reden6
18.08.06, 23:07
i7.tinypic.com/24y0fuw.jpg
Ta fotka je tyż we encyklopedje FUJI "Ruch Chorzów". Je to manszaft
Bismarckhütter SV 99 (BSV).
Skład w sumie niy odbiegoł od mjyndzywojynnygo Ruchu Wielkie Hajduki (Ruchu
Chorzów od kwietnio 1939),
kibice i sztadjon tyż te same. To pojakiymu sie godo co Ruch zostoł bez
Niymców zlikwidowany (?)
Ale jo niy o tym. We encyklopedje FUJI podpisane je co to bild ze 1940 roku.
Jo by optowoł za 1941 abo 1942 rokiym.
Niy ma na zdjynciu już Ewalda Urbana kery odzszoł po awansie BSV do Gauligi
(po syzonie 1940/1941) a som już Edward
Lasecki (6-ty z lewyj) i torman (za Erika Tatusia) - Walter Brom (2-gi z
lewyj) co sie chycili na gra w Ruchu ups! BSV w Gauliga
Oberschlesien.
Trocha mi niy pasuje opis miyjsca kaj te zdjyncie je zrobione. Piszom co to
sztadjon AKS Chorzów (Germania Königshütte)
ale jakoś mi ta trybuna niy podłazi na ta co sbudowali we 20-tych latach na
Rejdynbergu. Chyba że to jako inkszo... Kojarzy
Wom sie tyn sztadjon jako?
Może keryś ze inkszych manszaftów co byli z Ruchem ups ze BSV mioł take
trybuny?
Vorwärts-Rasensport Gleiwitz
Beuthener SuSV 09 8
TuS Schwientochlowitz
1. FC Kattowitz
TuS Hindenburg 09
SC Preußen Hindenburg
No chyba, że to richtig je AKS.