Dodaj do ulubionych

Na Wielkanoc

06.04.07, 12:45
Potrza Ducha nom Świyntego
Potrza siył co z Boga idom
Toż winszuja wszyskim tego
Niychej zowdy z Wami bydom.

--
Ruda Śląska - stolica fraszki
Edytor zaawansowany
  • broneknotgeld 06.04.07, 17:51
    Przi Wielkanocy

    Życie ze śmierciom tako wygrywo
    Dobro z wysoka na zło se dziwo
    Prowda cygaństwu przed łoczy stowo
    Duch materyji nauczka dowo

    Toż se niy dziwcie - radujcie tako
    Niychej se śmieje kto piyrwyj płakoł
    To co przed nami już lepsze bydzie
    Jak ze Ponboczkym we przodek idzie.

    --
    Ruda Śląska - stolica fraszki
  • broneknotgeld 07.04.07, 10:38
    Wiosna do życio natura budzi
    Wielkanoc - ducha we sercach ludzi

    Duch ze naturom tako tańcujom
    Radości mnożom - z dobrym kuplujom.

    --
    Ruda Śląska - stolica fraszki
  • broneknotgeld 07.04.07, 21:57
    Wielkanocny Baranek

    Świynto ofiara Żydow chroniyła
    Krew na ich dźwiyrzach w Egipcie była
    Po to baranka ofiarowali
    Tym se z niyszczyńścio wyratowali

    Krystus-Baranek krew swoja leje
    Jego ofiara łodmiynio dzieje

    Na stole momy przi Wielkanocy
    Niychej duchowi dokłodo mocy!

    --
    Ruda Śląska - stolica fraszki
  • broneknotgeld 08.04.07, 22:52
    "Schmackostern"

    Pokosztować Wielkanicy
    By mieć w życiu wiyncy mocy.
    --

    "Szmaguster"

    Szmary ze ty wierzby astami świyżymi
    Aż bazie furgały - dlo zdrowio - toż wiymy
    Siył to dokłodało łoczyszczało tako
    Czy ze loniym wodom bydzie tyż jednako?
    --

    "Smiyrgust - śmigus"

    Ech - na co wierzba? Trza zimny wody
    Niychej i stary czuje se młody
    Co złe to zmyje - tako łokrasi
    Człowiek zocności swoji niy gasi.
    --

    "Dingnus - dingnis"

    Potrza se wykupić z tego co tref zdarzoł
    Przeca by złe prziszło żodyn niy zamarzoł
    --

    "Dyngus"

    Być kompano w zimny wodzie?!
    -Jak dosz dyng to z tym we zgodzie.
    --

    Śmigus-dyngus

    Ech ta frela kero lono
    Bydzie richtig wiela pszono
    Toż niych dynga niy żałuje
    Chnet dran przidzie - uraduje!

    --
    Ruda Śląska - stolica fraszki

Popularne wątki

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka