Racibórz - galerio

21.01.09, 00:08
Zainteresowanich co znajom Racibórz, abo i ni mogom sie pooglondać jak to tera wyglondou. No tyn słynni torg to jusz nieje torg, a pozatim je tam bardzo fajni i zadbani rynek

schlesien.nwgw.de/foto/thumbnails.php?album=755
    • szwager_z_laband Re: Racibórz - galerio 21.01.09, 05:59
      fajno ta betlyjka
      • ballest Re: Racibórz - galerio 21.01.09, 06:14
        A jou jeszcze w Ratibor nie bou, a to takie fajne miasto!
        • bobek1978 Re: Racibórz - galerio 21.01.09, 08:38
          ballest napisał:

          > A jou jeszcze w Ratibor nie bou, a to takie fajne miasto!


          Bardzo fajnym miastem jest tysz Rybnik, chnet bydom fotki. Co mie sie ogromnie w Rybniku podobou to to, że tam ludzie do dzisioj godajom po slonsku.
          • bobek1978 Re: Racibórz - galerio 21.01.09, 10:12
            Rybnik latym:

            schlesien.nwgw.de/foto/thumbnails.php?album=756
            • socer-schlesier Re: Racibórz - galerio 21.01.09, 10:26
              Fajne fotki.Tyn nasz Slask niy jest taki zly.
              • szwager_z_laband Re: Racibórz - galerio 21.01.09, 16:59
                na elektrowni niyroz robiouech a miasto widza sie przez ostatnie
                pora lot poprawiouo chyba:)

    • bratjakuba Re: Racibórz - galerio 21.01.09, 11:55
      bobek1978 napisał:

      > Zainteresowanich co znajom Racibórz, abo i ni mogom sie pooglondać jak to tera
      > wyglondou. No tyn słynni torg to jusz nieje torg, a pozatim je tam bardzo fajni
      > i zadbani rynek
      >
      > schlesien.nwgw.de/foto/thumbnails.php?album=755

      Statua Matki Boskiej ufundowana przez Schaffgotschow była i jest znakym
      rozpoznawczym Raciborza.Te piykne kamiyniczki w tle som w całości
      rekonstrukcom.Cołko ta pierzeja rynku została zburzono
      atakym arteleryjskim jeszcze w styczniu 1945.(Raciborz zostoł dziepro zajynty 31
      marca)
      Co ciekawe,w tym zmasowanym ostrzale ta statua prawie nie uciyrpała,
      nie liczonc poru dziur po szplitrach.
      Reszta Raciborz została zniszczono p r z e z R u s o w, umyślnie już po
      wojnie,w tym środmieście w 80%.
      • bobek1978 Re: Racibórz - galerio 21.01.09, 12:15
        bratjakuba - a niewiysz od ilu lout je tyn nowi rynek? I co umiysz padać na Raciborski Oktoberfest?

        Bos widza chyba z tamtich stron je.

        • ballest Re: Racibórz - galerio 21.01.09, 13:02
          Bobek, jak przidam do dom, to se uobejrzam te Twoja albumy.
          Brat Jakuba jest z tych stron recht mosz i moze Ci przypuszczom
          richtig duzo na tymat Raciborza szkryfnonc
        • bratjakuba Re: Racibórz - galerio 21.01.09, 13:21
          bobek1978 napisał:

          > bratjakuba - a niewiysz od ilu lout je tyn nowi rynek? I co umiysz padać na Rac
          > iborski Oktoberfest?
          >
          > Bos widza chyba z tamtich stron je.
          >
          Rynek je od dycki.Po wojnie był 4 razy przebudowywany to znaczy nawierzchnia i
          organizacja ruchu.
          Jezech rod,żech potkoł sam krajana,abo yno zainteresowanego
          tym miastym i okolicom.
          Jako,że żyja już długo na tym świecie i broł ech rynczny udział
          w rozbiorce raciborskich ruin i nie yno ruin,ale to je tymat do
          długigo rozprowianio,jak i w odbudowy niekierych jego czynści,np kolei,to
          chyntnie odpowiym na pytania jakie Cie w zwionzku
          z Raciborzym interesujom.

