do tych co miyszkajom we Polsce

13.08.07, 19:44
czymu jak idziecie do sklepu niy godcie do sprzedowaczki po slonsku,
i tak samo je we spowiedzi, we obocie, i kaj tam ino ...
    • sloneczko1 Re: do tych co miyszkajom we Polsce 13.08.07, 20:30
      a kto Ci pedzioł ,że niy godomy?
      • szwager_z_laband Re: do tych co miyszkajom we Polsce 13.08.07, 20:32
        znaczy Ty godosz?

        • sloneczko1 Re: do tych co miyszkajom we Polsce 13.08.07, 20:36
          ja,jo godom i niy yno jo
          • szwager_z_laband Re: do tych co miyszkajom we Polsce 13.08.07, 20:37
            no tosz ze ki we robocie godosz po naszymu?
            • sloneczko1 Re: do tych co miyszkajom we Polsce 13.08.07, 20:43
              jasne,że godom,a jak widza jakiego niygramotnego to po polsku musza
              z niym godać,niy kożdy umiy po naszymu ;)
              • szwager_z_laband Re: do tych co miyszkajom we Polsce 13.08.07, 20:44
                ale z kim godosz, ze szefym, ze podwuadnym?
                • sloneczko1 Re: do tych co miyszkajom we Polsce 13.08.07, 20:53
                  ze szefym i koleżankami,niy mom podwładnych;)
                  i z ludźmi z kierymi prowadza różne interesy,
                  czyżby z Twoji rodzinie niy godali po naszymu? bo jo tysz mom w moji
                  takich co sie tego wstydzom ;)
                  • szwager_z_laband Re: do tych co miyszkajom we Polsce 13.08.07, 21:01
                    jo niy mom na mysli ino familia, ino jak idziecie do geszeftu, abo
                    do roboty, abo do koscioua

                    we famili mom i takich kere niy poradzom po niymiecku, i takich kere
                    niy poradzom po polsku, i takich co mauo poradzom godac po slonsku
                    (egal eli tym wiyncyj naszym slonskim abo tym wiyncyj niymieckim-
                    slonskim)-
                    • pauulek Re: do tych co miyszkajom we Polsce 13.08.07, 21:05
                      no moze farorz niy zrozumie Twoich grzychow i byndziesz musiol jedyn
                      rozaniec za kara wiyncyj rzykac ?
                      • szwager_z_laband Re: do tych co miyszkajom we Polsce 13.08.07, 21:07
                        mie sie zdo ze farorzy to jeszcze duzo we slonsku dowajom naszych
                        slonskich. Abo?
                        • pauulek Re: do tych co miyszkajom we Polsce 13.08.07, 21:20
                          Tego niy wiym, bo jo je z tyj innyj parafii, ale Pastor w moim
                          Kosciele je od nos, ino czy po naszymu umie to niy wiym.
                          • szwager_z_laband Re: do tych co miyszkajom we Polsce 13.08.07, 21:23
                            mie to nerwuje ze slonske ksiyndze sie nic niy starajom dbac o naszo
                            slonsko godka tam we Slonsku ...
                            • ballest Re: do tych co miyszkajom we Polsce 13.08.07, 21:28
                              nie wiem jak tera Slonske ksiondze, ale kedys to bouy wszystko Poloki!
                              • szwager_z_laband Re: do tych co miyszkajom we Polsce 13.08.07, 21:41
                                jak jo uaziou na religia to mieli my jednego co bou Slonzok - Bär mu
                                bouo(niypamiyntom juz ale eli sie richtik tak szkryflou), potym tysz
                                bou jedyn mody i jedyn jeszcze co bou moim somsiodym ale on potym
                                pozn ou fajno zakonnica i oby przeszli na protestantyzm. No i
                                Zakanauym tysz bou stary Slonzok.
                                • sloneczko1 Re: do tych co miyszkajom we Polsce 13.08.07, 21:47
                                  czy Twoja siostra i rodzina godo po ślonsku jak je w sklepie abo
                                  robocie?jeżech tego bardzo ciekawo
                                  • ballest Re: do tych co miyszkajom we Polsce 13.08.07, 21:56
                                    moje siostry po polsku nie umiom, a po slonsku godajom lepi jak jou!
                                    • sloneczko1 Re: do tych co miyszkajom we Polsce 13.08.07, 22:06
                                      Ballest,ale one w niymcach miyszkajom,a jo pytom o siostra Labanda
                                      co w polsce miyszko
                                      • ballest Re: do tych co miyszkajom we Polsce 13.08.07, 22:08
                                        acha
                                        • sloneczko1 Re: do tych co miyszkajom we Polsce 13.08.07, 22:40
                                          a Twoje siostry w niymcach godajom po naszymu w
                                          sklepie,robocie,kościele i miyndzy ludźmi abo ich gańba tak godać?
                                          • szwager_z_laband Re: do tych co miyszkajom we Polsce 14.08.07, 20:08
                                            Suoneczko, mysla ze niyznosz Laband = dzisiej juz tam niyma tak jak
                                            bouo jak my byli maue == dzisiej juz niy stojom oumiczki pod sklepym
                                            i niy godajom po niymiecku ==== dzisiej juz ani moja siostra we
                                            sklepie niy usuyszy niymieckego, a co dopiyro slonskego, no to z kim
                                            mo godac?

                                            ... po naszymu ...
                                            • szwager_z_laband ps 14.08.07, 20:10
                                              Suoneczko, Ty mie dalyj niychcesz chba zrozumiec -
                • slonzok.jak.cza Re: do tych co miyszkajom we Polsce 13.08.07, 23:38
                  szwager_z_laband napisał:

                  > ale z kim godosz, ze szefym, ze podwuadnym?

                  szwager, jak jo mio praktyka to my mieli miastowego instruktora, po 3 latach on perfekt godo
        • slonzok.jak.cza Re: do tych co miyszkajom we Polsce 13.08.07, 23:35
          szwager_z_laband napisał:

          > znaczy Ty godosz?

          szwager_z_laband jo pochodza ze wsi Cisek, kaj moga padać 90% ludzi jedzie yno po slonsku, zaś ci co sie przikludziyli to jusz po polsku jadom. Do piyrwszygo miasta momy 9 km, jak trefisz na tako osoba przi kasie co mo ponad 30 - 40 lot to mogesz po ślonsku godać, bo chć ci po polsku odpowie to i tak rozumiy po slonsku. Zaś jak z mlodymi chcesz godać to oni niestety nie poradzom. Jo je bj. 78, jak zech chodzioł do szkoły to na pauzie sie yno z kolegami godało, zaś ci miastowi to sie jusz nasmiewali z naszy goudki.

          Farorz w moji wsi je od poru lot nowy i jedzie po slonsku jak cza, zas jygo poprzednik tysz poradziol perfekt po slonsku, niymiecku i hebrajsku. Also z tym to nie było u mie problemow zeby cza kasik godać przez ę, ą hihi.
          Na gminie tysz robiom same ślonzoki i tak samo idzie u nosz wszystko załatwić w swoji godce.

          Moja oma to i tak poradziyła jedynie po niemiecku i po slonsku godac, tak ajk wiynkszośc starszych ludzi u nos.

          • bratjakuba Re: do tych co miyszkajom we Polsce 13.08.07, 23:51
            Byłech rouz w Rybniku.Dziwom sie,je szild i napis "Bar Krupniok".
            Wlazuja i godom do frelki przi witrynie:toż prosza tyn krupniok.
            Odpowiado mi,- ni ma. A krupniok leży jak byk w te gablocie.
            Toż zaś padom: a to sam,co je? Aaa,godo frelka,to je kaszanka.
            • slonzok.jak.cza Re: do tych co miyszkajom we Polsce 13.08.07, 23:57
              bratjakuba napisał:

              > Byłech rouz w Rybniku.Dziwom sie,je szild i napis "Bar Krupniok".
              > Wlazuja i godom do frelki przi witrynie:toż prosza tyn krupniok.
              > Odpowiado mi,- ni ma. A krupniok leży jak byk w te gablocie.
              > Toż zaś padom: a to sam,co je? Aaa,godo frelka,to je kaszanka.

