Dodaj do ulubionych

Warmja i Mazury po ślonsku

13.04.06, 22:11
Czy prowdziwych Mazurow już niy ma?
Możno z Niymiec se wrocom w ta ziymia
--

Kraina Tysionca Jezior

Prowda to? -Joch nigdy tego niy rachowoł
Dyć możno recht we tym - tako mi sie zdowo
--

"Mazury Puklate" - czy takowe znocie?
Przeca tu "Alaska" zdo sie polsko mocie.

--
forum.gazeta.pl/forum/71,1.html?f=28940
Edytor zaawansowany
  • broneknotgeld 13.04.06, 22:12
    "Przesiadłem się z kajaka na łodź wiosłową"

    Ano - Jan Paweł lubioł wiosłować
    Mazurom jakby siebie chcioł dować
    Coś ło tym prawiom wody Krutyni
    Choć teroz ciszy i jakby myni.

    --
    forum.gazeta.pl/forum/71,1.html?f=28940
  • broneknotgeld 13.04.06, 22:12
    "Warmia i Mazury" Erwina Kruka

    Se tako ksionżka chca wom polecić
    Możno se udo z niyj fraszki sklecić.

    --
    forum.gazeta.pl/forum/71,1.html?f=28940
  • broneknotgeld 13.04.06, 22:13
    U Ptolemeusza

    Galindy Sudowy u Ptolemeusza
    To pruske plemiona - szkryfnońć tako musza
    Dwa tysionce lotek tymu tukej byli
    Choć pisma niy znali - po swojymu żyli.
    --

    "Bruzi"

    "Geograf bawarski" tako już napisoł?
    Ze "Bruzi" do "Prusi" czowiek pryndko prziszoł.
    --

    Nad jeziorym Orzysz

    Wele Orzysza kurhan łodkryli
    Wiedzom że tukej Galindy żyli
    Była to prawie ty ajzy era
    Mo archeolog uciecha teraz.

    --
    forum.gazeta.pl/forum/71,1.html?f=28940
  • broneknotgeld 13.04.06, 22:14
    Truso

    Legyndarne Truso Wulfstan już łopisoł
    Dlo Wikingow cosik łone tyż znaczyło
    Teroz archeolog na te miejsce prziszoł
    We jeziorze Druzno miano se ukryło.
    --

    Niy znali wina

    Niy znali wina - kumys lubieli
    Niym fajrowali we pruski szteli.
    --

    Świynty Wojciech

    Prziszoł biskup Wojciech do Prusow ze krziżym
    Dyć ze kraju w kerym widzieli tyż wroga
    Niy chcieli ze Bolkym pewnikym być bliży
    I niy rozumieli "Jedynego Boga"

    Zginoł Adalbertus na ty pruski ziymi
    Chrobry zaś łodkupioł mynczynnika ciało
    Historyjo tako ło kery my wiymy
    Tysionc lot ze hokym tymu to sie stało.

    --
    forum.gazeta.pl/forum/71,1.html?f=28940
  • broneknotgeld 13.04.06, 22:15
    Czyja wina?

    Porzondliwym łokym Piasty zoglondali
    Na Bałtow łodwieczno ta przeca dziedzina
    Niy z krziżym to z mieczym se tu wyprowiali
    Bydymy sie wadzić z kery strony wina.
    --

    Szaniec Prusow

    Znosz szaniec kaj Śniardwy i jezioro Tyrkło?
    Myśla co tu serce Prusa nawet pynkło
    Przeca tyż zrobiyli niyjedne powstanie
    Możno łod tych czasow tukej jejich szaniec.
    --

    A Długosz

    Długosz na Prusach nudle se wiyszoł
    Ło łożyrokach cosik namiyszoł
    Szkryfnoł że co dziyń se tu kompali
    By słepać mogli zarozki dali

    Toż niy mieściyło sie w jego gowie
    Że chcioł być czysty tyn pruski czowiek
    Pewno w Krakowie było inaczy
    Tela tyn zapis Długosza znaczy?

    --
    forum.gazeta.pl/forum/71,1.html?f=28940
  • broneknotgeld 13.04.06, 22:15
    Prusowie

    "Lud srogi i okrutny" - pisoł Długosz tako
    Zowdy ło poganach szkryflali jednako
    Dyć pruske plemiona chciały żyć szczyńśliwie
    Niy było to dane w historyji dziwie.
    --

    Biskup Chrystian

    Chrystian mioł we misji dość dobre wyniki
    Na krziż zoglondali pruske naczelniki
    Surwabuno Warpode już Krystusa znajom
    No a Chrystianowi mitra nakłodajom
    W tysionc dwiesta piytnostym roku se to stało
    Rzym tyż sie dziwowoł podobnoś niymało.
    --

    Bałtowie Zachodni

    Prusy i Jaćwingi to już historyjo
    Mieli z somsiodami pierońsko mecyjo
    Dyć łoni Krziżokow na kark im ściongnyli
    Terozki szkryflomy co kedyć tu żyli.

    --
    forum.gazeta.pl/forum/71,1.html?f=28940
  • broneknotgeld 13.04.06, 22:17
    1222 - 1223

    Chrystian z Konradym wyprawiy wiydli
    Tako z Pomorza krziżowcy
    W końcu se Prusom richtig łobrzidli
    Przeca niy chcieli grać "owcy"

    Bestoż wybrali sie na Pomorze
    Mazowsze tyż łoberwało
    Piosek w klepsydrze lecioł - łoj Boże
    Nojgorsze na nich czekało.
    --

    Tako było

    Papiyż Chrystianowi nakozoł krucjaty
    By łokrzcioł te ziymie choćby i na raty
    Zakony go miały we tym nawet wspiyrać
    Bardzi dlo Kościoła niż do sia zabiyrać

    Dyć ło tym już wiymy - inaczy sie stało
    Ło cudze Krziżakom bić sie tyż niy chciało
    Kaj mieczym i łogniym znak krziża pokładli
    Tam tyż Prusow z ziymi normalnie łokradli

    Ze rynkom w nachtopie teroz tyż Poloki
    Myśleli co zyszczom - wyszło że boroki.
    --

    1230

    Już Herman von Salza - Wielki Miszcz Zakonu
    Ze ksiyńciym Mazowsza Konradym sie zgodoł
    Zadboł tyż ło wsparcie papiyskiego tronu
    Niym rozkaz "Na Prusy" rycerzom swym podoł

    We Ziymi Chełmiński se nojpiyrw stanyli
    Łoni z wojowanio przeca ciyngym żyli
    Pokozali Prusom jako jejich siyła
    Dyć i Polka na tym cosik utraciyła.

    --
    forum.gazeta.pl/forum/71,1.html?f=28940
  • broneknotgeld 13.04.06, 22:18
    Herman von Balk

    Miszczym Krajowym karlus tyn był
    Dyć loł tych Prusow ze wszyskich siył
    Kaj wrazioł mocno tyn czorny krziż
    Już grod warowny przeca to wiysz
    Kwidzyn i Elblong Bałga tyż inksze
    Jedne dość małe nikere wiynksze
    Już tu niy stykło sie łokrzcić yno
    Zakon ło wszysko se dopomino
    Łon "panym" życio i śmierci jest
    Toż autochtonow umynczoł fest.
    --

    1242

    Prusowie se dźwigli - wybuchło powstanie
    Zaś tu krew i łogyń na lata łostanie
    Świyntopełk pomorski tyż pomoc im doł
    We końcu i jymu tyn Zakon fest wloł
    Skończyło sie wszysko "christburskim pokojym"
    Dyć rycerz zakonny dali mocno stoji.
    --

    1249 Christburg (Dzierzgoń)

    Prusowie co piyrwyj sie tukej łokrzciyli
    Jakby z tym pokojym ździybeczko lżyj żyli

    Dyć przeca na wiela im sie to niy zdało
    Nawroconym pryndko ciynższe jarzmo dało.

    --
    forum.gazeta.pl/forum/71,1.html?f=28940
  • broneknotgeld 13.04.06, 22:19
    1243

    Niym jeszcze Prusow cołkym podbiyli
    Sztyry biskupstwa już wykrojyli
    Z bullom papiyża Innocentego
    Dyć ze tym mianym przeca szwortego.
    --

    Sztyry

    Pomezańskie tyż chełmińskie
    Sambijskie i te warmińskie
    Toż biskupstwa teroz sztyry
    Dyć niy Prusow to som "gyry".
    --

    Dzielom skora na niydźwiedziu

    Mieli to wszysko dzielić na czi
    Dwa dlo Zakonu - jedyn "dlo mszy"
    Prusom niy miało łostać już nic
    To jedno we tym pewne - toż wiydz

    --
    forum.gazeta.pl/forum/71,1.html?f=28940
  • broneknotgeld 13.04.06, 22:19
    W diecezjach

    Dwie czecie ty ziymi noleżne Krziżokom
    Reszta dlo Kościoła - co pruskim borokom?
    --

    1260 -1274

    Miyndzy Niymnym a Wisłom zaś teroz powstanie
    Nojwiynksze co było we tym pruskim stanie
    Krziżoki po rzici wiela łoberwali
    Z pomocom Europy jednak wyczimali

    Prusoki ze Litwom mieli w tym przimierze
    Bo łoba narode we pogański wierze
    Łostatni ty ziymi to jyż "zryw wolności"
    Terozki w niywola pódom "ludzie prości".
    --

    Harkus Monte

    Natangow do boju tyn Harkus prowadzioł
    Przeca bić Krziżakow pierońsko poradzioł
    W Magdeburgu take pobiyroł nauki?
    Ci łod Helmericha przi niymu to tuki.