          Jak idzie o Oktoberfest,to z tego samego powodu co wyży,zdonżoł ech
          już przepuścić bez sia odpowiednio porcja piwa i tyn temat mie już
          nie interesuje.
          Jeszcze bych był ciekawy z kond richtich pochodzisz,bo Twoje
          "ti""nowi",wskazujom,że nie z samego Raciborza.
          Jak by Ci to było nie na rynka,to napisz mi na PW.
          Je to o tela ważne,że okolice Raciborza som wyjontkowym miejscym
          jak idzie o ślonsko godka.Na przestrzyni 4 -7 km idzie napotkać
          3 roztomańte godki a te miejsca z kond Ty(Ti)pochodzisz mianuje sie
          ziymiom trzech kultur.
          • szwager_z_laband Re: Racibórz - galerio 21.01.09, 17:02
            a co jeszcze musioues rozbiyrac oprocz tych ruin?

            musioues?


            ps

            mom do Ciebie BracieJakuba mauy "egzamin" = co to je PROPIULKA?
            • bratjakuba Re: Racibórz - galerio 21.01.09, 18:03
              szwager_z_laband napisał:

              > a co jeszcze musioues rozbiyrac oprocz tych ruin?
              >
              > musioues?
              >
              >
              > ps
              >
              > mom do Ciebie BracieJakuba mauy "egzamin" = co to je PROPIULKA?

              Ad1.Nie musioł ech.Robioł ech to za ciynżke piniondze.Już nigdy
              w życiu ech tela nie zarobioł,relatywnie do wartości piniondza
              i średnich zarobkow.
              Ad2.Dziepro przed poru tydniami eś mie egzaminowoł
              z autonomii,Latacza i Reginkow.
              Ale mosz miec,choć to pytanie dlo ślonskich przedszkolakow,no tych prawdziwie
              ślonskich.
              PROske-PIontek-ULitzka-KAschny.
              Przez te Propiulki nowet Brockhaus pisze Plontek zamiast Piontek.
              Młodszy brat Proskego był po wojnie komendatem straży pożarnej
              w Raciborzu.
              • szwager_z_laband Re: Racibórz - galerio 21.01.09, 18:36
                no to zes je dobry:)

                jak mi jeszcze sam powiysz jak sie mianuje "kamrad" od Antaka i
                Francka ze Raciborza no to egzamin's zdou:)

                ;)
                • bratjakuba Re: Racibórz - galerio 21.01.09, 19:05
                  szwager_z_laband napisał:

                  > no to zes je dobry:)
                  >
                  > jak mi jeszcze sam powiysz jak sie mianuje "kamrad" od Antaka i
                  > Francka ze Raciborza no to egzamin's zdou:)
                  >
                  > ;)
                  Christoph Herr Brotfressor!
                  • szwager_z_laband Re: Racibórz - galerio 21.01.09, 19:09
                    :)

                    gynau to mie ciekawi - jo sie styknou juz ze tym Ksziszotofym
                    jako "czornym", "klupniyntym", - jake jeszcze wersje tego Kristofa
                    znosz?

                    Jak cos wiyncyj o niym wiysz to schynciom poczytom:)

                    • bratjakuba Re: Racibórz - galerio 21.01.09, 20:08
                      szwager_z_laband napisał:

                      > :)
                      >
                      > gynau to mie ciekawi - jo sie styknou juz ze tym Ksziszotofym
                      > jako "czornym", "klupniyntym", - jake jeszcze wersje tego Kristofa
                      > znosz?

