niy ino do frakcji starych Labanderow

[szwager_z_laband]

wiela lagrow bouo w czasie wojny i potym po niyj i kaj gynau we
Laband?

[ballest]

Kja bou ten jeden to wiem, bo jest nawet Karta z niego!

[szwager_z_laband]

mosz na mysli tyn na "osiedlu", nyn powojynny?

[berncik]

szwager_z_laband napisał:

> wiela lagrow bouo w czasie wojny i potym po niyj i kaj gynau we
> Laband?


Jo pamientom dwa coch som widziou ten jedyn ten 1dyn to od Kläranlagi
kaj przistanek autobusowy i az pod dom kultury a tyn drugi,zaroz jak zes wyloz
ze przistanku (Kuznica) potym we tym lagrze byli SP
(Sluzba POlsce).A teraz co szwager mi ten link dou do tej ksionzki co tyn farorz
napisou o lagrach w Laband to On pisou ze jeszcze jedyn lager bou keis we hucie
albo we Herminie,co On poznou te miejsce kaj te 1700 slonsokow lezy
pochowanych(nie wiem czych dobrze zapamientou te 1700) tz.by bouo Trzi 3

[szwager_z_laband]

miyjwiyncyj tak jak ty to godosz godo i moja familia, ale kuknij sam
na tyn plan! - zgodzo to sie wedug cienbie?


stolarzowice.info/index.php?
option=com_content&view=article&id=131:nad-ostatnim-nie-miaem-siy-
nawet-si-pomodli&catid=53:1945&Itemid=114


a co z tym lagrym co bou we tym filmie fabularnym, we kerym jakos
Polka i Walijczyk(jak sie niy myla) za Adolfa musieli robic we
jakyjs cygelni we Laband?

jo couki czos myslou ze to musiaua by byc ta cygelnia jak sie jedzie
na Stare Glywice - ale to ino moje pszipuszczynia!

wiysz cos o tym ?


ps

no i te baraki na kuznicy, kaj potym po wojnie najprzod repatrianty
miyszkali????

[herbjelita]

Zaro po wojnie jak pszyszuy russy to uogrodzieli wielke osiedle, które
prawie co bouo gotowe dlo robotnikow HG Werke. Po tym pocie jeszcze bezmas
dzisiok stojom kaj niekaj supy. Na tym to osiedlu zrobili lager, kaj
Slonsoki pszewżnie z Opolskiego bouy internowane. To uoni musieli hale,
suwnice i mosty dlo rusuw rozbieroc. Wiela z nich uostauo wywleczonych do
Rosyi i już nazot nie pszyszli. Uojciec uod moiej kobiyty tam siedziou.
Pochodziou ze Sw. Anny. Tesciowo mija zaś piechty do Labond szua, aby mu
jajka i konsek szpyrki zaniyść. Starosta ze Strzelec postarou sie aby
gospodorzy zwolnic i tak sie uratowou.

[szwager_z_laband]

to sie zgadzo z moimi informacjami tysz, ale ze przewaznie ze
Opolskego to piyrszy roz suysza - jak ziymia glywicko i zabrzansko
ale sam zaliczosz do oplskego(bo przeca tak bouo do 45go) to mogesz
miec recht ale!

moja ouma z tego osiedla musiaua sie ewakuowac na Stare Laband jak
szli Ruske i zanim niymcy most wysadziyli.

zas jedna z oumow od mojyj tam miyszkaua juzas w tych domach, bo tam
repatriantow ze Francyji dowali potym na te miyszkania. Do tych co
niywiedzom - niy couki lager to bouy baraki!

w tym lagrze siedzieli tysz Ukraince co byli we Slonsku na robotach -
Rusy ich za zdrajcow mieli!

[berncik]

Co jo wiem to Ukraince siedzieli na przistanku,oni lazili we cholcokach po
Laband i sprzedowali albo lepi zamieniali rozne drewniane wyroby,ale ze lazieli
po Laband to mozno to byli repartyjanty
Matka pedziaua ze to som Ukraince.Jo dostou wtedy take dwa koniki t takym
woskem,za monka albo zucker.

