Dodaj do ulubionych

Godki chorzowske

05.06.06, 18:14
Za Bolka Chrobrego

Wele Bytomia gon powiod Chrobry
Zwiyrza tu przeca niy brakowało
Tako i profit z tego był dobry
Wojom se nawet zapodobało

Dyć bestoż warszlos kasztelan stowio
Możno na bezrok zaś Bolko bydzie
Gowiydź ubito radość mu sprowio
I jodła wiyncy - grod niy we biydzie.

--
forum.gazeta.pl/forum/71,1.html?f=28940
Edytor zaawansowany
  • broneknotgeld 05.06.06, 18:19
    "Zversov" (1136)

    Przi Bytomiu wioska tako
    Kaj już znojdziesz dwie gospody
    Gwarkom srybra dyć jednako
    -Niy chcom chytać se tam wody

    Biyra im zocnego dejcie
    Fach swoj przeca dobrze znajom
    Zversov - Chorzow? -To godejcie!
    Styknie co tu srybru pszajom.

    --
    forum.gazeta.pl/forum/71,1.html?f=28940
  • broneknotgeld 05.06.06, 18:22
    "Zversov" ("Zwierzów")

    Kaj bor był gynsty i wiela zwierza
    Stanoł tyn Zversov - w to prawie wierza
    Dyć kasztelański grod był po blisku
    A woj wnerwiony ło pustym pysku.
    --
    forum.gazeta.pl/forum/71,1.html?f=28940
  • broneknotgeld 05.06.06, 18:26
    Princ Władysław (1257)

    Princ Władysław - pon Opola
    Bożogrobcow uposażoł
    Ano tako jego wola
    Co tyn zakon tukej wrazioł

    Chorzow doł i Białobrzezie
    Mieli biydnych dyć kurować
    A i wzmocniać w Krysta wierze
    Mustrym we zocności stować.

    --
    forum.gazeta.pl/forum/71,1.html?f=28940
  • broneknotgeld 05.06.06, 18:29
    Lazaryt

    Bożogrobcy lazaryt już tu zrychtowali
    Choć pod Bytom w końcu go przeca przeniyśli
    Lepi bliży princa - to forsztelowali
    I zdo sie co richtig dobrze na tym wyszli.
    --
    forum.gazeta.pl/forum/71,1.html?f=28940
  • broneknotgeld 05.06.06, 18:32
    We Czeladzi

    Ano we Czeladzi princ opolski stoji
    Tukej Bożogrobcom dokumynt wystawio
    Z kerym historyjo już tyn Chorzow kroji
    Tako niy godejcie co mi sie to zdowo.

    --
    forum.gazeta.pl/forum/71,1.html?f=28940
  • broneknotgeld 05.06.06, 18:37
    Łoketek w Chorzowie

    Uciyk Łoketek - gorko w Krakowie
    Toż przenocowoł aże w Chorzowie
    Bo bytomiany bramy zamknyli
    I wojow z princym w prog niy wpuściyli

    Dyć z niymi opat rajtowoł przeca
    Co z miechowitow zocnego neca
    Tako se niy trza tymu fest dziwać
    Nojszczyrszo prowda - na nic wom kiwać.
    --
    forum.gazeta.pl/forum/71,1.html?f=28940
  • broneknotgeld 05.06.06, 18:40
    Bożogrobcy w Chorzowie

    Kaplica piyrwyj tu yno była
    No i lazaryt - w niym prykow pora
    Dyć miechowitow ze tego siyła
    I w Duchu Świyntym zesłanym wczora.

    --
    forum.gazeta.pl/forum/71,1.html?f=28940
  • broneknotgeld 05.06.06, 21:05
    "Coccham" 1198

    W Jerozolimie tako szkryfnyli
    Co bozogrobce "Cochcam" chyciyli
    Przi "Belobreze" richtig ta wioska
    Toż przipomino mi cosik troszka.
    --
    forum.gazeta.pl/forum/71,1.html?f=28940
  • broneknotgeld 05.06.06, 21:08
    Przekludzka lazarytu 1299

    Ano za wolom princa Bytomia
    Lazaryt blisko stolicy jego
    Niy trza mu teroz wsiodać na konia
    Przeca kaj kościoł Ducha Świyntego.

    --
    forum.gazeta.pl/forum/71,1.html?f=28940
  • broneknotgeld 05.06.06, 21:12
    Łod "chorego"?

