Gumiklyjzy

21.10.07, 10:08
www.minrol.gov.pl/DesktopModules/Announcement/ViewAnnouncement.aspx?ModuleID=1312&TabOrgID=1528&LangId=0&AnnouncementId=6994&ModulePositionId=1797
    • szwager_z_laband Re: Gumiklyjzy 21.10.07, 11:35
      to na samym koncu me sam nojwiyncyj zainteresowauo i spodziywom sie
      np od BrataJakuba cos ciekawego uuyszec:)

      Stary Dudek we Laband nauczou moja mama to inaczyj robic – cza
      poczyc pora kartodli i dodac do nich uyzka monkii. Tera dodac do
      tego trocga pokronyj fajnie we kostka cebuli i trocha pokronego
      boczku i popiyc na patelni no i nojwazniyjsze jedne jajko. Jeszcze
      popiyc i je fertik! Slonske Gorale robiom to trocha inaczyj i nawet
      na wilijo to jedzom, we formie takyj choby zapiykanki srogyj we
      misce – godajom na to zebroczka. We robocie mom znajomo ze Starych
      Budkowic i ona to robi tysz ze potartych kartofli ze monkom, a potym
      to nabiyro uyzkom i na randzie patelni syjmuje i piecze. Jak wy to
      znocie i jak to robicie. Spodziywom sie ze je tego wpierony odmian.
      Abo?
      • hanys_hans Re: Gumiklyjzy 21.10.07, 12:02
        "gdy woda sie już zagotuje dodać pół szklanki zimnej wody rozmieszanej z niecałą
        łyżką mąki ziemniaczanej i wlać to do garnka z gotująca wodą ggy ponownie zawrze
        wrzucać wtedy kluski. ńie pękają i są ładne gładziutkie."
      • gryfny Re: Gumiklyjzy 21.10.07, 12:06
        kasik dwoni a ministerstwo nie wie kaj,"kloska z dziura""Kloss"
        Prowda,tyz prowda i g....o prowda
    • bratjakuba Re: Gumiklyjzy 21.10.07, 12:52
      U nas gumiklösse sie godao na te co sie teroski nayzwajom ślonske.
      Najprosściejszy przepis jeszcze od moje Ohmy,bezto mo już bez 100lot.

      1.Ostrugać tela kartofli jak dycki jycie na obiod + na kożde 3 kartofle jedyn
      dodstkowo i uwarzić.
      2.Ugniyść abo przepresować przez praska do miski(salaterki),lekko ubić i
      wygładzic po wiyrchu.
      3.Naszkryflać rowny krziż tak aby zaznaczyć 4 sztwiertki.
      4.Wybrać jedna sztwiertka i rowno rozłożyć na pozostałych trzech.
      5.Do tego pustego miejsca po tej jwybranej sztwiertce wsypać
      DO ROWNA monki kartoflane i dodać jedna kopiato łyżka monki pszynnej
      na 6 kartofli(+-)i tela jajec co łyżek monki.
      Można też dodać odrobina potrzytej gałki muszkatowej.
      Wyrobić gładke ciasto,jak bydzie za lużne a zależy to od gatunku kartofli to
      dodać trocha monki pszynnej.
      6.Z konskow ciasta ukulac wałek pokroć na rowne czynści i kulać kluski.Idzie też
      przi braku czasu na odmiana uwarzić we formie kopytek.
      Jak chcecie aby były richtich gładke,klejonce gumiklösse,to przi kulaniu trza
      użyć monki kartoflanej do obtoczynio.Bon appetit.

      • szwager_z_laband Re: Gumiklyjzy 21.10.07, 13:12
        a to o czym tam na koncu stoi i czego roztomaite rodzaje jo
        wymiyniou znosz?

        mom na mysli te prazuchy(tak moja mama na to godo tysz)

        co do gauki muszkatowyj to mosz recht - moja ouma(mama od mamy)
        dowaua do np prazuchow abo klusek tysz jak niy zawsze to czynsto
        gauka muszkatowo!

        :)
        • bratjakuba Re: Gumiklyjzy 21.10.07, 14:56
          szwager_z_laband napisał:

          > a to o czym tam na koncu stoi i czego roztomaite rodzaje jo
          > wymiyniou znosz?
          >
          >Ja,znom ale trocha inaksze.U nas sie ich nie robiyło.Moja Mama na to godała
          betlerki.Oma rozprowiała,że bez piyrszo wojna był taki głod
          co ani monki żodne ne było.Chlyb sie piykło z wyki i owsa zemlytego na młynku do
          kawy(Owies był"zdobyczny",wybiyralo sie gorść koniowi
          z futerzaku)Jak sie trefiyła monka żytnio abo reżno to sie robiyło
          te prażonki.
          Trza było mieć drotowany bonclok.Sypało sie do niygo monka,zalywało
          wodom i sie czekało aż cało osiednie.Teraz sie stawialo tyn binclok
          na blasze i sie podgrzywało.Monka pynczniała,bezto trocha ji sie
          przisporzyło.Jak już był tyn kleik uprażony to sie ostrożnie ślywało
          woda,dodowałout utłuczonych kartofli co by szło formować konski(kluski)i sie
          warzyło we wodzie.Jak był fet abo szpek to przipiykało na patelni..
          Te t.zw "przitarte" były robione powszechnie ze szkwarkami abo do gulaszu.Godało
          sie na nie śliszky,śliszki abo kluskikładzione.
          Były leksze do zrobiynio bo sie nie rozlazły przi warzyniu jak czynsto te 'czorne"

          • szwager_z_laband Re: Gumiklyjzy 21.10.07, 15:57
            to je richtik szpas z Tobom o tym pogodac - take cosik to juz bys
            musiou spisac richtik do ksionzki, bo tego to juz niywiea ludzi zno!

            jo niy coukym ale mysla zrozumou to ze tym drutowanym bunclokym -
            znom te drutowane gorczki ze opowiadan mamy jeszcze , ale niyrozumia
            czamu sam zes uzou okreslynia "Trza było mieć drotowany bonclok" (?)
            • szwager_z_laband ps 21.10.07, 15:59
              poradziou bys tysz sam opisac jak sie drotuje bunclok?
    • bratjakuba Re: Gumiklyjzy 21.10.07, 17:05
      Bonclok czyli garniec gliniany(kamionkowy),bez to co by sie to po mału
      parzyło.We blaszanym abo żeliwnym kastroliku by sie przipolało.
      Do drotowanio musioł być bonclok w kształcie beczułki abo pynkatego
      kastrolika.Drotowanie nie było proste.Chodziyli tacy drociorze i wołali:
      Garce drotuja!Garce drotuja!Przinosiyło mu sie taki nowy ekstra do pażynio(w
      dobrych czasach sie robiyło w tym ciasto na Windbeutle(Ptyśie)abo stare
      puknyte(pęknięte).Drot był zwykły abo ocynkowany ok 1mm zależnie od wielkości
      garca.Przi dnie zakłodoł tako bronczka z hrubszego drotu a do nij wionzołco
      2-2,5 cm
      • szwager_z_laband Re: Gumiklyjzy 21.10.07, 17:07
        jo juz tego praktycznie niy pamiyntom - cos jak przez mgua ino ...

        kedys taki gorczek ostatnio widziou?


        no i dziynkuja za opedzynie jak sie to robiouo:)
        • szwager_z_laband Re: Gumiklyjzy 21.10.07, 17:10
          pkreslynie ze cos pukuo (pynkuo) tysz jeszcze znom:)
          • rita100 Re: Gumiklyjzy 23.10.07, 19:46
            przepraszam, musze podnieś watek, bo mi ucieka, a smakołyków nigdy nie jest
            dosyć i kochanego ciałka jak mówią wytrawni kucharze ;)
    • szwager_z_laband Re: Gumiklyjzy 29.10.07, 11:58
      to niysom ale gumiklyjzy;)

      schlesien.nwgw.de/foto/displayimage.php?album=396&pos=9
      ps

      na wieczor abo na drugi dziyn we cauosci te kloski jak sie upiecze
      to je niebo!!
      • rita100 Re: Gumiklyjzy 04.11.07, 19:17
        Laband, a jest coś takiego czego nie lubisz ? Jakaś potrawa.
        • szwager_z_laband Re: Gumiklyjzy 04.11.07, 19:54
          jo przedewszyskim lubia "maszkycic" = probowac/kosztowac:)

          niylubia ....?

          no np jajecznicy jak niyje fest scuiynto - tego do gymby niy biera:))
          • rita100 Re: Gumiklyjzy 04.11.07, 20:16
            A jednak coś się znajdzie - a niektórzy to piją jojka na mniantko prosto ze
            szklanki.

            A lubisz kuchy z torebek, takie jakie sprzedają prawie gotowe i tylko wyrobić i
            do piekarnika. To inc-pinc i już gotowe.
            • rita100 Re: Gumiklyjzy 04.11.07, 20:51
              schlesien.nwgw.de/board/viewtopic.php?p=2930#2930
              O to mi chodzi - kupujesz tylko torebkę , jest tam przepis i szybko wyrabiasz i
              popatrz - gotowe !
              • szwager_z_laband Re: Gumiklyjzy 05.11.07, 10:17
                tysz robiymy i ciasta i kloski ze paczkow - czynsto niyma czsu na
                tzw "bawiynie sie":)
Pełna wersja