Dlo tych co Ślonskowi pszajom.

21.03.15, 11:10
Dlo tych co Ślonskowi pszajom aby se obejrzeli i poczytali kaj sie te Ślonzoki poniewiyrajom
i co tam porobiajom we wielkim świecie.
lauba-slonsko.pl/beranie/Klub/lak.html
A sam dlo tych co im sie nie chce czytać wszyskigo, mało probka
od Ślonzoka a do tego kapelonko ze Panewnik a teraz w w Ameryce.
Pisze o swoim jeszcze krotkim pobycie w Ameryce ale tak choby cołko amerykańsko historia podoł nom w pigułce.

Cyt.

Jo to cheba byda wikary, boch je tyż ksiondz i do tego francman z Panewnika. Moje miano to Petroniusz, ale godajom mi Petro abo Pyjter. Pieroniusz tyż by uszlo. To sie terozki musicie sami co łobrac. Siedza w Nowym Jorku, abo inakszyj: jestech tukej ale niy siedza. Pedzieli mi żech je pieronem łodporny na nauka.
Polsko szkoła cheba mie nie nauczyła niczego, to teroz paczom co sy mie te Amerykony zrobiom.

Jo sam jes w tym NiuJorku jakieś dwa lata ino i skończa na Świynta te studia o kiere Wom sie rozchodzi. A co sam robia? Sztudieruja coś co sie nazywo Ekologia Mediow. Po naszymu to by było coś, co zaglondo na roztomajte media i potym wiy jak te media ludzi za błozna umiom robić. To tak potym wyglondo, że jak łoglondom se dziynnik w telewizji, to słysza jedne (to co łoni godajom) a wiym co innego, czego łoni nie godajom. Skuli tego tyż, jak jakiś taki polityk fanzoli wiela wlezie to jo doś dobrze widza kaj łon smoli a kaj nie. A to co sie w Polsce terozki dzieje to wszysko ło to sie rozchodzi. A jeszcze inaczyj, to mie uczom cobych nie łogupnoł do reszty skuli tych mediow.

Robiłech tu tyż kupa innych rzeczy. Byłżech kapelonkiem w wiynziyniu do tych imigrantow, co sam łostudy narobili i potym ich chcom do dom wyciepać. Ale skuli tego to mie z tego wiynziynio tyż wyciepali, boch sie im postawił i pedzioł co myśla. Łoni sie tam wcali nie rachowali z tymi chopami i babami w wiynziyniu. Jak jo tam boł, to jedyn chop umrzył, bo mu lykarza nie dali, innymu niy dali na pogrzyb jego kobiyty pojechać (bo im zadka nie chciało ruszyć). Jo żech czekoł 9 miesiyncy na to aż mi podsztymplujom taki papior, coby tym wiynźniom 150 Biblii po hiszpańsku i 100 po angielsku za darmo załatwioł. Na koniyc żech napisoł do tego departamentu sprawiedliwości (co to chcioł najsamprzod co bych tam boł) jako tam sprawiedliwość jes. No i jak sie skończyło to już wiycie.
    • ballest Re: Dlo tych co Ślonskowi pszajom. 21.03.15, 12:17
      Fajnie synek pisze:
      "Sztudieruja coś co sie nazywo Ekologia Mediow. Po naszymu to by było coś, co zaglondo na roztomajte media i potym wiy jak te media ludzi za błozna umiom robić. To tak potym wyglondo, że jak łoglondom se dziynnik w telewizji, to słysza jedne (to co łoni godajom) a wiym co innego, czego łoni nie godajom."
Pełna wersja