                      Hugo Christoph to bol taki raciborski Sowizdrzoł.
                      Wiela o nim ni ma bo postać była kontrowersyjno dlo owczesnych
                      władz i zakozywano publikacji.Za Hitlera też nie był akceptowany przez elity bo sie kojarzył ze socjaldemokracjom
                      iStaatsfeindlichkeit(wrogość wobec państwa).
                      Pisze o nim trocha Herbert Hupkaale to som też wspomniynia zasłyszane w młodości.
                      Takie obiegowe gagi to:
                      Heute wird die Schlossbruecke gesprengt.
                      In Sachen Ihrer Frau.
                      Ich bin der Regierungsrad.
                      To te co mi sie tak na teraz spominajom.Jak jakeś historyjki nie znosz to jom opowiym w całości.Jak se jeszcze jako spomnia to napisza.Pozdrowko.
                      >

                      >
                      • szwager_z_laband Re: Racibórz - galerio 22.01.09, 05:41
                        dziynki:)

                        podpowiydz ino jeszcze, jak idzie, kaj hupka o nim szkryfnou(?), no
                        i eli mosz jakes linki na te geszichty!
                        • bratjakuba Re: Racibórz - galerio 22.01.09, 20:03
                          szwager_z_laband napisał:

                          > dziynki:)
                          >
                          > podpowiydz ino jeszcze, jak idzie, kaj hupka o nim szkryfnou(?), no
                          > i eli mosz jakes linki na te geszichty!

                          archiver.rootsweb.ancestry.com/th/read/DEU-SCHLESIEN/2002-05/1021325022
                          A te geschichte to som take:

                          1.Chrstiph porozlepioł plakaty kaj było napisane "Heute um 3 Uhr wird die
                          Sclossbruecke gesprengt!(Dzisiej o trzeciej wysadzom most zamkowy).Że to było
                          przed plebiscytem to w Raciborzu stacjonowoł cały batalion Italiokow.
                          Toż zarozki postawiyli patrole z obu stron i pod mostym.
                          O trzecie na most prziszoł Christoph ze giskanom i zaczon polywac
                          most wodom.Tyn gag polego na tym,że po niemiecku sprengen,znaczy zarówno
                          wysadzac' jak i kropic' wodą.

                          2.Z kuli ostudy jako durch była z policjom baba od Christofa chciała sie śnim
                          rozwiyśc.Toż Christoph dostoł zawiadomiynie ze sondu,że sie mo stawic "In Sachen
                          Ihrer Frau (W sprawach dotyczących żony).
                          Chistoph prziszoł do sondu boso i we klajdzie od swoje baby.

                          3.Jednego razu na wszystkich słupach ogłoszyniowych były rozlepione
                          plakaty ze fotografiom Christopha we fraku i wielkim napisym:
                          "ich bin der neue Regierungsrad"Napis jest z będem bo ma byc
                          Regierungsrat.(jestem nowym radcą stanu).Christoph zakładoł powszechno nie yno
                          wtedy gupota urzyndow i urzyndnikow.
                          Rzeczywiście,został aresztowany pod zarzutem podszywania się pod urzędowy
                          tytuł,kiery mu nie przisługuje.
                          Przed sondym,na pytanie co mo na swoja obrona,Christoph rozwinił tyn swoj plakat
                          i padoł:"Neulich fuhr ich mit der Karre(taczki)und regierte(kierowałem) mit dem
                          Rade,da war ich doch Regierungsrad.

                          4.Na brzegu Odry,dokładnie pod tablicom "Angeln verboten"siedzioł Christoph ze
                          wyndkom w rynce.Prziszoł policjant i sie pyto czy nie umi czytac abo zaś chce
                          haje ze zwiyrzchnościom.Na to Christoph
                          wycingnoł ta wyndka z wody a na nij wisioł słony harynek(śledż).
                          Do policjanta zaś padoł tak:Nie wiedzom,że jutro je piontek
                          i trza słone harynki na obiod wymoczyc'?



                          • szwager_z_laband Re: Racibórz - galerio 22.01.09, 20:05
                            Piyknie Ci Dziynkuja BracieJakuba:)

                            mysla ize inksze tysz z ciekawosciom pszeczytajom:)
                          • rita100 Re: Racibórz - galerio 22.01.09, 21:01
                            4.Na brzegu Odry,dokładnie pod tablicom "Angeln verboten"siedzioł Christoph ze
                            wyndkom w rynce.Prziszoł policjant i sie pyto czy nie umi czytac abo zaś chce
                            haje ze zwiyrzchnościom.Na to Christoph wycingnoł ta wyndka z wody a na nij
                            wisioł słony harynek(śledż). Do policjanta zaś padoł tak:Nie wiedzom,że jutro je
                            piontek i trza słone harynki na obiod wymoczyc'?


