stare teksty

28.05.13, 09:28
Kedys zaro kajsik kole Glywic bouo dwoch braciszkow. Jedyn bou fest bogaty a drugi fest biydny. Tyn biydny roz niymiou juz blank co do jedzynio i tyn bogaty dou mu konsek szpyrki. Tyn biydny wzion to i poszou se furt. Jak se tak szou to we cescie uwidziou naroz szpara a we tyj szparze ogyn jak pieron. Kuknou bez ta szpara i uwidziou piekuo ze dziobuami. Zaczon uciykac, bo sie wystraszou richtik do porzondku, ale te dziobuy juz go uwidzieli i go obstompiyli coukom kupom. Pedzieli mu ze mo im cos dac bo go inaczyj niy puszczom. No tosz co on im miou dac jak ino miou konsek szpyrki. Dou im ta szpyrka i tela, ale pedziou im tysz tak. Jo wom dom ta szpyrka, ale wy mi dejcie tyn muynek co tam mocie stoc kole dzwiyrzow. Dziobuy pedzieli ja, mosz, bele nom dosz ta szpyrka i pacz sie juz stracic biydoku, wiela z ciebie sam niymomy. Biydok poszou i wzion tyn muynek mit. Tak se szou, i ze gupoty pokrynciou muynkym, a naroz z tego muynka zaczuy sie suc piyniondze. Co se tyn biydokino pomyslou i pomlou tym muynkym, to zaro to z tego muynka wylatywauo. Tak sie tyn biydok uradowou ize zaro poszou nazod dodom. Ale tyn bogaty braciszek zaro mu uaps tyn muynek i kozou mu isc robic na pole. Biydok poszou a tyn bogaty se mysli, tera mom prawie guod, namiela cosik do jedzynia. I juz miou couki obiod. Ale zamauo mu bouo soli. No to uaps za muynek i miele. Miele i miele, bo se pomyslou, co sie zdo wiyncyj coby to sprzedac i miec pouno piyniyndzy. Jak sie muynek rozkrynciou to mu couko izba zasuo. Widziu tyn bogaty co tera juz moze miec co ino by chciou i uciyk ze tym muynkym do Ameryki. Jak puynou na statku to mu juzas soli zabrakuo. Zaczon mloc i se pomyslou, co pomiele wiyncyj i sprzedo we Ameryce. Muynek zaczon mloc i mloc imloc ..... Tela tego namlou ze couki statek sie utopiou ze wszyskimi ludziami. A tyn muynek podobno durch jeszcze miele i woda we morzu bezto je tako suono. No tosz uwarzejcie na muynki i za wiela juzas tysz niy mielcie.

Pyrsk!

Szwager
    • szwager_z_laband Re: stare teksty 28.05.13, 10:01
      Pieron Ognisty

      Kery niy suyszpu u nos we Gornym Slonsku o „Pieronie Ognistym”, dzisiej jeszcze sie godo „ty pieronie ognisty”, „to ci je pieron ognisty”, abo „jak pieron ognisty”. A wiycie ize u nos we Laband „Zakanauym” bou roz jedyn chop, kery miou synka, co sie niczego niybou, i tyn chop som sie musiou niyroz boc za tego synka, kery se „na wszysko gwizdou”. Ja dzisiej tysz jeszcze som take synczyska, kere z niczego se „nic niy robiom”, i kere se na wszysko gwizdajom. Opowia wom co mie o tym moja tanty Lyjna roz opedziaua, opowia wom jak to bouo ze tym chopym i ze odniego synkym, bo one oba tysz byli, tak jak moja tanty Lyjna, ze Starego Laband na kery sie godo „Zakanau”. Tosz to bouo tak:

      Downo, blank downo tymu, jeszcze jak kole Laband uabyndzie puywauy na Kuodce, a kole „Zakanau” rosnou ostatni konsek lasa, uonskego czasu roz na wieczor szou jedyn chop ze synkym ze kerhofa do dom, tyn chop to bou kopidou a odniego synek mu pomogou juz we robocie. Tak tysz szli oba na wieczor, po robocie, do dom i naroz uwidzieli dalyj kole drzewow jakes take swiatuo chodzby. Tyn chop zaro wiedziou co to moge byc ino to co juz ludzie downo godali – duszyczka, kero sie stracioua za kara, bo we zyciu „ze niczego se nic niy robioua”, tako pierona – jak to godajom, abo po inkszymu „pieron ognisty”. Tak tosz tyn chop nic ino paczou sie stracic i isc do dom, ale odniego synek niy, tyn prziszou na to coby se zagwizdac na to co uwidzieli oba ze fatrym, i tak naroz tysz zrobiou. Zagwizdou zanim jeszcze fater mu zdonzou co pedziec. We tyn som czas, jak tyn synek ino se zagwizdou, zaro we tyn som czas te jasne z kole drzewow sie straciouo, i prziszuo ku nim i zrobiouo sie naroz choby we dziyn po jasnoku, przed niymi, za niymi, i kole nich. Uwidzieli tysz oba, kaj by ino niy poszli, tako fest wielko okronguo flama, kero sie poloua choby olytka. Oba dostali stracha i zimno ich ze tego stracha take prziszuo, ize zaczli swiyrgotac i szczyrkac zymbami, i oba naroz zaczli tysz gibko uciykac do dom. Lecieli aze se o mauy figel nogow niy pouomali, i dopiyro kajsik kole zomka od Welczkow sie ta flama stracioua od nich. Tyn synek od kopidoua juz se wiyncyj na byle co niy gwizdou, a kej ino zaczuo mu sie kaj zdowac, co juzas kajsik widzi ta flama, to zaro sie paczou przezegnac, i za kozdym rozym mu to na szczynscie pomogauo. Potym podobno, kej strach sie juz odnich straciou ,to oba opedzieli ludziom co im sie przitrefiouo uonskego wieczora. A kole tyj szteli „Zakanauym”, kaj uciykli od tyj flamy, von Welczek postowiou kapliczka. Eli to je wszysko prowda, to juz ani moja tanty Lyjna niy wiedziaua, ale prowdom je, co jeszcze sie godo „ty pieronie ognisty”, abo „jak pieron ognisty”, a i ludzie wiedzom ize se tak ajnfach na wszysko i bele co gwizdac niy idzie. A ta kapliczka „Zakanauym” sie ostoua i dalyj stoi. Kozdy fater we Laband, i we coukim Gornym Slonsku, tysz wiy, co cza synka nauczyc coby se w zyciu na wszysko niy gwizdou. No tosz to by bouo na tela, paczcie tam jako i

      Pyrsk!
      Szwager ze Laband

      olytka – fojerka
      Kuodka – Kuodnica
      Zakanau – Stare(y) Laband
      swiyrgotac – tukej tela co „sie czynsc”
      • szwager_z_laband Re: stare teksty 28.05.13, 10:29
        Opowia wom dzisiej bajka gynau o tym jak kot kurzou fajka:)

        A bouo to tak! Tam kaj dondziecie jak miniecie siedym lasow, siedym
        gor i
        siedym rzekow, tam miyszkou se jedyn kot co poradziou kurzyc fajfka.
        Tyn kot
        miou tako srogo fajfka, co jak jom kurzou to miou jom aze kole
        szczewikow - ja
        bo to bou kot co miou niy ino fajfka ale i szczewiki! Dym szou ze
        fajfki a kot
        rozprawiou wszyskim take roztomaite bojki i bery, jo zapamiyntou
        jedna kero wom
        tera opowia.
        Downo, blank dono tymu, boua se jedna wies we keryj miyszkali same
        dobre
        ludzie. Zodyn zodymu nic zuego niy padou ani niy zrobiou, wszyske se
        pszoli i
        wszyske byli richtik pozondne ludzie, zodyn niy bou sporny i zodyn
        drugymu na
        zuosc niy robiou. Ale roz urodziou sie we jednyj famili syneczek co
        miou pukel.
        Ta familia kochaua go tak jak wszyske ludzie kochajom swoich bajtli,
        ale tyn
        syneczek bou niyszczynsliwy bo ino on miou tyn pukel i zodyn inkszy
        we tyj
        coukyj wsi. Tak sie tropiou tyn syneczek tym puklym ze niy poradziou
        sie smioc
        jak inksze sie smioli, niy poradziou sie radowac jak inksze sie
        radowali i niy
        poradziou zrozumiec czamu on je inkszy od inkszych.
        Tak szou dziyn za dniym, tydziyn za tydniym i rok za rokym a tyn
        syneczek bou
        coroski to wincyj inkszy od inkszych i nic mu na to niy poradziou
        zodyn pomoc.
        Az roz stauo sie cos co by se zodyn niy pomyslou! Do tyj wsi kaj
        miyszkali ino
        dobre ludzie prziszou jedyn zebrok co miou jeszcze wiynkszy pukel
        jak tyn
        syneczek.
        Nasz syneczek go uwidziou i piyrszy roz w zyciu sie usmiychnou, i od
        tego czasu
        poradziou sie juz smioc tak jak wszyske ludzie we tyj wsi we keryj
        miyszkali
        same dobre ludzie.
        Koniec bojki skonczouo sie i dwie dziurki w nosie:)
        • szwager_z_laband Re: stare teksty 28.05.13, 10:33
          eszichta o Dzieciontku ze Laband

          Downo, downo tymu kole Laband miyszkali ludzie co we
          kozde „Dzieciontko” musieli tyrac piechty do koscioua aze Zakanu we
          Starych Laband. To byli biydne ludzie, i ta cesta do koscioua na
          pasterka boua odnich nojwiynkszym skarbym jaki mieli. Niy wierzycie?
          Oni couki rok ciynszko robiyli i ani im niy stykauo coby bajtlom
          pokopowac dopozondku szczewiki i jakle a co dopiyro godac o
          geszynkach pod Krisbaum. Wiycie co oni za geszynki dostowali od
          Dzieciontka? We kozdo Wilijo we kosciele "Zakanuym" blank sprzodku
          boua do niych „wykupiono”uawka (kedys tak bouo we kosciele ze bogate
          ludzie mogli se wykupowac uawki i na msza mieli tam obsztalowany
          plac – pamiyntocie to jeszcze?) – ta uawka do tych biydnych ludzi
          zowdy boua blank sprzodku – tam kaj bouo nojcieplyj, i kozdy miou
          tam juz stac mauy geszynk co na nich czekou. Jak myslicie co tam
          bouo? Jo sie nigdy niy dowiedziou co tam bouo - moga sie ino
          domyslac ..., ale mozno ktosik z wos to podkuknou?? Roz zech bou
          fest ciekawski i chciouech sie zapytac farorza Zakanauym(Stare
          Laband) co to by moguo byc – ale niy miouech na koniec odwagi ...
          Roztomaite som geszynki pod Krisbaumym od Dzieciontka, ale te
          nojpiykniejsze som blank maue i zodyn ich niy poradzi wczesniyj ani
          puzniyj podkuknoc ...
          Tosz winszuja wom sam wszyskim dzisiej sam Wiliji kero kozdego aby
          mauy konsek chyto za serce. Jak bydzie piyrszo gwiozdka na niebie i
          wszyske bydymy stoc w kole tisza, jak bydymy juz zykac i uomac sie
          opuatkym, to pamiyntejcie tysz o tych kere by sie radowali ze takego
          mauego geszynku od Dzieciontka aby, takego mauego ze go prawie
          niywidac ...

          a tera ida miyszac mak:)

          Szwager z Laband
          • szwager_z_laband Re: stare teksty 28.05.13, 10:37
            Downo, downo tymu bou se jedyn skworc co lubiou paczec jak inksze ptoki
            bantujom we ogrodkach we mauym miasteczku Laband. Codziynnie tyn skworc jak
            ino wyfurgnou na luft, to paczou kaj co ciekawego je loz, ale som czimou sie
            ino swojego placu i tam dokozywou na tym abo inkszym drzewie,urywou czesnie,
            apfle i flaumy, i sciepywou je ino we tym ogrodku na ziymia. Inksze ptoki
            gupieli po prowdzie we wszyskich ogrodkach we Laband, ale tego ogrodka kaj
            miyszkou tyn skworc niy furgauy. Skworc niy rozumiou poczamu zodyn niy
            przileci do niego na bezuch, i roz se pomyslou ze bydzie musiou siednonc se
            na sztachetach od puota we odniego ogrodku i zagodac do inkszych ptokow. Tak
            tysz zrobiou, sfurgnou na pot i zaczon cwiyrkac coby skludzic do sia ciekawe
            ptoki. Pora mauych ciampli zaczuo furgac kole tego puota i sie dziwowauo,
            poczamu tyn skworc tak bantuje, a on przekrynciou gowa i paczou na nie ze
            ciekawosciom. On nic do nich sie niy odezwou a on odfurguy i poleciauy fort.
            Skworcowi sie zrobiouo markotnie poleciou nazod na swoja czesnia. Na drugi
            dziyn bouo gynau tak samo a na czeci tysz. We tyn czas skworc se pomyslou,
            mozno do nich zagodac i pedziec ize on tysz je ptokym, mozno bydzie mog z
            nimi furgac po inkszych ogrodkach. We czworty dziyn, siod se juzas na
            sztachecie od puota i zaczon fajnie spiywac, ale zodyn ptok wiyncyj do
            odniego puota niy przileciou ...
            • szwager_z_laband Re: stare teksty 28.05.13, 13:49
              opowiym wom bajka ...

              ... ale niy ta jak kot polou fajka, opowiym wom bajka o zaczarowanyj wsi:)

              A bouo to downo, downo, richtik downo tymu. Boua se jedna wies kaj zyli ino
              same biydoki. Te biydoki niy poradziyli nic ino sie wadzic, a jak sie juz
              brali za te wadzynie to aze pieron kozdego szczylou. Ale kedys stracioua sie
              tak ajnfach ta biydno wies i od tego czasu te wszyske biydoki niy byli juz
              biydokami, tera mieli nojwiynkszy skarb na jaki mogli se ino zarobic i jaki
              se ino forsztelowac by mogli. Od tego czasu juz tysz zodyn na niych niy godou
              biydok, nawet te z nich co sie durch wadziyli ze sobom przestoli sie wadzic
              bo juz niy byli biydokami, tera wszyske byli podobne jedyn do drugego i
              wszyske mieli tela samo.

              Ino jakos zol im bouo tego co straciyli, bo biyda juz tako je ze jak jom mosz
              to ci z niom zle, ale jak jom stracisz to dopiyro wiysz cos straciou. Ino ze
              we tyn czas juz je wszysko forbaj ...

              Koniec bajki w nosie, skonczyuo sie ...


              No opowia wom bajka niy o tym jak kot kuzou fajka, ino o tym jak to bouo
              niydowno, blank niydowno tymu we jednyj wsi.

              Boua se jedna mauo, blank mauo wies, a we tyj wsi miszkali se roztomaite
              ludzie, jedne byli blank maszkytne, inksze byli pieronym zmierzue, a jeszcze
              inksze to byli jakes takes dziwolongi. Te ludzie nigdy sie niy wadziyli, kozdy
              robiou swoje i zodnego niy interesowau co inksze wydziwiajom we tyj blank mauyj
              wsi. Roz prziszou do tyj wsi zuodziej, i tyn zuodziej okrod im kapliczka - bo
              ta wies boua tak mauo ze niy miaua ani koscioua ino tako malusko kapliczka. Jak
              prziszua niydziela i couko wies z rana stanoua kole kapliczki coby pozykac, to
              se dopiyro wszyske zdali sprawa ze tak dalyj byc niy moge, i ze cza cos ze
              sobom zrobic. Wszyske poszli w ta niydziela nazod do domu i zaczli myslec. Tak
              sie wszyske zamyslili ze zapomnieli od tego czasu we niydziela uazic ku
              kapliczce coby pozykac. Ta wies w w miyndzyczasie zrobioua sie juz blank srogo
              a koscoua w niyj jak niyma tak niyma.

              koniec skonczouo sie i dwie dziurki w nosie ...
              • szwager_z_laband Re: stare teksty 28.05.13, 13:52
                Downo downo tymu, ale tysz niy za downo, niydleko wsi Laband, co je u nos we
                Gornym Slonsku, tam kaj som niydaleko Glywice, zou jedyn chop co lubiou chytac
                ryby. Zowdy brou wyndka i szou nad naszo staro Kuodka i niykedy udauo mu sie we
                niyj richtik chycic jakos fajno ryba na obiod. No tosz tyn chop siedziou se ros
                i chytou te ryby a ku tymu kurzou se fajfka. Jakos ale zodnyj ryby we tyn dziyn
                niy poradziou chycic, tak ze wiyncj kurzou ta fajfka jak chytou te ryby. Naros
                ze krzokow we wodzie wyloz do niego Utopek co miyszkou we Kuodce i pado mu tak:
                "Dej mi pokurzyc konsek ta fajfka a jo ci za to pomoga nachytac tych rybow."
                Tyn chop dou Utopkowi pokurzyc a tyn go za to zakludziou na tako sztela od
                styryj Kuodki kaj tyn chop nachytou aze tela rybow, ize niyporadziou by ich ani
                uniys. Bezto tysz poszou do dom po rolwaga i wanna, a tyn Utopek przez tyn czas
                mu wachowou kole tych rybow. Jak juz wszyske ryby bouy we tyj wannie na
                rolwadze, to sie pozegnou tyn Utopek ze tym chopym, potym Utopek dulgnou sie
                juzas do wody a tyn chop pocis rolwaga do dom we Laband.
                • szwager_z_laband Re: stare teksty 28.05.13, 13:53
                  Dzisiej niy je zech zicher eli to bydzie bojka, ale posuchejcie jak to bouo.

                  Kedys zou se jedyn syneczek co pieronym lubiou suchac berow i taki roztomaitych
                  geszichtow. Tam kaj on miyszkou wszyske znali take strego chopa co pomogou
                  grubiorzom we odniyj robocie, ale tyn syneczek niymiou we famili zodnego
                  grubiorza i bezto niywiedziou ze tyn stary chop naprowdy je i ze go idzie
                  trefic niy ino na grubie, ale i tam kaj ino grubiorze som, we szynku po
                  robocie, na cescie do roboty i kaj ino. Tyn syneczek lubiou czytac tysz
                  ksionzki. We jednyj takyj ksionzce dowiedziou sie ze tyn stary chop pomogo tym
                  co majom dobre serce i som robotne. Tak tysz wzion se tyn syneczek i starou byc
                  dobrym synkym i bou richtik robotny - pomagou oumie i mamie i wszyske somsiody
                  byli rade jak widzieli take dobrego synka. Tak leciou roczek za roczkym i ze
                  tego synka zrobiou sie stary chop. Roz przicisua go biyda i choroba ciynszko go
                  chycioua. Wszyske somsiody wiedzieli ze tyn chop je chory i kozdy mu pomogou
                  wiela ino poradziou, jedyn mu cos nawarzou, drugi mu sciepnou wyngel do
                  pywnicy, a jeszcze inkszy ajnfach go odwiedziou i se z nim porozprawiou. Roz
                  prziszou do niygo stary hajer co juz downo bou na ryncie i zaczon mu rozprawiac
                  jak to bouo kedys na grubie. Tyn syneczek co tera bou juz starym chopym i biyda
                  go przicisua, spytou sie tego hajera eli kedys mu ktos przi robocie pomog, a
                  tyn mu opedziou tako geszichta:

                  U nos na grubie miyszkou Skarnik, on pomogou tym kere byli robotne i mieli
                  dobre serce, a jak keregos z nich przicisua biyda to zowdy do niego prziszou i
                  mu pomog, ale robiou to tak ze zodyn nigdy sie niy poradziou kapnonc kim on
                  bou. Nigdy tyn Skarbnik niy pomogou inkszym ludziom jak ino grubiorzom i odnich
                  familiom, ale jak usuyszou ze je taki jedyn biydok co couke zycie inkszym
                  pomogou a lubi roztomaite bojki i bery posuchac to wiedziou ze prziszou czas
                  ponsc do niego na bezuch. Tak to Skarbnik, na kerego niykere godajom "stary
                  chop" piyrszy roz pomog komus co nigdy niy bou na grubie i niymiou zodnego
                  grubiorza we familii.

                  Jak myslicie je tyn Skarbnik naprowdy abo je to ino jakis stary chop co couke
                  zycie pomogou inkszym?
                  • szwager_z_laband Re: stare teksty 28.05.13, 14:29
                    Mora ze Wojtowyj Wsi
                    We Wojtowyj Wsi boua kedys gospoda we keryj w kozdo niydziela na wieczor
                    tancowauo mocka ludzi. Tam tysz zawsze tancowaua jedna dzioucha i w zodno
                    niydziela jyj niy zabrakuo. Jedyn synek ze Wojtowyj Wsi se jom upaczou i jak
                    gupi za niom urgou. Tyn synek merknou tysz, ize zowdy we nocy, jak miauo na
                    zygorze prawie pokozac dwanoscie, to ta dzioucha sie tracioua furt. Tego synka
                    tak to tropiouo, ize roz wyloz raus jak jeszcze niy bouo dwanoscie i schowou
                    sie za drzwiyrzami coby widziec kaj to ta dzioucha pondzie. No i tysz wiela niy
                    czekou a ta dziouchy wylazua na plac i poleciaua furt. On zaroski poleciou
                    gibko za niom i prawie chyciou jom za rynka, naroz ale ta dzioucha sie zrobioua
                    blank sztywno i ze gymby wyleciaua jyj mauo mysz i sie stracioua kajs po
                    ciymku, ajnfach niy bouo widac kaj. Tyn synek legnou ta dzioucha na trowie.
                    Couko godzina tak lezaua ta dzioucha, az naroz przileciaua ta mysz nazod i
                    wskoczoua jyj juzas nazod do gymby. Teroski wstanoua ta dzioucha i poszua gibko
                    wek. Od tego czasu juz jom tyn synek, ani zodyn inkszy ze Wojtowyj Wsi niy
                    widziou wincyj.

                    Do tego czasu mocka ludzi ze Wojtowyj Wsi mynczoua Mora. Jak spali to ciynszko
                    im sie dychauo, cos ich cisuo i gniotuo tak ze cinszko dychali jak spali i
                    zodyn niy wiedziou co na to poradzic. Ale od czasu jak sie ta dzioucha
                    stracioua tak sie i to straciouo. Widac boua to richtik Mora ...
                    • szwager_z_laband Re: stare teksty 28.05.13, 14:39
                      „Dziobou“ ze Prziwszowki

                      Wiycie kaj je Laband? A wiycie kaj je Prziszowka? Jak sie Prziszowka Waldenau nazywaua, to miyszkaua tam jedna kobiyta co wygraua we loteryji mocka piyniyndzy. Couke te piyniondze ale daua do banku (Sparkasse Gleiwitz). No ale roz na wieczor siedziaua ta kobiyta sama w doma we izbie, a ze boua strachliwo to zawarua dzwiyrza na klucz, na zomek i jeszcze na skobla. Naroz ale te dzwiyrza ze futrynow fyleciauy i we izbie stnou czorny dziobou, i padou tyj kobiycie ize mo na drugi dziyn miec w doma couke te piyniondze ze szparkasy, a jak niy to jom weznie mit tam kaj dziobuy ludzi warzom. Ta kobiyta dostaua takego stracha ize mu padaua ize tak zrobi ino coby jom ostawiou we pokoju. Couko noc biydno kobiyta spikac niy poradzioua bo jyj to pokoju niy dowauo, strach miaua srogi ale i tela piyniyndzy jyj zol bouo. Rano sie oblykua i poszua na policja. Na wieczor prziszou pokryjomu do niyj policmajster i pado ize sie kajs skryje coby obejzec co bydzie. We ece miaua ta kobiyta stoc pieronowo trua, to tysz tyn policmajster wloz do niyj rajn i czekou co bydzie. Kole dwanostyj we nocy juzas prziszou tyn dziobou do tyj kobiyty i pado „kaj mocie te piyniondze?!” Ona mu na to padaua ize niych se otwozy ta trua i se weznie ze niyj wszyke piyniondze a niych jyj do ino pokoj. Dziobou otwar ta trua a naroz ze niyj wyskoczou tyn policmajster i chyciou go za ogon i kragel i fest czimie. Pokozauo sie ize to niybou zodyn dziobou ino jedyn baniorz ze Laband, co suyszou o tym ize ta kobiyta wygraua loteria i chciou odniyj te piyniondze ukras’. Tak sie to jedyn dziobou nadziou, bo tak kobiyta chociosz boua strachliwo fest to niy boua za fest zabobonno.
                      • szwager_z_laband Re: stare teksty 28.05.13, 14:40
                        Downo downo tymu, ale tysz niy za downo, niydleko wsi Laband, co je u nos we
                        Gornym Slonsku, tam kaj som niydaleko Glywice, zou jedyn chop co lubiou chytac
                        ryby. Zowdy brou wyndka i szou nad naszo staro Kuodka i niykedy udauo mu sie we
                        niyj richtik chycic jakos fajno ryba na obiod. No tosz tyn chop siedziou se ros
                        i chytou te ryby a ku tymu kurzou se fajfka. Jakos ale zodnyj ryby we tyn dziyn
                        niy poradziou chycic, tak ze wiyncj kurzou ta fajfka jak chytou te ryby. Naros
                        ze krzokow we wodzie wyloz do niego Utopek co miyszkou we Kuodce i pado mu tak:
                        "Dej mi pokurzyc konsek ta fajfka a jo ci za to pomoga nachytac tych rybow."
                        Tyn chop dou Utopkowi pokurzyc a tyn go za to zakludziou na tako sztela od
                        styryj Kuodki kaj tyn chop nachytou aze tela rybow, ize niyporadziou by ich ani
                        uniys. Bezto tysz poszou do dom po rolwaga i wanna, a tyn Utopek przez tyn czas
                        mu wachowou kole tych rybow. Jak juz wszyske ryby bouy we tyj wannie na
                        rolwadze, to sie pozegnou tyn Utopek ze tym chopym, potym Utopek dulgnou sie
                        juzas do wody a tyn chop pocis rolwaga do dom we Laband
                        • szwager_z_laband Re: stare teksty 28.05.13, 14:41
                          O srogim kamiyniu ze lasa kole Laband

                          Downo tymu we Pyskowicach we jednyj gospodzie suepali razym dziobou i jedyn gospodorz. Tyn gospodorz juz bou couki czerwony ze suepania po gymbie, a tyn dziobou aze modry kichol dostou od gorzouy. Tak suepali i przi tym suepaniu tyn gospodorz obiecou dziobuowi ize oddo mu swoja duszyczka jak tyn przitargo taki jedyn srogi kamiyn’ ze kole Rybnika aze do Pyskowic. Warunek ino bou taki ize tyn dziobou szafnie to od dwanostyj we nocy do czasu jak bydzie suychac rano piyrszego kokota. Dziobou zaroski na to przistou a tegogospodorza zaro zaczon strach chytac, i jak wyloz ze gospody to gibko poszou do Nowyj Wsi (Neudorf) przi Glywicach i padou wszysko odniego kamratowi, kery obiecou ize mu pomoge. Obgodali se oba ize jak tyn dziobou bydzie tyn kamiyn targou kole Glywic to go wystrachajom tak coby mu tyn sleciou na ziymia, a wystrachac’ go wystrachajom tak co kokotowi wyrwiom piyrza coby zaczon pioc’. No tosz we doma od tego kamarada, a miyszkou on tam kaj potym Neudorferstr. trefiaua sie ze Germaniaplatz(ym) juz wszysko narichtowali coby ino to klapuo, kokota czimali w klotce coby za niym niy lotac’, a ta klotka postowiyli we kole okna. No tosz kej tyn dziobou, couki zgrzony i zadychany, szou tam ze tym matnym kamiyniym, to tyn kamarad wyrwou piyrze kokotowi ze ogona a tyn zaczon pioc’ choby mu couke piyrze i jeszcze co inkszego wytargali. Tak tyn dziobou przegrou odnich weta, i ze zuosci ciepnou tym kamiyniym we tyn dom kaj bouo suychac’ tego kokota. Kamiyn niy trefiou jak miou i po drodze przihaczou we wieza od starego koscioua we Szobiszowicach, ale poleciou konsek dalyj i sleciou we lesie kole Laband. Jak tyn kamiyn rombnou o ziymia tak sie rozleciou tysz na wiyncyj myn’szych kizlokow a te sie poroslotywauy i lezom do dzisiej jak pociepniynte po coukich polach kole Laband. Nojwiynkszy konsek ostou sie we tym lesie kole Laband i godajom na niego do dzisiej „diobelski kamiyn”, a wieza ze starego kos’cioua we Szobiszowicach je do dzisiej myn’szo po tym jak tyn kamiyn jom trefiou i zbulou.

                          Germaniaplatz - Plac Piastów


                          Neudorferstraße – ulica Boh. Getta Warszawskiego


                          Szobiszowice – Petersdorf - Sobiszowice
                          • szwager_z_laband Re: stare teksty 28.05.13, 14:43
                            Miouech ze cztyry lotka chyba jak zech bou we niydziela(fajnie po niydzielnymu obleczony) u oumy Zakanaum na bezuchu, potym ze kuzynami i coukom familiom poszli my do cukernika kole tyj tanksztelki co tam kedys boua. Tam zech se wybrou fajne ciastko ze coukom furom krymu.

