"Pszczyna we fraszkach"

20.06.06, 19:15
Szkryfnie ktosik coś ło Pszczynie?
pszczyna.zobacz.slask.pl/index.php?id=fraszki
Przeca gryfnie w ty dziedzinie?
    • broneknotgeld Re: "Pszczyna we fraszkach" 30.07.06, 14:23
      Pszczyna 1548-1765

      W czech wiekach Promnitze ta Pszczyna czimali
      Hochbergow już potym wszysko było dali.
      • broneknotgeld Re: "Pszczyna we fraszkach" 31.07.06, 19:20
        Jan Hynryk XV von Pless rogaczym

        Trzech synow Stokrotka istnymu już dała
        Toż se potym richtig fest rozchorowała
        Princ szajdong wzioł drapko - już ślubno mo młodszo
        Dyć ta pasiyrbowi zdała sie chnet słodszo.
        • broneknotgeld Re: "Pszczyna we fraszkach" 31.07.06, 22:16
          "Plessowka"

          Rog pszczyński ta sztela we Europie sławi
          Mustrym se dlo inkszych przeca ciyngym jawi.
          • broneknotgeld Re: "Pszczyna we fraszkach" 31.07.06, 22:17
            Salon Zielony zamku pszczyńskiego

            Richtig we dusze wlywoł nadzieja?
            Jo do portretow se tukej śmieja.
            • broneknotgeld Re: "Pszczyna we fraszkach" 02.08.06, 18:52
              Salon Wielki zamku pszczyńskiego

              Włoskim łorzechym salon se asi
              Kromlojtrym kery zdo sie niy gasi
              Epne łobrozy kominek zocny
              Duchy jakoweś we porze nocny
              Tyn Salon Wielki tyż nawiydzajom
              Tako we zamku ciyngym godajom.
              • broneknotgeld Re: "Pszczyna we fraszkach" 02.08.06, 18:54
                "Amnezis z Mojżeszym"

                Rzeźba kunsztym włoskim gryfnie zbajstlowano
                Ku łozdobie Pszczyny na wieki już dano.
                • broneknotgeld Re: "Pszczyna we fraszkach" 02.08.07, 23:41
                  Pierombol, mozno ktoś doszlusuje i tyż cosik tukej szkryfnie.
Pełna wersja