    --
    forum.gazeta.pl/forum/71,1.html?f=28940
  • broneknotgeld 13.04.06, 22:20
    Pod Lubawom

    Pod Lubawom Harkus fest Krziżakow pobioł
    Ze wojsk Helmericha łon se nic niy robioł.
    --

    Skomand

    A Skomanda znocie? Jaćwingow wiod wiela
    Aze se zdowało - niy krziżacko sztela
    Przeca sie pokozoł pod Toruniym z niymi
    Doprze że my dzisioj cosik ło tym wiymy.
    --

    W Pomezanii

    Nawet w Pomezanii było te powstanie
    Toż se Kwidzynowi przi tymu dostanie.

    --
    forum.gazeta.pl/forum/71,1.html?f=28940
  • broneknotgeld 13.04.06, 22:24
    Pyjter z Dusburga

    Karlus podboj Prusow w tych latach łopisoł
    Choć możno przi tymu tyż cosik namiyszoł
    Momy relacyjo yno z jedny strony
    Jako ze ty drugi - tego niy poznomy.
    --

    "Neronis imitatores"

    "Naśladowcy Nerona" tako ich tyż zwali
    Bo sie z ludym Prusow niy patyczkowali
    Nawroconych możnych ździybko w zocy mieli
    Dyć reszty niywola czekała w ty szteli.
    --
    --

    Krzysztof Hartknoch 1644-1687

    W Gimnazjum Toruńskim karlus rechtorowoł
    Swy ziymi wypszony historyjo dowoł
    Dyć wele Pasymia w Jabłonce rodzony
    Ze dziejami Mazur richtig pogodzony.

    --
    forum.gazeta.pl/forum/71,1.html?f=28940
  • broneknotgeld 13.04.06, 22:24
    1307

    Wenecjo już Miszcza Krziżakow żegnała
    Pewno płakać po niym wcale niy musiała
    Dyć w tym roku Malbork wiela se radowoł
    Feuchtwangena przeca siedzibom sie stowoł
    Stolicom Zakonu - ziym pruskich podbitych
    Zamkym-twierdzom wielkom - tref "niypospolity".
    --

    Już Feuchtwangen

    Już Feuchtwangen zrobioł swoje
    Wpiyrw ło "jynzyk" toczoł boje
    Kary kłod na tych co chcieli
    Pruskim godać w jego szteli

    Sprusieć tukej żodyn niy mog
    Taki Miszcza był w tym wymog
    Przeszło sto lot trza dyć było
    Niym se "pruski" wytympiyło.
    --

    Winrych von Kniprode (1352-1382)

    Za jego czasow niymiecki wszyńdzie
    Łacina zniko nawet w urzyńdzie
    Pruski se tracioł - przegrano godka
    Jedna leciała yno do przodka.

    --
    forum.gazeta.pl/forum/71,1.html?f=28940
  • broneknotgeld 13.04.06, 22:25
    Los powstańca pruskego

    Zowdy niywola go tu czekała
    Katorga kero skrocała życie
    Niyjedna twierdza na tym powstała
    Pot krew w kamiyniu - przeca to wiycie

    I cegła z tego czerwono bardzi
    Zamki kościoły jakby krasiyła
    Zakon choć Prusym pierońsko gardzi
    Z jego roboty biere swo siyła.
    --

    Niy wytli

    Po prowdzie Prusow niy wytli w piyń
    Dyć świat im zdoł sie jakby tyn ciyń
    Niymiec czy Litwin abo tyż Polok?
    W czi strony ciongnoł tyn "pruski bolok".
    --

    Niymcy w Prusach

    Zdo sie co ciynko ziymia pokryli
    Tym bracteatym tu jakby byli
    Ze jedny strony bardzi blyszczeli
    Drugom se asić przeca niy chcieli.

    --
    forum.gazeta.pl/forum/71,1.html?f=28940
  • broneknotgeld 13.04.06, 22:26
    Zwionzek Pruski 1440

    Zakon uciskoł szlachta i miasta
    Toż chcieli pedzieć już tymu - basta
    We Zwionzku Pruskim siyły zbiyrali
    Bo już niy chcieli żyć tako dali.
    --

    Rod Skolimow

    Prywatno wojna mieli z Zakonym
    Zdo sie - Mars sprzijoł pierońsko łonym
    Zwionzku Pruskego staraniym przeca
    Niyjedyn komtur "wylecioł z neca".
    --

    Toruń 1466

    Toruniu - wojna ty teroz przetni
    Ciynżki był czas tyn czinostoletni
    Toż cosik przinios jednak tyn boj
    Bo historyjo pedziała - kroj

    Prusy Krolewske - Zakonne tyż
    Krolewiec rośnie - już teroz wiysz
    Stolicom państwa dyć zakonnego
    Zdo sie - czas lepszy prziszoł do niego.

    --
    forum.gazeta.pl/forum/71,1.html?f=28940
  • broneknotgeld 14.04.06, 22:20
    Wojna 1519-1521

    Skiż hołdu wojna terozki tukej
    We niyj upadku Zakonu szukej
    Krziżaki skarbiec se wyczyściyli
    Ziymiom żołd panom czynsto płaciyli
    Aż w końcu ściepli "zakonne szatki"
    Toż Hohenzollern princ teroz gładki
    Chocioż uklynknoł w końcu w Krakowie
    Dyć cosik erbnoł ze tym tyn czowiek.
    --

    Hołd Pruski 1525

    Dlo nos łon ciyngym wizjom Matejki
    W niyj Zygmunt Stary zdowoł sie Wielki.
    --

    Albrecht Hohenzollern

    Na Brandynburgii no i na Prusach
    Mocno se zicnoł - to szkryfnońć musza
    Na protestantyzm tyż łon postawioł
    Zdo sie przi tymu co wiynkszym jawioł.

    --
    forum.gazeta.pl/forum/71,1.html?f=28940
  • broneknotgeld 14.04.06, 22:21
    Godka prusko (XVI w)

    Przi protestantach jakby coś blysła
    Dyć w końcu cołkym z użycio wyszła
    W Sambii i Warmii tako godali
    -Możno ciut dłuży zapominali.
    --

    Diecezjo Warmińsko (1243)

    Diecezjo Warmińsko nojwiynkszo we Prusach
    Ziymie Bardow Galindow wspomnieć tukej musza
    Pogezanow i Warmow z kerych miano wziyła
    Siedziba biskupow zowdy w Warmii była
    Z czasym Warmiom zowiom cołko diecezyjo
    Prusow już niy było toż na co mecyjo.


    --
    Biskup Anzelm

    Piyrszy na stolcu warmińskim siedzioł
    I zdo sie - dobrze łon ło tym wiedzioł
    Że trza na Zakon fest pozor dować
    Choć przeca niy mog z niymi wojować.

    --
    forum.gazeta.pl/forum/71,1.html?f=28940
  • broneknotgeld 14.04.06, 22:22
    Biskup Paweł Lagendorf

    Rok se tym stolcym biskupim cieszoł
    Za mało nawet by coś nagrzeszoł
    Pruski rod Stango karlusa nosioł
    A Jagiellończyk na Warmio prosioł
    By diecezyjo przi krolu czimoł
    I ze Zakonym konszachtow niy mioł.
    --

    Biskup Łukasz Watzenrode (1447-1512)

    Przi niymu Warmio kwitnońć sie zdowo
    Gowa mioł karlus niy łod parady
    Toż skiż Korony nadzieja nowo
    Zdo sie - tyż myni tukej jest zwady.
    --

    Ano ujek

    Watzenrode ujkym był łod Kopernika
    Toż mu prziszykowoł fara kanonika.

    --
    forum.gazeta.pl/forum/71,1.html?f=28940
  • broneknotgeld 14.04.06, 22:23
    Biskup Maurycy Ferber

    Warmio pamiynto to biskupowi
    Że wydoł wojna jakby Lutrowi
    Hohenzollerna tym wnerwioł chyba
    Dyć ze Ferbera niy jakoś ryba.
    --

    Indygynat pruski?

    We Prusach Krolewskich był gwarantowany
    Dyć zdo sie - na zowdy wcale tu niy dany
    Niyroz to Koronie właziyło do gowy
    Wcisnońć tam swojego kaj mioł być miejscowy.
    --

    Biskup Jan Dantyszek (1538-1548)

    Dziesiyńć lot biskupstwo w swojich rynkach czimoł
    Zdowało sie tukej że nigdy niy drzymoł
    Niy dość że poeta z niego wielko był
    Diecezjo durś dźwigoł z cołkich swoich siył

    Toż łon kanonikom kozoł sztudiyrować
    Na kultura ciyngym chcioł tyż pozor dować
    Dboł ło bibliotyka, zbior malarstwa zocny
    I w dyplomacyji Dantyszek był mocny.

    --
    forum.gazeta.pl/forum/71,1.html?f=28940
  • broneknotgeld 14.04.06, 22:23
    Biskup Thiedemann Giese (1549-1550)

    Łostatni "miejscowy" na stolcu biskupa
    Zdo sie - już Korona wyloła ta "zupa"
    Terozki swojymi se w ty Warmii "warzy"
    Toż Polokom ciyngym ta fara sie marzy.
    --

    Biskup Stanisław Hozjusz

    Już Polska swojego biskupa tu dała
    Ło indygynacie cosik zapomniała
    Karlus sie z niymiecki familijo wodzioł
    Rodzony w Krakowie Koronie dogodzioł

    Z niym kontrreformacjo mocniejszo w tych stronach
    Do nauki Lutra niy mog se przekonać
    Jezuitow pryndko tyż tukej sprowadzioł
    Som z protestantami by se niy poradzioł.
    --

    Biskup Marcin Kromer

    Już indygyna tukej niy bydzie
    Zowdy z Korony nominat przidzie
    I choć niy tykom se jo Kromera
    Coś mie przi tymu biere cholera

    Dyć co sie tyczy tego biskupa
    Szłoby tu szkryfnońć ło niym tyż kupa
    Warmii ze stolca swojego bronioł
    Zdo sie przed Polskom nawet jom chronioł.

    --
    forum.gazeta.pl/forum/71,1.html?f=28940
  • broneknotgeld 14.04.06, 22:24
    Dziejopis Marcin Kromer 1512-1589

    Zocny dziejopis dwou w Krakowie
    Toż Jagiellonow łoddany czowiek
    Biskupym w końcu zostoł w Lidzbarku
    Była ta Warmio na jego karku.
    --

    W biskupich dobrach gracjalnych

    Chnet kożdy biskup niy indygyna
    Ściongoł tu swoja tyż familijo
    A jako monka ze tego "młyna"?
    -Warmia poleku jak kolanijo.

    --
    Prusy Ksionżynce

    Piyrsze to państwo w cołki Europie
    Kaj sie na Lutra tezy niy "kopie"
    Princ Albrecht polskim lynnikym łostoł
    Dyć wolno rynka we Prusach dostoł.

    --
    forum.gazeta.pl/forum/71,1.html?f=28940
  • broneknotgeld 14.04.06, 22:25
    Krolewiec 1544

    Dboł Hohenzollern ło swo stolica
    Chcioł by gryfniejsze durś miała lica
    Toż uniwerek tukej wystawioł
    By uczoł ale tyż przeca sławioł.
    --

    Mazury

    Mazury z Mazowszo prziszli
    Dyć skiż wojny stond tyż wyszli.
    --

    Ło mazurskości

    Ło mazurskości jako tu prawić
    W szesnostym wieku zaczła sie jawić
    Czynsto siyngomy w wiek dziewiytnosty
    Dyć z niom jest problym - richtig niyprosty

    Łod Prus Ksionżyncych zdo sie to idzie
    Z wangelikami we zgodzie bydzie
    Polski ze pruskim se razym zmiyszo
    Niymiec dołoży - nudli niy wiyszo.

    --
    forum.gazeta.pl/forum/71,1.html?f=28940
  • broneknotgeld 14.04.06, 22:25
    Przi Hohenzollernie

    Przi Hohenzollernie Krolewiec to zyszczy
    Że polskościom jakby teroz bardzi blyszczy
    Albrecht reformacjo wspiyroł we Koronie
    Dyć i katolikom niy powiedzioł - koniec.
    --

    W Krolewcu i Ełku (1543-1552)

    Wiyncy tu ksionżek polskich drukujom
    Niż w cołki Polsce - to forszelujom?
    --

    Dlo Arian

    Kontrreformacjo w Rzeczpospolity
    Prusy dlo Arian krajym łodkrytym.

    --
    forum.gazeta.pl/forum/71,1.html?f=28940
  • broneknotgeld 14.04.06, 22:26
    Prusy ze Szwecyjom

    We Prusach Ksionżyncych niy było wesoło
    Jak sie wojsko szwedzke na Polska wyloło
    Brandynburczyk zgodoł sie ze krolym szwedzkim
    I doszło skiż tego w tych stronach do sieczki

    Toż Gosiewski prziszoł razym z Tatarami
    Pokozoł co umioł w bitwie pod Prostami
    Tysionce poległy - tysionce w niywoli
    Mor zabroł nojwiynce - serce z tego boli.
    --

    Traktat welawsko-bydgoski 1657

    Prusy skiż wojny fest uciyrpiały
    Fryderyk Wilhelm jednak mioł profit
    "Wielki Elektor" wpiyrw "lynnik mały"
    Dostoł nagroda - niy coś ze sztrofy

    Już hołdu skłodać przeca niy musi
    Prus Brandynburgii pan absolutny
    Zdo sie tyż wiynkszo rola go kusi
    Downiejszy wasal teroz fest butny.
    --

    Krolewiec 18.X.1663

    Hołd złożyły pruske stany
    Władca "z boży łaski dany"
    Dziyń "Wielkego Elektora"
    Absolutyzm - tako pora.

    --
    forum.gazeta.pl/forum/71,1.html?f=28940
  • broneknotgeld 14.04.06, 22:27
    Edukacjo w Prusach

    Piyrsze państwo we Europie co lud kształcić chciało
    No i przeca na ty drodze zrobiyło niymało
    Pryndko co wpiyrw tukej polske szło we zapomniynie
    Geld kariera inkszy profit - niy mynczy sumiynie.
    --

    Samuel Przypkowski (XVI w)

    Samuel przypkowski osiod w Kozinowie
    Toż ze Braci Polskich richtig zocny czowiek
    Ściongali do niego Z Korony ariany
    Dyć w Polsce już niy mog być spokoj im dany.
    --

    Fryderyk von der Groeben (1645-1712)

    Fater sie ksiyńciu tukej sprzeciwioł
    Toż nikt synowi se tyż niy dziwoł
    Że z regimyntym swojym pod Wiedniym
    Druh Sobieskiego zdo sie łon przedni.

    --
    forum.gazeta.pl/forum/71,1.html?f=28940
  • broneknotgeld 14.04.06, 22:27
    Jan Władysław Suchodolec (1687-1751)

    Kartograf fater - inżynier syn
    We tym woda już na ichni młyn
    We Wyngorzewie wodociong przeca
    Zdo sie co wyloz ze jego neca
    Wyregulować Wisła planowoł
    Kanały "Wielkim Jeziorom" dowoł.
    --

    Komornictwa

    Biskupstwo Warmińske tako se dzielyło
    Aż dziesiyńć komornictw przeca we niym było
    Siedym czimoł biskup mocno w swoji rynce
    Czi zaś kapituła - czy przez to we mynce?
    --

    Frombork Pieniężno Olsztyn

    Toż te komornictwa czimie kapituła
    Myni tu znaczyła łod biskupa stuła.

    --
    forum.gazeta.pl/forum/71,1.html?f=28940
  • broneknotgeld 14.04.06, 22:29
    Warmiński synator

    W Koronie zesel mioł synatora
    Ze "wysokego" przeca był "wora"
    Tyn co w lidzbarskim zamku se siedzioł
    Trza byś i ło tym czowieku wiedzioł.
    --

    Biskup Szymon Rudnicki (1605-1621)

    Tymu przi dworze stykło być prawie
    Sakra biskupio dostoł w Warszawie
    Ło swe owieczki jednak fest dboł
    I Świynto Lipka we zocy mioł

    Gościoł w Lidzbarku brandynburczyka
    Dyć to chca wciepnońć tyż do koszyka
    -Łon po niymiecku wcale niy umioł
    Szczyńściym elektor go wyrozumioł.
    --

    Stefan Sadorski (XVII w)

    Przi krolu polskim sekretarzowoł
    Dyć wiela łod sia Warmii tyż dowoł
    Dboł ło ta ziymia kaj mioł majontek
    Chcioł ciyngym dźwigać tyn zocny kontek

    --
    forum.gazeta.pl/forum/71,1.html?f=28940
  • broneknotgeld 14.04.06, 22:29
    "Potop"

    Kaj Karol Gustaw wpiyrw mioł kwatera?
    -Wybroł se Frombork - jasno cholera
    I brandynbuczyk po jego stronie
    Toż sie zdowało że z Polskom koniec

    Fest kapituła wtedy ciyrpiała
    Łogołocono cołkym bez mała
    Dyć jak już Szwedy wyleźli z "wora"
    Warmio we rynkach jest elektora

    Stropiono ciyngym biskupio dusza
    Doczkała w końcu - szkryfnońć to musza
    Po łośmiu latach djecezji wolny
    Czas ze tym prziszoł bardzi spokojny.
    --

    Mor w Prusach 1709-1711

    Ano toż prziszły czasy zarazy
    Godali - "skuli boski łobrazy"
    Dyć mor wzioł cosik dwiesta tysiyncy
    Toż niy dziwota że ziymia jynczy
    I zdo sie woło ło nowych ludzi
    Przeca chce życie nazod łobudzić

    Prziszli z Salzburga Nassau Szwajcarii
    Na prusko ziymia jednak sie garli
    By zaś wydała swoj nowy plon
    I niy pedziała nikomu - won!

    --
    forum.gazeta.pl/forum/71,1.html?f=28940
  • broneknotgeld 14.04.06, 22:31
    "Mazury Garbate"

    Po ślonsku szkryfnońć - bydom "puklate"
    Jedno jest pewne - niy som sagate
    Choć je tyż czasym "Alaskom" zwom
    Teroz we gowie je prawie mom.
    --

    Kaj łone?

    Puszcza Romnicko tako Borecko
    Wiy ło nich możno i nawet dziecko
    A te "Mazury Puklate" kaj?
    Dyć miyndzy niymi to zdo sie raj
    Wele Gołdapi mosz Szeske Wzgorza
    Ty ziymi lepsze czasy jo wroża.

    --
    forum.gazeta.pl/forum/71,1.html?f=28940
  • broneknotgeld 14.04.06, 22:32
    Śniyg

    Śniyg mazurski dugo leży
    Niy trza jechać by uwierzyć
    Se do puszczy tyż weź narty
    Bez biegowek to niy żarty.
    --

    "Alaska"

    Mazury zimom tyż przeca piykne
    Tako "Alaska" zdo sie wystyknie
    Na Piykno Gora zowdy bier narty
    Sztela mo przeca i take "karty".

    --

    "Tatarsko Gora"

    Aszom se tym parkym Mazury Garbate
    We dziko zwierzyna ziymie przebogate
    W Polsce tu hodowla nojwiynkszo takowo
    Możecie mi wierzyć terozki na słowo.

    --
    forum.gazeta.pl/forum/71,1.html?f=28940
  • broneknotgeld 14.04.06, 22:42
    Marale

    Ałtajskim Jelyniom jedynym w Europie
    Na Tatarski Gorze podziwej se chopie.
    --

    Tadeusz Rudziewicz

    Skuli pomyślunku jego
    Choć i geldu tyż trza było
    Zoo-safari tu istnego
    Sie Mazurom przitrefiyło.
    --

    Bezkrwawe Safari

    U Rudziewicza w dżipie se siedzi
    I tako wjyżdżo w środek gowiedzi.

    --
    forum.gazeta.pl/forum/71,1.html?f=28940
  • broneknotgeld 14.04.06, 22:43
    Pynsjonat "Bioły Dwor"

    Tego szukej w Dubiennikach
    Kuszom skoki we Stańczykach.

    --
    forum.gazeta.pl/forum/71,1.html?f=28940
  • broneknotgeld 15.04.06, 17:50
    Puszcza Romnicko

    Puszcza Romnicko tajgom nom zdo sie
    Niy yno zimom myśl tako mo sie.
    --

    "Rechot"

    W Puszczy Romnicki ścieżka jest tako
    Z edukacyjom żabom jednako
    Ludzi natura jednak ciekawi
    To przeca uczy niy yno bawi.
    --

    Wiynkszo

    Puszcza jest wiynkszo niż sie nom zdo
    Dwie czecie przeca z niyj Rusek mo.

    --
    forum.gazeta.pl/forum/71,1.html?f=28940
  • broneknotgeld 15.04.06, 17:50
    Kajzerowskie kamiynie

    Na zielonym szlaku w puszczy je znojdziecie
    Toż lubioł polować tukej kajzer przecie
    Kaj Wilusia kula jelynia siyngnyła
    Tak kamiyń dowali - jest ich tukej siyła.
    --

    Zielony szlak

    Z Jurkiszek łon wiedzie cie przez rezerwaty
    W kere bor do dzisioj przeca jest bogaty.
    --

    Dziko

    Puszcza Romnicko ciyngym jest dziko
    Czy kajzer Wiluś tako wyrzykoł?
    By zwiyrz mioł tukej zowdy ostoja
    Dyć jo sie dzisioj ło nia tyż boja.

    --
    forum.gazeta.pl/forum/71,1.html?f=28940
  • broneknotgeld 15.04.06, 17:52
    Agroturystyka "Czi Świyrki"

    Jezioro Ostrowek już w Puszczy Romnicki
    Dyć pod te "Czi Świyrki" wrocać byś chcioł wdycki
    Kuchniom regjonalnom skuszom niyjednego
    Atrakcyji wiela dołożom do tego.
    --

    Agroturystyka "Puszcza Romnicko"

    Na skraju puszczy w chałupie stary
    Zdowć sie bydzie żeś ciyngym jary
    Jeszcze jak babka zjysz kartoflano
    Chuć tura może bydzie ci dano.
    --

    Agroturystyka "Cicho Dolina"

    Chałupa leży tu we kotlinie
    Swoja zatoczka na rzeczce mo
    We ty gołdapski piykny dziedzinie
    "Cicho Dolina" niyjedyn zno.

    --
    forum.gazeta.pl/forum/71,1.html?f=28940
  • broneknotgeld 15.04.06, 17:53
    Krol Puszczy Borecki

    Żubr tukej rzońdzi
    Zdo mi sie tako
    W puszczy niy błońdzi
    I niy zapłako.
    --

    50 sztuk

    Take stadko mo krol-żuber
    Wcale z niego niy jest zuber.
    --

    Na śmierć żubra

    Ze rynki krola Hiszpanii pod
    Joch wcale niy był ze tego rod
    Krol zabioł krola roku łońskiego
    Czy Juan Karlos zjod już istnego?

    --
    forum.gazeta.pl/forum/71,1.html?f=28940
  • broneknotgeld 15.04.06, 17:54
    Djoblo Gora

    W Puszczy Borecki ta gora stoji
    Czy ktoś tam djobła richtig se boji?
    Monitorujom dyć środowisko
    A czort kopytym iskry niy cisko.
    --

    Agroturystyka "Kozie Gory"

    Puszczy Borecki teroz mosz kraj
    Zdo sie mazurski kolejny raj.

    --
    forum.gazeta.pl/forum/71,1.html?f=28940
  • broneknotgeld 15.04.06, 17:56
    Park Miniatur

    Na Park Miniatur tu se dziwuja
    Trza chopa z fiołym - to forszteluja
    Toż Doleckiymu szejść gwiozdek za to
    Sztela skiż niego bardzi bogato

    --
    forum.gazeta.pl/forum/71,1.html?f=28940
  • tralala33 15.04.06, 19:49
    Zierszy nie składam tlo prozó godam. Poziem co w Nowym Mnieście Lubawskim do
    kośioła parafialnego trza zajrzeć. Tam siuła psianknych zabytków zobaczyta, jek
    to epitafium Krzyżaka
    www.nowemiasto.com.pl/plyta.htm
  • gietpe 17.04.06, 15:12
    To jest piękna Bazylika z cudownym obrazem Matki Boskiej Łąkowskiej
    ukoronowanym przez Benedykta XIV w 1732r ,parafia mojej mamy.
  • broneknotgeld 15.04.06, 17:57
    Gołdap-Zdroj

    Ponoć luft nojczystszy tukej
    W cołki Polsce już niy szukej
    Bestoż płuca se kurujom
    Ci co dychawica czujom.

    --

    Zdroj

    We warmińsko-mazurski terozki dziedzinie
    Miano take yno Gołdapi niy minie.
    --

    Na nerwy

    Nerwy słabe - do Gołdapi
    Tam niy yno nic niy capi
    Zdo sie dusza tyż ukojisz
    Profit - życio se niy bojisz.

    --
    forum.gazeta.pl/forum/71,1.html?f=28940
  • broneknotgeld 15.04.06, 17:58
    Kant w Gołdapi

    We Gołdapi Kant przebywoł
    Pomnik jego tu niy dziwo.

    --

    W Gołdapi

    Niy zapomnij tego wdycki
    Że przi puszczy jest Romnicki
    Ano - zicnij se na koło
    Popyndaluj tam wesoło.

    --

    Na Piykny Gorze

    Na Piykny Gorze stare grodzisko
    Żodyn z Jaćwingow już tam niy miyszko
    Dyć wiater cosik szumi ło Prusach
    Wsłuchać se kedyś w to richtig musza.

    --
    forum.gazeta.pl/forum/71,1.html?f=28940
  • broneknotgeld 15.04.06, 17:58
    Poszli we tany

    Gołdap z Gołdapom poszli we tany
    Tako Gołdapi poczontek dany.
    --

    Spływ Gołdapom

    Z jeziora rzekom aż do Rożyńska
    Cie na tym konsku niy czeko klynska
    Dalo - do Wrobla już gorzi bydzie
    Szczimież - toż radość ze tego przidzie.


    --
    "Janczes" - Gołdap

    Tukej liny we śmietanie
    Toż jeronie - leca na nie!

    --
    forum.gazeta.pl/forum/71,1.html?f=28940
  • broneknotgeld 15.04.06, 17:59
    W restauracyji "Janczesu"

    Kartacze z krautym tyż tukej zjym
    I niy za drogo - dobrze że wiym
    We samym środku Gołdapi przeca
    Bestoż na łobiod drapko tam leca.

    --

    "Janczes" - łogrodek letni

    Łogrodek letni - zupa grzibowo
    Golonko z krzonym podjym se zdrowo
    Wszysko zaś biyrym zocnym zapija
    No toż zarozki wiym że jo żyja.

    --

    Narciarski Bieg Jaćwingow

    Co roku w styczniu kaj Piykno Gora
    Gołdap to przeca niy jakoś dziura.

    --
    forum.gazeta.pl/forum/71,1.html?f=28940
  • broneknotgeld 15.04.06, 18:01
    Zajazd "Pod Piyknom Gorom"

    Komu kartacz zasmakuje
    Tu se pympkym świata czuje
    Wiela łon dyć przeca znaczy
    W Cyntrum Smakoszy Kartaczy.
    --

    "Kartaczewo"

    Połowa siyrpnia - świynto kartaczy
    W Gołdapi kożdy se tym łonaczy
    To wtedy zdo sie tu pympek świata
    Trza jeszcze czekać mi tego lata.
    --

    "Pod Piyknom Gorom"

    Te "Kartaczewo" w zajeździe takim
    Toż łobżarciuchy - szykować smaki!

    --
    forum.gazeta.pl/forum/71,1.html?f=28940
  • broneknotgeld 15.04.06, 18:02
    "Leśny Zakontek"

    W "Lesnym Zakontku" nad samom wodom
    Dychniesz se dobrze - tela ci godom
    Ździybko portmanyj uciyrpi na tym
    Dyć geld trza wydać tyż do wypłaty.
    --

    Dom "Pod Dzikom Różom"

    Na d rzeczkom i przi jeziorze
    Trza polecić teroz może
    Niy za drogo z familijom
    Choć problym z restauracyjom.
    --

    Skiż Gryfny Góry

    Do Gołdapi jedź na narty
    We Garbate te Mazury
    Richtig wypad tego warty
    Choćby skiż ty Gryfny Góry

    --
    forum.gazeta.pl/forum/71,1.html?f=28940
  • broneknotgeld 15.04.06, 18:02
    Gryfno Gora (272 m n.p.m.)

    Narty ci tu pożyczajom
    Przeca wszyskim tako pszajom
    Kierzy geldu coś łostawiom
    I na śniegu sie zabawiom.
    --

    Niy musisz

    Jak cie umynczy stok Gryfny Góry
    Bar ciepły w dole pokusi
    W kominku łogyń rozjaśnio chmury
    Drapko stond wylyżć niy musisz.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:09
    Banie Mazurske

    Przi tankszteli auto stanie
    Noclegym cie skuszom Banie.

    --

    Bar "Młyn"

    Bar "Młyn" w Baniach
    - Niy cygania
    Dobrze zjysz
    Już to wiysz.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:10
    Stańczyki

    Nad Błyńdziankom cupnyły przi Puszczy Romnicki
    Zdo sie że tu łone leżom już łod wdycki.
    --

    Wiadukty

    Stojom jak rzymske tu akwedukty
    A to ze bany yno wiadukty.
    --

    Wiadukty w Stańczykach

    Cug Gołdap - Żytkiejmy Niymce mieli w planie
    Toż we miyndzywojniu zaczli budowanie
    Wiadukty w Stańczykach na bezrok mieć bydom
    Łoziymdziesiont rokow - na gyburtag przidom?

    --
    forum.gazeta.pl/forum/71,1.html?f=28940
  • broneknotgeld 16.04.06, 23:11
    Kaj te glajzy?

    Glajzow już niy ma szejśćdziesiont lot
    Rusek ze łupu ponoć był rod.
    --

    "Szlak Połomanych Symaforow"

    Z Botkun niybieski szlak cie powiedzie
    Trasom kaj cug już downo niy jedzie
    Blikej ciekawie jednak na mosty
    Przez Jarka piyrsze - muster ich prosty
    Nad Blodziom przyńdziesz sucho drugimi
    Czecie Stańczyki - co ło nich wiymy?
    -Ano wiadukty zdo sie nojwyrsze
    We cołki Polsce łone w tym piyrsze.
    --

    Prywatne

    W Stańczykach dej pozor - wiadukty prywatne
    Chcesz skokać na bungee - portmanyj se natnie.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:12
    1924

    Wele jeziora Taballus Mały
    W tym roku szpryngnoł se metan cały
    Zdo sie bogactwym tutejszy ziymi
    Czy zaś wybuchnie? -Tego niy wiymy.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:13
    Rapa

    Ale zy mie richtig gapa
    Piramidom słynie Rapa.
    --


    Barthel Thorvaldsen

    Barthel Thorvaldsen grobowiec stowioł
    Poniatowskiego Warszawie dowoł
    I tako samo tyż Kopernika
    W Rapie kunszt widać z jego "koszyka"
    --

    Fryderyk von Farenheid

    Toż ciekawo mioł zachcianka
    Choć niy prziszoł z tym do manka
    Piramida se wystawioł
    Możno w Egipt tako bawioł.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:14
    Ninette

    Piyrszo w grobowcu cera "spoczyła"
    Czi roki miała - kostucha wziyła.
    --

    W łotwartych trułach

    W łotwartych trułach "mumie" tu leżom
    Se zoglondnijcie kierzy niy wierzom
    Ano to ruskich soldatow sprowka
    Dlo nich to była yno zabowka
    Czy na pamiontka głowy zabrali?
    Tago grobowiec sprofanowali.
    --

    Legyndy

    Legyndami łobrosła w Rapie piramida
    Możno cosik szkryfna jak kedyś tam byda.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:15
    Zamek w Morongu

    Na brzegu jeziora warownia stanyła
    Wpiyrw ponoć ze drzewa yno łona była
    Pryndko murowany zamek postawiyli
    Krziżaki w tym majstry na mazurach byli.
    --

    Modry zamek

    Tako za komuny go posztrajchowali
    Sond se tukej wkludzioł i było tyż kino
    Ło zabytek jednak za wiela niy dbali
    Tela to sie jeszcze ludziom przipomino

    Jedne krzodło zocne do dzisioj łostało
    Możno je poleku zaś wyremontujom
    Niywiela - dyć przeca tyż richtig niymało
    Teroz w rynkach ludzi co ducha w niym czujom
    --

    Duch zamku

    Wielki Mistrz von Plauen tu wyzionoł ducha
    Jak zakon hołd łoddoł krolowi polskymu
    Błonko sie po zamku i durś szuko zucha
    By Krziżakow powiod - bo siył brakło jymu.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:16
    Won!

    Tako von Plauen ryczy tu basym
    Bo godka durś słyszy polsko
    Idzie wystraszyć se tego czasym
    Dyć dlo nikerych to swojsko
    --


    Herder podobnoś tyż dobry był
    Dyć przeca wiela lot tymu żył.
    --

    Johann Gotfried von Herder (1744-1803)

    Toż filozof Herder w Morongu se rodzioł
    W Krolewcu sztudiowoł - pastorym był tyż
    Jakby mog to wszyske narody by godzioł
    No - terozki przeca ło tym dobrze wiysz.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:17
    Trza nom iść ku lepszym czasom
    W kerych Morong blyśnie klasom.
    --

    Piotr von Dohna

    Rod jego downo Krziżakom służoł
    Przi nich wyrosnoł i wiela użoł
    Pyjter w Morongu burgrabiom łostoł
    Zameczek zocny przi tymu dostoł
    Dyć sie ze czasym zamek stoł ciasny
    Syn - Piotr Achacy - postawioł własny.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:18
    "Nowy Dom"

    Pyjter von Dohna syna tyż mioł
    Pyjter Achacy - dwa miana doł
    Toż tego Morong nic niy łonacy
    Wkludzioł do Słobit se nasz Achacy.
    --

    Abraham von Dohna

    Pyjter Achacy fatrym łod niego
    Bogactwo czimie sie tu istnego
    Toż wybudowoł pałac w Słobitach
    Talarkow stykło - niy trza sie pytać.
    --

    Aleksander zu Dohna

    Tego już poznoł wiek siedymnosty
    I chocioż czas tyn niy był za prosty
    Olek se pałac fest rozbudowoł
    Szło sie niym asić - dowom wom słowo.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:20
    Lidzbark Warmiński

    Kaj Symsarna wody łonczy swoje z Łynom
    Tam Lidzbark se stanoł ze radosnom minom
    W tysionc czista łosmym mioł juz miejske prawa
    No toż za czi lata bydzie fest zabawa.
    --

    Lidzbark Warmiński 1350

    Tu biskup warmiński zamek zaczoł stowiać
    I stond diecezyjom swojom reskiyrować
    Toż stolicom Warmii te miasto sie stało
    Choć se możno inkszym trocha to niy zdało.
    --

    Biskupi zamek

    Do dzisioj w sztyrech ekach se stoji
    Dyć kożde krzidło rowne mi zdo sie
    W kwadracie - godom czelodce moji
    Przeca "nauki wysoke" mo sie.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:21
    Zamkowe krużganki

    Krużganki tu stare
    Ło tym trza wom wiedzieć
    Dyć ciyngym som "jare"
    Werci sie tam siedzieć
    I ło downych czasach podeliberować
    Szejset lot tu widać - niy idzie ich schować.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:23
    Krzyżowo Gora

    Krzyżowo Gora we zimie blyszczy
    Tu kozdy narciorz radochy zyszczy
    Już poranoście lot se to kulo
    Jakby w Beskidach - niy byda fuloł.
    --

    Trasa "Jurek"

    Dlo poczontkujoncych chnetko poł kilosa
    Jak na mie - wystyknie. Ło wiyncy niy prosza.
    -

    Trasa "Paulina"

