Dodaj do ulubionych

Pisza inaczy czyli poezjo i liryka śląsko...

    • jromantyk Pisza inaczy czyli poezjo i liryka śląsko... 21.05.08, 18:18
      ŚLONSK

      Kaj zerkna na nosz Ślonzek piykny
      aż żol
      czymu sztyc Pon Boczek ,noszym wyjechac kożom?
      Niegospodarnosc i złosc ludzko,
      poprzez krzywda,biyda,
      co inszego?

      Jo tu byda przeca,bo żeś mojom ojczyznom
      Moga sie Cie łoglondac codziynnie niczym pszoni najmilsze,
      moga łoglondac to, kaj nikaj na świecie nie znojda

      Widok hołdy kiero juz tera na zielono zakwito,
      i łan pól zalesionych na żółto łod rapsu wiosnom,
      Zerkom na wos moi zamki jak z bajki wziynte.
      lśnionce w dyszczu i pod słoncym kopuły kościołów
      co chwila pomiyszanych ze szybami grubskimi

      Jak mom wyjechac,
      kej widza chałupy krzywe i ankrowane,
      a koło nich łogodki zadbane,
      kej sie widzi szyb czerwony,
      ni łod starosci ale
      jak z piyrwej cegły budowany ,
      i łodbijaonco sie tafla zielyni łonk,
      w noszych już czystszych wodach .

      Nie łodjada bo sam je serce moi,
      tukej ziymia wonglym i dobrociom pachnonco,
      Szczyńsc Boze witano,
      ziymia z Boże Pomogej i Bóg Zapłac łorano.

      Nie łodjada bo tukej moja Oma i Opa mi pszoli.
      a Matka i Łojciec rzykac pokozali i dzieci
      powoga z pszoniem do mie majom,
      I w koncu jest tukej ta jedno,
      co mi życie swojom szwarnotom umilo,
      synsu życia dodowo,
      swoim ciepłym w biydzie łokryje.

      Nie odjada chyba ze na chwila ino,
      bo nikaj ni ma tak ,
      bo to jest nosze.

      to jest ŚLONSK
    • jromantyk Pisza inaczy czyli poezjo i liryka śląsko... 23.05.08, 11:32
      CZEKOM

      Pamiyntosz !!!

      Dała żeś mi szczyńści?..


      Wiysz !!!


      Dowosz mi szczyńści?..


      Czy Bydziesz ...zawsze...

      dować mi szczynści???!


      Ranek moj dzisioj wstoł marzyniami

      a w nich tylko Ty Słoneczko,

      Pragna Cie....i czekom

      na Twoji promiynie.



      Niech mie okryjom



      dowajonc nadzieja



      To Ty ciepło pszonia mi niesiesz..

      Wiym...Wiysz?



      To moji pragniynia ...

      Twoji ........tyż?


      ,,Bijesz " mie swym blaskiym,

      a jo ciesza sie jak dziecko..

      chca wiyncyj,ale boja sie

      bo możesz mnie oślypić

      mono już żech je ślepy??



      Nie widza Twoich barw....

      milionów barw........ino

      pieszcza łoczy odciyniym złota..

      to Twoja Dusza Malenko.....



      Ino... na dwa słowa..czekom ....
      • jromantyk Noc poślubno. 24.05.08, 08:06
        Ta noc


        Targani zmynczyniym wesela nasze ciała

        Ale my tak siebie chcymy,

        uciekomy łod gosci najpryndzyj

        by nosze żondze yno zaspokoic?

        Ni

        My chcymy ciszy naszych dusz siebie łaknoncych,

        nasze usta i rynce tyż.



        To "ryk",odzew, na kiery my przez okres zolyt czekali

        i juz żodyn nom juz nie przeszkodzi,

        Połonczyni Bogiym,

        ludzki jynzyki zawarte som.



        Na fraj na fraj i pryndko ,jeszcze pryndzyj,

        potargac by sie chciało ta suknia Twoja szykowno

        by do raju dostac sie juz teraz ,

        chocia cołki zycie przed nami.



        Tela haftkow ,kneflow,sznurków roztomantych

        tela wszystkigo

        z pasym do pończoch cudownym

        brzegiym rozkoszy....



        Po tym juz zapomniynie,

        zapomnieni w sobie

        i pszani przełogromne.

        Jo czekoł a Ty tez roztomiło.



        Teraz cisza i czy to juz rano?

        budza sie przy Tobie,

        łotwierom oczy

        i nie widza już pustki przy sobie,

        Ty żes w moich objynciach,

        tak żeś chciała łod downa

        Poczuja zaś Twoji małe,

        delikatne ronczki,

        przez kiere nabiera zaś

        wielki chynci,

        a kuska moi sprawiom

        lekki dreszcze Twoji

        przebudzymy sie cołkiym

        i powiemy jeszcze.