[herbjelita]

Schwager ty tu cosik mylisz " nie couki lager to boue baraki"
Uod banhowu patszons najpirw bou lager z barakuw za niemca dlo gefangenych
Tam bouy tysz te francuzy co na cegelni robiouy. To bouo w czasie wojny.
Wielke osiedle jako lager to bouo po wojnie dla sląsokuw. Tam nie bouo
barakuw. Na pszodku tyn lager uostou w 50-tych latach rozebrany i na tym
miyjscu zrobili ogrudki dziaukowe. Nasz uojciec taki jeden konsek weznou i
my miesiuncami wykopywali z tyj ziemi te fundamenty po tych barakach.
Also lager przed osiedlym to jedno a w osiedlu to drugo sprawa.

[szwager_z_laband]

a co bouo z tymi barakami kaj potym boua tzw "administracja"?


mie sie zdo ze w tym lagrze kaj za wojny siedzieli to potym tysz i
slonzoki byli, ale moga sie ymlic(myslouech ze to wszysko razym bou
jedyn lager!)

Mama mi opowiadaua ze po wojnie jedny francuski chop miyszkou tysz
zakanauym i ze to bou jedyn z tego lagru co do Nimcow musiou robic.
On podobno pora lot miyszkou Zakanauym i potym chyba pojechou fort,
bo go juz niy bouo naroz ...

[berncik]

szwager_z_laband napisał:

> a co bouo z tymi barakami kaj potym boua tzw "administracja"?
>
>
> mie sie zdo ze w tym lagrze kaj za wojny siedzieli to potym tysz i
> slonzoki byli, ale moga sie ymlic(myslouech ze to wszysko razym bou
> jedyn lager!)
>
> Mama mi opowiadaua ze po wojnie jedny francuski chop miyszkou tysz
> zakanauym i ze to bou jedyn z tego lagru co do Nimcow musiou robic.
> On podobno pora lot miyszkou Zakanauym i potym chyba pojechou fort,
> bo go juz niy bouo naroz ...


Szwager:Tam kaj ta Administracja boua to n ie bouop nic ino lonki
i trocha nizej potym jak budowali to to nadsypali i zbudowali te
murowane budy co se nazywajom administracja ino za nic nie pamientom
co najpierw wybudowali ? Dom kultury albo Hotele?

[szwager_z_laband]

mom fotka jak budowali dom kultury, ale tam niy widac co i jak -
mysla ze w tym samym czasie to postawiyli, bo tyn som styl itd,
usw ...

[szwager_z_laband]

na dole je wszkryfnincie o Laband:

www.silesia-schlesien.com/artikel/artikel/article/17///210-nachkriegslager-gefaengnisse-und-isolatio.html

[szwager_z_laband]

czytom fragmynty Gerolda Schneider ksionzki i on tysz szkryflo ze
bouy baraki we Lagrze!

alo chopcy pomozcie mi to wyklarowac!

[szwager_z_laband]

te baraki to podejzywom musiauy byc baraki kole dzisiejszego Bumaru
(co wczesniyj bou czynsciom Herminy) i czynsc tewgo terynu je
dzisiej na tertynie zakuadu.

w takim razie to bou by tyn lager we kerym miyszkali te co musieli
rozbiyrac hale!

kto w takim razie bou wiynziony na terynie lagru na "osiedlu"? -

[szwager_z_laband]

co mie jeszcze interesuje to lager do kobiyt!

autor pisze ze jak bou we Laband to:

jak my dalyj jechali richtunk kanau, durch pszi i wzduz wysokego
ogrodzynia zakuadu, zdo mi sie zauwazouech miyjwiyncyj miejsce lagru
do kobiyt."

[berncik]

szwager_z_laband napisał:

>
>
> co mie jeszcze interesuje to lager do kobiyt!
>
> autor pisze ze jak bou we Laband to:
>
> jak my dalyj jechali richtunk kanau, durch pszi i wzduz wysokego
> ogrodzynia zakuadu, zdo mi sie zauwazouech miyjwiyncyj miejsce lagru
> do kobiyt."

Jo ekstra trocha telefonowou z kuli tego lagru,we Garmisch Partenkirchen tam
mieszko dzioucha starszou od dymie co chodzioua zemnom do Kindergarten we Alt
Laband. Powiedziaua ze te baraki stoue miedzy walcowniom a stalowniom w kierunku
ul. Koasciuszki teraz Gojawiczynskiej. Potem Gorole tam zrobieli H.P.R.we tych
Barakach.Tam tyz bouo wejscie do Huty zaroz za tymi srogemi dumami
hutniczymi,potym to zaszperowali ale do dzisiej poznac ze tam bua droga,przi
takej przikopie.Dokladniej se jeszcze dowiem na drugi
tydzien bo jedyn co interesowou se Labandem je chory chemo.

[berncik]

Jeszcze jedno zech zapomniou Jeszcze bou lager jak se szlo ze Banhofstrasse kole
szkoly do kscioua to zaroz za gleizami,za tom budkom
od szlabaniorza po lewy stronie,Tyn lager bou uzywany ieno przed wojnom
to bouy drzewianne baraki.Gorole je rozebrali i wybudowali te murowane
baraki co tam jeszcze dzisok stojom.
Tam potem buo Technikum

[szwager_z_laband]

to som do mie wazne informacje - pozwol ze je podom dalyj, do
jednego chopa ze Glywic kere pomogo jednyj studyntce pisac o lagrach
we Laband praca! - zgodzosz sie?

no i czekom na dalyj!

[szwager_z_laband]

Gojawiczynskiyj - tam zech uaziou do przedszkola hutniczego
jak my mieli ze zadku plac zabaw to za nim boua tako pszikopa - -
moge to byc to?

godosz miyndzy walcowniom i stalowniom - to by to musiauo byc kajs
niydaleko rowerowni staryj - abo?

[berncik]

ja dej dali co Ci pasuje.Ta przikopa za tym przedszkolem to bouy resztki starego
kanlu.Jedna rowerownia boua zaroz za aptykom,prawie ze na starym kanale,ale kei
drugo rowerownia bua nie wiem .Powinna byc gdzies kouo tego wejscia na wlcownia
,to bouo trocha dali,naprzeciwko tego sporzywczego(dugoch myslou jako my na ten
sklep godali ale teraz wiem) U Jaroszki.Stary Lischka tam doni lotou po nocy.

[szwager_z_laband]

Dynke, douech tymu chopowi link na tyn wontek!

[anton_28]

berncik napisał:

Ta przikopa za tym przedszkolem to bouy resztki starego kanalu.


Berncik, dobrze pszeczytouech "stary kanau"?? moj lieblingsthema !!

pamiyntosz jak dugo uon tam jescze bou?? idzie mie uo abschnitt
miyndzy Bahnhofym a Walcownioom i tam kaj te kindergarten je - eli
tam dugo woda stoua?? (tam tysz je do dzisiej ulica Nad Kanauym)

Jo jak se spominom jak na rynek se szuo, po stroonie walcowni z
atoom budkoom s kwiotkoma to jescze do poua 80 lot woda stoua - ale
wtedy niy miouech ahnungu ze to je stary kanar. Potyn nogle tyn
betonmauer postowiyli i nie wia co s tom wodoom se zrobiouo

[berncik]

anton_28 napisał:

> berncik napisał:
>
> Ta przikopa za tym przedszkolem to bouy resztki starego kanalu.
>
>
> Berncik, dobrze pszeczytouech "stary kanau"?? moj lieblingsthema !!
>
> pamiyntosz jak dugo uon tam jescze bou?? idzie mie uo abschnitt
> miyndzy Bahnhofym a Walcownioom i tam kaj te kindergarten je - eli
> tam dugo woda stoua?? (tam tysz je do dzisiej ulica Nad Kanauym)
>
> Jo jak se spominom jak na rynek se szuo, po stroonie walcowni z
> atoom budkoom s kwiotkoma to jescze do poua 80 lot woda stoua - ale
> wtedy niy miouech ahnungu ze to je stary kanar. Potyn nogle tyn
> betonmauer postowiyli i nie wia co s tom wodoom se zrobiouo
>
Anton:Od Mostu kole dworca az do mostu przi aptyce jezdzieli my na szlynsuchach
kozdo zima,bo pod tym mostem bouo zasuto,a za mostem i aptymom taz zasuli i tam
zrobieli rowerownia,a potem daliw kierunku przedszkola stua zas woda to jeszcze
bouo widac tyn stary kanau.
Po wojnie my chdzieli na nowy kanau,zbierali my amunicja i fosfor,
ten fosfor my zapolali i ciepali a tyn ogien leciou jak by miou nogi.A te
patrony my znodli we bonkrze przi nowym kanale ,to zas przi starym my z
kamieniami uczasli ten nabuj a proch my podpolali.
Jak se tak dzisiej pomysla jak by moj synek take cos robiou jo bych go zabiou,no
ja moi rodzice mieli co inkszego wtedy na gowie.Zasypowali tak jak ktos
potrzebowou jakos dziura zeby cos wysypac to to bou kanauPa mientosz ta beczka
to zaniom bou ten kanau szyrszy do zawrocanio schifof.Ja my mieli ze tym kanauym
duzo schpasu.chopcy se tam kozdo zima topieli.Jednygo my wouali Topla bo se
kozdy rok zarwou. jo tyz ale ino roz jo juz miou 15 lot my robieli bigos,to bouo
jak tyn lod se tak fajnie pod tobom uginou.Nie wiem czymu mi se to tak wspomino.

[bratjakuba]

Berncik,wiela Ci je lot? Jak wolno spytać.
Bo jak tak opowiadosz o tym fosforze to jo sie pytom siebie czamu jeszcze żyja.
Bo to samo my robiyli ze granatami co by wyciongać śnich tyn pulwer.
Po tym sie robiyło z tego żołtego,ruskigo take rakiety.Furgały i szczylały jak
gupie.
Pytom sie nikiej siebie czamu jeszcze żyja bo ech rozebroł możno bez 200 tych
granatow co by śnich dostać tyn pulwer. A robiyło sie to tak,że sie walyło tom
szpicom o betonowo kanta. Toż je powod do dziwowanio,ale widać Ponboczek tak
chcioł abych żył.Moje niekiere kolegi co już nie żyjom byli bez rynki abo bez
nogi bez te graczki.

[berncik]

Braciejakuba:Jo miou wtedy jakes 9 alb 10 lot.Ta amunicja to byla przeciw
lotniczo ze ketom. jak karabin maszynowy.Mie tak samo idzie
ze czasami se pytom czamu jeszcze zyja.Granatow my nie rozbierali
ale zato tauchowou zech za takymi to chyba byli mozdzierze
te granaty miauy na ogonie take skrzidua ,kozdy granat bou osobno zapakowanytake
cztyry deski i tasma.my ze cygelni wyciongli tego cauo kupa potem policja to
zebraua i chcieli zeby to we chucie przetopieli.
We chucie ich wygonieli to zakopali to we labanckiem lesie.Ta chistoria je
richtig prowda.Dzisiej by to bouo nie do pomyslenio.

[szwager_z_laband]

moj fater opowiadou mi ze jak bou smarkaty to tysz rozbiyrali
pociski i oddowali na zuom - no i miou tam jedyn zginonc we Laband
odniego kolego pszi tym = juz niypamiyntom jak mu bouo, mozno
Berncik pamiynto(?)

[berncik]

fotoforum.gazeta.pl/photo/2/qc/ga/yobe/wGSs1gQ6XoZEuLjbBX.jpg
szwager: jo to dostou mozno cos ze tym zrobisz,mie se zdou ze
herbjelita cos na tyn temt wiency wie.

[szwager_z_laband]

super!!!

mosz to w powiynkszyniu??

Dziynki i podej dziynki dalyj!!

ps

[szwager_z_laband]

te miyjsze to som baraki!

no to miouech recht

do Berncika

[szwager_z_laband]

mom Ci pszekazac take zapytanie - cytuja:

"Ten skan jest z czego, nie wiesz? Zapytaj Berncika jak możesz."

[berncik]

szwager_z_laband napisał:

> mom Ci pszekazac take zapytanie - cytuja:
>
> "Ten skan jest z czego, nie wiesz? Zapytaj Berncika jak możesz."


Nie wiem ze czego ta mapa je probuja se dowiedziec ten co mi jom posuou nie
wie.Mozno se jeszcze dowiem od kogo On jom mo.Jak se dowiem to Ci napisza.

[szwager_z_laband]

Dziynki!

[berncik]

szwager_z_laband napisał:

> super!!!
>
> mosz to w powiynkszyniu??
>
> Dziynki i podej dziynki dalyj!!

Jo to w powiekszyniu nie mom na Adobe to idzie powiekszyc al czytac sowiso nie
idzie.

[anton_28]

po te patrony to my niyros lotali do lasa za kerhowym :)) to bouy
take 10 cm duge, 2-3 cm szyroke zarosciaue patroony

niykej couko tasza se do dom psziwlykuo :) ale bouo larmo!

[szwager_z_laband]

ja, my tysz je tam znojdywali - niyznom sie, ale cos tam boua godka
o przeciwlotniczych

tam bouo pouno tysz tych - pierona jak to sie mianuje?? - no take
dinksy kaj te patrony w nich bouy!

[berncik]

anton_28 napisał:

> po te patrony to my niyros lotali do lasa za kerhowym :)) to bouy
> take 10 cm duge, 2-3 cm szyroke zarosciaue patroony
>
> niykej couko tasza se do dom psziwlykuo :) ale bouo larmo!
>


Anton to nie bouy te co my wyciagali ze cygelni.Tam wlesie kouo cmyntorza bouy
okopy i te naboje ze tymi ketami to boue do Karabinow Maszynowych.M.G..A te ze
cygelni to bouy prawdziwe bomby.
One bouy 30 cm.duge 8 albo10 cm rube.Na koncu bouy ciensze i miauy take 3 albo 4
skrzidouka tak jak te darty co sie ciepie do tarczy we knajpach.

[anton_28]

berncik napisał:

Anton:Od Mostu kole dworca az do mostu przi aptyce jezdzieli my
na szlynsuchach

also tyn kanau leciou za tymi haupoma na Glowny a Walcownioom??

kozdo zima,bo pod tym mostem bouo zasuto,a za mostem i aptymom
taz zasuli i tam zrobieli rowerownia,a potem daliw kierunku
przedszkola stua zas woda to jeszcze bouo widac tyn stary kanau.

To tam kaj tera je wjazd na Huta/Walcownia/Rowerownia bou kedyjs
most i leciou kanar?

to zaniom bou ten kanau szyrszy do zawrocanio schifof.Ja my
mieli ze tym kanauym duzo schpasu. jo tyz ale ino roz jo juz miou 15
lot my robieli bigos,to bouo jak tyn lod se tak fajnie pod tobom
uginou

Berncik, podziwiom Ciebie !! dyc w nowym kanarze je 3.5 guymboko!!
jak wyjscie se niy boli tak po ciynkym lodzie uajzic :))

jo bou ros 2005 na kanarze jak zamorz, ale wtedy autym zejs
poradziou wjechac

[berncik]

to zaniom bou ten kanau szyrszy do zawrocanio schifof.Ja my
mieli ze tym kanauym duzo schpasu. jo tyz ale ino roz jo juz miou 15
lot my robieli bigos,to bouo jak tyn lod se tak fajnie pod tobom
uginou

Berncik, podziwiom Ciebie !! dyc w nowym kanarze je 3.5 guymboko!!
jak wyjscie se niy boli tak po ciynkym lodzie uajzic :))

jo bou ros 2005 na kanarze jak zamorz, ale wtedy autym zejs
poradziou wjechac

Anton:Jo cauy czas pisou o starym kanale,kaj my se zarywali.Nowy kanau bu
geferlich,bardzo mauo kedy zamors,za mojech czasow mozno ze trzi razy ,tyz my
jezdzieli na szlynsuchach bo tam zawsze jak juz zamors to bou prawdziwy
spiegeleis.tego lodu wiela nie bouo bo kaj wpadaua kouo zomku Klodnica ,to juz
nie bouo zamarzniente i tam bys se zarwou.

[herbjelita]

Dzisiej ech sie dowidziou, że jeszcze dwa Lagry pszy Labendach bouy:
Jedyn zaros za puotym zakladuw mechanicznych na Czerwionce a drugi za
Starymi Labendoma, za krzyzym po lewej stronie, w kierunku na Stare
Gliwice. Widzisz tycxh lagruw bouo do pierona.

[herbjelita]

Re: Dzwoniou ech do Brzezinki i dowiedziou ech sie, ze tam bou lager dlo
Russuw, nalezou uon doch do Kozuowa. Ale to nie gro roli. Jak widać lagruw
bouo pszy Labendach do pierona.

[berncik]

herbjelita napisał:

> Dzisiej ech sie dowidziou, że jeszcze dwa Lagry pszy Labendach bouy:
> Jedyn zaros za puotym zakladuw mechanicznych na Czerwionce a drugi za
> Starymi Labendoma, za krzyzym po lewej stronie, w kierunku na
Stare


Mosz recht:Te baraki na Czerwionce jeszcze dugo tam stouy.Ale wto tam siedziou?
> Gliwice. Widzisz tycxh lagruw bouo do pierona.

[szwager_z_laband]

jo sie zastanawiom eli to je wogole kajs wszysko wiadomo w jakis
urzyndach abo archiwach ...(?)

[ballest]

www.nowiny.gliwice.pl/index.php/video/3741-abdy-dla-kadego

[berncik]

Ta mapka ze tego siedlongu to je ze gazety.ino bez lagrow,te som zrobione potym
ouowkem.Te gazety nazywajom se
Oberschlesien in Bild:
Znejdziesz je we Chomiku.gleiwitz
Tam jest duzo ciekawych artykulow i obrozkow ze laband ale przedwojenne,o lgrach
tam nie ma nic.

[szwager_z_laband]

chopcy Piyknie Wom Dziynkuja!


te inksze lagry to sie tysz pokrywo z moimi informacjami i domysuami.

wiym ze na "Kuznicy" tam w tych barakach potym repatrianty po wojnie
byli jakis czas lokowane - zanim ich porozdzielali dalyj na
miyszkania

[szwager_z_laband]

stolarzowice.info/index.php?
option=com_content&view=article&id=183:pod-drewnian-
podog&catid=53:1945&Itemid=114

[herbjelita]

Szwager, tego nie do sie otworzyc.

[szwager_z_laband]

jo zowdy w takich sytuacjach biera to kopiuja myszkom i dowom rajn na wiyrchu we
polu adresowym, potym ino enter i juz je;)

[szwager_z_laband]

www.youtube.com/watch?v=yMJILIaExg4

[herbjelita]

Lager za Bumarem w Łabędach, prawie że w Czerwionce.
www.czechowicer.eu/

[szwager_z_laband]

tam jak sie niy myla po wojnie chyba tysz repatriantow najpszod lokowali

abo?

[herbjelita]

Przeczytou eś ta cauo czechowicko strona? Pieronym ciekawo i wiela historycznych danych.
Bardzo mi se podobo.

[szwager_z_laband]

ja znom to juz pora lot i tysz tyn odnich cajtung!