Warmja i Mazury po ślonsku

[broneknotgeld]

Czy prowdziwych Mazurow już niy ma?
Możno z Niymiec se wrocom w ta ziymia

[broneknotgeld]

"Przesiadłem się z kajaka na łodź wiosłową"

Ano - Jan Paweł lubioł wiosłować
Mazurom jakby siebie chcioł dować
Coś ło tym prawiom wody Krutyni
Choć teroz ciszy i jakby myni.

[broneknotgeld]

"Warmia i Mazury" Erwina Kruka

Se tako ksionżka chca wom polecić
Możno se udo z niyj fraszki sklecić.

[broneknotgeld]

U Ptolemeusza

Galindy Sudowy u Ptolemeusza
To pruske plemiona - szkryfnońć tako musza
Dwa tysionce lotek tymu tukej byli
Choć pisma niy znali - po swojymu żyli.

[broneknotgeld]

Truso

Legyndarne Truso Wulfstan już łopisoł
Dlo Wikingow cosik łone tyż znaczyło
Teroz archeolog na te miejsce prziszoł
We jeziorze Druzno miano se ukryło.

[broneknotgeld]

Czyja wina?

Porzondliwym łokym Piasty zoglondali
Na Bałtow łodwieczno ta przeca dziedzina
Niy z krziżym to z mieczym se tu wyprowiali
Bydymy sie wadzić z kery strony wina.

[broneknotgeld]

Prusowie

"Lud srogi i okrutny" - pisoł Długosz tako
Zowdy ło poganach szkryflali jednako
Dyć pruske plemiona chciały żyć szczyńśliwie
Niy było to dane w historyji dziwie.

[broneknotgeld]

1222 - 1223

Chrystian z Konradym wyprawiy wiydli
Tako z Pomorza krziżowcy
W końcu se Prusom richtig łobrzidli
Przeca niy chcieli grać "owcy"

Bestoż wybrali sie na Pomorze
Mazowsze tyż łoberwało
Piosek w klepsydrze lecioł - łoj Boże
Nojgorsze na nich czekało.

[broneknotgeld]

Herman von Balk

Miszczym Krajowym karlus tyn był
Dyć loł tych Prusow ze wszyskich siył
Kaj wrazioł mocno tyn czorny krziż
Już grod warowny przeca to wiysz
Kwidzyn i Elblong Bałga tyż inksze
Jedne dość małe nikere wiynksze
Już tu niy stykło sie łokrzcić yno
Zakon ło wszysko se dopomino
Łon "panym" życio i śmierci jest
Toż autochtonow umynczoł fest.

[broneknotgeld]

1243

Niym jeszcze Prusow cołkym podbiyli
Sztyry biskupstwa już wykrojyli
Z bullom papiyża Innocentego
Dyć ze tym mianym przeca szwortego.

[broneknotgeld]

W diecezjach

Dwie czecie ty ziymi noleżne Krziżokom
Reszta dlo Kościoła - co pruskim borokom?

[broneknotgeld]

Pod Lubawom

Pod Lubawom Harkus fest Krziżakow pobioł
Ze wojsk Helmericha łon se nic niy robioł.

[broneknotgeld]

Pyjter z Dusburga

Karlus podboj Prusow w tych latach łopisoł
Choć możno przi tymu tyż cosik namiyszoł
Momy relacyjo yno z jedny strony
Jako ze ty drugi - tego niy poznomy.

[broneknotgeld]

1307

Wenecjo już Miszcza Krziżakow żegnała
Pewno płakać po niym wcale niy musiała
Dyć w tym roku Malbork wiela se radowoł
Feuchtwangena przeca siedzibom sie stowoł
Stolicom Zakonu - ziym pruskich podbitych
Zamkym-twierdzom wielkom - tref "niypospolity".

[broneknotgeld]

Los powstańca pruskego

Zowdy niywola go tu czekała
Katorga kero skrocała życie
Niyjedna twierdza na tym powstała
Pot krew w kamiyniu - przeca to wiycie

I cegła z tego czerwono bardzi
Zamki kościoły jakby krasiyła
Zakon choć Prusym pierońsko gardzi
Z jego roboty biere swo siyła.

