Dodaj do ulubionych

Kana rudzko - niy galilejsko

07.05.05, 17:58
Po piwie

A mie po piwie
Palicom kiwie
Jak szukom ryma
To jego niy ma
Chyba w komorka
Kaj gowy gorka
Zaś mi sie wcisnoł
I drapko przisnoł.



Czynsto se rymy siedzom we chmielu
Tymu przitaknońć trza przijocielu
Yno że potym ciynżko je szukać
Jak mi we gowie zaczyno stukać.



Richtig dobre by to było
Jakby wiyncyj sie wkludziyło
Na to ślonske forum piykne
Chlapna za to - formy styknie.
Obserwuj wątek
    • broneknotgeld Re: Kana rudzko - niy galilejsko 07.05.05, 18:01
      Już mie moja baba wiyszo
      Że żech tukej zaś namiyszoł
      A skiż tego jest to wszystko
      Że mi czasym szumi piwsko
      To sie pedzieć zaś łośmiela
      Lubia jo tyn napoj z chmiela
      Choć mi tympi koncept czasym
      I coś robi z mojim basym
      Do kufelka zaś go leja
      Bo sie wiyncyj przi nim śmieja.



      Biyra biyra dej nom Boże
      Łon na glaca tyż pomoże
      Dobry jest na smutek wielki
      - Lepsze yno som te frelki
      Kere z chopym zrobiom wiela
      I niy skompiom mu wesela.



      Pora piw we gowie mom
      Dzisioj spokoj już se dom
      Myśla teroz ło weselu
      Bo coś siedzi we tym chmielu.
    • broneknotgeld Re: Kana rudzko - niy galilejsko 07.05.05, 18:02
      Ło tych felerach coś żech tyż szkryfloł
      Wszysko skiż tego żech halba wychloł.



      Kana - kanka

      Ze kankom po piwo kedyś se chodziyło
      Jek sie we łogrodku somsiadka gościyło.


      Czecio kanka

      A jak pynkła czecio kanka
      Już somsiadka do kankanka.
    • broneknotgeld Re: Kana rudzko - niy galilejsko 07.05.05, 18:02
      Sztop - ze Kany niy Sodoma
      To już inkszo przeca kroma.



      Zabrzański browar durś jeszcze warzy
      I Górnoślonske nom sie przidarzy
      Choć jo nojczyńści Tyske se pija
      Jakoś z tym piwym weseli żyja.


      Do dioska!
      Jak na "k" to może kwoska
      Po porzondnym piciu
      Kwoska wroco cie życiu.
    • broneknotgeld Re: Kana rudzko - niy galilejsko 07.05.05, 18:03
      Nasze piwo

      Zaniko "gornoślonsko" marka
      Browar we Zabrzu ledwo robi
      Tukej sie czyńści leje "warka"
      Lyj nasze piwo - nikt niy powiy

      Szczyńściym że tu durś te "tyske" momy
      "Żywiec" tyż gardło ślonske cieszy
      Ponoć i Zabrzu padnońć niy domy
      Ślonsk przeca tak niy może zgrzeszyć
      Niych "gornoślonske" pijom pierony
      Raduje sie ich ślonsko dusza
      Na cudze marki niych zaglondomy
      Tak by do picio ich niy zmuszać.



      Może być kufel kista i kszinka
      Wszystko to szczimie moja rodzinka.



      Piwnych łogrodkow u mie jest tela
      Że biera bajtli i moja frela
      I se na piwko latym idymy
      Kaj zowdy piyknie tyn czas spyndzymy
      Dziecioki sie na huśtowkach siedzom
      Zofty durś pijom i czipsy jedzom
      Ślubno zaś jedyn a jo dwa biyry
      I tyn czas leci - byda tu szczyry.
    • broneknotgeld Re: Kana rudzko - niy galilejsko 07.05.05, 18:04
      Wiyncy

      Wiyncy sklepow z gorzołom teroz w Rudzie bydzie
      Wiyncy z tego forsy miasu przeca przidzie
      Dyć wcale mi dioboł we duszy niy woło
      Łotwiyrej potmanyj - leć pod sklep z gorzołom.



      Ze trowy to lubia żubrowka
      Choć ciynżko mom po nij tyż głowka.



      Zaś tukej dzwigły nom sie procynta
      Niy chca łod ślubny dostać po piyntach
      Bo jak za mocno w gowie mi gzuje
      We końce gyrow kije mi suje.
    • broneknotgeld Re: Kana rudzko - niy galilejsko 07.05.05, 18:05
      Powiym prowda

      Niy yno łod ślubny ciyrpia bez gorzoła
      Jakbych czyńści zapioł to by sie łodpszoła
      Dyć po prowdzie niy wiym czamu jak mom kaca
      Musza sie po glacy i po piyntach macać.



      Racjo mosz we tym że zdrowszy chmiel
      Ty tysz sie piwo terozki szczel
      Mie zaś przi drugim skończy sie werwa
      I ze komputrym zrobia sie przerwa.



      Chopom szwankujom czynsto synapsy
      Wtedy i rymy schodzom im na psy
      Dyć jak te "łoncza" przidom do normy
      Zaś idzie blyszczeć ze dobry formy.
    • broneknotgeld Re: Kana rudzko - niy galilejsko 07.05.05, 18:06
      Zalyj szpyroniym łorzech se świyży
      Tyn medykamynt pozwolo wyżyć.


      Jakby bolały Cie kedyś kości
      Szpyroń z jantarym życie wyprości.


      We tym Grinbergu joch niy pioł wina
      Dyć kac to przeca niy jest nowina
      Jak sie za wiela "procynt" wysłepie
      To z rana richtig sie po tym chepie.
    • broneknotgeld Re: Kana rudzko - niy galilejsko 07.05.05, 18:07
      Szło by zaliczyć te "winobranie"
      Bo nigdy z wina serce niy stanie
      Po tym czerwonym krew fyrlo lepi
      No a za Grinberg werci sie przepić
      Bo tam sie przeca nasz Ślonzek kończy
      Chocioż nos teroz coś myni łonczy.



      Jeronie!

      Terozki jo sie naprowdy ciesza
      Ze tyj uciechy ździybko pogrzesza
      Zrobia sie na noc mocnego drinka
      Dyć już mie świyńdzi do tego rynka



      Napij sie "chmielu" - idzie do gowy
      I rym zarozki poleci zdrowy
      A jak po piwku zachce sie spać
      To fraszki we śnie zacznom Ci "brać".
    • broneknotgeld Re: Kana rudzko - niy galilejsko 07.05.05, 18:08
      Tukej wola żyto nasze
      Choć tyż po nim łupie w czasze
      Dyć jak zwiedzom insze kraje
      Trza znać ichnie obyczaje
      Ze Chorwacji znom rakija
      Po kery jo ledwo żyja
      Tak mi po niyj w łebie tompie
      Chobych spadoł windom w rzompie.



      A jo po piwie ciynżko sie wspinom
      Nawet we siyni nadrobiom minom
      Bo musza włazić na czeci sztok
      Jeszcze do tego myla se krok
      Piwo i skałki to niy jest to
      Niychej Cie Bozia w łopiece mo.



      Tyj ze czoskym - i być zdrowy
      Kożdy karlus z Rudy powiy
      A jo dodom - boch z Halymby
      -Niych śmiych czimie sie Twyj gymby.
    • broneknotgeld Re: Kana rudzko - niy galilejsko 07.05.05, 18:09
      Czosnek w płynie - to rozumia
      Choć ze grzondki tyż niczego
      Tak sie lyczyć jo tyż umia
      Pij - Na zdrowie - moj Kolego.



      Za komuny siki loli
      Wtedy my sie władzy boli
      Joch z ormowcym pić niy umioł
      A łon tego niy rozumioł.



      "Patykym pisane" kto dzisioj pamiynto?
      Jak cie niy polyło toś myśloł że świynto.
    • broneknotgeld Re: Kana rudzko - niy galilejsko 07.05.05, 18:10
      Dyć te "procynta" stworzoł tyż Bog
      By chop sie nimi pocieszyć mog.



      Jakoś tak z wiekym prziszło mniyj grzeszyć
      Dyć pija tela by sie pocieszyć
      Wola poleku - bez tego szwongu
      Starom pamiyntać sie ło haltongu
      Durś we pamiyńci mom lyk na kaca
      Niy pij za wiela - niy ciyrpi glaca.



      Taki morał w tym zabawny
      Ze człowiek jest niypoprawny.
    • broneknotgeld Re: Kana rudzko - niy galilejsko 07.05.05, 18:14
      Lycz sie tym co zaszkodziyło
      Kedyś to przisłowie było
      Teroz wiela we tym prowdy
      Piwo słepać byda zowdy.


      Szwager ze Niymiec rano mi wdepnoł
      I pora biyrow na stoł żech ciepnoł
      Jak łon do tego swoje dołożoł
      To jakoś trocha żech nojpiyrw ożoł
      Terozki jednak durś chce sie ziywać
      A ło tym czasie mioł żech tu śpiywać.


      Mrowka

      Ja - mynczom sie z niom celniki
      Durś robi jakeś uniki
      I ciyngym nosi te flaszki
      Choć łobrywajom sie taszki.
    • broneknotgeld Re: Kana rudzko - niy galilejsko 07.05.05, 18:15
      Na zdrowie

      Tyj ze czoskym - i być zdrowy
      Kożdy karlus z Rudy powiy
      A jo dodom - boch z Halymby
      -Niych śmiych czimie sie Twyj gymby.



      Czosnek w płynie - to rozumia
      Choć ze grzondki tyż niczego
      Tak sie lyczyć jo tyż umia
      Pij - Na zdrowie - moj Kolego.



      Pamiyntocie?

      Za komuny siki loli
      Wtedy my sie władzy boli
      Joch z ormowcym pić niy umioł
      A łon tego niy rozumioł.
    • broneknotgeld Re: Kana rudzko - niy galilejsko 07.05.05, 18:16
      "Patykym pisane" kto dzisioj pamiynto?
      Jak cie niy polyło toś myśloł że świynto.


      Dyć te "procynta" stworzoł tyż Bog
      By chop sie nimi pocieszyć mog.



      Jakoś tak z wiekym prziszło mniyj grzeszyć
      Dyć pija tela by sie pocieszyć
      Wola poleku - bez tego szwongu
      Starom pamiyntać sie ło haltongu
      Durś we pamiyńci mom lyk na kaca
      Niy pij za wiela - niy ciyrpi glaca.
    • broneknotgeld Re: Kana rudzko - niy galilejsko 07.05.05, 18:18
      Biyr se terozki duldom tyn złoty
      Jutro jo niy mom wcale roboty!!!


      Po piwie

      Jakbych po piwie niy chodzioł loć
      Możno bych śmierci musioł sie boć
      Niy póda w ślady Tycha de Bracha
      Bo przed kostuchom trocha mom stracha.



      Ponoć po Sylwestrze w Izbie "zarobiyli"
      No bo sie rudziany festelnie wypiyli.
    • broneknotgeld Re: Kana rudzko - niy galilejsko 07.05.05, 18:19
      Łoj dana - łoj dana!
      Zaś ta Rudzko Kana
      Pryka teroz ździybko żol
      Jak niy zońda bydzie zol.


      • Re: Kana Rudzko - niy Galilejsko
      jojo_1 06.01.2004 22:19 + odpowiedz

      Chopie po co walisz tela,
      skoro dekel ledwo mieści.
      Niy te lata,niy ta sztela,
      beztoż zol cie bydzie pieścić!


      • Re: Kana Rudzko - niy Galilejsko
      broneknotgeld 08.01.2004 22:37 + odpowiedz

      Ano! Karkol sztywny czuja
      Som se teroz go masuja
      Zaś tyn ślad po nudelkuli
      Niy chce sie na glacy skulić

      Dyć szczyńśliwo moja dusza
      Tela tukej szkryfnońć musza
      Czasym wypić nawet czeba
      Coby bliżyj było nieba

      Popić fwest to grzych niy zowdy
      Wiela we tym richtig-prowdy
      Bo jak żech jest potym "chory"
      Som sie ucza tyj pokory.
    • broneknotgeld Re: Kana rudzko - niy galilejsko 07.05.05, 18:20
      Teroz se na piwo ida
      Popołedniu zaś tu przida
      Chmiel mi rymy ciepie w ucho
      Broneknotgeld yno słucho.


      Jeronie - biera kartka i filer
      Sprawdzom - na nosie tyż siedzom bryle
      Bo jak wypija se pora strongow
      To we tych rymach nabiera szwongu
      Dyć Achillesa niy yno piynta
      W tym że po piwie ciynżko spamiyntać.


      Łoj - jak dobrze po tym piwie
      Dzisioj gowa sie niy kiwie
      Z ciyńcio flizow pył wloz w gymba
      Już żech czuł go aż na zymbach
      Teroz szkryfna - przpłokano
      W tym cie chwola rudzko Kano.
    • broneknotgeld Re: Kana rudzko - niy galilejsko 07.05.05, 18:21
      Rym przi piwie - ło robocie
      Ze tym tyż jest trocha pociech.



      "Złoty Denar"

      "Złoty Denar" z Namysłowa
      Choć jo wola browar tyski
      -Dyć niy boli z niego gowa
      -Idzie loć go w ślonske pyski.



      Piwo "Irish"

      Irlandzkego piwa żech se napioł chopie
      Czuja se terozki jakbych był w Europie
      Szkryfli "produkt polski" - skuli "Lider Prajsa"
      Ciymne - ździybko mocne - cosik wele szajsa.
    • broneknotgeld Re: Kana rudzko - niy galilejsko 07.05.05, 18:22
      Teroz jednak z domu wyńda
      Zaś na piwko jo sie przyńda
      Yno jedne styknie mi
      Mitagszychta - to sie wiy.


      Taki ślydź

      Paluchy plonczom sie po klawiyrze
      Hering mi pedzioł "Czas już na lyże"
      Dyć jeszcze cosik se tukej szkryfna
      Niym łostatniego kelicha gichna

      Jo niy pogrzebia już kontrabasa
      Koniec tyż dlo mie jest ze hopsasa
      Bo jutro rano zaś do roboty
      Pryndko trza czyźwieć - to niy gupoty.



      "Napoleona" żech se łotworzoł
      Zdrowie hepika! Oby nom pożoł!

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka