Ło tym co niy tak downo i teroz w Polsce

    • broneknotgeld Re: Ło tym co niy tak downo i teroz w Polsce 05.01.04, 17:06
      Koń Millera

      Dugo se jeździoł na koniu Buzka
      A teroz kwaśno jest jego buźka
      "W koło Macieju" cosik rajtowoł
      Pewnie prochami bydle futrowoł

      Już zresztom trombiom kajsik coś ło tym
      Że czynsom na nim sie tyż galoty
      Bo kaj sie wejrzy widzi matactwo
      A przeca wszysko to jego "bractwo"

      W konia zrobiyli go czy we łosła?
      "Gruszka na wierzbie" chyba wyrosła
      Pewnie jom teroz wciepnom do żłobu
      I na dodatek dadzom tyż bobu.
      • Gość: Wanuta Daniek i takie własnie jest nasze partyjne motto IP: *.biaman.pl 05.01.04, 17:32
        Bo kaj sie wejrzy widzi matactwo
        A przeca wszysko to jego "bractwo"
      • rolotomasi Re: Koń Mylera 05.01.04, 18:39
        Bronek
        *
        Jo Cie bynde
        Gorściami broł
        Nie żeś - gelde
        Ale rechtig godoł
        • broneknotgeld Re: Koń Mylera 05.01.04, 22:24
          A dyć do Rudy zaproszom ciyngym
          Niy yno yjzla jakimś zaprzyngym
          Możesz se siednońć i na habeta
          Na rudzkim forum znojdzie podnieta.
          forum.gazeta.pl/forum/71,1.html?f=261
          • rolotomasi Re: Koń Mylera 05.01.04, 22:44
            Na wirch !
            *
            Kaj sie podziwosz
            Rudzki pieronie
            na zadzie chowosz
            i trzeciej stronie.
            • broneknotgeld Re: Koń Mylera 06.01.04, 21:33
              Dyć jo mom Ruda nojbardzi w zocy
              Potym na "kraj" se łotwiyrom łoczy.
    • broneknotgeld Re: Ło tym co niy tak downo i teroz w Polsce 06.01.04, 21:40
      "Czerwone Barony"

      "Czerwonych Baronow" we tyj Polsce momy
      Jednak niy na wojnie zablyszczeli łony
      Władzom sie nom cieszom ciepiom czasym w łoczy
      Widać że festelnie majom jom we zocy
      Po prowdzie to chcieli by zagarnońć wiyncy
      A że coś niy idzie - trocha ich już mynczy
      Zawiydli sie jakby na "gruszkach Millera"
      Możno tyż po cichu biere ich cholera
      Że już teroz jedyn klynczy na kolanach
      A ktosik tyż ćwiyrko - Łoszczic trza barana.
    • broneknotgeld Re: Ło tym co niy tak downo i teroz w Polsce 06.01.04, 21:41
      Nasi wybrańcy

      Nikierzy głosy dostali
      I zaroz prawo łosrali
      Dyć swojim służom przikładym
      I niy ma na to już rady
      Wybrali my tych co czeba?
      Naprowdy niy trza nom nieba?
      Ze świyczkom szukać ta siyła
      Kero by czysto nom była
      Bo biołe kajś siedzi se cicho
      Nad naszym losym powzdycho
      - Że "polske piekło" durś rośnie
      I myśli yno ło wiośnie
      W kery nabrało by mocy
      Bo Polok miołby je w zocy.
    • broneknotgeld Re: Ło tym co niy tak downo i teroz w Polsce 06.01.04, 21:45
      Ziobro

      Ziobro jest lepszy łod ziobra Adama
      Myśli Anita - SLD dama.
    • broneknotgeld Re: Ło tym co niy tak downo i teroz w Polsce 06.01.04, 21:45
      Na Pola

      Pol - minister łod parady
      Chce budować autostrady
      To u niego richtig chciejstwo
      Jak go słysza - wodolejstwo

      Niych na pola woda leje
      Bo tam tyż sie źle coś dzieje
      Zaś na jego fandzolynie
      Jedna rada jest - zwolniynie.
    • broneknotgeld Re: Ło tym co niy tak downo i teroz w Polsce 06.01.04, 21:46
      J.M. Rokita

      Baba z diobłym w jedny skorze
      Dobrze że chop jest na gorze.
    • broneknotgeld Re: Ło tym co niy tak downo i teroz w Polsce 06.01.04, 21:47
      I zaś Komisjo Rywina

      Słyszołch że za ziobro trza by wiyszać posła
      Ze kerego gymby tajymnica "poszła"
      Prosto do cajtonga - by my wyczytali
      Że prokuratory pytania dostali
      Na kartce - jak mieli przepytać Millera
      Ponoć to normale. O jasno cholera!
      Po co czas swoj tracioł prymier w ich urzyńdzie?
      Łodpisołby kartkom - niy byliby w błyńdzie
      Piniondz podatnika przi tym by łoszczyńdzioł
      Chyba że mioł wolne - na swoj koszt tam pyńdzioł.
    • broneknotgeld Re: Ło tym co niy tak downo i teroz w Polsce 06.01.04, 21:48
      Poligarchia

      To co teroz w Polsce momy
      Czerwonawo - to już znomy
      Dyć choćby i bioło była
      W niyj durś bydzie ta zło siyła

      Piyrszym prawym - prawo kliki
      Władza po to by wyniki
      Mieć dlo siebie i dlo grupy
      - Obywatel?! Z nim do dupy!

      Państwo dobre to poletko
      Robić na niym idzie letko
      Rzondzom w Polsce durś układy
      No i na to niy ma rady.
    • broneknotgeld Re: Ło tym co niy tak downo i teroz w Polsce 06.01.04, 21:50
      Wyniki

      Sejm rzond gminy - wszyńdzie kliki
      "Poligarchia" mo wyniki.
      • broneknotgeld Re: Ło tym co niy tak downo i teroz w Polsce 07.01.04, 22:34
        Biurokracjo

        Zeżyro nom Polska richtig coroz pryndzy
        Bo rośnie we siyła i chce dyrś piniyndzy
        Beamtrow co roku przeca nom przibywo
        Dobrze zarobiajom - majom swoje żniwo
        Bestoż na nic u nos som jakeś reformy
        Urzond zowdy gorom - a inkszym brak formy.
      • broneknotgeld Re: Ło tym co niy tak downo i teroz w Polsce 07.01.04, 22:34
        Minister Jakubowsko

        Jakubowsko możno w grupie
        Co chce czimać władza w kupie
        Dioboł wysłoł ta kobiyta?
        Tela wiym że niy Rokita.
      • broneknotgeld Re: Ło tym co niy tak downo i teroz w Polsce 07.01.04, 22:36
        Tygodnik "Wprost"

        Ło naszyj łostatni "wojnie"
        "Wprost" napisoł dość spokojnie
        Łobrażono jest Warszawa
        Wielko tam skiż tego wrzawa

        Jo rozruchow niy pochwola
        Ale ślonske gruby wola
        Jak fedrujom życie dajom
        Tego w cyntrum niy poznajom

        Wonglym niy chcom w Polsce polić
        Cudzy gaz te państwo woli
        Mie to w pale sie niy mieści
        Choć niy dziwiom już złe wieści.
      • broneknotgeld Re: Ło tym co niy tak downo i teroz w Polsce 07.01.04, 22:38
        Liga Polskich Rodzin
        Niywiela mo godzin
        Już sie rozlatuje
        A Kościoł jyj wsuje.
      • broneknotgeld Re: Ło tym co niy tak downo i teroz w Polsce 07.01.04, 22:39
        No bo to jest Liga polsko
        Wszyskich czuć tam jakoś swojsko.
    • broneknotgeld Re: Ło tym co niy tak downo i teroz w Polsce 07.01.04, 22:40
      I w pysk

      Ktosik dostoł choby w pysk
      Jak sie spytoł ło tyn dysk.
    • broneknotgeld Re: Ło tym co niy tak downo i teroz w Polsce 07.01.04, 22:41
      Jakubowsko zaś mu na to
      Wszysko było tam prywatom
      Co państwowe to je moje
      Kaj wścibiosz te bryle swoje?!
    • broneknotgeld Re: Ło tym co niy tak downo i teroz w Polsce 07.01.04, 22:42
      Sond

      Sobotka to anioł wszyscy durś godajom
      Coś prokuratory zaś na niego majom
      Ze tego sie niesie jakiś dziwny swond
      Upadłych aniołow jo czuja już sond.
    • broneknotgeld Re: Ło tym co niy tak downo i teroz w Polsce 07.01.04, 22:43
      Narodowy Fundusz Zdrowia

      Jednak wiyncyj łod nos dlo siebie chcom capnońć
      Mazowsze już znojdło kaj tyn geld se drapnońć
      I choć ktoś powiedzioł - bydzie z tego "rokosz"
      Haltuj sie z tom godkom bo za wiela skokosz
      Cisza! - I pamiyntej już ło tym - cholera
      Że chytosz za cyngel jakegoś sztucera.
    • broneknotgeld Re: Ło tym co niy tak downo i teroz w Polsce 07.01.04, 22:44
      Ordynaci

      Ordynat Czarzasty zaś na przodku stoji
      Razym ze Szamałkym nic sie już niy boji
      Łoni teroz w cuglach cisnom do Europy
      "Warszawki" to przeca som nojlepsze chopy

      A mie już coś śmierdzi - kajsik gront sie poli
      Choć wiym że nikogo jeszcze to niy boli
      Ciekawo sie wiosna we Polsce zanosi
      Jak ci ordynaci bydom narod prosić.
      • rolotomasi Re: Ło tym co jo 08.01.04, 18:39
        Ło tym co jo
        *
        Ty, Rudzki pierunie
        Jo tak nie umie
        Gowom krynca okrutnie
        Teksty pisza ryzolutne
        Jeno o polityce
        A ni o poetyce
        • broneknotgeld Re: Ło tym co jo 08.01.04, 18:42
          Rym do rymu ciongnie zowdy
          Tela szkryfna richtig-prowdy.
      • broneknotgeld Re: Ło tym co niy tak downo i teroz w Polsce 09.01.04, 21:20
        Jakubowsko

        Możno tyż jest ordynatka
        Bo to przeca Polski Matka.
      • broneknotgeld Re: Ło tym co niy tak downo i teroz w Polsce 09.01.04, 21:21
        Jakubowsko zmiynnom jest
        Yno czymu aż tak fest
        Pewnie Miller take lubi
        Czowiek zaś sie we tym "gubi".
      • broneknotgeld Re: Ło tym co niy tak downo i teroz w Polsce 09.01.04, 21:22
        Jyj uśmiych

        Jyj uśmiych zno Polska cało
        Wszyskim tego nom za mało
        Nawet dioboł - tyn Rokita
        Myśli - "To jest fest kobiyta
        Aż żałuja że niy musza
        Targować sie ło ta dusza".
      • broneknotgeld Re: Ło tym co niy tak downo i teroz w Polsce 09.01.04, 21:23
        Nobel

        Papiyż jom pobłogosławioł
        Za nia sie u Boga wstawioł.
      • broneknotgeld Re: Ło tym co niy tak downo i teroz w Polsce 09.01.04, 21:24
        Godajom - afera
        Papiyż "Nobla" niy mo
        - Ło jasno cholera
        Bog to przeca czimoł!
        • broneknotgeld Re: Ło tym co niy tak downo i teroz w Polsce 09.01.04, 21:26
          Ło tym godom tukej fest
          Łon som dlo nos "Noblym" jest.
        • broneknotgeld Re: Ło tym co niy tak downo i teroz w Polsce 09.01.04, 21:27
          Konfrontacjo

          Jedna baba drugi babie
          Niy - jeronie niy te grabie
          Pora kartek pisma dała
          Tak afera sie kulała.
        • broneknotgeld Re: Ło tym co niy tak downo i teroz w Polsce 09.01.04, 21:28
          Ach te "Rolandy"

          Dyć ło tym tela jo powiym zowdy
          Świat poczebuje tyż gorzki prowdy
          Jak strona polsko tu zawiniyła
          Niych powiy prowda - we tym tyż siyła
          A jak francuski to jednak grzych
          Trza głośno pedzieć - niy tajoł bych.
        • broneknotgeld Re: Ło tym co niy tak downo i teroz w Polsce 09.01.04, 21:29
          Szycha z "Bogdanki"

          Ze PKP "Cargo"
          Forsa ponoć targoł
          Teroz siedzi w kozie
          Już niy jest na wozie.
        • broneknotgeld Re: Ło tym co niy tak downo i teroz w Polsce 09.01.04, 21:29
          Afera "Starachowice"

          W "starachowickim" kotle were
          Kogoś ora z tego biere
          Durś afera łeb podnosi
          By ukryńcić go sie prosi.
        • broneknotgeld Re: Ło tym co niy tak downo i teroz w Polsce 09.01.04, 21:30
          Konkurs na prezesa TVP

          Jo stawiom na Rywina
          Bo łon mo tyngo mina.
        • broneknotgeld Re: Ło tym co niy tak downo i teroz w Polsce 09.01.04, 21:31
          Bin Laden nom grozi - tako polityka
          Mo problym bo niy zno ministra Janika.
        • broneknotgeld Re: Ło tym co niy tak downo i teroz w Polsce 09.01.04, 21:31
          Nabor na ławnikow teroz sondy majom
          Ponoć tyla chyntnych że fest przebiyrajom
          Możno dieta kusi bo coby inkszego
          Dzisioj to już piniondz wert czasu swojego.
    • broneknotgeld Re: Ło tym co niy tak downo i teroz w Polsce 09.01.04, 21:32
      Słyszołch co w konkursie na TV prezesa
      Szans mo tyn Kwiatkowski podobno już myni
      Dyć jo chopa tukej na pewno pociesza
      Niych sie przed komisjom piyknie zaczerwiyni
      Nojlepi tak cołkym - aż po same uszka
      Tyn kolor to przeca jego atut wielki
      Znojdzie sie we jury jedna dobro wrożka
      I niyważne bydom jakeś duperelki.
      • broneknotgeld Re: Ło tym co niy tak downo i teroz w Polsce 11.01.04, 20:18
        Karty w grze
        TVP

        Pełno talio kandydatow sztartyła do stołka
        Kero karta sie łostanie? wysoko czy gołka?
        Tuzy krole ołbry dupki no i wiela blotek
        Te łostatnie szans niy majom - za wysoki płotek

        Możno jednak tuzy krole połomiom se zymby
        Porzduchajom se nawzajym - widać to ze gymby
        Tyż drobnica zmynczy "jury" - pierońsko skołyje
        Stołek chyci jakiś dupek - wiatr w żaglu poczuje.
      • broneknotgeld Re: Ło tym co niy tak downo i teroz w Polsce 11.01.04, 20:18
        Kroji sie nom sztrajk na banie
        Czinostego to sie stanie
        Inksi tyż sie włonczyć chcom
        Tak to jest jak w Polsce krom.
      • broneknotgeld Re: Ło tym co niy tak downo i teroz w Polsce 11.01.04, 20:19
        Czerwone fuzekle

        Jakbych teroz posłym był
        To bych szwajom mocno wył
        We fuzeklach tych "czerwonych"
        Łobtyroł bych sejmu "piony".
      • broneknotgeld Re: Ło tym co niy tak downo i teroz w Polsce 11.01.04, 20:20
        Mie tyn Hausner imponuje
        Dobry we tym - swoje suje
        Rzond terozki - ło cholera
        Czimie sie nom skiż Hausnera

        Miller Janik - jedna blaga
        Im noleży sie już laga.
      • broneknotgeld Re: Ło tym co niy tak downo i teroz w Polsce 11.01.04, 20:20
        Janika tyn sejm niy ściepnoł
        Choć łon cosik sie nom hepnoł
        Jakoś już sie chop niy radzi
        Ale stołek mu niy wadzi.
    • broneknotgeld Re: Ło tym co niy tak downo i teroz w Polsce 11.01.04, 20:21
      Oberpolicmajstry teroz se welujom
      Zaś kołocz z zokalcym możno wyrychtujom.
    • broneknotgeld Re: Ło tym co niy tak downo i teroz w Polsce 11.01.04, 20:22
      Janik teroz ponoć "inny"
      Piyrwyj jaki był? Dziecinny?
    • broneknotgeld Re: Ło tym co niy tak downo i teroz w Polsce 11.01.04, 20:23
      Narodowy Fundusz Zdrowia jednak wcale niy jest "zdrowy"
      Trza nom zmiynić jego nazwa - niych to Fundusz jest "Choroby".
    • broneknotgeld Re: Ło tym co niy tak downo i teroz w Polsce 11.01.04, 20:23
      Komisjo Rywina ksionżki szkryflać bydzie
      Potym im reżyser pomoże w tyj biydzie
      Znajomy producynt na ekran to ciepnie
      I Oscar we kapsi a komuś sie hepnie

      Ze Polski nagrody po drodze tyż wlecom
      Ale bydzie piyknie - już sie tym podniecom
      Kroji sie nom polske arcydzieło świata
      Chwała z tego przidzie na dość duge lata.
      • broneknotgeld Re: Ło tym co niy tak downo i teroz w Polsce 16.01.04, 19:03
        Z Kościoła

        Tam tyż stołkami majom welować
        Wiek robi swoje - niy trza udować
        Czeba biskupom tyj młodszy krwi
        To taki borok jak jo tyż wiy.
      • broneknotgeld Re: Ło tym co niy tak downo i teroz w Polsce 16.01.04, 19:04
        VAT w budownictwie

        To nom pierońsko może zaszkodzić
        Ledwo sie cosik zaczyło rodzić
        A już to tympiom - podatki sujom
        Ślepe niy widzom że państwo psujom.
      • broneknotgeld Re: Ło tym co niy tak downo i teroz w Polsce 16.01.04, 19:05
        Z Komisji Rywina

        Coś sie teroz przipomino
        "Grupa czworga" - ale kino
        Skośne z tego już mom łoczy
        Co im jeszcze tam wyskoczy?
      • broneknotgeld Re: Ło tym co niy tak downo i teroz w Polsce 16.01.04, 19:06
        Ponoć "kurwikami" już sie tam niy mynczom
        Ci z "Samoobrony" pewnie teroz jynczom.
      • broneknotgeld Re: Ło tym co niy tak downo i teroz w Polsce 16.01.04, 19:07
        Telewizyjne "czi po czi"

        Rada problym wielki mo
        Kwiatkowskiego dobrze zno
        Z niym na gora czy we doł?
        Poł w ta strona w inkszo poł
        Kto w konkursie przyńdzie dali?
        A kogo sie już wywali?
      • broneknotgeld Re: Ło tym co niy tak downo i teroz w Polsce 16.01.04, 19:08
        W automatach tyż afera???

        Jeszcze skorka niydźwiydź nosi
        Ło dobicie sie niy prosi
        Zymby łostre i pazury
        Jak tu dobrać sie do skory?
      • broneknotgeld Re: Ło tym co niy tak downo i teroz w Polsce 16.01.04, 19:09
        Ring wolny teroz: Wagner - Rokita
        Jo za "arbitra" dołbych Anita.
      • broneknotgeld Re: Ło tym co niy tak downo i teroz w Polsce 16.01.04, 19:10
        Łoj Anita! Anita!
        Dziwno żeś kobiyta
        Chocioż chodzisz w pionie
        Widza że coś toniesz.
      • broneknotgeld Re: Ło tym co niy tak downo i teroz w Polsce 16.01.04, 19:11
        Lepszo skora policjanta?

        Janik hasło take ciepnoł
        - "Skora w prawie niy jest rowno"
        Jedyn gwizdnoł inkszy hepnoł
        A bandyta pedzioł - Gówno!

        Łon i tak mo wszysko w dupie
        Jak już chyto za ta gwera
        A pomysły wszyske gupie
        Yno wnerwiom. - Ło cholera!
        • broneknotgeld Re: Ło tym co niy tak downo i teroz w Polsce 22.01.04, 20:37
          Cyrk z Ordynacki

          Widać że grajom w mocnym zespole
          Kaj "rynka rynke durś myje"
          Państwowych mediow to tyż magole
          Choć wiela na to już wyje

          Dyć ordynaci durś robiom swoje
          Jejich na wiyrchu jest zowdy
          Niby ło prowda som wielke boje
          A czy my chcymy tyj prowdy?
        • broneknotgeld Re: Ło tym co niy tak downo i teroz w Polsce 22.01.04, 20:38
          Konkursy na szefow lokalnych telewizji TVP

          Już na sztarcie "ustawione"
          Ponoć dlo tych swojich
          Choćby był prezesa koniec
          Ło to sie niy boji

          Styknie yno w rynkach czimać
          Stolec ło tym czasie
          I zaś bydzie - "Piekła niy ma"
          Dlo tych co w "A"-klasie.
        • broneknotgeld Re: Ło tym co niy tak downo i teroz w Polsce 22.01.04, 20:40
          "Nojbardzi znany i lubiany"

          Lepper "znany i lubiany"
          To ci lyk na polske rany.
        • broneknotgeld Re: Ło tym co niy tak downo i teroz w Polsce 22.01.04, 20:41
          Jaskiernia - Lepper to ci jest "duet"
          Razym na lodzie zrobiom piruet.
        • broneknotgeld Re: Ło tym co niy tak downo i teroz w Polsce 22.01.04, 20:41
          Saddama już copli - powiy łon Bushowi:
          "Ta wojna niy była przeciw Irakowi"
          To teroz trza zwinońć wojynne zabawki
          A i nom by stykło iracki ruchawki.
        • broneknotgeld Re: Ło tym co niy tak downo i teroz w Polsce 22.01.04, 20:42
          "Partyzancko wojna" - teroz słysza w mediach
          We tym okupancko tyż przeca "tragedia".


        • broneknotgeld Re: Ło tym co niy tak downo i teroz w Polsce 22.01.04, 20:43
          Sejm budżet uchwaloł jeszcze przed Wilijom
          Pokozoł nom wszyskim z czego partie żyjom
          Choć PO zgłosiyła łobciyńcie dotacji
          Inksi powiedzieli - "Niy ma we tym racji".
        • broneknotgeld Re: Ło tym co niy tak downo i teroz w Polsce 22.01.04, 20:43
          Janina Sokołowska

          Ponoć Sokołowsko stworzyła "etyka"
          Na miara tyj Polski "wzoru" urzyndnika
          Pewnikym tyn muster wziyła se ze siebie
          Bo łona jest gwiazdom na beamtrow "niebie".
        • broneknotgeld Re: Ło tym co niy tak downo i teroz w Polsce 22.01.04, 20:44
          Waniek?

          Waniek? - Coś sie przipomino
          Olka sztabym fest kryńciyła
          Godoł ze wesołom minom:
          "Mom magistra - we tym siyła"

          Ło jeronie - dzieje stare
          Zaś prziklejołch sie do Olka
          Mom komórki już niy jare
          A prowadzi dzisioj Jolka

          Kedyś tyż go prowadziyła
          Do indeksu zoglondała
          Pod drzwi kożde z niym chodziyła
          Profesorow pilnowała

          Jolka Danka i Janina
          W ślypkach jejich widza blyski
          Niy - "kurwikow" to tam niy ma
          Dyć je tkom do jedny miski.
        • broneknotgeld Re: Ło tym co niy tak downo i teroz w Polsce 22.01.04, 20:45
          Jo bych tyn rok łoński zwoł tyż łod Anity
          Blysnyła nom gwiazda posłanki-kobiyty
          Nic to że sie czynsto rumiyni aż straszno
          Przeca łona z partii co jeszcze jest krasno.
        • broneknotgeld Re: Ło tym co niy tak downo i teroz w Polsce 22.01.04, 20:46
          Z. Sobotka

          Ze walcowni skok do KC-e
          Dyć niy może być we pace?
          Bez sobotki co z niydzielom?
          No i ze tom polskom sztelom
          W keryj łon był ponoć asym
          A niy jakimś tam mamlasym

          Przeca to z żelaza czowiek
          Wykształcynie zawodowe
          Stykło coby szoł we gora
          I łobrostoł mocno w piora

          Bioły oreł - tło czerwone
          To poczontek a niy koniec
          Czuja jo do niego miynta
          Sobotka na prezydynta!!!
        • broneknotgeld Re: Narodowy Fundusz Zdrowia 22.01.04, 20:47
          "Zamiynioł stryjek siekiyrka na kijek"

          A dyż zrobioł to bezprawnie
          Richtig tukej jest zabawnie
          Mie sie ciyngym już to zdo
          Że kajś prawo władza mo.
        • broneknotgeld Re: Ło tym co niy tak downo i teroz w Polsce 22.01.04, 20:47
          Polska to bogaty kraj!!!
          Dlo złodzieji istny raj
          Szacher-macher z politykom
          Niy zaradzi na to krykom

          Polska ślepo i kulawo
          Bajkom tukej czynsto prawo
          Lis ryszawy we kurniku
          A pies z kotym - "fiku-miku".
        • broneknotgeld Re: Ło tym co niy tak downo i teroz w Polsce 22.01.04, 20:48
          Z konkursu na prezesa TVP

          Kwiatkowski wycofoł swo kandydatura
          Przed trojkom terozki łostatnio już tura
          Prezesym niy bydzie dyć możno sie staro
          Ło tyn piykny tytuł - "eminyncjo szaro".
        • broneknotgeld Re: Ło tym co niy tak downo i teroz w Polsce 22.01.04, 20:49
          Tako było jest i bydzie

          Dnia niy ma coby jakos afera
          SLD piyknie niy promowała
          "Bydgoski kocioł" na łoczach teraz
          To już jest polsko norma bezmała.
        • broneknotgeld Re: Ło tym co niy tak downo i teroz w Polsce 22.01.04, 20:49
          SLD

          SLD se zaś weluje
          Stare karty i znaczone
          Aferami tako suje
          Że tym przeca "umynczone".
          • Gość: Marek Bronek, Bronek !! IP: 5.2.1R1D* / 193.251.169.* 26.03.04, 16:59
        • broneknotgeld Re: Ło tym co niy tak downo i teroz w Polsce 22.01.04, 20:50
          Taktyka

          Tako Millera teroz taktyka
          Niychej Oleksy jest za Janika
          Ze rzondym pódzie łon przeca w doł
          Dlo Leszka lepi jakby tam boł.
        • broneknotgeld Re: Ło tym co niy tak downo i teroz w Polsce 22.01.04, 20:50
          "Zgniyły kompromis"?

          "Zgniyły kompromis" z ministrym skarbu
          To tyż jest cosik z SLD "garbu".
          • broneknotgeld Re: Ło tym co niy tak downo i teroz w Polsce 28.01.04, 18:48
            SLD sie ciyngym łuszczy
            Tako przeca i przi Huszczy
            Jako i przi tylu inkszych
            Bajzel w Polsce durś jest wiynkszy.
          • broneknotgeld Re: Ło tym co niy tak downo i teroz w Polsce 28.01.04, 18:49
            PO-PiS

            PO-PiS sypie sie łostatnio
            PO żyje nom dostatnio
            A PiS już na stracie jedzie
            Dyć kaj wszyskich to zawiedzie?
            • broneknotgeld Re: Ło tym co niy tak downo i teroz w Polsce 12.05.04, 22:56
              Matury 2004

              Samoobrony gwiozdeczkom jasnym
              Zakwitły teroz kasztany
              Poczebny rozum dzisioj niyciasny
              I niychej bydzie im dany.
              • Gość: Marek Re: Ło tym co niy tak downo i teroz w Polsce IP: 5.2.1R1D* / 193.251.169.* 12.05.04, 23:13
                Ty to jestes Bronek optymista !
                • broneknotgeld Re: Ło tym co niy tak downo i teroz w Polsce 13.05.04, 16:22
                  Jak niy Belka

                  Jak niy Belka
                  to pyntelka?
                  Polecymy na zielono
                  czy możno bioło-czerwono?
                • broneknotgeld Re: Ło tym co niy tak downo i teroz w Polsce 13.05.04, 16:25
                  Optymista

                  Polska to bogaty kraj
                  We tym łon jest richtig naj
                  Ciyngym wiela do sia kroji
                  A durś przeca jakoś stoji.
                  • broneknotgeld Re: Ło tym co niy tak downo i teroz w Polsce 13.05.04, 21:39
                    Nojnowszy model polski miotły

                    Kijok jak binder bioło-czerwony
                    Witki niybieske - z gwiozdkami łony.
                    • broneknotgeld Re: Ło tym co niy tak downo i teroz w Polsce 15.05.04, 10:25
                      Woda na młyn

                      Na młyn leje sie durś woda
                      Wiela ło tym by tu godać
                      Belka w Sejmie jakby w ślypiu
                      Dyć i za to jo żech wypioł.
                      • broneknotgeld Re: Ło tym co niy tak downo i teroz w Polsce 15.05.04, 15:14
                        Lepper - Rokita

                        Zowdy Lepper był w Europie
                        To wiy - bestoż mocniyj kopie
                        Kto piyrszy szczeloł z armaty?
                        Tyn Rokita niyrogaty
                        "Teroz wojna" ciepnoł hasło
                        Mulat we to wloz jak w masło.
                        • broneknotgeld Re: Ło tym co niy tak downo i teroz w Polsce 16.05.04, 10:14
                          Kogo na premiera?

                          Echt-Poloka na premiera
                          Zesel richtig dlo Leppera
                          Binder przeca nosi w paski
                          Za kolory mo łoklaski.
                          • broneknotgeld Re: Ło tym co niy tak downo i teroz w Polsce 16.05.04, 22:55
                            "Jedynka"

                            PO "jedynka" wylosowała
                            Szczyńściym se takim nom popisała
                            Bele sie teroz z tym niy zblamuje
                            I obywatel głos nania wsuje.
                            • broneknotgeld Re: Ło tym co niy tak downo i teroz w Polsce 17.05.04, 21:45
                              "Dwojka"

                              "Dwojka" chyciyła Polsko Partia Pracy
                              Porka - toż idzie sie tyż łonaczyć.
                              • rolotomasi Re: Ło tym co niy tak downo i teroz w Polsce 28.05.04, 20:14
                                Jo !
                                ~
                                Tero Jo !!
                                ale : CO ??
    • broneknotgeld Re: Ło tym co niy tak downo i teroz w Polsce 08.06.04, 07:52
      W dniu wyborow tych i inkszych

      Bindry chcom ściongać Samoobronie
      Czy we tym Polski może byż koniec?
      Możno na szlipsie łona już wisi?
      We siyrniu cosik sie nom ukisi?

      Nic to że żniwa w tym czasie bydom
      Wieś jednak w doma. Co zrobić z biydom?
      Możno już wiedzom? Trza łoddać głos
      Samoobronie to jest w som roz.
Pełna wersja