    Chorzow łod "chorego" nosi swoje miano?
    Toż tu bożogrobcy żykali co rano
    I piyrszy lazaryt tako wystawiyli
    Niym se do Bytomia z chorymi wkludziyli

    Dyć przeca i potym profity z ty wioski
    Szły na kurowanie z kerym myni troski
    Ponboczek braciszkom łaskami tyż darzoł
    A czowiek ło zdrowiu niy yno zamarzoł.
    --
    forum.gazeta.pl/forum/71,1.html?f=28940
  • broneknotgeld 05.06.06, 21:14
    "Charowali"

    Charowali we Chorzowie gwarki srybra mocno
    Czy łod tego miano wziyła se ta sztela zocno?

    --
    forum.gazeta.pl/forum/71,1.html?f=28940
  • broneknotgeld 05.06.06, 21:16
    Z "hory"

    Na gorce przeca tyn Chorzow Stary
    Toż możno miano taki jest "miary"?
    --
    forum.gazeta.pl/forum/71,1.html?f=28940
  • broneknotgeld 05.06.06, 21:18
    Strachliwy Chorzow?

    Możno wywoło to wiela burzow
    Boch roz usłyszoł co to skiż "tChórzów"
    Kerych w Chorzowie było za wiela
    Toż co powiycie na tako sztela?

    --
    forum.gazeta.pl/forum/71,1.html?f=28940
  • broneknotgeld 06.06.06, 16:43
    Tchorzew - Chorzew?

    Ano - jak przeszli tyndy Tatary
    Kożdy se schowoł - mody i stary
    Dugo we borze potym siedzieli
    Wyleźli - tako chorobska mieli.

    --
    forum.gazeta.pl/forum/71,1.html?f=28940
  • broneknotgeld 06.06.06, 16:46
    Horzow - Gorzow?

    Brzetysława woje przez Ślonzek ciongnyły
    Toż grodki piastowske po drodze polyły
    Tako zgoroł ponoć i "Waldszlos Chrobrego"
    Gore abo hore - kto dońdzie do tego?

    --
    forum.gazeta.pl/forum/71,1.html?f=28940
  • broneknotgeld 06.06.06, 16:48
    Z chorości Łoketka?

    Czy chory Łoketek tukej se kurowoł?
    Mogło być i tako choć możno se zdowo
    Jakoś go kuplujom z dziejami Chorzowa
    Bestoż pomyślała ło tym czyjaś gowa.

    --
    forum.gazeta.pl/forum/71,1.html?f=28940
  • broneknotgeld 06.06.06, 16:50
    Z "tchórzówki"

    Chorzowiany w myckach łażom
    Ze skory łod tchórza
    Możno stond i miano szteli
    Dyć jo niy powroża.
    --
    forum.gazeta.pl/forum/71,1.html?f=28940
  • broneknotgeld 06.06.06, 16:55
    Herb Krolewski Huty (18.X.1869)

    Poł orła majom na niym czornego
    Tyż szlajfkom srybrnom przeposanego
    Inicjał krola - koronowany
    Młotek z pyrlikym zekuplowany.
    --
    forum.gazeta.pl/forum/71,1.html?f=28940
  • broneknotgeld 06.06.06, 16:59
    Herb Chorzowa (14.III.1938)

    Poł orła gornoślonskego
    Co na modrym tle se złoci
    Tyż poł krziża czerwonego
    Z czerni wyloz ku dobroci
    Dwa ramiona mo poziome
    Łon łod bożogrobcow przeca
    Choć zakonu tukej koniec
    W historyji tego neca.

    --
    forum.gazeta.pl/forum/71,1.html?f=28940
  • broneknotgeld 06.06.06, 17:03
    Krziż Bożogrobcow

    Zdublowany krziż rycerski
    Ze rownymi ramionami
    Inkszy zdo sie tu niyherski
    Zoglondnijcie na to sami

    Zowdy szyrsze końce jego
    Yno take być w niym mogom
    Se czerwiyni nom do tego
    Czorny ćmok te krziże zmogom.
    --
    forum.gazeta.pl/forum/71,1.html?f=28940
  • broneknotgeld 06.06.06, 17:16
    Ze Chorzowa

    Na Chorzowie i Dombie bożogrobce stojom
    Dlo tych co kurujom łostatniom łostojom
    Przi bytomski bramie dyć lazaryt majom
    Mogom bliźnim służyć bo grosz stond ściongajom.
    --
    forum.gazeta.pl/forum/71,1.html?f=28940
  • broneknotgeld 06.06.06, 17:20
    Przi Krakowski Bramie

    Klupoł Łoketek w bytomsko brama
    Dyć niy łotwarła se łona sama
    A bytomiany go niy wpuściyli
    Możno po inkszy stronie już byli

    Tako skerowoł se do Chorzowa
    Bo śnik nachodzioł już jego gowa
    Chy tam chorobsko jakoweś chycioł?
    Toż roztomajcie ktoś ło tym klycioł

    --
    forum.gazeta.pl/forum/71,1.html?f=28940
  • broneknotgeld 06.06.06, 17:22
    Chorzow 1632

    Farorz bożogrobcow do Chorzowa wroco
    Czasy teroz ciynżke - jakby ciymnom nocom
    Toż lepi se czimać łod Bytomia dali
    Coby protestanty siyłom niy zabrali
    Tego co poczeba ciyngym zakonowi
    Miłości bliźniego - tako yno powiym.
    --
    forum.gazeta.pl/forum/71,1.html?f=28940
  • broneknotgeld 06.06.06, 17:27
    7.X.1643

    Bytom w Szwedow rynkach
    Ciyrpi umynczony
    Tako wielko mynka
    Pisano tu łonym

    Utropiony ratusz
    Rabujom kościoły
    Za wiela tu katusz
    Dyć zdo sie - "krol goły"

    Na Chorzow se wojsko
    Jednak niy keruje
    Bardzi tukej swojsko
    Spokoj jakby czuje.

    --
    forum.gazeta.pl/forum/71,1.html?f=28940
  • broneknotgeld 06.06.06, 17:32
    Farorz Stanisław Szagalski

    W ciynżki czas wojny czidziestoletni
    Z Bytomia wrocioł w ta sztela
    Chorzow z tym zyszczy - ło to se wetni
    Choć możno zaroz niy wiela.
    --
    forum.gazeta.pl/forum/71,1.html?f=28940
  • broneknotgeld 06.06.06, 17:34
    Chorzowsko zwada

    Jak już Donnersmarcki panami tu byli
    Ło to co chorzowske po sondach łaziyli
    Dyć se bożogrobcy przeca im niy dali
    Aże do kasaty co jejich czimali.

    --
    forum.gazeta.pl/forum/71,1.html?f=28940
  • broneknotgeld 06.06.06, 17:36
    Farorz Hilary Przibylski

    Łostatni gospodorz bożogrobcow fary
    Tyż i po kasacie we Chorzowie łostoł
    Tu go z parafiji wyniesom na mary
    Służoł swojym wiernym aż go Pon Bog dostoł.
    --
    forum.gazeta.pl/forum/71,1.html?f=28940
  • broneknotgeld 06.06.06, 19:17
    We trułach spali?

    Toż ło bożogrobcach godka chorzowiana
    Że we trułach spali durś na chwała Pana.
    --
    forum.gazeta.pl/forum/71,1.html?f=28940
  • broneknotgeld 06.06.06, 19:20
    Tatary w Chorzowie

    Toż Chorzow i Białobrzezie przez nich wyniszczone
    Podbytomske zocne sztele czeko cołkym koniec?
    Piyrszo wroco do downego - na powrot se dźwigo
    "Belobreze" w historyji już jednak niy migo.

    --
    forum.gazeta.pl/forum/71,1.html?f=28940
  • broneknotgeld 07.06.06, 18:15
    Z woli princa Władysława

    Po Tatarach tu niywiela se ludzi łostało
    Toż panisko miechowitom ziymie darowało
    By je zakon skiz profitow sprobowoł ratować
    Ze Chorzowym se udało - plon zaczoł im dować

    Domb tyż tako po somsiedzku złoci swoje łany
    Białobrzezie - tu tref gorszy zdo sie był pisany
    Dyć mi jedyn ołpa prawioł - możno ło tym wiycie
    Że choć miano se straciyło to som Miechowice.

    --
    forum.gazeta.pl/forum/71,1.html?f=28940
  • broneknotgeld 07.06.06, 18:17
    Piyrszy kościoł chorzowski

    Prawiom co spolyli tyn kościoł Tatary
    Toż czeba nom dować tymu richtig wiary
    Bo wielkom utropom tyn najazd dlo Ślonska
    Jako tyż naszego bytomskego konska.

    --
    forum.gazeta.pl/forum/71,1.html?f=28940
  • broneknotgeld 07.06.06, 18:20
    Skiż Tatarow

    Ludzie se przed niymi ponoć pochowali
    We tym ciymnym borze co wele dziedziny
    Dyć cołko osada chnetko sie łobali
    Szczyńściym bożogrobce tukej przidom driny.
    --
    forum.gazeta.pl/forum/71,1.html?f=28940
  • broneknotgeld 07.06.06, 18:23
    Chorzow gore 1430

    Z tym rokym husyty tukej zoglondnyli
    Czy juzaś se ludzie przed niymi pokryli?
    Wiymy yno tela co Chorzow zegoroł
    Mikołaj z Żyglina tako ich pokoroł.

    --
    forum.gazeta.pl/forum/71,1.html?f=28940
  • broneknotgeld 07.06.06, 18:25
    Taboryty

    Se taboryty srożom na Ślonsku
    Tako i w naszym bytomskim konsku
    I bożogrobcom niy przepuściyli
    Chorzowsko sztela cołko spolyli.
    --
    forum.gazeta.pl/forum/71,1.html?f=28940
  • broneknotgeld 07.06.06, 18:30
    Rycerze świynty Jadwigi

    Śpiom rycerze Istny tako we Chorzowie
    Coby se ło wiara niy boł tukej czowiek
    Przeca u Ponboczka tela wybłogała
    Hufy ze zabitych pod Niymczom zebrała

    Toż teroz czuwajom w rożnych miejscach Ślonska
    By w zły chwili bronić tyż naszego konska
    Oby nom niy prziszła ta "czorno godzina"
    Szczyńście ze pokojym mo zocno dziedzina.

    --
    forum.gazeta.pl/forum/71,1.html?f=28940
  • broneknotgeld 07.06.06, 18:33
    Na Drajoku

    Na Drajoku pod Paniynkom
    W wielki grocie śpiom rycerze
    Niy jest dlo nich to udrynkom
    Ślonska majom bronić w wierze

    Toż to spod Legnicy woje
    Huf Jadwigi Ślonski zocny
    Jedyn styknie z nich za troje
    Krześcijanin z niymi mocny.
    --
    forum.gazeta.pl/forum/71,1.html?f=28940
  • broneknotgeld 07.06.06, 18:35
    Jejich dzwon

    Dzwon rycerzy dyć niy słychać
    Ślonzek ciyngym w wierze stoji
    Zły tu niy śmi wiela dychać
    Bo skiż istnych fest se boji.

    --
    forum.gazeta.pl/forum/71,1.html?f=28940
  • broneknotgeld 07.06.06, 18:38
    Jejich dzwon (II)

    Kedyś zbudzi tych uśpionych
    Se zaśpiywo - "W imie Boga"
    Z tym poznomy w boju łonych
    Że niywiernym niesom trwoga.

    --
    forum.gazeta.pl/forum/71,1.html?f=28940
  • broneknotgeld 08.06.06, 16:59
    Rycerze naszy patronki

    Dyć niy na darmo Legnica była
    Orda Tatarow przeca skryńciyła
    I na połednie poszła w Madziary
    Tako łobrona godziwy miary.

    --
    forum.gazeta.pl/forum/71,1.html?f=28940
  • broneknotgeld 08.06.06, 17:02
    Chorzowsko Paniynka

    Na kolumnie ciyngym stoji
    Widzioł jom wiek dziewiytnosty
    Ło tyn Chorzow se niy boji
    Przi niyszczyńściu koncept prosty

    Styknie co sie dzwon rozdzwoni
    I pobudzi wojow zocnych
    Toż po blisku śpiom tu łoni
    Choć śnik majom cosik mocny.
    --
    forum.gazeta.pl/forum/71,1.html?f=28940
  • broneknotgeld 08.06.06, 17:04
    Niy ma dzwonow?

    W dwudziestym wieku niyszczyńścia były
    Dyć se te woje niy rozbudziyły
    Ponoć pokradli ze grot im dzwony
    Toż jako wstować terozki łonym?
    --
    forum.gazeta.pl/forum/71,1.html?f=28940
  • broneknotgeld 08.06.06, 17:31
    Chorzowsko ciga

    Ciga w Chorzowie gospodorz chowoł
    Podobnoś mało futru jyj dowoł
    A wypasiono pierona była
    No i dojyli mlyka tyż siyła

    Toż som se richtig dziwowoł tymu
    Spać niy dowało ponoć to jymu
    Jaksik sie ciyngym istno traciyła
    A jak wrocała nażarto była

    Cerze nakozoł - Pilnuj ta ciga
    Możno futruje jom jakoś szcziga
    I jeszcze z tego niyszczyńście bydzie
    Co złe z gowiedziom do dom nom przidzie

    Tako za kozom dziołcha drałuje
    Tam kaj Paniynka szteli wachuje
    A pod kolumnom traci se zwiyrze
    Dyć w ziymi widać łotwarte dźwiyrze

    Wlazła drin frelka - wielko kaplica
    Zrobiyły blade se jeji lica
    Bo tam rycerze sroge drzymali
    Jako w Chorzowie tu se pospali?

    Na boku konie łowies i siano
    Ciga tatulka! Jeronie - ano!
    Dziołcha se głośno aż zawołała
    Przi tym zarozki jednak struchlała

    Jedyn ze wojow łotwiyro łoczy
    -Czy już czas prziszoł? Trza naszy mocy?
    Niy - w strachu istno mu łodpedziała
    Jakby na krzidłach z tym wyleciała

    Chocioż rodziciel niyjedno przeżoł
    Dyć swoji cerze coś niy uwierzoł
    Gowiydź se jednak już niy traciyła
    Ze tym chałupa zasobno była

    Ludzie czasami dźwiyrzy szukajom
    I choć Paniynce z Drajoka pszajom
    Do dzisioj ciyngym wejścio niy znodli
    Potrza im cigi? -Na to niy wpodli.
    --
    forum.gazeta.pl/forum/71,1.html?f=28940
  • broneknotgeld 09.06.06, 20:32
    Szafrańce w Chorzowie

    Czym te Szafrańce niy handlowali?
    Czego to łoni niy rozwoziyli?
    Po cołkym Ślonsku wozy ciongali
    Do Wrocka tako tyż zoglondnyli
    We tyn czas moru jak śmierć mo żniwo
    Stolica Ślonska wtedy w żałobie
    Tref roztomajty - tako już bywo
    Zdało sie istnym - bydom we grobie

    Przeca zaraza wielko szczimali
    W końcu wrocajom - som we Chorzowie
    Dyć jako ze tym bydzie tu dali?
    Strach mo terozki niyjedyn czowiek

    Trza sie Paniynce łoddać w opieka
    Zocno figura już na kolumnie
    Sztela łobroni - po co uciekać?
    Toż Matko Bosko zwroć łoczy ku mnie.

    --
    forum.gazeta.pl/forum/71,1.html?f=28940
  • broneknotgeld 09.06.06, 20:34
    Kolumna Maryjno 1860

    Chorzow Stary za niom leży
    Broni szteli - chciyjcie wierzyć
    Przed tym morym ze Wrocławia
    Jyj opieka - zocno sprawa.
    --
    forum.gazeta.pl/forum/71,1.html?f=28940
  • broneknotgeld 09.06.06, 20:36
    Kedy se zbudzom rycerze?

    Ponoć za komuny śnik ich niyspokojny
    Dyć se niy zbudziyli do "krziżowy wojny"
    Teroz przi Paniynce słychać aż chrapanie
    Tako mi sie zdowo co wojsko niy wstanie.

    --
    forum.gazeta.pl/forum/71,1.html?f=28940
  • broneknotgeld 09.06.06, 20:39
    Na Szwajcarski Dolinie

    Na Szwajcarski Dolinie kajś "wrota" do groty
    Huf drugi chrzowski - to niy som gupoty
    Wele Planetarium tyż drzymiom rycerze
    Zbudzom sie jak Chorzow zapomni ło wierze.
    --
    forum.gazeta.pl/forum/71,1.html?f=28940
  • broneknotgeld 09.06.06, 20:42
    W Chorzowie

    Ponoć tu łod downa kaplica se stoła
    Coby bozogrobce mogli do niyj wołać
    Tych kierzy robiyli na jejich lazaryt
    A przeca trza było pilnować ich wiary.
    --
    forum.gazeta.pl/forum/71,1.html?f=28940
  • broneknotgeld 09.06.06, 20:46
    Z poczontkym XIV wieku

    Ano we tych czasach koscioł piyrszy stanoł
    Świontynka to była dyć jeszcze drewniano
    Toż i niy dziwota że sie wypolyła
    -Juzaś nowo chnetko w tym miejscu stanyła.

