Ło tym co niy tak downo i teroz w Polsce

    • broneknotgeld Re: Ło tym co niy tak downo i teroz w Polsce 04.01.04, 19:43
      To ci wozyk

      Jechoł Miller na Buzka
      A teroz jak ciongnie?
      Kedy z tego wozka
      Ktosik go wyprzongnie?
    • broneknotgeld Re: Ło tym co niy tak downo i teroz w Polsce 04.01.04, 19:44
      Miller

      Już go richtig nic niy niesie
      Sprzontanie po AWS-ie
      Jego gwiozdka leci w doł
      Miller? - Politykym chyba boł.

      Łobiycywoł piykno sztela
      Ale pryndko napsuł tela
      Że pamiyntać go niy chcymy
      Jego rzondym sie wstydzymy.
    • broneknotgeld Re: Ło tym co niy tak downo i teroz w Polsce 04.01.04, 19:46
      Take gruchy

      Urosło ich przi nich tela
      Że sie zliczyć niy łośniela
      Piyknie - yno do cholery
      Jejich gruszki to afery.
    • broneknotgeld Re: Ło tym co niy tak downo i teroz w Polsce 04.01.04, 19:47
      Obiycanki

      Obiycanka Leszka
      Jak na gowie weszka
      Krwi sie jusz napiyła
      We niyj jeji siyła

      Choć sie czowiek dropie
      Przi taki urtopie
      Niy mo łona biydy
      Dyć som jeszcze gnidy.
    • broneknotgeld Re: Ło tym co niy tak downo i teroz w Polsce 04.01.04, 19:48
      Koniec

      Bydymy widzieć czy chop jest z niego
      Jak skończy ze tym co dzisioj jego.
    • broneknotgeld Re: Ło tym co niy tak downo i teroz w Polsce 04.01.04, 19:50
      Polske zboże

      Państwo we zbożu sie umoczyło
      Bo choć być miało - to go niy było
      Szachrajstwa przi tym zaś było kupa
      Co z tego wyszło? - Dyć goło dupa.
    • Gość: Wanna idzie do PO Bronek, co Ty na to? IP: *.biaman.pl 04.01.04, 19:52

      Józef Osmenda, były SLD-owski wiceprezydent Rudy Śląskiej, a do 1990 r. członek
      PZPR, został członkiem klubu radnych Platformy Obywatelskiej w swoim mieście
      - Platforma jest młoda, więc wolna od różnych klik. Kiedy jednak zauważę, że
      się psuje, to też się z nią pożegnam. Wiem, że nie mogę skakać z partii do
      partii. Nie jestem też naiwny i wiem, że sam nie zrobię zbyt wiele. Najwyżej
      założę własne ugrupowanie.
      • broneknotgeld Re: Bronek, co Ty na to? 04.01.04, 22:50
        Jo żech wyloz a łon wloz
        Minyli my sie ło nos.
        • broneknotgeld Re: Bronek, co Ty na to? 04.01.04, 22:53
          W rudzki PO - dziwny szteli
          Kajś majom obywateli.
          • broneknotgeld Re: Bronek, co Ty na to? 04.01.04, 22:56
            Po prowdzie to jest "kanapa"
            Szkoda czasu na atrapa.
            • broneknotgeld Re: Bronek, co Ty na to? 04.01.04, 22:58
              Take zdanie ło tym mom
              Bo jo rudzko PO znom.
              • Gość: WD Re: Bronek, co Ty na to? IP: *.biaman.pl 04.01.04, 23:02
                OK, dzięki :)
                • broneknotgeld Re: Bronek, co Ty na to? 04.01.04, 23:05
                  forum.gazeta.pl/forum/72,2.html?f=261&w=9572267
                  • broneknotgeld Re: Bronek, co Ty na to? 04.01.04, 23:07
                    "Łobiycanki cacanki a gupiymu radość"
                    Cedza na to wszysko i mom z tego radość
                    Tak by szło nom sztartnońć we "obywatelskość"
                    I z czasym pokozać że w małych jest wielkość.


                    Wyboczcie że sie dubluja
                    Dyć jednak tukej to wsuja.
    • broneknotgeld Re: Ło tym co niy tak downo i teroz w Polsce 04.01.04, 19:52
      Polsko - Niymiecke Pojednanie

      Bogacom sie tam na cudzy mynce
      Podobno czyste som jejich rynce
      We tyj fundacji durś źle sie dzioło
      A Zarzond huloł chyba wesoło

      Piniondz ze Niymiec leserow żywi
      Bo tukej nos już wcale niy dziwi
      Że sie w fundacji nachapać idzie
      We dupie majom tych wszyskich w biydzie.
      • broneknotgeld Re: Ło tym co niy tak downo i teroz w Polsce 04.01.04, 23:11
        "Oriynt Express"

        "Oriynt Express" towarowy
        Mynczy trocha nasze gowy
        Ze Sławkowa zrobić szłoby
        Gyszeft europejski doby

        Cug przez Azjo na tym torze
        Wiela Polsce tyż pomoże
        Yno jak to rzduchnońć dali?
        TIRym drogi sie rozwali

        Jo bych kanał tam pociongnoł
        I Odra tyż we to wprzonoł
        Barki zaś by nom ruszyły
        Po niyj przeca już płynyły.
    • broneknotgeld Re: Ło tym co niy tak downo i teroz w Polsce 04.01.04, 23:12
      Inkszy lew

      Rywin jest już starym Lwym
      Dlo tych mediow - jo to wiym
      Ciongnie sie to coś przidugo
      A już inksze "lwiontko" mrugo

      Wieczerzak to tyż figura
      Kaj końce jego kostura?
      Nogi czynsom sie nikerym
      Kogo wsypie? - Do cholery!
    • broneknotgeld Re: Ło tym co niy tak downo i teroz w Polsce 04.01.04, 23:13
      Narodowy Fundusz Zdrowia

      Choć służba zdrowio robi bokami
      I czynsto mynczom nos aferami
      Gaże chce dzwignońć siebie cyntrala
      Kto tam zahaczoł to był mondrala.
    • broneknotgeld Re: Ło tym co niy tak downo i teroz w Polsce 04.01.04, 23:14
      Już go niy ma

      Już Kołodki w rzońdzie niy ma
      Jest zamkniynty jego tymat
      Niy pomnożoł łon nom chleba
      Prowda ło tym pedzieć czeba
      Zas do zadku momy rok
      Kaj pódzie nastympny krok?
    • broneknotgeld Re: Ło tym co niy tak downo i teroz w Polsce 04.01.04, 23:15
      Ze parlamyntu

      Głosujom te wotum w piontek czinostego
      Pech bydzie dlo Polski czy dlo rzondu jego?
    • broneknotgeld Re: Ło tym co niy tak downo i teroz w Polsce 04.01.04, 23:16
      Chcom go

      Chcom posły tego Millera
      Chocioż mie biere cholera
      Gruszka na wierzbie w nim widza
      I za tyn rzond już sie wstydza.
      • Gość: Informator Posly - barany gorsze od Milera IP: *.ipowerweb.com 05.01.04, 22:32
        Niech te posly wezmie cholera
        Jeden w drugiego zlodziej lub idiota
        Do.. niepodobny ropuch rodem z blota
    • broneknotgeld Re: Ło tym co niy tak downo i teroz w Polsce 04.01.04, 23:17
      Rokita

      Choć śladow niy mo na glacy
      Rokita łoczami paczy
      Dyć tako z niego cholera
      Że sie niy boji Millera.
    • broneknotgeld Re: Ło tym co niy tak downo i teroz w Polsce 04.01.04, 23:18
      ZUS

      Ponoć emerytow skiż Bismarcka znomy
      Bestoż z ZUSym czynsto tu na piyńku momy
      Tyn systym łod downa zresztom już kuleje
      A "żelazny kanclerz" z zaświatow sie śmieje.
    • broneknotgeld Re: Ło tym co niy tak downo i teroz w Polsce 04.01.04, 23:19
      Jednak we tym ZUSie piniyndzy brakuje
      Bestoż ze budżetu dzisioj sie tam suje
      Wszysko w nim do kitu to yno tu powiym
      Dyć nawet niy wiedzom kedy bydzie zdrowy.
      • Gość: Informator Polski Zus dotad nie ozdrowieje IP: *.ipowerweb.com 05.01.04, 22:37
        Dopoki sie z niego falszywy inwalida smieje
    • broneknotgeld Re: Ło tym co niy tak downo i teroz w Polsce 04.01.04, 23:20
      Akwaparki

      Już te akwaparki niy som coś we modzie
      Widać że to piniondz utopiony w wodzie.
    • broneknotgeld Re: Ło tym co niy tak downo i teroz w Polsce 04.01.04, 23:21
      Przimierze dlo Polski

      Nowo partio "starych" ludzi
      Zaufanio niy łobudzi
      Łoni z kwiotka zaś na kwiotek
      Niy przeskoczom jednak płotek.
    • broneknotgeld Re: Ło tym co niy tak downo i teroz w Polsce 04.01.04, 23:22
      Na Millera

      Wybiyrzmowali go na - Afera
      I dali czimie stołek prymiera.
      • broneknotgeld Re: Ło tym co niy tak downo i teroz w Polsce 05.01.04, 16:56
        I zaś afera

        "Starachowice" - afera nowo
        Durś nom "wiyrchuszka" zły przikłod dowo
        Wiela tych zgniyłych jabłek se ściepnie
        -polsko jabłonka - zanim łokrzepnie?
      • broneknotgeld Re: Ło tym co niy tak downo i teroz w Polsce 05.01.04, 16:56
        W sejmie

        W sejmie żech widzioł "Starachowice"
        Musza naszkryflać że to som wice
        Ale sie z tego lachać niy umia
        Bo coroz myni Polska rozumia.
    • broneknotgeld Re: Ło tym co niy tak downo i teroz w Polsce 05.01.04, 16:57
      W SLD

      Weryfikować sie ponoć bydom
      Chcom se poradzić ze swojom "biydom"
      Bo przeca kożdy już teroz widzi
      Że im za siebie trzeba sie wstydzić.
    • broneknotgeld Re: Ło tym co niy tak downo i teroz w Polsce 05.01.04, 16:58
      Do Europy

      Czimejcie sie baby chopy
      Chnet idymy do Europy
      Wybrać posłow tam muszymy
      Trza nom myśleć kerych chcymy

      Beton zaś nos zacznie mamić
      Bo łon umi fest cyganić
      A do dzisioj niy skruszony
      Durś chce władzy i mamony

      Jo postawioł bych na modych
      Niych zaznajom tyj przigody
      Myśla - możno nos usuchnom
      No bo starsi pryndko guchnom.
    • broneknotgeld Re: Ło tym co niy tak downo i teroz w Polsce 05.01.04, 16:59
      Samoobrona Narodu Polskiego

      Nowo partia sie nom kroji
      Co Leppera sie niy boji
      Choć przi niymu bajukali
      Na dwoch nogach chcom iść dali

      Miano program - to ciekawe
      Widać że sie czujom w prawie
      Bronić narod przed narodym
      - Coś ze tego wieje chłodym.
    • broneknotgeld Re: Ło tym co niy tak downo i teroz w Polsce 05.01.04, 17:00
      Sejm penityncjarny

      Do wiyńziynio posły idom
      Jak poradzić sie z tom biydom?

      Przeca majom tu głosować
      Kaj "łobstawa" jejich schować?
      Czy w kajdankach dane głosy
      Zmiyniom naszy Polski losy?

      Niy ma we tym nic zabawy
      -"W polityce mało prawych"
      To we Sejmie tyż godajom
      Czy se rada ze tym dajom?

      Dyć to wszysko przeca minie
      Jak Sejm zmiyniom we wiyńziynie
      Wiynkszość posłow pokibluje
      A myńszość sie dostosuje

      Wierzcie - dobro to intyncjo
      Przeca wzrośnie tam frekwyncjo
      Skorzysto tyż telewizjo
      Jak do koza se na wizjo.
    • broneknotgeld Re: Ło tym co niy tak downo i teroz w Polsce 05.01.04, 17:02
      Anita

      Posłanka z Pabianic "warszawce" pasuje
      W "Komisji Rywina" do Ziobra sztartuje
      Feromony jednak cosik jom zmylyły
      Bo mrozym zawioło - aniołki sie skryły

      We tyj polityce wiyncyj faru u ni
      Niywiela brakuje - SLD sie skłoni
      I powiy - Po Leszku my chcymy Anita
      Bo ze ni "żelazno" lewicy kobiyta.
    • broneknotgeld Re: Ło tym co niy tak downo i teroz w Polsce 05.01.04, 17:04
      Bonda

      Z "Samoobrony" Bonda mie tropi
      Kedy Tymida jego obłopi?
      W gazetach ło nim czytomy cosik
      W tym "polskim piekle" to już jest ktosik.
Pełna wersja