Dodaj do ulubionych

Wiosna nasza

17.03.05, 19:21
Możno ze tom wiosnom nowy lipling przidzie
Jak princ jakiś gryfny frelce gibko zdo sie
W siodmym niebie ze niym zarozki tyż bydzie
Czas to przeca taki, że nadzieja mo sie

I przidzie radosne bogate z niym lato
Bydzie tym spełniyniym - rajym co mo trwać
Kunsztym jak natura kero tyż sagato
Zowdy yno po to by łod sia coś dać

Aż w końcu zaklupie do serca wom wrzesiyń
Śmiych z płaczkami jeszcze na poczontku zmiyszo
Czy richtig już tako musi być ta jesiyń?
Czamu coroz czyńści tyn szac nudle wiyszo?

Kurde - dyć pierona już czasym w noc niy ma!
Co skurczybyk muśli? Zaniydbuje mie!
Ano - toć być musi - nastała już zima
Bestoż niy dziwota, że wiosny sie chce.
--
forum.gazeta.pl/forum/71,1.html?f=261
Edytor zaawansowany
  • ciupazka 17.03.05, 20:19
    Śnieg na polach , deszczem siecze
    A poecie w sercu już wiosna kołacze?
  • broneknotgeld 19.03.05, 20:27
    "Dziyń Wagarowicza" chnetko tyż nom przidzie
    Dyć cosik se zdowo że za zimno bydzie
    Po prowdzie to wiela se z tego raduje
    Bo przeca przi tymu mniyj woda szteruje.
    --
    forum.gazeta.pl/forum/71,1.html?f=261
  • broneknotgeld 20.03.05, 21:10
    WIOSNA

    Astronomiczno dzisioj już momy
    Dyć czy na dworze tako poznomy?
    Bo chocioż słonko mocno blyńdziyło
    Cosik za zimno przi tymu było.
    --
    forum.gazeta.pl/forum/71,1.html?f=261
  • broneknotgeld 22.03.05, 23:31
    No toż frelki już we mini
    Jak se pryndko wszysko miyni
    Sie na szpacyr zaroz gnom
    Zdo sie - wiosna w brylach mom.
    --
    forum.gazeta.pl/forum/71,1.html?f=261
  • hepik1 23.03.05, 05:40
    Jak donosi dyżurny Komendy Miejskiej w Rudzie Śląskiej,w okolicach targowiska
    miejkiego w tym mieście ,w późnych godzinach nocnych 22 marca,krążył mężczyzna
    próbując zadzierać mini, i nie tylko mini spódniczki wracającym do domu z
    drugiej zmiany pracownicom jednego z rudzkich zakładów pracy.
    Rysopis mężczyzny:
    wiek ok 46 lat,wzrost średni,włosów brak(znaczy łysy),noszący okulary ,w oczach
    widoczny błysk szaleństwa.Cecha charakterystyczna-w/w osobnik mamrocze pod nosem
    cos na kształt fraszek w gwarze śląskiej.
    Wszyscy,którzy natknęli sie na w/w osobnika ,proszone są o kontakt z KM MO w
    Rudzie Śląskiej lub najbliższym posterunkiem ewentualnie o informacje
    telefoniczna na nr 997.
  • broneknotgeld 24.03.05, 20:45
    Toż niy capnyli jednak karlusa
    Pogratulować ci teroz musza

    Dyć żech niy wiedzioł że wkuwosz fraszki
    Dej pozor i se niy chytej flaszki.
    --
    forum.gazeta.pl/forum/71,1.html?f=261
  • broneknotgeld 01.04.05, 16:22
    Utropa

    Po tym poznać richtig chopa
    Że ze krokym mo utropa
    Jak na wiosna widzi pympek
    Zaś mu w gowie je postympek
    Frelka pympkym chce sie asić
    Jak fojera potym gasić?
    --
    forum.gazeta.pl/forum/71,1.html?f=261
  • broneknotgeld 09.04.05, 18:25
    Papiyż we grobie toż zimno prziszło
    Zdo sie - coś złego jakby tu cisło.
    --
    forum.gazeta.pl/forum/71,1.html?f=261
  • broneknotgeld 10.04.05, 20:38
    Dziynki Ciupazko Ci za krokusy
    Dyć wiosna wszyskich nos w końcu ruszy.
    --
    forum.gazeta.pl/forum/71,1.html?f=261
  • broneknotgeld 11.04.05, 18:27
    Toż wiycie czymu terozki słonko?
    Bo sie rym ślonski we gorze błonkoł
    Ze for go wytli - lecioł wysoko
    Zoglondoł na doł se ku obłokom
    Dyć w końcu trefioł do nog papieża
    Powiycie bajka - dyć jo w to wierza.
    --
    forum.gazeta.pl/forum/71,1.html?f=261
  • broneknotgeld 23.04.05, 22:49
    WIOSNA

    Wiosna! -Jakby nowe życie
    Przeca dobrze ło tym wiycie
    Zowdy cosik w nos sie budzi
    Ciongnie bardzi zaś do ludzi
    Baba z chopym karlus z frelkom
    Cisnom do sia z siyłom wielkom.
    --
    forum.gazeta.pl/forum/71,1.html?f=28940
  • Gość: hatra IP: 5.3.* / *.proxy.aol.com 24.04.05, 17:31
    Obóz Wielkiej Polski


    Polska od zarania dziejów jest Ojczyzna Polaków. My kontynuatorzy
    przedwojennego Obozu Wielkiej Polski w chwili zagrożenia dla naszej Ojczyzny
    jakim stało się uprawianie przez polityków partyjniactwa i dbania o swoje
    prywatne interesy, postanowilismy w nadchodzacych wyborach wystawić własna
    kandydaturę na Prezydenta Rzeczpospolitej Polskiej w osobie Pani Elżbiety
    Gawlas. Działajac w interesie Narodu Polskiego sprzeciwiamy się wszelkim opcjom
    umaczanym w układy okragło stołowe i układy byłych prominentów PZP- rowskich
    działaczy. Pogarszajace się z dnia na dzień losy naszego Narodu zmuszaja nas do
    koniecznosci podjęcia wysiłku w celu ratowania naszej Ojczyzny. Zwracamy się do
    wszystkich organizacji i patriotów, którym dobro naszej Ojczyzny leży głęboko
    na sercu o wsparcie naszych działań i poparcie naszej kandydatki na Prezydenta
    RP.

    Krajowy Sztab Wyborczy OWP Pani Elżbiety Gawlas

    Artur Gawroński

    0602-819-608

    www.obozwielkiejpolski.prv.pl

  • broneknotgeld 25.04.05, 21:52
    Nacjonalistyczno watra
    Dyć tu wiosna momy - hatra
    Chcom Ślonzokom fundnońć zima
    Na to zgody zdo sie ni ma.
    --
    forum.gazeta.pl/forum/71,1.html?f=28940
  • broneknotgeld 01.05.05, 19:53
    Maj mo pszonie durś we gowie
    Kożdo frelka nom to powie
    Tyż durś ło tym karlus myśli
    W nocy sie to czasym prziśni
    Tela mocy jest we maju
    Że sie ludzie wiyncyj pszajom.

    --
    forum.gazeta.pl/forum/71,1.html?f=28940
  • broneknotgeld 01.05.05, 19:54
    Na głowie w maju już wyros włos
    Bestoż tyż tukej zabiyrom głos
    Blyszczy sie jedyn włosek na glacy
    Zaroz to widać jakoś inaczy
    Jużech pokozoł go nawet frelkom
    Z jednego włosa radość mom wielkom.
    --
    forum.gazeta.pl/forum/71,1.html?f=28940
  • broneknotgeld 01.05.05, 19:55
    Momy teroz piykny maj
    To jest przeca bykow raj
    Znak zodiaku to majowy
    Rym sie bykom pcho do gowy.

    --
    forum.gazeta.pl/forum/71,1.html?f=28940
  • broneknotgeld 01.05.05, 19:57
    Kto durś maj we gowie mo
    Niych tu jakeś rymy do
    Pryndko lecom te miesionce
    Zaś majowe bydzie słońce.
    --
    forum.gazeta.pl/forum/71,1.html?f=28940
  • broneknotgeld 01.05.05, 19:58
    Jak w maju frela szaleje
    W lipcu niy zowdy sie śmieje
    Żołondek czynsto sztrajkuje
    Już łona wiy - już to czuje.

    --
    forum.gazeta.pl/forum/71,1.html?f=28940
  • broneknotgeld 01.05.05, 19:59
    We wrześniu

    Zowdy we wrześniu ślubow jest mocka
    Godajom - "Winno majowo nocka".

    --
    forum.gazeta.pl/forum/71,1.html?f=28940
  • broneknotgeld 01.05.05, 19:59
    W maju te pszonie bije do gowy
    Pryndziuchno potym miesionc miodowy
    Po niym terozki ślub jest dopiyro
    No i ta para już sie dociyro.
    --
    forum.gazeta.pl/forum/71,1.html?f=28940
  • broneknotgeld 01.05.05, 20:00
    A jakby tak z kwiotka na kwiotek
    Nastympne dwadziścia lotek
    - No niychby yno we maju
    W piekle byda czy w raju?

    --
    forum.gazeta.pl/forum/71,1.html?f=28940
  • broneknotgeld 02.05.05, 07:27
    2 maja

    Dzisioj już z samego rana
    Swoje świynto mo ta fana
    Niy czerwono - prosza Byka
    Niy trza zaroz tako brykać.
    --
    forum.gazeta.pl/forum/71,1.html?f=28940
  • bartoszcze 02.05.05, 20:01
    Piyknie szkryflosz, doprawdy piyknie
    lecz na Katowicach - cheba juz styknie
    Mosz teroz przeca blank swoje forum
    i tam se szkryflaj - az do oporu.

    --
    Veni, vidi, delevi.
    O moderowaniu Forum Katowice
    Zmiany na Forum Katowice
  • broneknotgeld 02.05.05, 21:54
    We Katowicach wiosny Ci styknie?
    Karlusie - zdo sie cołkym niypiyknie
    Doczkej aż przidzie we czyrwcu lato
    Tela Ci yno szkryfna jo na to.
    --
    forum.gazeta.pl/forum/71,1.html?f=28940
  • ciupazka 03.05.05, 14:39
    Piykne frasecki niek z wiesnom jadom w Polske,
    A kie Bronek skowronek śpiywo, raduje sie nom serce.

    Frelki inacyj to cujom, a karlusy im załujom? Hehe...
  • broneknotgeld 03.05.05, 16:16
    Czamu Ci fraszki wiosynne wadzom?
    Sie w Katowicach niy poparadzom?
    Czowiek tu wiosny niy mo we duszy
    Trza do Zakopca możno im ruszyć.
    --
    forum.gazeta.pl/forum/71,1.html?f=28940
  • broneknotgeld 03.05.05, 16:19
    Ciupazko - fraszkom niych wiosna dycho
    Roz trocha głośni - roz jakby cicho
    Ze niom sie pszonie w naturze budzi
    Ło tym wiy kożdy ze dobrych ludzi.
    --
    forum.gazeta.pl/forum/71,1.html?f=28940
  • broneknotgeld 05.05.05, 23:05
    Wiosna

    Już wiym że teroz momy zaś wiosna
    Przeca mi jakoś chyntka urosła
    Yno że u mie za wielko chyntka
    Zawsze sie w końcu zamiynio w yntka.
    --
    forum.gazeta.pl/forum/71,1.html?f=28940
  • Gość: olus IP: *.neoplus.adsl.tpnet.pl 06.05.05, 17:47
    Dwa piwa sie szczela
    i zaś mom niedziela
  • broneknotgeld 09.05.05, 21:39
    Wiosna zdo sie cosik broji
    Wiatrym no i dyszczym łoji
    Słonko dyć i dzisioj było
    Wszysko w jedno se "stopiyło".

    --
    forum.gazeta.pl/forum/71,1.html?f=28940
  • Gość: nieznajoma IP: *.neoplus.adsl.tpnet.pl 12.05.05, 10:18
    wiersz jest super szkoda, ze wiosny jakos nie widac
  • Gość: NeTi IP: *.neoplus.adsl.tpnet.pl 12.05.05, 12:05
    Bardzo wzruszający wiersz, a tym bardziej dlatego, że pisany w
    mojaj "ojczystej" śląskiej mowie...
  • broneknotgeld 20.05.05, 08:22
    Wiosna mie nad Bałtyk ściongła
    We koszynie trowy wprzongła
    We sadzynie kwiotkow nawet
    Ano wiosna - jest we prawie.

    --
    forum.gazeta.pl/forum/71,1.html?f=28940

Popularne wątki

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka