Z opłatkym przi Wiliji

22.12.05, 23:02
Przi Wiliji

Niych moj opłatek w sieci nom leci
To co nojlepsze we duszach nieci
Przełom se z bliźnim - podej mu rynka
Życie to przeca niy zowdy mynka

Dzieciontko z nami - pomyślcie tako
Niychej we Gody wszyndy jednako
Blikej na inkszych - uwidź w nich siebie
Trza dyć niywiela by czuć sie w niebie

Boga w czowieku widzieć wystyknie
Mało iskerka - już bydzie piyknie
Toż we Wilijo Jezus jest z nami
My z Niym - nojciynży jak my som sami.
    • broneknotgeld Re: Z opłatkym przi Wiliji 23.12.05, 09:05
      Ze Godami chca winszować
      Wiyncy Ślonska w naszy duszy
      Z niym co rano w dzionek stować
      Do roboty tako ruszyć

      Ze Godami chca winszować
      Zdrowio szczyńścio pomyślności
      Mo Ponboczek łaski dować
      Radość w familijoch gościć.
    • broneknotgeld Re: Z opłatkym przi Wiliji 24.12.05, 23:03
      Na pastyrka

      Ze pastyrzami chnetko pódymy
      Dzieciontko radośnie witać
      Już narodzone - to dobrze wiymy
      Niy trza nikogo sie pytać

      Toż na pastyrce nom kolyndować
      Nowina rozgłosić w świecie
      Pszonie we sercach rozblysko z nowa
      Nadzieja dowo nom Dziecie.
    • broneknotgeld Re: Z opłatkym przi Wiliji 26.12.05, 09:26
      Przi świyntym Michale usłyszysz śpiyw ptoszka
      Do Wiliji bydzie zimy yno troszka.
    • broneknotgeld Re: Z opłatkym przi Wiliji 26.12.05, 14:09
      Opłatek

      Czy se niym yno we Polsce dzielom?
      Czy tam kaj w świecie jest Polonijo?
      Choć som niy u sia dyć tyż łośmielom
      Łomać opłatkym zowdy w Wilijo.
    • broneknotgeld Re: Z opłatkym przi Wiliji 26.12.05, 15:02

      • broneknotgeld Re: Z opłatkym przi Wiliji 26.12.05, 15:02
        Pod jymiołom

        Pod jymiołom wieczerzocie
        Ze tym pokoj w doma mocie.
        • broneknotgeld Re: Z opłatkym przi Wiliji 26.12.05, 21:47
          W noc cudow

          W noc cudow i gowiydź godo jako ludzie
          Kto zły do stworzynio w zogrodzie niy pódzie.
Pełna wersja