Dodaj do ulubionych

Papiyżowi

02.04.05, 21:01
Papiyżowi

Kedy se Twoja Golgota skończy
Ponboczek Cie już zawoło
Możno i Polska w "światłość" sie włonczy
Toż pogodniejsze mom czoło

Duch Twoj durś przeca z nami łostanie
By ciyngym w utropie wspiyrać
Czy usłyszymy jego wołanie?
Czy nań bydymy spoziyrać?
...
--
forum.gazeta.pl/forum/71,1.html?f=261
Edytor zaawansowany
  • broneknotgeld 02.04.05, 22:49
    Już żeś z Łojcym Bogym
    Łotwar Pyjter wrota
    Dobrze mosz za progym
    Bo wiodła Cie cnota

    Pasoł żeś baranki
    Tako jako umioł
    Dnie noce poranki
    Zdo sie - świat zrozumioł.
    //
    --
    forum.gazeta.pl/forum/71,1.html?f=261
  • broneknotgeld 03.04.05, 11:01
    iycie to - pomarł poeta
    Toż rymym ślintać se godzi
    Łostatni jo wierszokleta
    Dyć dusza durś płaczka rodzi

    I gańbić se tym niy byda
    Ni tropić zaś nożyczkami
    Chca - bestoż tukej z niom ida
    Wybeczeć tymi rymami

    Mie niy trza kiru żałoby
    Chorongwi tysiyncy mszy
    Bele to szkryfnońć tu szło by
    Papiyż z Ponboczkym - Łon wiy

    Coby se tropić - niy pedzioł
    Spokojnie poszoł do Boga
    Dyć wiyncy łod nos już wiedzioł
    Za to dać gowa tyż moga

    Rym niychej świyczkom jest życia
    Ło kerym szkryfloł do końca
    Choć niyporadnie go klyca
    Zdo mi sie - ździybko w niym słońca.

    --
    forum.gazeta.pl/forum/71,1.html?f=261
  • broneknotgeld 03.04.05, 16:07
    Boże Miłosierny
    Skończoł żeś Mu mynka
    Nojpiyrszy z nos wierny
    Już we Twojich rynkach

    Bestoż - Alleluja!
    Rymym Cie pochwola
    W żolu radość czuja
    Niych jest wola Twoja.
    ,,,
    --
    forum.gazeta.pl/forum/71,1.html?f=261

Popularne wątki

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka