Wesołych Świont!

06.04.07, 09:15
Potrza Ducha nom Świyntego
Potrza siył co z Boga idom
Toż winszuja wszyskim tego
Niychej zowdy z Wami bydom.
    • broneknotgeld Re: Wesołych Świont! 06.04.07, 17:44
      Przi Wielkanocy

      Życie ze śmierciom tako wygrywo
      Dobro z wysoka na zło se dziwo
      Prowda cygaństwu przed łoczy stowo
      Duch materyji nauczka dowo

      Toż se niy dziwcie - radujcie tako
      Niychej se śmieje kto piyrwyj płakoł
      To co przed nami już lepsze bydzie
      Jak ze Ponboczkym we przodek idzie.
      • dotttek Re: Wesołych Świont! 06.04.07, 18:08
        jeszcze :D

        wiem że śląski śląskim
        ale po kaszebsku może coś ? ;]
        • broneknotgeld Re: Wesołych Świont! 07.04.07, 00:10
          Wiosna do życio natura budzi
          Wielkanoc - ducha we sercach budzi

          Duch ze naturom tako tańcujom
          Radości mnożom - z dobrym kuplujom.
          • broneknotgeld Re: Wesołych Świont! 07.04.07, 23:05
            Wielkanocny Baranek

            Świynto ofiara Żydow chroniyła
            Krew na ich dźwiyrzach w Egipcie była
            Po to baranka ofiarowali
            Tym se z niyszczyńścio wyratowali

            Krystus-Baranek krew swoja leje
            Jego ofiara łodmiynio dzieje

            Na stole momy przi Wielkanocy
            Niychej duchowi dokłodo mocy!
            • broneknotgeld Re: Wesołych Świont! 08.04.07, 23:09
              "Schmackostern"

              Pokosztować Wielkanicy
              By mieć w życiu wiyncy mocy.
Inne wątki na temat:
Pełna wersja