[broneknotgeld]

Zwionzek Pruski 1440

Zakon uciskoł szlachta i miasta
Toż chcieli pedzieć już tymu - basta
We Zwionzku Pruskim siyły zbiyrali
Bo już niy chcieli żyć tako dali.

[broneknotgeld]

Wojna 1519-1521

Skiż hołdu wojna terozki tukej
We niyj upadku Zakonu szukej
Krziżaki skarbiec se wyczyściyli
Ziymiom żołd panom czynsto płaciyli
Aż w końcu ściepli "zakonne szatki"
Toż Hohenzollern princ teroz gładki
Chocioż uklynknoł w końcu w Krakowie
Dyć cosik erbnoł ze tym tyn czowiek.

[broneknotgeld]

Godka prusko (XVI w)

Przi protestantach jakby coś blysła
Dyć w końcu cołkym z użycio wyszła
W Sambii i Warmii tako godali
-Możno ciut dłuży zapominali.

[broneknotgeld]

Biskup Paweł Lagendorf

Rok se tym stolcym biskupim cieszoł
Za mało nawet by coś nagrzeszoł
Pruski rod Stango karlusa nosioł
A Jagiellończyk na Warmio prosioł
By diecezyjo przi krolu czimoł
I ze Zakonym konszachtow niy mioł.

[broneknotgeld]

Biskup Maurycy Ferber

Warmio pamiynto to biskupowi
Że wydoł wojna jakby Lutrowi
Hohenzollerna tym wnerwioł chyba
Dyć ze Ferbera niy jakoś ryba.

[broneknotgeld]

Biskup Thiedemann Giese (1549-1550)

Łostatni "miejscowy" na stolcu biskupa
Zdo sie - już Korona wyloła ta "zupa"
Terozki swojymi se w ty Warmii "warzy"
Toż Polokom ciyngym ta fara sie marzy.

[broneknotgeld]

Dziejopis Marcin Kromer 1512-1589

Zocny dziejopis dwou w Krakowie
Toż Jagiellonow łoddany czowiek
Biskupym w końcu zostoł w Lidzbarku
Była ta Warmio na jego karku.

[broneknotgeld]

Krolewiec 1544

Dboł Hohenzollern ło swo stolica
Chcioł by gryfniejsze durś miała lica
Toż uniwerek tukej wystawioł
By uczoł ale tyż przeca sławioł.

[broneknotgeld]

Przi Hohenzollernie

Przi Hohenzollernie Krolewiec to zyszczy
Że polskościom jakby teroz bardzi blyszczy
Albrecht reformacjo wspiyroł we Koronie
Dyć i katolikom niy powiedzioł - koniec.

[broneknotgeld]

Prusy ze Szwecyjom

We Prusach Ksionżyncych niy było wesoło
Jak sie wojsko szwedzke na Polska wyloło
Brandynburczyk zgodoł sie ze krolym szwedzkim
I doszło skiż tego w tych stronach do sieczki

Toż Gosiewski prziszoł razym z Tatarami
Pokozoł co umioł w bitwie pod Prostami
Tysionce poległy - tysionce w niywoli
Mor zabroł nojwiynce - serce z tego boli.

[broneknotgeld]

Edukacjo w Prusach

Piyrsze państwo we Europie co lud kształcić chciało
No i przeca na ty drodze zrobiyło niymało
Pryndko co wpiyrw tukej polske szło we zapomniynie
Geld kariera inkszy profit - niy mynczy sumiynie.

[broneknotgeld]

Jan Władysław Suchodolec (1687-1751)

Kartograf fater - inżynier syn
We tym woda już na ichni młyn
We Wyngorzewie wodociong przeca
Zdo sie co wyloz ze jego neca
Wyregulować Wisła planowoł
Kanały "Wielkim Jeziorom" dowoł.

[broneknotgeld]

Warmiński synator

W Koronie zesel mioł synatora
Ze "wysokego" przeca był "wora"
Tyn co w lidzbarskim zamku se siedzioł
Trza byś i ło tym czowieku wiedzioł.

[broneknotgeld]

"Potop"

Kaj Karol Gustaw wpiyrw mioł kwatera?
-Wybroł se Frombork - jasno cholera
I brandynbuczyk po jego stronie
Toż sie zdowało że z Polskom koniec

Fest kapituła wtedy ciyrpiała
Łogołocono cołkym bez mała
Dyć jak już Szwedy wyleźli z "wora"
Warmio we rynkach jest elektora

Stropiono ciyngym biskupio dusza
Doczkała w końcu - szkryfnońć to musza
Po łośmiu latach djecezji wolny
Czas ze tym prziszoł bardzi spokojny.

Mazury Garbate po ślonsku

[broneknotgeld]

"Mazury Garbate"

Po ślonsku szkryfnońć - bydom "puklate"
Jedno jest pewne - niy som sagate
Choć je tyż czasym "Alaskom" zwom
Teroz we gowie je prawie mom.

[broneknotgeld]

Śniyg

Śniyg mazurski dugo leży
Niy trza jechać by uwierzyć
Se do puszczy tyż weź narty
Bez biegowek to niy żarty.

[broneknotgeld]

Marale

Ałtajskim Jelyniom jedynym w Europie
Na Tatarski Gorze podziwej se chopie.

[broneknotgeld]

Pynsjonat "Bioły Dwor"

Tego szukej w Dubiennikach
Kuszom skoki we Stańczykach.

Puszcza Romnicko

[broneknotgeld]

Puszcza Romnicko

Puszcza Romnicko tajgom nom zdo sie
Niy yno zimom myśl tako mo sie.

[broneknotgeld]

Kajzerowskie kamiynie

Na zielonym szlaku w puszczy je znojdziecie
Toż lubioł polować tukej kajzer przecie
Kaj Wilusia kula jelynia siyngnyła
Tak kamiyń dowali - jest ich tukej siyła.

[broneknotgeld]

Agroturystyka "Czi Świyrki"

Jezioro Ostrowek już w Puszczy Romnicki
Dyć pod te "Czi Świyrki" wrocać byś chcioł wdycki
Kuchniom regjonalnom skuszom niyjednego
Atrakcyji wiela dołożom do tego.

Puszcza Borecko

[broneknotgeld]

Krol Puszczy Borecki

Żubr tukej rzońdzi
Zdo mi sie tako
W puszczy niy błońdzi
I niy zapłako.

[broneknotgeld]

Djoblo Gora

W Puszczy Borecki ta gora stoji
Czy ktoś tam djobła richtig se boji?
Monitorujom dyć środowisko
A czort kopytym iskry niy cisko.

Nowe Miasto Lubawskie

[broneknotgeld]

Park Miniatur

Na Park Miniatur tu se dziwuja
Trza chopa z fiołym - to forszteluja
Toż Doleckiymu szejść gwiozdek za to
Sztela skiż niego bardzi bogato

[tralala33]

Zierszy nie składam tlo prozó godam. Poziem co w Nowym Mnieście Lubawskim do
kośioła parafialnego trza zajrzeć. Tam siuła psianknych zabytków zobaczyta, jek
to epitafium Krzyżaka
www.nowemiasto.com.pl/plyta.htm

[gietpe]

To jest piękna Bazylika z cudownym obrazem Matki Boskiej Łąkowskiej
ukoronowanym przez Benedykta XIV w 1732r ,parafia mojej mamy.

Gołdap

[broneknotgeld]

Gołdap-Zdroj

Ponoć luft nojczystszy tukej
W cołki Polsce już niy szukej
Bestoż płuca se kurujom
Ci co dychawica czujom.

[broneknotgeld]

Kant w Gołdapi

We Gołdapi Kant przebywoł
Pomnik jego tu niy dziwo.

[broneknotgeld]

Poszli we tany

Gołdap z Gołdapom poszli we tany
Tako Gołdapi poczontek dany.

[broneknotgeld]

W restauracyji "Janczesu"

Kartacze z krautym tyż tukej zjym
I niy za drogo - dobrze że wiym
We samym środku Gołdapi przeca
Bestoż na łobiod drapko tam leca.

[broneknotgeld]

Zajazd "Pod Piyknom Gorom"

Komu kartacz zasmakuje
Tu se pympkym świata czuje
Wiela łon dyć przeca znaczy
W Cyntrum Smakoszy Kartaczy.

[broneknotgeld]

"Leśny Zakontek"

W "Lesnym Zakontku" nad samom wodom
Dychniesz se dobrze - tela ci godom
Ździybko portmanyj uciyrpi na tym
Dyć geld trza wydać tyż do wypłaty.

[broneknotgeld]

Gryfno Gora (272 m n.p.m.)

Narty ci tu pożyczajom
Przeca wszyskim tako pszajom
Kierzy geldu coś łostawiom
I na śniegu sie zabawiom.

Banie Mazurskie

[broneknotgeld]

Banie Mazurske

Przi tankszteli auto stanie
Noclegym cie skuszom Banie.

Stańczyki

[broneknotgeld]

Stańczyki

Nad Błyńdziankom cupnyły przi Puszczy Romnicki
Zdo sie że tu łone leżom już łod wdycki.

[broneknotgeld]

Kaj te glajzy?

Glajzow już niy ma szejśćdziesiont lot
Rusek ze łupu ponoć był rod.

[broneknotgeld]

1924

Wele jeziora Taballus Mały
W tym roku szpryngnoł se metan cały
Zdo sie bogactwym tutejszy ziymi
Czy zaś wybuchnie? -Tego niy wiymy.

Rapa

[broneknotgeld]

Rapa

Ale zy mie richtig gapa
Piramidom słynie Rapa.

[broneknotgeld]

Ninette

Piyrszo w grobowcu cera "spoczyła"
Czi roki miała - kostucha wziyła.

Morąg

[broneknotgeld]

Zamek w Morongu

Na brzegu jeziora warownia stanyła
Wpiyrw ponoć ze drzewa yno łona była
Pryndko murowany zamek postawiyli
Krziżaki w tym majstry na mazurach byli.

[broneknotgeld]

Won!

Tako von Plauen ryczy tu basym
Bo godka durś słyszy polsko
Idzie wystraszyć se tego czasym
Dyć dlo nikerych to swojsko

[broneknotgeld]

Trza nom iść ku lepszym czasom
W kerych Morong blyśnie klasom.

Słobity

[broneknotgeld]

"Nowy Dom"

Pyjter von Dohna syna tyż mioł
Pyjter Achacy - dwa miana doł
Toż tego Morong nic niy łonacy
Wkludzioł do Słobit se nasz Achacy.

[broneknotgeld]

A dzisioj

A dzisioj zgliszcza mi ciyngym w gowie
Uciyrpioł pałac - zawinioł czowiek.

Lidzbark Warmiński

[broneknotgeld]

Lidzbark Warmiński

Kaj Symsarna wody łonczy swoje z Łynom
Tam Lidzbark se stanoł ze radosnom minom
W tysionc czista łosmym mioł juz miejske prawa
No toż za czi lata bydzie fest zabawa.

[broneknotgeld]

Zamkowe krużganki

Krużganki tu stare
Ło tym trza wom wiedzieć
Dyć ciyngym som "jare"
Werci sie tam siedzieć
I ło downych czasach podeliberować
Szejset lot tu widać - niy idzie ich schować.

[broneknotgeld]

Krzyżowo Gora

Krzyżowo Gora we zimie blyszczy
Tu kozdy narciorz radochy zyszczy
Już poranoście lot se to kulo
Jakby w Beskidach - niy byda fuloł.

Ryn

[broneknotgeld]

Braniewo
Siedziba biskupa w Braniewie wpiyrw była
Skiż powstanio Prusow chnet se przekludziyła.

Braniewo

[broneknotgeld]

Wyży być Braniewo miało
Ryn se jakoś mi wlupało.

Ryn

[broneknotgeld]

Przeca we wercie mazurski Ryn
By ło niym szkryfnońć niyjedyn rym.

[broneknotgeld]

Ryn 1485

Osada urosła - była już targowo
Ano - toż skiż zamku tako tyż sie stowo.

Giżycko

[broneknotgeld]

Giżycko

Gizewiusza tako uhonorowali
Że ze niego miano miastu tymu dali
Pastor przeca zowdy był za Mazurami
Dyć ich kajś przegnali - tyż uciykli sami

[broneknotgeld]

Krziż św. Brunona

Tukej świynty Brunon Prusow krzcić tyż chcioł
Z poparciym Chrobrego dyć prziszoł
Za wiara łon jednak życie swoje doł
We tysionc dziewiontym - toś słyszoł

Przez las wiedzie droga św. Brunona
Idź - dyć se tego niy lynkej
Kaj krziż dzisioj stoji prziszło jymu skonać
Mosz Boga we duszy to klynkej.

[broneknotgeld]

Giżycko ze Rudom teroz sztama czimie
Zdo sie - coś dobrego we tym richtig drzymie.

[broneknotgeld]

We gminie

Zdo sie dość jezior w giżycki gminie
Kero w mazurski przeca dziedzinie
Joch szejść na mapie aże zrachowoł
Łoj - bych se po niych tyż pożeglowoł
Chocioż zyjmanić umia niywiela
Dyć mie tym kusi giżycko sztela.

Wilkasy

[broneknotgeld]

Kaj by latoś na te wczasy?
Wiym - wołajom mie Wilkasy.

[broneknotgeld]

Ośrodek "Fregata"

Ta "Fregata" kusi
Dyć portmanyj dusi.

Doba

[broneknotgeld]

Cie choroba!
Tukej ta miejscowość - Doba
I jezioro Dobskie jest
Toż we doba dychniesz fest.

Krukolin

[broneknotgeld]

Krukolin

Kruk na liny tu poluje?
Toż to kożdy forszteluje
Że nurkować coś niy umi
Yno czy kruk to rozumi?

Bogacko

[broneknotgeld]

Bogacko

Niybogaty kaj Bogacko
Jednak czuje sie tyż chwacko
Do szczyńścio Dejguny mo
Styknie abo mi sie zdo?

Gajewo

[broneknotgeld]

Gajewo

Gajewo przi gaju
Dyć cołkym na skraju
Niy kuszom cie ryby
To tukej na grziby.

Wrony

[broneknotgeld]

Wrony

Jednak niy czorne tutejsze Wrony
Jezioro Tałty blask dowo łonym.

Guty

[broneknotgeld]

Guty

Guty zdo sie dobre bydom
Kaj Kisajno grosz swoj wydom.

Wilkaski

[broneknotgeld]

Wilkaski

Zdo sie Wilkasow to kolanijo
Dali łod wody - czy z tym mecyjo?

Wronka

[broneknotgeld]

Wronka

Przi jeziorze Tałty Wronka se ciupnyła
Choć po drugi stronie już i Wrona była.

Mrągowo

[broneknotgeld]

Czos i Juno

Czos i Juno - toż se zdowo
Że my wdepli w te Mrongowo.

[broneknotgeld]

1990-2002 Mrongowo

Mrongowskim rajcom rokow dwanoście
Bestoż niy yno we las go wroźcie.

----

2002 Radny sejmiku

Tako w Olsztynie leśnika znali
Toż niy dziwota - w posły wysłali!

[broneknotgeld]

Gora Sztyrech Wiatrow

Gora Sztyrech Wiatrow we Mrongowie majom
Dyć i tu terozki narciarzom fest pszajom.

[broneknotgeld]

Park im. Sikorskiego

W nocy strach tu szpacyrować
Dyć to musisz forsztelować
Co wpiyrw kerchof tukej był
Wangelikow tako krył.

[broneknotgeld]

"Sense" (kosa)

W okolicy niedźwiedź pieroński grasowoł
Toż niyjedyn śmiałek mu rady niy dowoł
Dyc jak w końcu kosom łapa mu utnyli
To ze jom do herbu miasta przeca wziyli.

Olsztyn

[broneknotgeld]

Olsztyn?

Olsztyn? A! -Sztela mało we Jurze
Ponoć tam dobre som jajca kurze
Bo niy brakuje w skorupce wopna
Taki rym wom tu na forum "dopna".

[broneknotgeld]

"Baba prusko"

Tukej "baba prusko" jakby muster frelki
Chopy pociong majom do niyj richtig wielki
Retli jom ze wieży zamkowy wysoki
Teroz na dziedzińcu czimajom boroki.

[broneknotgeld]

Herb Olsztyna

Blikom na Herb tyn i widza droga
Toż muszla przeca w Jakuba rynce
Pont w tym Olsztyna mo być do Boga?
Łoj - bydzie możno miasto we mynce.

Nidzica

[broneknotgeld]

Nidzica

Zamek krziżacki wpiyrw tukej był
Przi niymu osada rosła
Jak Zakon bardzi nabiyroł siył
I łona praw miejskich doszła

Winrych Kniprode przeca je doł
Wiek jeszcze lecioł sztyrnosty
Dyć dźwignońć tako ta sztela chcioł
Koncept w tym richtig był prosty.

Gietrzwałd

[broneknotgeld]

Matka Bosko Gietrzwałdzko

Warmińskim frelkom co żeś godała
jakeś ze klona na nie blikała?
Niy po niymiecku - to yno wiym
Co żeś pedziała? Po to tkom rym.

Pisz

[broneknotgeld]

Pisa

Brzeg jyj bagnisty - zdo sie że "pisa"
Tako te miano mazurske słysza.

[broneknotgeld]

Jerzy Krzysztof Pisański

Pisański przeca musioł być z Pisza
Ło tym karlusie terozki słysza
Regionalista we Prusach piyrszy
Choć czas pokoże co niy nojwyrszy.

Frombork

[broneknotgeld]

Lubecki Frombork

Na prawie lubeckom zostoł lokowany
Historyjom tako z Lubekom zwionzany
Ze kery tu prziszli osadniki piyrsze
Te ziymie sie stały dlo nich chnet nojwyrsze.

[broneknotgeld]

Frauenburg - Frombork

Toż "Grodu Pani" pisane było
Biskupstwo z Braniewa tu se przekludziyło
I choć poszło dali do tego Lidzbarka
We Fromborku ciyngym "kapitulno" marka.

[broneknotgeld]

"Wieża Kopernika"

Toż i dzisioj stoji "Wieża Kopernika"
I pewno wspomino nawet kanonika
Kery tu samotnie na gwiozdy se dziwoł
W dziyń blikoł ku słońcu i palcym mu kiwoł.

[broneknotgeld]

Ołpa Kopernika

Ołpa Kopernika miyszkoł wele Nysy
W wiosce Kopperniki - niych forum to słyszy.

Ełk

[broneknotgeld]

Jan z Sącza (XVI w)

Jan z Sącza w Ełku drukarnia mioł
Wiela łon ksionżek po polsku doł
Zdo sie - Ełk wtedy blyszczoł w Koronie
Choć z czasym prziszoł i na to koniec.

Ketrzyn

[broneknotgeld]

"Rast"

Prusy osada mieli przi borze
Spokojnie w niyj kedyś żyli
Dyć krziż już mieczym za cosik korze
Bestoż trza pedzieć - tu byli.

Węgorzewo

[broneknotgeld]

Jerzy Andrzej Helwig

Szkryfoł ta "Flora Angerburgica"
Zowdy do ziyla łobrocoł lica
We Wyngorzewie przecw rodzony
Toż paczoł zowdy na swoje strony.

Święta Lipka

[broneknotgeld]

Świynto Lipka 1482

Kapliczka już tukej se stoła
W opiece Zakonu była
W niyj lipa a łona dokoła
-Jakby te drzewo chroniyła

Wiela na pont prziłaziyło
Prosiyło ło łaska Nieba
Nikerym sie to ziściyło
Szkryfnońć mi tako tu czeba.

Reszel

[broneknotgeld]

Reszel 1631

Jezuici z Braniewa tukej se wkludziyli
Ano skuli Szwedow we tułaczce byli
Dyć reszel z tym zyskoł kolegium przezocne
Wiela to wspiyrało - toż stało sie mocne.

Mikołajki

[broneknotgeld]

Wojciech Pomian Pasarowius (1594-1696)

W Mikołajkach w kościele portret jego mocie
Ze dugego wieku niy yno go znocie
Siedymdziesiont jedyn lot parafiom kryńcioł
Pomogoł durś wiernym a sie niy umynczoł.

[broneknotgeld]

Mikołajki 1726

Ze wioski przeca w końcu wyrosły
Do tych miast w Prusach terozki doszły.

[broneknotgeld]

Fontanna

Fontanna na rynku Z Sielawym tu stoji
Zyjmanow prziciongo - dwoji se i troji.

[broneknotgeld]

Kajki

Jak jakoś sztrasa miano mo Kajki
To pewno bydom tyż Mikołajki.

[broneknotgeld]

Liceum im. Marion Donhoff

Mo tu liceum naszo grafini
To Mikołajki ździybko łodmiyni
Już dzisioj cisnom se tam szkolorze
A chnet internat ponoć być może.

Grunwald

[broneknotgeld]

"Bitwa pod Grunwaldym"

Tu wojsko cara lyjty dostało
Choć wpiyrw pociśli w przodek niymało
Hindenburg Ruska ponoć zaczimoł
Choć we salonce yno se drzymoł.

[broneknotgeld]

Kościoł Grunwaldzki

Kościoł ze dzwonnicom Zakon tu zbudowoł
Pociecha poległych duszom ponoć dowoł
Tysionc lot stoć bydzie - tako sie zdowało
Dyć po niymu dzisioj nic już niy łostało.

[rita100]

broneknotgeld napisał:

> "Warmia i Mazury" Erwina Kruka
>
> Se tako ksionżka chca wom polecić
> Możno se udo z niyj fraszki sklecić.

Witaj Bronku
Dziankuje za wizyte
A Erwina Kruka znomy , popatrz co napisał Tralala

Erwin Kruk stał się kiedyś mimowolnym bohaterem dość ponurej anegdoty. Kiedy
wytykano, że na Warmii i Mazurach nie ma już Warmiaków ani Mazurów, padała
odpowiedź 'Jako to nie ma - jest jeden Warmiak (Jan Chłosta) i jeden Mazur
(Erwin Kruk)

Z mniłó chenció bandziewam cytac z Tobó tó ksójżke.
'ó' = 'ą'

[broneknotgeld]

Witej Rita.
Tak cołkym toch se w te forum niy wczytoł, boch yno przeglondnoł pora wontkow.
No dyć moje streszczynie ksionżki ślonskom rymowankom chyba niy bydzie tu
wadziyło.

[tralala33]

Nareszcie i Prusowie u nas zagościli Psianknie dziankuje bo łoni mnie sia
mocno łudali.

[broneknotgeld]

No dyć niy idzie szkryfnońć historji ty ziymi i łominońć Prusow.
Toż by to był grzych.
Pozdrowiom ze stolicy fraszki.

[rita100]

Tralala , napsisała, za co jo jyj dziankuje, co Bronku nie sztyrujesz, jo tlo
chciała Cia poziedzieć, ze Erwin Kruk nie je noju łobcy

Ja ziym co mosz mało ciasu , bo fraszki same sia nie zrobzió )))
Szczajśc Boże

[broneknotgeld]

A słyszałaś tako bojka?
-Fraszka rodzi se ze jojka!

[rita100]

Nie nie słyszołam
Pewne jojko
fraszke zmyło

[gajowy555]

Rita , bandziewa mnieli historyjo Warniji po ślójsku.
Tan Brónek je fejn chłop.
Ale wic.
Tlo chto nom łopsisze po naszamu ta historia ?

[rita100]

haha, nawet nie myśl ło historii, bo bandzie kłopot
Może tlo Prusów ))

Gajowy, może zrób niespodziankę Bronkowi. Łon tyz ma księgę gości
popatrz
forum.gazeta.pl/forum/72,2.html?f=28940&w=32180836

[rita100]

Gajowy, a gdzież nam sia podział ))

[broneknotgeld]

Pewno w lesie.

[rita100]

Pewnie tam pilnuje zwierzyny
abo schował sia pod pierzyny ))

[broneknotgeld]

Dyć mie to niy dziwo
Z fesztrym tako bywo.