Po co se po dochtorach smykocie?

19.06.09, 12:17
Jou nie chodzam !
Jou uwazam, ze naturalne metody leczenia som skuteczniejsze jak to
co mi Dochtor przepisze.
Powiem, ze 99% dzisiejszych lekarstw nie maja 100% skutecznosci, a
90% lekarstw lyczy yno objawy choroby a nie sama choroba.
Dzisiej bydzie lykarstwo dopuszczone do handlu, jak tylko o pora
procent pacjentow po ich zazyciu w okresie testowym czulo sie lepi
jak te co Placebo zazywali.
Tak wiec Farmaceutyka to dzisiej przedsiebiorstwa, kere chcom
pieniazki zarobic i to duze pieniazki zarobic.
Jak by chcieli choroby leczyc, co by se straciouy, to by straciouy
rynek zbytu i marze dochodowe!

Tak wiec „Na Zdrowie“, bez lekarstw przemyslowych!
    • annak12 Re: Po co se po dochtorach smykocie? 19.06.09, 14:45
      ballest napisał:

      > Jou nie chodzam !

      bo cie jeszcze nie przycisło!profilaktycznie powinno se robić pewne badania.W
      domu tysz dobrze mieć pewne lekarstwa np. na goronczka.Ostatnio syn jak mi podoł
      termometr,to nogi mi se ugioły,kreska minoła 40,a w domu pustki.

    • gryfny Re: Po co se po dochtorach smykocie? 19.06.09, 15:39
      Ach du liebe "9"....pozostaje ino zyczyc zdrowia,konskiego
      • cirano Re: Po co se po dochtorach smykocie? 19.06.09, 16:28
        Dooooobre ballest, tak samo mysla.
        ino... niydowno przeżyłech fall (chybach pisoł), że uo małoco by mie zomb ins
        Jynzajc wyprawiył.
        Czowiek uważo, ale czasym zrobi mały feler... a potym ino antybiotyk
        • ballest Re: Po co se po dochtorach smykocie? 19.06.09, 20:41
          Tysz ze zymbami uech miou kiedys problymy, a teraz jak cos je, to yno do mamy,
          ta tam sama robi olejki z kwieciou rozy, ze dziurawca, czytej Johanniskrautu itd.
          Kedys jechou uech na kole i se caly pysk strzaskou, to bouo w piontek, najpierw
          syn mi go alkoholem wysmarowou a potym mama posmarowala go uolejkiem z rozy i w
          poniedzialek zodyn nie poznou, zech wypadek miou!
          • sloneczko1 Re: Po co se po dochtorach smykocie? 19.06.09, 22:26
            to sie godo,że goji sie na Ciebie jak na psie;)

            moj teść tysz mioł tako krew,obojyntnie co narobioł to w pora dni
            bou zdrowy jak ryba;)
            niystety,moje dzieci niy erbły po niym tyj cechy,a szkoda:(
            • ballest Re: Po co se po dochtorach smykocie? 19.06.09, 22:55
              Na psie, to zech se tera merknou!
              • cirano Re: Po co se po dochtorach smykocie? 20.06.09, 11:21
                Ta cecha, słoneczko nabiyro sie w "szkole życia", za bajtla.
                Dzici wychowane w cieple, przesadnyj czystości, ftore sie nigdy palca niy
                przetły, nigdy z gałynzi niy sleciały, gnatow niy połomały, niy rozwalyły kolana
                itd. to som te, co jich potym wszysko boli, wiecznie łażom chore.
                A i ta teoria pasuje mi do tych, co wcześnie zaczynajom łysieć. Trocha zimno na
                dworze, jusz ino z czopkom na gowie. Nigdych niy nosiył czopki powyżyj -20
                stopni...i nic
                • bratjakuba Re: Po co se po dochtorach smykocie? 20.06.09, 17:22
                  Spomnioł mi sie taki wic o ruskim Altersheimie.
                  We Rusyji wszystko było dycki nejlepsze tak jak teraz we Niymcach.
                  Toż do takigo domu starcow zjechała komisyjo co by zbadać po czymu
                  sowieckie ludi żyjom tak długo.Pytajom sie Iwana jak to zrobioł że
                  dożył w zdrowiu 102 lata.Tyn pado:Żył ech na Sybirze,było zima
                  alech sie ciepło oblykoł.Inksi piyli na rozgrzywka a jo ni.Kurzyli machora i inksze zielska,a jo ni.No toż to piyknie padajom te profesory.
                  Zaroz sie spytali drugigo co siedzioł i sie przisłuchiwoł.
                  Zachar a wy toże nie pili i nie kurili?A tyn Zachar sie roześmioł
                  i pado:piyłech i pija,kurzył ech i kurza.Byłech na Sybirze i chodzioł ech bez papachy(czopki)i dali tak chodza i nic.
                  Ho,ho,ho zadziwyli sie dochtory.A wiela to już lotek sie wom przeżyło? Heee, na bezrok bydzie 42 pedzioł Zachar.
                  • bratjakuba Re: Po co se po dochtorach smykocie? 20.06.09, 17:41
                    Ale za chwila te dochtory sie zaczli dziwować,że dwa chopy co tak samo wyglondajom majom tako różnica wieku.
                    Bez to zaś sie spytali tego Iwana czy może som jakeś inksze jeszcze prziczyny,kierym zawdziynczo tak słuszny wiek.
                    Iwan im na to:jo wszystko zawdzynczom rewolucji i władzy radzieckiej!
                    Na to jedyn profesor:to drogi Iwanie Sergiejiczu som badania naukowe
                    i nie chcieli byśmy mieszać do tego rewolucji i polityki.
                    A Iwan zaś od nowa.Moj słuszny wiek zawdziynczom tylko rewolucji i władzy radzieckiej.
                    No ale jakże to?Spytoł sie drugi profesor.Co ma rewolucja do wieku.
                    A Iwan zaś zaczyno:Wszystko to zawdzięczam rewolucji i władzy radzieckiej.Bo w czasie rewolucji pażdziernikowej był taki bałagan
                    a władza radziecka durna i niepiśmienna,że mi dopisali 50 lat.
                    • ballest Re: Po co se po dochtorach smykocie? 20.06.09, 22:50
                      Bracie, tak richtig pedziec, to tyn wontek uech yno skuli TJEBJA zalozou, bo
                      wiym kim jestes, a tys mi tukej z takymi wyskokami uodpedziou!
                      Tak richtig, to zes moja TEZA przez Blumen potwierdziou, Danke !
                      • bratjakuba Re: Po co se po dochtorach smykocie? 21.06.09, 10:54
                        To nie była odpowiydz do Ciebie eno do teorii,że zdrowie sie poprawio
                        jak se rynce i nogi połomiesz i jak na Sybir sie wybieresz bez czopki.
                        A jeszcze i na to aby rozweselić trocha tyn śmiertelny temat.
                        Bo czy bydziesz chodzioł w czopce czy bez,czy sie bydziesz lyczył
                        som u kurpfuschera abo dochtora,to i tak wszystko zmierzo do fatalnego końca.
                        A ekstra dlo Ciebie to mom tako odpowiydż.
                        Moj dobry znajomy profesor medycyny,niezły naukowiec i mistrz medycyny
                        praktycznej dycki godoł swoim asystentom jak sie mondrowali
                        i kożdy chcioł chorego lyczyć po swojymu:jak sie chłopy(znaczy te
                        dochtory)skrziknom i weznom fest do roboty,to i nejzdrowszego
                        wykończom.
                        Jo zaś wiym,że wiyncy ludzi umiyro bez to,że nie idom do dochtora
                        w odpowiednim czasie niż bez to,że łażom tam za czynsto.
                        • ballest Re: Po co se po dochtorach smykocie? 21.06.09, 11:01
                          Jak yno idom do dochtora to nie je zle, ale gorzi, jak zacznom medykamenty brac;)
                          Duzo ludzi uazi do dochtora, bo dochtor musi zyc, do aptyki tysz idom, bo
                          aptykorz tysz musi z czegos zyc, a medykamenty co tam kupieli wyciepujom, bo
                          uoni tysz chcom zyc!
                          • sloneczko1 Re: Po co se po dochtorach smykocie? 21.06.09, 16:07
                            niy zgodzom sie z teoriom Ballesta ,że yno medycyna naturalno lyczy

                            jakby tak było to czyńść moji rodziny co umarła na
                            grużlica,zapolynie płuc,czy tyfus bez wojna abo zaro po wojnie by
                            dożyła starości

                            a tak sie niy stało:(

                            Ballest niy pamiynto ,że kedyś dzieci umiyrały na krup abo inksze
                            dzieciynce choroby,tera bierom lyki i żyjom,nawet wcześniaki majom
                            szansa


                            i tak do końca niy wierza w te końskie zdrowie Ballesta,bo kożdy mo
                            swoja piynta Achillesowo w zdrowiu
                            • seppel Re: Po co se po dochtorach smykocie? 21.06.09, 17:03
                              ..na gupota niy ma lykorstfa ale niy o to mi idzie..
                              ballest jezes nur ein Glückpilz und sei Froh ze cie jeszcze tak richtig niy
                              "pokrynciouo"
                              wiym ze na Erkältung to i" auf drei Ave Maria in den Backofen"pomoge
                              yno jak jusz "tam"na winklu stojisz to bydziesz sie kozdego Strohhalm'u
                              chytou
                              spytej sie chorych z.b. naszego kolegi Olandi

