpskim jest rynku
    Za zdrowie Braba piwo se gichni
    Niy mortw Druona se mynkom.


    Belgijok w biołym winie

    Co w Antwerpii jedzom? Ano belgijoka
    W biołym winie duszom dyć tego boroka
    I śliwkom suszonom nafilujom jeszcze
    Niebo w gymbie potym - naprowdy mi wierzcie.
    --

    Antwerpske brylanty

    Łod lot skiz brylantow se sztela bogaci
    Niyjedyn miljony na kamiynie traci
    Do starozakonnych kapsow forsa leci
    Kryzys czy niy kryzys - im se piyknie kleci.

    --
    Ruda Śląska - stolica fraszki
  • broneknotgeld 22.02.07, 22:04
    Holandjo

    Tulipany i wiatraki
    Kraju tego piykne znaki
    Narkotyki możno jeszcze
    Dyć mie zaroz bierom dreszcze!
    --
    forum.gazeta.pl/forum/71,1.html?f=261



    • Re: Holandia
    broneknotgeld 23.01.05, 13:10 + odpowiedz


    Keukenhof

    We łogrodzie tukej tulpy ciynżko zliczyć
    Kajś siedym miljonow! -Holynder mi ryczy.
    --

    Niy zrobisz gyszeftu tukej na gardinach
    We łoknach ich przeca jakoś niy wiyszajom
    Możesz se pogaftać czasym na rodzina
    Czy momynty bydom? Przeca tyż sie pszajom.
    --

    Mata Hari

    Mata Hari znomy - piyknie tańcowała
    Dyć i dlo Wilusia wiela szpiegowała
    Jak sie już wydało łodpłaciyli kulkom
    Cieszyła sie krotko tom życiowom rolkom.
    --

    Typowy Holynder

    Jakby jest niybioły ciyngym coroz wiyncy
    Dyć tukej nikogo to przeca niy mynczy.
    --


    "Elfstedentocht"

    Wyścig na ślynzuchach Fryzjo taki zno
    Dwiesta kilometrow łon podobnoś mo
    Przez miast jedynoście po lodzie kloźdajom
    Łoni tych kanałow tam aż za dość majom

    Czasym jednak przidzie w ślynzuchach polotać
    Jak ciepło toż przeca byłaby gupota
    Niy ma leko - konczy sie wtedy kloźdanie
    Dyć wyścig trwo dali - ktoś na mecie stanie

    Wygrosz toś bohater cołkego narodu
    Na lot pora możno - jak zabraknie lodu
    Bo to holynderski naprowdy jest szport
    W kerym trza pokozać coś jest richtig wort.

    --
    Ruda Śląska - stolica fraszki
  • broneknotgeld 22.02.07, 22:05
    Holandio w Europie

    Ponoć takego państwa tu niy ma
    Tako by tyż szło zaczońć tyn tymat
    Toż przeca wiymy - som Niderlandy
    W kerych doszukosz se dwoch Holandii.
    --

    Krolestwo Niderlandow

    Na dwunostu prowincjach jakby se zicnyło
    Tako jest i bydzie - bo tyż przeca było.
    --

    "Zachowuj się jak inni i tak jesteś wystarczająco żałosny".

    Te holynderske przisłowie znocie?
    Dyć już coś wiycie ło jejich cnocie.
    --

    Zeelandia

    "Kraj morza" - richtig to tela znaczy
    Co sie bydymy tukej łonaczyć?
    To ziymia jakby kradziono wodzie
    Toż Posejdona czasym fest bodzie
    Bestoż piyńćdziesiont jedyn lot tymu
    Richtig chcioł zabrać co wziyli jymu.
    --

    Rok 2005

    We Niderlandach doszli do zgody
    Latoś tu majom przeca "Rok Wody"
    Toż jo se tymu nic niy dziwuja
    Morze na londzie daleko czuja.

    --
    Ruda Śląska - stolica fraszki
  • broneknotgeld 22.02.07, 22:06
    Ponoć Wenecjo jest Amsterdamym
    Łod dziejow gyszynk taki im dany
    Yno gondole som richtig włoske
    No bo kanały tu i tam boske.
    --

    Wenecjo Połnocy

    Setka wyspow - kanałow sto szejśćdziesiont piyńć
    Nojlepi we łodce se po mieście kryńć.
    --

    "Amstelledamme"

    Dyć tama na Amstel tukej zbudowali
    Łod niyj i łod rzeki miano szteli dali.
    --

    Plac Dam

    Toż serce tukej kaj tama była
    Stond miasto rosło ciyngym we siyła
    Sie rozpościyro jak pajynczyna
    Ta niderlandzko piykno dziedzina.
    --

    Pałac krolewski

    Po prowdzie piyrwyj był ratusz z tego
    Wybudowany za republiki
    Dyć godny tronu łon krolewskego
    Dzisioj mo dobre we tym wyniki.
    --

    Skiż Ludwika

    Krol Niderlandow ze Bonapertych
    Ratusz se wybroł dlo dworu swego
    Dyć richtig tukej łon wiela warty
    Inksi za krokym poszli istnego.

    --

    Polski "ratusz"

    Na polskich palach tyn "pałac" stoji
    Bez nich utopioł by se w marasie
    Choć wieki lecom nikt sie niy boji
    Ponoć mocniejsze łone po czasie.
    --

    "czerwone latarnie"

    We Amsterdamie dzielnica tako
    Kero uciechy wiela nom dowo
    Ze ślubnom przeca ciyngym jednako
    Czy tukej lepi? Jak sie wom zdowo?
    --

    "Saskja"

    W "dzielnicy uciechy" stoji kościoł stary
    Saskja łod Rembrandta możesz tu "łodwiydzić"
    Tyż dlo niyj łon robioł swojim pyndzlym "czary"
    Jak już stamtond wyńdziesz werci se "pobiydzić".
    --

    1281

    Kto w Amsterdamie mosty zrachowoł?
    Ciynżke zadanie sie przeca zdowo.
    --

    Amsterdamsko banka

    Toż niy na glajzach yno na wodzie
    Mie tako banka we gowa bodzie
    Wygodnie jednak pływać w kanale
    Se wykolejić niy idzie wcale.
    --

    "Heineken"

    Hehe - browaru jo niy łomina
    Fondna se rajza ty "flaszki piwa"
    Przi "heinekenie" byda wspominać
    Aże se gowa zacznie mi kiwać.

    --
    Ruda Śląska - stolica fraszki
  • broneknotgeld 22.02.07, 22:07
    Blikom na Amsterdam

    Coś z Wenecji i Paryża ze ździybkym Londynu
    Na Amsterdam tako blikom durś z wesołom minom.


    I amsterdam Card

    Na czi dni karta se wykup bracie
    Forsy niy żałuj jak stare lacie
    Dyć ze ty karty profitu wiela
    Jak richtig poznać chcesz gryfno sztela.


    11 miljonow

    Co rok zoglondo wandrusow tela
    Na tyn Amsterdam zdo sie to wiela
    Dyć niychej kożdy bliknie se tukej
    Takego cudu kaj ińdzi szukej?
    --

    "Het Rembrandthuis"

    Tu natchniynio szukoł i wiela malowoł
    Z kunsztym w ty pracowni zdo sie boski stowoł.


    "Sexmuzeum"

    Nojstarsze i piyrsze we cołki Europie
    Dej pozor na frelki i na sia tyż chopie.


    "Troppenmuzeum"

    Jedni chcom ciyngym siedzieć w tropikach
    Inksi nojpryndzy zaś stamtond zmykać
    Toż dlo tych drugich muzeum styknie
    Tukej łoglondnom se wszysko piyknie.

    --
    Ruda Śląska - stolica fraszki
  • broneknotgeld 22.02.07, 22:08
    Oceanarium

    Oceanarium tukej we zoo
    Niyjedyn ze tym uciecha mo.
    --

    "Panie pingwinie"

    Choć zoo dyć tukej "panie pingwinie"
    Żeś we polarny jakby dziedzinie.
    --

    Sail Amsterdam 17-21.VIII.2005

    Zyjman zlot taki zowdy mo w zocy
    Tukej szifami napasie łoczy
    Epne żaglowce se porachujom
    Łostatnie take co wiater czujom.

    --
    Ruda Śląska - stolica fraszki
  • broneknotgeld 22.02.07, 22:09
    Brunssum

    W Limburgii miasto takowe znocie?
    We Polskim Domie tam wiela pociech
    Choc gruby downo pozamykali
    Dyć tyn nasz bergmon siedzi tam dali
    Toż Niderlandy - tukej mu lepi
    Ze satelity Polskom se krzepi.


    --
    Ruda Śląska - stolica fraszki
  • broneknotgeld 22.02.07, 22:10
    Gouda

    Jakbyś łoboczoł ze kyjzy hołda
    Pewnikym bydzie to jejich gouda
    Z miasta Holandji nazwa sie wziyła
    W cołko Europa pryndko ruszyła.

    --
    Ruda Śląska - stolica fraszki
  • broneknotgeld 22.02.07, 22:11
    Utrecht

    "Domtoren" nad miastym jak gdyby kroluje
    Ty wieży kościelny kożdy se dziwuje
    W cołkich Niderlandach lona wiedzie prym
    Był żech we Utrechcie toż przeca to wiym.

    --
    Ruda Śląska - stolica fraszki
  • broneknotgeld 22.02.07, 22:13
    Middelburg

    Niy trza wcale być Flamandym
    By tam trefić we Zelandii
    Toż prowincji jest stolicom
    Bestoż tyż se nim zochwycom.

    --
    Ruda Śląska - stolica fraszki
  • broneknotgeld 22.02.07, 22:14
    Maastricht

    Tukej ta UE se narodziyła
    Choć ze EWG jest jeji siyła
    Traktat był przeca tu podpisany
    Łod historyji znak jakby dany.
    --

    Stolica Limburgii

    Maastricht se leży kaj płynie Moza
    Wiedzie w Limburgii - to tyż dołoża.

    --
    Ruda Śląska - stolica fraszki
  • broneknotgeld 22.02.07, 22:15
    "Madurodam"

    "Madurodam" w Hadze to miasteczko mini
    Co Niderlandami cołkymi se miyni
    Niy yno dlo dzieci uciecha jest tako
    Ołpy łojca bajtla raduje jednako.

    --
    Ruda Śląska - stolica fraszki
  • broneknotgeld 22.02.07, 22:16
    "Apenheul"

    Czista afow ci niy wadzi?
    We tym parku se paradzi
    Na wolności jakby tako
    Czy to dlo nich już jednako?

    --
    Ruda Śląska - stolica fraszki
  • broneknotgeld 22.02.07, 22:18
    "Six Flags - Walibi Word"

    Richtig park uciechy wielki
    Ciongnom tu karlusy frelki
    Matki łojce ze bajtlami
    Toż wybiercie se tyż sami.
    --

    "Goliat"

    Rollercoaster wielki zdo sie
    Seta szwongu na niym mo sie
    Żołond kaj przi tymu złazi
    Dyć nikogo to niy razi.
    --

    "La Vija Volta"

    Tym se karniesz we dwie strony
    Chocioż wcale to niy toni.
    --

    Dlo bajtli

    Dlo bajtli zdo sie to bajka
    Dlo kogosik "złote jajka".

    --
    Ruda Śląska - stolica fraszki
  • broneknotgeld 22.02.07, 22:20
    "Efteling"

    Światym baśni tyn park zdo sie
    W niym uciecha zowdy mo sie
    Cwergi elfy czarodzieje
    Bajtel se do tego śmieje
    Matki łojce spokoj majom
    Tyż z uciechom se dziwajom.
    --

    Hotel przi parku rozrywki

    Kożdy pokoj bajkom tukej
    Kogo lubisz tego szukej
    Muster jakiś ci sztimuje
    Bier jak dobrze se w niym czujesz.

    --
    Ruda Śląska - stolica fraszki
  • broneknotgeld 22.02.07, 22:21
    Park wodny "Duinrell"

    Stond żol ci wyjechać bydzie
    Toż czas taki w końcu przidzie
    We pamiyńci dyć łostanie
    To żeś mioł tu używanie.

    --

    Aquapark "Tiki Bad"

    Cudo - se tako yno tu szkryfna
    Recht - toż zarozki skiż tego kichna.
    --

    Lunapark

    Toż niy yno te basyny
    Som łobrozym ty dziedziny
    Karuzele klajnecugi
    Skiż niych czas tu niy jest dugi.

    --
    Ruda Śląska - stolica fraszki
  • broneknotgeld 22.02.07, 22:27
    650 lot tymu

    Grof tutejszy princym zostoł
    Ze tym szwongu wiyncy dostoł.
    --

    Luksymburgowie

    Był czas że łoni czyńśli Europom
    Dyć kajzer Niymiec niy mog być "kropom"
    Czechy Madziary znali ich rynka
    I Brandynburgio musiała klynkać.
    --

    Wielke Ksiynstwo Luksymburga

    Dzisiejszom miarom krajik to mały
    Dyć wielki historiom swojom
    A i bogactwym richtig łon śmiały
    Ło piniondz tu sie niy bojom.
    --

    Wilhelm II (1840-1849)

    Niy yno z miana był wielkim princym
    Łon konstytucjo doł piyrszo
    Łod niego piniondz tu znaczy wiyncy
    Sztela choć mało - dyć wyrszo.
    --

    "Szałot luksymburski"

    "Luksymburski szałot" na trzech kyjzach stoji
    Ciekawych dodatkow tyż sie łon niy boji
    Dyć nikerzy prawiom że kyjzy kraina
    To właśnie Europy ta mało dziedzina.
    --

    963

    Princ Zygfryd skała tutejszo lajsnoł
    Na niyj chnet zamek postawioł
    We tym sie wcale przeca niy szajsnoł
    Luksymburg tako se zjawioł.

    --
    Ruda Śląska - stolica fraszki
  • broneknotgeld 22.02.07, 22:28
    Wielke Ksiynstwo Luksymburga

    Skiż Waterloo gorom łone
    Kongres w Wiedniu tyż je dzwignoł
    Choć to jeszcze niy był koniec
    Dyć szczyńśliwy los niy mignoł

    Yno łostoł sie na dugo
    Dzisioj ksiynstwu tyż durś mrugo.

    --

    W małym Luksymburbu

    Przeszło dwiesta bankow w Luksymburgu małym
    Gruby i te huty to już stare dzieje
    Na piniondzu mocno teroz stoji cały
    I do euro ciyngym wszysko sie tu śmieje.

    --

    Na szkolorza

    Szkolorz w Luksymburgu durś jynzyki kuje
    Tym łon żyje jakby - se to forsztelujesz?

    --
    Ruda Śląska - stolica fraszki
  • broneknotgeld 22.02.07, 22:29
    W Szengen

    W Szengen nad Mozelom granice zmazali
    We Unii ich przeca jakby prawie niy ma
    Terozki to poszło ło dziesiyńć państw dali
    I bestoż tyż tukej europejski tymat.

    --
    Ruda Śląska - stolica fraszki
  • broneknotgeld 04.03.13, 22:47
    Cosik ślonskego
    www.dziennikzachodni.pl/artykul/775199,laduniuk-muzeum-slaskie-opcja-niemiecka,id,t.html
    Trza i tu tego.
    --
    Ruda Śląska - stolica fraszki
  • broneknotgeld 14.03.13, 08:19
    Poznanioczka ze niyj zrobiom?
    wiadomosci.gazeta.pl/wiadomosci/1,114871,13555672,Najnowsza_biografia__Angela_Merkel_ma_polskie_korzenie_.html
    Tako w Niymcach jyj nazgobiom?
    --
    Ruda Śląska - stolica fraszki
  • broneknotgeld 14.03.13, 18:27
    Sie zabowiom fest
    www.facebook.com/events/150748618424702/
    Mi daleko jest.
    --
    Ruda Śląska - stolica fraszki
  • broneknotgeld 12.04.17, 22:04
    Niymcy
    ---
    Już ze Cezarym bijōm Germany
    Kej wieki zlecōm i Rzym zdeptany
    Przez istnych bydzie
    Zachōd we biydzie?
    Chnet Karol Wielgi stanie tu panym.
    ---
    Kej podzielōne państwo Karola
    Ze czyści Niymce – Boga w tym wola?
    Niymiec cysorzym
    Dyć wiela woży
    Grać piyrsze krzipce tu – jego rola?
    ---
    Z Austryjōm Prusy ô Ślōnsk sie bijōm
    Wiek dziewiytnosty – wojna z Francyjōm
    Krōl Prus kajzerym
    To niy sōm bery
    We Drugi Rzeszy dugo pożyjōm?
    ---
    Skiż wielgi wojny mniyj ôberwali
    Ku drugi ciśli, fest wynokwiali
    Doł im nauczka
    Rus w roli tuczka
    W Uniji teroz – drap podźwigali.


    --
    Ruda Śląska - stolica fraszki
  • broneknotgeld 22.02.07, 22:33
    Downo tymu

    Dwiesta lot ze hokum - Co Danio nom dała?
    -"Czeci rozbior Polski" łoprotestowała
    Dyć w Europie była ze tym "aż" jedyno
    Tako historyjo dzisioj sie wspomino.
    --

    Gorm Stary

    Łon państewka duńske chycioł twardom rynkom
    Bo przeca by niy szło zrobić tego miynkom
    Jutlandiom Wikingi ciongnyli falami
    Jednak już tu teroz rzońdziyli se sami.
    --

    Krolowa Małgorzata II

    Tysioncletni dynastji łona dzisioj gowom
    Rod z Wikingow wiedzie - to mi sie niy zdowo
    Przeca praprawnuczkom jest Gorma Starego
    Co syna Haralda mioł Sinozymbego
    Tyn zaś kumplym Mieszka by mog być łod Piastow
    Z niym tyż krześcijański zresztom nastoł czas tu.
    --

    Duńske dziwa

    A - tako miasto sie tu nazywo
    Kong Christians Den Tiendes Dige - inksze duńske dziwo.
    --


    "Bow sie dobrze"

    Ponoć łod zwrotu tego duńskego
    Sie miano klockow wywodzi lego
    Chocioż nikerzy "łonczom" z łacinom
    Dyć Danii we tym tyż niy pominom.
    --

    Legoland (1938)

    Jak my na Czechy se wyprowiali
    W Danii Legoland wybudowali
    Tym klockym Billund łod downa słynie
    Graczkowo wioska w duński dziedzinie.

    --
    Ruda Śląska - stolica fraszki
  • broneknotgeld 22.02.07, 22:35
    Christiansenowie z Billund

    Jutlandzki stolorz stracioł na meblach
    Dyć niy łodłożoł łon cołkym hebla
    Drewniane graczki strugać niym zaczoł
    Nawet sie trocha na tym wzbogacioł

    Dali zaś poszoł jednak syn jego
    Dyć se wymyśloł te klocki lego
    Co w świat zarozki drapko ruszyły
    Cołki rodzinie dodały siyły

    Dzisioj to wszysko wnuk mocno czimie
    Łon na piniondzu możno durś drzymie
    Bo klocek lego - groczka dlo dzieci
    Z Danii w świat cołki tonami "leci".
    --

    Feministkom - 1915

    Jeszcze durś na dobre piyrszo wojna trwała
    We Danii kobiyta władze wybiyrała
    Poszły inksze kraje za jeji przikładym
    Jak se baba uprze to chop niy do rady.
    --

    "Carlsberg"

    Dania we gymbie zowdy jo czuja
    Jak tym "carlsbergym" se delektuja
    Stary Jacobsen postawioł browar
    U mie mo tytuł "Piyrszy Piwowar".
    --

    "Wzgorze Carla"

    Te miano Jacobsen nadoł browarowi
    I kożdy we Danii ci ło tym coś powiy
    Na cześć syna jego tyn "carlsberg" pijymy
    Dyć w cołki Europie możno już to wiymy.

    --

    Danowie

    Ze Szwecji Danowie swoj rod wywodziyli
    Połtora tysionca lot tymu to było
    Jak te ziymie mieczym do sia zagarnyli
    Ich miano sie z państwym na zowdy stopiyło.
    --

    Tingi

    Tako sie rzońdziyli we Danii Wikingi
    Chocioż krola mieli dyć ważne tyż tingi
    Niy yno ło swoje ciyngym sie spiyrały
    Bo przeca tyż łone władcow wybiyrały.
    --

    Duńske Wikingi

    Piyrwyj to tyn Dunczyk przeca wiela znaczoł
    Łon i ze Frankami wiela niy łonaczoł
    Nawet se Karola Wielkego niy boli
    Dyć niy wloz kaj łoni na nogach już stoli

    Znały jejich srogość tyż porty Hiszpanii
    Porzońdziyli richtig w dzisiejszy Brytanii
    Poł Szwecji Normandia Bałtyk prawie cołki
    Wylynkane było - bo z nich wielke śmiołki.
    --

    Krzest Haralda

    Harald Sinozymby ściongnol tu Ansgara
    Mnicha frankońskego co sie zaczoł starać
    Zrobić ze Wikinga fest krześcijanina
    Nawet jak przi tymu mioł coś kwaśno mina

    Piyrszy kościoł duński stanoł we tym czasie
    Choć se jakby toploł w "pogańskim marasie"
    Dyć krol widzioł w "krziżu" państwa umocniynie
    Niy yno dlo duszy jakesik zbawiynie.

    --

    Swen I Widłobrody

    Syn krześcijanina łostoł przi pogaństwie
    Krol tyn wiela znaczoł niy yno w tym państwie
    Z Norwegami przeca Brytanio ucapioł
    Bo jyj krol Ethelred jakby sie zagapioł.

    --
    Ruda Śląska - stolica fraszki
  • broneknotgeld 22.02.07, 22:36
    Kanut II Wielki (krol Anglji)

    Syn Swena to Kanut. Wielkim zwali jego
    Angliki se richtig suchali ichniego
    Przeca wzioł do łożka ślubno Ethelreda
    Wdowa - dyć z niom cołko ta wyspiarsko "scheda".
    --

    Harold - syn Swena II

    Tyn we Danii ponoć dobrze gospodarzoł
    Piyrszy łon monety tukej tyż wprowadzioł.
    --

    Kanut II

    Szlachcie zabroł cosik - kościołowi dowoł
    Skiż tego go tukej przeklinali zdrowo
    Dyć tyż coroz wiyncyj podatkami dusioł
    No i tym do buntu podobnoś przimusioł

    Do Odense uciyk przed ich zymstom srogom
    To jednak niy było richtig dobrom drogom
    Tam kościoł Albana widziol koniec jego
    Ołtorz poplamiony juchom łod istnego

    Dziesiyńć lot urodzaj sie z Danii kajś stracioł
    Kraj biydnioł durś bardzi nikt sie niy bogacioł
    Cuda se jakoweś przigrobie tyż dzioły
    "Na nimb łon zasłużoł" - spiywały anioły

    I tako sie stało - świyntym Kanut łostoł
    Mynczynnik za wiara - te miano tyż dostoł
    Czy plon piykny wrocioł? -Niy szkryfna jo tukej
    Se we historyji Danii som poszukej.

    --

    Waldemar I Wielki

    Łon prawie krolym już "z Boży łaski"
    Tingom łodebroł wpływ na to
    Kościoł przi niymu zbiyroł łoklaski
    Dania sie stała bogato.
    --

    Arcybiskup Absalon

    Twierdza we wiosce rybokow stowioł
    Havn piyrwyj jom nazywali
    Kamiyń pod nowo stolica dowoł
    Tako poleci z tym dali.
    --

    Waldemar II

    Podbioł Norwegio Estonio capnoł
    Zatoka Fińsko mioł w szachu
    Dyć graf Szwerina jego tyż łapnoł
    I cosik stracioł skiż strachu.
    --

    Eryk V

    We rzondach był twardy
    Dyć to sie skończyło
    Ugnoł sie choć hardy
    W Nyborgu to było

    Tyż szlachecki rady
    Musioł teroz suchać
    Tela ze ty zwady
    Za poźno by dmuchać.

    --

    Gerd - grof Holsztynu

    Tyn w sztyrnostym wieku wiela Danii miyszoł
    Niyszczyńściym łon dlo niyj - nudli fest nawiyszoł
    Trza go było w końcu aże zamordować
    By moc zaś korona w dobre rynce dować.
    --

    Waldemar IV

    Po "gerdowych" czasach porzondek wprowadzioł
    Uczimać Estonii jednak niy poradzioł
    Dyc musioł tyż wiela ze Hanzom wojować
    Keryj mocno Dania niy mogła sztimować.

    --
    Ruda Śląska - stolica fraszki
  • broneknotgeld 22.02.07, 22:37
    Krolowa Małgorzata

    W czech krajach już łona richtig krolowała
    Danii i Norwegii a potym Szwecyji
    Skiż Unii Kalmarski ta władza dostała
    Dyć tyż ze tym mieli za wiela mecyji

    Bo Duńczyki rośli we tych krajach wszyndy
    Skandynawio cołko jejich grzondkom była
    Na nich durś zoszczytne czekały urzyndy
    Szwecji i Norwegii myńszo we tym siyła.

    --

    Eryk VII Pomorski

    Z Holsztynym i Hanzom łon wiela wojowoł
    Toć szifom w cieśninach podatek nałożoł
    Chocioż kupcom duńskim cosik łod sia dowoł
    Pitnońć z kraju musioł - kuńca tu niy dożoł.
    --

    Krystian I

    Toż krolym był duńskim i grofym Holsztynu
    Nawet i Szlezwiku princym przeca łostoł
    "Czi stany" sie dzwigły tu dziynki istnymu
    Choć kto był mu przeciw tyn po dupie dostoł.

    --

    Krystian II

    Na powrot chcioł rzondzić w Skandynawii cołki
    Mieczym Szwecjo zdobył i se koronowoł
    Dyć niywiela cieszoł sie tym swojim stołkym
    Bo tukej opornych podstympnie mordowoł

    Szwecjo se buntuje Danio tyż powstowo
    Kristian już to widzi - tron wali pod nogi
    Uciyk do Holandii - po pomoc sie zdowo
    Przegroł choć ze niego katolik był srogi

    A przeca już prziszły czasy Reformacji
    Kościoł se podzieloł - krwawe z tego wojny
    Ludek wiela ciyrpioł bo kaj szukać racji
    Jak los jakby fondnoł żywot niyspokojny.

    --

    "Wojny Hrabiow"

    Toż skiż Reformacji te wojny tyż były
    Brat bratu korona torgoł z cołki siyły
    We końcu wygrały te wojska Krystiana
    Piyrszego na tronie w Danii luterana.
    --

    Wojna Siedmioletnio (1563-1570)

    Chyciyła se Danio ze Szwecjom za bary
    Ło władza nad drugim - toż powod to stary.

    --

    Krystian IV

    W wojna wciongnoł Danio - ta "czidziestoletnio"
    Zaś ze kraju jakby szczyńście kajś wymietło
    Szwecjo w końcu pokonali - podpisali pokoj
    Coby z ran sie szło wylizać poczebny był spokoj.
    --

    "Konstytucjo" - 1665

    Fryderyk III jom tu ogłosioł
    Monarchio w tym "absolutnie"
    Szlachty se ło nic teroz niy prosioł
    Przestali paczeć nań "butnie".
    --

    Wielko Wojna Połnocno 1709-1720

    Pomiyniyło sie terozki nad brzegym Bałtyku
    Szczyńściym danio ciyngym tukej i mocno w Szlezwiku.
    --

    Krystian VI

    Ze niego pietysta nojwyrszy we Danii
    Nudom takom wioło ze szło dostać manii.

    --
    Ruda Śląska - stolica fraszki
  • broneknotgeld 22.02.07, 22:38
    Fryderyk V

    Po fatrze łon jakby za wiela folgowoł
    Taki muster Danii swojim zyciym dowoł
    Czas już był nojwiynkszy - piyknie sie to stało
    Do życio kultura łobudzioł tu cało.
    --

    Krystian VIII

    Jak chycioł se tronu już ponoć mioł fioła
    Swoje dołożyła mu jeszcze gorzoła
    Dochtor Struens bestoż Daniom wtedy rzońdzioł
    Jedyny co widzioł jak krol ciynżko "błońdzioł".

    --

    Tyn Krystian wyży mioł numer siedym
    Toż łodyjmijcie mu teroz jedyn.
    --

    Przi Kristianie VII

    Przi Kristianie VII dochtor Daniom rzońdzioł
    Nikierzy godali co pierońsko błońdzioł
    Toż w końcu se stało - stykło dworski zmowy
    By Struensa cołkym pozbawić ty gowy.


    Zmiana kliki

    Ano - dyć zmiyniyła se cołkym ta klika
    Co sie panoszyła u boku krolika
    Teroz to co duńske jednak bardzi w zocy
    A Dania nabiyro poleku durś mocy.


    W Lidze Państw Neutralnych (1780)

    W Hameryce Anglio kolonie już straci
    Dania sie ze Ligom na tym ubogaci.

    --
    Ruda Śląska - stolica fraszki
  • broneknotgeld 22.02.07, 22:39
    W Drugi Lidze Państw Neutralnych

    Angljo ze Francyjom już se fest hatrusi
    Danio neutralno być przi tymu musi
    Postrachano jednak szifami Nelsona
    Chyciyła se w końcu tyż Napoleona.


    Przi Napoleonie

    Ciyngym fest utropa dlo Danii z tym była
    W końcu wiela na tym przeca tyż straciyła
    Traktat we Kilonii - zdo sie dlo niyj dno
    Dyć kraj durś istnieje choć zocy mniyj mo.


    Fryderyk IV

    Choć ksiyńciym ciyngym był na Holsztynie
    Utropa ze tym Danii niy minie
    Toż "absolutyzm" zdo sie chnet kończy
    A "liberalizm" ze gminym łonczy.
    --

    Narodowy Ruch Romantyczny

    Thorvaldsen z Kirkegaardym pospołu to ciongnom
    Grundtvig - choć teolog tako se w to wprzongnoł
    Rzeźbiorz filozof pastor - ciekawo to trojca
    Co flance wsadziyła do tego "ogrojca".


    Szlezwik i Holsztyn

    Wloz Holsztyn do zwionzku tych krajow niymieckich
    Za ksiyńcia mioł jednak durś duńskego krola
    I Szlezwik mniyj chce sie czimać "duński kecki"
    Chnetko z tym utropa - niy byda wos fulać.


    1837

    Już rajcow miejskich szło tu welować
    Chnetko ło wiyncy trza bydzie stować.

    --
    Ruda Śląska - stolica fraszki
  • broneknotgeld 22.02.07, 22:40
    1841

    Toż w duńskich hrabstwach i parafijach
    Władze z welunku teroz - niy z "kija".


    Krystian VIII

    Łon konstytucjo Norwegom doł
    Przeca tam gowom był państwa
    Niy Duńczykowi - chocioż tyż chcioł
    Kurde - niy było w tym draństwa?


    Fryderyk VII

    No - liberały se teroz cieszom
    Absolutyzmym już tu niy grzeszom
    Toż podpisano konstytucyjo
    Rigsdag to przeca niy jest mecyjo.


    --

    Riksdag

    Z dwoch Izb se Rigsdag tyn duński skłodo
    Konstytucyjo coś ło tym godo
    Folketig izbom co niży leży
    A landsting wyży - możecie wierzyć.


    Szlezwicko-holsztyńsko utropa

    Szlezwik ze Holsztynym chce sie już połonczyć
    I tako we zwionzek niymieckich państw włonczyć
    Na to krol i Rigsdag zgody dać niy może
    Toż se zamotlali pierońsko - łoj Boże

    Szlezwicko-holsztyński już rzond tymczasowy
    Rychtujom w Kolonii - krol Prus co im powiy?
    Dyć dobrze my wiymy co mu sztimowało
    I wojna cziletnio w te ziymie przignało

    Prusy pomoc cofły - z tym danio wygrywo
    Choć możno nikogo to teroz niy dziwo
    Czy koniec już na tym ty utropy jest?
    Łoj - jeszcze rozkulo se tu wojna fest.


    Nowo konstytucyjo

    Toż Krystian IX - krol Danii już nowy
    Handszrift swoj położoł - dyć drapko sie dowiy
    Że Szlezwik w tym kraju niy chce cołkym być
    Pryndko zaś skiż tego zaczli se tu bić.

    --
    Ruda Śląska - stolica fraszki
  • broneknotgeld 22.02.07, 22:41
    Zaś wojna

    Zaś wojna ło Szlezwik - terozki przegrano
    Ta ziymia już Niymcom cołkym jest łoddano.


    Zjednoczono Lewica (1872)

    Po przegrany wojnie zowdy tako bywo
    Że to co jest "lewe" bardzi gowa dźwigo
    Folketing se zdowo terozki "ludowy"
    Dyć jakoś "prawica" na to tyż łodpowiy.


    Zjednoczono Prawica

    Co "prawe" to przeca na "lewe" niy przyńdzie
    Toż se historyjo tako dzieje wszyńdzie
    Dwie siyły ło władza durś durś sie potym wadzom
    Utropie przi tymu jednak niy zaradzom.
    --

    "Lewo" władza

    Nic jo na to niy poradza
    Kryńci Daniom "lewo" władza
    By uczimać cugle w rynkach
    Dlo "konserwy" dyć w tym mynka

    A czas zdo sie niyspokojny
    Już u proga piyrszy wojny.


    Neutralno Dania

    Toż niy myślała Dania ło wojnie
    Szczyńśliwo - u niyj teroz spokojnie
    A że jom Niymcy w końcu przegrały
    Profit w tym miała choć możno mały.


    Plebiscyt w Szlezwiku

    Granica przetła Szlezwik na poł
    Skiż Plebiscytu co tukej boł.

    --
    Ruda Śląska - stolica fraszki
  • broneknotgeld 22.02.07, 22:41
    Kryzys Wielkanocny 1920

    Nowy muster welunku mieli już wprowadzić
    Dyć skiż tego se zaczli tu pierońsko wadzić
    Krol "lewica" "prawica" zwionzki zawodowe
    Komuś pomiyszało sie przi tymu w gowie
    Strajki demonstracje na ulicach wojsko
    Toż niy było teroz tukej cołkym swojsko
    W końcu jednak wszysko prziszło dyć do normy
    I Dania poleku nabiyro zaś formy.


    W dwudziestoleciu miyndzywojynnym

    Fionia z Jutlandiom chcieli zepinać
    Przez Mały Bełt most trza im zaczynać.


    "Stormstromsbro"

    Folstar z Zelandiom razym być mogom
    Z wyspy na wyspa tyż suchom nogom.
    --

    9.IV.1940

    Przez telefon Dania se Niymcy zajyli
    Wystykło że łostro tako postraszyli
    Kapitulacyjo pryndko richtig była
    Ja no - kraj malutki a somsiod mioł siyła


    Okupacyjo

    Ciynżko jom niy przeszli - dyć zowdy mecyjo
    Niywiela tu cieszy ta okupacyjo
    Ruch oporu nawet rozwinoł sie z czasym
    Chocioż go niy kryły przeca rzodke lasy.


    Po wojnie

    Przeczimała ta wojna se Danio bez strat
    Chocioż ze wygranych nikt niy był jyj brat
    Dyć tyz erbła cosik przi Planie Marshala
    I tako szif duński pruł zaś łostro fala.

    --
    Ruda Śląska - stolica fraszki
  • broneknotgeld 22.02.07, 22:42
    Dania 1947

    Niy chciała Dania być fest sagato
    Toż jom już majom terozki w NATO
    Tela że bez tych bomb atomowych
    -Wolom je mieć tu cołkym ze gowy.


    Dania 1973

    Do EWG tyż Duńczyki chcieli
    Toż se znoleźli i we ty szteli.


    Dzisioj

    Dzisioj Dania mocno siedzi we Uniji
    Nawet skuli euro niy było mecyji.

    --
    Ruda Śląska - stolica fraszki
  • broneknotgeld 22.02.07, 22:43
    Przez Wielki Bełt

    Fionia ze Zelandiom zepli se tu mostym
    Na sucho przez woda - sposob teroz prosty.
    --

    We Danii

    Tu w gyszynku ślubnym piniyndzy niy dowej
    Te do potmaneja se lepi już schowej
    Som geld? Toż sie mogom poczuć łobrażyni
    Że we zocy mosz ich richtig jakby myni.

    --
    Ruda Śląska - stolica fraszki
  • broneknotgeld 22.02.07, 22:44
    Zamek Hammershus

    Na Bornholm zoglondnońć a ruin niy widzieć
    Toż utropa możno jakoś z tego przidzie
    Trza se bydzie wrocić - połazić w tych murach
    Historiom podychać i niy myśleć - "dziura".

    --

    Sandvig

    Na połnocnym cyplu ta miejscowość leży
    Stond już Szwecjo widać! Sprowdź - jak niy chcesz wierzyć.
    --

    Bornholmske kościoły

    Co widzisz jak blikosz na świontynie downe?
    To że budowali je zowdy "warowne".
    --

    Bornholmski piosek

    Połednie Bornholmu zodziwi cie plażom
    Po drobniutkim piosku twoje gyry łażom
    We klepsydrach czynsto piyrwyj czas łon mierzoł
    Kery z nos niyjedyn na tym świecie przeżoł.
    --

    Ronne

    Turysty starowkom se tukej zochwycom
    Miasteczko Bornholmu duńskego stolicom
    Nad portym goruje wieża łod kościoła
    Bo rybokow tako na mszo musi wołać.

    --

    Kaj Danio siyngo nojdali wschodu?
    ło tym toch wiedzioł jo już za młodu
    Bornholm na morzu mi sie zamarzoł
    Dyć jak przepłynońć - siech niy łodważoł.


    Amstkomune Bornoholm

    Cobyście ło tym zowdy wiedzieli
    Na piyńć gmin okryng se cołki dzieli.


    Bornholmske lasy

    Niych to wcale wos niy straszy
    Danii tu nojwiynksze lasy
    W jedny pionty wyspy som
    Bestoż rym tyż taki dom.

    --
    Ruda Śląska - stolica fraszki
  • broneknotgeld 22.02.07, 22:45
    Bornholmske słowiki

    Tela tu nakwilom tela naśpiywajom
    Że "obywateli wyspy" tytuł majom.


    Drzewka figowe

    Toż drzewka figowe na Bornholmie rosnom
    Czy to mi sie yno coś myli ze wiosnom?
    Bałtyk przeca niy jest te Środziymnomorze
    Dyć figi z ty wyspy dej mi Panie Boże.


    Almindingen

    Nojwiynkszy las duński na Bornholmie znojdziesz
    Siedmiopiynne drzewo - do niego tu dojdziesz.


    Wodospady

    Mo Danio tukej tyż wodospady
    W żlebie Dandalen - niy łod parady.
    --

    Koncerty

    Co na Bornholmie polecić babie?
    -Możno sie wsucho w koncerty żabie
    Rzekotki piyknie tukej rechocom
    Niyjedna frela tym rozochocom.

    "Zielono mi..."

    Tako tu zowdy ekolog nuci
    Zdo sie w raj chnetko wyspa łobroci.


    Erika

    We wrześniu ta wyspa se robi lilowo
    Ciyngym ta erika przed łoczy ci stowo
    Skały Hojlygenu czy cypel Hammeryn
    Zdo sie nojgryfniejszy terozki to teryn.

    --
    Ruda Śląska - stolica fraszki
  • broneknotgeld 22.02.07, 22:46


    Hammerso

    Nojwiynksze jezioro - na cyplu połnocnym
    Gryfne nawet wtedy jak czas tukej nocny
    Stojom po somsiedzku aże dwie latarnie
    By rybok na morzu niy stracioł se marnie.


    Plaża

    Łod Łod Renne do Dueodde podziwej se plaży
    Kero i bez zima bydzie ci sie marzyć
    Na świecie niywiela wiynkszych i gryfniejszych
    Tela yno szkryfna we tyn czas dzisiejszy.


    "Ekkodalen"

    Toż "Dolinom Echa" Duńczyki jom zowiom
    Ano sie z tym echym czasami tu bowiom
    Jo jednak zoglondna do zamkow prastarych
    Lilleborg Gemleborg - w niych som jakeś czary.
    --

    Chlyb bornholmski

    Piykorz go tu robi zowdy po starymu
    Bestoż trza wom wierzyć richtig tyż i tymu
    Że łon potym świyży przez cołke czi tydnie
    Smak tego pecynka nigdy wom niy zbrzidnie.


    W dziyń św. Jana

    W dziyń świyntego Jana heksy tukej polom
    Jak stos sie hajcuje ździybko poswawolom
    Biyr w gowie zaszumi - chocioż niy za wiela
    To noc w kero dzieje sie niy yno tela.


    W Almindingen

    Torym wyścigowym tyn bor w Danii słynie
    Rajtujom tu konie z wiosny do podzima
    Jedyn grosik zysko inkszego to minie
    Szczyńście czasym bywo a kej ińdzi niy ma.

    --
    Ruda Śląska - stolica fraszki
  • broneknotgeld 22.02.07, 22:46
    Z romantyczkom

    Jest żeś z frelkom romantyczkom
    Toż do lasu jedź se z bryczkom
    Almindingen wos zasłoni
    Yno wy i porka koni.


    Miyndzynarodowy Konkurs Skokow

    Zowdy w lipcu tu zawody
    Szwecjo z Daniom fest rajtuje
    Dyć ze sportu niy ma szkody
    Choć se w tym historio czuje.

    --

    Wiatraki

    Kajniykaj tu stojom jakby w Holandyji
    Tukej z mloniym zboża niy było mecyji
    Młynorzym mog zostać kożdy kery chcioł
    Bele grosz na wiatrak czy młyn wodny mioł.


    16.VI. - Dziyń Młynorza

    Skuli downych czasow te świynto powstało
    No i niy dziwota - młynow durś niymało.


    Nowe wiatraki

    Mloć niy muszom - robiom sztrom
    Toż skiż tego tukej som.

    --
    Ruda Śląska - stolica fraszki
  • broneknotgeld 22.02.07, 22:47
    Golf

    Tu pola golfowe ludzi prziciongajom
    Podobnoś nojbardzi tych co geld durś majom.


    Dni Pstronga

    W te dni se moczom tu gynsto kije
    Mom taki toast - Niych pstrong nom żyje!


    W jedyn dziyń

    W jedyn dziyń na kole zjedziesz Bornholm cały
    Choć zic może pedzieć - "To wyczyn niymały"
    Kilometrow dwiesta "ścieżek rowerowych"
    Na zwiydzanie wyspy muster to niy nowy.
    --

    Windsurfing

    Kto lubi popływać na zyjmański desce
    Tyn na pewno wroci se na Bornholm jeszcze.


    Zatoka Balka

    Rajym jest dlo rozin z małymi bajtlami
    Myni tu utropy z morskimi falami
    No i w tym uciecha że płytko przi plaży
    Nic złego se tukej tym brzdoncom niy zdarzy.


    "Bornholmske złoto"

    Bornholmske złoto - wyndzony ślydź
    Nojlepsze to to. Jeronie - jydz.

    --
    Ruda Śląska - stolica fraszki
  • broneknotgeld 22.02.07, 22:48
    Lars Hansen (1813-1872)
    Malyrz czy możno botanik bardzi?
    Toż żodnom astom łon niy pogardzi.


    Kristian Zahrtmann (1848-1917)

    Na jego płotnach czynsto łogrody
    Do dzisioj łone niy wyszły z mody
    Wszyndy te kwiotki fest kolorowe
    Zdo sie - na grzondce jest ciyngym czowiek.


    Helge Nielsen (1893-1980)

    Pejzarze słońcym mo malowane
    Co Bornholmowi yno jest dane.


    --

    Hanza na Bornholmie

    Ta wyspa - wpiyrw duńsko - Hanza w końcu wziyła
    Chnetko przez dwa wieki Bornholmym rzońdziyła.


    Po Hanzie

    Jak Hanza se traci to zaroz tu zwada
    Kto terozki wyspom bydzie richtig władać
    Krol Danii Lubece w zastawie łostawioł
    Ale po Roskilde Szwed tukej "zabawioł"

    Dyć tyn Peter Olsen zagrzywoł do buntu
    I juzaś przi Danii bornholmczyki som tu
    Na wyspie Christianso powstała forteca
    By przipilnowała tyż duńskego neca.

    --
    Ruda Śląska - stolica fraszki
  • broneknotgeld 22.02.07, 22:48
    Runy

    Dwa tuziny znakow miały
    Ludy niymi tu szkryflały.


    Runiczno kronika

    Runami wykuli jom se na kamiyniach
    Coby nom pedziała ło downych istniyniach.


    Zdo sie

    Zdo sie w tych kamiyniach som dusze zaklynte
    Runy czasym prawiom co łone niy świynte.
    --

    Sztyry rotundy

    Nyker Nylars Osterlas Osker
    Sztyry rotundy w łobronie proste
    W kerych se piyrwyj trza było chronić
    Życie przed Wendym swoje łobronić

    Bornholm se asi niymi do dzisioj
    Pewno żeś ło tym karlusie słyszoł
    Toż nikaj ińdzi takich już niy ma
    Yno je nosi ty wyspy ziymia.


    22kościoły

    Na jedna wyspa styknie ich zdo sie
    Dyć Boga w sercu tyż ciyngym mo sie.

    --
    Ruda Śląska - stolica fraszki
  • broneknotgeld 22.02.07, 22:49
    Bornholmske zygory

    Łod ćwierć tysionclecio tukej je rychtujom
    Na stare zbiyrocze naprowdy "polujom".


    1774

    Ze zygorami trefioł tu szif
    Na skale dyć wylondowoł
    Towor był zocny - skiż tego knif
    I muster tyż przeca dowoł.


    Muster

    Mustrym tu zygor z Anglyji boł
    Co stoł we izbie i piyknie bioł
    Do dzisioj asi sie Bornholm tym
    Skiż tego przeca coś ło tym wiym.


    Warsztat Petersenow w Ronne

    Łostatni kierzy zygory robiom
    Co kożdo izba piyknie łozdobiom.
    --

    Bornholmski Zwionzek Rolnikow - 1805

    Nojstarszy w Danii - dwiesta lot mo
    Rolnik tu panym - ta prowda zno.


    Nojmyńszy powiat

    Richtig nojmyńszy Danii to powiat
    Rym go powiynkszy - możno to sprowia.


    Rada Powiatu

    We Ronne siedzi powiatu Rada
    Stolicom przeca - ło to niy zwada.

    --
    Ruda Śląska - stolica fraszki
  • broneknotgeld 22.02.07, 22:50
    "Sol over Gudhjem"

    Filet ze śledzis jajko cebula
    Rediski sznitloch - toż forszteluja.


    Do śledzia

    Co do śledzia ciyngym trza?
    Biyr - toż napić czas nom - pra?


    "Bornholms Mejeri"

    Ichnio kyjza pokosztujesz
    Zdo sie - wiater z morza czujesz.


    "Żytni kyks"

    To bornholmske richtig cudo
    Co kaj ińdzi se niy udo.
    --

    Dzieło Thora

    Toż bog Skandynawio cołko już postawioł
    Zocnymi resztkami żdziybko se pobawioł
    Aż w końcu je ciepnoł znudzony we morze
    Za Borncholm ci dziynki - twoje dzieło boże.

    --
    Ruda Śląska - stolica fraszki
  • broneknotgeld 22.02.07, 22:51
    "Krolle Bolle"

    Bornholmczyki w zocy
    tego trolla majom
    Pomogoł bić Szwedow
    bestoż jymu pszajom.
    --

    "Bornholmer"

    Ze strzybnego śledzia robiom złoto fisza
    Ło "złocie" Bornholmu ciyngym przeca słysza.

    --
    Ruda Śląska - stolica fraszki
  • broneknotgeld 03.05.14, 17:39
    "Majorka Połnocy"

    Ło Bornholmie idzie łosprowiac bez końca
    Zdo sie jak Majorka, bo wiela tu słońca.
    --
    Ruda Śląska - stolica fraszki
  • broneknotgeld 04.05.14, 10:38
    Bornholm 1866

    Prom ze Kopynhagi już tukej przipływoł
    Toż niyjedyn wandrus ty wyspie fest dziwoł.

    --
    Ruda Śląska - stolica fraszki
  • broneknotgeld 04.05.14, 10:40
    Bornholm we modzie

    A dyć niych cie to niy bodzie
    Bornholm zdo sie być we modzie
    Na Bałtyku duńskim cudym
    Ło to niy rob tu łostudy.
    --
    Ruda Śląska - stolica fraszki
  • broneknotgeld 22.02.07, 22:52
    Ronne

    Bornholmu to jest stolica zocno
    Tu wyspy jedna czecio ludności
    Przi inkszych miastach zdowo sie mocno
    W lato - jak wiyncy ludzi se gości.


    Tyjater w Ronne

    Cołki Bornholm tyjatrym we Ronne se asi
    Prywatny - nojstarszy ze duńskich łon jest
    I godka bornholmsko tukej wszyskim "pasi"
    Chnetko dwiesta rokow - fajer bydzie fest.


    Ronne 1327

    Ledwo kupcy z Hanzy port tu założyli
    Zaroz prawa miejske osadzie nadali
    Na bałtyckim szlaku dyć panami byli
    Łoni ze wszyskimi przeca handlowali.
    --

    Muzeum Ceramiki

    Tu niy lubiom garkotłuka
    Dyć tych niy trza wiela szukać
    Szczyńściym sami wypolajom
    To co potym rozwolajom.


    50 warsztatow

    Piyńdziesiont warsztatow garcarskich tu było
    Toż po nich muzeum cosik zgromadziyło
    Godajom - We Danii stond ekstra szkorupy
    Łoboczysz - poskopisz - czimie sie to kupy.


    Muzeum Sztuki w Ronne

    Łobrozy miejscowych mo impresjonistow
    Zoglondnij bo werci se richtig ci prziś tu.

    --
    Ruda Śląska - stolica fraszki
  • broneknotgeld 22.02.07, 22:52
    Lars Ipsen (1806-1874)

    Chocioż w rynkach kowola fach solidny czimoł
    Toż łogrodnik zdo sie we duszy mu drzymoł
    Wele Ronne założoł se na wrzosowiskach
    Łogrod botaniczny - niym sława mioł zyskać.


    Łogrod Thomasa Erichsena

    Z dziewiytnostego wieku go majom
    Toż łogrodowi we Ronne pszajom
    W chałpie muzeum wyrychtowali
    Coby ło tworcy durś pamiyntali.
    --

    Ronne 1227

    Zaś skiż "Pascala" feler wyskoczoł
    Dobrze że teroz żech go łoboczoł
    Ło sto lot starsze te Ronne przeca
    Bestoż se fraszka ciepia do neca.


    Ronne 1684

    W tym roku stolicom tu Ronne se stało
    Bo se Akirkeby fest rozhajcowało
    Bestoż zdo sie życie pryndzy leci tukej
    Mosz spokoj we zocy - za miastym go szukej.


    Muzeum Broni

    W stary wieży łotwarło se swoje podwoje
    Co miasta broniyło tu mo miejsce swoje.


    Urzond celny

    Jak yno stolicom te Ronne se stało
    Zarozki "zollamtu" tyż poczebowało
    Łostoł tu zabytek tyn aż do terozki
    Uciecha z niym dzisioj bo przeca niy troski.


    W Ronne

    W Ronne nojstarszy duński tyjater
    To na Bornholmie powiy ci wiater.

    --
    Ruda Śląska - stolica fraszki
  • broneknotgeld 13.05.14, 16:14
    Promym do Ronne

    Polski prom te Ronne wito
    Ktoś sie ło to jeszcze pyto
    Iże Bornholm nos tyż kusi
    Czowiek ciekow - kuknońć musi.
    --
    Ruda Śląska - stolica fraszki
  • broneknotgeld 22.02.07, 22:53
    Muzeum Rolnictwa

    Zoglondnij na farma Malstedgardym zwano
    Skansyn - zdo sie lepsze teroz dlo niyj miano
    Zoglondnońc se możesz jak piyrwyj tu żyło
    Skond płotno biyr masło w zogrodzie sie wziyło.


    Łogrod w Malstedgard

    Kaj w Europie rosnom jeszcze take ziyla?
    Wiela z nich już nikaj - przeca sie niy myla.
    --

    Glashuta

    W cołki Danii znajom tutejszy "werk szklany"
    Glas stond kunsztowniejszy łod bańki mydlany
    Z gryfnym szkłym dyć wiela znojdziesz galeryji
    Kup coś na pamiontka ze ty ekskursyji.


    Bokul

    Wele Gudhjem gorka Bokul znojdziesz
    Piechty ze miasteczka pruyndko do niyj dojdziesz
    Z wiyrchu archipelag przepiykny łoboczysz
    Ertholmene zowiom czym pasiesz se łoczy.


    Dej pozor

    Dej pozor we Gudhjem richtig na sztalugi
    Kunsztowi zaszkodzisz i lizniesz jak dugi.

    --
    Ruda Śląska - stolica fraszki
  • broneknotgeld 22.02.07, 22:54
    Bornholmske Cyntrum Średniowiecza

    Chcesz se pobawić ze historyjom
    Zoglondnij do ty "osady"
    We średniowieczu przeca tu "żyjom"
    Wiela w tym piykny parady.


    Dlo nauki

    Bajtle poznowajom wyspy historyjo
    Ta "osada" przeca wcale niy mecyjo
    Dyć tukej i fatry widzom coś "nowego"
    Trza jednak zoglondnońć - inaczy nic z tego.


    Gudhjem

    Gudhjem "średniowiecznom" turystykom żyje
    Radochy z tym wiela i ze geldu tyje.
    --

    To ci przipomni

    To ci przipomni te Gudhjem w mig
    Jak se poniuchosz aroma fig.


    Muzeum w Gudhjem

    W starym banhofie muzeum majom
    Łoni zobytkom richtig tu pszajom.


    Na stoku

    Te gryfne Gudhjem stoji na stoku
    Toż se niy szwyndej wiela poćmoku.

    --
    Ruda Śląska - stolica fraszki
  • broneknotgeld 22.02.07, 22:55
    Wiatrak w Gudhjem

    Zdo mi sie znakym miasteczka tego
    Nikaj niy znojda już gryfniejszego?

    --
    Ruda Śląska - stolica fraszki
  • broneknotgeld 22.02.07, 22:56
    Hasle

    Osada rybacko wyndzarniami słynie
    Ślydź w Hasle cie przeca nigdy niy łominie
    Smak kolor mu dowo te drewno łolchowe
    Czym "złoto bornholmske" tu dowiy se czowiek.
    --

    Wyndzarnio-skansyn

    Zoglondniesz se richtig we wiek dziewiytnosty
    Dyć zowdy wyńdziyli na muster tu prosty.

    --

    Ze śledzi

    Hasle do dzisioj żyje ze śledzi
    Złowi uwyńdzi - tako se biedzi
    Zocne som ciyngym w Hasle wyndzarnie
    Z nich grosz do dzisioj ta wioska garnie.


    Ekologicznie

    W Hasle tyż robiom klinker szamota
    Ekologicznie - to niy gupota.


    "Muzeum śledzia"

    "Muzeum śledzia" te Hasle mo
    Możno jedyne - to mi sie zdo.

    --
    Ruda Śląska - stolica fraszki
  • broneknotgeld 22.02.07, 22:57
    Banka we Svaneke

    We Swaneke banka mo napynd na siano
    Kopyta ło droga sukajom już rano.


    Wesołe miasteczko

    We Svaneke muter niy może być zło
    Tu przeca dlo bajtli piykne mini-zoo
    Basyny wyciongi i djobelske młyny
    Niy majom dziecioki ty stropiony miny.
    --

    Ziela ze Svaneke

    Ze Svaneke sława zyskujom już ziela
    Chnetko w cołki Danii bydzie tego wiela.


    Dzike rozy

    Do lipinsztiftow liście dowajom
    Z tych roz bo wiela ich tukej majom.


    Figurki ze Svaneke

    Stond figurki som ze gliny
    Archeolog robi miny
    Jak je na tysionce kopie
    To se po palicy dropie.

    --
    Ruda Śląska - stolica fraszki
  • broneknotgeld 22.02.07, 22:57
    Złoty Medal Rady Europy

    Za łochrona zobytkow Svaneke dostało
    Toż ze tym zrobiyli tu richtig niymało.


    "Siemens Gaard"

    Hotel mo cołke sztyrysta lot
    Z takego wieku kożdy jest rod.


    Wiatrak (1737)

    U wrot Svaneke wiatrak cie wito
    Richtig jest stary - jakby kto pytoł.


    Łabońdź

    Jest w herbie miasta i na kościele
    Niy trza bych musioł przeciyrać brele.


    Glashuta "Pernille Bulow"

    Som se wydmuchosz tu coś szklanego
    Pozor na zymby jednak kolego.

    --
    Ruda Śląska - stolica fraszki
  • broneknotgeld 22.02.07, 22:58
    Christianso

    Wele Bornholmu wyspa z fortecom
    Krol Christan V jom stowioł
    Myśloł że wrogi se tu niy zlecom
    Dyć bestoż fortyfikowoł.


    Djobelsko Wyspa

    Dlo heresztantow łona Djobelsko
    Przeca niy mieli tu wcale sielsko
    Robota ciynżko i dożywocie
    Toż ze kostuchom niy było pociech.


    Plyner

    Dzisioj napotkosz czynsto malyrzy
    Zdo sie ze kunsztym som tukej wyży.

    --
    Ruda Śląska - stolica fraszki
  • broneknotgeld 22.02.07, 23:00
    Zamek Hammerhus

    Arcybiskup Lundu tyn zamek wystawioł
    Utropa pierońsko krolowi tym sprawioł
    W końcu łobie strony Hanza "pogodziyła"
    Lubeka Hammerhus tyż wtedy zajyła.
    --

    Hammerhus

    Mnichy ze Hammerhus na ziylach se znali
    Wiela tego tukej przeca hodowali
    Dzisioj rożne cuda rosnom przi ruinie
    Toż niyjedyn ziylorz tego niy łominie.


    "Ziyle czarownic"

    Wele Hammerhus rośnie do dzisioj
    Niyjedne dziwo żech ło niym słyszoł
    Toż bol nojgorszy ze niym sie straci
    A i ryboka nawet wzbogaci
    Bo śnik zesyło na morske ryby
    W sieć chnetko same przi tymu "szły" by.

    --
    Ruda Śląska - stolica fraszki
  • broneknotgeld 22.02.07, 23:01
    Zamek arcybiskupi 1250

    Zefla erlandsena stanoł tukej wolom
    Zaćmić tyn Lilleborg było jego rolom
    Kościoł z krolym Danii czynsto se tu wadzioł
    Bez zamku by możno niywiela poradzioł.


    Na warcie

    Nojpiyrw Kościoła - potym był szwedzki
    Z koleji Hanzy - zdo sie niymiecki
    W końcu krol duński mioł w niym łoparcie
    Stoł mocno tukej - jakby na warcie.


    W Slotsgerden

    W Slotsgerden muzeum zamku znojdziesz
    Ze ruin drapko se tukej dojdziesz.
    --

    Browar

    To mi sie podobo - we twierdzy tyn browar
    Bez niego załodze ciynżko by sie żyło
    Wiela tu ktoś znaczoł jak dobry piwowar
    Przi złym - cudze wojsko by zamek zdobyło.

    --
    Ruda Śląska - stolica fraszki
  • broneknotgeld 23.02.07, 22:53
    Ny-Kirke

    Kościoł -rotunda ze downych wiekow
    Jak se tu wszyscy Kaszubow boli
    Malutki zdo sie dyć wiydz czowieku
    Że dzisioj se niym Bornholm fest chwoli.


    Ny

    Łod Nikolausa wzioł pewno miano
    Przeca jak rybok wypływoł rano
    Tyn świynty chronioł go durś na morzu
    I dziynki niymu powrotu dożoł.


    Wpiyrw

    Wieża kościoła płaski dach miała
    We niyj se ludność wioski zbiyrała
    Dostympu Wendom mocno broniyła
    Kaszubsko horda jom niy zdobyła

    Zagrody jednak zowdy grabiyli
    Niym se przez morze do sia wrociyli
    Ciyngym tyn Bornholm tako nynkali
    -W końcu Duńczyki łupnia im dali.


    Przi Ny-kirke

    Przi Ny-kirke kamiyń z lot pradownych stoji
    Zygor - toż i dzisioj klara go durś "stroji".

    --
    Ruda Śląska - stolica fraszki
  • broneknotgeld 23.02.07, 22:54
    Dzwonnik z Bodilsker

    Ponoć jak yno przestowoł dzwonić
    Chcioł do łogrodka swojego gonić
    I sztudiyrowoł przez cołke życie
    Ta botanika - przeca to wiycie.

    --
    Ruda Śląska - stolica fraszki
  • broneknotgeld 23.02.07, 22:55
    "Bornholm"

    W Dueodde to hotel kolos
    Jo bych do niego wcale niy poloz.


    Brzeg w Dueodde

    Ruchome wydmy laguny klify
    Sama prziroda niy jakeś knify.


    Latarnio

    Se do latarni na szpacyr idźcie
    Yno ło jednym tyż richtig wiydźcie
    Za widok ze niyj zapłacić trza
    Co łaska - to zdo sie tonio -pra?

    --
    Ruda Śląska - stolica fraszki
  • broneknotgeld 23.02.07, 22:55
    W Snogebaek

    Tawernow tu wiela - zicnijcie przi piwie
    I deliberujcie ło bornholmskim dziwie.


    W glashucie

    Zarobić glashucie pora euro dejcie
    Dyć szkła z tego werku yno niy szczaskejcie.


    Jarmark Staroci

    To sie podobo mi ludzie złoci
    Że tukej czynsto jarmark staroci.

    --
    Ruda Śląska - stolica fraszki
  • broneknotgeld 23.02.07, 22:56
    Nexo 1364

    Mo prawa miejske tyn zocny port
    Choć mały przeca wiela jest wort.


    Skiż wojny

    Skiż wojny Nexo fest uciyrpiało
    Wojsko tu przeca stacjonowało
    Niymcy sie Ruskom poddać niy chcieli
    Toż zbombardować wszysko musieli.


    Kościoł św. Mikołaja

    Świynty Mikołoj rybokow chroni
    Łod lot patronym majom go łoni
    Toż w Nexso mo tyż świontynia łon
    Niychej niy dziwi że tu se wzion.

    --
    Ruda Śląska - stolica fraszki
  • broneknotgeld 23.02.07, 22:57
    Akirkeby

    Jedyne miasto łod morza dali
    Stolica piyrwyj tu zakłodali.

    W Akirkeby

    Zdi sie te miasto nojstarsze tukej
    W nojwiynkszy kościoł przeca tyż kukej
    Niyjedne w Danii przi niymu blednom
    Łon piyrwyj nawet był tyż katedrom
    Toż przeca wiek dwunosty nań blikoł
    W niym arcybiskup Lundu tyż rzykoł.


    "Automobilmuseum"

    Zoglondnij tukej chocioż na chwila
    Przeca sie kochosz w automobilach
    Choć na tych se już wcale niy karniesz
    Dyć napaś łoczy pewno tyż garniesz.

    --
    Ruda Śląska - stolica fraszki
  • broneknotgeld 23.02.07, 22:58
    Ro

    Na wschod łod Gudhjem jest tako wiocha
    Werci rozglondnońć se tam tyż trocha.


    Ro Plantage

    Tam kaj erika park zrychtowali
    Jak tu zoglondniesz niy chcesz iść dali.


    "Helligdomsklipperne"

    Niydaleko Ro znojdziecie
    Groty - chocioż lepi przecie
    Z Gudhjem szifym tam przipłynońć
    Niy do sie ich przeca minońć.

    --
    Ruda Śląska - stolica fraszki
  • broneknotgeld 23.02.07, 22:58
    Moselokken

    Toż kamiyniołomym piyrwyj se asiyło
    Bestoż tyż muzeum take tu stanyło.


    W muzeum

    Rożniste granity w muzeum tym majom
    Narzyńdzia kerymi już niy łobrobiajom.


    W warsztacie

    Jak chcesz som łobrobić granitowo berga
    Chytej se roboty - niy czekej na cwerga.

    --
    Ruda Śląska - stolica fraszki
  • broneknotgeld 23.02.07, 22:59
    W Vang

    Czynny kamiyniołom do dzisioj w Vang znojdziesz
    Chocioż niy skiż tego do wioski ty dojdziesz.


    Młyn wodny (XVIII w)

    Młyn wodny - toż przeca niy był tukej zbytek
    A dzisioj se łostoł ciekawy zabytek.


    Kaplica Jona

    Skała przi brzegu stoji tu jedna
    Zlyźć z niyj na plaża - ździybeczko bledna
    Schodkow w doł bydzie tu przeszło sto
    Z klifu powiedom jakby na dno.

    --
    Ruda Śląska - stolica fraszki
  • broneknotgeld 23.02.07, 23:00
    Allinge

    Letnikow wiyncy tu niż ludności
    Dyć te miasteczko chyntnie ich gości.


    Allinge Kirke

    W sztyrnostym wieku już tu kaplica
    Potym świontynia co gryfne lica
    Przez wieki pora razy zmiyniała
    Do naszych czasow tako dotrwała.


    Ratusz

    Ratusz stanoł wele portu
    Wzywo kutry do raportu?
    Zaczoł czecio setka lot
    Burgemajster z tego rod.

    --
    Ruda Śląska - stolica fraszki
  • broneknotgeld 23.02.07, 23:01
    Sandvig

    Ze Allinge zdo sie razym
    Jakby jego jest łobrazym.


    "Madsebakke Helleristninger"

    W cołki Skandynawii dziwym jest ta skała
    Skond chyńć do rysunku w tych ludach se brała?
    Prehistorio tako tu "wymalowano"
    Prziszłym pokolyniom łod tych downych dano.

    --
    Ruda Śląska - stolica fraszki
  • broneknotgeld 23.02.07, 23:02
    "Kopynhaski syrynka"

    Jak na nia blikom łoko sie śmieje
    W tyj rzeźbie łonczom sie czi ideje
    Duch Andersena - kunszt Eriksena
    No i mamona łod Jacobsena

    Skiż tego czasym "carlsberga" pija
    Tom "trojidejom" jakby se żyja.
    --

    Muzeum Erotyki

    Niy dziw że tu tako sztela nawet majom
    Łoni w erotyce tolerancjo znajom
    Co byś niy pomyśloł - zowdy piyrsi byli
    Gejow i lesbijki łod downa żyniyli
    Jak płeć zmiynioł Duńczyk we czidziestym roku
    Tako poleciało - ciyngym krok po kroku.
    --

    "Christiania"

    "Wolne Miasto" w Kopynhadze z hipisowskich czasow
    Jest do dzisioj - dyć w niym ciyngym wiela tyż marasu
    Narkotyki przeca tukej belekaj dostaniesz
    Możno bydziesz we "komunie" mioł tyż używanie.
    --


    Bydzie ta "Christiania" dali
    We to wontpić idzie
    Zacznie wszysko sie fest walić
    A pomoc niy przidzie.
    --

    W Kopynhadze

    W Kopynhadze se łobudzisz
    Przez dziyń cołki niy zanudzisz
    Choć se Dania śpioncom zdowo
    Niy stolica - na to słowo.


