Dodaj do ulubionych

Tyn Gorny konsek Ślonska

25.09.03, 11:25
Nysa

Za Prowincji Gornoślonski
Tam szoł durś podatek
Dzisioj problym je niywonski
Geldu brak - łostatek.
Obserwuj wątek
    • broneknotgeld Re: Tyn Gorny konsek Ślonska 25.09.03, 11:26
      Opole

      To z Opola jakeś byki
      Niszczyć ślonske chcom pomniki
      Ajzynkrojce ańfach majom
      Bo sie Polskom podpiyrajom.
      • broneknotgeld Re: Tyn Gorny konsek Ślonska 17.03.12, 22:54
        Lepi głosy dać świontyni
        rudaslaska.naszemiasto.pl/artykul/galeria/1309835,najpiekniejszy-kosciol-rudy-slaskiej-glosowanie-nowy-bytom-pw-sw-pawla,galeria,2246131,id,t,tm,zid.html
        Niż gorzoła słepać w siyni.
    • broneknotgeld Re: Tyn Gorny konsek Ślonska 25.09.03, 11:27
      Mysłowice

      Pechowy herb chyba majom
      Na gowy tam napodajom.
    • broneknotgeld Re: Tyn Gorny konsek Ślonska 25.09.03, 11:27
      Radzonkow

      Cidry radzionkowske zaś se łod sia siedzom
      Bytom im na koniec poszachrowoł z miedzom.
    • broneknotgeld Re: Tyn Gorny konsek Ślonska 25.09.03, 11:28
      Bytom

      Bytom sie fest poci
      Skiż giełdy staroci
      Co gro za pasera
      Aż skrynco cholera.
    • broneknotgeld Re: Tyn Gorny konsek Ślonska 25.09.03, 11:31
      Katowice

      We Katowicach Korfanty stoji
      Wele marszałka na koniu
      Widać że ździebko Zefla sie boji
      Choć tyż sie mu tu niy skłonioł.
    • broneknotgeld Re: Tyn Gorny konsek Ślonska 25.09.03, 11:31
      Świyntochłowice

      Czym sie zachwycać?
      W Świyntochłowicach
      Może tom wieżom wodnom
      Lepszego losu godnom.
    • broneknotgeld Re: Tyn Gorny konsek Ślonska 25.09.03, 11:33
      Toszek

      Już na ty zajcie siedza troszka
      Może wyjada z tym do Toszka
      Bele niy tam kaj niy ma klamek
      Mie by sie marzoł yno zamek.
    • broneknotgeld Re: Tyn Gorny konsek Ślonska 25.09.03, 11:33
      Rybnik

      We Rybniku na Gliwicki
      Bywoł żech tam kedyś wdycki
      W końcu machli na mie rynkom
      W Internecie teroz kwynkom.
    • broneknotgeld Re: Tyn Gorny konsek Ślonska 25.09.03, 11:37
      Zabrze

      Serca tu szyjom piyknie
      Ale to im niy styknie
      Przemysłym chcieliby słynońć
      Co jakby mioł już przeminońć.
    • broneknotgeld Re: Tyn Gorny konsek Ślonska 25.09.03, 11:38
      Wrocław

      Mom syntymynt jo do Wrocka
      Boch tam przeżoł piykno nocka
      Tak żech wrocłowiance pszoł
      Ranoch kapsy puste mioł.
      • broneknotgeld Re: Tyn Gorny konsek Ślonska 25.09.03, 11:41
        Jeronie - teroz zaś gryza lacie
        W Dolnym to miało leżeć tymacie.
        • broneknotgeld Re: Tyn Gorny konsek Ślonska 25.09.03, 11:42
          Chorzow

          By polsko tukej rzondziyła gowa
          Krolewsko Huta
          W gminy łobuta
          Wziyła sie miano Chorzowa.
    • broneknotgeld Re: Tyn Gorny konsek Ślonska 25.09.03, 11:44
      Lipiny

      Lipiny palcym wytykajom
      I tacy som co je kochajom
      Choć richtig biydy wiela tukej
      W Lipinach ślonski duszy szukej.
    • broneknotgeld Re: Tyn Gorny konsek Ślonska 25.09.03, 11:45
      Bobrek

      Kopalnia "Bobrek" i "Bobrek" huta
      Szło to do przodku na tako nuta
      Jak już te "Bobrki" sztopnyły tukej
      Lepi kaj indzi szczyńścio sie szukej.
    • broneknotgeld Re: Tyn Gorny konsek Ślonska 25.09.03, 11:45
      Borowo Wieś

      Bora łod downa tu niy ma
      Chocia zielono je tukej
      Ze Mokołowa to ziymia
      Trocha na zachod jyj szukej.
    • broneknotgeld Re: Tyn Gorny konsek Ślonska 25.09.03, 11:46
      Świyntochłowice

      Wicow stond dużo
      Yno niy swiyntych
      W Ślonsku sie nurzo
      Że idzie w piynty.
    • broneknotgeld Re: Tyn Gorny konsek Ślonska 25.09.03, 11:48
      Tarnowske Gory

      Gory to chyba skuli gornika
      Co łod lot tukej tyko Skarbnika.
    • broneknotgeld Re: Tyn Gorny konsek Ślonska 25.09.03, 11:49
      Chudów

      Zamek zaś rośnie
      Choć był w ruinie
      Chnetko radośnie
      Chudów zasłynie.
    • broneknotgeld Re: Tyn Gorny konsek Ślonska 25.09.03, 11:50
      Bohumin

      Do Bogumina szła Karolina
      Była na Odry już moście
      A dzisioj ciśnie do Gogolina
      Czamu zmiyniyli to goście?

      Bogumin przeca był raciborski
      Ślonska to piykny kraiczek
      Oderberg niy ma w granicach Polski
      Tuli go do sia Pepiczek.
    • broneknotgeld Re: Tyn Gorny konsek Ślonska 25.09.03, 11:51
      Otmuchów

      To piyrsze miasto co je pod krychom
      Jak ło tym myśla to ciynżko dychom
      Ponoć to wszysko je skuli szkoł
      Tam dugi wielge majom jak woł

      Yno że niy je to tyż przijymne
      Że za rzondzynie brali durś prymie
      Choć kasa gminy na krycha żyła
      I zaległości ciyngym mnożyła

      Teroz szukajom tam łoszczyndności
      Możno kumisorz u nich zagości
      Życza im z serca - niych sie poradzom
      I wiyncy robiom a myni wadzom.
    • broneknotgeld Re: Tyn Gorny konsek Ślonska 25.09.03, 11:52
      Bieruń

      W Bieruniu lepi ludzie sie pszajom
      Kościoł z Walyntym przeca tam majom.
    • broneknotgeld Re: Tyn Gorny konsek Ślonska 25.09.03, 11:52
      Kluczbork

      Te sławne miasto krziża rycerzy
      Wydało wielkich Ślonzokow
      Skarb to regionu - trza nom w to wierzyć
      I chcieć doczimać im kroku.
      • broneknotgeld Re: Tyn Gorny konsek Ślonska 30.07.06, 17:18
        Ze Kluczborkym

        Mo ta Stobrawa
        ze niym zabawa?
        Wodnik se pytoł
        jak tu zawitoł.
        • broneknotgeld Re: Tyn Gorny konsek Ślonska 30.07.06, 17:19
          Jan z Kluczborka

          Wrocoł spod Grunwaldu w gloryji Jagiełło
          Istny go prziwitoł - cołke jego dzieło?
        • broneknotgeld Re: Tyn Gorny konsek Ślonska 30.07.06, 17:21
          Ks. Jan Dzierżon

          Blyszczy miano w Dzierżoniowie
          Dyć Kluczborka przeca czowiek
          Tu se dzieworodztwu dziwoł
          Czy przi miodzie pitnym kiwoł?
        • broneknotgeld Re: Tyn Gorny konsek Ślonska 30.07.06, 17:22
          Pomnik ks. Jana Dzierżona

          Przi Byczyński pomnik stoji
          Tako Kluczbork richtig stroji
          Tyn co go rozsławioł w świecie
          To bartniki wiedzom przecie.
          • broneknotgeld Re: Tyn Gorny konsek Ślonska 30.08.06, 18:23
            Kreuzburg 1425

            Prawym magdyburskim rzońdzi już se miasto
            Pewnikym terozki bydzie lepszy czas to
            Rajce z burgemajstrym tego upilnijom
            Dyć gospodorzami richtig fest sie czujom.
          • broneknotgeld Re: Tyn Gorny konsek Ślonska 30.08.06, 18:26
            Ze Kluczborkym

            Mo ta Stobrawa
            ze niym zabawa?
            Wodnik se pytoł
            jak tu zawitoł.
            • broneknotgeld Re: Tyn Gorny konsek Ślonska 30.08.06, 18:26
              Rechtor Jan z Kluczborka

              Toż rechtorowoł istny w Krakowie
              Tako z Kluczborka mondry był czowiek
              I niy dziwota że krola witoł
              Jakby se ło to ktosik tu pytoł.
            • broneknotgeld Re: Tyn Gorny konsek Ślonska 30.08.06, 18:27
              Pomnik ks. Jana Dzierżona

              Przi Byczyński pomnik stoji
              Tako Kluczbork richtig stroji
              Tyn co go rozsławioł w świecie
              To bartniki wiedzom przecie.
            • broneknotgeld Re: Tyn Gorny konsek Ślonska 30.08.06, 18:28
              Piyrwyj

              Kluczborske sukno na Ślonsku znali
              Toż tym i miasto przeca dźwigali.
            • broneknotgeld Re: Tyn Gorny konsek Ślonska 30.08.06, 18:31
              Wangelicki kościoł

              W nojstarszy czyńści z piastowskich czasow
              Gotycke mury kunsztu niy gaszom
              Co w środku przeca jest rokokowy
              Trza tam zoglondnońć - kożdy ci powiy.
            • broneknotgeld Re: Tyn Gorny konsek Ślonska 30.08.06, 18:32
              Adam Gdacjusz

              Toż istny był przeca ślonskim Rejym zwany
              W naszy godce szkryfloł - ze tego tyż znany
              We kluczborskim zborze kozania łon głosioł
              Ło dobro człowieka i Ponboczka prosioł.
    • broneknotgeld Re: Tyn Gorny konsek Ślonska 25.09.03, 11:53
      Prudnik

      Czuwo nad miastym Pogańsko wieża
      Ze czasow czeskich prastarych
      Kedyś był Neustad bestoż jo wierza
      Że Prudnik durś bydzie jary.
    • broneknotgeld Re: Tyn Gorny konsek Ślonska 25.09.03, 11:53
      Paczkow

      Z Paczkowa złocone ramy
      To kedyś towor był znany
      We cołki naszy Europie
      Tyż ło tym pamiyntej chopie.
      • broneknotgeld Re: Tyn Gorny konsek Ślonska 27.07.06, 13:40
        Słynie

        Z murow warownych tyn Paczkow słynie
        Dyć nojciekawsze w naszy dziedzinie.
      • broneknotgeld Re: Tyn Gorny konsek Ślonska 27.07.06, 13:43
        Planty

        Paczkowske planty ciyniym witajom
        Przeca platany po to tu majom
        Ze poniymieckich tych jeszcze czasow
        Do dzisioj szteli som łone krasom.
    • broneknotgeld Re: Tyn Gorny konsek Ślonska 25.09.03, 11:54
      Bujakow

      Mikołoj patronym je parafii ichni
      Rzykom jo do niego - szczyńściym we nich gichni.
      • madohora Re: Tyn Gorny konsek Ślonska 12.08.18, 22:38
        Lubliniec

        forum.gazeta.pl/forum/w,49353,164846206,164846206,Lubliniec.html
    • broneknotgeld Re: Tyn Gorny konsek Ślonska 25.09.03, 11:54
      Kończyce

      Dzisioj w Kończycach Zabrze sie kończy
      A kedyś Polska kończyła
      Tyn skrowek ziymi jednak tyż łonczy
      Plastyka tu sie wkludziyła
      Z całego Zabrza a i ze Rudy
      Uczom sie mode artysty
      I chocia wszyńdzie durś jeszcze brudy
      W sztuce Ślonsk bardzi nom blyszczy.

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka