miło mi poinformować, że...

28.11.05, 15:08
Serwus!
Chciołbych sie podzielić z Wami, moi roztomili iż.........

Miło mi poinformować, że łostołech laureatem "Konkursu Poetyckiego w Gwarze
Śląskiej im. ks. Norberta Bonczyka". Serdecznie zapraszom na
www.k.gwozdz.glt.pl !!! Dziynka!


Pozdrowiom gorko!
Karol Gwóźdź

_________________________
!!To My Naród Ślonski!!
    • szwager_z_laband Re: miło mi poinformować, że... 28.11.05, 15:11
      no to gratulacje!!!

      :)

      a podziel sie sam z nami swoimi konskami!

      a niy ino smaka narobic i tela :))

      • szwager_z_laband ps 28.11.05, 15:15
        tak mysla couki czas jak by Cie sam pod wos nojlepi wzionc ;))

        Wele konkasti

        Zasuoniynte gardiny
        Po ciymku siedza we izbie
        Gyry oparte na ryczce wygrzywom kole pieca
        We piecu hasiym zasute kartofle
        Kerymi a glutym wonio couko izba
        Bajtle je obrocajom
        Dyc uciecha majom
        Zarozki je oszkubiom
        Posujom solom i zjedzom
        A potym juzas dociepna do pieca wynglo z konkastli
        I poprowia slonsko bojka .
    • rico-chorzow Re: miło mi poinformować, że... 28.11.05, 15:18
      k.gwozdz napisał:

      > Serwus!
      > Chciołbych sie podzielić z Wami, moi roztomili iż.........
      >
      > Miło mi poinformować, że łostołech laureatem "Konkursu Poetyckiego w Gwarze
      > Śląskiej im. ks. Norberta Bonczyka". Serdecznie zapraszom na
      > www.k.gwozdz.glt.pl
      !!! Dziynka!


      Serwus Karlik;))),

      kebych mog,to bych przigniot;))
      >
      > Pozdrowiom gorko!
      > Karol Gwóźdź
      >
      > _________________________
      > !!To My Naród Ślonski!!
    • szwager_z_laband Re: miło mi poinformować, że... 28.11.05, 15:29
      Prawie suchom tych konskow co ta frelka je godo - widza ize uciykosz od
      czytania samymu swoich konskow - to dobry pomys, jo moich konskow tysz niy umia
      czytac tak fajnie jak bych se tego winszowou.

      Ta frelka naprowdy fajnie to godo!

      Pozdrowiom :)

      ps

      piykny mosz tyn koszulek :)

      Szwager ze Laband
      • ciupazka Re: miło mi poinformować, że... 28.11.05, 16:07
        Miło mi pogratulować, przeczytałam ,posłuchałam, podziwiałam, że to młody i
        chce mu się...Co jeszcze ...zapomniałam... Gatulacje!
        Telo.Pozdr.
    • hela12 Re: miło mi poinformować, że... 28.11.05, 16:36
      bravo.. !
      • ballest Re: miło mi poinformować, że... 28.11.05, 16:42
        To gratulujam, myslam ze to niy uostatniou Twoja nagroda!
        • ramon6 Re: miło mi poinformować, że... 28.11.05, 16:49
          Karou, jyny tak dali, bo takich nom sam cza;-)
    • annak12 Re: miło mi poinformować, że... 28.11.05, 17:13
      Gratulacje.
      ..i yno tak dali.Powodzenia.
      • broneknotgeld Re: miło mi poinformować, że... 28.11.05, 18:05
        Toż gratuluja Karol.
        Bele tako dali, no i szkryflej tych swojich wierszy ciyngym wiyncy.
        Pozdrowiom ze stolicy ślonski fraszki.
    • olandi1 Re: miło mi poinformować, że... 28.11.05, 18:03
      No, Karlik, pierona jasnego.
      GRATULUJA ZE COŁKIEGO SERCA.
      Jo Ci zawsze godoł, co niy mosz sie szwarcować, ino przić do przodku.
      Uradowołeś mie tom informacjom łokropiście.
      Tak dalyj cimać.
      Wciep sam cosik i na naszego fora z tych Twoich berów.
      • socer-schlesier Re: miło mi poinformować, że... 28.11.05, 18:22
        Brawo Krliku,karlusie jedyn.
        A Twoje bajtle tysz tak poradzom fajnie gwarom godać jak Ty?
        • szwager_z_laband Re: miło mi poinformować, że... 28.11.05, 18:26
          dyc to je jeszcze mody karlus!

          :)
          • socer-schlesier Re: miło mi poinformować, że... 28.11.05, 18:45
            Na pewno mieszko w Chorzowie albo Świętochłowicach?
            • szwager_z_laband Re: miło mi poinformować, że... 28.11.05, 18:54
              sam wszysko znondziesz:)

              www.k.gwozdz.glt.pl/
              • socer-schlesier Re: miło mi poinformować, że... 28.11.05, 18:58
                To On jest w wieku moego syna.GRATULACJE.
                • k.gwozdz Re: miło mi poinformować, że... 28.11.05, 21:13
                  DZIYNKUJA SERDECZNIE!
                  Dziynkuja fest za Wasze wsparcie!... kere ino mobilizuje do dalszyj roboty....

                  PS. ftos roz tam pedzioł czy moje bajtle tyż tak poradzom godać... chodzi mi
                  o słowo "gwara" .... otóż.. ślonski to NIY GWARA A JYNZYK ŚLONSKI!!
                  PROSZA WOS WSZYJSKICH - NIY ULEGEJCIE POLSKIM ZAKŁAMANIOM... gwara to polskie
                  słowo określajonce dialekty inaczyj brzmionce niż polski dialekt... czy ale to
                  oznaczo że MY ŚLONZOKI O WŁASNYM MACIERZYSTYM JYNZYKU BYDYMY GODAĆ TAK JAK NOM
                  KOZOM?? chyba niy, pra? czy polok o swoij mowie powiy gwara polska?
                  ZASTANÓWCIE SIE.. I GODEJCIE W ŻYCIU POPRAWNIE!!!!
                  • socer-schlesier Re: miło mi poinformować, że... 28.11.05, 21:17
                    Coroz bardzi mi sie sam na tym forum podobo!
                  • hanys_hans Re: miło mi poinformować, że... 28.11.05, 21:21
                    k.gwozdz napisał:

                    > DZIYNKUJA SERDECZNIE!
                    > Dziynkuja fest za Wasze wsparcie!... kere ino mobilizuje do dalszyj roboty....
                    >
                    > PS. ftos roz tam pedzioł czy moje bajtle tyż tak poradzom godać... chodzi mi
                    > o słowo "gwara" .... otóż.. ślonski to NIY GWARA A JYNZYK ŚLONSKI!!
                    > PROSZA WOS WSZYJSKICH - NIY ULEGEJCIE POLSKIM ZAKŁAMANIOM... gwara to polskie
                    > słowo określajonce dialekty inaczyj brzmionce niż polski dialekt... czy ale to
                    > oznaczo że MY ŚLONZOKI O WŁASNYM MACIERZYSTYM JYNZYKU BYDYMY GODAĆ TAK JAK NOM
                    > KOZOM?? chyba niy, pra? czy polok o swoij mowie powiy gwara polska?
                    > ZASTANÓWCIE SIE.. I GODEJCIE W ŻYCIU POPRAWNIE!!!!

                    Dyc´ jo to sam couki czas klaruja ze S'loonzoki godajoom jynzykym a niy czym
                    inkszym!
                    • sloneczko1 Re: miło mi poinformować, że... 28.11.05, 21:36
                      Karolu
                    • dede99 Re: miło mi poinformować, że... 28.11.05, 21:39
                      jo ci tyz serdecznie gratuluja. Jak juz Olandi napisol- wciepni sam cos na
                      Forum z tych Twoich ,,Berow"!

                      L.G.dede
    • olandi1 Kiedy bydzie fertig.... 29.11.05, 15:06
      Twój tomik???????
      Chyntnie bych go chcioł już mieć.
    • broneknotgeld Re: miło mi poinformować, że... 29.11.05, 18:59
      Możno cosik wiyncy ło tym konkursie
      forum.gazeta.pl/forum/72,2.html?f=261&w=29157292
      Sztart był udany i terozko już corocznie bydzie ze tym uciecha.
      No a Ciebie Karol chciołbych wciongnońć we kolejny, tyn ło świynty Barbarze.
      • broneknotgeld Re: miło mi poinformować, że... 29.11.05, 19:01
        Ja, trza przi tymu dać kolejny link
        forum.gazeta.pl/forum/72,2.html?f=34281&w=31701581
        Toż niy lyj se żurym, yno chytej piora.
      • szwager_z_laband Re: miło mi poinformować, że... 29.11.05, 19:02
        niy dej sie Karlik niy dej ... !

        :))
        • k.gwozdz Re: miło mi poinformować, że... 29.11.05, 19:58
          hyh zy mnom jest tak.... przyjdzie pora - sie szkryfnie coś.... a na siła,to
          niy zbajstluja nic dobrego..... takze ........ ale....dziynka za info mimo
          wszyjsko...;]
          • szwager_z_laband Re: miło mi poinformować, że... 29.11.05, 20:02
            jak cie frelka pod lacz weznie to bydziesz miou natchniynie non stop :))
            • olandi1 Re: miło mi poinformować, że... 29.11.05, 20:12
              szwager_z_laband napisał:

              > jak cie frelka pod lacz weznie to bydziesz miou natchniynie non stop :))



              i bydziesz bastlowoł bez końca :))
              • k.gwozdz Re: miło mi poinformować, że... 01.12.05, 14:56
                hyh...
                JO TO BYCH BARZYJ CHCIOŁ, COBY NA RYNKU POJAWIAŁY SIE COROZ TO NOWSZE POZYCJE
                ŚLONSKIE! ....::::: PISANE BES WOS :::::.... !!!!!!!!!!!
                dyc pisać kożdy umiy, kożdy mo swój styl i niych sie z tym niy kryje! ino
                wyłazi na przeciw! NA ŚWIOT!!!
                • ballest Re: miło mi poinformować, że... 01.12.05, 15:19
                  Niy, Karol, nie kazdy umiy tak fajnie jak Ty, Bronek, Laband, Hanys czy Anienka.
                  Jou np.tak nie poradzam ;)

                  Aha, wiysz uo tym, ze u nos na Karola - Karou godali?
                  • szwager_z_laband Re: miło mi poinformować, że... 01.12.05, 15:39
                    mie sie zdo ize kozdy poradzi szkryflac ino niy kozdy ze z tego zdowo sprawa -
                    wezcie se za przikuad ino tyn "Pamietnik gornika" (autor Edward Jelen). Dyc to
                    je normalny pamiyntnik, kery szkryfnou chop co szkryflou tak jak godou, a
                    ciekawiyj sie to czto niz niyjednego "wieszcza". Polecom tak ksionzka!

                    jo se jom obsztalowou be i-nec we wydawnictwie WAM we Krakowie.

                    sam adresa:wydawnictwowam.pl/
                    • ballest Re: miło mi poinformować, że... 01.12.05, 16:15
                      Laband, ale jak jou Wos czytom, se czujam mizerny!
                      Godoues tysz Karou na Karola?
                      • szwager_z_laband Re: miło mi poinformować, że... 01.12.05, 16:16
                        jo juz dziewitnoscie lot godom do mojego synka Karlik :))
                        • ballest Re: miło mi poinformować, że... 01.12.05, 16:36
                          a niy karou abo karlus?
                          • rico-chorzow Re: miło mi poinformować, że... 01.12.05, 16:38
                            ballest napisał:

                            > a niy karou abo karlus?

                            Karlus Karou je tysz Karlikym.
                            • szwager_z_laband Re: miło mi poinformować, że... 01.12.05, 16:41
                              jo godom tak jak wszyske godali naszymu organiscie we Laband - ajnfach Karlik :)
                              • szwager_z_laband ps 01.12.05, 16:42
                                kedys sie ciepou jak zonaty kokot jak ech mu tak przi ludziach godou, ale tera
                                juz zmondrzou :))
                                • k.gwozdz Re: ps 01.12.05, 19:27
                                  karou na karlika? a to skond tys genal jest? Z Glywic?
                                  • szwager_z_laband Re: ps 01.12.05, 20:21
                                    no dyc stoi we moim mianie "szwager z Laband"

                                    ps

                                    Laband to je dzisiej Łabędy
Inne wątki na temat:
Pełna wersja