    --
    forum.gazeta.pl/forum/71,1.html?f=28940
  • broneknotgeld 09.06.06, 20:48
    Świyntopietrze 1326

    Farorz Adam ze Chorzowa świyntopietrze złożoł
    Bracik Henko z lazarytu tyż doł grosz co wożoł.
    --
    forum.gazeta.pl/forum/71,1.html?f=28940
  • broneknotgeld 09.06.06, 20:51
    Chorzow 1379

    Gore kościoł we Chorzowie
    Toz w utropie teroz czowiek
    By tref taki niy był dany
    Stanie nowy - murowany?
    --
    forum.gazeta.pl/forum/71,1.html?f=28940
  • broneknotgeld 09.06.06, 23:46
    Kościoł 1379-1590

    Wiela razy łodnowiony
    We tych richtig czasach ciynżkich
    Przez husytow poraniony
    Jakoś szczimoł rożne klynski

    Dyć niy łopar sie wiekowi
    Trza nowego - kożdy powiy.

    --
    forum.gazeta.pl/forum/71,1.html?f=28940
  • broneknotgeld 09.06.06, 23:49
    Z końcym XVI wieku

    Za farorza Bronowskiego stanoł nowy kościoł
    Coby tyn nasz chorzowianin już wiyncy niy pościoł
    Bo se fest rozrosła ta zocno osada
    We starym i ciasnym kto gruby mioł zwada.
    --
    forum.gazeta.pl/forum/71,1.html?f=28940
  • broneknotgeld 09.06.06, 23:51
    Chorzow 1625

    Toż ksiondz Jan Bratkowski wystowioł kaplica
    Prawie przi kościele - gryfne jeji lica
    Łona pod wezwaniym jest Jana Krzciciela
    Pokozać jom dzisioj jo sie niy łośmiela.

    --
    forum.gazeta.pl/forum/71,1.html?f=28940
  • broneknotgeld 10.06.06, 16:37
    Łodnowiynie kościoła 1632

    Kościoł po remońcie zdo sie jako nowy
    Dyć juzaś siedzibom jest bytomski gowy
    W Chorzowie spokojni we czas wojny srogi
    Tukej se kerujom Szagalskiego nogi
    --
    forum.gazeta.pl/forum/71,1.html?f=28940
  • broneknotgeld 10.06.06, 16:41
    Farorz Stanisław Stempkowski (1711-1727)

    Stanisław Stempowski nowy kościoł stowio
    Na muster baroku parafianom sprowio
    Świontynia ło kery do dzisioj bajajom
    Dyć dziw co drewniano ciyngym wspominajom.

    --
    forum.gazeta.pl/forum/71,1.html?f=28940
  • broneknotgeld 12.06.06, 20:09
    Kościoł Maryji Magdalyny 1590-1710

    Kery to już kościoł?
    Niy byda rachować
    Dyć wiela łon znaczoł
    Dlo tego Chorzowa.

    --
    forum.gazeta.pl/forum/71,1.html?f=28940
  • broneknotgeld 12.06.06, 20:12
    Za Stanisława Stempowskiego (1711-1727)

    Ano staraniym farorza tego
    Kościoł zaś nowy dźwigajom
    Asioł se Chorzow barokym jego
    Toż richtig gryfnym go majom.
    --
    forum.gazeta.pl/forum/71,1.html?f=28940
  • broneknotgeld 12.06.06, 20:14
    Roztomajcie

    Roztomajcie chorzowiany
    Ło kościele prawiom
    Toż dlo jednych durś drewniany
    Inksi mur w niym jawiom.
    --
    forum.gazeta.pl/forum/71,1.html?f=28940
  • broneknotgeld 12.06.06, 20:17
    Chorzow gore! (27.VII.1782)

    Cołko wieś sie wypolyła
    Ano łogyń mo dyć siyła
    Tako strowioł i świontynia
    Idzie yno jom wspominać.

    --
    forum.gazeta.pl/forum/71,1.html?f=28940
  • broneknotgeld 12.06.06, 20:32
    Czarownik w chorzowskim kościele

    We downych czasach dyć to sie dzioło
    Niy było wtedy wcale wesoło
    Parafjo biydno kościoł ubogi
    Toż mag zawitoł we fary progi

    Prawioł ksiynżoszkom co cud zrychtuje
    Świynto Paniynka łon prziwołuje
    A jak zagości tu we kościele
    Pontnik zoglondnie do taki sztele

    Farorz pomyśloł - Toż trza sprobować
    Fest geld dyć potym zacznom wciepować
    Toż bydzie możno richtig bogato
    A niy jak teroz - zdo sie sagato

    Dyć kapelonek coś wystrachany
    Czy to sie godzi? Na Boże rany!
    Możno czort cosik we tym namiyszo
    A za pokusom i farorz zgrzyszom

    Już mag ze ksiyndzym som przed ołtorzym
    Już Matka Bosko ściongać se woży
    Widać w kościele Paniynka tako
    Dyć ktoś z ambony głośno zapłakoł

    Toż kapelonek - w rynkach Hostyjo!
    Pódź! Macej Ciało Syna Maryjo!
    I co? Grom blysnoł z jasnego nieba!
    Kościoł z pożogi ratować czeba!

    Cołko świontynia se wypolyła
    Znak że w tym yno djobelsko siyła
    Niyłoparzony wyloz wikary
    Mag cołkym hajsnoł - z niym farorz stary.

    --
    forum.gazeta.pl/forum/71,1.html?f=28940
  • broneknotgeld 13.06.06, 16:44
    Juzaś stoji 1785

    Marji Magdalyny kościoł juzaś stoji
    Bo jako w Chorzowie bez kościoła szczimać?
    Toż farorz Bojarski se ło niego boji
    Ponoć skuli tego niy chce nawet drzymać.
    --
    forum.gazeta.pl/forum/71,1.html?f=28940
  • broneknotgeld 13.06.06, 16:49
    Kościoł Marji Magdalyny 1785-1885

    Sto lot do rowności parafianom służoł
    Prawiyli co z niymi już za wiela użoł
    A że we tym czasie sztela se rozrosła
    Tako i świontynia swoji "śmierci" doszła
    Toż jom wybulyli by nowo postawić
    Radość parafianom tyż i tako sprawić.

    --
    forum.gazeta.pl/forum/71,1.html?f=28940
  • broneknotgeld 13.06.06, 16:50
    Chorzow 1885-1892

    Neogotycki kościoł stowiajom
    Bo Ponboczkowi tukej fest pszajom.
    --
    forum.gazeta.pl/forum/71,1.html?f=28940
  • broneknotgeld 13.06.06, 16:58
    "Marjo Magdalyna" 1895

    Toż arcybiskup jom konsekrowoł
    Parafji tako na droga dowoł
    Co wiyść duszyczki miała do Nieba
    Kopp przeca wiedzioł czego tu czeba.
    --
    forum.gazeta.pl/forum/71,1.html?f=28940
  • broneknotgeld 13.06.06, 17:10
    Stanoł se na sztrasie!

    Kożdymu sie zdowo co łon dziwnie stoji
    Toż se poczytocie ło tym godki moji
    Kero tukej leci za chorzowianami
    Bo łoni nojlepi ło tym wiedzom sami

    Prawiyli co piyrwyj była gryfno fara
    Ło kero ksiondz richtig musioł se tu starać
    Bo w niyj Jan Sobieski tako zanocowoł
    I wyśnioł co Turkom lyjty wielke dowoł

    A huf wiod chorzowski - wiycie ło niym cosik
    Historyji szteli ciekawy to "grosik"
    Toż chałpa brzimowo jak piyrwyj stoć mioła
    Trza było wyciongnońć fundamynt kościoła

    Na "sztrasie" świontynia tako se stanyła
    Fary tref niy szczyńdzioł bo se wypolyła
    Dzisioj to wyglondo możno trocha dziwnie
    Dyć czowiek niy może jak Ponboczek kiwnie.


    --
    forum.gazeta.pl/forum/71,1.html?f=28940
  • broneknotgeld 13.06.06, 17:17
    Na sztrasie?!

    Nojświyntszy Sakramynt mioł blyszczeć na sztrasie
    Toż być to niy może! -Poradzić z tym trza sie!
    Ołtorz z drugi strony świontyni stowiajom
    I tako utropy już ze tym niy majom.

    --
    forum.gazeta.pl/forum/71,1.html?f=28940
  • broneknotgeld 13.06.06, 17:20
    Nałopy stoji

    Ołtorz niy łod wschodu - tako se dziwujom
    Zdo sie - cosik złego we tym jakby czujom
    Prawiyli co farorz za to pokutowoł
    Swoje widzimisie przed Ponboczkym stowioł.

    --
    forum.gazeta.pl/forum/71,1.html?f=28940
  • broneknotgeld 13.06.06, 22:41
    Po powojynnych remontach

    Ustrojyli kościoł wedle nowy mody
    Tako narobiyli yno jymu szkody
    Kaj polichromije? Neogotyk w środku?
    Co gryfne se traci - czy yno z przipodku?

    --
    forum.gazeta.pl/forum/71,1.html?f=28940
  • broneknotgeld 13.06.06, 22:44
    Kopia łobrozu "Matki Boski Czynstochowski"

    Na muster ikony piyrwyj zrychtowano
    Zdo sie dlo Chorzowa jako świynte wiano
    Kto iśc już niy może na pont czynstochowski
    Tukej se porzyko do Ty Matki Boski.
    --
    forum.gazeta.pl/forum/71,1.html?f=28940
  • broneknotgeld 13.06.06, 22:48
    Chorzowski krucyfiks

    Niyroz sie świontynia chorzowsko polyła
    Jakoś dobro siyła dyć krziża broniyła
    Krucyfiks we zocy majom chorzowiany
    Toż łod bożogrobcow podobnoś im dany
    Prawiom co ty szteli łon szczyńście przinosi
    Niyjedyn tu rzyko i ło łaski prosi.

    --
    forum.gazeta.pl/forum/71,1.html?f=28940
  • broneknotgeld 14.06.06, 16:56
    We "babińcu"

    We "babińcu" piyrwyj wisioł krziż chorzowski
    Włazioł żeś tamtyndy - jakby myni troski
    Na duszy ci lekci i to troszku dziwi
    Że zdo sie co życie już leci szczyńśliwi.
    --
    forum.gazeta.pl/forum/71,1.html?f=28940
  • broneknotgeld 14.06.06, 17:01
    Przi budowie kościoła Marji Magdalyny

    Przi starym cmyntorzu tyn kościoł stowiali
    Toż se już mulorze duchom dziwowali
    Kere i do dzisioj we tych murach kryncom
    Czymsik łone dusze pewnikym durś nyncom.

    --
    forum.gazeta.pl/forum/71,1.html?f=28940
  • broneknotgeld 14.06.06, 17:05
    Duchy bajtli

    Jak we Chorzowie kościoł stowiali
    Tako i ło tym tu łosprowiali
    Co bladych bajtlow w nocy widzieli
    Yno łodgonić istnych niy śmieli
    Bo jedyn na nich dość mocno ryknoł
    Tako ze murow aż na doł fiknoł.
    --
    forum.gazeta.pl/forum/71,1.html?f=28940
  • palec1 07.06.06, 22:04
    Tfojom megaprodukcjom mi imponujesz,
    mein Gott - co Ty futrujesz ??!!

    Bo mosz genjalno kondycja,
    pjylyngnujonc ta naszo tradycja !

    I fest >>DZIYNKI<< Ci za to. :)
  • broneknotgeld 07.06.06, 22:22
    Styknie napić se tyskego
    I rym leci som ze tego
    Dyć po kerymś już tam piwie
    Gowom mi za mocno kiwie.
    --
    forum.gazeta.pl/forum/71,1.html?f=28940
  • broneknotgeld 24.06.06, 19:20
    Dama Bożogrobcow

    Maria Nowak - toż posłanka
    PiSu chorzowskego wianka
    Bożogrobcow dama tukej
    W niyj pomocy teroz szukej.
    --
    forum.gazeta.pl/forum/71,1.html?f=28940
  • broneknotgeld 24.06.06, 19:21
    Wiceszefowo Sejmowy Komisji Edukacyji

    Pewno w patrjotyźmie richtig Chorzow dźwignie
    I Giertych w ty szteli nikomu niy zbrzidnie.
    --
    forum.gazeta.pl/forum/71,1.html?f=28940
  • broneknotgeld 24.06.14, 16:08
    Uradujom środom prawie we Chorzowie
    Mie "Godki Chorzowske" wspomniały we gowie
    Dwa roki żech tymu kłod we magistracie
    Pewno w kont je wciepli - mom ślimtać we lacie?
    www.dziennikzachodni.pl/artykul/3483223,godomy-po-slonsku-w-srode-rozdanie-nagrod-w-chorzowskim-centrum-kultury,id,t.html
    "Godki Chorzowske"
    forum.gazeta.pl/forum/w,324,43085160,,Godki_chorzowske.html?v=2
    --
    Ruda Śląska - stolica fraszki

Popularne wątki

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka