Sebastianeum Silesiacum

13.10.12, 08:03
sanatorium.kamienslaski.pl/
bou ktos juz tam, moge cos o tym pedziec?
    • ramon6 Re: Sebastianeum Silesiacum 13.10.12, 11:47
      Ja jou zech tam bou we tym roku po rous piyrszy i chca tukej dlo nich ze czystym sumiyniym raklama robic.
      Za ta cyna mozno i tukej, we Niymcach idzie jakous izba dostac, ale niy ze zabiegoma.
      Bou ech (moja tysz) blank pozytywnie zaskoczony.
      1 Service je bardzo dobry. Dziouszki na recepcyji poradzom i chyntnie goudajom po slonsko, niymiecku i gorolsku, jako komus pasuje.
      Zabiegi som bardzo dobre. Czowiek niy stanie sie tam blank nowy ale mie pomoguy.
      Nojbazi musza pochwoulic sostra Angelika - czowiek aniolek, no i te inksze mode dziouszki i synki co sie bardzo uo tych ludzi tam starajom.
      2. Izba - som dojs male, ale styknom. Kouzdou mou baderzimmer s duszom i telewizor
      3. Czystojsc - bardzo czysto wszyndy!!!
      4. Jedzynie - take jak w doma. rano se kouzdy moge wzonsc ze bifyja co chce, a walunek je wielki. Wszysko je swiyzo robione. Bouy i bigos, krupniouki, zur itd.
      5. Kawiarnia - fajnou ale trocha mauou. Je tichaurt i zywiecke. Kole zomku je tys kawiarnie tam sie idze s byzuchym siednonc pszi swiyzym kououczu i kawie. Cyny som normalne.
      6. Wiejs - je wypynzlowanou, typowo slonskou.
      7. Publikum - je przewaznie tak kole 60 - 80 lout, ale je corousto wiyncy i takich co jym 50 pizuo.

      Nom sie tak podobauo, zech za dwa miesonce mojich starych rodzicow tam zawios. i - a to je prowda - uoni tam uo 10 lout uodmodzieli.
      Niewia na czym to polegauo, ale zdou mi sie ze byli ajnfach u siebie.

      Jeszcze jedno, duzo ludzi pszijyzdzou tam po dwa abo i po czi razy na rok. A jou jada we psziszuym roku tysz juzajs.

      Tymu co to na nogi postawiou dziynkuja tukej s coukego serca!"

      Nicht der Weg ist das Schwere, sondern das Schwere ist der Weg
      • szwager_z_laband Re: Sebastianeum Silesiacum 13.10.12, 11:55
        no to fajnie i trocha bych se te okolice pozwiedzou, a mozno i do mamy faktycznie by to dobre bouo:)

        znaczy od gowy ze wyzywiyniym i zabiegami wiela cza na dziyn liczyc?

        wiela dni cza wzionc minimum jak sie biere zabiegi?
        • gryfny Re: Sebastianeum Silesiacum 13.10.12, 11:56
          sanatorium.kamienslaski.pl/index.php?go=1417
          • szwager_z_laband Re: Sebastianeum Silesiacum 13.10.12, 12:02
            ja, jo to widziou, ale ciekawi mie co Ramon powiy
            • ramon6 Re: Sebastianeum Silesiacum 13.10.12, 12:14
              To je jedno, ty sie mogesz tam pojedynce zabiegi wykupic - np. massage, fango abo i cijs inkszego,
              Jak dugo sie tam chcesz byc, to zalezy uod cia.
              My byli tam dwa tydnie, ale tak bych kouzdymu te czi tydnie poleciou, bo po tym czyjsie czowiek dopiyro tak naprowdy do spokoju dochodzi i do nowego miejsca sie pszizwyczajou.
              Do kosztow cza pedziec ze som zalezne uod sezonu, ale ta cza na dzisejszy dziyn te 42 € na dziyn i osoba liczyc. We ty cynie som Vollpansion, ärztliche Untersuchung i czi zabiegi drin.
              Cza sie tam za wczasu zameldowac, bo sie jusz uosgoudauo, ze tam je fajnie.
              Zameldowac sie idzie po polsku i po niymiecku.
              Nicht der Weg ist das Schwere, sondern das Schwere ist der Weg
              • szwager_z_laband Re: Sebastianeum Silesiacum 13.10.12, 12:21
                Dziynki Ramon - pokoza to mojyj mamie, mozno to bydzie tysz cosik do niyj:)

                jo se to zapamiyntom na jakis tydziyn mozno kedys sie tam karna ... - downoch juzas niybou w doma:(
                • berncik Re: Sebastianeum Silesiacum 15.10.12, 10:35
                  Jesteś tu: Strona główna Wiadomości Artykuł

                  A
                  A
                  A

                  tagi:

                  Kamień Śląski
                  Kórnica
                  www.nto.pl/apps/pbcs.dll/article?AID=/20120821/POWIAT04/120829884
                  Kamień Śląski i Kórnica. Najpiękniejsze opolskie wsie

                  Pałac w Kamieniu Śląskim. Wieś została najpiękniejszą wsią 15-lecia.

                  Pałac w Kamieniu Śląskim. Wieś została najpiękniejszą wsią 15-lecia.
                  Dziś poznaliśmy laureatów 15. edycji konkursu "Piękna Wieś Opolska" organizowanego przez Urząd Marszałkowski.
      • rico-chorzow Sebastianeum Silesiacum 15.10.12, 16:10
        Gryfny podziynk za adresa,podom dali.
    • herbjelita Re: Sebastianeum Silesiacum 15.10.12, 18:14
      Miesiąc tymu żech tam w Kamiyniu bou. Sebastinrum tyż. Wzion ech se prospekty i wypatrywou biskupa Nossola bo uon tam mieszko. Godać z takimi uczonymi to poradza. Niestety nie miou ech szczyńścio. Przed pora lotmi wiercieli tam dość gymboko i widać, że se uopuaciouo. Doś wiela fontannów tam je. Przi zomku je ta kaplica św. Vinzentego i uona je zawdy uotwarto i drogo urzondzono.
      Jo na tym zamku bou jak to jeszcze ruinom bouo a potym drugi roz po remoncie. Ujek mojego szwagra bou tam przed wojnom kamerinerem i to uon nos tam oprowadzou. Uon ale już nie żyje boroczek - fajny to bou chop. Jak wleźesz do zamkowego parku to znejdziesz wielko tablica, na wtorej je napisano, że zamek ten zostou uodremontowany z funduszy kościoła i Republiki Federalnej Niemiec. A kaj byli te kulturalne Poloki? Po wojnie bou tam dom dziecka a potym ruina.
      Wiesz to se nadowo jaki pierwszorzendny przykłod na tyn zegarek co to te Poloki dostali i spierdolyli.
      • rico-chorzow Re: Sebastianeum Silesiacum 15.10.12, 18:36
        Tyn zygarek Poloki "kupiyli" i go majom.
        • ballest Re: Sebastianeum Silesiacum 15.10.12, 18:55
          Wyglondou na fajny i dobry Empfehlung, jak znejdam kogos to tysz podom dali!
          • ramon6 Re: Sebastianeum Silesiacum 15.10.12, 19:49
            Serwus Ballest,
            jak zech tam bou, to pszi mojym stole siedziaua jedna starszou pani, kerou twoja bardzo dobrze znou (ta szwouczka)
            niykej se czowiek uswiadomi jaki mauy je tyn swiat, a jego pympkym je Slonsk.
      • gryfny Re: Sebastianeum Silesiacum 15.10.12, 21:31
        "zygarek zepsuty" na amen:
        www.youtube.com/watch?v=jRdMd_cItjU&feature=relmfu
Inne wątki na temat:
Pełna wersja