czopki do rzici

12.10.12, 15:59
Jak coniykere wiedzom, niykere niywiedzom do czego som czopki, skisz tego jedyn trocha niy za krotki i niy za dugi cytat ze inkszyj zajty:

"Rzić

Rzić to je po polsku pupa, dupa abo tyłek.

To ni ma za czynsto używane słowo. Łono łokreślo czyńść ciała, kiero nojczyńścij je zakryto i kiero je wstydliwo. Ło tej czyńści rzodko sie godo, toż tyż tego słowa sie zaś tak czynsto niy używo.

Jak sie czegoś wtoś lynko, to idzie mieć pełno rzić. Na rzici sie siedziało, na rzić sie idzie łobalić, rzić sie potrzaskało. Po rzici idzie tyż dostać karbaczym, jak sie co nazgłobi.

Rzić niy je przeklyństwym, niy je tyż wulgaryzmym. To je taki same łokreślyni jak rynka, noga, wontroba, je takom samom czyńściom ciała jak inksze.

W jynzyku polskim momy dupa, tyłek, pupa a u nos je ino rzić.

Idzie komuś pedzieć: „mom cie w rzici”. To je fest dosadne łokreślyni i taki dość poważne. Idzie tyż pedzieć: „pocałuj mie w rzić”, „skocz mi do rzici”. Ale tyż idzie pedzieć: „ale z ciebie je rzić w kraglu”.

Jak synek łaził do dziołchy na zolyty a łona niy do końca go chciała, mogła mu pedzieć: „jak ci kopna do rzici”. Wdycki musioł dać se pozór bo łona mogła już potym śnim wiyncyj niy godać.

Elymynt wulgaryzmu w tym słowie przyszeł do nos z czasym, w momyncie industrializacji. Pościongali ludzi zewszond i kożdy ze sobom coś przynios. I te elemynty sie zaczły miyszać i zmiyniać swoje znaczyni. "
    • heli34 Re: czopki do rzici 12.10.12, 17:36
      Ty mosz ipi na punkcie róznic miyndzy polske a ślonske.

      Twoj wywod zaś je takim volltrefrym ale do własnej bramki.

      Jak idzie o rzić to je jak nejbardi polsko ale pisze sie i godo rzyć.
      A w ślonskim je jak zwykle przekryncono litera bo po nimiecku y czyto sie jak i .
      Jeszcze przed wojnom szło poczytać w starych ksionzkach z anatomii
      o rzyci skłodajoncej sie dwoch połrzytkow a miyndzy nimi szpara rzyci.
      Ślonski zaś też zno połrzitki abo za Odrom i u Steuera wymowiane połerzitky
      A dzisiej donoszom o tym tak.
      pl.wiktionary.org/wiki/rzy%C4%87
      Ty mosz możno mocka wiadomości ale wiedzy w żodnej dyscyplinie ani za fynik.
      No bo skont zaś miała by sie brać, z Wiki?
      Wiedza zdobywo sie w szkole,kierom gardzisz.A przisłowie powiado( a nie godo):"uczyć sie trza choby od diobła".
      I na tym by my zaś ta pouczajonco dysputa z nadmuchanym balonym zakończyli.
      • szwager_z_laband o ipcie, ipi i dwoch bolokach 12.10.12, 17:47
        zdo mi sie ize trocha sie mosz jak po dostaniu felom po rzici - no bo rzyc to je po polskymu a rzic to je po naszymu.
        abo?

        no ale juz juz pszinajmiyj na telas z tom czopkom spokopiou ize szkryflosz sam a niy tam;)

        pacz tam jako i niy byc juzas taki marudny;)

        pyrsk!
        • heli34 Re: o ipcie, ipi i dwoch bolokach 12.10.12, 18:15
          szwager_z_laband napisał:

          > zdo mi sie ize trocha sie mosz jak po dostaniu felom po rzici - no bo rzyc to
          > je po polskymu a rzic to je po naszymu.
          > abo?
          >
          > no ale juz juz pszinajmiyj na telas z tom czopkom spokopiou ize szkryflosz sam
          > a niy tam;)




          Idzie mi sam o to abyś siebie i inkszych uczoł ślonskigo jynzyka podle przikładow,kierych je pod dostatkym a nie wciskoł sam labandzki,powojynny slang jako muster ślonskigo jynzyka.
          Żodyn glywicki ślonski nie istnieje.
          Prawie Glywice były takim miastym we cołkej aglomeracji zabrsko-bytomsko -glywickej kaj downo przed wojnom już propagowano powiedzynie "hier wird Deutsch gesprochen".
          A slonsko godka była uważano za rzecz szkaradno i nie godno pąńskich Glywic w kierych noleżało godać po pańsku.
          Pisze o tym Steuer we gedichcie "Antun Rak"
          Myśla, co mogymy dońść do porozumiynio jak kożdo różnica zdań przestaniesz traktować jako atak na osoba a zaczniesz rozumieć że idzie o jedna rzecz- piykno ślonsko godka,kiero obu nom je blisko a szargano je ze wszystkich stron.

          • szwager_z_laband Re: o ipcie, ipi i dwoch bolokach 12.10.12, 18:23
            jo niyznom tych "panskich" Gliwic Panie Janie na Organie, jo je ajnfachowy synek ino ze Laband kole Glywic

            padouch Wom niybydzie maruda a Wy dalyj swoje

            powiydzcie ino jako'scie psziszli na to ze jo sam kogos na tym forum chca uczyc?

            mie niyma ganba pedziec, a padouch to sam juz downo, co my sie sam jedyn od drugego same uczymy.

            no tosz suchom Wos dalyj panie Janie na Organie:)

      • hanys_hans Re: czopki do rzici 12.10.12, 17:57
        Pszileciala jedna soomsiadka do drugi i pado:
        - Kowoliczko, Kowoliczko! Wiycie, co jo dostaua?
        - Co? Powiydzcie pryndko, mozno i jo zaros poleca!
        - Himoroidy!!!
        - Kajs´cie je dostali?
        - W rzici!!!
        - To wy´cie tako? Jak jo co dostana, tysz woom tak powiym!
        • szwager_z_laband Re: czopki do rzici 12.10.12, 18:03
          ;)
          • hanys_hans Re: czopki do rzici 12.10.12, 18:16
            W Korbielowie wzdurz granicy szou baca, szou prosto,
            prosto narous jak niy skrynci w lewo a za kszoka wopista.
            - Baco, a wy kaj? Baca spojrzou.
            - A tero to jusz do rzici!
            • szwager_z_laband Re: czopki do rzici 12.10.12, 18:25
              Hanys Tys robiou na grubie - powiydz ino jak to je z tom felom i rziciom (?)
              • hanys_hans Re: czopki do rzici 12.10.12, 18:53
                szwager_z_laband napisał:

                > Hanys Tys robiou na grubie - powiydz ino jak to je z tom felom i rziciom (?)

                babsko rzic' -> Hercoowa

                Rous na grubie sztajger posuou gorola kery tam robiou po fela. Tyn piernik
                wyjechou na wiyrch i poszou po swoja lipsta. Prziszou z nioom nazod do sztajgra
                a tyn mu pado:
                - No, mosz ta fela ?
                - Ja, panie sztajger! Sam stoji!
              • rico-chorzow Re: czopki do rzici 12.10.12, 19:33
                szwager_z_laband napisał:

                > Hanys Tys robiou na grubie - powiydz ino jak to je z tom felom i rziciom (?)


                Jak stare bambry padali - fela je dobro na gorola -.
                • artjomka Re: czopki do rzici 12.10.12, 21:36
                  Ja kamraty!
                  s tom rziciom to mocie pra.
                  U nos w doma, za bajtla, to my po rzici poskiym dostowali - ale godac ...rzic, abo ...do rzici..bouo brzidko!
                  I do tego prziszuo, co jak mauy Francik poszou do sklepu, bo go mamulka posuaua coby pora rzeczy kupiou - godo do sprzedowaczki:
                  - dejcie mi dwie rolki papioru do rzici!
                  - synek - tak sie niy godo, bo to brzitko! Tyn papior zwie sie papior toaletowy.
                  - No to tego mydua toaletowego, to niy chca - dejcie mi take do mycio gymby!

                  Pyrsk przi szlustydniu!
                  • szwager_z_laband Re: czopki do rzici 12.10.12, 21:46
                    no to jeszcze jedyn konsek co je tak richtik niyfajny i trocha do rzici:)

                    "Roz jedyn chłop wyłowjół złoto rybka a łóna mu godo:
                    - Spełnia trzi życzynia całyj twojyj Familiji!
                    Chop wciep złoto rybka do wody. Prziszoł do dóm, zwołał swojo baba a dzieci.
                    - Wjecie, złowiłech złoto rybka i mi pedziała, co spełni trzi nasze życzynio...
                    Mało Marijka, podskoczywszy ze łuciechy, krziknyła:
                    - Chciałabych jeża!... Do rzici ze takjym jeżym...! Aua, wycióngnijcie mi tygo jeża!..."
                    • szwager_z_laband ciciriri piorko ..... 12.10.12, 21:56
                      forum.gazeta.pl/forum/w,34281,68512496,103729888,Re_smieszny_Humor_.html
                      • szwager_z_laband Re: cicirici ..... 12.10.12, 21:57
                        mom to w .....
    • szwager_z_laband o ponskich ponkach i jednym Marudzie 12.10.12, 18:51
      miouech kedys kamrata choby bracika co durch go kusiouo uazic na ponki
      tosz tyn pieron niydos' ze uazion na te ponki to jeszcze to musiauy byc te ponske ponki
      jo mu durch tuplikowou ize to je niyfajnie ponske ponki podbiyrac i zouwizo belejake ponki tysz ...
      a on mi na to coby jo go niy uczou bo on je wiyncyj stary jak jo i tela
      no tosz jo mu na to coby on niy fulou bo to je niyfajnie cudze ponki srywac' i tela i tela
      a uon myslou juzas ze jo chca byc' mondrzejszy od niego
      no i co jo mu miou na to pedziec ... (?)

      padouch mu ze on je jak tyn stary Maruda

      a wiycie kto to bou tyn stary Maruda?
      Niy???

      on sam kedys szkryflou ale potym sie przemianowou;)

      • szwager_z_laband ps 12.10.12, 18:53
        a tera musza is tam kaj mie jeszcze niy bouo, bezto dejcie sam trocha na niego obacht

        pyrsk!
    • szwager_z_laband a na koniec pouno rzic spory 12.10.12, 22:36
      slonskogodka.blog.onet.pl/Dupa-abo-rzic,2,ID412547058,n
    • gryfny Re: czopki do rzici 12.10.12, 22:46
      mann,mann, noch krasser szwagier....was ist los mit dir?
      • szwager_z_laband Re: czopki do rzici 12.10.12, 22:50
        jak to sie godo, siedza na rzici, zodnego niy szteruja a sam naroz take cos:

        forum.gazeta.pl/forum/w,34281,139555797,139560565,Re_co_to_som_za_symptomy_.html
        i to niy piyrszy roz

        co Tybys na to pedziou?
        • gryfny Re: czopki do rzici 12.10.12, 23:00
          do mie to som symptomy ze forum schodzi na psy
          • szwager_z_laband Re: czopki do rzici 12.10.12, 23:03
            no to cza o nie zadbac
Inne wątki na temat:
Pełna wersja