                            Ida se tak ida, couki wpaczony we tyn krym, i bouech na wysokosci tego geszeftu kaj sprzedowali szczewiki ... - jak ktos pamiynto to tam boua tako ino jedna sztufa!

                            naroz nic ino prask i couke ciastko z tom srogom furom krymu, prawie jak zech sie wkoncu zdecydowou go polizac, praskuo na moja gymba i na moje niydzielne obleczynie ...:)

                            tak zech zgupiou ze zech ani sie niy popuakou i niy czou ze mom juzas szczaskane kolana :))
                            • szwager_z_laband Re: stare teksty 28.05.13, 14:44
                              spomniynie o ryczce

                              Ale jo wom cos powia o ryczce co sam spomniec warto. Bouy ryczki ajnfachowe i
                              bouy take ekstra ryczki. Te ekstra ryczki to u nos na ulicy miou kozdy. Jak
                              one
                              wyglondauy i czamu bouy take ekstra?
                              Te ryczki o kerych godom to bouy te nojmynsze wprowdzie, ale one miauy
                              otwiyrany dekel - a pod tym deklym to sie we bezrok czimauo gutalina i
                              puclapy
                              no i pora byrstow czyli szczotkow do pucowania szczewikow. To bouo tak
                              ekstra,
                              bo jak bajtle pucowali wszyske szczewiki we sobota to zawsze se zicli na tyj
                              ryczce i wszysko mieli do tego pucowania szczewikow zaro, ze tak powia, pod
                              rziciom, he,he! Ale te ryczki to bou tysz ulubiony mybel od oumow - i tukej
                              sie
                              pokozuje jake te ryczki bouy poczebne!!! Oumiczki jak szuy klachac ze
                              inkszymi
                              na plac abo do laby, to se brauy ta ko ryczka mit ale dryny we tyj ryczce(pod
                              tym deklym) miauy wrazono juz rozhajcowano we piecu cegua. Tak ze se moguy
                              dugo
                              siedziec i bouo im nawet ciepuo przi tych klachach. Take ekstra ryczki to
                              miauy
                              jeszcze hoczyk, kerym sie tyn dekel na zicher zawiyrauo, coby nic miy
                              wyleciauo
                              bez cufal jak sie ta ryczka niosuo. Bouy tysz luksus-modele tych ryczkow, co
                              miauy niy ino hoczyk ale i couke zawiyranie na kutka abo na mauy szlos ze
                              kluczym. Jeszcze niykere to miauy zrobiono szuflodka. A kto te ryczki robiou?
                              Robiyli je przewaznie oupy, ale niykedy i fatry abo synki. W niykerych domach
                              bouo po pora takich ryczkow. My miele jedna tako ryczka i jedna konsek
                              wiynkszo na keryj siedzieli my razym ze mojom siostrom.

                              A kto mo dzisiej jeszcze tako ryczka w doma?
                              • szwager_z_laband Re: stare teksty 28.05.13, 15:25
                                Jedyn stary grubiorz opedziou kedys bajtlom tako geszichta:

                                Jak jo jeszcze bou mody, to robiouech na jednyj grubie kole Glywic za hauera.
                                Szichta boua prawie ku koncowi i jo richtowou sie juz wyjechac na wiyrch. Coyb
                                donsc do szoli, musiouch ale przensc jeszcze jedna dugo i szyroko sztolnia. Na
                                ziymi lezauo trocha rubych konskow wyngla, tak ze co ino toch musiou paczec sie
                                niy obalic bez nie. Naroz usuyszouch zaro za mnom jak guosno cos glukuo
                                (zagulgauo). Zodnego przeca tam niy bouo ino jo, beztoch myslou ize to woda
                                klicho jak ze deki slatuje. Stanou'ch i suchom, ale nic - cicho jak pieron.
                                Jake'ch zaczon dalyj isc juzas cosik glukuo, zagulgotauo i tak choby klichuo!
                                Terach dostou stracha, boch se pomyslou ize to Skarbnik dowo mi znac ize jakes
                                nyiszczynscie mi sie richtuje na grubie. Zaczonch gibko leciec, ale coroski to
                                guosniyj suyszouech tysz te glukanie. Yntlich doleciuch do szachty i znoduech
                                sie na wiyrchu. Tera dopiyro kapnou'ch sie, ize to boua do pouy pusto kafekana
                                kero tak glukaua, gulgaua i choby klichaua i kero mi tela strachu narobioua :)))
                                • szwager_z_laband Re: stare teksty 28.05.13, 15:29
                                  Jouzel ze Starych Laband i odniego bajtle (geszichta na Wilijo)
                                  Downo, downo tymu, tak downo, co stare Labandery to juz niy pamiyntali a odnich oupy tysz niy, pszitrefioua sie jednymu chopowi ze Starych Laband tako geszichta. Bouo to gynau we Wilijo blank z rana, jak wszyske richtowali sie juz na Dzieciontko. No to tyn jedyn chop ze Starych Laband, a bouo mu Jouzel, poszou do lasa, bo musiou bajtlom w doma narichtowac pszeca krisbaum. Jouzel niymiou nic piyniyndzy ani tyn krisbaum bajtlom kupic, a co dopiyro godac o pokupowaniu geszynkow. Szou se nosz Jouzel tak praje na moscie i paczou jak kole Kuodki fajnie ynty po lodzie locom, ale on chyba tych yntow ani niy widziou bo nic ino sie tropiou co to bydzie jak pszidzie Dzieciontko a odniego bajtle nic pod krisbaumym niy znondom. Tak se szou tak tyn nasz biydny Jouzel i myslou i sie tropiou i tropiou, aze yntlich doszou do lasa a cuzamyn z nim te odniego utropiynia sie tam znoduy. Teroski wloz miyndzy hojoki i brzimy i paczou kery hojok je tyn nojfajniejszy, bo jak juz geszynkow odniego biydne bajtle niy dostanom to pszinajmiyj niych majom taki piykny krisbaum co mozno pszi nim o coukij reszcie zapomnom. Jouzel juz prawie se myslou ze znod to co chciou, az tu naroz usuyszou, ize ktos do niego godo „czymu Ty sam po lesie uazisz w tako zima i to jeszcze praje tera jak Dzieciontko mo pszinsc?” Jouzla sztopuo i zaczon sie oglondac za sia, kaj to tyn ktos je i do niego godo, ale zodnego niyznod. Juz se myslou nosz Jouzel co mu sie z odniego utropiynia tak ino zdowauo to wszysko ize ktos do niego zagodou, ale niy. Juzas chciou Jouzel praje chycic za siykyra, coby obalic jednego hojoka, a sam juzas suyszy „Chopie idz do dom bo twoje bajtle na Cia czekajom i niy trop sie tym krisbaumym co go niymosz, dyc we Wilijo niy bydziesz szou bez couke Laband ze krisbauym cos za niego niy zapuaciou!” Na to juzas nosz Jouzel sztopnou, siykyra mu wyleciaua ze rynki i poleku ze slypiow pokulauy sie smarzniynte krople zolu i biydy, pokulauy sie bo mroz je zamroziou, a kozdy wiy ize zol i biyda szybko slatujom na ziymia. Jouzel z ciynszkim sercym poszou nazod dodom, ale ze niy umiou se forsztelowac, co powiy odniego bajtlom jak pszidzie dodom z pustymi ryncami, tak tysz szou blank poleku. Jak juz yntlich na koniec stanou we antryju w doma, to prawie piyrszo gwiozdka sie pokozaua na niebie. Odniego bajtle siedzieli juz pszi stole, ale co to je ...!? Na stole stoua niy ino juz nalono siemiyniotka ale i upieczony karp, sztampfowane ze smietonkom i masuym kartofle, kapusta z grochym, niy tam stoua tysz jeszcze moczka, makowki, i kompot ze suszonych flaumow i woniauo a woniauo! Jouzel myslou ze mu sie juzas cosik zdowo i stanou kole stoua i zaczon rzykac razym ze bajtlami i kozdy kozdymu winszowali se, coby se zowdy pszoli i zdrowe byli. Jouzel niy wiedziou potym co sie dalyj robiouo, ale jak psziszou do sia, krotko przed dwanostom w nocy, to w antryju czekali juzas na niego fajnie obleczonye bajtliki, kere sie radowali ze pondom ze fatrym cuzamyn na pasterka i bydom spiywac kolyndy. Jouzel niy wiedziou poczymu odniego bajtle mieli take fajne obleczynie, a jak mu odniego bajtliki opedzieli co im to wszysko psziniosuo pod krisbaum w tym roku Dzieciontko to Jouzel se pomyslou ze mu sie to wszysko sni. Potym bajtle dali mu nowy fajny i ciepuy mantel, co mu tysz w tym roku Dzieciontko psziniosuo, pomogli mu tyn mantel oblyc i wszyscy razym poszli z uciechom na pasterka. Na pasterce bouo tak fajnie i tak sie wszyske radowali jak spiywali kolyndy, ze chyba byli oni ostatnie co wylezli poytm ze koscioua. Do dzisiej kozdy fater ze Starych Laband opowiado na Dzieciontko odniego bajtlom ta geszichta i do dzisio zodyn niywiy, jak to sie stauo, ize Jouzel i odniego bajtle tako fajno Wilijo mieli, chociosz niy mieli pszeca nic jak ino biyda.
                                  Bajtle od Jouzla od tego czasu zowdy opowiadali, co w ta Wilijo przi stole siedziou z nimi ktos, kogo niy znali, a kto zapukou do nich do dzwiyrzy w tyn dziyn krotko przed tym zanim siedli do stoua, i siod se tyn ktos na krzesle co sie je stowio jedne wiyncyj i jod z tego talyrza, kery jedyn wiyncyj stoji we Wilijo na stole. Opowiadali oni to dugo, opowiadali to swoim bajtlom i ynklom i wnukom, a te juzas godali to odnich bajtlom, wnukom i ynklom, i niy zapomnieli tysz nigdy dopedziec, ize we ta Wilijo pod kozdym talyrzym kozdy z tych bajtli od Jouzla i som Jouzel tysz, znodli jeszcze cosik! A co to bouo to wiy kozdy, nowet nojmynszy bajtlik ze Starych Laband jeszcze i dziesiej. A jo mom nadzieja, ze na kozdo wilija, za sto lot i dalyj, te maue cosik pod talyrzym kozdy z wos i odwos bajtli juzas znondzie.
                                  • szwager_z_laband Re: stare teksty 28.05.13, 15:30
                                    Downo downo tymu zyli se we Laband dwa sroge boroki. Oba one byli blank stare, blank biydne i blank oklapniynte, ale oba tysz zowdy, we kozdy dziyn, byli te piyrsze do obgodywania inkszych blank starych, biydnych i oklapniyntych borokow. Eli to tak juz je ze nojwiynksze boroki som zowdy piyrsze do obgodywania inkszych borokow to zodyn niyma se zicher! (?), ale jak godaua kedys jeszcze blank downiyj tako jedna staro „motyka” ze Kokotka we Laband - „cos w tym je dran ...”. Nojlepiyj tak tysz szuo tym naszym dwom srogim borokom te obgodywanie gynau takich borokow jak one same byli, abo jeszcze wiynkszych mozno (?) - ino ze tych drugich to tak po prowdzie jeszcze zodyn nikaj niy widziou. Tosz jedyn roz, a bouo to fafnoscie lot od uonskego roku nazod, to te nasze dwa Labandery siedzieli se u „Hexy” na piwie i obgodywali kery chop ze Laband mo ze swojom babom w tych ciynszkich czasach nojwiynkszo ostuda. Tak tysz tyn jedyn padou ze to by musiou byc on som, bo odniego baba praje teroski poszua do farorza sie zolic jako to odniyj chop suepie juzas piwo i to niy som ino z tym drugim nojwiynkszym borokym ze Laband, no i niych on jyj powiy co ona mo skisz tego (z)robic! Na to tyn drugi boroczek odpedziou mu, co to niy moge sztimowac, bo odniego „staro” to je ci dopiyro „staro i dziurawo, choby porosciaue cedzitko, dymokracja”! – ona mu juz wczora padaua ize ona juz tam richtik wiy ize odniyj chopeczek bydzie juzas sam i dzisio cyckou te piwsko z tym piyrszym i nojwiynkszym borokym z coukich Laband, i one oba bydom jom i odniyj nojlepszo kolezanka juzas obgodywac – znaczy obgodywac nojwiynksze boroczki ze Laband co majom nojwiynkszo utropa ze odnich chopami! Oba one, te nasze borajske boroki, se tak cyckalii te piwo i coroski to wiyncyj jedyn drugymu sie zdowou wiynkszym borokym niz jeszcze to bouo przedwczora i przedwczora. Narozki paczom a sam idom odnich baby z nudelkulami – jedna jom miaua (ta nudelkula!) w rynce, a drugo czimaua jeszcze ta nudelkula pod pachom – ale juz bouo widac ze zania chyto ...! Jak myslicie co te dwa nasze boroki we tyn czas zrobiyli jak uwidzieli te odnich baby z tymi nudelkulami w rynce i pod pachom? No i co wy byscie we taki czas same zrobiyli??
                                    Na samo mysl robi mi sie wos i mie samego tysz zol!

                                    ps
                                    Hexa to je tako knajpa kero tak mianujom juz ino ryntnery kere se poradzom spomniec jak to bouo piyrwyj we Laband dopozondku i jak kozdy borok bou szanowany a niy napasztowany od swojyj baby, a co dopiyro od cudzych babow! Hexa to je ale tysz tako baba co z dopozontku-chopa poradzi zrobic boroka! Abo?
                                    • szwager_z_laband Re: stare teksty 28.05.13, 15:31
                                      Ja moje babeczk – jak juz sam kukocie to ciyrpcie razym z nami chopami!
                                      Tak to je ze jo wom sam musza dzisio cosik porozprawiac o takich „cudzych chopach”!
                                      Pytocie sie poczymuczymu praje jo to musza sam zrobic ? No jako to poczymu – pszeca jo tysz je taki jedyn cudzy chop! Abo?
                                      No tosz jak wiycie cudzy chop je zowdy lepszy i wiyncyj dopozondku jak tyn swoj. Ku tymu kozdy cudzy chop je zowdy ogolony i niyma marudny, a jak idzie ze „swojom” do koscioua to niy oglondo sie za inkszymi po drodze, bo wyscie som do niego ta nojdobrzejszo i nojfajniejszo na coukim swiecie, a do tego jeszce musicie sie z nim uzyrac. Tela tych „dobroci” o cudzym chopie i o wos samych( nasze kuochane babeczki) sam zech tak na blank gibko ino sebrou, bezto jak ino mocie tego „dobrego” troszka wiyncyj to mogecie nom to sam doszkryfnonc. A teraoski se pogodomy poczamu to tak je ze tyn cudzy chop je zowdy ogolony, niyma nic a nic marudny, a jak tak do pszikuadu idzie ze „swojom” do koscioua to ani niy kuknie na zodno „cudzo” – egal jako ta” cudzo” by praje niy boua wysztynglowano i odszczelono! A wiycie czymu to tak je moje kochane babeczki? Bo wy same jak idziecie do tego koscioua ze waszym chopym, i czimiecie go za rynka, to nic ino paczycie jak to inksze chopy niysom wysztynglowane, odpicowane i majom stracha kukac na boki – coby odnich babeczki ino niydej Boze se niy pomyslauy ize one same niysom myniyj fajnie wysztynglowane i odszczelone, no i co odnich(znaczy wasze) chopeczki som niydej Boze (!) gorsze odtych cudzych chopow co prawie som take dopozondku i niysom nic marudne itd, usw.
                                      Je to ale tak naprowdy abo wom i cudzym babom sie tak ino zdowo? Mie sie cosik widzii ze tak wom (i cudzym babom tysz!) sie to ino tak zdowo ize tak je naprowdy i echt. W kozdym razie jak bydziecie juzas szuy kole waszych chopow to czimcie ich lepiyj za rynka, bo jak to sam kerys z nich bez cufal pszeczyto, to moge byc ze wom uciyknie do jakyjs cudzyj baby
                                      . A jak to je z tymi cudzymi babami??
                                      To to jo juz wom niypowia bo jo je do wos cudzy chop i jak bych to zdradziou to bych miou pszesmolone u inkszych cudzych chopow!

                                      A wy chopeczki, kere to czytocie, paczcie tam jako i czimcie sie luftu!
                                      Bo luftu sie czimac nom zodno babeczka zabronic niy poradzi;)
                                      • szwager_z_laband Re: stare teksty 28.05.13, 15:37
                                        Jak Wojtowo Wies dwa razy zakuodali

                                        Na poudniowy-zachod od miasta Glywice lezy cztyrokont bogatych polow
                                        ze Richtersdorf (Wojtowyj Wsi). Miyndzy mauymi gorkoma ciongnie sie
                                        od Haselgrund(Zernica) sztufami richtunk Glywice guymboko dolina, we
                                        keryj rosnie pouno olchow (olsza, olcha =Erle) i bezto ludzie
                                        godajom na to Erlengrund. Przez ta dolina puynie mauo rzeczka a
                                        downiyj w kouo rosnou tam las. Tysz downo tymu, jeszcze niz Glywice
                                        bouy miastym, prziszli tam ludzie zakuodac wsie. Te kere tam
                                        prziszli natrefiyli na ta mauo rzeczka i i plac bez drzewow, tak
                                        tysz w koletego placa zaczli wyrombywac drzewa aze w koncu z tego
                                        lasa wiela sie niy ostauo. Tam tysz to te ludzie postowiyli wies ze
                                        piyknymi domami a kozdy miou fajne pole kole doma. Dugo zyli tam
                                        ludzie szczynsliwe i dobrze im sie dziouo. Ale roz prziszuo na ta
                                        wies jedne niyszczynscie bez kere wszysko te ludzie prawie
                                        straciyli. Couki rok louo i louo, miesionc za miesioncym; woda boua
                                        coroski to wiynkszo aze ze mauyj rzeczki zrobioua sie srogo rzeka.
                                        Woda boua juz wszyndzie i porwaua wszysko co bouo we wsi, tysz
                                        gadzina i wszysko zywe, juz i ludzie prziszli dran, a domy sie couke
                                        pozawolauy. Te ludzie kere sie urtowali, a bouo ich blank mauo,
                                        uciykli wszyske na Anaberg. Kej woda sie zaczua tracic tak te ludzie
                                        poszli nazod tam kaj boua odnich wies, ale juz jyj niy znodli,
                                        fszysko bouo furt razym ze tom srogom wodom. Tam kaj kedys poleku
                                        rzeczka puynoua boua tera wielko dolina we keryj puynoua gibko
                                        rzeczka. Te ludzie kere sie uratowali i tam sie znodli obgodali sie
                                        ize postowiom nowe domy, nowo wies, ino konsek wiyncyj na pounoc.
                                        Kej byli fertik ze wsiom to se podzielyli pola tak co kozdy dostou
                                        pole, kere sie cionguo od doma aze do granicy ze wsi. Tak to bouo, a
                                        to musi byc wszysko prowda bo ta dolina je tam jeszcze i dzisiej.
                                        • szwager_z_laband Re: stare teksty 28.05.13, 15:39
                                          Kole Glywic znondziecie niyjedyn stow i niyjedno rzeczka. Kedys
                                          downo miyszkali we nich utopce. Jedna ouma ze kole Zernik padaua ize
                                          widziaua, jak jeszcze boua mauo dziouszka, jednego Utopca i miou on
                                          zielone s’lypia i zielone zymby, blank staro pomarszczono gymba, na
                                          gowie miou czerwono kapa. Ta ouma padaua ize poznac idzie takego
                                          utopca tysz po tym ize ze lewego rynkowa durch mu kapie woda. Taki
                                          utopiec ale poradzi sie przemiyniac, niykere widzieli go juz jak
                                          wyglondou choby normalny bajtel.
                                          We Zernikach je jedyn stow kole kerego downiyj bajtle zawsze pas’li
                                          kozy i krowy. Bajtle jak to bajtle, sam pas’li krowy, sam ale niy na
                                          krowy obacht dowali ino paczeli gupiec’ i lotac za balom, abo co
                                          inkszego wynokwiac’. Roz jak tak mieli szpas kole tego stowa to
                                          prziszou ku nim jedyn synek co go zodyn niyznou i zaczon ze nimi
                                          wynokwiac’, a ze bou lepszy miglanc tak tysz oni go zaro do ferajny
                                          przjynli i zodnego niy szterowauo ize go niy znajom. We tyn dziyn
                                          bouo pieronym gorko, i tyn synek padou ize fajnie by bouo se we
                                          wodzie trocha potonkac’. Bajtle ze Zernik ale padali ize niy mogom,
                                          bo im fatry niy kozali, i ze dyc’ woda we tym stowie je fest
                                          guymboko. Tyn synek na to syjmnou galoty a koszula i skoczou rajn do
                                          wody i zaczon puywac i skokac, i tysz stanou coby tym bajtlom
                                          pokozac ize tam wcale niyma guymboko, ino coby wlyz’li i sie niy
                                          boli, bo tam je tela wody ize ani niy poczebujom umiec’ puywac’. No
                                          tosz jak to te bajtle uwidzieli to tysz sie zaro zaczli seblykac’
                                          coby powskokiwac’ do wody . Bez cufal ale szua we tym czasie jedna
                                          ouma kole nich i uwidziaua tego synka we stowie i poznaua ize to je
                                          utopiec, i zaro padaua to tym bajtlom, kere prawie juz seblyczone
                                          chcieli skokac’ rajn do wody. Padaua im tysz co utopce robiom jak
                                          keregos’ im sie udorajn do wody wciongnonc’. Woda w tym stowie boua
                                          naprowdy pieronym guymboko i tyn Utopiec jak merknou ize go poznali
                                          to ino zabulgotauo i schowou sie tyn pieron guymboko aze przi samym
                                          piosku., a bajtle gibko sie oblykli i polecieli do dom, ale zodyn
                                          sie niy prziznou mamie ize bou niy usuchliwy i chciou wlys’ rajn do
                                          wody chociosz im fatry niy kozali. Dopiyro jak kupa lot minouo i te
                                          bajtle byli juz sroge i same juz mieli bajtli, to dopiero we tyn
                                          czas sie prziznali co to im sie przitrefiouo.
                                          • szwager_z_laband Re: stare teksty 28.05.13, 15:45
                                            cipliki, cipki i kokoty no i szmingus-dingus

                                            ... no tosz ale we Laband na "Kokotku" wiyncyj krasych bykow lotauo
                                            jak ciplikow, ale pogodac i pospominac se pszeca mogymy;)

                                            ... no tosz we niydziela wszyske byli jeszcze grzeczne, ale juz
                                            synczyska se richtowali na szmingus-dingus - wszyske oumy, oumiczki,
                                            tante, ciotki i stre panny to sie szuo najpszod we poniydziouek
                                            kulturalnie popsikac parfumym, a potym jak te kurtuazyjne sie
                                            skonczouy i we bojtliku jajcow i bonbonow bouo za tela, to sie szuo
                                            loc dziouchy - a tam to juz pisku bouo a pisku;)

                                            ... no tosz oupy se odsztynglowali a odsztynglowali - jeszcze te
                                            ancugi od slubu musiauy byc niyroz wybiglowane i jak taki ancug
                                            jeszcze abo juzas pasowou to sie oupie zdowauo ze wszyske lipsty ze
                                            placu ino za nim kukajom;)

                                            ... jo se tak to do serca wzion, ze jak zech od mojego oupy dostou
                                            odniego stary slubny smoking - i myslicie ze zech w nim niy uaziou -
                                            tosz uaziouech w nim i asiouech sie a asiouech, i aze frelki sie
                                            zamnom kukauy - eli cos odymie chciauy to ale niywia ...;)

                                            ... abo to bouo konsek inaczyj ...(?)

                                            ... no tosz u staryj Krzonki na placu bouy i chlywiki a kole tych
                                            chlywikow stoli i take maszkytne kokoty - no ja, take richtik
                                            kokoty - take co to juz opierzone bouy i fest galantne a galntne ...

                                            ... a Krzonka i Domagalino jak ze okna te kokoty uwidziauy za fest
                                            larmowac, to oszkrybiny im na gowa niykedy ciepauy abo i co
                                            inkszego - mozno se myslauy ize te kokoty oszkrybiny lubiom ... -
                                            takech mysli we tyn czas miou(no ale jo bou jeszcze spik co flazywou
                                            oumie pod wertiko;), i ino niyrozumiou czamu sie inksze somsiodki ze
                                            tych kawalyrow we tyn czas tak smiouy, jak oni blank snerwowane na
                                            staro Krzonka i Domagalino byli ...;)

                                            ... ale Krzonka to ino niykedy robioua, bo pszeca lubiaua se na
                                            obiod modego gouymbia niyroz uwarzyc, a gouymbie to pszeca czimali
                                            na wiyrchu we gouymbnikach te same kawalery co im te oszkrybiny
                                            niykedy na ueb slatywauy ...;)

                                            ... bou se roz jedyn kokot we Laband co pou dnia we lesie wele
                                            cesty co szua na "nowe osiedle" wachowou z kiblym pounym wody na
                                            jedna cipka we szmingus dingus ...;)

                                            i wiycie ze sie doczekou !

                                            a wiycie jak sie z nupli na flaszki robi banie do sikania dziouchow?

                                            musicie kupic taki ajnfachowy nupel na flaszka i zawiozac go ze
                                            zadku blank fest zyukom. Tera zrobcie ze przodku dziurka jako
                                            srogo/mauo chcecie - to cza wyprobowac, coby miec jaknojlepszo
                                            szpryca z tyj bani potym. Jak juz to je wszysko fertik to na placu
                                            musicie znonsc kokotek(taki na szlauch!) i pszicisnonc tyn nupel
                                            dziurkom do dziury od kokotka, no i odkryncic kokotek. Fest czimac i
                                            prosto!, bo wos inaczyj woda poleje i bania sie niynadmucho wodom!!

                                            tera jak bania urosua, zatkac palcym dziurka i fertik!

                                            ino tera szukac dziouchow do polonia - a leje sie tak, ze sie ino
                                            odsuwo palec od dziurki:)

                                            ps

                                            na som koniec szmingusa-dingusa ciepauo sie takim napounionym wodom
                                            nuplym i boua to tzw "bomba" ;)
                                            • szwager_z_laband Re: stare teksty 28.05.13, 15:55
                                              Ecik i Acik

                                              Downo, downo tymu, za gorami, za lasami, za rzekami, dolinami, zouo se dwoc
                                              karlusow. Jedyn z tych karulow mianowou sie Ecik drugymu bouo Acik. Ecik bou
                                              fajny karlus i miou zowdy humor, a ku tymu pszoli mu wszyske, bo poradziou se
                                              skozdym fajnie pogodac i zowdy kozdymu pomogou we utropiyniu. Acik juzas
                                              uaziou i ino sie fukau jak mu kerys cos padou, no i Acik bou se zicher, ize
                                              inksze go niyrozumiom i niywiedzom co to je jak ktos musi zyc tak jak on. Roz
                                              prziszou srogi dyszcz i lou tela dni ze kozdy zapomniou kedy zaczuo loc. Bez
                                              tyn dyszcz wylouo rzeka za kerom zyli te dwa karlusy, a dolina w keryj bouy
                                              odnich domy couko zaloua woda. I co zrobiyli nasze karusy Ecik i Acik? Ecik
                                              floz na komin od swojego doma i czekou aze mu kos pomoge - bo przeca ludzie
                                              mu zowdy pszoli. Acik tysz floz na komin od swojego doma i siedziou i nic niy
                                              godou ino pieroniou na pogoda. Ale co sie stauo - obejzcie! Naroz puynom
                                              mataczkorze i zbiyrajom ich obuch Acika i Ecika, i zodyn sie ich niy pytou o
                                              nic i nic niy godou, ajnfach ich obuch wziynli i zawiyzli na tyn som brzeg ...
                                              • szwager_z_laband Re: stare teksty 28.05.13, 15:58
                                                Zurek Skonski! po nachymu Schur

                                                Legynda o powstaniu zuru
                                                - miyj winycyj bouo to tak:

                                                jak osadniki jechali na Slonsko, downo, downo tymu!, to na furach mieli ciynzko
                                                cos skryc przed dyszczym i pogodom
                                                • szwager_z_laband Re: stare teksty 28.05.13, 16:06

                                                  Slonsko Kamasutra

                                                  Kniga I

                                                  Jak lipsta mo sie obrocic kole szaca.


                                                  Tosz kozdy narod mo swoja kamasutra a Slonzoki tysz. Piyrszo kniga naszyj slonskyj kamasutro godo tak:

                                                  Jak zes juz aze za tela na wydaniu, i papa z mamom juz na cia paczec w doma wiyncyj niy poradzom, no to je zes juz tak daleko!
                                                  Ta kniga ci pokoze jak mosz sie za to wzionc a jak niy.

                                                  No tosz najpszod musisz se pora rzeczow pokupowac:

                                                  - blank maszkytny bistynhalter
                                                  - jeszcze maszkytniejsze batki
                                                  - klajd co sie gibko seblyko
                                                  - szczewiki mogom byc bylejake ale muszom byc wypucowane na glanc
                                                  - halka ino jak je niymnonco i pieronym drogo
                                                  - fajnie sie poczesej, ale tak coby wosy sie gibko niy motlauy

                                                  Teroski mogesz isc na hyjt! Znaczy musisz se to wszysko oblyc co sam na wiyrchu stoi i ponsc na odpust. Na odpuscie(nojlepiyj pod Anabergym abo w Piekarach) mosz sie oglondac za kawalyrami co wyglondajom tak:

                                                  - wela mo prosto od fryzjera, je ogolony i wonio na woda kolonsko
                                                  - galoty od ancuga mo na kanta wybiglowane
                                                  - wyglondo na pakera
                                                  - niy godo po gorolsku
                                                  - smigo ci oczko ino jak zodyn to niy widzi
                                                  - fajny moge byc ale niy musi!
                                                  - niy moge miec bindra abo fligi, bo te co to majom to som zawalate we szlafcimrze
                                                  - mo ruby portmanyj i dopozondku wypucowane szczewiki
                                                  - na wiyrchu mo obleczono koszula pod kerom widac podkoszulka i muskle

                                                  Jak juz takego uwidzisz to musisz sie kole niego kryncic i fajnie sie do niego smioc, ale niy za fajnie bo se pomysli ze mosz ptoka! Jak to szafniesz to juz on je prawie twoj. Tera musisz go ino nakusic coby ci kupiou wata na patyku abo cos inkszego do maszkycynia - makrony niy bo sie klejom do zymbow !
                                                  Jak juz to bydziesz miaua to mogesz mu padac ze je fest a fest gryfny(szykowny) i ze moge Cie chycic za rynka.
                                                  Tak daleko zescie tera juz som i niy musicie sie boc ze to je zgorszynie. Dalyj co mo tako lipsta robic to juz bydzie obgodane we tym rozdziale co pokozuje jak sie dowo obacht coby niy zrobic bajtla.



                                                  Kniga II

                                                  Jak szac i lipsta majom dowac obacht coby niy bouo z tego wszyskego zaroski bajtlow.


                                                  Jak zescie juz som dak daleko to tera musicie sie niy wyzdradzic z tym. Znaczy on jom mo czimac ino za rynka, a jak som same to ona moge mu pozwolic coby jyj dou kusika.

                                                  Kusika ona moge se pozwolic dowac na poczontku ino niykedy i ino jak je zes zicher ize nic z tego niy bydzie wiyncyj, a juz blank niy moge to byc zgorszynie.
                                                  To je najtrudniejsze we knidze II i to musicie pora miesiyncy trynowac. Jak wom sie to udo to mogecie juz razym piyrszy roz isc na mszo. Na mszy i jak na nia abo jak z niyj idziecie to on musi jom zawsze odkludzac, dac jyj piyrszyj wlazywac do uawki, i byc tak samo obleczony jak we knidze I, ino ze musi miec jeszcze wiyrch od ancuga obleczony a ona inkszy klajd jak tyn co sie gibko seblyko. Suchejcie tysz dobrze co farorz godo na kozaniu, bo jak pszindziecie do dom to sie wos bydom blank gynau o ty pytac.
                                                  To by bouo te najwazniyjsze we tyj knidze, ostauo ino pedziec pora pierdouow, np:

                                                  - niy uazcie same do lasa ani kole niego
                                                  - on musi dowac obacht na nia a ona na niego
                                                  - niy bydzcie zberezne
                                                  - niy bydzcie we gorkyj wodzie kompane
                                                  - on jyj musi dowac kwiotki (przed tym jak jyj je do to musi wyciepnonc - papiyr w kery bouy zawinione) a ona mu narazie niy musi dowac nic
                                                  - do kina na razie jeszcze lepiyj niy uazscie

                                                  Tak po prowdzeie niyma to wszysko na sto procynt zicher, ize z tego bajtli niy bydzie zarozki, ale lepszyj metody jeszcze zodyn niy wynaloz na to, nawet i w Ameryce.

                                                  Tela narazie we knidze II Slonskyj Kamasutry, a we knidze III opowia wom o tym jak to zrobic coby z zolytow pszinsc ku daniu na zapowiedzi i coby ona niy ostaua sie niydej na to zowitkom.

                                                  Kniga III

                                                  Jak lipsta i szac majom to zrobic coby mogli dac yntlich na zapowiedzi, a ona pszi tym niy dej Ponboczku coby ostaua sie jeszcze zowitkom, no i coby on juz jom mog chytac niy ino za rynka.

                                                  To juz je III kniga tyj naszyj Slonskyj Kamasutry i zarozki musza sam na poczontku tyj knigi pedziec, ze coby do niyj pszinsc to cza najsompszod wszysko robic co stoi we knidze I i II, bo inaczyj ani ona ani on niy bydom miec tela szpasu wiela to ino i tak najprowdy myjglich ze tym co stoi we knidze III.
                                                  Tosz na poczontkek oba (ona i on) mogom se juz pozwolic ze on jom bydzie chytac kajs indziyj niz za rynka, ale on musi wiedziec ze moge to byc ino nojwyzyj kolano a ona musi wiedziec ze ona go jeszcze dalyj nikaj tak richtik chytac niy moge. Oba ale, i to je pieronym wazne, mogom juz belekaj uazic „pod pacha“.
                                                  Fajnie oblyczone niy muszom juz byc za kozdym razym, styknie jak tak sie bydom oblykac do koscioua a na beztydziyn on moge juz miec obleczone galoty bez kanty, a ona klajd co go erbua po tanty ze Rajchu. On jyj juz niy musi dowac na zolytach kwiotkow, a ona mu moge juz dac np pojesc jak on pszidzie do niyj do dom. Oba mogom juz pochwolic sie wiela on dostowo geltaku i to tysz pedziec jak bydom we niydziela u sia na odwiedzinach. Papa, mama, oupa i ouma tysz to mogom suyszec a reszta famili jeszcze niy – te sie to dowiedzom dopiyro po slubie, czyli jak juz mode bydom sie mogli same zawiyrac w izbie.
                                                  Ona musi jeszcze dowac obacht coby on jyj za fest jeszcze niy pszou, bo chop jak za fest pszaje pszed slubym to potym lubi sie za inkszymi paczec jak juz som zyniate.
                                                  Tera nojwazniyjszo rzecz!, niz pondom do farorza dac na zapowiedzi to muszom to obgodac ze „fatrami“ i wszyske muszom sie trefic cuzamyn do kupy w doma od lipsty. Jak to tak daleko bydzie to muszom siedziec na stoukach kole siebie i nuszom juz wiedziec wiela poczebne bydzie gorzouy i wiela mo wazyc swinia co bydzie bito. Goscie muszom byc zouwizo podzielone pou na pou(tela samo odniyj co od niego), tak ze to je klar i sie o to martwic ekstra niy muszom. U farorza bydom same i bydom tak robic coby farorz odrazu mog oguosic to na mszy w tyn dziyn jak bydzie nojwiyncyj ludzi w kosciele. Co ino jeszcze zostauo w knidze III do pedzynia to to ze oba(ona i on) mogom se juz pomyslec jake miana im sie podobajom u bajtli.

                                                  Kniga IV bydzie nojciekawszom w coukyj Slonskyj Kamasutrze, bo tam bydzie o technice jak on jyj mo piyrszy roz richtik pszoc(jak chop babie), i bydzie to dryny szkryfninte ze blank ale to blank wszyskim zbereznym co sie ku tymu pszinolezy.

                                                  dalyj bydzie juzas ...

                                                  Powrót do góry
                                                  Zobacz profil autora Wyślij prywatną wiadomość





                                                  Szwager_z_laband



                                                  Dołączył: 31 Sie 2007
                                                  Posty: 1758


                                                  PostWysłany: Nie Maj 22, 2011 13:53 Temat postu: Odpowiedz z cytatem

                                                  --------------------------------------------------------------------------------

                                                  To co tera bydzie je ino do zyniatych!

                                                  Kniga IV

                                                  Czyli nojbardziyj zberezno ze wszyskich knig kamasutry, a godo ona o technice kero pokozuje modym, jak chop mo pszoc kobiycie w tyj nocy po slubie a wedug niykerych i potym.

                                                  Chop i kobiyta som juz teoretycznie nojlepiyj pszirichtowane do tyj nocy bo czytali wszyske 3 knigi Slonskyj Kamasutry kere juz my sam pszesztudiowali w ta i nazod i jeszcze konsek. No i dodom jeszcze ze juz nic ich zgorszyc niy bydzie poradziouo.

                                                  Niyma tysz co sie tu na poczontek szterowac tym kaj on jom moge jeszcze chytac, bo to juz my mieli zapowiedziane we knidze I, II i III a reszta pszeca wiy kozdy chop. Ta reszta dopowiedziano bydzie na koncu tyj knigi, tak coby kozdy chop to sprawdziou eli to dobrze robi. My tera zajmnymy sie tym jak i kaj ona go yntlich moge chycic. Wszyske szkolone ludzie, kere sie uonskego czasu tym tropiyli psziszli tysz za kozdym razym ku tymu, co je to nojwazniyjsze jak chce sie pochytac do perfekcji technika pszonio se nowzajym dwoch modych co prawie som po slubie. Tosz suchejcie ino! Piyrsze kaj ona go po slubie moge chycic to niyje nic inkszego jak uozko. Ja we uozku pod pierzinom ona go chyto kaj ino chce i jak ino chce, no i niyma we tym juz zodnego zgorszynia,
                                                  • szwager_z_laband Re: stare teksty 28.05.13, 16:11
                                                    Kniga IV

                                                    Czyli nojbardziyj zberezno ze wszyskich knig kamasutry, a godo ona o technice kero pokozuje modym, jak chop mo pszoc kobiycie w tyj nocy po slubie a wedug niykerych i potym.

                                                    Chop i kobiyta som juz teoretycznie nojlepiyj pszirichtowane do tyj nocy bo czytali wszyske 3 knigi Slonskyj Kamasutry kere juz my sam pszesztudiowali w ta i nazod i jeszcze konsek. No i dodom jeszcze ze juz nic ich zgorszyc niy bydzie poradziouo.

                                                    Niyma tysz co sie tu na poczontek szterowac tym kaj on jom moge jeszcze chytac, bo to juz my mieli zapowiedziane we knidze I, II i III a reszta pszeca wiy kozdy chop. Ta reszta dopowiedziano bydzie na koncu tyj knigi, tak coby kozdy chop to sprawdziou eli to dobrze robi. My tera zajmnymy sie tym jak i kaj ona go yntlich moge chycic. Wszyske szkolone ludzie, kere sie uonskego czasu tym tropiyli psziszli tysz za kozdym razym ku tymu, co je to nojwazniyjsze jak chce sie pochytac do perfekcji technika pszonio se nowzajym dwoch modych co prawie som po slubie. Tosz suchejcie ino! Piyrsze kaj ona go po slubie moge chycic to niyje nic inkszego jak uozko. Ja we uozku pod pierzinom ona go chyto kaj ino chce i jak ino chce, no i niyma we tym juz zodnego zgorszynia, bo oni som juz po slubie, to ona zaroski czuje jak sie to wszysko dalyj bydzie dziouo. Pszeca tela szkolynia teoretycznego co pszeszli oni oba do teroski, a my razym ze nimi sam na kartkach kamasutry, to juz musi im i nom styknonc coby sie wszyske domyslyli jak sie robi bajtli. Tako srogo technika poczebuje ale dzisio tzw grow wstympnych. Co to som te tzw gry wstympne? Sam pszendymy jeszcze roz nazod do tego co uon mo robic. No wezcie se tak do pszikuadu forsztelujcie jak robi to kokot ze odniego „kobiytom“. Ja jak on to robi? On najpszod loto kole niyj jak gupi i durch jom chce chycic i jom podziubac pszi tym trocha, tak samo kozdy chop musi sie tak kryncic pod pierzinom kole odniego kobiyty i paczec coby jom mog „dziubnonc“. Jak sie juz mu to udo to juz je po nocy poslubnyj i wszyske mogom czekac aze za 9 miesiyncy pszidom bajtle na swiat. Ta „wstympno technika“ je ale wazno ino tak richtik we ta piyrszo noc, potym to juz niymo aze tak srogego znaczynio. Niykere szkolone w tym temacie godajom ze dalyj je to jeszcze tysz wazne, ale na to niyma zodnych dowodow.

                                                    Na koniec jeszcze 3 porady kere som zawarte w kozdym domu we szuflodce od wertiko, a kere nasze oupy i oumy kedys mieli tam dopozondku skryte. Te porady sie pszidadzom do tych kere niy do konca pochytali sam kto i wedle jakyj raji mo kogo chytac i kaj:

                                                    1.Jak ona idzie do uozka to on juz tam mo byc prandzyj.
                                                    2.Jak juzas on je blank pryndko we uozku to ona sie tym mo niy tropic.
                                                    3.Jak one oba som blank pryndko we uozku to to bydom za 9 miesiyncy na zicher cwilingi.

                                                    To tela co godo na tyn temat Kniga IV Slonskyj Kamasutry i downe zrodua naszych starzikow.

                                                    Nastymno kniga bydzie opowiadac o tym czymu niykedy ona sie do niego obroco zadkym i co uon mo we tyn czas nojlepyij zrobic.

                                                    Kniga V

                                                    Ta kniga je juz ino do tych co pieronym dobrze juz som wyszkolone w zbereznych kunsztach pszonio se nowzajym i godo ona bezto o tym
                                                    czymu niykedy ona sie do niego obroco zadkym i co uon mo we tyn czas nojlepyij zrobic.

                                                    No tosz je to tak ze nojpryndzyj marudno skuli tego pszonia zowdy je ona a niy on, on ino by jyj zowdy chciou wiyncyj pszoc a ona poleku mo dos takego pszonia jak on to se forszteluje. Ona by chciaua coby on jyj tak pszou jak to bouo we knidze II i III kamasutry szkryfninyte. Problym ale polego na tym ze ona do niego juz niyma tako swiynto jak to bouo we knidze I, II i III Slonskyj Kamasutry i ciynszko im sie skuli tego dogodac jako se to tera majom dalyj pszoc jedyn drugymu. Tukej za hilfa majom ta pionto kniga. Dejcie kochane czytelniki ale obacht coby niyzyniate frele tego niy pszeczytauy co wom tera sam byda tuplikowou, bo moge to miec pieronowo zadne efekty jak idzie o temat uczynia sie potym sztelongow na szyszlongu, a to bydzie temat we Knidze VI!
                                                    I niy bydymy sam dalyj smolic gupotow ino konkretnie wymiynia zasady pszonia jedyn drugymu we tyn czas kery je podobny do tego czasu jak jedne Anaberg od zadku brali. Tosz po piyrsze on musi jom kilac pod pachom piyrzym, po druge musi to zaczonc robic zanim ona bydzie spionco i markotno, no i po czecie musi to byc piyrze ze zygowka kery je pouny piyrza kere ona sama targaua jak sie jeszcze niy znali. To je pieronym wazne, bo on jyj to musi pszipomniec pszi tym, a pedziec to mo tak: „ Dziubeczku je to prowda zes te piyrze targaua zanim jo do cia na zolyty uaziou?“ Mocie we tyn czas zicher ize ona na to zrobi sie tak samo czerwono na paplach jak to sie zrobioua wtedy jak on jom piyrszy roz chytou za kolano. I reszta se juz mogecie dalyj pomyslec. Ona sie niy bydzie juz tak pryndko potym do niego zadkym obrocac a on jom bydzie mog kilac coroski to wiyncyj i jak jom pokilo to ona juz bydzie wiedziec ze musi zmiynic sztelong. Ale o sztelongach to inkszy temat.
                                                    Co sam jeszcze je blank wazne to to coby we zima deka boua niy za szyroko i sie mogli oba pod niom ogrzoc jedyn od drugego, a we lato deka mo byc niy za ciynko, tak coby sie musieli oba od czasu do czasu odkrywac i udowac ze niywidzom jake som sagate. Jak my juz tera obgodali skond sie wzionuo to ze on i ona zaczynajom myslec o sztelongach, to w nastympnyj knidze, tak jak to wyniko ze logiki, bydzie tuplikowane jake som sztelongi i jak sie je robi.

                                                    dalyj bydzie juzas ...
                                                  • szwager_z_laband Re: stare teksty 28.05.13, 16:12
                                                    Kniga VII i najkrotszo.

                                                    Czyli o tym jak to zrobic coby na starosc pszonie se jedyn drugymu moguo wos dalyj kusic tak jak wos kusiouo jak zescie jeszcze niy wiedzieli co to je kamasutra.

                                                    No tosz jak juz se tak ze nojmyniyj 25 lot bydziecie cuzamyn fajnie pszosc jedyn drugymu, to yntlich pszidzie czas na nojfajniyjsze co sam we tym temacie ino idzie wymyslic, i gynau o tym tera trocha sam szkryfnymy na koniec tyj Slonskyj Kamasutry. Je jeszcze tak po prowdzie pora zakozanych knigow naszyj Slonskyj Kamasutry, ale o nich bydzie kedy indziyj. Myjglichkajtow pszonia se fest a fest na stare lata je aze za tela i jeszcze konsek - zaroski sie o tym same sam pszekonocie. Coby pszonie se jedyn drugymu dalyj na stare lata fajnie wos kusiouo, to my sam ino 3 myjglichkajty pokozymy, pedziec musza tysz, co praje te 3 my wybrali bo to som te kere kozdy z wos poznac musi i bez kerych obyndz sie niy idzie zouwizo. No tosz:

                                                    1) Ona nigdy niy mo sie onymu pokozywac we waukach na gowie na placu a juz blank niy jeszcze czekac snerwowano aze on pszidzie ze szynku we dziyn geltaku z nudelkulom w rynce. Ona mo ale zato fajnie mu nawarzyc i go chwolic ze tak wczesnie psziszou do dom po robocie, a jak to juz mu ona powiy to sie mo(ge) go spytac eli on mo smaka najpszod na piwo abo odrazu by sie juz poszou legnonc.
                                                    2) On mo jyj zowdy oddowac prawie couki geltak i ino tela wiela poczebuje na Totka i piwo we szynku na szlustydziyn moge se ostawic w kabzie od ancuga co wisi we szranku kery majom stoc we antryju. Jak ona sie go spyto eli by on sie juz poszou legnonc do szlafcimra abo mozno napiou by sie jeszcze szklonka piwa, to on musi odpedziec ze najpszod musi se jeszcze nogi wymoczyc a potym se jeszcze z niom obejzy jakis film co jyj sie podobo. Jak ona powiy ze niymajom programu TV to we tyn czas znaczy to ize ona mo fest chync mu praje popszoc. Tera couko sztuka je coby on jyj pokozou jak on jyj pszaje i dac jyj znac co ona je nojlepszo kobiytka jako ino moge byc. On jyj ale tego za pierona pedziec niy moge, on to jyj moge/musi ino pokozac.
                                                    3) Jak se juz skuli tego wszyskego tak richtik popszoli to mogom se tera dac kusika, pszitulic sie do sia, a na drugi dziyn se opowiedzom co im sie snikauo w nocy.
    • gryfny Re: stare teksty 28.05.13, 18:42
      mosz urlop?
      • szwager_z_laband Re: stare teksty 28.05.13, 19:42
        niy, ale se zbiyrom te wszyske moje stare rzeczy, no i tak pszi okazji je sam dowom tysz
Inne wątki na temat:
Pełna wersja