    A po ćmoku

    Tu we nocy niy ma ćmoka
    Dośc uciechy dlo boroka
    Co w tym czasie spać niy umi
    Toż niy yno w gowie szumi.


    Ze Dunkom

    Jak ze Dunkom se zabawisz
    To i jyj radocha sprawisz.

    --
    Ruda Śląska - stolica fraszki
  • broneknotgeld 23.02.07, 23:03
    "Port Kupcow"

    Tako po duńsku te jeji miano
    Łod wiekow z handlu przeca jest znano
    Wiochom rybackom z poczontku była
    Z czasym stolicom Danii - w tym siyła.


    1443

    Krol Danii wtedy se tukej wkludzioł
    Port i te miasto jakby tym zbudzioł.


    Amalienborg 1669

    Fryderyk III czimoł tu stolec
    No a że richtig niy był łon golec
    Pałac dlo ślubny gryfny zbudowoł
    Zifii Amelii hołd tako dowoł.
    --

    "Saga Queen"

    Szif z kopynhagi zatokom płynie
    Byś zjeść mog dobrze w morski dziedzinie
    Rejs dobro kuchnia - czy trza cos wiyncy?
    Choroby morski? -Niych cie niy mynczy!

    --
    Ruda Śląska - stolica fraszki
  • broneknotgeld 23.02.07, 23:04
    Zelandia

    Zelandia tu wyspom nojpiyrszom
    Na niyj stolica tyż leży
    I bestoż zowdy nojwyrszom
    Dobrze tu zyć - chciyjcie wierzyć.


    Bez Kopynhagi

    Bez Kopynhagi czym jest ta wyspa?
    - Szłoby se yno tu dobrze wyspać.


    Zelandzke "cimple"

    Roskilde, Koge, Rigsted, Helsingor
    Dyć Kopynhaga tu jakby "indor".
    --

    Downe stolice

    Roskilde Ringsted - downe stolice
    Ci rozespane pokożom lice
    Chocioż jak lubisz ta historyji
    Zoglondniesz - przeca to niy mecyjo.


    Zelandia Staro

    Zelandia staro - Zelandia Nowo
    Daleko łod sia - to mi sie zdowo


    Na Zelandii

    Na Zelandii krole siedzom
    Czamu? -Łoni dobrze wiedzom.

    --
    Ruda Śląska - stolica fraszki
  • broneknotgeld 23.02.07, 23:05
    Dziyń św Łucji w Szwecyji

    Choć sie urodziyła w ciepły Italyji
    Nojmocni jest czczono we zimny Szwecyji
    W łopiece mo ślepych i tych co ich lyczom
    Bestoż frelki dzisioj chodzom se ze świycom

    W kożdym mieście szwedzkim terozki wybory
    Nojgryfniejszy Łucji co łodwiydzo chorych
    Niesie im pociecha i żymły rozdowo
    Nom by sie przidała - tako mi sie zdowo.

    --

    U nos

    Szwedzkich Wazow tyż my mieli
    No i "potop" w polski szteli.
    --

    Wazowie 1523 -1720

    Dwiesta lot prawie korona czimali
    Dyć se niy udało ze tym jednak dali.
    --

    Szwedzcy Wikingowie

    Łoni na Bałtyku byli se panami
    Zwali ich nikerzy czasym Waregami
    Na Ruś nawet prziszli - stanyli tu mocno
    Bo dlo nich ta sztela bogato i zocno.
    --

    Norlandia

    Te zorze polarne no i noce biołe
    Pryndzy łosia spotkosz niż czowieka tukej
    W tundrze byś mioł jednak życie niywesołe
    Szczyńścio se kaj ińdzi swojego poszukej.
    --

    Dwiesta lot

    Dwiesta lot se Szwecjo we pokoju żyła
    Terozki już wiymy skond jest jeji siyła.
    --

    Alfred Nobel

    Cosik tyn dynamit mynczoł jego jego dusza
    Bestoż fundnoł piykno nagroda dlo swiata
    Przeszło sto lot tymu - szkryfnońć ło tym musza
    Dyć nojwiynksze wojny były we tych latach.

    --
    Ruda Śląska - stolica fraszki
  • broneknotgeld 23.02.07, 23:06
    "Waza"

    "Wazy" wydobyli - piykny to zabytek
    Bog jednak im pedzioł że to dlo nich zbytek
    Przeca jak go piyrwyj yno zwodowali
    To sie niy uczimoł na ty morski fali.
    --

    "Pippi"

    Rozbawi cie zowdy ta dziołszka piegato
    Z ryszawom wesoło niy yno przez lato.
    --

    Jokkasjarvi

    Lodowym hotelym wioska wito w zimie
    Łon sie przez poł roku tukej dobrze czimie
    Za tobom juz koło - te podbiegunowe
    Tu witej Nowy Rok - spanio niy miyj w gowie.
    --

    W Noc Walpurgii Szwedy tyż wiosna witajom
    Krew Wikingow przeca w swojich żyłach majom.
    --

    Piwo z gorzołom

    Co u Szweda czasym mie ździybeczko dziwi?
    Dyć gorzołka lubi łon zapijać piwym
    Przeca kac po tymu bardzi mynczy zowdy
    Dyć mi niy powiycie że w tym niy ma prowdy.

    --

    Szwecji Łucja patronuje
    Dzisioj to tam kożdy czuje.
    --

    Prawiom - Łucja światło niesie
    Czy jom w Polsce richtig chce sie?


    --
    Ruda Śląska - stolica fraszki
  • broneknotgeld 23.02.07, 23:08
    Greta Garbo

    Godali że greta "zimny łogyń" poli
    Ze niom "Casablanka" kożdy jednak chwoli.
    --

    ABBA

    Ze "Waterloo" wygrać ta grupa umiała
    Ty naszy Europie łod sia wiela dała.
    --

    Ło Szwedce

    Tu bezrobocio niy ściyrpi baba
    Czuje sie wtedy jakby ta żaba
    Ale na chopa robić niy bydzie
    Bestoż łon przi ni we wielki "biydzie".
    --

    Szwedzki stoł

    Ze Szwecji lubia jo szwedzki stoł
    Nojchyntni zowdy bych przi nim boł.
    --

    Korona

    Choć Szwedy som w Unii toż euro niy majom
    Bo swoji koronie łoni richtig pszajom.
    --

    Kaj?

    Kaj jo bych dostoł we Szwecji hopla?
    Na tym fajerze "Nagrody Nobla".

    --

    Podobnoś

    Podobnoś Szwedy ło dom durś dbajom
    Łoni "Ikea" we duszy majom.
    --

    Ło Szwedzie

    Szwed wychylać sie niy lubi
    Styknie volvo piykno chata
    I robota co niy "gubi"
    Dostatek na stare lata

    Bestoż szarpać se niy bydzie
    Przeca już to wszysko mo
    Jak jest mody to mu przidzie
    Take życie yno zno.
    --

    Patronka

    Świynto Łucjo Szwecji patronkom łod lot
    Toż przi biydzie kożdy ze tego jest rod
    I chocioż dostatek richtig teroz majom
    Sycylijski świynty ciyngym wiela pszajom.
    --

    13 grudnia

    We "Dziyń świynty Łucji" jak tradycjo koże
    Mode frelki rano już widać na dworze
    W alby łobleczone ze światłym na gowie
    Śniodanie roznoszom - Twoj znak to tyż Boże.

    --
    Ruda Śląska - stolica fraszki
  • broneknotgeld 23.02.07, 23:09
    Femokracjo

    Możno ździybeczko to czasym złości
    We Parlamyńcie chopy w myńszości
    W rzońdzie podobnoś tyż majom tako
    Baba ze chopym już niy jednako?
    --

    Odyn

    Odyn to pedzioł ferajnie
    -We Szwecji richtig jest fajnie
    Łostali tukej na zowdy
    Bo przeca wiela w tym prowdy.
    --

    Skond miano Szwecji?

    Łod Swewow ta Szwecjo miano swoje wziyła
    Była w tym plymiyniu richtig wielko siyła.
    --

    Swewowie

    Svar - wypolono polana w lesie
    Czy możno łod "szwagra" te miano se niesie.
    --

    Jezioro Wener

    Ano - toż jakby już małe morze
    Czecie jezioro w Europy dworze.
    --

    Kraina Wielkich Jezior

    Ździybko to wyglondo choćby w Hameryce
    Ale jest we Szwecji - przeca ło tym wiycie.
    --


    Norrland

    Toż to połnocno Szwecji kraina
    W czyńści lapońsko przeca dziedzina.
    --

    Rudy ajzy

    Na hematycie i magnezycie
    Rośnie we Szwecji jakby tyż życie.
    --

    Oz

    Czy tu Dorotka tyż Oz szukała?
    Oz - naszo sztreka jakby bezmała.
    --

    "Zielone złoto"

    Tego we Szwecji niy braknie tyż
    Lasy som skarbym - przeca to wiysz.

    --
    Ruda Śląska - stolica fraszki
  • broneknotgeld 23.02.07, 23:10
    Już Tacyt

    Już Tacyt chwoloł łod Swewow łodzie
    Groźne być miały w przibrzeżny wodzie
    Dyć wtedy jednak bez żagla były
    Na oceanie by sie straciyły.
    --


    "Ynglingatal"

    Toż Brahe Stary pieśń ta ułożoł
    W kery Ynglingow rod wielki ożoł
    Korzyniym siyngli do Yngwe przeca
    A łon z Odyna zocnego neca.
    --

    W Stary Uppsali

    W Stary Uppsali znojdziesz kurhany
    Kaj krol niyjedyn Swewow chowany
    Z Ynglingow łoni som dynastyji
    Mieli z Gotami ździybko mecyji.
    --

    Wikingowie

    Ze Szwecji se ciśli w połednie i wschod
    Cosik łod Wikingow mo niyjedyn rod
    Wiela zrabowali i dali ty Rusi
    Kto historii liznoł tako pedzieć musi.
    --

    Waregowie

    Take miano mieli Wikingi na wschodzie
    Zowdy jednak byli w skandynawskim rodzie.

    --

    Birka

    Jak u nos w niywola ludzi nachytali
    Ze czyńściom do Birki zowdy przipływali
    Niyszczyńśnikow klontwa dyć dopadła miasto
    Tysionc lot już tymu - richtig dugi czas to.
    --

    Na monecie

    Łodź Wikingow z żaglym widza na monecie
    Birka take biyła - dyć downo już przecie
    Niywiela po szteli do dzisioj łostało
    Jak na piniondz blikom myśla - tyż niymało.

    --

    Styrbjorn

    Jak Eryk Styrbjorna wygnoł ze Szwecyje
    Tyn do Jomswikingow pryndko se przikludzioł
    We Wolinie były z tym ponoć mecyje
    Bo wojna mioł w gowie - durś łupami judzioł

    Dyć wybroł sie z niymi pokonać Eryka
    Rzekom Fyris jednak krew Wolinian płynie
    Tako se przekonoł - niy trza było brykać
    Ujka zaś Zwyciynzcom wołali w dziedzinie.
    --

    Cieśnina Sund 1000

    Szwedzko-duńsko flota tukej
    Ze norweskom se pobiyła
    Zdrady wielki tyż poszukej
    We Wolinie łona była

    Tu Olafa Tryggvasona
    Swigwald gości coś za dugo
    Zawroco mu w gowie żona
    Dyć na Szwedow ciyngym mrugo

    Stało sie co planowali
    Szwecjo z Daniom teroz razym
    Hiby fest Norwegii dali
    Olaf gupi - bez łobrazy

    Łostało mu yno pitać
    Astrid ponoć w tym pomogła
    Choć niy byda ło to pytać
    Myśla - zdrada tyż jom zmogła.

    --
    Ruda Śląska - stolica fraszki
  • broneknotgeld 23.02.07, 23:10
    Sigrida

    Toż Eryk Zwyciynzca piyrszym jeji chopym
    Możno jeszcze niy mioł z niom wiela utropy
    Dyć po jego śmierci wdowa ze niyj "dumno"
    Cera łod Chrobrego - tyż bestoż fest szumno.
    --

    Sigrida Dumno

    Jak po Eryku se łowdowiała
    To zolytnikow durś wiela miała
    Roz zjowioł se tu Vissawald z Rusi
    I Harald kery Norwegiom kusi
    Choć konski yno ziym tych czimali
    Fest przi Sigridzie zafajrowali

    Łona zaś jakby na to czekała
    Miecze i łogyń prziszykowała
    Jarle to dlo niyj zocne niy byli
    I z jyj rozkazu marnie zginyli
    Lud łod ty pory Dumnom jom zwoł
    "Biydok" kto jeji rynka wziońć chcioł.

    --
    Ruda Śląska - stolica fraszki
  • broneknotgeld 09.04.07, 13:13
    Sigrida - Świyntosława

    Ślubno Eryka - siostra Chrobrego
    Swionow krolowa - szczepu zocnego
    Wdowom we końcu przeca łostała
    Siył wszysko strzimać durś wiela miała.
    --
    Ruda Śląska - stolica fraszki
  • broneknotgeld 09.04.07, 18:26
    No ja, Świyntosława jednak była siostrom Chrobrego, a niy cerom.
    Piyrwyj żech musioł coś inkszego poczytać - stod moj feler.
    --
    Ruda Śląska - stolica fraszki
  • broneknotgeld 09.04.07, 13:17
    Dumno!

    Roz zalotnikow se dwoch zebrało
    Harald z Norwegii, Vissavald z Rusi
    Łoba dyć coś przeca znaczom za mało
    Dyć czy Sigrida wybrać z nich musi?

    Napitkow wiela krolom podali
    Jejich druzyny tako fajrujom
    Dyć jak łozarte se już pospali
    Łogniym i mieczym w końcu czynstujom

    Taki Sigrida rozkaz wydała
    Ludzie krolowy przeca słuchali
    Miano ty "Dumny" ze tym dostała
    Już zolytnik se niy zjowiali?!
    --
    Ruda Śląska - stolica fraszki
  • broneknotgeld 09.04.07, 13:21
    Państwo Odyna

    Państwo Swionow bog załozoł
    Dlo nich richtig wiela wozoł
    Mondry był - toż przeca wiycie
    Przepowiodoł śmierć i życie.
    --
    Ruda Śląska - stolica fraszki
  • broneknotgeld 09.04.07, 13:23
    Siyły Odyna

    Ugaszoł łogyń, uciszoł morze
    We jego woli wiater na dworze
    Doł Swionom prawa - wedle nich żyli
    Stary jak świat był - takim go czciyli.
    --
    Ruda Śląska - stolica fraszki
  • broneknotgeld 09.04.07, 14:54
    Tor

    Z łonym zowdy po zwyciynstwo
    Ze niym siyła no i mynstwo.
    --
    Ruda Śląska - stolica fraszki
  • broneknotgeld 09.04.07, 14:55
    Freja

    Z Frejom wszysko se rodziyło
    Przi niyj szczyńście zowdy było.
    --
    Ruda Śląska - stolica fraszki
  • broneknotgeld 09.04.07, 14:56
    Frej - Freja

    Toż se teroz z tego śmieja
    Był to Frej czy richtig Freja?
    --
    Ruda Śląska - stolica fraszki
  • broneknotgeld 09.04.07, 14:58
    Staro Uppsala

    Dlo Swionow jako świynto stolica
    Tu żeś zoglondoł we bogow lica
    W pogańskich czasach kwitła Uppsala
    Tako ci szumi jeziora fala.
    --
    Ruda Śląska - stolica fraszki
  • broneknotgeld 09.04.07, 15:00
    "Blotfest"

    W Stary Uppsali to "świynto krwi"
    W ofierze Ludzi Swiony skłodali
    Co dziesiyńć rokow - niych kożdy wiy
    Tako do bogow swojich "rzykali".
    --
    Ruda Śląska - stolica fraszki
  • broneknotgeld 09.04.07, 18:13
    Co dziewiyńć rokow był tyn "blotfest".
    Toż wyboczcie mi tyn feler.
    --
    Ruda Śląska - stolica fraszki
  • broneknotgeld 09.04.07, 18:15
    "Blotfest"

    W Stary Uppsali to "świynto krwi"
    W ofierze ludzi Swiony skłodali
    Co dziewiyńć rokow - niych kożdy wiy
    Tako do bogow swojich "rzykali".

    --
    Ruda Śląska - stolica fraszki
  • broneknotgeld 09.04.07, 18:16
    Krwawo "dziewiontka"

    Co dziewiyńć rokow dziewiyńciu ludzi
    Se po "blotfeście" juz niy łobudzi.
    --
    Ruda Śląska - stolica fraszki
  • broneknotgeld 09.04.07, 18:20
    Krol Swionow Aun

    Sagi ło tym cosik prawiom
    Synow swojich doł w ofierze
    By żyć długo - tako jawiom
    Pomarł drapci w swoji wierze?
    --
    Ruda Śląska - stolica fraszki
  • broneknotgeld 09.04.07, 18:21
    Swionowie - Swewowie

    Dwa miana w jedne cuzamyn zloły
    Plymiona kerych wrogi se boły.

    --
    Ruda Śląska - stolica fraszki
  • broneknotgeld 09.04.07, 18:28
    Ting Swewow

    Tong i dlo krola "prawym Odyna"
    Mioł czasym przed niym niytyngo mina.
    --
    Ruda Śląska - stolica fraszki
  • broneknotgeld 09.04.07, 18:40
    Jarl

    Wodz - w służbie krola dowodca floty
    Toż dlo Wikingow niy som gupoty.
    --
    Ruda Śląska - stolica fraszki
  • broneknotgeld 09.04.07, 18:41
    "Drots"

    Ze woli krola sondy łodprowio
    Czy zowdy prawo na wiyrchu stowio?
    --
    Ruda Śląska - stolica fraszki
  • broneknotgeld 09.04.07, 18:36
    Mnich Austgar (831)

    Z woli krola Bjorna w Birce mioł misyjo
    Dyć krotko to trwało - jakby komedyjo.
    --
    Ruda Śląska - stolica fraszki
  • broneknotgeld 10.04.07, 19:03
    Eryk VII Zwyciynski

    Piyrszy krol Swewow co krzest przijmowoł
    Dyć niy do końca za "Krziżym" stowoł
    I Świyntosława nic niy poradzi
    Jako ze tingym ło to se wadzić?
    --
    Ruda Śląska - stolica fraszki
  • broneknotgeld 10.04.07, 19:05
    Świyntosława - Gunhilda

    Cera Mieszka - siostra Bolka
    Z rodu Piastow - dyć czy Polka?
    --
    Ruda Śląska - stolica fraszki
  • broneknotgeld 10.04.07, 19:10
    Olof Skotkonung 1008

    Gotow i Swewow władcom był tako
    Krzest jako łojciec przijoł jednako
    Dyć w nowy wierze wytrwoł do końca
    Chnet Odynowi zabraknie słońca.
    --
    Ruda Śląska - stolica fraszki
  • broneknotgeld 10.04.07, 19:20
    "Skotkonung"

    "Krol co podatki na lud nakłodo"
    Tako i miano tyż ło niym godo.
    --
    Ruda Śląska - stolica fraszki
  • broneknotgeld 10.04.07, 19:22
    Krol Olof Skotkonung +1020+

    Syn Sigridy i Eryka
    Chcioł do Krysta richtig rzykać
    I pogaństwo tympić tako
    Choć niyjedyn Swew zapłako.
    --
    Ruda Śląska - stolica fraszki
  • broneknotgeld 10.04.07, 19:24
    Sigtuna (XI w.)

    Krol nowe miasto w Upplandzie stowio
    Jako stolica terozki dowo?
    Przeciw Uppsali (Birka se traci)
    Sigtuna drapko bezto bogaci.
    --
    Ruda Śląska - stolica fraszki
  • broneknotgeld 10.04.07, 19:32
    Krol Inge XI/XII w.

    Prziloz ze krziżym już do Uppsali
    To co pogańske teroz łobali
    Łogniym i mieczym nowe wygrywo
    Choć se niyjedyn Swew tymu dziwo.
    --
    Ruda Śląska - stolica fraszki
  • broneknotgeld 10.04.07, 19:32
    Uppsala 1164

    Arcybiskupstwym Uppsala tako
    Za downom wiarom nikt już niy płako
    Yno Sigtuna coś na tym traci
    Terozki myni już se bogaci.

    --
    Ruda Śląska - stolica fraszki
  • broneknotgeld 10.04.07, 23:12
    Koscioł w Szwecyji

    Kościoł Szwecyjo tako kupluje
    W tym ze krolami dyć wspołpracuje
    Nawet wyprawy głosi krziżowe
    Coby podbijać ziymie durś nowe.
    --
    Ruda Śląska - stolica fraszki
  • broneknotgeld 10.04.07, 23:14
    Szwedzke Abo (XIII w.)

    Trzimiom po czyńsci już Finlandyjo
    W Abo biskupstwo - niy komedyjo
    Przeca Uppsali ciyngym se słucho
    Na to co fińske richtig jest głucho.
    --
    Ruda Śląska - stolica fraszki
  • broneknotgeld 10.04.07, 23:20
    Krol Eryk IX

    Choć do Finlandji powiod krucjata
    Chocioż założoł już dynastyjo
    Zginoł ze rynki duńskego "brata"
    Uppsala widzi ta tragedyjo.

    --
    Ruda Śląska - stolica fraszki
  • broneknotgeld 11.04.07, 17:33
    Knut (Erykida)

    Dlo Szwecji krol tyn czas niesie lepszy
    Dyć z jego śmierciom wiela se spieprzy.
    --
    Ruda Śląska - stolica fraszki
  • broneknotgeld 11.04.07, 17:35
    Eryk XI Eriksson (1229)

    Jarle łod tronu go łodrywajom
    Tako Birgera chnet krolym majom
    Magnusson lepszy niż Erykida?
    Czy ze niym czeko zaś nowo biyda?
    --
    Ruda Śląska - stolica fraszki
  • broneknotgeld 15.04.07, 10:48
    Krol Waldemar I Birgersson

    Po fatrze chycioł se władzy tako
    Dyć krol ze niego że Szwecjo płako.
    --
    Ruda Śląska - stolica fraszki
  • broneknotgeld 15.04.07, 10:50
    Magnus I Ladulas (1275)

    Brat Waldymara z tym rokym rzońdzi
    Łon juz do ćmoka dyć niy zabłońdzi
    "Ladulas" jako "szkobel łobory"
    Kto se sprzeciwić mu bydzie skory?
    --
    Ruda Śląska - stolica fraszki
  • broneknotgeld 15.04.07, 10:53
    Szwecjo 1290

    Ladulas pomarł a syny małe
    Marszałek Szwecji mo sznorki całe
    Dyć Torgill Knuttson skiż tego zginie
    A władcow trzech chnet we ty dziedzinie.

    --
    Ruda Śląska - stolica fraszki
  • broneknotgeld 18.04.07, 08:08
    Szwecjo płako

    Birger, Waldymar i Eryk tako
    Ciyngym se wadzom a Szwecjo płako
    Bo na trzi czyńści już podzielono
    Słabszo dziedzina ktosik pokono.
    --
    Ruda Śląska - stolica fraszki
  • broneknotgeld 18.04.07, 08:10
    Wygnanie Birgera

    Toż istny bratkow trzimoł w hereszcie
    Zamorzoł głodym - tako mi wierzcie
    Go ze Szwecyji bezto wygnali
    I bajtla krolym chnet łobwołali.
    --
    Ruda Śląska - stolica fraszki
  • broneknotgeld 18.04.07, 08:12
    Krol Magnus II

    Mo trzi roki ta dziecina
    Już w Norwegji, Szwecji rzońdzi
    Długo jego tyż dziedzina
    Dyć czy czasym niy pobłondzi?
    --
    Ruda Śląska - stolica fraszki
  • broneknotgeld 18.04.07, 08:17
    Mor w Szwecyji 1350

    Ech - zaraza łostro kosi
    Choć ło litośc kozdy prosi
    Biere starych tako dzieci
    Traci człowiek se co trzeci.
    --
    Ruda Śląska - stolica fraszki
  • broneknotgeld 20.04.07, 23:11
    Niymcy w Szwecyji

    Toż se Szwecjo wyludniyła
    A tu Hanzy ciśnie siyła
    Niymce tyż bogacom tako
    Choć niyjedyn Szwed zapłako
    --
    Ruda Śląska - stolica fraszki
  • broneknotgeld 20.04.07, 23:13
    Najazdy Duńczykow

    Ło Skanio, Blekinde ciyngym zwada była
    Stond niyjedna duńsko wyprawa se wziyła
    We Gotlandji nawet wojska Waldymara
    Trza se Magnusowi ło Visby tyż starać.
    --
    Ruda Śląska - stolica fraszki
  • broneknotgeld 20.04.07, 23:19
    Świynto Brygida (1300-1373) - cera Birgera Perssona

    "Prawo Upplandu" fater łopisoł
    Cera widzynia zaś miała
    Dyć jyj we głowie nikt niy namiyszoł
    Ślubnego drapko dostała

    Bo jak jyj klupło rokow trzonoście
    Już za karlusa wydano
    Łosmiorga dzieci matkom - toż proście
    Jom ło potomstwo co rano

    Dyć chop jyj pomarł - wdowom łostała
    Dali juz zyje w świyntości
    Na nic jyj przeca pociechy ciała
    Ponboczek w duszy durś gości.
    --
    Ruda Śląska - stolica fraszki
  • broneknotgeld 21.04.07, 11:25
    Świyntobliwo wdowa

    Toż ślubny pomarł - Istno łostała
    Siyły ze tego świyntość jyj brała?
    Co piyrwyj jakby ździybko se kryło
    Z Brygidy teroz richtig buchnyło

    Wizje, czas pontu, dźwigo klosztory
    Przi Jeji wierze żeś bardzi skory
    Wytrwać w uczynkach co Niebo niesom
    I tako bliźnich zowdy ucieszom.

    --
    Ruda Śląska - stolica fraszki
  • broneknotgeld 21.04.07, 11:27
    Widzynia świynty Brygidy

    Łod malutkości ponoć już miała
    Dyć jako wdowa je spisywała
    Ponboczek Jeji kerowoł rynkom?
    -Deliberuja jak teroz klynkom.
    --
    Ruda Śląska - stolica fraszki
  • broneknotgeld 21.04.07, 18:53
    Łobjawiynia świynty Brygidy

    Toż łopuszczały Brygida siyły
    Dyć przez to rosła juj dusza
    Czy se Ponboczka myśli w tym kryły?
    Dzisioj już pytać niy musza

    Co łobjawione Isny łostało
    To w końcu prziszło naprowdy
    Cudym potomnym se wydowało
    Skiż tego świyntom na zowdy.
    --
    Ruda Śląska - stolica fraszki
  • broneknotgeld 21.04.07, 18:55
    Klosztor w Vadstenie

    Klosztor w ty szteli podźwignońć chciała
    Juz krola we tym poparcie miała
    Dyc do papiyza se tyż wyprowio
    Prziszłość Europy w Rzymie łobjowio.
    --
    Ruda Śląska - stolica fraszki
  • broneknotgeld 21.04.07, 18:57
    Pont św.Brygidy do Jerozolimy (1372-1373)

    Brygida tako swoj wiek już miała
    Se w pont do Ziymi Świynty wybrała
    Wroco do Rzymu - kaj Jyj pisane
    Co śmiertelnikom na zowdy dane.

    --
    Ruda Śląska - stolica fraszki
  • broneknotgeld 22.04.07, 14:22
    Świynto Brygida - Rzym +1373+

    Ze Ziymi Świynty we "Wieczne Miasto"
    Niywiasta naszo w koncu se wroco
    Dzisioj już wiymy - wypełnioł czas to
    Coś niyziymskego życie Jyj skroco.
    --
    Ruda Śląska - stolica fraszki
  • broneknotgeld 22.04.07, 14:29
    Świynto Brygida 1391

    Niy za wiela poczekali
    Drapko kanonizowali
    Czy krolowa Małgorzata
    Za to chciała dać poł świata?
    --
    Ruda Śląska - stolica fraszki
  • broneknotgeld 22.04.07, 14:31
    Świynto Brygida a Krziżaki

    Toż w łobjawiyniach tako widziała
    Co ich potynga cołkym zmalała
    Jagiełło we to richtig uwierzoł
    Choć Zakon jeszcze wojna z niym przeżoł.
    --
    Ruda Śląska - stolica fraszki
  • broneknotgeld 22.04.07, 14:32
    Świynto Brygida jako monż stanu

    Za życio jako monż stanu była
    Szwecji, Europy - w tym Jeji siyła.
    --
    Ruda Śląska - stolica fraszki
  • broneknotgeld 22.04.07, 14:37
    Hakon

    W Norwegji krolym syn łod Magnusa
    -Biere za ślubno cera Duńczyka
    Szwigrowi prziszło richtig go z muszać?
    Czy Małorzacie ło to durś rzykać?
    --
    Ruda Śląska - stolica fraszki
  • broneknotgeld 22.04.07, 17:06
    Koniec Magnusa

    Toż niy był leki koniec Magnusa
    Kłonioł se jakby łon Duńczykowi
    W końcu bez tronu - to szkryfnońć musza
    A Szwecjo słucho co drots Grip powiy.
    --
    Ruda Śląska - stolica fraszki
  • broneknotgeld 22.04.07, 17:07
    Małgorzata I

    Cera krolewsko i ślubno krola
    Danio z Norwegiom tako kupluje
    Szwecjo chnet jeji - niy byda fulać
    Jako regyntka tukej panuje.
    --
    Ruda Śląska - stolica fraszki
  • broneknotgeld 22.04.07, 17:10
    Małgorzata I 1388

    Włado Szwecyjom jako krolowa
    Dyć trza na krola dać mynsko głowa
    Syn Warcisława - ksiyńcia słupskego
    Siostrzyniec przeca - wyznoczo jego!
    --
    Ruda Śląska - stolica fraszki
  • broneknotgeld 22.04.07, 17:12
    Eryk Pomorski

    Toż siostrzyniec Małorzaty
    Przi ciotuchnie niy sagaty
    Tron norweski mo i duński
    Trza szwedzkego dlo zakonski.
    --
    Ruda Śląska - stolica fraszki
  • broneknotgeld 22.04.07, 17:14
    Unio Kalmarsko 1397

    Eryk Pomorski mo trzi korony
    Dyć ciotka ciyngym rzońdzi za niego
    We końcu jednak krola poznomy
    Choć pozowiścić niy bydzie czego.
    --
    Ruda Śląska - stolica fraszki
  • broneknotgeld 24.04.07, 16:32
    Eryk XIII

    Mieli w Szwecjo go za złego
    Richtig wiela tyż chciwego
    Ze Jagiełłom se kamracioł
    Dyć we końcu tron swoj stracioł.
    --
    Ruda Śląska - stolica fraszki
  • broneknotgeld 24.04.07, 16:36
    Eryk III a Zakon Krziżacki

    Co piyrwyj duńske - zakonu było
    Ziymia estońsko krolowi miło
    Toż z Polokami chce bić Krziżoka
    Czy za wysoko prziszło mu skokać?
    --
    Ruda Śląska - stolica fraszki
  • broneknotgeld 24.04.07, 16:38
    Eryk XIII (1439)

    Korona szwedzko szajdong mu dała
    Se Bawarczyka w końcu wybrała.
    --
    Ruda Śląska - stolica fraszki
  • broneknotgeld 24.04.07, 16:41
    Krzysztof Bawarski +1448+

    Choć trzi korony istny kuplowoł
    Drapko przed "tronym niybieskim" stowoł.
    --
    Ruda Śląska - stolica fraszki
  • broneknotgeld 24.04.07, 16:44
    Jako z "Unijom"?

    Jako z Unijom Kalmarskom bydzie/
    Kożdo korona łosobno idzie?
    Toż wre we szwedzki richtig dziedzinie
    To co nojgorsze drapko niy minie.

    --
    Ruda Śląska - stolica fraszki
  • broneknotgeld 24.04.07, 20:32
    "Łobrońca krolestwa" 1470

    Stan Sture ze tym w Szwecji wygrywo
    Regyncjo chyci - toż to niy dziwo
    Że mu "unijne" porzondki wadzom
    Szwedy se sami łodtond poradzom?

    --
    Ruda Śląska - stolica fraszki
  • broneknotgeld 26.04.07, 08:21
    Bitwa pod Bunkebergiem (1471)

    Tako Swen Sture tukej wygrywo
    Sztokholm se tymu ze bliska dziwo
    Już niy mo życio kto przi uniji?
    Szajdong z tym wygroł cołkym w Szwecyji?
    --
    Ruda Śląska - stolica fraszki
  • broneknotgeld 26.04.07, 08:23
    Sten Sture Młodszy

    Ano - jak brakło w końcu Starszego
    Trza mić regynta tako Młodszego.
    --
    Ruda Śląska - stolica fraszki
  • broneknotgeld 26.04.07, 08:24
    Chrystian II (1513)

    Krol duński nowy
    Dyć to mu mało
    Chciołby tyż chycić
    Szwecyjo cało.
    --
    Ruda Śląska - stolica fraszki
  • broneknotgeld 26.04.07, 08:26
    Arcybiskup Gustaw Trolle

    Głowa Kościoła we niym szwedzkiego
    Dyć do heresztu posłano
    Chce Chrystian II uwolnić jego?
    Czy krola Szwecji mieć wiano?
    --
    Ruda Śląska - stolica fraszki
  • broneknotgeld 28.04.07, 23:24
    Chrystian II w Szwecyji (1520)

    Z wojskym w Szwecyji - tako już wiycie
    Sten Sture Młodszy z tym traci życie
    I arcybiskup łoswobodzony
    Pobłogosławioł pynd do korony.
    --
    Ruda Śląska - stolica fraszki
  • broneknotgeld 29.04.07, 21:55
    "Krwawo łaźnia sztokholmsko"

    Nakłonioł Trolle krola do tego
    Coby winnymi uznać przegranych
    Miast amnestyji prziszło do tego
    -Za heretyka kożdy uznany!

    Toż se masakra krwawo zaczyła
    Ciała spolyli - nic niy łostało
    Wiynkszo niynowiść zaś w duszy tlyła
    Ze tego siyły bydzie tyż brało.
    --
    Ruda Śląska - stolica fraszki
  • broneknotgeld 29.04.07, 21:59
    Gustaw Waza

    Chcioł w Dalecarji se przeciwstowić
    Krolowi kery niy szwedzki
    Tako prowincjo łod niego zbawić
    Niy trzimć se jakiś kecki

    Wpiyrw go łololi - w boj niy ruszyli
    Toż do Norwegji mu droga
    Dyć coś we końcu tyż spokopiyli
    Już broń terozki przi nogach.
    --
    Ruda Śląska - stolica fraszki
  • broneknotgeld 02.05.07, 22:03
    "Wyścig Wazy"

    Ze downych czasow ta tradycyjo
    Po śniegu Wazy ścigali
    Coby ich w boj wiod - niy komedyjo
    Z niym wroga stond przegoniali.
    --
    Ruda Śląska - stolica fraszki
  • broneknotgeld 02.05.07, 22:04
    Gustaw Waza 1521

    Toż wele niego rośnie armijo
    Tako nadali mu regyncyjo.

    --
    Ruda Śląska - stolica fraszki
  • broneknotgeld 02.05.07, 22:06
    Krol Gustaw Waza 1523

    Sztokholm zdobyty - korona Wazy
    Nowy krol duński niy mo urazy
    Szwecjo z uniji se już wyrwała
    Toż po to przeca tyż wojowała.
    --
    Ruda Śląska - stolica fraszki
  • broneknotgeld 02.05.07, 22:09
    Reformacjo w Szwecyji

    Krol Gustaw ubogi a Kościoł bogaty
    Potrza reformacji coby był sagaty
    Toż se na tym richtig korona dźwignyła
    Wiela co kościelne dlo sia teroz wziyła.
    --
    Ruda Śląska - stolica fraszki
  • broneknotgeld 02.05.07, 22:30
    Biblijo po szwedzku (1541)

    Richtig dlo Szwedow to wiela znaczy
    Niy trza łacinom se już łonaczyć.


    --
    Ruda Śląska - stolica fraszki
  • broneknotgeld 02.05.07, 22:32
    Gustaw Waza +1560+

    Szwecjo podzwignoł z upadku tako
    Teroz dziedzina za istnym płako
    Dyć feler zrobioł we łożu śmierci
    To co krolewske dzieli na ćwierci.
    --
    Ruda Śląska - stolica fraszki
  • broneknotgeld 02.05.07, 22:34
    Gustawa syny

    Sztyrech fest herskich synow łostawioł
    Kożdymu gyszynk krolewski sprawioł
    Eryk, Jan, Magnus, Karol tyż tako
    Przidzie łostuda - ktosik już krako.
    --
    Ruda Śląska - stolica fraszki
  • broneknotgeld 02.05.07, 22:36
    Połnocno wojna siedmioletnio (1563)

    Zaś ze Daniji wojsko se ciśnie
    Co szwedzke lubiom jak kwaśne wiśnie
    Chcom by unijom wszysko kuplować
    Co piyrwyj było - teroz łod nowa?
    --
    Ruda Śląska - stolica fraszki
  • broneknotgeld 12.05.07, 22:27
    Eryk XIV

    Duńczyk se ciśnie - brat tako zdrodzo
    Szczyńscie krolewske kaj niy trza chodzo
    Toż w końcu istny tyn tron utraci
    Trza dować pozor na swojich braci.
    --
    Ruda Śląska - stolica fraszki
  • broneknotgeld 12.05.07, 22:28
    Jan III

    Brata Eryka tym Janym zwano
    Toż juzaś krola szwedzkego miano.
    --
    Ruda Śląska - stolica fraszki
  • broneknotgeld 12.05.07, 22:31
    Prokatolicki

    Prokatolicki Jan III tako
    Niyleko rzońdzić protestantami
    Przeca skiż tego wcale niy płako
    Durś trzimie sztama z katolikami.
    --
    Ruda Śląska - stolica fraszki
  • broneknotgeld 12.05.07, 22:32
    Krol Zygmunt Waza

    Syn Jana III - krola Polski znocie
    Wzioł korona szwedzko - niy mioł ze niyj pociech.
    --
    Ruda Śląska - stolica fraszki
  • broneknotgeld 16.05.07, 05:40
    Karol Sudermański

    Karol Sudermański -łod Zygmunta ujek
    Chnetko we Szwecyji se rzondy sprawuje
    Bratanek katolik - patrzy wiary swoji
    Kraj zaś do wojynki coroz bardzi zbroji.

    --
    Ruda Śląska - stolica fraszki
  • broneknotgeld 16.05.07, 05:44
    Krol Karol IX (1603)

    Regynt piyrwyj - już krol z niego
    Czy trza wschodu łodległego
    Polok wygro, Rus se broni
    Zły tref tyż istnego goni
    Toż umiyro niy w gloryji
    Yno prawie skiż mecyji.
    --
    Ruda Śląska - stolica fraszki
  • broneknotgeld 16.05.07, 05:50
    Gustaw II Adolf (1610)

    Ze Szwecji mocarstwo zrobioł
    Wrogow cołkym dyć niy pobioł
    Z pola bitwy rzońdzioł tako
    Dyć śmierć kosi tyż jednako
    Toż pod Lützen w końcu ginie
    Fest żałoba we dziedzinie?
    --
    Ruda Śląska - stolica fraszki
  • broneknotgeld 23.06.07, 15:00
    Göteborg 1607

    Coby Duńczykow durś niy bogacić
    Geldu na cudzy handel niy tracić
    Göteborg teroz Szwecjo wystowio
    Tref powodzynie tyż miastu dowo
    --
    Ruda Śląska - stolica fraszki
  • broneknotgeld 23.06.07, 15:04
    Gustaw II Adolf (1611)

    Z Daniom i Rosjom po co wojować?
    Zdo sie co lepi na pokoj stowiać
    Krol chocioż młody drapko se godzi
    Bo wiy że tako Szwecji niy szkodzi.
    --
    Ruda Śląska - stolica fraszki
  • broneknotgeld 23.06.07, 15:07
    Rozyjm Altmarski (1629)

    We Polsce Waza tyż przeca rzońdzi
    Dyć do Szwecyji już niy zabłondzi
    I choć go możno to nawet dziwo
    Polska ze Szwecjom wojna przegrywo
    Toż władza tako w Inflantach traci
    Se Gustaw Adolf na tym bogaci
    Dlo niego robiom tyż pruske porty
    Geld co sie suje wojny jest worty?
    --
    Ruda Śląska - stolica fraszki
  • broneknotgeld 23.06.07, 15:09
    Altmark (Stary Targ)

    Wele Iławy ciyngym ta sztela
    Dyć dzisioj przeca niy znaczy wiela.
    --
    Ruda Śląska - stolica fraszki
  • broneknotgeld 26.07.07, 16:36
    Marny koniec! (1632)

    Nic że se zdowoł richtig wygranym
    Że Wiedyń mogby być jymu dany
    Po niymcach z wojskym wiela rajzuje
    Jakby tyż końca cołkym niy czuje
    Dyć prziszło Lützen tako pechowe
    Choć krol mocarny - śmiertelny człowiek.
    --
    Ruda Śląska - stolica fraszki
  • broneknotgeld 04.08.07, 22:00
    Kanclyrz Axel Oxentierna

    Krol we Europie ciyngym wojuje
    A Oxentierna Szwecjo buduje
    Z tym rosnom w siyła jyj sztyry stany
    Zdo sie czas lepszy jakby im dany.
    --
    Ruda Śląska - stolica fraszki
  • broneknotgeld 26.08.13, 20:57
    Ślonsk - Szwecyjo
    blogi.dziennikzachodni.pl/bloghistoryczny/2013/08/26/szwecja-jak-slask-czyli-zegnaj-autonomio/Komedyjo?
    --
    Ruda Śląska - stolica fraszki
  • broneknotgeld 12.04.17, 22:08
    Szwecjo
    ---
    Wiycie – wpiyrw Swewy Gotōw podbijōm
    Jako Wikingi już potym żyjōm
    Abo Waregi
    Kaj Rusi brzegi
    Nowogrōd, Smolyńsk, Kijōw niy skryjōm.
    ---
    Stracha przed niymi w Europie majōm
    Ku krześcijaństwu gowy skłōniajōm
    Z Dańjōm kuplujōm
    W tym siyła czujōm?
    Kalmar krwiōm skōńczy jejich – niy bajōm.
    ---
    Zdo – ze Wazami potyngōm bydzie
    Ze „łaski” cara kōniec z tym przidzie
    Finlandjo stracōm
    Niy ubogacōm
    Choć Bernadotte im krōlym bydzie.
    ---
    Kej wielge wojny w dwudziestym wieku
    Kraj neutralny – rod bydź człowieku
    Leci ci życie
    We dobrobycie
    I ze Unijōm dali poleku.


    --
    Ruda Śląska - stolica fraszki
  • broneknotgeld 05.04.07, 20:00
    Skania

    Naprzeciw Danii ta Skania momy
    Możno jom w końcu dobrze poznomy.

    --
    Ruda Śląska - stolica fraszki
  • broneknotgeld 05.04.07, 20:24
    Skania spichrzym

    Ano - spichrzym dlo Szwecyji
    Niy ma we tym komedyji.

    --
    Ruda Śląska - stolica fraszki
  • broneknotgeld 09.04.07, 18:34
    Malmö

    Stolicom Skanii tyn port widzicie
    Drapci we Malmö tyż leci życie.
    --
    Ruda Śląska - stolica fraszki
  • broneknotgeld 10.04.07, 19:27
    Staro Uppsala

    Dlo Swionow jako świynto stolica
    Tu żeś zoglondoł we bogow lica
    W pogańskich czasach kwitła Uppsala
    Tako ci szumi jeziora fala.
    --

    "Blotfest"

    W Stary Uppsali to "świynto krwi"
    W ofierze ludzi Swiony skłodali
    Co dziewiyńć rokow - niych kożdy wiy
    Tako do bogow swojich "rzykali".
    --

    Krwawo "dziewiontka"

    Co dziewiyńć rokow dziewiyńciu ludzi
    Se po "blotfeście" juz niy łobudzi.

    --
    Ruda Śląska - stolica fraszki
  • broneknotgeld 10.04.07, 19:29
    Uppsala 1164

    Arcybiskupstwym Uppsala tako
    Za downom wiarom nikt już niy płako
    Yno Sigtuna coś na tym traci
    Terozki myni już se bogaci.
    --
    Ruda Śląska - stolica fraszki
  • broneknotgeld 10.04.07, 23:20
    Krol Eryk IX

    Choć do Finlandji powiod krucjata
    Chocioż założoł już dynastyjo
    Zginoł ze rynki duńskego "brata"
    Uppsala widzi ta tragedyjo.

    --
    Ruda Śląska - stolica fraszki
  • broneknotgeld 23.02.07, 23:11
    Sztokholm

    Na sztyrnostu wyspach ta stolica leży
    Jezioro łod morza łone łoddzielajom
    Werci sie jom zwiydzić - możecie mi wierzyć
    Zabytkow tyż wiela tukej piyknych majom.

    --
    Ruda Śląska - stolica fraszki
  • broneknotgeld 09.04.07, 18:38
    Sztokholm (1250)

    Jarl Birger Sztoholm na szkierze stowio
    Czy to co przidzie już mu sie zdowo?
    --
    Ruda Śląska - stolica fraszki
  • broneknotgeld 10.04.07, 23:17
    Sztokholm (XIV w.)

    Grod we tym wieku naprowdy rośnie
    I se na handlu wiela bogaci
    Niyjedyn kupiec myśli radośnie
    Tu profit zowdy - geld se niy traci
    --
    Ruda Śląska - stolica fraszki
  • broneknotgeld 26.01.12, 22:13
    broneknotgeld napisał:

    > Sztokholm
    >
    > Na sztyrnostu wyspach ta stolica leży
    > Jezioro łod morza łone łoddzielajom
    > Werci sie jom zwiydzić - możecie mi wierzyć
    > Zabytkow tyż wiela tukej piyknych majom.
    >
    www.dziennikzachodni.pl/artykul/498120,10-miejsc-ktore-trzeba-odwiedzic-w-2012-roku-galeria,2,6,id,t,sm,sg.html#galeria-material
    --
    Ruda Śląska - stolica fraszki
  • broneknotgeld 23.02.07, 23:12
    Visby

    Czasy świytności już sie skończyły
    Dyć tu Gotlandii jest dusza
    Tyn port mioł downiyj za wiela siyły
    Se kedyś zajrzeć tyż mysza.
    --

    Labirynt w Visby

    Pra-Goci labirynt z kamiyni zrobiyli
    Wlyź i som se spytej - Jako tukej żyli?

    --
    Ruda Śląska - stolica fraszki
  • broneknotgeld 20.04.07, 23:13
    Najazdy Duńczykow (XIV w.)

    Ło Skanio, Blekinde ciyngym zwada była
    Stond niyjedna duńsko wyprawa se wziyła
    We Gotlandji nawet wojska Waldymara
    Trza se Magnusowi ło Visby tyż starać.
    --
    Ruda Śląska - stolica fraszki
  • broneknotgeld 23.02.07, 23:14
    Arcybiskup Lundu Bornholmu se czimoł
    forum.gazeta.pl/forum/72,2.html?f=59&w=19764660&a=21799600
    Zamek tam wystawioł bo Kościoł niy drzymoł.

    --
    Ruda Śląska - stolica fraszki
  • broneknotgeld 31.03.07, 13:46
    Lund

    Dania se piyrwyj Lundu trzimała
    Jednak Szwecyji we końcu dała.
    --
    Ruda Śląska - stolica fraszki
  • broneknotgeld 31.03.07, 13:57
    Na połedniu

    Na połedniu połwyspu Skandynawskim zwanym
    Lund dzisioj Szwecyji zocnym zdo sie wianym.
    --
    Ruda Śląska - stolica fraszki
  • broneknotgeld 31.03.07, 13:59
    Uniwerek w Lund

    W Skandynawiji nojwiynkszy przeca
    W wiek siedymnosty aż tukej leca.
    --
    Ruda Śląska - stolica fraszki
  • broneknotgeld 10.04.07, 19:34
    Lund 1104

    Arcybiskupstwo już tukej majom
    W Skandynawiji nojpiyrsze łone
    Choć przi Duńczykach - przeca niy wajom
    Lynd tukej prawi - "z pogaństwym koniec".
    --
    Ruda Śląska - stolica fraszki
  • broneknotgeld 23.02.07, 23:15
    Do Nykoping

    Ze Gdańska fligrym lecisz godzina
    Toż cie prziwito szwedzko dziedzina
    Co nojzocniejsze mo to pokoże
    Tyś przeca gościym na jeji dworze.
    --

    We Wieży Krolow

    Gora jak gora - lochy ciekawsze
    Mogbyś w nich łostać przeca na zawsze
    Styknie taszlampa dzisioj do tego
    By szczura spotkać dwumetrowego.
    --

    Zoo

    Wele Nykoping Kolmarden nynci
    Gowiedzi wiela - aż łeb se mynczy
    We Skandynawji nojwiynksze zoo
    Tako se przeca niy yno zdo.

    --
    Ruda Śląska - stolica fraszki
  • broneknotgeld 23.02.07, 23:16
    "Zoo-landia"

    Tam i "safari park" dyć znojdziecie
    Se cołko Szwecjo asi niym przecie.
    --

    "Przistanek w krainie Bamse"

    Tu krolujom szwedzke misie
    Raj bajtlowi tako śni sie.

    --
    Ruda Śląska - stolica fraszki
  • broneknotgeld 23.06.07, 15:01
    Göteborg 1607

    Coby Duńczykow durś niy bogacić
    Geldu na cudzy handel niy tracić
    Göteborg teroz Szwecjo wystowio
    Tref powodzynie tyż miastu dowo

    --
    Ruda Śląska - stolica fraszki
  • broneknotgeld 31.08.09, 22:50
    Blekinge

    Hrabstwo nad Bałtykym
    we zocny Szwecyji
    Pokusi wandrusa
    dyć bez komedyji.
    --
    Ruda Śląska - stolica fraszki
  • broneknotgeld 31.08.09, 22:56
    Kaj Blekinge

    Kaj Blekinge jeziora klarowne
    Kaj Blekinge i morze cudowne.
    --
    Ruda Śląska - stolica fraszki
  • broneknotgeld 31.08.09, 22:58
    900 jezior Blekinge

    Ech, przeklarowno w jeziorach woda
    Dyć coś za zimno - ździybeczko szkoda.
    --
    Ruda Śląska - stolica fraszki
  • broneknotgeld 31.08.09, 23:00
    Kryngi

    Kryngi ze bergow w Blkinge mocie
    Mono i runy se poczytocie
    Ło downych czasach Wikingow prawiom
    Ło downych bogach coś dzisioj jawiom?
    --
    Ruda Śląska - stolica fraszki
  • broneknotgeld 31.08.09, 23:03
    Do Karlskrony promym

    Z Gdyni do Karlskrony promym se dopłyniesz
    Dziesiyńć godzin rejsu - do portu zawiniesz.


    --
    Ruda Śląska - stolica fraszki
  • broneknotgeld 31.08.09, 23:05
    Wyspowo Karlskrona

    Wysepek trzidziści te miasto rachuje
    Toż se tukej morze do kwadratu czuje.
    --
    Ruda Śląska - stolica fraszki
  • broneknotgeld 31.08.09, 23:07
    Forty Karlskrony

    Zdo sie co łod zowdy wojsko tukej było
    Toż se na wysepkach fortow namnożyło
    Tukej dyć potyngom Szwecyjo jawiyła
    Ech, był czas ze richtig prawie tako była.

    --
    Ruda Śląska - stolica fraszki
  • broneknotgeld 23.02.07, 23:17
    Tukej Norwegii kontek zostawia
    Fraszkom se potym jednak zabawia.
    --

    "Pożegnanie ciepłych gaci" - 17.V.

    Z tym dniym richtig wiosna we Norwegii mo sie
    Piyrszy roz posmykać tyż po dworze zdo sie
    Zima już niy wroci - natury to prawo
    Choć czasym ta wiosna bywo tyż niymrawo.

    --
    Ruda Śląska - stolica fraszki
  • broneknotgeld 23.02.07, 23:18
    Narty

    Narty z Norwegii przeca pochodzom
    Bestoż narciarze tukej se rodzom.


    Saamowie

    Saamowie piyrsi mieli te ziymie
    -Niym tukej prziszło normańske plymie
    Toż nawet dzisioj Sameting majom
    Tymu co jejich nojbardzi pszajom.


    Jedyny feler

    Jedyny feler Norwegii w tym
    Drogo gorzoła - teroz już wiym.

    --
    Ruda Śląska - stolica fraszki
  • broneknotgeld 27.07.11, 20:37
    "Miniherostratesikow" wiela
    www.polskatimes.pl/opinie/komentarze/431151,herostratesowie-naszych-czasow,id,t.html
    Zno niyjedna ślonsko sztela
    Znajom fora "naszy-klasy"
    Stalking cieszy tu, czy straszy?

    Ktoś chce cosik "wybudować"
    Trza mu "zbulić", łoszkalować
    Słowo zdo sie być "ślepokym"
    Co z tym włazi krok za krokym?

    Dusze mrozić "zimnom wojnom"
    Zła suć ziorka nacjonalne
    Ponboczkowi przeciw? Mojrom?
    Richtig wierzom co to fajne?

    "Mały grzych" - to kogoś dziwo?
    "Wielgi" to usprowiedliwio?
    Małe flance - plony wiynksze
    Dobro przed złym zdo sie miynksze?

    Tragedyjom jak zaradzić?
    Trolling tympić, myni wadzić
    Choć konszczyczek dobra wiyncy
    Ślonski asty niy umynczy.
    --
    Ruda Śląska - stolica fraszki
  • broneknotgeld 23.02.07, 23:18
    Lipiec w Elga

    We jeziorze Femund pomoczysz te kije
    Ryb tu ciyngym wiela i dobrze se żyje
    Możno nawet trefisz na festyn ludowy
    Zjeść popić tańcować zowdy żeś gotowy.

    --
    Ruda Śląska - stolica fraszki
  • broneknotgeld 14.01.11, 16:13
    Magerøya

    Czym Magerøya w Europie słynie?
    -Krańcym połnocy w naszy dziedzinie.
    --
    Ruda Śląska - stolica fraszki
  • broneknotgeld 14.01.11, 16:15
    Na Magerøya

    Piyrwyj se promym tu przipływało
    Dzisioj tunelym zaś karnońć chciało
    Coby na Nordkapp yno pokukać
    I na połnocy słonka poszukać.
    --
    Ruda Śląska - stolica fraszki
  • broneknotgeld 14.01.11, 16:17
    Nordkapp

    Trzista metrow w dole klif tonko we wodzie
    Europa tu prawie połnoc ziymi bodzie
    Toż wandrusa czynsto połwysep tyż kusi
    Geldu trocha straci dyć kuknońć tu musi.
    --
    Ruda Śląska - stolica fraszki
  • broneknotgeld 14.01.11, 16:20
    Połwysep Knivskjellodden

    Choć Nordkapp sławniejszy
    Tyn na połnoc dali
    Dyć ludzie gryfniejszy
    Sie zwiydzać łobrali.
    --
    Ruda Śląska - stolica fraszki
  • broneknotgeld 14.01.11, 16:25
    Z Knivskjellodden

    Kery tu trefi na wschod durś kuko
    Dyć przeca Nordkapp łoczami szuko
    Z Morza Barentsa klifym sie dzwigo
    Czasym wandrusom jakby pomigo.

    --
    Ruda Śląska - stolica fraszki
  • broneknotgeld 23.02.07, 23:19
    Lapończyk

    Lapończyk w ty ziymi siedzioł se łod zowdy
    Fin go prawie wyciep - wiela we tym prowdy.
    --

    "Kalevala"

    Połno legynd i pieśniczek epopeja narodowo
    Przez Lonnrota wyzbiyrano - fińsko dusza w niyj sie zdowo.
    --

    Jorkko Oikarinen

    Łon tyn IRC nom "stworzoł"
    A joch czasu tego dożoł.
    --

    To ci pszonie

    Fin ze swojom ślubnom za mało figluje
    Po rodzinny saunie chuć niywiela czuje.
    --

    Sauna fińsko

    Dziyń bez sauny jest stracony
    Jakby z życiorysu Fina
    Dziynki niyj dyć żyjom łony
    To wiy kożdo tu rodzina.

    --
    Ruda Śląska - stolica fraszki
  • broneknotgeld 23.02.07, 23:20
    "Nokia"

    Wybijesz Finowi z gowy
    Tyn telefon komorkowy?
    --

    Renifer

    W Laponii renifer jakby "świynto krowa"
    Skiż niego na drodze tyż tu bydziesz stować.
    --

    "Cysorze"

    Finy to "cysorze" nart
    Niyjedyn Małysza wart.
    --

    Tove Jonsson (1914-2001)

    Ło Muminkach Finka po szwedzku szkryflała
    Tako w dusze dzieci piyknie sie dostała.
    --

    Finlandia

    We Internecie tyż wiedzie prym
    No i w komorkach - przeca to wiym.
    --

    Miasto Nokia

    "Nokia" we Nokii łod downa była
    Dyć do Tempere tyż se wkludziyła.

    --
    Ruda Śląska - stolica fraszki
  • broneknotgeld 23.02.07, 23:21
    Fińsko "stuga"

    Jako tu to wyłonaczyć?
    Z ruska byłoby "na daczy"
    Stuga z saunom - to jest życie
    Fina drapko tym skusicie.
    --

    Jynzyk fiński

    Jako spokopić?
    Możno trza łopić?
    --

    Co dobre?

    Ano tako szkryfna teraz
    Wszysko dobre z renifera.

    --
    Ruda Śląska - stolica fraszki
  • broneknotgeld 23.02.07, 23:21
    W Laponii

    Kopruch tu latym gro rola króla
    Przeca niy byda cie ze tym fulać
    Chcesz to przekonej se tako som
    Bo jo kopruchy kajś teroz mom.

    --
    Ruda Śląska - stolica fraszki
  • broneknotgeld 23.02.07, 23:22
    Zimom

    Zimom w Laponii jasno na dworze
    Bo przeca świycom polarne zorze
    Łoziym miesiyncy jednak to trwo
    Za dugo cosik - tako sie zdo.

    --
    Ruda Śląska - stolica fraszki
  • broneknotgeld 23.02.07, 23:23
    Rovaniemi

    Wele Rovaniemi Mikołoj zamiyszkoł
    Choć przeca kaj ińdzi tyż łon wiela blyszczoł
    Dlo jednych Laponia jest jego dziedzinom
    Biskupio historio inkszym przipominom.
    --

    Po drugi wojnie

    Po drugi wojnie łodbudowane
    Rogi jelynia som miastu dane
    Alvaro Aalto projekt swoj doł
    Taki fikuśny koncept łon mioł.
    --

    Muzeum Arcticum

    Niy yno arktyczny se dziwosz naturze
    Tukej znojdziesz wiela ło istny kulturze.

    --
    Ruda Śląska - stolica fraszki
  • broneknotgeld 23.02.07, 23:26
    W Tampere

    Kaj znojdziesz we UE Muzeum Lenina?
    Ano mo jedyne ta fińsko dziedzina.
    --

    "Muminki"

    Bydziesz w Finlandii to wdepnij di nich
    Przeca w tempere domek swoj majom
    Nic złego tukej cie niy pogoni
    Muminki chyntnie gości witajom.

    --
    Ruda Śląska - stolica fraszki
  • broneknotgeld 23.02.07, 23:27
    Ruski sznit

    Czynsto tu filmy ło Rosji kryncom
    Oryginałym se już niy mynczom
    Toz historyjo leciała tako
    Że jakby zdowo sie to jednako.
    --

    W Helsinkach

    Pobudowali wiela za Rusa
    Toż take "wschodnie" - szkryfnońć to musza.
    --

    Przi placu Synackim

    Przi placu synackim katedra znojdziecie
    Łona luterańsko - pokazuje przecie
    Że zachod tyż cosik tym Helsikom doł
    Niyjedyn Szwed tukej swoj majontek mioł.

    --
    Ruda Śląska - stolica fraszki
  • broneknotgeld 23.02.07, 23:29
    Wykuty w skale

    W Helsinkach kościoł wykuty w skale
    Jeszcze żech we niym niy był jo wcale.
    --

    Cyntrum Sztuki Nordycki

    A to ciekawe - czuć historyjo
    Nordyk dlo Fina już niy mecyjo
    Yno z Helsinek wybier se promym
    Suomenlinna - tam Cyntrum momy.
    --

    Luterańsko katedra

    Luterańsko katedra wieża mo wysoko
    Toż w Helsinkach zowdy przed łoczy ci skoko.

    --
    Ruda Śląska - stolica fraszki
  • broneknotgeld 23.02.07, 23:30
    Helsinki 1550

    Gustaw I Waza założoł te miasto
    Na handel ze Rosjom przeca dobry czas to
    Dyć chciała Szwecyjo tako sie bogacić
    Coby skiż Tallina tyż wiela niy tracić.
    --

    Helsinki 1809

    Po szwedzko-ruski wojnie se stało
    Turku za bliske Szwecji sie zdało

    -Helsinki teroz stolicom!
    -Na władza cara już liczom?
    --

    Sobor Uspienski

    Nojwiynkszo cerkiew helsinki majom
    Z tych na zachodzie Europy
    Dźwigli w niywoli dyć jeji pszajom
    Z Ruskim już niy ma utropy.

    --
    Ruda Śląska - stolica fraszki
  • broneknotgeld 23.02.07, 23:31
    Car Aleksander II

    Na Placy Synackim zoglondo z dynkmala
    Możno po łojcowsku chce Fina "pohalać"?
    --

    Twierdza Suomenlinna

    Na piyńciu wyspach se łobroniyła
    Toż we tym wszyskim słabośc tyż kryła
    Stykło tu przilyźć ze zimom srogom
    By szło jom zdobyć i "suchom nogom".
    --

    Niy łobroniyła

    Szwedow ta twierdza niy łobroniyła
    Po lodzie prziszła tu rusko siyła.

    --
    Ruda Śląska - stolica fraszki
  • broneknotgeld 23.02.07, 23:32
    Helsińsko forteca

    Toż richtig wielko choć nadarymno
    Tako strategi "zagrali w ciymno"
    Wiela to Szwedom przeca niy dało
    Że te bastiony se budowało.
    --

    Twierdza artystow

    Dzisioj ta twierdza artystom słuzy
    Szczyńśliwi co tu łostanom dłuży
    Plastyk i muzyk pisorz poeta
    Tu kunszt nabrusi - z murow podnieta.
    --

    Seurasaari

    Ze londym mostym jest połonczono
    Zdo ci sie jakby te winne grono
    Kere dojrzywo w słonku poleku
    I szepto jakby cichutko - czekom.

    --
    Ruda Śląska - stolica fraszki
  • broneknotgeld 23.02.07, 23:32
    Stolica Wielkego Ksiynstwa Finlandii

    Jakby w niywoli Helsinki rosły
    Dyć do znaczynio tako tyż doszły.
    --

    Helsinki 1918

    Radość ze niypodległości
    W stolicy Finlandii gości
    Carat se zatracioł tako
    We Europie niy jednako.
    --

    Pierom tepichy

    Pierom tepichy ludzie we morzu
    Na to w stolicy łoczy łotworzołch
    Z luftu morskego i słony wody
    Tepich durś blyszczy
    Niy widać szkody.

    --
    Ruda Śląska - stolica fraszki
  • broneknotgeld 23.02.07, 23:33
    "Cera Bałtyku"

    Tako Helsinki nom teroz jawiom
    Z czech stron falami jego se bawiom
    przilondki wyspy cyple zatoki
    Zdo sie co morze łobmywo kroki.
    --

    Jakby w kurorcie

    Jakby w kurorcie domy tu stojom
    Mozno polnocy to "Wenecyjo"
    Toż se Bałtyku przeca niy bojom
    Aszom sie wodom - to niy mecyjo.
    --

    Promym do serca

    Promym do serca samych Helsinek
    Na torg dopłyniesz wele ratusza
    Tako atrakcjo mie niy łominie
    Toż se tam wybrać w końcu jo musza.

    --
    Ruda Śląska - stolica fraszki
  • broneknotgeld 23.02.07, 23:34
    "Tapiola"

    Morsko-leśne blokowisko
    To wystyknie ci za wszysko
    Finy tako pokozali
    Że blok lasu niy łobali.
    --

    "Temppeliankion Kirkko"

    Toz piyrwyj skała tu yno była
    Kaj se dzieciarnia czynsto bawiyła
    Teroz świontynia tako wykuto
    Toż poświyńciyli radośnie Mu to.
    --

    Kościoł ze skały

    Niy yno wandrusy tymu sie dziwujom
    Śluby tukej modne - porki tako czujom
    Co ich pszonie bydzie wieczne jak ta skała
    Nawet śmierć niy zmiyni - choć przeca by chciała.

    --
    Ruda Śląska - stolica fraszki
  • broneknotgeld 23.02.07, 23:35
    Na skale

    Miedziano kopuła na skale wykuty
    Z łokyn jak z łorganow zdo sie słyszysz nuty
    Jakby piszczołkami światła łone były
    W tym kościele blisko żeś jest boski siyły.
    --

    We Petersburgu?

    We Petersburgu se jakby czyjesz
    Ze historyji to forsztelujesz
    Co przeca tako być tu musiało
    Ruskom se Rosji w Helsinkach chciało.
    --

    Carl Ludwik Engel

    Eklektyczny Petersburg architekt zrychtowoł
    Dyć tako Helsinkom wiela łod sia dowoł
    Bestoż miasto zdo sie na rusko nom moda
    Ano - być musiało - historii niy szkoda.

    --
    Ruda Śląska - stolica fraszki
  • broneknotgeld 23.02.07, 23:36
    Luterańsko katedra

    Na Placu Synackim we helsinkach stoji
    Kopuła wielgachno se czimie wysoko
    Dyć jom niy łominiesz - ło to nic niy boji
    Rozglondnij sie yno - zaroz w łoczy skoko.
    --

    Na granicie

    Granitowe schody w katedra cie wiydom
    Empitym to blyszczy a niy jakomś biydom
    I chocioż we środku zdo ci sie surowo
    Przeca ze podziwu kożdy tukej stowo.
    --

    "Esplanadi"

    Tukej napotkosz tyn "kwiot" Helsinek
    Wiy ło tym frelka tako i synek
    Toż se szpacyruj po "promynadzie"
    Stolica Finow jak na paradzie.

    --
    Ruda Śląska - stolica fraszki
  • broneknotgeld 23.02.07, 23:37
    Alvar Aalto

    Fińske wzornictwo kunsztym istnego
    Coś we Helsinkach jest jeszcze jego?
    --

    "Finlandia Hall"

    Kongresowo-koncertowo ta helsińsko sztela
    Aalto tako projektowoł - doł w to duszy wiela
    Toś poświadczyć tako może wszechłobecno fala
    Zdo sie jakby jego miano ciyngym chciała halać.
    --

    Aalto - fala
    Jako halać?

    --
    Ruda Śląska - stolica fraszki
  • broneknotgeld 23.02.07, 23:38
    Do Helsinek z Polski

    Promym prosto niy dopłyniesz
    Tallin Sztokholm jak łominiesz?
    Z Travemunde! - Tako idzie
    Dyć ci niy po drodze bydzie.
    --

    Zielony czowiek

    Sie wele targu w Helsinkach kryńci
    Bestoż turysta tu se niy mynczy
    Coby chcioł wiedzieć łopyto jego
    Przeca tu po to majom istnego.

    --
    Ruda Śląska - stolica fraszki
  • broneknotgeld 23.02.07, 23:39
    Alandy

    Se autonomiom swojom fest cieszom
    Przeca parlamynt tyż łod sia majom
    I możno czasym ze tym "pogrzeszom"
    Dyć Unii tego zabrać niy dajom.
    --

    Flaga

    W kożdym łogrodku alandzko flaga
    I niy wybijesz im tego z gowy
    Dyć autonomio tukej niy blaga
    Chcom - bestoż majom teryn bezcłowy.
    --

    Za wiela

    Wysp zrachujesz szejść tysiyncy
    Pewno cie to fest umynczy
    Ano tych Alandow tela
    Styknie pedzieć że za wiela.

    --
    Ruda Śląska - stolica fraszki
  • broneknotgeld 23.02.07, 23:40
    Autonomio

    Majom swoj parlamynt i alandzko flaga
    Po szwedzku godajom - to niy jakoś blaga.
    --

    Muzeum Wysp Alandzkich

    Ło Alandach chcesz coś wiedzieć
    W Marienhamn niych droga wiedzie
    Tam w muzeum ci powiedzom
    Czamu w autonomii siedzom.

    --
    Ruda Śląska - stolica fraszki
  • broneknotgeld 23.02.07, 23:42
    Savonlinna

    Na wyspach jeziora se leży ta sztela
    Pedzieć tukej ło niyj szłoby richtig wiela
    Dyć trza tam zoglondnońć - to szkryfnońć wystyknie
    Cobyś ło tym wiedzioł - w Savonlinna piyknie.
    --

    Szwedzko twierdza

    I twierdza na wyspie zwiedzić możesz tukej
    Historyji kraju we niyj tako szukej.
    --

    Muzeum

    W muzeum czi szify z napyndym na para
    Dyć dzisioj niy muszom ło to se już starać
    Czy do Petersburga przipłynom na czas
    Co carske już downo przeca "poszło w las".

    --
    Ruda Śląska - stolica fraszki
  • broneknotgeld 23.02.07, 23:43
    Abo

    Abo - se piyrwyj po szwedzku zwało
    Toż dlo nikerych tako łostało.
    --

    Turku 1812

    zdo sie cołke Turku w tynm roku fojerom
    Utropy ze łognia dyć czynsto se bierom
    Miasto z tym przestało piyrsze krzipce grać
    Trza było Helsinkom smyka teroz dać.
    --

    Na zamku

    Toż na zamku w Turku Jan Waza se miyszkoł
    Niym tron cołki Szwecji dlo sia w końcu zyskoł
    Kaśka Jagiellonka ślubnom jego była
    Dziynki niyj tyż przeca chop rosnoł we siyła.

    --
    Ruda Śląska - stolica fraszki
  • broneknotgeld 23.02.07, 23:50
    W Abo Akadymiji

    Po szwedzku tu możesz pobiyrać nauki
    Sztudiyrować tako wcale niy dlo sztuki.

    --
    Ruda Śląska - stolica fraszki
  • broneknotgeld 10.04.07, 23:15
    Szwedzke Abo (XIII w.)

    Trzimiom po czyńsci już Finlandyjo
    W Abo biskupstwo - niy komedyjo
    Przeca Uppsali ciyngym se słucho
    Na to co fińske richtig jest głucho.

    --
    Ruda Śląska - stolica fraszki
  • broneknotgeld 23.02.07, 23:45
    "Maamees" - "ludzie ziymi"

    Ugrofińske plemie miano Estow miało
    Choć je niy halali dyć tukej łostało
    Kawalerow przeca przeżyło Mieczowych
    Szwedow i Polokow, Ruskich starych, nowych

    Estończyk łod lot tu swoja ziymia czimoł
    Narod jakby we niym przez lata durś drzymoł
    Ale sie przebudzioł w wieku dziewiytnostym
    Chocioż i nastympny niy był wcale prosty

    Dyć łod lot czinostu wolno republika
    Co wlazła terozki do Unii koszyka
    "Maamees" - dlo nos przikłod to obywatela
    Łon chce ciyngym dźwigać swoja piykno sztela.
    --

    Nowo Estonio

    Estonio już dzisioj internetym stoji
    Dyć ło to co bydzie wcale sie niy boji
    Stare se ze nowym tukej miyszo piyknie
    Pewne że we Unii tyż siył im wystyknie.
    --

    Krolestwo chleba

    Estonia zowiom "krolestwym chleba"
    Toż pokosztować jego tam czeba.
    --

    Estońsko grochowka

    Grochowa na łowiyńdzich szłapach
    Ciongnie jak yno wyczujesz zapach
    Przi niyj niy muślisz już ło frykasach
    Styknie ci zupy - toż piyrszo klasa!
    --

    Paul Keres (1916-1975)

    Tyż majom swojego arcymiszcza w szachach
    Ło ta gra se tukej niy muszom nic strachać
    Jak yno im pomarł - turniej z jego mianym
    W Estonii co roku przeca rozgrywany.

    --
    Ruda Śląska - stolica fraszki
  • broneknotgeld 23.02.07, 23:51
    Szwedzko Estonia

    Ponoć za tych Szwedow tu sie dobrze dzioło
    Dyć Estom niy było tak cołkym wesoło
    Jednak coś łostało - bycie Skandynawym
    Choć inksi sie z tego niy zdowajom sprawy
    Est zowdy se przeca czuł bratym łod Fina
    Trza zakonotować - zwiydzić tyż dziedzina.

    --

    Estończyk

    Łon u siebie zowdy jest obywatelym
    Na inkszych niy paczy - se chyto i robi
    Bestoż majom teroz to co sami chcieli
    Ta nacjo Eurpa naprowdy fest zdobi.
    --

    Estonio w sieci

    Toż Internetu perła w Europie
    A Polska w zadku se ciyngym dropie
    Sieć tukej richtig chcieli rozwijać
    A niy jak u nos - dować w to kija.
    --

    "Fińske łosie"

    Tako we Tallinie Finow przezywajom
    Co tu ciyngym promym przeca przpływajom
    Dyć wiedzom że miasto kwitnie dziynki tymu
    Bo bez łognia zowdy niy bydzie tyż dymu.

    --
    Ruda Śląska - stolica fraszki
  • broneknotgeld 12.04.17, 22:10
    Estōńjo
    ---
    Pōnoć Esty leko tu piyrwyj niy mieli
    Wikingōw i Rusōw strzimywać musieli
    Krziżaki tyż cisnōm
    Choć w kōńcu ukisnōm
    Czy Inflanty po to coby je durś dzielić?
    ---
    Ze Szwedami Rusy wadzōm ô Inflanty
    W kōńcu Pyjter Wielgi erbnōł wszyske fanty
    Carowi służyli
    Sowietōw ciepnyli
    Kōmuna im zdała przeca yno kantym.
    ---
    Państwo niepodległe w miyndzywojniu mieli
    Ech, kōmuna przidzie choć tego niy chcieli
    Wpiyrw Niymca strzimali
    Potym prziloz Stalin
    Tōż mustrym sowieckim żyli we ty szteli.
    ---
    Dziedzina sowiecko kej rozlatywała
    Estōńjo z inkszymi dyć na tym wygrała
    Juzaś ôd sia pylo
    Choć Rusōw niy kilo
    Przeca ze Unijōm drap pokuplowała.


    --
    Ruda Śląska - stolica fraszki
  • broneknotgeld 23.02.07, 23:53
    Tallin

    Tallin to ponoć znaczy "miasto duńske"
    Toż se wspominajom teroz czasy łońske.
    --

    "Revel"

    Tako sie downiyj tyn Tallin zwoł
    Niym swoje zdanie po tymu mioł.
    --

    Mury obronne

    Dugszych w europie możno niy nojdziesz
    Chocioż jom za tym caluśko zojdziesz.
    --

    "Vanalin"

    Te "Stare Miasto" - Tallina dusza
    Z niom piykne życie - szkryfnońć to musza.
    --

    28

    Dwadziścia łoziym wież w murach majom
    I kożdy tukej przeca duś pszajom.
    --

    "Dorpat"

    Tyż we tym przeca niy bydzie "żartu"
    Jak Dorpat powiym na jejich Tartu.
    --

    Hanzeatycke miasto

    Pamiontki po Hanzie tu ciepiom sie w łoczy
    No i Estończyki tyż je majom w zocy.

    --
    Ruda Śląska - stolica fraszki
  • broneknotgeld 15.08.12, 19:32
    Żeś we Tallinie
    www.sport.pl/pilka/1,65037,12311295,Przed_meczem_Estonia___Polska__Polscy_pilkarze_w_cieniu.html
    To cie niy minie.


    --
    Ruda Śląska - stolica fraszki
  • broneknotgeld 23.02.07, 23:54
    Tartu

    Było już Tartu we wieku piontym
    Czy ktosik ło to mo jakeś wonty?
    --

    Uniwersytet w Tartu

    Karol Gustaw uniwerek tukej ufundowoł
    Kery przikłod dlo Europy niyjedyn roz dowoł.
    --

    Katedra św. Piotra i Pawła

    Cud w tym jakiś - luteranom sie łona łoparła
    Niylicznych tu katolikow jednak do sia garła.

    --

    "Dorpat"

    Tyż we tym przeca niy bydzie "żartu"
    Jak Dorpat powiym na jejich Tartu.

    --
    Ruda Śląska - stolica fraszki
  • broneknotgeld 23.02.07, 23:56
    Te noce

    "Biołe noce" we Parnawie
    Niy śpisz z frelkom tukej prawie.

    --
    Ruda Śląska - stolica fraszki
  • broneknotgeld 23.02.07, 23:57
    Saaremaa

    Estońji wyspa nojwiynkszo tako
    Godosz "Ozylia" to tyż jednako.
    --

    Wiatrak

    Toż wiatrak łostoł ty wyspy znakym
    Choć ich niywiela juz widać
    Piyrwyj był dobrym niy belejakym
    Świadectwo ło tym trza by dać.
    --

    Grobla

    Z londu na Saaremaa przyńdziesz suchom nogom
    Grobla usypali tako łazić mogom.

    --
    Ruda Śląska - stolica fraszki
  • broneknotgeld 24.02.07, 15:24
    Poide

    Poide cie prziwito kościołym prastarym
    Co krziżowcow downe rzondy durs pamiynto
    Niy pasowoł cołkym do "sowiecki miary"
    Dyć jakoś to szczimoł - czy przidzie zaś świynto?
    --

    Kościoł w Poide (XIII w.)

    Rycerzom krziżowym do łobrony służoł
    Łostatnimi czasy za dobrze niy użoł
    Dyc ciyngym równiny tyn kościoł jest "panym"
    Tako przeca Poide przez historio dany.
    --

    Stajnie i obory

    We kościele kołchoźniki gowiydź hodowali
    Przeca łoni Ponboczkowi chnet cołkym niy pszali
    Uciyrpiało wtedy nawet jejich prawosławie
    Bestoż szczyńście co tyn kościoł se nom łostoł prawie.

    --
    Ruda Śląska - stolica fraszki
  • broneknotgeld 24.02.07, 15:25
    Valjala

    Tym ta Valjala naprowdy słynie
    Że tu nojstarszy kościoł w dziedzinie.
    --

    Valjala 1227

    Tu piyrszy kościoł stanoł ze muru
    Tako do dzisioj tyż stoji
    Posłuchać we niym terozki chórow
    Nikt se już dzisioj niy boji.
    --

    Witraże kościoła w Valjali

    Gryfne witraże wele ołtorza
    Na kere łoczy dźwignońć se woża
    Jakby Ponboczka same wołały
    Ze jejich światła zdo sie Łon cały.
    --

    Twierdza

    Przi brzegu wioski twierdza ciupnyła
    Przed krziżowcami łona już była?
    Czy dziełym tako jest tych rycerzy?
    By bronić tego kto w Boga wierzy?

    --
    Ruda Śląska - stolica fraszki
  • broneknotgeld 24.02.07, 15:26
    Kaali

    Kaali zodziwi wos kraterami
    Chciyjcie zoglondnońć na nie tam sami.
    --

    7 tysiyncy rokow tymu

    Meteoryt se tukej ze ziymiom prziwitoł
    Ślady nom łostały - jakby sie kto pytoł
    Kaj ińdzi znojdziecie jeziorka takowe?
    Toż se tymu dziwoł niyjedyn już czowiek.

    --
    Ruda Śląska - stolica fraszki
  • broneknotgeld 24.02.07, 15:28
    Kuressaare

    Miasto łod zowdy nojpiyrsze tukej
    Siedzibom przeca biskupa
    I dzisioj szteli lepszy niy szukej
    Niy udo ci sie ta sztuka.
    --

    Zamek biskupi (XIII w.)

    Ku łobronie budowany
    Dzisioj srogi tyż se zdowo
    Prawie był remontowany
    Toż wyglondo richtig zdrowo.
    --

    Zamek warowny

    Zamek zdo sie niyzdobyty
    Fosa wały nawet morze
    Grube mury jeszcze przi tym
    I opieka Twoja Boże.

    --
    Ruda Śląska - stolica fraszki
  • broneknotgeld 24.02.07, 15:28
    Kuressaare - port

    Piyrwyj portym zocnym było
    Dyć go morze zamulyło
    Dzisioj se inaczy jawi
    Bo kuruje no i bawi.
    --

    Kuressaare - kurort

    Dyć w dziewiytnostym juz przeca wieku
    Tuś wypoczywoł zocny czowieku
    Pioszczysto plaża i pynsjonaty
    Ktoś se kurowoł jak był bogaty.
    --

    Żyje turystykom

    Tukej Szwedy Finy Niymcy
    Kurossaare niy umynczy
    W portmaneju mosz grosiwo
    Sztela tako do cia kiwo.

    --
    Ruda Śląska - stolica fraszki
  • broneknotgeld 24.02.07, 15:29
    Ratusz (XVII w.)

    Barokowy ratusz na rynku tu stoji
    Gryfnie Kurossaare ta budowla stroji.
    --

    Dom Wagi

    Dom Wagi tyż widać w barok łobleczony
    Blyszczy choc łodwożyć niczego niy domy.
    --

    Kocie łby

    Ze kocimi łbami staryńke uliczki
    W pamiyńci łostanom możno już na wdycki
    Kamiynie na domki z drewna zoglondajom
    Pewnikym cuzamyn łod wiekow se pszajom.

    --
    Ruda Śląska - stolica fraszki
  • broneknotgeld 24.02.07, 15:30
    W Angla

    Tu na wiatraki se podziwocie
    Symbol ty wyspy w nich przeca mocie.

    --
    Ruda Śląska - stolica fraszki
  • broneknotgeld 24.02.07, 15:31
    W Haapsalu

    W Haapsalu banhof zodziwi wiela
    Kery ze drewna wybudowany
    Drugego niy zno Europy sztela
    Estońskim cudym może być zwany.
    --

    Na banhofie w Haapsalu

    Durś Karenina widza na glajzach
    Choć zy mie yno łostatnio łajza
    Tołstoj se tako we dusza wcisko
    Chocioż w ty szteli istny niy miyszkoł.

    --
    Ruda Śląska - stolica fraszki
  • broneknotgeld 23.02.07, 23:48
    Łotwa

    Symbolym łotwy czi gwiozdki som
    Cosik jo ło tym łod sia tyż dom
    Łatgalio jedna Kurlandio drugo
    Czecio ze Inflant piyknie nom mrugo.
    --

    Wodzionka po łotewsku

    Na chlebie jom robiom - frukta dokłodajom
    Taki tu szpecyjoł łotewski tyż majom.
    --

    "Balsam Ryski"

    Niy dość że mocno jest ta gorzoła
    Jeszcze do tego czorno jak smoła.

    --

    Groch

    We Łotewski kuchni richtig ważny groch
    Ziorko ponoć płaczkom. Zjydz - niy ślintej - och!
    --

    "Aldaris"

    Swoje tukej lubiom piwo
    Mie to przeca nic niy dziwo.
    --

    Kwas chlebowy

    Kwas chlebowy czynsto pijom
    Skuli niego zdrowo żyjom.

    --
    Ruda Śląska - stolica fraszki
  • broneknotgeld 23.02.07, 23:49
    23-24.VI. Świynta Ligo i Janie

    Dwa dni te nojdugsze ze nojkrotszom nocom
    Łotysze świyntujom - przeca wolne majom
    Kwiot paproci kwitnie - we wodzie se moczom
    No i przi fojerze cołko noc śpiywajom.
    --

    Ryga Lipawa Windawa

    Te porty Łotwy niy zamorzajom
    Bestoż profity ze tego majom
    Co ze Rosyji na zachod idzie
    I na łodwyrtka - to zowdy bydzie.

    --

    Liwland

    Polska ło Inflanty ze Szwecjom se biyła
    Potym Kaśka Wielko wszysko to capnyła.
    --

    "Lacplesis"

    "Niedźwiedziobojcy" ze Łotwy znocie?
    Wolności pszoł łon richtig te krocie.
    --

    "Peleke zirni"

    Groch ze szpyrkom zjysz tu po to
    Byś niy ślintoł już niycnoto.
    --

    Domowe piwo

    Biyr tu we domach ciyngym se warzom
    Bo przeca zowdy ło niymu marzom
    Pasteryzować wcale niy muszom
    Na świyże piwo kożdego skuszom.

    --
    Ruda Śląska - stolica fraszki
  • broneknotgeld 13.04.17, 19:58
    Łotwa
    ---
    We Livońji Liwy, dyć niy yno przeca
    Zemgały, Legały, Zelōny – tōż kleca
    Tyż Zakōn tu cisnōł
    Dyć kej już ukisnōł
    Kettlerowi sztela wleciała do neca.
    ---
    Polska, Szwecjo, Rusy – wadzōm ô Inflanty
    Car w kōńcu wygrywo, terozki łōn sam tym
    Co piyrszym po Bogu
    Aż stanōł we progu
    Sowietōw – korōna zdo yno im fantym.
    ---
    Łotwa z wielgi wojny wolności mo żniwo
    Dyć krōtko – to przeca nikogo niy dziwo
    Zaś wojna zamrugo
    Pierōńsko – ta drugo
    We Zwiōnzku Radzieckim czy bydzie szczyńśliwo?
    ---
    Niypodległość prziszła z ôstatniōm dekadōm
    Dwudziestego wieku – zdo dzisioj paradōm
    Choć Rusōw durś wiela
    Rozkwito ta sztela
    W trzecim tysiōncleciu ze Unijōm jadōm.


    --
    Ruda Śląska - stolica fraszki
  • broneknotgeld 24.02.07, 15:32
    Pomnik Wolności

    Jakby "Statua Wolności" rysko
    Czi gwiozdki czimie - toż już wiysz wszysko.
    --

    Co Gdańsk Z Rygom łonczy? Szkryfnońć przeca musza
    W łobu miastach piykne som "Dwory Artusa".
    --

    800 lot

    Łoziymset lot hokym ta Ryga jest tukej
    Śladow historyji wcale tu niy szukej
    Przeca ci sie samie aże ciepiom w łoczy
    Nawet jak sie szwyndosz po mieście we nocy.
    --

    "Pyjtrowo" wieża

    Wieża świyntego Pyjta kościoła
    Na Ryga z wysoka paczy
    Jakby Łotyszom chciała zawolać
    Co łona wiela tu znaczy.

    --
    Ruda Śląska - stolica fraszki
  • broneknotgeld 15.08.12, 11:03
    Niy łominiesz

    Kej po Dźwinie płyniesz
    Rygi niy łominiesz.
    --
    Ruda Śląska - stolica fraszki
  • broneknotgeld 15.08.12, 11:06
    Kościoł św. Piotra (1209)

    Na Starym Mieście kościoł znojdziecie
    Pewno podziwać tu jymu chcecie
    Muster romański piyrwyj se broł
    Przebudowali - już gotyk mioł.
    --
    Ruda Śląska - stolica fraszki
  • broneknotgeld 18.08.12, 16:12
    Koscioł św Jana

    Downom cegłom durś sie asi
    Tako Ryga richtig krasi
    Niy na darmo se dziwocie
    Kej tyn koscioł przed sia mocie.
    --
    Ruda Śląska - stolica fraszki
  • broneknotgeld 18.08.12, 16:14
    Filharmonijo Narodowo

    W downy Wielki Gildii sie znodła siedziba
    Toż muzykom wielko zdo sie teroz chyba.
    --
    Ruda Śląska - stolica fraszki
  • broneknotgeld 18.08.12, 16:16
    Zamek ryski

    Ano - tego niy łomina
    By wnerwiyła sie fest Dźwina
    A we rejs sie niom wybiyrosz
    Zamek ryski - tam zaziyrosz.
    --
    Ruda Śląska - stolica fraszki
  • broneknotgeld 18.08.12, 16:17
    Secesyjom słynie

    Secesyjom Ryga słynie
    Znojdziesz cuda w ty dziedzinie.
    --
    Ruda Śląska - stolica fraszki
  • broneknotgeld 18.08.12, 16:19
    Kej sie łobudzisz

    Kej sie łobudzisz we Rydzie rano
    Możno dziedzina bryzom spłokano
    Wiatrym łowiono co ze zatoki
    Kukej na miasto niy yno łokym.
    --
    Ruda Śląska - stolica fraszki
  • broneknotgeld 18.08.12, 16:21
    Wieża telewizyjno (368,5 m)

    W cołki Uniji nojwiynkszo wieża!
    Tam sie niy spinom, styknie mi - wierza.

    --
    Ruda Śląska - stolica fraszki
  • broneknotgeld 18.08.12, 16:23
    Muzeum Kultury Łotewski

    W stolicy Łotwy tako być musi
    Zwiydzić muzeum niych wos pokusi.
    --
    Ruda Śląska - stolica fraszki
  • broneknotgeld 18.08.12, 16:24
    "Baltic Bike"

    Koło pozycosz tukej przi sztrasie
    Koło we Rydze zdo sie na czasie.
    --
    Ruda Śląska - stolica fraszki
  • broneknotgeld 24.02.07, 15:33
    Jurmała

    Niy łomiń nad morzym kurortu ichniego
    Niym jednak tu wjedziesz "myto" dej kolego
    Za tyn piniondz ponoć łochroniom prziroda
    Bul bo wiyncy ło tym niy byda ci godać.

    --
    Ruda Śląska - stolica fraszki
  • broneknotgeld 24.02.07, 15:34
    Mendog

    Mendog tu Bałtow zjednoczoł
    Piyrszym na Litwie sie poczuł
    Łon państwo te jakby stworzoł
    Chocioż potyngi niy dożoł.
    --

    Urosła Litwa za Giedymina
    Jak i Jogajły - dyć jego syna
    Kery porzońdzioł tyż w Polsce naszy
    Ciekawe richtig to były czasy.


    Kaziuki

    Świynty Kazimierz Litwy patronym
    Bestoz w Kaziuka sie bawiom
    Uciechy wiela niesie to łonym
    Dyć radość inkszym tyż sprawiom.
    --

    "Suktinis"

    W Stakliszkach pod Wilnym tyn miod durś rychtujom
    Dyć łon niyjednymu starości już ujon.
    --

    "Trejos Devynerios" ("Czi dziewiontki")

    Na Żmudzi jom robiom łod szyrystu lot
    Niyjedyn żołondek z nalywki jest rod
    Czi razy po dziewiyńć rożnych zioł w nia kładom
    Dyć niom kuracyjo tyż zowdy poradzom.

    --
    Ruda Śląska - stolica fraszki
  • broneknotgeld 24.02.07, 15:35
    "Bocin"

    Czorny chlyb ze czoskym - dyć tyż przipieczony
    Przez piwoszy tukej richtig ulubiony.
    --

    "Palanga"

    To chlyb pieczony na tataraku
    Nikaj niy znojdziesz lepszego w smaku.
    --

    Połwysep Neringa

    Ło wiela lepszy jest łod Helskego
    Nawet UNESCO cieszy sie z tego
    "Dziedzictwym" naszym tyż stoł se przeca
    I bestoż tukej coś ło tym kleca.

    --

    Lit

    Ponoć lita majom jak berga twardego
    Piyrwyj sortu przeca był dolarowego
    Terozki ze euro bardzi se czimajom
    I swoji walucie skiż tego tyż pszajom.

    --
    Ruda Śląska - stolica fraszki
  • broneknotgeld 11.09.07, 18:59
    Do Wilna

    Drogi litewske do Wilna wiedom
    Wonglym to szkryfnońć czy możno kredom?
    --
    Ruda Śląska - stolica fraszki
  • broneknotgeld 13.04.17, 20:02
    Litwa
    ---
    Wpiyrw Myndog Litwinōw we jedno kupluje
    Wartko na połednie ich teroz keruje
    Siyła niy ôminie
    Ich przi Giedyminie
    I szmat ziymi ruski richtig uraduje.
    ---
    Kej Jagiełło wżyniōł we korōna polsko
    Litwie we Krakowie zdowało tyż swojsko
    W Uniji Lubelski
    Kraj mōgby być sielski
    Kejby niy tropiyło roztomajte wojsko.
    ---
    Ze Polskōm i Litwa sie cołkym straciyła
    Terozki carowi ta ziemia służyła
    Dyć niy Lyninowi
    Tako ofyn powiym
    Dwadziścia lot z hokym niepodległo była.
    ---
    Ech, ta drugo wojna! Litwa wpiyrw radziecko
    Dyć ôkupacyjo drap prziszła niymiecko
    Trzimie Moskwy potym
    W kōńcu – niy gupoty
    Ze niepodległości raduje niy deczko.


    --
    Ruda Śląska - stolica fraszki
  • broneknotgeld 24.02.07, 15:36
    Wilno

    Miyndzy Wiliom i Wilenkom z Giedymina mocy
    Grod litewski stanoł pryndko - dziwiyły sie łoczy.
    --

    Starowka

    Łona tukej richtig baroku perełkom
    Ciynżko znojść piykniejszo we cołki Europie
    Tak Litwy jak Polski radościom jest wielkom
    Idzie tu zapomnieć ło świata utropie.
    --

    Uniwersytet

    Toż Stefan Batory go tukej fundowoł
    By na cołko Litwa światło łod sia dowoł.
    --

    Świynto Piwa

    Na poczontek lata we Wilnie te świynto
    Zowdy w parku Vingis - cobyś zapamiyntoł
    Bo przeca na Litwie tyż chmielowi pszajom
    To jest richtig prowda - jo wcale niy bajom.
    --

    Wilyński banhof

    Aleksander II tukej im panowoł
    Jak we Wilnie banhof se piykny budowoł
    Dyć dzisioj zoglondnij - łon gryfny jest dali
    Już se tu Litwiny ło to postarali.
    --

    Na połnoc...

    Na połnoc łod Alpow niy ma zocniejszego
    Miasta w barok gryfny tak łobleczonego.

    --
    Ruda Śląska - stolica fraszki
  • broneknotgeld 24.02.07, 15:37
    4.IV - "Kaziuki"

    Kaziuki som tukej łod sztyrystu lot
    Kożdy ze jarmarku we Wilnie jest rod
    Przeca sie zabawisz chocioż grosz tyż stracisz
    We wercie co dusza tako ubogacisz.


    Wilnianka na Kaziukach

    Serce mu z piernika frela tu kupiyła
    No i tym pierońsko karlusa tyz wziyła
    Toż jyj palma fundnoł kero piyknie stoła
    I tako sie łostać z niym łona niy boła.

    Św. Kazimierz

    Toż świyty Kazimierz Wilnu patronuje
    Niy yno "kaziukom" - kożdy forszteluje.
    --

    Katedra

    Katedra wilyńsko zaś świontyniom zocnom
    Galeryjom była - zdo sie porom "nocnom"
    Dyć zaś tu som nazod relkwie patrona
    Co niyherske było ze Niym szło pokonać.

    Św.Kazimierz

    Kostucha we Wilnie karlusa dopadła
    Dyć tubera piyrwyj już mu płuca zjadła
    Rokow szejść dwadziścia - ano richtig mało
    Jak Cie Kazimierzu Niebo już zabrało

    Płakali po Ciebie wszyske Jagiellony
    Chocioż już wiedzieli komuś przeznaczony
    Toż i tako samo Wilno fest ślintało
    Łone już świyntego we Ciebie widziało.

    --
    Ruda Śląska - stolica fraszki
  • broneknotgeld 24.02.07, 15:38
    Brat z bratym

    Kazik z Aleksandrym we katedrze leżom
    Bratki Jagiellony u tych co durś wierzom
    W łopieka Ponboczka nad Litwy stolicom
    Kerom se we rymach tako jo zochwycom.

    Trojrynki

    Malyrz na łobrozie rynka zmiynić chcioł
    Choć zamalowywoł ciyngym piyrszo mioł
    Bestoż mo Kazimierz rynce aże czi
    Ło tym cudzie zaroz cołko Litwa wiy

    Pont se wtedy zaczoł - czynste uzdrowiynia
    Dało papiyżowi to fest do myślynia
    Drapko Kazimierza świyntym dyć łogłosioł
    Czy łon "czeciom rynkom" ło to wtedy prosioł?
    --

    Św. Kazimiyrz 1602

    No toż sie stało co stać musiało
    Wilno świyntego tako "dostało".


    Katedra 1618

    Kaj groby dwoch braci wpiyrw była kaplica
    Dyć mało sie zdała już na świynte lica
    Tu na muster rzymski świontynia stanyła
    Kero w sercach wilnian nojzocniejszo była.

    --
    Ruda Śląska - stolica fraszki
  • broneknotgeld 11.09.07, 19:03
    "Jezu ufam Tobie"

    Faustyna Kowalsko Krystusa widziała
    Bestoż rynka taki łobroz malowała
    Kery tu terozki wandrusa prziciongo
    Prawiom co do wiary człowieka fest wprzongo.
    --
    Ruda Śląska - stolica fraszki
  • broneknotgeld 11.09.07, 19:06
    Kościoł św. Pyjtra i Pawła

    Na wilyński barok se tukej podziwosz
    Ze zochwytu aże głowom potym kiwosz
    Dyć uklynknij piyrwyj, porzykej we ciszy
    Niychej cie Ponboczek w świontyni usłyszy.
    --
    Ruda Śląska - stolica fraszki
  • broneknotgeld 11.09.07, 19:14
    "Miednicko Brama"

    Na drodzie do Miednik brama postawiyli
    Dzisioj "Łostrom" zowiom - tako pomiyniyli.
    --
    Ruda Śląska - stolica fraszki
  • broneknotgeld 11.09.07, 19:16
    "Łostro Brama"

    Dyć niy zowdy "Łostrom" zwano
    -Nosiyła i Miednik miano.
    --
    Ruda Śląska - stolica fraszki
  • broneknotgeld 12.09.07, 19:48
    Wilno 1323

    Giedymin tukej zamek zbudowoł
    Tako se Wilno stolicom stowo
    Czy Troki ze tym wiela straciyły
    Piyrwyj siedzibom princow dyć były.
    --
    Ruda Śląska - stolica fraszki
  • broneknotgeld 12.09.07, 19:50
    Zamek Gorny

    Na Gorze Zamkowy do dzisioj tu stoji
    Zamek Giedymina ciyngym Wilno stroji.
    --
    Ruda Śląska - stolica fraszki
  • broneknotgeld 12.09.07, 19:53
    Dynkmal Giedymina

    Kaj Plac Katedralny Giedymin se stoji
    Zloz z konia co za nim - princ tako we zbroji
    Miecz czimie we ryncach przeciw wszyskim wrogom
    Kierzy by te Wilno chcieli kopnońć nogom.
    --
    Ruda Śląska - stolica fraszki
  • broneknotgeld 12.09.07, 19:55
    Kerchof na Rossie

    Polskich wojokow wiela tu leży
    Serce marszałka - chciyjcie w to wierzyć
    Piłsudski w konsku przi matce tako
    Chocioż już za niym nikt tu niy płako.
    --
    Ruda Śląska - stolica fraszki
  • broneknotgeld 12.09.07, 19:58
    Wilyńsko Madonna

    Łostrobramskom Matkom zwano
    Miłosierdziu tyż łoddano
    Strzybrzy szatkom fest kaplica
    -Dar po downych karmelitach

    Dyć cudami swymi słynie
    I we polski tyż dziedzinie.
    --
    Ruda Śląska - stolica fraszki
  • broneknotgeld 24.02.07, 15:40
    Druskienniki

    Car Mikołoj zdroj z Druskiennik zrobioł
    Jest na Litwie kurort co je we tym pobioł?
    --

    Druskienniki-Zdroj

    Kaj do Niymna Rotniczanka swoje wody wlywo
    Tam se tako tyż blikejcie na litewske dziwo.
    --

    Zdrojym słynie

    Miasto zdrojym słynie
    W litewski dziedzinie
    Kuracyje wodne
    Niy yno tu modne.

    --
    Ruda Śląska - stolica fraszki
  • broneknotgeld 24.02.07, 15:41
    Skiż rozpusty

    Skiż rozpusty Perkun pokoroł Litwinow
    Słone płaczki wszyskich wsionkły we dziedzina
    Teroz kuracyjom som dlo jejich synow
    Jak byda na Litwie Druskiennik niy mina.
    --

    Toplali w beczkach

    Ponoć piyrwyj w beczkach tu ludzi toplali
    Tako złe chorobska ze nich wygoniali
    Woda druskiynnicko siyła richtig miała
    W niyjedny utropie łod lot pomogała.
    --

    Sto rokow tymu

    Nad Rotniczankom sto rokow tymu
    Stykło podychać by czuć se lepi
    Jako powiedzieć tukej istnymu
    Co luft Druskiennik tyż ludzi krzepi?

    --
    Ruda Śląska - stolica fraszki
  • broneknotgeld 24.02.07, 15:42
    Wody mineralne no i borowiny
    Bogactwym som wielkim tutejszy dziedziny
    Baden-Baden przi tym se możno i straci
    Choć tam zoglondajom ci co fest bogaci.

    --
    Ruda Śląska - stolica fraszki
  • broneknotgeld 11.09.07, 19:12
    W Druskiynnikach

    Jako piyrwyj se możesz kurować
    Druskiynniki durś blyszczom łod nowa
    Zdo sie tako już chnet łod ćwierćwieku
    Toż zoglondnij i tukej człowieku.
    --
    Ruda Śląska - stolica fraszki
  • broneknotgeld 24.02.07, 23:09
    Palanga

    W Litwie nad Bałtykym chcesz se wywczasować
    Palanga ci możno fest bydzie sztimować.

    --
    Ruda Śląska - stolica fraszki
  • broneknotgeld 24.02.07, 23:10
    Nida

    Na mierzeji pewno pokusi mie Nida
    W kery som litewske rożne festiwale
    Na Aleja Gwaiazd se tukej chyntnie przida
    I Tomasa Manna niy zapomna wcale.

    --
    Ruda Śląska - stolica fraszki
  • broneknotgeld 24.02.07, 23:10
    Kowno

    W czerwono budka se tukej zojdziesz
    Zowdy w niyj przeca telefon nojdziesz.

    --
    Ruda Śląska - stolica fraszki
  • broneknotgeld 24.02.07, 23:11
    Kłajpeda

    Do dzisioj niymiecka widać tukej rynka
    Trza sie z tego cieszyć a niy yno kwynkać.

    --
    Ruda Śląska - stolica fraszki
  • broneknotgeld 11.09.07, 19:01
    Troki

    Niym w gora Wilno miało fest skokać
    Stolica Litwy była we Trokach.
    --
    Ruda Śląska - stolica fraszki
  • broneknotgeld 11.09.07, 19:08
    Zamek w Trokach

    Na Litwie starszy zamek znojdziecie?
    Łon u poczontka dziedziny przecie!
    --
    Ruda Śląska - stolica fraszki
  • broneknotgeld 11.09.07, 19:18
    Stare Troki 1350

    Princ Witold w trokach se prawie rodzioł
    Roki leciały, w boj hufce wodzioł
    Śnioł ło koronie dlo Litwy tako
    Dyć pomarł bez niyj - princym jednako.
    --
    Ruda Śląska - stolica fraszki
  • broneknotgeld 24.02.07, 23:13
    Miejsce dlo Rosji zrobić mi trza
    Przido sie z czasym na pewno - pra?

    --
    Ruda Śląska - stolica fraszki
  • broneknotgeld 24.02.07, 23:44
    Obwod Kaliningradzki

    Zdo sie - "spolono ziymia" jest tukej
    Downy świytności ze świyczkom szukej.
    --

    Blisko

    Blisko tyn Obwod Kaliningradu
    Nasi na handel czsym tam jadom
    Dyć mie terozki to yno dziwo
    Że ło godzina zygor tam kiwo.
    --

    "Sezon Polski w Rosji" - III-X.2005

    Podobnoś już se to tam zaczyło
    Trza nom promować polsko kultura
    We październiku by se skończyło
    Dyć coś za wielko zdo sie to gora.

    --
    Ruda Śląska - stolica fraszki
  • broneknotgeld 24.02.07, 23:45
    Dymitr Mendelejew

    Dymitr Mendelejew chymji richtig pszoł
    Dyć i gorzołeczka "normowo" nom doł.

    --
    Ruda Śląska - stolica fraszki
  • broneknotgeld 16.10.11, 16:26
    Ech ta Syberyjo
    wiadomosci.gazeta.pl/Wiadomosci/1,80276,10477338,Syberia_cierpi___wywiad_z_pisarzem_i_podroznikiem.html
    Wiynkszo zaś mecyjo.
    --
    Ruda Śląska - stolica fraszki
  • broneknotgeld 03.04.13, 20:34
    Ruski na stracie
    kultura.gazeta.pl/kultura/1,114531,13672650,Zmarl__rosyjski_Banksy___Mial_29_lat___Rosja_stracila.html
    Putin mo lacie.
    --
    Ruda Śląska - stolica fraszki
  • broneknotgeld 24.02.07, 23:47
    Prusy Ksionżynce

    Piyrsze to państwo w cołki Europie
    Kaj sie na Lutra tezy niy "kopie"
    Princ Albrecht polskim lynnikym łostoł
    Dyć wolno rynka we Prusach dostoł.
    --

    Krolewiec 1544

    Dboł Hohenzollern ło swo stolica
    Chcioł by gryfniejsze durś miała lica
    Toż uniwerek tukej wystawioł
    By uczoł ale tyż przeca sławioł.
    --

    Przi Hohenzollernie

    Przi Hohenzollernie Krolewiec to zyszczy
    Że polskościom jakby teroz bardzi blyszczy
    Albrecht reformacjo wspiyroł we Koronie
    Dyć i katolikom niy powiedzioł - koniec.
    --

    W Krolewcu i Ełku (1543-1552)

    Wiyncy tu ksionżek polskich drukujom
    Niż w cołki Polsce - to forszelujom?

    --
    Ruda Śląska - stolica fraszki
  • broneknotgeld 24.02.07, 23:47
    Krolewiec 18.X.1663

    Hołd złożyły pruske stany
    Władca "z boży łaski dany"
    Dziyń "Wielkego Elektora"
    Absolutyzm - tako pora.


    Edukacjo w Prusach

    Piyrsze państwo we Europie co lud kształcić chciało
    No i przeca na ty drodze zrobiyło niymało
    Pryndko co wpiyrw tukej polske szło we zapomniynie
    Geld kariera inkszy profit - niy mynczy sumiynie.

    --

    Krolewiec 18.I.1701

    Toż elektor w końcu korony se chycioł
    "Krol w Prusiech" - szpas taki inkszym tronom wycioł
    Europa mo władcy zaś cołkym "nowego"
    Z mianym Fryderyka Wilhelma I.


    Konigsberg 1255

    Przemysła Ottokara II czy znocie?
    Na jego cześć miano tego grodu mocie
    Krol Czech no i cysorz łon rzymsko-niymiecki
    Mieczym krzcić chcioł pogan - nojlepi we plecki

    No toż grod warowny tu Zakon wystawioł
    Komtur ze Prusami wcale se niy bawioł
    Czi ćwierci z tysionca rokow dyć minyło
    Wiela sie w tym czasie tukej pomiyniyło.

    --
    Ruda Śląska - stolica fraszki
  • broneknotgeld 24.02.07, 23:48
    "Albertina"

    Uniwerek we Krolewcu - toż przeca go znocie
    Reja i Kochanowskiego sztudyntami mocie.


    4 grody

    Piyrwyj przi Krolewcu tyż czi inksze grody
    Altstadt Lobenicht Knipawa - czimały se zgody
    W łoziymnostym wieku cołkym we jedno zaś zloły
    Czas przi Frycu Wielkim przeca był tukej wesoły.


    Immanuel Kant 1724-1804

    Niy było we tym żodnego kantu
    Toż filozofio z niym kwitła sam tu
    Łon "Albertiny" perłom był jasnom
    Idejom kero niy śmi być ciasnom.
    --

    Katedra 1544

    Dwie wieże ze przodka wpiyrw katedra miała
    Dyć sie ze tym rokym fest rozhajcowała
    Jedna dźwigli jeszcze - cołkym kipli drugo
    I tako łostało już tukej na dugo.


    Katedra 1944

    Już aliancke fligy widać tu na niegie
    Katedro - te bomby tyż lecom do ciebie
    Ruinom na lata terozki łostanisz
    Dyć jest to szkryflane - jeszcze gryfno staniesz.


    Dynkmal Kanta 1924

    Dwiesta lot minyło jak żeś padoł poznoł
    We pruskim Krolewcu trocha szczyńścio doznoł
    Dynkmal mosz terozki wele kolumnady
    Na czas co przelecioł przeca niy ma rady.

    --
    Ruda Śląska - stolica fraszki
  • broneknotgeld 24.02.07, 23:49
    "Nowo wydany Kancyonał Pruski" - Krolewiec - 1741

    Łon przez czi wieki był wydowany
    Ze sto sztyrdziści razy wznowiany
    Toż we tych pieśniach polskość tu była
    Z niymi we sercach nikerych żyła.
    --

    Muzeum Katedralne

    Na downy Krolewiec tukej se pokukej
    Przeca Kaliningrad już inkszy
    Historyji downy we muzeum szukej
    Skiż kery grod richtig jest wiynkszy.


    Nowożyńcy w Kaliningradzie

    Kwiotki ze ślubu Kantowi dowajom
    Zdo im sie przi tymu - richtig fest se pszajom
    Dyć życie pokoże co ze porkom bydzie
    Czy Kant upilnuje by niy byli w biydzie.


    Zamek

    Siedym wiekow go widziało
    A terozki kaj?
    Poniymiecki - wyleciało
    W luft bo taki "raj"

    Szpryngli no i wyprzontali
    Niy łostoł sie ślad
    Co być miało tukej dali?
    -Ano tyn "Dom Rad".


    "Dom Rad"

    Ruina zamku tym zamiyniyli
    Niym "Dom Rad" dźwigli - zaczoł sie chylić
    Możno Krziżaki tako sprawiyli
    Że przegroł cołkym towarzysz Iljicz.

    --
    Ruda Śląska - stolica fraszki
  • broneknotgeld 24.02.07, 23:50
    Mury miejskie

    Skiż wojyn szwedzkich wzniyśli te mury
    Baszty bastiony i trocha bram
    Niy łodgoniyły cołkym tu chmury
    Dyć cosik jednak broniyły sam.


    Przebudowa murow miejskich (1843-1864)

    Ano - łoblykły se w cegła piyknie
    Urody jejich i dzisioj styknie.


    Baszta Wrangel

    Zdo sie - wyłazi jakby z jziora
    Coby Krolewca tako wachować
    Chocioż minyła już jeji pora
    Werci se na nia tu podziwować.
    --

    Brama Rosengartyńsko

    Bliknij se na portal co majom te wrota
    Scharnhorst i Gneisenau - wcale niy gupota
    Toż te generały były z wojskym w boju
    W czas napoleoński - czas krwi no i znoju


    Baszta Dohna

    Dzisioj w niyj jantar piyknie se blyszczy
    Łon ciyngym wiela dlo miasta zyszczy
    Jo na te cuda zaś se dziwuja
    Zdo sie raj jakby - bestoż rym suja.


    Krolewiec 1942

    Bursztynowo Komnata w krolewieckim zamku
    Miejsca niy zagrzoła - wander jyj pisany
    Czy Ślonzek widziała? -Niy łodpowiym sam tu
    Dyć kajsik tyn jantar jest ciyngym schowany.

    --
    Ruda Śląska - stolica fraszki
  • broneknotgeld 24.02.07, 23:51
    Brama Krolews