        Zaczniesz odwzajymniać tulonc sie do mie,

        pieścić, dowac kuska i bydymy

        czuć się razym w swojim niebie,

        z przebudzenia wzmorzy się pragnienie,

        wrawo namiyntnosc i oddani.
      • madohora Re: Pisza inaczy czyli poezjo i liryka śląsko... 23.12.19, 00:21
        Babcia już moczy grzyby w garnuszku
        A zakwas na barszcz w spiżarni się kwasi
        Na stole leży ciasto na uszka
        A wanna dzisiaj pełna jest karpi
        Od rana wywar na piecu kipi
        Roznosząc wokół wspaniałe wonie
        Babcia od rana pierogi lepi
        Smażona rybka w masełku tonie
        Sernik, makowiec, drożdżowe ciasto
        W cieple piecyka jeszcze się grzeją
        A pod obrusem już sianko leży
        I kompot z suszu do szklanek leją
        Całą rodzina jeszcze się krząta
        Ten coś przynosi, ten coś układa
        Ktoś tam w kuchni jeszcze coś sprząta
        Przyda się wszystkim babcina rada

        --
        🎄
    • jromantyk Zauroczyni 25.05.08, 08:10
      Zauroczyniy!!!

      Widza Ciebie dzioucha
      Wiym, to wyobrażnia moja
      Tyżeś
      pośród trow kołysonych wiatrym,
      polnych kwiotków,pokarmym, podnietom.

      Ty zmysły rozbudzosz i mysli szalejom
      Słyszysz?,To trel skowronka
      Wyobrażnia?
      Świtoni się zbliżo,wstowomy z deki,
      Idymy, trzymomy sie za rynce...

      Dugomy kwiotki stopami
      krople porannej rosy tak,
      by woń unosiyła sie miyndzy nami
      Jeżeś moja,moja,moja.Czujesz?

      Zerkom w Twoi cudowne łoczy
      w nich blyszczy wschodzonce słońce,
      I ostatni błysk gwiazdy
      odbity w tafli "zielonego jeziora".

      Czuja zapach Twojigo ciała
      Ty dowosz mi Kusku tak namiyntnie
      Robi się ciepło,lecymy i........
      rzucomy się w wir noszych czułosci.

      Jeżeś teraz jak rzeka rwąca,
      Zabierosz wszystko po drodze ,
      Moja dusza,myśli i ciało.
      a jo prosza” bier wszystko”.

      Jeżeś tyż jak zapora na tyj rzece.
      Nie puszczosz dali moji smutki i lynki,
      Uzbrojosz mie w moc w siła.
      Zauroczony,wiym że pszaja,
      i nic wiyncyj już nie chca .


      Budzymy się.Już połednie...
    • jromantyk Moja Dzioucha 25.05.08, 20:29
      MOJA DZIOUCHA



      Zerkom na Twoji włosy rozwichrzone,

      wiatrym smogane

      W niewoli myśli ciało zamknyte,

      tak gryfnie odlone.



      Zerkom w Twoji oczy błyszczonce,

      na uśmiych skozone

      Usta mojimi kuskami pieszczone,

      w nich tela młodości.



      Zerkom na Twoja dusza

      pszanio łaknoncej,

      uczuciym wypełniono

      Głos delikatny czułościom rażony,

      jak szum strumyka,

      to szept serca?



      Zerkom na Twoji rynce delikatne,

      som dotykiym anioła?

      Nogi zgrabne niczym gazelo,

      i taki moji



      Jeżeś darym dlo zmysłów,

      dlo oczu pocieszynio

      Woniom osnuto

      Obrazym cudownego tworzynio.



      Posłańcem pszania?

      ni

      Sama Jeżeś pszaniym ,

      myślom na rozdrożu mojigo świata

      Jeżeś by dować mu blask radości,

      i klucze do raju....MOJO DZIOUCHO!!!
    • jromantyk Mamo :-) 26.05.08, 13:51
      Do matki chciołbych napisac coś piyknego ale moji słowa som mało
      wert by do nij pisac

      Mamo ,mamo.

      Mamo kochano
      Ty zes do mie tako dobro
      Tys sercym mie łobdorzała.
      u Ciebie w doma zawsze dobrym pachnie
      Wiym,
      ze przyda tam i zech je Twoj jedyny,
      chocioz tyla dzieci mosz.
      Pamiyntom
      Kiedych przyszoł zmynczony po szychcie
      Tyś mie pochalała
      a chory ciyrpioł
      To yno Ty otulołas mie
      ciepłym słowym i spojrzyniym
      swoich anielskich oczu

      Wiym,ze zawsze byda Twoj
      Bo żes nojmilszo mi frelka łod dziecinstwa
      W Ciebie miol zaufani do konca
      Pamiyntom
      dmuchani w kolano potłuczone
      Twoji płaczki,
      kiedy jo nie wiedzioł
      czymu te biołe fartuchy kole mie skoczom
      a bolało tak bardzo
      Kiedy tak Twoji oczy na mie spojrzały .
      i bolec jakby przestało.
      Czułech dobroc i moc tak wielko,
      wiedzioł żech wtedy,ze Pon Boczek je,
      bo żes mie z nim wychowaniym uczyła
      Twoji rynce narobione ale delikatne zawsze.
      Przytulosz mie nimi w biydzie i w szczynciu

      Wiedzioł zech,ze głodny nigdy nie byda,
      ani ciyrpiec ,
      bo ty zes odbiyrała mi
      wszystko co złe mie czekało
      i nie ocyganiyłas mie nigdy
      a kiedy zes pedziała ze pszajesz ,
      tos pszoła naprowda.

      Jo Cie tyla razy zawiódł ,
      tyla ciyrpiyn zdonzył zech narobic
      Wybocz mi,
      bo jo siebie wyboczyc nie umia
      Ty jedno znosz mie tak doprowdy,
      Ty wiysz jaki anioł ,ale tyz dioboł we mie siedzi
      zerkniesz na mie ,
      a moji cyganstwa w prowda sie obrocom
      Mamo takom mocom pszaja Ci
      i chociaz teraz już swoiji dzieci mom,
      ,to wiym,ze przez Twoi pszani
      i łone dobrymi sie stały
      Ty jedno znosz i czujesz jak som sercym krwawia ,
      Mom to szczynsci i mom Cie jeszcze przy sobie
      i bardzo zech tymu rod.
      Chociaz wiym,ze rzykosz do Pon Boczka
      o swojo smierc przedy mnom.
      To jo wola byc tam piyrwszy
      dlo Twoij dobroci
      by niebo stało sie jasne
      kiedy Ty tam przydziesz
      Chca,by żeś była i w niebie nojwożniejszo
      Mamo.
    • jromantyk To koniec? 27.05.08, 08:39
      To koniec?





      Była żeś dlo mie życiym

      szumym fal o poranku

      nosze marzynia o morzu o pszoniu

      Była żeś ziarynkiym piosku na plazy,

      naszom nadziejom

      Wspólnym oddechym kochanków.

      tym oddechem ,

      kierymu tak żech pszoł

      a ni mog opanować

      Mieli my płynonć razym przed siebie

      Ostatni spotkani i

      usta,usta,kuska

      dłoni nosze

      szukali my sie nawzajym,

      czy już nigdy?

      ..o Boże!!!

      Nie byłech jeszcze strumiyniym szczynścia

      w Twoim ciele,

      a Ty byłas już Duszą

      i Paniom zmysłów mojich szalonych

      niebezpiecznie zakochanych,

      Terozki krople płaczków

      spływajom mi yno po licach.

      bo w sercu zima i mokro

      bo nie idzie go otulić już Twojim

      Zerkom na komórka.

      Nie łodzywo sie zaklynto

      ...to koniec?
      • jromantyk Moja "M" 29.05.08, 15:39
        Moja M!!


        Nie umia żyć już bez Cia.

        Łomia sie , jak

        Ty Wiysz moi pszani ,co chca pedzieć


        Znosz mie i pszajesz.


        Rozumiymy się bez słowa a


        słowami ,,droczymy"


        Czujymy że somy my dokupy



        Kochomy sie mojo M ?



        Smsy? Słowa pszaja Ci,


        Tynsknia,Pragna,Wielbia


        Słoneczko,Gwiozdeczko ,Kwiotuszku


        Przylepko ,Opa zresztą


        Powiy kieryś zwyczajne


        ale dlo mie


        Prowdziwe i szczere som.



        Dlo Cia tyż?
        • mira.pe Re: Moja "M" 30.05.08, 03:36
          Tak prosto ,tak od serca ,tak zwyczajnie ,ale tyle w tym
          emocji,uczucia,ciepła...zrozumiale,nawet dla tych co po ślonsku nie
          gadajom,trafiasz prosto do celu...
    • jromantyk Czymu Marku 29.05.08, 20:25
      Czymu Marku?

      Słuchom Twój syn o życiu Marku,
      Czymus tak uciykł łod nas tak pryndko
      przeca tak pszoł żes życiu jak żodyn
      Czy mom isc tak jak Ty
      Czy szansa dac zyciu.?
      Twoja muzyka
      Wiym pszołes ji tak moc

      A teraz?

      Jo czekom aż zaspiywosz
      abo
      som uciekna w niebyt
      bo
      wiym jak to boli.

      Nikt nie zrozumi Twoij duszy prawdziwej,
      marzyń
      aleś pszoł i wiedzioł zes ,ze ktos Ci ufoł
      ktoś był tak Ci bliższy niz Ty som
      Czymu Ci żodyn nie pomog Wrażliwcu??

      Tyś nie udowoł ,
      Tys mioł jom
      wszyndziś widzioł jej ronczki
      zaglondoł żes na jij łoczka i co?
      Ona tyż wiedziała, ona czekała tyż
      a Ty zes uciykł

      Jo czekom az zaśpiywosz mi jeszcze
      abo
      som uciekna w niebyt
      bo
      wiym jak to boli

      To łona chciała tak bardzo Ciebie
      chocia godała ni,
      To łona miała Cie ratować
      sama jak diobołek kusiyła
      a Ty żeś sie tak poddoł?

      Jo czekom az zaśpiywosz mi jeszcze
      abo
      som uciekna w niebyt
      bo mie tyz tak boli Marku

      To ona otworzyla mi furtka do marzyń
      i jo ni byda szydziył
      bo serce moji jest łod nij
      i nie poddom sie nigdy
      chyba

      Jo czekom az zaśpiywosz mi jeszcze
      abo
      som uciekna w niebyt

      Twoi pszani było taki potrzebne.
      wszystkim

      Czymu Marku?
    • jromantyk Pszaciele 30.05.08, 18:01
      Pszaciele.


      Pamiyntom jak przez mgła
      kiedys,
      Szołech drogom jak burza .
      Bolało ,
      ale moi myśli natryntne
      stanyc nie pozwoloły.
      Zatrzymoł zech sie yno na chwila.
      Zerkom,
      poznoł zech jom i
      bynda blisko was ,bo
      yno wtedy ni ma mi zima
      bo chocia
      chłodym zawioło z przestrzyni
      łod zwykłych ludzi Ślonska
      a łona była tak blisko
      w woszych ramionach zamkniynto
      i w noszym małym świecie
      pszaciele z
      "Noszej Klasy"
    • jromantyk Pszani 31.05.08, 09:46
      Pszani.

      Czym je pszani??
      Nie wiym
      Ale to szykowne
      że tak chca Cię mieć
      Ino dlo siebie
      Na nie wiym wiela

      Kaj miyszko pszani??
      Nie wiym
      Mono jak sie smiejesz?
      Tam go słysza czasym
      Jak śpiywosz?
      W echu.......

      Czym je pszani??
      Powiydz
      A ni nie godej nic lepij
      Jo chca miec Cie przy mie
      I nie wiem na razie
      Czymu................
    • jromantyk Dziecka 01.06.08, 12:06
      Dziecka.

      Kochomy wos małe istotki,
      godocie co myślicie
      bo w wos je prowda
      pszajecie sobom,
      pszajecie wszystkim
      chocioż czasym ból zadowocie niechconcy
      ale
      Zerkna w wasze oczka śmiejonce sie
      szczerosciom niewinnosci,
      nie skrywom juz łez,
      ni radosci

      Jeszcze niedowno som dzieckiym,
      mysla sie ło tym
      czuja to ciepło
      łopieka cołkij rodziny,
      moja Oma i Opa
      kajś daleko w pamiynci
      mama i tata
      Beztrosko radosnie ale tyż
      pełyn zadumy rozmyślom o nich

      Terozki jo juz dzieci kochane wychowoł,
      Nauczył zech wos tego czego
      i mie nauczyli,
      Mocie serce na własciwym miejscu,
      a to jest tak wazne,
      dowocie se rady w zyciu,
      a swojom zaradnosciom i sobie i innym
      mogli pomoc.

      Teroz moja Duma Ojca ,
      kiery zawsze ło was tak ciepło myśli
      kiery nigdy nie chwoli was na głos
      ale raduje sie,
      kiedy wom dobrze idzie,
      płacze ,
      kiedy wom smutek oczka zakrywo,
      jezescie przedłużyniym mojego zycia jakby,
      chociaz mocie je kazdy swoji

      Prosza wos yno
      Kiedy nie bydzie mie juz tukej na ziymi,
      wspomnijcie o mie chocia na chwila,
      by tam kaj byda doleciały do mie
      dumne mysli waszych już dzieci
      bo jo byda im pszoł ...
    • jromantyk Kaj żeś jest? 02.06.08, 21:05
      Brak Ciebie



      Jeżeś na wyciągniyni rynki,

      brakuje mi Ciebie.

      ogarnio mie pustka ,przygnymbieni

      brak Ciebie....



      Mój głos łoblykł Cie sagom

      moji słowo objyło Cie delikatnie,

      Oddech rozwioł Twoji włosy

      Ty pragnyłaś mie tak moc,

      Byłaś na wyciągniynie rynki !!

      brakuje mi Ciebie..



      Twoi szeptani zamieniyło sie w krzyk,

      rozbudzona w swych marzyniach

      rozkwitołaś myślami o mie,

      niczym moja róża w Twoij ronczce,

      Ty byłaś na wyciągniycie rynki?

      brakuje mi Ciebie..



      Jesienne pszani rozkoszom gore.

      a krzyk na moich wargach się czerwiyni,

      światłym mych zakochanych żrynic,

      w zamglone lustro Twoigo ciała wołom !!

      Bydż na wyciongniyni rynki

      brakuje mi Ciebie...!!!



      Gdybyś seblykła myśli moji,

      nadziejom je przykryła,

      abo chyciyła w dłoni świot mój

      do serca przygarnyła, głoskała,

      Pragnyła być na wyciongnieni rynki

      brakuje mi Ciebie



      Terozki obojyntność Twoja

      mojigo obłyndu przyczyno,

      przyzwyczajini w zima sie łoblyko

      a pszani moi w śniegu umiyro.

      Ni ma Cia na wyciongniyniy rynki

      brakuje mi Ciebie.......

      .....................umierosz dlo mie?
    • jromantyk Jeżeś 03.06.08, 17:35
      JEŻEŚ


      Jeżeś snym ,
      marzyniem i zjawom
      cudownym zwidym z kosmosu,
      li tylko mojim pragniyniym?

      Jeżeś pszaniym szukanym,
      niebiańsko pełno piyknych łuczuć,
      na kiere tak żech czekoł
      i kierych sie boja
      zniszczyć,
      czy niespyłnić?


      Jeżeś oczekiwaniym
      godziny osmej na wieczor
      niespełnionej,
      zaborczej jednak
      Jak wyglondosz,
      co terozki myślisz?
      Nie znom Cia do końca ,oszaleja.

      Co godom,
      jużech oszaloł
      Pochalom Cie
      Jak dyszcz bez lato czuło,
      i miynki jak płotki bratków
      po wczasnej rosie

      Zanurza sie w Tobie w końcu
      aż po rozkoszy
      brzyg i
      zabiera z sobom Twój
      ostatni spazm,
      yno pozwol mojo M
    • jromantyk Dotyk 05.06.08, 20:29
      Dotyk

      To było aż wczoraj?
      Przeca czuja jeszcze
      smak i bliskość
      Czymu to tak jest?
      Czymu moja M?
      Czy mozna rzucic cołki świat ?
      Uciyc ?
      Porwia Cie i zawieza daleko stond
      i nie zabronisz mi już nic

      Wspominom śmiało...
      Dotykosz mnie swojim uśmiychym
      Zerkosz mi w oczy tajemniczo
      niczym Mona Liza.
      ale kiedy Ty zerkosz,
      nogi uginajom sie pode mnom.

      Z pewnosciom siebie,
      lecz nieśmiało jeszcze
      chca Ci dać kusku.
      Ty bronisz sie z takom mocom,
      ale kiejbych chcioł richtik
      juz byłaby żes mojom ?

      Szczynsci mo tyn,
      kiery tego szczynscio chce,
      Jo chcam Cie moi szczyńśi.
      Przylepiył bych sie do Ciebie
      trzymoł bych Cie tak na zawsze.
      Poczuł zaś Twoj dotyk ronczki,
      dotyk ust i oczu niewidzialny,
      okrywajoncy moja dusza.

      Zabijajoncy moi mynski "ego"
      i chconcy dowac siebie
      by Tobie było jak najlepij
      Czułażeś to ?

      Moji usta błondzonce jak oszalołe,
      wadzonce sie z mojimi ryncami
      To Ty M wołajom.
      Jeżeś dlo mnie
      najszwarniejszo na tym świecie,
      a swoja uroda w moijich oczach widzisz
      wiysz tyż ze juz zawsze,
      do tego widoku bydziesz tysknic,
      bo w Tobie jo, a Ty wy mie.

      Bydziesz teroz Gwiozdkom
      na firmamyncie mojigo zycia
      Kiedy byda śnić o M,
      to yno Ty niom bydziesz
      A kiedy sie łobudza,
      słoneczkiym Ci wstana,bo
      chca dowac goronc siebie
      i ochłoda jak trza.

      Porwia Cia wiysz?
        • jurek-de1 Re: Dotyk 07.06.08, 08:23
          Potrafisz mu to ladnie powiedziec.
          Chyba jest zadowolony z Twoich wpisow.

          --
          Jurek-de1

          Co się tak gapisz??? Rusz palcami i coś napisz!!!
          • jromantyk Rano 07.06.08, 11:36
            Rano




            Czymu rano nie budzisz sie przy mie,

            łotwierom oczy i widza pustka przy sobie,

            chciołbych byś w moich objynciach była

            i to dałoby mi szczynscie łogromne



            Byś poczuła, delikatne chalania,

            kiere nagromadzom w Tobie odrobina chynci,

            kuska sprawiom lekki mrowiynia,

            a Ty sie przebudzisz się i powiysz ... dalyj.



            Zaczniesz odwzajemniać tulonc się do mie,

            dowac mi kuska i czuć się jak w niebie,

            z przebudzynia wzmorzy się pragniyni,

            wrawo namiyntność, szalyństwo i oddani.

            A potym............piykny ranek.
      • mira.pe Re: Dotyk 08.06.08, 03:02
        Lubię i cenię piękne słowa,nie znam autora,nie jestem ze śląska,czytam,i
        odbieram sercem-tak po prostu...
        Aaa co?
        Zazdrość?
        Mam Tobie tez coś wpisać?
        Jeśli to będzie tak samo piękne...kapelusze z głów...
        Powodzenia !
        • jurek-de1 Re: Dotyk 08.06.08, 07:32
          Narazie sie niczym nie wykazalem.
          Zeby mnie chwalic,ale kto nie lubi
          dobrych slow i pochwal?
          Latwiej by mi bylo powiedziec,niz napisac.
          Noo troche zazdroszcze ze nie potrafie
          tego co mysle tak pieknie przelac na papier.
          Czy nie masz trudnosci w odbiorze tego
          w gwarze Slaskiej?
          --
          Jurek-de1

          Co się tak gapisz??? Rusz palcami i coś napisz!!!
          • jromantyk Jurek 08.06.08, 08:46
            Bardzo trudno pisac o pszaniu i innych uczuciach po ślonsku. Nikt przed nami tego własciwie nie robiył a i teraz piszymy w wiynkszosci rymowanki.
            Momy w ślonskim za mało wyrazów okryślajoncych a jak som ,to do liryki pasuje. Prosty przykład w Polskim jest "śliczna buzia " jest delikatne a po ślonsku "szwarno gymba" jest zbyt wulgarne jak na liryka
            Pozdrowiomsmile
            • jurek-de1 Re: jromantyk 08.06.08, 15:56
              No tak tu podzielam Twoje zdanie.
              Moze nie znowu wulgarna ale twarda.
              Ale jak widac po Tobie i z godkom
              Slonskom do sie cos zrobic i napisac.
              Pisz dali bo ludzie tu zaglondajom
              i czytajom ino nie dajom znaku.
              Pyrsk
              --
              Jurek-de1

              Co się tak gapisz??? Rusz palcami i coś napisz!!!
            • madohora Re: Jurek 08.10.17, 23:08
              Przeszliśmy obok siebie Szczyty Beskidów
              Przegadaliśmy masę bezsennych nocy
              I chociaż patrzymy w tę samą stronę
              Ciągle idziemy obok siebie
            • madohora Re: Jurek 20.12.19, 23:11
              Potem przylecieli
              Od Lwowa Baciarze
              XYZ na nowo zjawić tu się może
              Więc my przyszli w lwowskiej mowie
              Poskarżyć się Jezu Tobie
              Pomóż nam lwowiakom
              Przez Twoją Świętą moc
              Gloria!
            • madohora Re: Jurek 20.12.19, 23:28
              Jezus się uśmiechnął
              Rączki wniósł do nieba
              Jeszcze dobrzy ludzie
              Czekać trochę trzeba
              Niedaleko już końca
              Wkrótce już zaświeci słońce
              Wiem ja dobrze o tym
              Przez swą świętą moc
              Gloria!
          • mira.pe Re: Dotyk 08.06.08, 11:19
            Tylko niektórych słów nie rozumiem,innych się domyślam z kontekstu,czasami pytam
            znajomych mieszkających na południu...
            A Ty rozumiesz wszystko?
            • madohora Re: Dotyk 15.11.19, 17:09
              NaAndrzelaIWwilijoAndrzejawoskiłołówloli,Tóżwornzdradza,coniekierychodtądboli.Możnosietospełni,możnosiepoprawią,Zatemczytelnicyniechsienadternbawią.TakprzykłodemVolksbundkciołmieć„Segen“Fryca,Alesieulołazdrajcyszubienica.Jegosługa„Mojżesz“kciołministrastołek,Awylazły„ścianka“,zpostronkamikołek...Urzędnicy,kcącpoprawybytuswego,Kieletegololi,—alenicjasnego;Niekierzy—zakara—ulolisekresy,Inksiaż„faterland"zagermańskie„fressy“.Kciałyseteżdziołchynagwołtuloćchłopa,Atu—książkawyszła,wniejprzepisówkopatongue_outrzodziyjuczsiewarzyć,dobrzedzieckachować,Szyć,chałpaobiegać,—potemsiewydować.Mockainkszychrzeczyjeszczesieulało.Cobywszystkospisać,papióruzamało.Tóżtymwszystkim,chtórzysązOjczyznąwładzie,NiechświętyMikołaj,coimtrzanakładzie
              • bobik-jedyn Re: Dotyk 29.11.19, 11:09
                O śląski Wynie

                Niych Ci się ni rodzi w główce,
                że godosz, toś w "okręgówce".
                Niy trzeba sie w tłumie chować,
                ale nojlepi dobiyrać słowa .
                Niych kto umie, sie niy lyni
                biere ryczka, siodo w siyni,
                albo chocioż na urlopie
                niych te wiersze stale dropie.
                Być wiatrym, co trzepie fanom,
                Twe słowa w kartkach zastanom.
                W życiu trzeba sie naginać,
                wiersze bydom Cie wspominać.
                Niy chca psychy Ci koślawić,
                trza po sobie COŚ zostawić...
                Rzeczywistość mni ponuro,
                jak Ty chytosz sie za pióro .
                Jeśli zaś o Wyna idzie,
                Ona sama do Cie przydzie.
                I na koniec uśmiych mały,
                życza Baby wyrozumiały !!!
                • bobik-jedyn Re: Dotyk 02.12.19, 21:53
                  Śląskie beranie

                  Biydno ta naszo godka,
                  nikt ji już niy pszaje .
                  Stoi smutno wele płotka,
                  idzie w Obce Kraje .

                  Może tam kaj hnedko trefi
                  to się zreflektujom,
                  a jak blank dobrze utrefi,
                  to Jom uszanujom.

                  Przeciyż to nasze Starzyki
                  durś sie za nia prali.
                  Potargane ich szczewiki
                  a swoja krew przelywalii...

                  Strasznie mie znerwowała
                  moja znajomo młodo,
                  jak sie w godce mie spytała:
                  - "Kto to jeszcze godo" ?

                  Upodały wroz z lotami
                  rządy i systymy.
                  Godka Naszo bydzie z NAMI
                  póki MY żyjymy !
    • jromantyk Psy idom do nieba. 10.06.08, 08:19
      Psy idom do nieba

      Czymu taki ufny za ufność cirpioł
      za ufnośc umrzył biydny
      Złe ludzie.....
      Boże przeca stworzył żes
      nos na podobienstwo Twoje!!
      A to zwiyrze było bardzij ludzki,
      łotwarte szczere i dobre

      Sara....
      "Machałka" ją nazywałem,"Kiwałka"
      "Bydle"a ona sztyc cieszyła sie,ze jest,
      że ji pszajymy,
      ze som my z niom,
      tako posłuszno,
      sama pszajonco,
      lizała mi rany gojonce kiedy bolało,
      chore miejsca z litosciom,
      z dobrociom naturalnom,

      A kiedy zmynczonego robotom,
      ujrzała ,lotała wkoło i skokała,
      niosonc mi radośc i uciecha,
      Kiedy jo sie położył zdrzymnyc
      i łona zy mnom drzymała,

      Bito i krzywdzono bez dziecka,
      ani nie warkła ,a jyno ze smutkiym
      kuliła sie w kłymbek,
      abo jako zabawa rozumiała,
      szczekała z radości.

      Tymu kiery jom łotruł
      rynce z wdziyncznosci lizała,
      łasiyła sie wdziyncznie

      A potym błagalne
      te zerkani ij z nadziejom,
      ze pomoga,
      uratuja.
      I pożegnani ostatni spojrzyni,
      moji chalani.

      Kim my somy ludzie?
      Tyn najbrzydszy piesek
      dlo mnie był nojpiykniejszy,
      bo mioł serce i dusza

      Dziynkuja Ci Sara za pszani !!

      Teraz wiym
      Pieski muszom isc do nieba...
    • jromantyk Echo 10.06.08, 20:33
      Echo


      Słowym niczym pieśniom nyncony
      To Twoje wołani wy mie,
      Jo jak dziecko,jak ziymia
      przy Tobie uśpiony,

      wroz!!

      Unosza powieka,
      stoisz obrazym
      oplyciona mojim wzrokiym,
      niczym kwiotek a zarazym
      zakłopotano,
      w niebo zerkajonca

      Razym my somy , czy osobno?
      Kaj myśli Twoji w jakij "krainie"
      godom do Cia,nie słyszysz
      daleko żeś je ale nie błondzisz

      Poza światami jakoby
      W mojim sercu zakwitosz samotno
      Wiecznościom Chcesz być splontana.
      Wierzysz w to i Wiysz
      że pszajesz

      Goronc Twoich myśli
      dusza mojo łagodzi,
      Jeżeś wiecznościom mojom
      jondrym mondrości,
      Rozdrożym szczyńścia ,
      Jasnościom umysłu,
      posłańcym pszanio.

      Jeżeś filarym mojich chwil łopyntanio,
      Głośnym wołaniym,
      cichym szeptym,
      Jeżeś echym na moji zawołania.

      malynko...ko.....ko....ko....ko...o..o..

      Budza sie,śnik skończył sie szeptym,
      Świtani sie zbliżo ,juzaś praca
      Wspominom tyn syn wyciszony
      Jest Twojim mie pszaniym.



    • jromantyk Brak Ciebie 13.06.08, 18:25
      Brak Ciebie



      Jeżeś na wyciągniyni rynki

      brakuje mi Ciebie

      ogarnio mie pustka, przygnymbieni

      brak Ciebie

      Mój głos łoblykł Cie sagom

      moji słowo objyło Cie delikatnie,

      Oddych rozwioł Twoji włosy

      Ty chciała żeś mie z takom mocom !

      Była żeś na wyciągniynie rynki

      brakuje mi Ciebie...

      Twoi szeptani zamiyniyło sie w krzyk,

      rozbudzono w swych marzyniach

      rozkwitołaś myślami o mie

      niczym moja róża w Twoij ronczce

      Ty byłażeś na wyciągniycie rynki ?

      brakuje mi Ciebie

      Jesiynne pszani rozkoszom gore,

      a krzyk na moich wargach się czerwieni…

      światłym moich zakochanych żrynic...

      w zamglone lustro Twojigo ciała wołom

      Bydź na wyciongniyni rynki....

      brakuje mi Ciebie... !!!

      Kiejbyś seblykła myśli moji,

      nadziyjom je przykryła…

      abo chyciyła w dłoni świot mój

      do serca przygarnyła, chalała

      Pragnyła być na wyciongnieni rynki...

      brakuje mi Ciebie

      Terozki obojyntność Twoja

      mojigo obłyndu przyczynom

      przyzwyczajyni w zima sie łoblyko

      a pszani moji w śniygu umiyro…

      Ni ma Cie na wyciongniyniy rynki

      brakuje mi Ciebie…

      …umierosz dlo mie ?
    • jromantyk Alo,Alo 13.06.08, 19:23
      ALO, ALO ?

      Chca być przy Ciebie kochano...

      Kiedy łoczy przymykosz synnie.

      Dotykom Cie czule,

      chalom,

      Ty żeś zasnyła już... ?

      Moji usta godajom słowa rozbudzone,

      o pszaniu do uszka szepcom,

      dłoni tulom Twoji serce rozedrgane,

      Czujesz sie spełniono,

      zasypiosz… ?

      Jeżech przy Cia,

      pieszcza Twoji myśli szalone o mie

      Dusza w śniku wirujonco,

      Twoji słowa niewypowiedziane,

      Drgniyńcia Twoich warg widza,

      jakby chcioły godać:

      "dej mi kusku prosza, dej mi

      niych zatraca zmysły niespokojne,

      dej mi kusku namiyńtnie

      niech tchu nom braknie"… ?



      Zerkom w Twoji usta

      jeszcze roz moich kuskow chcońce?

      Powieki leko zduszone marzyniym,

      oddychosz leciutko, spokojnie, śpisz...

      Czy to Twój czy mój syn Jedyno ?

      Zerkom,

      pszaja Ci czy wiysz ?

      Ty bydziesz dlo mnie nocom,

      a jo do Cia świtym

      Jeżeś bezpieczno,

      Jeżeś mojo,

      Oooooo...

      To Ty nie Śpisz

      a jo ?

      alo alo !!!


    • jromantyk Razym 20.06.08, 11:33
      RAZYM



      Płynymy życiym w pełni

      Burzy nieokielznanym strumiyniym

      Rozszalołe żogle wieczności noszej...

      Do Cia,to do mie myśli leconce?



      Powoli wyciszomy- godomy stop!

      Wszystko znikło a my somy

      Jednym na dnie morza

      Jak perła z muszlom srebrzystom



      Karmiymy sie sobom szczynśliwi,

      Upajomy spokojym, somy my

      Doświadczomy swoigo istniynia..

      Wchodzymy głęboko w swe dusze



      Miyszkomy w noszych pragniyniach

      Nosze myśli szalyńczym zawodzyniym

      Zaczynajonc harce wzajymne

      i kto nom przeszkodzi ?



      Żodyn bo.....

      Moji pszani w Tobie gości,

      a Twoji we mie gospodarzym

      została....

      Somy my razym.

      i bydymy na zawsze moja M
    • jromantyk Wybocz 23.06.08, 17:28
      Wybocz mi

      Chocioż tak bardzo Ci pszaja,
      i sercym mojim ześ,
      znoczysz wiyncyj niz som jo,
      musza Cie zostawić.

      Czymu zyci taki łokrutne ,
      przeca pszajymy sie ni?

      Tyś tako szwarno,
      w oczach Twojich,
      łod piyrszego zernkniycio,
      swoji niebo zejrzoł,
      w dotyku i kuskach
      swój raj..
      W Twojim głosie echo
      niebianskigo śpiywu,
      duszy wieli czar,
      pokłosie swoij , maj!!

      Wybocz mi ,
      opuszcza Cie
      byś szczysliwo w zyciu była.
      Zapomnij juz o mie ,
      nie żałuj niczego ,
      jeżeś mojom M,
      zostaniesz niom na zawsze.
      Dlo Cia całko mo poezja,
      dlo mie yno ij łzy.

      Wybocz mi...
Inne wątki na temat:

Popularne wątki

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka