+ Daria Gadzińska +

02.02.06, 16:53
Daria Gadzińska
Bytom

Czamu zły tref tak czasami kleci?
Toż skarb zabiyro - wypszone dzieci
Dziewiyńć lot frelka dyć tako wiycie
Mogła szczyńśliwe mieć cołke życie

Ledwo feryje sie nom zaczyły
A jom gołymbie pod krzidła wziyły
I wyfurgnyły richtig wysoko
Płaczka mi ciyngym do łoka skoko.
    • broneknotgeld Re: + Daria Gadzińska + 02.02.06, 16:55
      Gołomb

      Gołomb znakym jest pokoju
      Tako łonym i Duch Świynty
      Mom se tropić fraszkom mojom
      W kery słabość "ludzki piynty"?

      Lepi być ze gołymbiami
      Gowa w gora durś mi skoko
      Łone życio aniołami
      Niych furgajom se wysoko

      Dyć je widać nad Chorzowym
      Trza ze duszy swoji paczeć
      Tela dzisioj yno powiym
      Wrona coś zowistnie kracze

      Skond straszydło se tu wziyło?
      Dziub mo jak łod śmiertki kosa
      Ano jest jako i było
      Choć gołymbia w sercu nosza.
      • broneknotgeld Re: + Daria Gadzińska + 04.02.06, 11:40
        Żol gołymbi - żol straconych
        Trza mi wspomnieć tako łonych
        To tyż przeca może wzruszać
        Jest "gołymbiom" naszo dusza.
    • broneknotgeld Re: + Daria Gadzińska + 24.01.07, 21:59
      Ech - rocznica drapko idzie
      Pamiyńć w ludziach długo bydzie.
      • vainess Re: + Daria Gadzińska + 26.01.07, 09:42
        Przepiekne,wzruszajace i poruszajace....
Pełna wersja