Bachantka na pantyře.

18.09.05, 16:39
Chćôŭ bych sam připomńyć krótko historja jednyj řeźby ŭôd Teodora
Kalide "Bachantka na pantyře".
Šwagjyr Kalidego Franz Winckler dôŭ mu slecyńe coby mu srobiôŭ kopja řeźby
J.H.Danneckera "Arjadna na pantyře". Jak keryś ńy wjy jak ŭôna wyglôndo to
moće sam bild.
www.liebieghaus.de/images/sculptures/ariadne.gif
A že synek bôŭ ślônski to chćôŭ zmajstrować šwagrowi richtig pjykny gešyng.
Znod śe urodliwo frelka do pozowańô i dôŭ sie do roboty. Tak śe Teodor na
swoja modelka zapatřôŭ že śe w nij borok zakochôŭ. A mjeli śe ku śebje ŭôba.
Šafnyŭ noš majster dźeŭo žyća.
www.gorny.slask.pl/fotki/bachantka.jpg
W tyn sposób ŭôdoł wjylki hoŭd dźôŭšce keryj pšôŭ. Zapakowôŭ řeźba i posŭôŭ
šwagrowi. Tyn jak ŭodynknôŭ křinka to maŭo co hercšlagu niy dostôŭ. Na tamte
časy tako ŭôdwažno i "sberyźno" štuka bôŭa ńy do pomyślyńo. Wnyrwjôŭ śe Franz
jak pjeron, zapakowôŭ ŭôbřidliwo figura i nazod Teodorowi ŭôdesŭôŭ. Schowôŭ
kajś artysta ta řeźba i zapomńôŭ ŭô nij na amynt. Myśla co mu trocha gańba
bôŭô skiš tyj côŭkij afery.
Kalide ŭôřyniôŭ śe potym ze swojôm modylkôm a mjeli dwje cery.
Poradźyśont lot potym znodli we pewnice w Katowicach zapakowano řeźba. A miôŭ
w testamynće Teodor Kalide tako wola coby córce překozać marmurowy wizerunek
ji matki. Późnij ale dźyŭô znodŭô śe w w muzyum w Berlińe.
Přišôŭ čas wojny ani i luftschutzraum ńy pomôg. Hamerykôńskje fligry śćepli
bomby na muzyum co śe skôńčôŭô niydobře do "Bachantki na pantyře".
www.gorny.slask.pl/fotki/bachantka2.jpg
Dziśoj chyba dalij je kajś schowano we berlińskij pewnice ŭôšpycono i
zapomńano.
Pełna wersja