                              • cirano Re: Po co se po dochtorach smykocie? 22.06.09, 07:59
                                Jedni lotajom po dochtorach, inksi niy, bo starajom sie wzglyndnie rozsondnie i
                                zdrowo żyć i niy przeciongać ani w jedna, ani w drugo. I to jes jusz połowa
                                prowdy. Jo wykombinowoł sie sfoja metoda na zdrowie i 30 lot wg nij zyja. Niy
                                choruja. Ani ryma mie uod lot niy chyto.
                                Godali: "jak przi 60-ce stawosz z łoszka i cie nic nic niy boli, to ino besto,
                                że niy żyjesz". Hehe, richtig Quatsch!
                                • ballest Re: Po co se po dochtorach smykocie? 22.06.09, 09:28
                                  Jou wom yno chcam zwrocic uwaga, ze te lekarstwa co lykarz
                                  przepisuje, nie zawsze lyczom, uo tym niekere dochtory wiedzom, bo
                                  znajom moduly dopuszczania ich do Handlu.
                                  Kiedys tysz lekarstwa byly lepsze i wirkstoffy tysz lepsze, tera se
                                  lekarstwa tak robi, ze jak jedna choroba trocha wyleczysz to na
                                  drugou zachorujesz.
                                  Jak se dostaniesz w Kreislauf Medycyny to mosz po ptokach.
                                  • bokertov1947 Re: do ballesta i inkszych cherlokow. 22.06.09, 20:04
                                    Ballest - piernika - ale jak dochtorka modo, pjykno dziouszka?
                                    Jak ci koze seblyc galoty, a potym cie uoglondo s ty i tamty strony - to wto
                                    wjy, eli ci sie mode lata njy przipomnom?!
                                    Pyrsk!
                                    bokertov1947
                                    • ballest Re: do ballesta i inkszych cherlokow. 23.06.09, 09:42
                                      bokertov1947 napisał:

                                      > Ballest - piernika - ale jak dochtorka modo, pjykno dziouszka?
                                      > Jak ci koze seblyc galoty, a potym cie uoglondo s ty i tamty
                                      strony - to wto
                                      > wjy, eli ci sie mode lata njy przipomnom?!
                                      > Pyrsk!
                                      > bokertov1947

                                      Moj kolega Manek K. bou na stofce i jak zwykle przyszla takou modou
                                      dochtorka i kozaua nom wszystki galoty scingnonc, bo chciala widziec
                                      czy my som zdrowi.
                                      Manek bou chyba najzdrowszy z nos bo mu st.u jak domb.
                                      Ta se zaczerwienioua ale fasonu nie stracioua, spytala sie go:
                                      - Jak sie Pan nazywa?
                                      - Manfred K.
                                      - Panie K. niech Pan sie uda za parawanik, tam jest szklanka zimnej
                                      wody i sie sie pan ochlodzi!
                                      Manek poszou wypiou ta szklonka i ze ster...cym juza za Parawanika
                                      wyloz!!!
                                      Myslam, ze w ty szklonce juz go napewno 10 drinn mialo;)
                                      • cirano Re: do ballesta i inkszych cherlokow. 23.06.09, 15:02
                                        ballest napisał:


                                        > Myslam, ze w ty szklonce juz go napewno 10 drinn mialo;)
                                        Borok. Co sie teroz ta szklonka przipomni mo go w pywnicy!!
    • annak12 Re: Po co se po dochtorach smykocie? 22.06.09, 07:56
      Zdrowie cza szanować!chowanie w sterylnych warunkach jak i lotonia w mrozy bez
      mycki ,z czasym wylezie.
      Coby se teraz leczyć,to cza mieć końskie nerwy!te kolejki,terminy,toby mnie
      gibci w pioch wsadzioło.
      • cirano Re: Po co se po dochtorach smykocie? 23.06.09, 08:08
        U tych co na codziyń i przi kożdyj pogodzie w mycce lotali wylezie to na staroś,
        bo po 20-ce zaczynajom łysieć a przi 30-ce majom glaca
        • annak12 Re: Po co se po dochtorach smykocie? 23.06.09, 11:23
          cirano napisał:

          > bo po 20-ce zaczynajom łysieć a przi 30-ce majom glaca

          ;)na mondry głowie włos se nie czimie;))
          • ballest Re: Po co se po dochtorach smykocie? 23.06.09, 12:02
            ;) uo pierona, Anna tera polua!
            • annak12 Re: Po co se po dochtorach smykocie? 23.06.09, 14:44

              ballest napisał:

              > ;) uo pierona, Anna tera polua!
              >

              to niy mosz takich problemow,a w ten sposob wielu leczy kompleksy,insi zaś
              zrobiyli se poletko doświadczalne,abo ze zadku ,boku zaczesujom łysina "dwoma"
              włosoma
          • seppel Re: Po co se po dochtorach smykocie? 23.06.09, 17:40
            annak12 napisała:

            > cirano napisał:
            >
            > > bo po 20-ce zaczynajom łysieć a przi 30-ce majom glaca
            >
            > ;)na mondry głowie włos se nie czimie;))

            Gupim byc je feinie;)))
            • sloneczko1 Re: Po co se po dochtorach smykocie? 24.06.09, 08:29
              co tam wosy;)
              jak czowiek fajny to egal jak wyglondo:)
              • ballest Re: Po co se po dochtorach smykocie? 24.06.09, 09:11
                Siwym Tysz byc je fajnie;)
Inne wątki na temat:
Pełna wersja