                            doskonała gyszychta
          • ballest Re: Racibórz - galerio 21.01.09, 17:03
            Nie w Ratibor mnie zodyn nie zobaczy!
            bo uoni tam za pomniki postawiali, co nic wspolnego z Ratibor nie majom!!
            • bratjakuba Re: Racibórz - galerio 21.01.09, 18:13
              ballest napisał:

              > Nie w Ratibor mnie zodyn nie zobaczy!
              > bo uoni tam za pomniki postawiali, co nic wspolnego z Ratibor nie majom!!

              Bo to już nie je Ratibor a Raciborz.Co do tych pomnikow to też mie
              nerwuje.Myni tyn "Matki Polki"choć komuna chciała z niego zrobić
              konkurencja do Matki Boski abo Jana Nepomuc.
              Bardzi mie gorszy pomnik Arki Bożka bo sie robi śnigo bohatera
              a włosno matka godała o nim,że je lomp.
              Politycznie też był kameleon,taki prototyp Kutza.

              • rita100 Re: Racibórz - galerio 21.01.09, 21:06
                Toż Bobek zrobił radoche bildami.
                A wiedzy Bratajakuba pozazdrościć. Skąd On to wie wszystko ?
                • bobek1978 Re: Racibórz - galerio 21.01.09, 23:32
                  Rita100 jo dostou prawie 200 zdiec z mojy miejscowosci jak ech tera boł na urlopie Fotki kere zech dostou byly od 1910 roku do 2002. Jeszcze nawet zech ich wszystkich na moje forum nie wciepnou, a zas do 1.02.2009 to byda miou trocha roboty, bo sie z mojom przekludzomy na inksze miyszkanie. Ale potyn zas sam conieco wciepnam.

                  Pozdrowiom piyknie i do zajs!
                  • rita100 Re: Racibórz - galerio 22.01.09, 14:37
                    Bobek, mosz tako werbe, ze świat porywasz do góry. Zona Ci daje taką energię ?
                    :) Ale jak to jest, ze jak się samemu robi zdjęcia to zaraz zainteresowania są
                    historią tego zdjęcia tego obiektu fotograficznego i szukanie starszych zdjęć.
                    Wciąga, prawda ?

                    To jak się odrobisz i nowe mieszkanie zagospodarujesz to do galeryji się zaciągnij.
          • bobek1978 Re: Racibórz - galerio 21.01.09, 23:29
            bratjakuba napisał:



            > Jeszcze bych był ciekawy z kond richtich pochodzisz,bo Twoje
            > "ti""nowi",wskazujom,że nie z samego Raciborza.
            > Jak by Ci to było nie na rynka,to napisz mi na PW.
            > Je to o tela ważne,że okolice Raciborza som wyjontkowym miejscym
            > jak idzie o ślonsko godka.Na przestrzyni 4 -7 km idzie napotkać
            > 3 roztomańte godki a te miejsca z kond Ty(Ti)pochodzisz mianuje sie
            > ziymiom trzech kultur.


            Witej!

            Jo nieje z samygo Raciborza, ale pamiyntom go z czasow jak mi bylo 10-15 lout, bo to była niemal tradycjo co by jechać do Raciborza na torg. Faktym je że to było dycki fajne miasto, no ale tera po poru latach toch miou szoka, że sie tam tak pozmiyniało, a rynek odwaloni boł na medal. Jo pochodza dokładnie z Czyszek (Cisek), besto sie ta nasza goudka trocha różni. O Raciborzu trocha sam szkryflajom na ti stronie www.szalency.de/ mieli tysz forum ale chwilowo im nie działoł. Na to forum władowouech jusz moje fotki i dokumynty z 1930 - 1945 roku. Jak by cie to kedy interesowało to ci co posla na meila.


            Co do tygo Kristofa to pamiyntom ze onkel z Tworkowa dycki o nim wicy opowiadou
Inne wątki na temat:
Pełna wersja