    Idzie pohulać na ty "Paulinie"
    Czas ze uciechom ci tukej minie.
    --

    Trasa "Kormoran"

    Chocioż przikrotko dyć stromo trocha
    Dej pozor - możesz cosik popochać.
    --

    Trasa "Klaudia"

    Zowdy "Klaudia" łostro była
    Toż karlusow fest ciongnyła.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:23
    Braniewo
    Siedziba biskupa w Braniewie wpiyrw była
    Skiż powstanio Prusow chnet se przekludziyła.
    --

    Braniewo 1926

    Szwedy se w Braniewie richtig panoszyli
    Ze rozkazu krola kradli co sie dało
    Łoni jak szarańcza we Afryce byli
    Dziewiyńć lot te miasto to wszysko ciyrpało

    Za morzym już ksiyngi i dzieła kunsztowne
    Co zocnego było słali do Szwecyji
    Tako ze tym wtedy - nic że czasy downe
    Przeca narobiyli na Warmii mecyji.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:26
    Przeca we wercie mazurski Ryn
    By ło niym szkryfnońć niyjedyn rym.
    --

    Ryn

    Jak Ryńskie jezioro to i Ryn być musi
    Niyjedyn zoglondnońć tyż se tukej skusi.
    --

    Ryn 1377

    Staraniym Winricha - tego Kniprodego
    Doszło do budowy tu zamku zocnego
    Kery tyż przez wieki przebudowywali
    Dyć aszom sie z tego że majom go dali.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:27
    Ryn 1485

    Osada urosła - była już targowo
    Ano - toż skiż zamku tako tyż sie stowo.

    --

    Ryn 1525

    Choć praw miejskich ciyngym niy ma
    Ryn starostwa czimie ziymia.
    --

    Ryn 1723

    No - wypiykło se już ciasto
    W końcu z Rynu momy miasto.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:32
    Giżycko

    Gizewiusza tako uhonorowali
    Że ze niego miano miastu tymu dali
    Pastor przeca zowdy był za Mazurami
    Dyć ich kajś przegnali - tyż uciykli sami
    --

    Fajno sztela

    Niegocin kanał łonczy z Kisajno
    A miyndzy nimi sztela jest fajno
    Kaj byż zabawioł niyjedna nocka
    I dziołchom pszoł tyż na pewno mocka.
    --

    Gustaw Gizewiusz 1810-1848

    Pastor we łobrona Mazurow durś broł
    Historio tyż ło tym pamiynto
    Dyć serce dlo wszyskich jednake łon mioł
    Na ziymi co jeszcze niy świynto.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:35

    Krziż św. Brunona

    Tukej świynty Brunon Prusow krzcić tyż chcioł
    Z poparciym Chrobrego dyć prziszoł
    Za wiara łon jednak życie swoje doł
    We tysionc dziewiontym - toś słyszoł

    Przez las wiedzie droga św. Brunona
    Idź - dyć se tego niy lynkej
    Kaj krziż dzisioj stoji prziszło jymu skonać
    Mosz Boga we duszy to klynkej.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:36
    Giżycko ze Rudom teroz sztama czimie
    Zdo sie - coś dobrego we tym richtig drzymie.
    --

    Giżycko agroturystyka

    Agroturystykom Giżycko se blyszczy
    Czy z rudzkich wandrusow latoś wiyncy zyszczy?

    --
    forum.gazeta.pl/forum/71,1.html?f=28940
  • broneknotgeld 16.04.06, 23:38
    We gminie

    Zdo sie dość jezior w giżycki gminie
    Kero w mazurski przeca dziedzinie
    Joch szejść na mapie aże zrachowoł
    Łoj - bych se po niych tyż pożeglowoł
    Chocioż zyjmanić umia niywiela
    Dyć mie tym kusi giżycko sztela.
    --

    Giżycki herb

    Pływie w wodzie karp łod rana
    Nad niym widza kormorana.
    --

    W ty gminie

    Jezior dużo lasow mniyj
    Dyć zyjmanie tukej żyj.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:39
    Kaj by latoś na te wczasy?
    Wiym - wołajom mie Wilkasy.
    --

    Wilkaski "Gwarek"

    Toż wiela tukej bergmonow było?
    Kierzy we wodzie toplać se chcieli
    Ta Piykno Gora tyż bogaciyło
    A jako teroz jest we ty szteli?

    --

    Pynsjonat "Skarpa"

    Taki pynsjonacik latym kwieciym kusi
    Szczyńściym tyż za wiela potmanyj niy dusi
    We Wilkasach znojdziesz - Niegocin po blisku
    Tu uśmiych rozkwitnie na niyjednym pysku.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:40
    Ośrodek "Fregata"

    Ta "Fregata" kusi
    Dyć portmanyj dusi.
    --

    Pynsjonat "Yaga"

    "Yaga" piyknie cie ugości
    Tu niy bydziesz wcale pościć
    Przeca nawet Jaś z Małgolom
    Kuchnia "Yagi" tyż pochwolom.


    --
    "Łabyńdzi Ostrow"

    W Piykny Gorze łon wilkaski
    Tu tyż spotkosz gryfne "laski"
    Dyć czasami - co za dziw?
    Usłyszysz łabyńdzi śpiyw.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:41
    Krukolin

    Kruk na liny tu poluje?
    Toż to kożdy forszteluje
    Że nurkować coś niy umi
    Yno czy kruk to rozumi?

    --
    forum.gazeta.pl/forum/71,1.html?f=28940
  • broneknotgeld 16.04.06, 23:42
    Bogacko

    Niybogaty kaj Bogacko
    Jednak czuje sie tyż chwacko
    Do szczyńścio Dejguny mo
    Styknie abo mi sie zdo?

    --
    forum.gazeta.pl/forum/71,1.html?f=28940
  • broneknotgeld 16.04.06, 23:42
    Gajewo

    Gajewo przi gaju
    Dyć cołkym na skraju
    Niy kuszom cie ryby
    To tukej na grziby.

    --

    Hotel "Gajewo"

    Niy przijedzie dyć tu "cieć"
    Trza mu pełno kapsa mieć
    Nic że idzie porajtować
    Jak trza grosza wiela dować
    Ano - droższo to już "klasa"
    -Wola siedzieć we Wilkasach.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:43
    Wrony

    Jednak niy czorne tutejsze Wrony
    Jezioro Tałty blask dowo łonym.
    --

    "Elixir" - Wrony

    Mo ośrodek własny szif
    Przi jeziorze toż niy dziw.
    --

    Tako godo wrona wronie
    - U nos som noclegi tonie.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:44
    Guty

    Guty zdo sie dobre bydom
    Kaj Kisajno grosz swoj wydom.

    --

    Yno co w tych Gutach jest?
    Terozki se tropia fest
    No i jako tam dojechać?
    Przez Kamionki - toż uciecha.

    --

    W foldery Giżycka kukom
    Cosik ło tych Gutach szukom
    Ano to niy żodyn wic
    Ło ty szteli richtig nic.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:47
    Czos i Juno

    Czos i Juno - toż se zdowo
    Że my wdepli w te Mrongowo.
    --

    Skiż

    Skiż Kristofa Celestyna
    Zwom Mrongowym ta dziedzina
    No bo przeca tyn Mrongowiusz
    Polsko godka w zocy mioł już.

    --

    Jerzy Gosiewski - leśnik

    Znajom go dobrze mrongowske lasy
    Zoglondnie we nie i teroz czasym
    Czidziści rokow taki roboty
    To richtig niy som jakeś gupoty.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:47
    1990-2002 Mrongowo

    Mrongowskim rajcom rokow dwanoście
    Bestoż niy yno we las go wroźcie.

    ----

    2002 Radny sejmiku

    Tako w Olsztynie leśnika znali
    Toż niy dziwota - w posły wysłali!

    --
    forum.gazeta.pl/forum/71,1.html?f=28940
  • broneknotgeld 16.04.06, 23:49
    Gora Sztyrech Wiatrow

    Gora Sztyrech Wiatrow we Mrongowie majom
    Dyć i tu terozki narciarzom fest pszajom.

    --

    Zima w Mrongowie

    Gora Sztyrech Wiatrow narciarzy tu wito
    Sztyryma trasami - jakby se kto pytoł
    Dyć mosz jeszcze tukej i tor saneczkowy
    Rynny do snowboardu toż niy trop se gowy

    Ośrodek łońskego roku zrychtowany
    Zdo ci sie i dzisioj co wysztiglowany
    Tych chyntnych do zjazdu dużo tukej bywo
    Niychej to we zima nikogo niy dziwo.

    --

    Park im. Juliusza Słowackiego

    Stare dymby graby sosny
    We Mrongowie cie czekajom
    Zazielyni sie park z wiosny
    Choć i zimom jymu pszajom.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:50
    Park im. Sikorskiego

    W nocy strach tu szpacyrować
    Dyć to musisz forsztelować
    Co wpiyrw kerchof tukej był
    Wangelikow tako krył.

    --

    Na galindzki ziymi

    Galindy te ziymie wpiyrw zamiyszkiwali
    Niym Krziżaki życie im poprzewrocali.
    --

    "Sensburg"

    Toż take piyrwyj grod nosioł miano
    Niym Mrongowiusza za Polski dano.

    --
    forum.gazeta.pl/forum/71,1.html?f=28940
  • broneknotgeld 16.04.06, 23:50
    "Sense" (kosa)

    W okolicy niedźwiedź pieroński grasowoł
    Toż niyjedyn śmiałek mu rady niy dowoł
    Dyc jak w końcu kosom łapa mu utnyli
    To ze jom do herbu miasta przeca wziyli.

    --
    forum.gazeta.pl/forum/71,1.html?f=28940
  • broneknotgeld 19.04.06, 22:19
    Olsztyn?

    Olsztyn? A! -Sztela mało we Jurze
    Ponoć tam dobre som jajca kurze
    Bo niy brakuje w skorupce wopna
    Taki rym wom tu na forum "dopna".
    --

    Ja no - dyć yno to skuli szpasu
    I niy szukejcie we tym marasu.
    --

    Wszyske drogi

    Wszyske drogi Warmii wiedom do Olsztyna
    Niy musza wom przeca ło tym przipominać.

    --
    forum.gazeta.pl/forum/71,1.html?f=28940
  • broneknotgeld 19.04.06, 22:20
    "Baba prusko"

    Tukej "baba prusko" jakby muster frelki
    Chopy pociong majom do niyj richtig wielki
    Retli jom ze wieży zamkowy wysoki
    Teroz na dziedzińcu czimajom boroki.
    --

    Kopernik nakrykloł

    Kopernik łoglondoł niebo tukej w nocy
    Przeca kapitule łon administrowoł
    Nakrykloł som cosik skuli rownonocy
    Na ścianie krużganka - tako se wydowo.

    --

    Erich Mendelsohn

    Tu Erich Mendelsohn piyrszy dom swoj stowioł
    Tyn wele kirkuta - we niym łoczyszczynie
    Potym kunszt swoj wielki Europie tyż dowoł
    Dyć serce łostało na zowdy w Olsztynie.

    --
    forum.gazeta.pl/forum/71,1.html?f=28940
  • broneknotgeld 19.04.06, 22:21
    Herb Olsztyna

    Blikom na Herb tyn i widza droga
    Toż muszla przeca w Jakuba rynce
    Pont w tym Olsztyna mo być do Boga?
    Łoj - bydzie możno miasto we mynce.
    --
    --

    Kościoł św. Jakuba 1334

    W tym roku kościoł zaczyli stowiać
    Trocha to jednak potrwało
    Dzisioj przed łoczy trza nom go dować
    Niywiela takich łostało

    Zdo sie gotyku perłom połnocnom
    Nojstarszym w zocnym Olsztynie
    Łon no i zamek czimiom sie mocno
    Niychej ich czas tu niy minie.

    --
    forum.gazeta.pl/forum/71,1.html?f=28940
  • broneknotgeld 19.04.06, 22:22
    Nidzica

    Zamek krziżacki wpiyrw tukej był
    Przi niymu osada rosła
    Jak Zakon bardzi nabiyroł siył
    I łona praw miejskich doszła

    Winrych Kniprode przeca je doł
    Wiek jeszcze lecioł sztyrnosty
    Dyć dźwignońć tako ta sztela chcioł
    Koncept w tym richtig był prosty.

    --
    forum.gazeta.pl/forum/71,1.html?f=28940
  • broneknotgeld 19.04.06, 22:24
    Matka Bosko Gietrzwałdzko

    Warmińskim frelkom co żeś godała
    jakeś ze klona na nie blikała?
    Niy po niymiecku - to yno wiym
    Co żeś pedziała? Po to tkom rym.
    --

    Możno szkryfnie ktoś coś ło tym
    Niy zostawi to - na potym.
    --

    W Gietrzwałdzie

    Przed cudownym łobrozym i papiyż tu klynkoł
    Porzykoł i jakby se myni już lynkoł
    Toż wiedzioł - Maryja ło wszyskich pamiynto
    Kożdo rodzicielka ze niom jakby świynto.

    --
    forum.gazeta.pl/forum/71,1.html?f=28940
  • broneknotgeld 19.04.06, 22:25
    Pisa

    Brzeg jyj bagnisty - zdo sie że "pisa"
    Tako te miano mazurske słysza.
    --

    Johannisburg

    Zamek nad Pisom krziżacki stoji
    Johannisburgym go zwali
    W mazurski godce Jańsbork - niy w moji
    Toście już forsztelowali.
    --

    Pisz

    Skond se wywodzi grodu te miano?
    Ano łod "pisy" rzecz to już znano
    Prusy na bagno tako godali
    Zdo sie - w pamiyńci naszy łostali.

    --
    forum.gazeta.pl/forum/71,1.html?f=28940
  • broneknotgeld 19.04.06, 22:25
    Jerzy Krzysztof Pisański

    Pisański przeca musioł być z Pisza
    Ło tym karlusie terozki słysza
    Regionalista we Prusach piyrszy
    Choć czas pokoże co niy nojwyrszy.

    --
    forum.gazeta.pl/forum/71,1.html?f=28940
  • broneknotgeld 19.04.06, 22:26
    Lubecki Frombork

    Na prawie lubeckom zostoł lokowany
    Historyjom tako z Lubekom zwionzany
    Ze kery tu prziszli osadniki piyrsze
    Te ziymie sie stały dlo nich chnet nojwyrsze.
    --

    Frombork 1278

    Prusy Braniewo fest poniszczyli
    Trza było przeniyść tu kapituła
    Biskupy Frombork tako dźwignyli
    Dyć som na Warmii - niy trza sie tułać.
    --

    Frombork 8.VII.1310

    Osmego lipca fajer tu zowdy
    Skiż tych praw miejskich! -Wiela w tym prowdy?

    --
    forum.gazeta.pl/forum/71,1.html?f=28940
  • broneknotgeld 19.04.06, 22:27
    Frauenburg - Frombork

    Toż "Grodu Pani" pisane było
    Biskupstwo z Braniewa tu se przekludziyło
    I choć poszło dali do tego Lidzbarka
    We Fromborku ciyngym "kapitulno" marka.
    --

    "Madonna w Winnej Altanie"

    Łobroz nagrobny łod kanonika
    Kunsztym niy yno dziwuje
    W łokrongły romie - cudo gotyka
    Teroz już to forsztelujesz?
    --

    Mikołaj Kopernik (1473-1543)

    "Samotnikym fromborskim" kanonika zwali
    We gwiozdy zoglondoł toż forsztelowali
    Że niy trza przi tymu sie za wiela wadzić
    By z haltongym słońca mog se som poradzić.

    --
    forum.gazeta.pl/forum/71,1.html?f=28940
  • broneknotgeld 19.04.06, 22:28
    "Wieża Kopernika"

    Toż i dzisioj stoji "Wieża Kopernika"
    I pewno wspomino nawet kanonika
    Kery tu samotnie na gwiozdy se dziwoł
    W dziyń blikoł ku słońcu i palcym mu kiwoł.
    --

    "O obrotach sfer niebieskich"

    Co dowiod? -Niy wszyscy w Polsce rozumieli
    A możno tyż czasym poskopić niy chcieli
    Przeca wieki całe Kościoł zakozywoł
    Czytać "O obrotach..." - bestoż to niy dziwo.
    --

    Frombork 1626

    Co tu w katedrze cynnego było
    To wojsko szwedzke cołkym złupiyło
    Tako z Gustawa Adolfa woli
    -Niych Warmio ciyrpi - niych to jom boli.

    --
    forum.gazeta.pl/forum/71,1.html?f=28940
  • broneknotgeld 19.04.06, 22:29
    Ołpa Kopernika

    Ołpa Kopernika miyszkoł wele Nysy
    W wiosce Kopperniki - niych forum to słyszy.

    --
    forum.gazeta.pl/forum/71,1.html?f=28940
  • broneknotgeld 19.04.06, 22:30
    Jan z Sącza (XVI w)

    Jan z Sącza w Ełku drukarnia mioł
    Wiela łon ksionżek po polsku doł
    Zdo sie - Ełk wtedy blyszczoł w Koronie
    Choć z czasym prziszoł i na to koniec.

    --
    forum.gazeta.pl/forum/71,1.html?f=28940
  • broneknotgeld 19.04.06, 22:31
    "Rast"

    Prusy osada mieli przi borze
    Spokojnie w niyj kedyś żyli
    Dyć krziż już mieczym za cosik korze
    Bestoż trza pedzieć - tu byli.
    --

    "Rastenburg" - 1329

    Już tu Krziżakow strażnica stoji
    Łognia se jednak przi tymu boji
    Bo przeca ciyngym jeszcze drewniano
    Trza by zrychtować chnet murowano.
    --

    "Rastenbburg" 1374

    A no zamczysko już stoji zocne
    W murach krew jakby - toz richtig mocne
    Dobudowali przez wieki wiela
    W łostatni wojnie w łogniu ta sztela
    Dyć dzisioj zamkym Kyntrzyn sie asi
    Łodbudowany zaś miasto krasi.

    --
    forum.gazeta.pl/forum/71,1.html?f=28940
  • broneknotgeld 19.04.06, 22:32
    Jerzy Andrzej Helwig

    Szkryfoł ta "Flora Angerburgica"
    Zowdy do ziyla łobrocoł lica
    We Wyngorzewie przecw rodzony
    Toż paczoł zowdy na swoje strony.

    --
    forum.gazeta.pl/forum/71,1.html?f=28940
  • broneknotgeld 19.04.06, 22:33
    Świynto Lipka 1482

    Kapliczka już tukej se stoła
    W opiece Zakonu była
    W niyj lipa a łona dokoła
    -Jakby te drzewo chroniyła

    Wiela na pont prziłaziyło
    Prosiyło ło łaska Nieba
    Nikerym sie to ziściyło
    Szkryfnońć mi tako tu czeba.
    --

    Świynto Lipka

    Toż i protestanty na pont tu łaziyli
    Przeca boski łaski tyż łoni prosiyli.
    --

    Downe jarmarki we Świynty Lipce

    Co roku tu płotno tym "złotym" towarym
    Nawet ze Flandryji kupce se zjyżdżali
    Niy yno pontnikow kusiyła swym czarym
    W Świynty Lipce przeca gyszeft ubijali.

    --
    forum.gazeta.pl/forum/71,1.html?f=28940
  • broneknotgeld 19.04.06, 22:34
    Reszel 1631

    Jezuici z Braniewa tukej se wkludziyli
    Ano skuli Szwedow we tułaczce byli
    Dyć reszel z tym zyskoł kolegium przezocne
    Wiela to wspiyrało - toż stało sie mocne.
    --

    Reszel dzisioj

    Toż mie sie tako ciyngym tu zdo
    Co richtig Reszel fest szczyńście mo
    Wojna go przeca niy poszczyrbiyła
    Se za murami jakby stanyła.

    --
    forum.gazeta.pl/forum/71,1.html?f=28940
  • broneknotgeld 19.04.06, 22:35
    Wojciech Pomian Pasarowius (1594-1696)

    W Mikołajkach w kościele portret jego mocie
    Ze dugego wieku niy yno go znocie
    Siedymdziesiont jedyn lot parafiom kryńcioł
    Pomogoł durś wiernym a sie niy umynczoł.
    --

    Andrzej Kowalewski

    Po Pasaraviusie Kowalewski prziszoł
    Toż ło tym pastorze co inkszego słyszołch
    Ze zdrowiym miol ciyngym pierońsko utropa
    Dyć wiela doł inkszym - żałowali chopa.
    --

    Mikołajki 1444

    Piyrszy roz wzmiankujom je ponoć w tym roku
    Już była to sztela mazurskich rybokow.

    --
    forum.gazeta.pl/forum/71,1.html?f=28940
  • broneknotgeld 19.04.06, 22:36
    Mikołajki 1726

    Ze wioski przeca w końcu wyrosły
    Do tych miast w Prusach terozki doszły.
    --

    Mikołajki

    "Perłom Mazur" zowiom Mikołajki dzisioj
    Pewno żeś już ło tym w cołki Polsce słyszoł
    Miyndzy Mikołajskim a Tałty jeziorym
    Zajrzyj jak żeś niy był tukej do ty pory.
    --

    W herbie

    W herbie majom krola - Sielaw jego miano
    Bliko tyż na miasto z fontanny co rano.

    --
    forum.gazeta.pl/forum/71,1.html?f=28940
  • broneknotgeld 19.04.06, 22:37
    Fontanna

    Fontanna na rynku Z Sielawym tu stoji
    Zyjmanow prziciongo - dwoji se i troji.
    --

    Festiwal Krola Sielaw

    Sezon turystyczny krol Sielaw zaczyno
    Chocioż wystrugany ze drzewa łon yno
    Wodujom go przeca i na holu czimiom
    Dyć możno tyż czary we ty rybie drzymiom.
    --

    Krol Sielaw

    Przez wieki Krol Sielaw w jeziorze panowoł
    Toż cołki swiat wodny cześć mu tu łoddowoł
    Ludzie w końcu prziszli - ryby zaczli łowić
    I zdo sie - Sielawa w tym krolestwie dowić

    Łon tyż se rybokom doł we znaki wiela
    Bo przeca sie ciśli tam kaj jego sztela
    We sieci ze ajzy jednak go chyciyli
    Życie darowali chocioż zniywolyli

    Gorzke dlo Sielawa tu czasy nostały
    Z tego se niyszczyńścia tyż nastympne dzioły
    Ciyngym przeca widzioł w sieciach swo czelodka
    Już wiedzioł że lepi mu było śmierć spotkać.

    --
    forum.gazeta.pl/forum/71,1.html?f=28940
  • broneknotgeld 19.04.06, 22:38
    Kajki

    Jak jakoś sztrasa miano mo Kajki
    To pewno bydom tyż Mikołajki.
    --

    Hotel "Mazur"

    Toż łobleka se jo lacie
    We tym downym magistracie
    Kaj beamtry wpiyrw dzrzymali
    Teroz tako leci dali.
    --

    Na promenadzie

    Na promenadzie ze kuflym piwa
    Se na jezioro bych chcioł podziwać
    Zyjmanić niy trza - tego mi styknie
    Biyr i jezioro - toż już jest piyknie.

    --
    forum.gazeta.pl/forum/71,1.html?f=28940
  • broneknotgeld 19.04.06, 22:38
    Liceum im. Marion Donhoff

    Mo tu liceum naszo grafini
    To Mikołajki ździybko łodmiyni
    Już dzisioj cisnom se tam szkolorze
    A chnet internat ponoć być może.

    --
    forum.gazeta.pl/forum/71,1.html?f=28940
  • broneknotgeld 19.04.06, 22:40
    "Bitwa pod Grunwaldym"

    Tu wojsko cara lyjty dostało
    Choć wpiyrw pociśli w przodek niymało
    Hindenburg Ruska ponoć zaczimoł
    Choć we salonce yno se drzymoł.
    --

    1410

    Wiycie - Ślonzokom wtedy fest wloli
    Bestoż jo niy wiym czy to pochwolić.

    --
    forum.gazeta.pl/forum/71,1.html?f=28940
  • broneknotgeld 19.04.06, 22:42
    Kościoł Grunwaldzki

    Kościoł ze dzwonnicom Zakon tu zbudowoł
    Pociecha poległych duszom ponoć dowoł
    Tysionc lot stoć bydzie - tako sie zdowało
    Dyć po niymu dzisioj nic już niy łostało.

    --
    forum.gazeta.pl/forum/71,1.html?f=28940
  • rita100 13.04.06, 22:20
    broneknotgeld napisał:

    > "Warmia i Mazury" Erwina Kruka
    >
    > Se tako ksionżka chca wom polecić
    > Możno se udo z niyj fraszki sklecić.

    Witaj Bronku wink
    Dziankuje za wizyte
    A Erwina Kruka znomy , popatrz co napisał Tralala smile

    Erwin Kruk stał się kiedyś mimowolnym bohaterem dość ponurej anegdoty. Kiedy
    wytykano, że na Warmii i Mazurach nie ma już Warmiaków ani Mazurów, padała
    odpowiedź 'Jako to nie ma - jest jeden Warmiak (Jan Chłosta) i jeden Mazur
    (Erwin Kruk) sad

    Z mniłó chenció bandziewam cytac z Tobó tó ksójżke.
    'ó' = 'ą'

  • broneknotgeld 13.04.06, 22:23
    Witej Rita.
    Tak cołkym toch se w te forum niy wczytoł, boch yno przeglondnoł pora wontkow.
    No dyć moje streszczynie ksionżki ślonskom rymowankom chyba niy bydzie tu
    wadziyło.
    --
    forum.gazeta.pl/forum/71,1.html?f=28940
  • tralala33 13.04.06, 22:26
    Nareszcie i Prusowie u nas zagościli smile Psianknie dziankuje bo łoni mnie sia
    mocno łudali.
  • broneknotgeld 14.04.06, 14:36
    No dyć niy idzie szkryfnońć historji ty ziymi i łominońć Prusow.
    Toż by to był grzych.
    Pozdrowiom ze stolicy fraszki.
    --
    forum.gazeta.pl/forum/71,1.html?f=28940
  • rita100 14.04.06, 21:17
    Tralala , napsisała, za co jo jyj dziankuje, co Bronku nie sztyrujesz, jo tlo
    chciała Cia poziedzieć, ze Erwin Kruk nie je noju łobcy smile

    Ja ziym co mosz mało ciasu , bo fraszki same sia nie zrobzió wink)))
    Szczajśc Boże
  • rita100 14.04.06, 22:23
    Nie nie słyszołam smile
    Pewne jojko
    fraszke zmyło wink
  • gajowy555 14.04.06, 22:28
    Rita , bandziewa mnieli historyjo Warniji po ślójsku.
    Tan Brónek je fejn chłop.
    Ale wic.
    Tlo chto nom łopsisze po naszamu ta historia ?
  • rita100 14.04.06, 22:31
    haha, nawet nie myśl ło historii, bo bandzie kłopot wink
    Może tlo Prusów wink))

    Gajowy, może zrób niespodziankę Bronkowi. Łon tyz ma księgę gości smile
    popatrz
    forum.gazeta.pl/forum/72,2.html?f=28940&w=32180836
  • rita100 14.04.06, 22:45
    Gajowy, a gdzież nam sia podział wink))
  • rita100 18.04.06, 21:24
    Pewnie tam pilnuje zwierzyny
    abo schował sia pod pierzyny wink))

Popularne wątki

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka