Konkurs "Po naszymu"

02.10.03, 22:43
Szkryflom jo czasym rym taki ślonski
I choć za piyknie niy umia godać
Wpod żech na pomysł - cołkym niywonski
By do konkursu wom tyż go dodać.
    • broneknotgeld Re: Konkurs 'Po naszymu' 02.10.03, 22:45
      Taki jest poczontek moj
      Jake fraszki jednak pedzieć?
      W gowie mi sie przegrzoł zwoj
      A trza pryndko mi to wiedzieć.
      • broneknotgeld Re: Konkurs 'Po naszymu' 06.10.03, 22:45
        Chcioł żech to wiedzieć
        Co mom tam pedzieć
        Dyć nikt mi tu niy poradzioł
        Niy pomog żodyn
        Do tyj przigody
        Boehmego jo żech som wsadzioł.

    • broneknotgeld Re: Konkurs 'Po naszymu' 06.10.03, 22:49
      Jakub Boehme

      Na misa cynowo z szewca ławy blikoł
      Po cichu do Boga możno przi tym rzykoł
      Miska z jedny strony nojpiyrw mu blyszczała
      A potym ze inkszy światło łodbijała

      Już wiy! - Już łobudzioł sie we niym Bog-czowiek
      W kerym zło i dobro jakby po połowie
      Może w tym przebiyrać - zoglondać we siebie
      Łod niego zależy - w piekle jest czy w niebie

      Wyloz ze swyj izbi - stanoł se na progu
      I poczuł że jakby sie topioł we Bogu
      Łogyń w niym buzuje a woda go gasi
      Dusza sie do świata tym sposobym łasi

      Świat Bogym jest przeca - a łon z tego świata
      Łod sia trza Mu za to dać dobro zapłata
      Być durś blisko Niego pociongnońć tyż inkszych
      By Duch Świynty w ludziach stoł sie jeszcze wiynkszy

      Dyć łostawioł szydło - piora prziszła pora
      Natchniony napisoł ta bosko "Aurora"
      Kero luterany pryndko potympiyli
      Choć inksi do serca naprowdy sie wziyli

      Już prawie przeklynty - z wyroku niymowa
      We niebie swyj duszy wypszone kłod słowa
      Na wieki nastympne sie łone wyryły
      Wszachwieczny mu we tym dodowoł tyż siyły

      Choć szewc pomarł w końcu - prochym jego ciało
      Żyło i żyć bydzie co po niym łostało
      Bo mocno już siedzi to we naszych duszach
      Te słowo czowieka zowdy bydzie wzruszać

      Za Jakubym Boehme ku światłu idymy
      Choć ło niym niy wszyscy możno cosik wiymy
      Bestoż joch sie szkryflać te rymy łodważoł
      Ło ślonskim mistyku trocha tyż pomarzoł.

    • broneknotgeld Re: Konkurs 'Po naszymu' 06.10.03, 22:51
      Dyć przesłuchanie coś mi niy wyszło
      Spaścioł żech sprawa troszeczka
      Pomylołch rymy i szczyńście prysło
      - Wysoko stawiołch poprzeczka.
    • broneknotgeld Re: Konkurs 'Po naszymu' 07.10.03, 07:27
      Nic z aktora wy mie niy ma
      A do tego mynczy tryma.
    • broneknotgeld Re: Konkurs 'Po naszymu' 14.10.03, 19:56
      Momy w połfinale tam z Rudy karlusa
      Norbertowi Klosie winszuje mo dusza.
    • broneknotgeld Re: Konkurs 'Po naszymu' 26.10.03, 14:20
      NORBERT KLOSA - czimać kciuki
      By niy dali mu tam cmuki.
      • broneknotgeld Re: Konkurs 'Po naszymu' 13.09.04, 17:21
        Zaś "zaciong" robiom - toż Norbet pódzie
        Łon w tym nojpiyrszy we naszy Rudzie.
        • broneknotgeld Re: Konkurs 'Po naszymu' 13.10.04, 17:48
          Coś mioł pecha moj kolega
          Łodpod jakby już w "przedbiegach"
          Dyć mioł godka "ło Europie"
          Jury sie we gowa dropie
          I umywo zaroz rynce
          Ło Europie? W naszy "mynce"?
          • broneknotgeld Re: Konkurs 'Po naszymu' 13.10.04, 19:44
            Prowda wom szkryfna - niy jakeś wice
            Jeszcze sie "bijom" tam Kochłowice.
            • broneknotgeld Re: Konkurs 'Po naszymu' 14.10.04, 16:32
              Aniela Stanisławska z Kochłowic

              Ponoć rudzko frela łostro se poczyno
              Tako pewno łona czy nadrobio minom?
              • broneknotgeld Re: Konkurs 'Po naszymu' 15.10.04, 21:33
                Drugo nagroda - kino domowe

                Ruda Ślonsko funduje ta drugo nagroda
                Czeba tukej ło tym tyż se głośno godać.
                • broneknotgeld Re: Konkurs 'Po naszymu' 22.10.04, 07:56
                  Blisko coroz bliży
                  Niych wontek jest wyży.
                  • broneknotgeld Re: Konkurs 'Po naszymu' 22.10.04, 22:13
                    II nagroda

                    Drugo nagroda łostanie w Rudzie?
                    Możno tyż tako ze tym se pódzie
                    Vice-Ślonzoka już my roz mieli
                    Teroz te vice wleci Anieli?
                    • broneknotgeld Re: Konkurs 'Po naszymu' 24.10.04, 08:40
                      Finał

                      Kurde - to dzisioj sie już dowiymy
                      Bestoż zaś tukej kłada se rymy.
                      • broneknotgeld Re: Konkurs 'Po naszymu' 24.10.04, 14:11
                        Richtig piykno godka mo ta naszo frela
                        Ło grubie i wonglu prawiyła dość wiela
                        Dyć czy to wystyknie - dzisioj se dowiymy
                        Paluchy we gorści za nia tyż czimiymy.
                        • broneknotgeld Re: Konkurs 'Po naszymu' 24.10.04, 19:39
                          Chocioż na wonglu jak Ruda siadła
                          Dyć coś żech słyszoł że już łodpadła
                          Co jo tu moga terozki godać
                          Szkrefna se yno - richtig jest szkoda.
                          • broneknotgeld Re: Konkurs 'Po naszymu' 26.10.04, 16:48
                            Latoś w finale tam same baby
                            Za rok jednego chopa choć trza by.
                            • broneknotgeld Re: Konkurs 'Po naszymu' 26.10.04, 16:52
                              1 "Ślonzoczka roku 2004" - Edyta Koj z Rzędowic
                              2. vice-Ślonzoczka - Otylia Rusek z Szerokiej
                              3. vice-Ślonzoczka - Zofia Trzeliorz z Osiny

                              "Honorowom Ślonzoczkom Roku" została Maria Pańczyk.

                              Gratuluja.
                              • broneknotgeld Re: Konkurs 'Po naszymu' 29.10.04, 18:11
                                rudaslaska.naszemiasto.pl/kultura/413819.html
    • broneknotgeld Re: Konkurs "Po naszymu" 03.09.05, 11:05
      No co jest?
      Przeca zdo sie już tradycyjnie, my -rudzianie, funujymy głowno nagroda we tym
      konkursie, a jakosik se ło tym tukej prawie nic niy szkryflo.
      • broneknotgeld Brawo Norbert i pani Aniela! 09.10.05, 17:06
        Toż jako i łońskego roku zaś momy we połfinale rudzian.
        Trza nom czimać za nich kciuki i winszować finału.
    • rudy107 Re: Konkurs "Po naszymu" 10.10.05, 13:27
      no fakt: gratulacje! Ale przydałoby się trochę szczegółów: jaką mieli
      konkurencję, ilu wygrało, jakie godki wstawiali. Dwóch rudzian to chyba dobry
      powód żeby zainteresować się konkursem. Bronek - bądź trocha pożyteczny i
      napisz coś prozą.
      • broneknotgeld Re: Konkurs "Po naszymu" 10.10.05, 16:50
        "Pożyteczny" - tako prawisz
        Toż se jakby wrogym jawisz.
    • broneknotgeld Re: Konkurs "Po naszymu" 15.10.05, 14:01
      "Hasiosznupelka" Norberta Klosy

      Tako mianować szoby ta godka
      Co usłyszała ślonsko czelodka.
      • broneknotgeld Re: Konkurs "Po naszymu" 22.02.06, 21:39
        Tak se terozki myśla, co i w tym wontku mom kandydatow do
        wyrożniynio "Nagrodzony Notgeldym Ślonskim".
    • broneknotgeld Re: Konkurs "Po naszymu" 22.08.06, 22:26
      Radjo Katowice zaś terozki głosi
      No i do udziału Ślonzokow w tym prosi.
    • broneknotgeld Re: Konkurs "Po naszymu" 08.10.06, 23:26
      Trza za rudzian kciuki trzimać
      Dyć ich niy zjy wcale tryma
      W połfinale som już przeca
      Toż za niymi rymym leca.
      • broneknotgeld Re: Konkurs "Po naszymu" 21.10.06, 22:29
        Ktoś bydzie z Rudy teroz w finale?
        Jo bych niy gniywoł se ło to wcale!
        • broneknotgeld Re: Konkurs "Po naszymu" 22.10.06, 15:43
          Na Norberta czy Aniela
          Bych postawioł richtig wiela.
          • lernest Re: Konkurs ? 22.10.06, 16:00
            ale którego Norberta masz na myśli?
            Bo ja kilku znam w tym dyrektora od prania!
            A Aniela? No to po twojemu Bronek:
            Aniela ma srogo sztela!
            • broneknotgeld Re: Konkurs ? 22.10.06, 20:59
              Ech - rudzianie niy wygrali
              Dyć durś godce bydom pszali!
            • broneknotgeld Re: Konkurs ? 22.10.06, 21:06
              Kerego Norberta?

              Tego co tyż rajcom był
              Chcioł stadionu z cołkych siył
              Wspiyroł modych we ty Rudzie
              Godoł - "Fyrma tam niy pódzie"

              Niy wygrali - co sie stało?
              Szportu wiela czy za mało?
              A niyjedyn "kamrat-rajca"
              Nań rychtowoł zgniyłe jajca

              Ano było - przeszło wszysko
              Dzisioj inksze dziwowisko
              Rynce zaś mu podowajom
              Faryzejsko możno pszajom.
    • broneknotgeld Re: Konkurs "Po naszymu" 08.09.07, 18:09
      Posłuchecie jako prawi
      forum.gazeta.pl/forum/72,2.html?f=34281&w=68619191&v=2&s=0
      Ślonsko godka se wom jawi.
    • broneknotgeld Re: Konkurs "Po naszymu" 07.09.08, 22:51
      Dyć idzie prawie edycjo nowo
      Wiela rudzianow w konkursie stowo?
    • broneknotgeld Re: Konkurs "Po naszymu" 24.10.08, 08:36
      No toż trzimcie we sobota kciuki za naszych połfinalistow.
      Łońskego roku było gryfnie, możno i latoś tako trefi.
      • broneknotgeld Re: Konkurs "Po naszymu" 27.10.08, 17:57
        Jo pija zdrowie Vice-Ślonzoka
        Jon z naszy Rudy - niy łazi w zokach!
    • broneknotgeld Re: Konkurs "Po naszymu" 12.10.09, 22:45


      Z Rudy jest ktoś w połfinale
      Czy rudziokow niy ma wcale?
      • konstantyk Re: Konkurs "Po naszymu" 13.10.09, 20:27
        Broneczku! Znow korespondujesz tylko sam ze soba. Bardzo mi Cie żal.
        Zawsze Twa
      • konstantyk Re: Konkurs "Po naszymu" 13.10.09, 20:31
        Bronku! a kaj je jakis regulamin. jak Ty porafisz tak gryfnie
        rymowąc, to moze i ja sie łodważa. Gadajom co babska literatura je w
        sile, a wszędy mo byc parytet. Patrzaj tam jako, bo jak docie znów
        nagrody ino chopom to Wos zaskarza do Unii Europejskiej za łamanie
        zasady równosci szans i za feminizm. Traktat lizboński czytałes. Bo
        ja tak! naprawdę! Mordki!
      • broneknotgeld Re: Konkurs "Po naszymu" 24.10.09, 20:29

        Chnet niydziela przidzie
        Jutro finał bydzie!
    • broneknotgeld Re: Konkurs "Po naszymu" 09.10.10, 19:48
      Mono latoś ktoś ze Rudy
      Zaś tam wygro bez łostudy.
Inne wątki na temat:
Pełna wersja