              Z tym to som niekedy jaja, sasiadka robi w GS-ie jako sprzedowczyni, i tysz miala czynsto praktykantki z Koźla, kere nie poradziyły nic, a nic po naszymu. Jak ros Opa prziszoł kupić byrna to mu tysz powiedziała ta praktykantka ze niyma, a opa sie zrobioł nerwowy i padoł ji że to nie fajnie starego chłopa za bouzna robić jak byrny som za niom
              • sloneczko1 Re: do tych co miyszkajom we Polsce 14.08.07, 07:11
                jak byłach mało to tysz jedna dziołcha z miasta pedziała,że chciała
                by bzu;) a go godom,że my czegoś takiego niy momy a stoli my pod
                flidrym co akurat kwitnoł,dopiyro mama mi pedziała,że to je po
                polsku bez,no ale ta dziołcha mogła mi aby pedzieć,że to je to,mono
                pomyślała sie,że jo ji go niy chca dać:(
                • ballest Re: do tych co miyszkajom we Polsce 14.08.07, 09:58
                  z kiszka to tysz je podobnie:)
                • hanys_hans Re: do tych co miyszkajom we Polsce 14.08.07, 14:08
                  sloneczko1 napisała:

                  > jak byłach mało to tysz jedna dziołcha z miasta pedziała,że chciała
                  > by bzu;)

                  - a pani lubi bez?
                  - Oh lubie ale sie obawiam...
          • szwager_z_laband Re: do tych co miyszkajom we Polsce 14.08.07, 20:12
            te ę, ą to nawet we Laand dzisiej som do mie jeszcze egzoty:)))


            niyciyrpi tego jak ognia:)
            • gryfny Re: do tych co miyszkajom we Polsce 14.08.07, 21:21
              szwager_z_laband napisał:

              > te ę, ą to nawet we Laand dzisiej som do mie jeszcze egzoty:)))
              genau,brrrrr a jak jeszcze do tego co drugie slowo zdrobnio,np
              szklaneczka,buleczka,buciki to zaroski mom 180 stopni
    • walezka Re: do tych co miyszkajom we Polsce 14.08.07, 14:20
      tak to je :czowiek z czowiekiem sie dogodac niy umie
      jo dzwonia do znajomego co sam mieszko juz dobre pora lot i godom ze musza
      szybko godac bo z komorki dzwonia a on do mie :a jo siedzam w wohnzimmrze...
      • ballest Re: do tych co miyszkajom we Polsce 14.08.07, 14:56
        to je dobre Walezko:)
      • hanys_hans Re: do tych co miyszkajom we Polsce 14.08.07, 16:06
        walezka napisała:

        > tak to je :czowiek z czowiekiem sie dogodac niy umie
        > jo dzwonia do znajomego co sam mieszko juz dobre pora lot i godom ze musza
        > szybko godac bo z komorki dzwonia a on do mie :a jo siedzam w wohnzimmrze...

        noo, noo, co to je za znajoomy rze z komurki doo niego dzwoonisz a niy tak ofyn
        z Wohnzimmra ;-)
        • gryfny Re: do tych co miyszkajom we Polsce 14.08.07, 16:18
          hihi,a co w tyj komurce trzymiesz,wongiel czy kartofle?
          • walezka Re: do tych co miyszkajom we Polsce 14.08.07, 17:28
            radiostacja
            • szwager_z_laband Re: do tych co miyszkajom we Polsce 14.08.07, 20:15
              ta odpowiydz je nojlepszo:)))
    • annak12 Re: do tych co miyszkajom we Polsce 14.08.07, 18:58
      Jak zaczłach u znajomych godać,to mi pedzieli ,co mi to nie pasuje:(,tak se
      skończoło koleżeństwo:)
      • hanys_hans Re: do tych co miyszkajom we Polsce 14.08.07, 20:05
        annak12 napisała:

        > Jak zaczłach u znajomych godać,to mi pedzieli ,co mi to nie pasuje:(,tak se
        > skończoło koleżeństwo:)

        toosz to musieli byc´ jakes´ pieroonowe experty....
        • szwager_z_laband Re: do tych co miyszkajom we Polsce 14.08.07, 20:16
          Ana, mysla zes mosz podobny naskwol harakter jak jo:))
        • gryfny Re: do tych co miyszkajom we Polsce 14.08.07, 21:28
          hanys_hans napisał:

          > > toosz to musieli byc´ jakes´ pieroonowe experty....
          sie wetna o dobre piwo ze,jak paniusia szklonka trzymie to maly
          paluszek trzymie do gory.Ana mom recht?
          • sloneczko1 Re: do tych co miyszkajom we Polsce 14.08.07, 22:04
            gryfny napisał:

            > hanys_hans napisał:
            >
            > > > toosz to musieli byc´ jakes´ pieroonowe experty....
            > sie wetna o dobre piwo ze,jak paniusia szklonka trzymie to maly
            > paluszek trzymie do gory.Ana mom recht?


            abo bołka przez bibołka a ..... gołom rynkom;)
            • sloneczko1 Re: do tych co miyszkajom we Polsce 14.08.07, 22:06
              no Laband,aleś byś sie kojtnoł,to my tworzymy historia a niy
              poddowomy sie stereotypom,znom Łabyndy i niy muszom żodne oumiczki
              przed sklepym stoć żeby po naszymu z ludźmi godać;)
              • szwager_z_laband Re: do tych co miyszkajom we Polsce 14.08.07, 22:09
                mosz na mysli DFK?

                no ja, tysz tam mom trocha familii, ale oni tam wiyncyj i tak po
                polsku wszyske beblajom a nojwyzyj po slonsku
    • szwager_z_laband moja propozycja! 14.08.07, 20:33
      mysla co bydzie jak nojbardziyj na miejscu sam szkryfnoc kozdy som
      swoj krotki zyciorys po naszymu!


      ´wszyske i te co miyszkajom we Polsce(terytorium ale niy ino pod
      zaborym, ale i te co do Gorolowic sie przekludziyli) no i te
      co "uciykli" do Rajchu. Co wy na to?
      • socer-schlesier Re: moja propozycja! 14.08.07, 21:13
        Szwager z pewnoscia nikt z tu z piszacych swojego zyciorysu nie bedzie sie wstydzic.Ktos jednak musi zaczac.
        • szwager_z_laband Re: moja propozycja! 14.08.07, 21:27
          ok:)


          jo sie urodziou we Glywicach we szpitalu wojskowym a miyszkouech
          prawie couke zycie we Laband - no na koniec trocha we Glywicach.
          Zolyty we Laband i slub tysz - moja tak jak i jo i moj synek
          urodzone som we Glywicach:)

          podstawowka, matura i studium, pora lot roboty we Polsce na
          delegacjacj a przedtym jeszcze praktyka na warsztacie.

          potym wpis do rezerwy i w tym samym dniu kupiono wycieczka do
          szwecji - kaj douech "pitoka" :)

          od tego czasu miyszkom we Rajchu, kaj zech sciongnou kobiyta ze
          bajtlym.

          trocvha familii mom we Glywicach a wiynkszosc we Rajchu.

          robia od poczontku sam we tyj samyj firmie, mom mauy jajynhauz,
          synej w tym roku zaczyno sztudiowac i sie smieje jak suchom
          slonskich szlagerow:)

          ale rocka i bluesa zech mu juz zdonzou od mauego wklupac do gowy:)


          niyciyrpia harcydupkow, warszawiokow i udawoczy:)

          • ballest Re: moja propozycja! 14.08.07, 22:16
            podstawowka, matura i studium, pora lot roboty we Polsce na
            delegacjacj a przedtym jeszcze praktyka na warsztacie.

            Laband a jakie zes studia skonczou?
            • szwager_z_laband Re: moja propozycja! 14.08.07, 22:20
              niy studia ino studium pomaturalne:)
              • sloneczko1 Re: moja propozycja! 14.08.07, 22:25
                niy żodne DFK yno normalnie ,na drodze,we sklepie,ze somsiadami sie
                godo po ślonsku
              • ballest Re: moja propozycja! 14.08.07, 22:29
                acha, a jou se urodziou w Plawniowitz, skonczou Technikum Lacznosci na Dworcowy, robiou na Koleji, w Zjednoczeniu Przemyslu Ceramicznego, w Blachowni Slaskiej w Zakladach Chemicznych i w ZNLE
                Na wyjazd staly do Niemiec czekali my bardzo dugo, ale po interwencji Annemarie Renger my wyjechali a jou zaro do roboty i robiam w Ty firmie do dzisiej.
                Tera uech miou isc na Vorruhestand ale mi pierony odmowiyli, w nastympnym roku juzas sprobujam:)
                • szwager_z_laband Re: moja propozycja! 14.08.07, 22:39
                  mie ostatnio chcieli posuac do czynstochowy, a jo im padou ze se to
                  majom wybic z gowy:))
                  • ballest Re: moja propozycja! 14.08.07, 22:43
                    a mnie chcieli kedys poslac do Wroclawia, ale tyz uech im absaga dou
        • szwager_z_laband Re: moja propozycja! 15.08.07, 10:40
          no to nastympny do "golynia" :)))

          tak to zagodnouch bo juz sam w tym wontku widza ize som sam
          rotomaite roczniki i od rocznika(pokolynia) zaleznie sprawa godki
          wyglondo u nos we Slonsku czynsto
          • olandi1 Re: moja propozycja! 15.08.07, 11:43
            No to możno jo sam tyż cosik naszkryflom.
            Urodziłech sie we Zobrzu (czytej Hindenburgu). Miyszkali my miyndzy gorolami,
            ale dało sie to jakoś szczimać - bo byli bardzo fajne i życzliwe ludziska. Po
            pedałówie we Zobrzu poszołżech do TK we Gliwicach, po skończyniu kierego
            wybrołech sie na studia do Nysy do WSD. Studiów żech niy skończoł, bo skuli
            zdrowio musiołech je przerwać. We 70 roku ubiegłego stulecio ożyniłech sie i
            dorobiłech 5 dziecek, z czego 2 urodziło sie już sam we Niymcach.
            Potym przyszła choroba i operacjo na serce i od tego czasu jestech na tzw.
            Vorruhestand. Ale niy narzykom za wyjontkiym na tych naszych rzondzoncych, co
            nom jeszcze te marne piyniondze opodatkowali - GIZDY.
            • olandi1 Re: moja propozycja! 15.08.07, 11:44
              We 70 roku ubiegłego stulecio
              Miało być we 79 roku :))
              • ballest Re: moja propozycja! 15.08.07, 13:16
                acha muszam dodac, ze od strony uojca rodzina miala monisko (Mlyn) w Uoni (Lany male) a od strony matki w Taciszowie:)
                • sloneczko1 Re: moja propozycja! 15.08.07, 20:58
                  monisko to je od miana Mounika ;)
                  • ballest Re: moja propozycja! 15.08.07, 22:05
                    niy, monisko, to chyba od Mlyniska:)
Inne wątki na temat:
Pełna wersja