co wy byscie padali???

30.03.09, 20:23
"jak w śląskiej mowie określa się restaurację, stołówkę, jadłodajnię
lub kawiarnię, w ogóle miejsce gdzie można coś zjeść, "przestrzeń
gastronomiczną".


???
    • anton_28 Re: co wy byscie padali??? 30.03.09, 21:05
      jo by padou "szynk"
    • bratjakuba Re: co wy byscie padali??? 30.03.09, 21:26
      szwager_z_laband napisał:

      > "jak w śląskiej mowie określa się restaurację, stołówkę, jadłodajnię
      > lub kawiarnię, w ogóle miejsce gdzie można coś zjeść, "przestrzeń
      > gastronomiczną".


      Chcioł byś to krotko,same okryślynia czy trocha szyrzyj?
      • bratjakuba Re: co wy byscie padali??? 01.04.09, 20:08
        A tak poł żartym,poł serio.
        Peiskretscham - Pyskowice,historyczno
        nazwa Peysenchretschin szło by interpretować jako karczma u abo od pejsatego.
        • anton_28 Re: co wy byscie padali??? 01.04.09, 20:14
          bratjakuba napisał:

          > A tak poł żartym,poł serio.
          > Peiskretscham - Pyskowice,historyczno
          > nazwa Peysenchretschin szło by interpretować jako karczma u abo od
          pejsatego.

          fajny tyn Vergleich :) to je moj Heimatstadt - Peiskretscham :)

          www.peiskretscham.de/
    • annak12 Re: co wy byscie padali??? 31.03.09, 10:17
      my goudali na restauracja gospoda,bar -szynk(bez jedzynia boł,yno do słepania)a
      na kawiarnia-kafejka
      • ballest Re: co wy byscie padali??? 31.03.09, 12:18
        Kantyna se tysz godauo
        • dede99 Re: co wy byscie padali??? 31.03.09, 13:33
          Przestrzen Gastronomiczna??;))

          Tako luxusowo,,przestrzen"-Restauracja
          a tako mniyj luxusowo-knajpa,gospoda


          lg dede
    • cirano Re: co wy byscie padali??? 31.03.09, 16:09
      Chodziyło sie do szynku na wyszynk,
      a "Pod cyc" na golono i żur.
      Ale to mysłowicko-jonowske strony, tych chyba niy znocie
    • seppel Re: co wy byscie padali??? 31.03.09, 17:25
      ...Wirtschaft,Ausschank,Schänke tysz idzie pedziec

      • ramon6 Re: co wy byscie padali??? 31.03.09, 20:54
        a jou bych "kaczma" pedziou - pojejs tam szuo tysz.
        A restouraci to na Slonsku mauo kj bouo, bo tam normalni lidzie -
        tacy jake my som - niy uojziyli.
        • sloneczko1 Re: co wy byscie padali??? 31.03.09, 21:11
          u nos godajom gospoda abo szynk
          • bratjakuba Re: co wy byscie padali??? 31.03.09, 22:36
            Jo zaś,jak zwykle siyngna do odleglejszych czasow
            i odpowiym trocha szyrzyj.Przeproszom,że zaś
            musicie tela tego czytać.

            Z tym nazewnictwem to było roztomańcie zależnie czy ta instytucja była w mieście
            abo na wsi.
            W mieście godało sie Restaurant abo Restauracjo.
            Restauracja tak jak i dzisiej była miejscym kaj jadło sie posiłek
            Cafe (to e czynsto pisane z Francuska z accent egu) abo Kawiarnia były miejscym
            kaj szło sie z kimś umowić zjeść coś słodkigo,wypić kawa abo limonada.
            Te wiynksze kawiarnie nazywały sie też Kaffehaus.Przeważnie łonczyły
            rola kawiarni z Conditorei-Cukiernią.Tu sie nie tylko jadło słodycze ale i kupowało
            na wynoś,czy zamowiało na uroczystości
            Nie było to jednak miejsce,w kierym tak jak to jest dzisiej,szło spyndzić pora godzin.


            Wreszcie Szynk, to była choby nisższo kategoria tej przestrzyni konsumpcyjnej.
            Ale to w szynku siedziało sie przi Stammtischu piyło piwo,zagryzało Hauskyjzom
            co sama łaziyła po stole,grało w karty abo bilard i rozprowiało sie o bieżoncych sprawach.
            W mieście też szynki czynsto określało sie po nazwach z szyldów.
            N.p. "Neue Welt","Nowy Świat","Aussicht","Widok",Kuhstall"itp.
            Abo po mianie własciciela.Karczma u Karwota abo w szynku u Emmy.
            Trocha inksze okryslynia słyszało sie na wschod i południe od linii Pszczyna-Jastrębie.Tam i restauracja i karczma nazywały sie Gospoda a właściciel abo zarządzajoncy to był "Gospocki"(nie gospodorz)
            ani jak na pozostałym Ślonsku,"Szynkyrz".
            Na wsi były też szynki abo karczmy.Czym sie różniły dokładnie nie wiym.
            Możno w karczmie szło nikiej i coś zjeść i jak by sugerowoł żródłosłów-Kretscham, też przenocować
            a w szynku eno wypić.
            Wiejskie karczmy pełniyły jednak rola centrum kulturalnego.
            Tu też dycki szło zastać wiejskigo szandary,przedstawić swoja
            sprawa i obsztelować mu piwo.
            • szwager_z_laband Re: co wy byscie padali??? 01.04.09, 15:04
              wszyskim wom dziynkuja - jedna persona mie w tzym wzglyndzie
              prosioua o podpowiydz
Inne wątki na temat:
Pełna wersja