Dwa Albumy

23.02.13, 18:12
Wsadziou zech dwa nowe albumy Jedyn Groß Strehlitzer Land i Laband. Somto obroski co mom na festplacie juz kupa lot i se mysla ze jak by co niedej panie Boze stauo jak Fatumowi to niyma na co zurück greifen chociaz te fotki sam po internecie lotajom.
schlesien.nwgw.de/foto/index.php?cat=10126
    • szwager_z_laband Re: Dwa Albumy 23.02.13, 18:20
      co mie interesuje:

      1 - okolice Strztelcow;

      tyn spichlerz to je kaj gynau?

      i te ruiny tego wiatraka - je to tyn co go widac ze autobany pod Anabergym?


      co do Laband to mom jedne zapytanie = niymosz jakyj wiadomosci o tym budynku na Narutowicza kery nazywali my "gazownia" ?
      • berncik Re: Dwa Albumy 23.02.13, 19:10
        Tyn je we Kadupcu i nalezou piyrwy do naszy Rodziny to bou Od Ojca jakis Ujek.
        https://schlesien.nwgw.de/foto/albums/userpics/thumb_Mlyn.jpg
        Tyn drugi wiatrok je we Sw Annnie ,widac ze autobany obydwa.Do kogo tyn we sw. Annnie nalezou musiou bych se spytac.
        https://schlesien.nwgw.de/foto/albums/userpics/thumb_Zabytkowy%20wiatrak%20typu%20holenderskiego.jpg
        Tyn spichlez stou prawie ze w miscie Tam kaj dzisiej je chandel to bou kiedys majontek .Nazywali go Wielgi .Tyn spichlerz stou na drodze ze Zawackiego juz we Strzelcach.
        Najpierw go wyremontowali ,potym komus zawodzou i go podpolou .Przipuszczomy fto ? ales go nie chyciou i nie mogesz godac.
        • herbjelita Re: Dwa Albumy 23.02.13, 19:27
          Jo ci powia! Tym na Wysokej wele św Anny należou do Altanerów. Szwagrówka moja tyż je Altanerowo also reasumujonc tyn Młyn należy do mie. Chcesz go kupić?.
          Tyn drugi we Kadłubcu należou do Jońcy naszego kuzyna i tysz ci go moga sprzedać. Jeno kebyś chciou. Boli mie, że uoni tak pozwalajom je ruinować. Jak ech w tym Altanerowym bou przed pora latmi, to wszystko jeszcze bouo "ok" Te drewnianne elewatory "Schaufellift" bouy 100 %. Dzisiej, kedy tam woda rein leci to moga se wyobrazić. To je wszystko kaput.
          Nasi antowie byli we Holandii i tam se nauczyli tyn mynarski kunst. Dlatego te dwa młyny som inksze uod tych wiatraków co my znomy (Niwki-Pogodzik). Nasze wiatraki nie bouy murowane jeno uobrocane do wiatru - drewnianne. Przi tych wspominanych dwóch uobrocała se je ta kopuła a nie cały młon.
          • szwager_z_laband Re: Dwa Albumy 23.02.13, 19:51
            a jak tam je z tom ziymiom na keryj one stojom?

            ps

            te onrocane to sie chyba mianujom "kozloki" abo jakos-takos

            ps2

            polecom wycieczka do skansynu wsi opolskiyj w Biyrkowicach - tam se pooglondocie spichlerze, wiatraki, muyny i jeszcze inksze rzeczy
            • berncik Re: Dwa Albumy 24.02.13, 19:01
              szwager_z_laband napisał:

              > a jak tam je z tom ziymiom na keryj one stojom?
              >
              > ps
              >
              > te onrocane to sie chyba mianujom "kozloki" abo jakos-takos
              >
              > ps2
              >
              > polecom wycieczka do skansynu wsi opolskiyj w Biyrkowicach - tam se pooglondoci
              > e spichlerze, wiatraki, muyny i jeszcze inksze rzeczy
              Te ziemie na kerych te muyny stojom som od potomstwa tych bouych wuascicieli.
              My se tam po skansynach niy muszymy smykac.my som tacy starzi ze se sami nadowomy do skansenow .Chca pedziec ze my te zeczy jeszcze uzyli live.Jo jezdziou tak co dwa miesionce
              do Mouna po moka i tak co trzi tydnie Ciotka piykua chlyb to tak 5 albo 6 chlebow srogich jak koua od woza (Jako bajtlowi mie se to tak wydowauo) rano do piekorza ,do Kalinowca ,Tyn piekorz jak dzisiej pamiyntom nazywou se Opic ,a popouedniu gotowy ciepuy ,wonioncy, to zaniem zech przijechou dodom to jedyn chlyb ino zostaua ta skora ,srodek bou wybrany .
              Tak se ino szwager pomys, tyn swiyzy swojski chlyb ze swojskym Masuym i swojskom wyndzonkom. No ja, po trzech tydniach tego chleba zodyn juz niechciou jesc.
              • 1fatum Re: Dwa Albumy 24.02.13, 19:35
                Przypomnę kilka zasad.
                1. archiwa nie trzymamy na dysku z systemem. Jak pada system, to żegnamy się z tym co mieliśmy zapisane.
                2. nagrywając na płyty CD czy DVD nagrywamy z najmniejszą prędkością, bo szybkie nagranie płytko wypala płytę i za jakiś czas płyta staje się nieczytelna.
                Najlepiej rozdać materiały ludziom, aby udało się zawsze coś odzyskać po awarii.
                • berncik Re: Dwa Albumy 24.02.13, 19:41
                  1fatum napisał:

                  > Przypomnę kilka zasad.
                  > 1. archiwa nie trzymamy na dysku z systemem. Jak pada system, to żegnamy się z
                  > tym co mieliśmy zapisane.
                  > 2. nagrywając na płyty CD czy DVD nagrywamy z najmniejszą prędkością, bo szybki
                  > e nagranie płytko wypala płytę i za jakiś czas płyta staje się nieczytelna.
                  > Najlepiej rozdać materiały ludziom, aby udało się zawsze coś odzyskać po awarii
                  > .
                  Tysz tak mysla.mimo ze mom externo plata.
    • szwager_z_laband Re: Dwa Albumy 24.02.13, 20:25
      Berncik na tyj fotce "Labyndzioki" som moj ujek i krzesny od mojyj siostry:)
      • szwager_z_laband Re: Dwa Albumy 24.02.13, 20:27
        i oczywiscie P.....o tysz znom
      • berncik Re: Dwa Albumy 25.02.13, 10:12
        szwager_z_laband napisał:

        > Berncik na tyj fotce "Labyndzioki" som moj ujek i krzesny od mojyj siostry:)
        Ze Winfridem chodziou zech do szkouy a ze Petrem herbi.
    • szwager_z_laband Re: Dwa Albumy 24.02.13, 20:37
      a tyn stary zomek to je u Ballesta a niy we Laband!
      • berncik Re: Dwa Albumy 25.02.13, 10:14
        szwager_z_laband napisał:

        > a tyn stary zomek to je u Ballesta a niy we Laband!
        Wiym Szwager ino ze tego starego zomku co swalyli skuli Kanaru, fotki niema ale mysla ze bou podobny.
        • szwager_z_laband Re: Dwa Albumy 25.02.13, 10:17
          a co do spolnych znajomych - to swiat je ale mauy;)
Inne wątki na temat:
Pełna wersja