Fto znou slonski ausdruck wiegets

20.03.09, 22:10
moze od niemioeckiego "wie geht es" ale znocie go?
    • szwager_z_laband Re: Fto znou slonski ausdruck wiegets 21.03.09, 06:46
      jo tego praje niy kojarza z moich czasow we Laband, ale inksze kere
      bouy zdaniymi ze niymieckego a kere bouy miyj abo wiyncyj
      przeuonaczony na slonske "podniybiynie" - tak do pszikuadu bouo "lek
      mich am asz", ale bouo i cos na opak - te suynne "has du gewidziou"

      te o kerym Ty sam godosz wprowdzi brzmi mi za moderne ale pieron wiy.

      :)
    • bratjakuba Re: Fto znou slonski ausdruck wiegets 21.03.09, 12:49
      ballest napisał:

      > moze od niemioeckiego "wie geht es" ale znocie go?

      To przeca chnet we wszystkich jynzykach je tak samo.
      Na Ślonsku, po prziwitaniu,sie pytało:jak idzie?
      abo jak wom idzie?
      Odpowiadało sie:Bog zapłać,-dobrze abo dziynki Bogu jako,tako.
      Jak kto Boga nie chcioł w to miyszać to padoł:nom idzie dobrze
      -uns gehts gut.
      • maksik9 Re: Fto znou slonski ausdruck wiegets 21.03.09, 20:53
        jou znoom "jako woom tam idzie", abo "jak se mołcie"
        • szwager_z_laband Re: Fto znou slonski ausdruck wiegets 22.03.09, 09:36
          abo "jak wom leci"

          a odpowiydz "jakos sie kulo poleku" :)
          • ballest Re: Fto znou slonski ausdruck wiegets 22.03.09, 10:38
            Ale u nos se na takiego Luftikusa wiegets godauo;)
            • bratjakuba Re: Fto znou slonski ausdruck wiegets 22.03.09, 12:19
              ballest napisał:

              > Ale u nos se na takiego Luftikusa wiegets godauo;)

              U nas zaś,a takigo godało sie "Wypol".
          • bratjakuba Re: Fto znou slonski ausdruck wiegets 22.03.09, 10:39
            szwager_z_laband napisał:

            > abo "jak wom leci"


            Tak sie godało jak sie prziszło prawie jak bimber pyndziyli.

            Odpowiadało sie:Nie musi lecieć,bele durch kapało.
            • szwager_z_laband Re: Fto znou slonski ausdruck wiegets 22.03.09, 10:42
              :)))
              • ballest Re: Fto znou slonski ausdruck wiegets 22.03.09, 10:55
                To Tys tysz Bimber robiou, ale jaja;)
                • szwager_z_laband Re: Fto znou slonski ausdruck wiegets 22.03.09, 10:57
                  tera dopiyro mie starsze, na tym forum, uswiadomiyli czymu my sie
                  wtedy tak wszyske witac musieli:))
                • bratjakuba Re: Fto znou slonski ausdruck wiegets 22.03.09, 12:17
                  ballest napisał:

                  > To Tys tysz Bimber robiou, ale jaja;)

                  We wojna wszyjscy robiyli.Normalno gorzołka była eno ze gruby
                  jako deputat dlo Schwerstarbeiter, mi sie zdo sztwierciok na
                  miesionc.Reszta szła na front dlo podtrzimanio morale.Kupić szło eno Brennschpiritus.
                  Jak ech robioł u Arabow to mi sie ta umiejyntność przidała.Robiyli
                  my nojlepszo gorzoła w Saudii.Nowet Poloki chwolyły.
                  • szwager_z_laband Re: Fto znou slonski ausdruck wiegets 22.03.09, 12:30
                    tera wiym co padac kobiycie jak sie byda chciou napi
                    • bratjakuba Re: Fto znou slonski ausdruck wiegets 22.03.09, 13:40
                      szwager_z_laband napisał:

                      > tera wiym co padac kobiycie jak sie byda chciou napi
                      • ballest Re: Fto znou slonski ausdruck wiegets 22.03.09, 15:27
                        ;) to bez wojna czkulada boua?
                        • bratjakuba Re: Fto znou slonski ausdruck wiegets 22.03.09, 21:34
                          ballest napisał:

                          > ;) to bez wojna czkulada boua?

                          Była ale nie dlo zwykłych ludzi.Była wyjontkowo dlo nimieckich
                          wojokow i powszechnie w paczkach Czerwonego Krziża dlo zachodnich
                          jyńcow wojynnych
                          Pisza sam,żech widzioł piyrszo we wojna czekulada z daleka.
                          Dostowali jom wojoki odkomenderowani do jakeś specjalnej akcji.
                          Były długe przemowiynia,przipinanie orderow no i na koniec po tabulce czekulady.
                          Pirszo czekulada wojynno coch jod to w styczniu 1945 roku.
                          Odbywały sie te słynne marsze ewakuacyjne.Rusy i żydy szli pod
                          ścisłom eskortom ze psami a jyńcy angielscy i amerykańscy prawie bez nadzoru.
                          Jedyn angelski jyniec mioł taki dość wielki bagaż i sie
                          naproszoł o moje stare już sonki.Po dłuższych pertraktacjach
                          rynkami ciupnoł ech te sonki za tako mało,twardo czekuladka
                          i gorść suszonych śliwek.
                          Jak widzisz,Anglicy i Amerykony we wojna i w niewoli mieli sie lepszy od Niymcow.
                          • nordicwolf Re: Fto znou slonski ausdruck wiegets 23.03.09, 00:19
                            a bombony zes miol ?
                            • bratjakuba Re: Fto znou slonski ausdruck wiegets 23.03.09, 08:53
                              nordicwolf napisał:

                              > a bombony zes miol ?

                              > Bombony były roztomańte.W Raciborzu i w Rybniku były znane fabryki Sobczik,ale bombony szło kupić eno na kartki na cuker.
                              Jak sie kupowało lody to dowali na papiorku.Na wafle trza było
                              zaś miec kartka na monka.Na wszystko były kartki abo Bezugschein
                              (taki talon)np na szczewiki,oblycze a nowet jak my kupowali
                              taki piecyk "żeleżniok"to trza było Bezugschein na żielazo.
                          • ballest Re: Fto znou slonski ausdruck wiegets 23.03.09, 06:05
                            Z jencami to tak boio, jak Kuba Bogu tak Bog Kubie, a Zydzi, to w
                            tym wypadku za darmo cierpieli.
Pełna wersja