Dodaj do ulubionych

Festiwal Łorkestrow Dyntych im. E.Czernego

31.08.06, 20:03
Z paradynmarszym musztra pokoże
Łorkestra kerom Bytom se asi
forum.gazeta.pl/forum/72,2.html?f=120&w=46451798&v=2&s=0
Toż im powiydzcie chocioż - Szczyńść Boże
Te policaje to przeca wasi.
Obserwuj wątek
    • broneknotgeld Re: Festiwal Łorkestrow Dyntych im. E.Czernego 03.09.06, 17:54
      11.06.1917 Zabrze (Hindenburg)

      Ano se w Zabrzu Czerny urodzioł
      Eberhard - take mioł miano
      Tu po ańfartach i placach chodzioł
      -Wspomniołch se ło tym jo rano.
      • broneknotgeld Re: Festiwal Łorkestrow Dyntych im. E.Czernego 06.09.06, 21:55
        Ech, dopiyro wczoraj prziuważołch na Zabrzu plakat ze ty imprezy.
        Toż szkryfli tam, co wystompi bytomsko łorkestra wojskowo.
        Wyboczcie mi tyn feler - wiedziołch, że kajsik dzwoni, yno niy wiedziołch we
        kerym kościele.
        • broneknotgeld Re: Festiwal Łorkestrow Dyntych im. E.Czernego 06.09.06, 21:55
          Łorkestra Garnizonu Siył Powietrznych z Bytomia

          Pod batutom kapitana!
          -Durś Kowalski mynczy z rana
          By parada w Zabrzu wyszła
          Do Czernego jakby prziszła.
          • broneknotgeld Re: Festiwal Łorkestrow Dyntych im. E.Czernego 07.09.06, 10:09
            Z paradynmarszym

            Frelkom se cycki aże dźwigajom
            Tako karlusow fest podziwiajom
            Czy na fujarze, czy na klarnecie
            Dyć popiskała by kożdo przecie.
            • broneknotgeld Re: Festiwal Łorkestrow Dyntych im. E.Czernego 07.09.06, 18:51
              Przi łorkestrantach już tako bywo
              Dyć mie to richtig wcale niy dziwo.
    • broneknotgeld Re: Festiwal Łorkestrow Dyntych im. E.Czernego 08.09.06, 18:06
      Tyjater Nowy - Zabrze 10.IX.2006 godz.16.15-16.45

      Łorkestra Gorniczo Piekary Ślonske

      Ano - Majchrzyk dyryguje
      Se piekarsko rynka czuje
      We łopiece Matki Boski
      I z muzykom - toż bez troski.
      • broneknotgeld Re: Festiwal Łorkestrow Dyntych im. E.Czernego 08.09.06, 18:07
        Tyjater Nowy 10.IX.2006 godz.16.55-17.25

        Łorkestra Gorniczo Bobrek-Cyntrum ruch Cyntrum

        Toż Barwiński koncert do
        Bytom go ze tego zno
        Aże blacha se zapoci
        Tako bydzie moji złoci.
        • broneknotgeld Re: Festiwal Łorkestrow Dyntych im. E.Czernego 08.09.06, 18:12
          Tyjater Nowy - Zabrze 10.IX.2006 godz. 17.35-18.05

          Łorkestra Gorniczo Sośnica-Makoszowy ruch Sośnica

          Ze ferajny Podolskiego
          Zowdy idzie coś zocnego
          Kunsztym tako istni blysnom
          Z insztrumyntow zoft wycisnom.
          • broneknotgeld Re: Festiwal Łorkestrow Dyntych im. E.Czernego 08.09.06, 18:23
            Tyjater Nowy - Zabrze 10.IX.2006 godz. 18.15-18.45

            Łorkestra Gorniczo Bolesław Śmiały

            Fojcik jako "Bolek Śmiały"
            Aże mu sie blyszczom gały
            Trza nom przirychtować uszy
            Ze muzykom we nie ruszy.
            • broneknotgeld Re: Festiwal Łorkestrow Dyntych im. E.Czernego 08.09.06, 18:26
              Tyjater Nowy - Zabrze 10.IX.2006 godz. 18.55-19.25

              Łorkestra Gorniczo Bobrek-Cyntrum ruch Bobrek

              Słodczyk richtig wiela słodzi?
              Dyć łorkestrze to niy szkodzi
              Kunszt swoj cołki nom pokoże
              Łorkestranty - Szczyńść Wom Boże.
              • broneknotgeld Re: Festiwal Łorkestrow Dyntych im. E.Czernego 08.09.06, 18:31
                Tyjater Nowy - Zabrze 10.IX.2006 godz.19.35-20.30

                Łorkestra Gorniczo Sośnica-Makoszowy ruch Makoszowy

                Mandrysz z końcym wszyskich ruszy
                Łon u siebie tako wzruszy
                I zabawi i zodziwi
                Toż bydziecie z tym szczyńśliwi.
    • broneknotgeld Re: Festiwal Łorkestrow Dyntych im. E.Czernego 09.09.06, 08:39
      Miołch somsioda łorkestranta
      Swoji trombce richtig pszoł
      Toż niy zdziwi fraszka sam ta
      I że rym jyj chycić chcioł

      Somsiod był utropom dlo mnie
      Co noc pora razy groł
      Ślubno kochoł niyprzitomnie
      Co sztelong - insztrumynt broł

      Ech - rachować se niy chciało
      Toż mie mynczoł cudzy fioł
      We niym życie aż huczało
      A joch ciyngym mało społ

      Szczyńściym bajtla zmajstrowali
      Ponoć istny tego chcioł
      W nocu spokoj tako dali
      Cicho jakby makym sioł.
      • broneknotgeld Re: Festiwal Łorkestrow Dyntych im. E.Czernego 10.09.06, 14:21
        Zabrzański Szczurołap

        Szczurołap fujara mioł
        Dyć z łorkestrom durś grać chcioł
        Tako stado wytresowoł
        Ponoć dzisioj koncert dowo!
        • broneknotgeld Re: Festiwal Łorkestrow Dyntych im. E.Czernego 10.09.06, 14:29
          10.09.2006 godz.15.00 - Zabrze

          Sztrasami pomaszyrujom
          Zabrze blyśnie z tym muzykom
          Kunsztym se tu delektujom
          Za to słonko jo porzykom.
          • broneknotgeld Re: Festiwal Łorkestrow Dyntych im. E.Czernego 10.09.06, 14:30
            10.09.2006 godz.16.00 - Zabrze

            Przed Tyjatrym Nowym tyn koncert łotworzom
            Latoś po roz drugi już se na to wożom.
    • broneknotgeld Re: Festiwal Łorkestrow Dyntych im. E.Czernego 10.09.06, 22:28
      Kto tam niy był niych żałuje
      I na bezrok już poprawi
      Czerny tymu patronuje
      Se zabrzanin zocnie jawi.
Inne wątki na temat:

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka