Dodaj do ulubionych

Bery śmieszne i ucieszne. Humor śląski

12.09.09, 12:58
zamknięty
Jedna dziołcha miała kawalera. Już miało być wesele, już szykowali wszystko,
jak tu naroz dziołcha z płaczem do matki, że Antek w piekło nie wierzy.
- Nie bój sie - pado matka - Ożeni się z tobom, pomieszko tu ze trzy miesiące
to uwierzy w piekło aże uwierzy.
      • madohora Re: Bery śmieszne i ucieszne. Humor śląski 11.09.10, 23:52
        zamknięty
        Antek spotkoł po 10 latach Francka i pyto sie go:
        - Francek, kaj żeś ty jest? Jo cie już tyla lot niy widzioł
        - Ano grywom w zespole jazowym, jeżdża po świecie i dobrze mi sie powodzi
        - Ty?...Przecaś ty na żodnym instrumyncie niy umioł grać
        - Cicho być....Dyś w tym larmie oni sie na tym niy poznali
          • madohora Re: Bery śmieszne i ucieszne. Humor śląski. 27.08.15, 22:45
            zamknięty
            Berkmon kupiyl bajtlowi na urodziny kolejka elektryczno.
            Pokozol mu jak jom mo szaltrowac,i wylos ze izby,ale uchole naciongol jak sie synek bawi.
            Naroz sucho:- Stacjo Bytom, wsiadac gorole,bo sie drzwiyrze zawiyrajom.
            Lojciec wroco do izby i klaruje synkowi,co tak niy godo sie i zas wylos,ale zas szpicuje uchole ciekow co bajtel tam godo.
            Za chwila slyszy:- Wsiadac gorole, bo bes tego mojego starego ciulika momy 15 minut spozniynio.
            • madohora Re: Bery śmieszne i ucieszne. Humor śląski. 27.08.15, 22:46
              zamknięty
              Przychodzi baba do dochtora i godo:
              - Panie dochtorze. Niy wiym co to je, ale jak sebleka cycynhalter to mi
              sie cycki dzwigajom (?)
              Dochtor (zdziwiony):
              - Czy moglibyscie mi to panicko pokozac?
              Baba seblykla cycynhalter i richtig ,cycki zaczly dzwigac sie do gory!
              Dochtor po chwili:
              - Hmmm, jo tyż niy wiym co to je, ale to je fest zaraźliwe!
              • madohora Re: Bery śmieszne i ucieszne. Humor śląski. 27.08.15, 22:49
                zamknięty
                Trzi naprane baby deptajom ze babskigo combra do dom. Po drodze
                zachciało jym sie pulac, więc poszły to zrobić na pobliskim
                kerchowie. Na drugi dziyn trefjyli sie chopy lod tych babow
                no i kozdy sie pyto:
                - Zefel,jak przilazla twoja slubno wczora do dom?
                - Lepi niy godac, była fajnie nawalono.
                - Ojgyn, a twoja? - pyto Zefel
                - Oh! Niy dość, że była na fleku, to jeszcze przilazla do dom
                bez badkow.
                - A co z twojom Hynius?
                - Szkoda godki. Nie dość, że sie pieronym kolybala, bez badkow, to
                jeszcze we zici miała szlajfka "My chłopcy ze Klimzowca nigdy Cię
                nie zapomnimy".
            • madohora Re: Bery śmieszne i ucieszne. Humor śląski. 27.08.15, 22:51
              zamknięty
              Boł sobie karlus, kery dboł o swoje ciało.Pewnego razu stanoł przed zdrzadlym,seblyk sie i zaczon podziwiać swe ciało. Ze zdziwieniem dyc spokopjol,kule wszystko je piyknie opolone yno tyn pulok je bjoly! Nie podobało mu sie to,gibko postanowiył cos z tym zrobić.
              Poszoł na plaża,seblyk sie i zasul colke swe ciało, zostol yno pulok kery kukol na klara.
              Bez plaża przelaziyly dwie starki.Jedna miala kryka we rynce. Przelazonc kole zasutego karlusa uwidziała jakis koncek wosztu co wystowo ze piosku. Końcym kryki zaczła zwyrtac tyn wosztlik w jedna, to w drugo strona.
              - Życie nie je sprawiedliwe - pedziała do tyj drugi.
              - Pojakymu tak godosz? - spytała tamta zdziwiono.
              - Kej miałach 20 lot byłach tego ciekawo,kej miałach 30 lot fest to lubiołach, w wieku 40 lot już sama o to prosiłach,kej miałach lot 50 już za to płaciyłach, w wieku 60 lot zaczłach lo to zykac, a kej miałach 70 to już o tym zapomniałach. Tera,dyc kej mom 80 lot, te rzeczy rosnom na dziko, a jo"do pjerona" nawet niy moga sie ciupnonć!
    • cusiew44 Re: Bery śmieszne i ucieszne. Humor śląski 12.09.09, 13:02
      zamknięty
      Pani Cyroń - pado ochtor - teroz już waszemu chopu trocha lepi. Możecie z nim
      pododać, ino pamiętejcie żodnych poważnych tematów. Nojlepi coś wesołego!
      - Dobrze, dobrze panie dochtorze przeca wiem
      Jak ino Cyrońka doszła do łóżka swojego starego, usiadła przy nim chyciła go za
      tęką i pado słodko;
      - No widisz Anteczki, teroz już po wszystkim a jakby doszło co do czego to
      pogrzyb mo być z myzyką czy wolisz bez?
    • cusiew44 Re: Bery śmieszne i ucieszne. Humor śląski 12.09.09, 13:22
      zamknięty
      Jednemu chopu umarła konieta, Była strasznie pyskato baba i zmerzło, że
      wytrzymać z niom nie szło.. Chop zamknął jej powieki skrzyżowoł ręce, doł
      obrozek i szed do farorza. Idzie a po drodze cały czos godo: "Szkoda Boga.
      Szkoda Boga" Farorz go pyto co to mo znaczyć?
      - Ano widzom, jo z nią żył 38 lot i już żech ją znoł, wiedziołech kiedy jej z
      oczu zniknąć, kiedy sie schylić jak gorkami trzepała, ale jak tam biedny Pan
      Bóczek z nią wytrzymają?
    • cusiew44 Re: Bery śmieszne i ucieszne. Humor śląski 12.09.09, 13:26
      zamknięty
      To co wom teroz opowiem, to żoden wic, to prawdziwe zdarzenie. Sobocinej umar
      chop i posłała synka obsztalować wieniec. Pedziała mu, żeby szarfa była szeroko
      i z napisem "Śpij spokojnie" na obu stronach, a jak by jeszcze było miejsce, to
      "spotkomy się w niebie". Synek zrobił co mu matka kozała. Teroz już pogrzeb.
      Trumną spuszczają a ludziska się od śmiechu duszą, bo na wieńcu stoło:
      "ŚPIJ SPOKOJNIE NA OBU DWU STRONACH, A JAK BĘDZIE JESZCZE MIEJSCE TO SPOTKOMY
      SIE W NIEBIE"
      • ortpol Re: Bery śmieszne i ucieszne. Humor śląski 25.09.15, 00:14
        zamknięty
        cusiew44 napisała:

        > To co wom teroz opowiem, to żoden wic, to prawdziwe zdarzenie. Sobocinej umar
        > chop i posłała synka obsztalować wieniec. Pedziała mu, żeby szarfa była szeroko
        > i z napisem "Śpij spokojnie" na obu stronach, a jak by jeszcze było miejsce, to
        > "spotkomy się w niebie". Synek zrobił co mu matka kozała. Teroz już pogrzeb.
        > Trumną spuszczają a ludziska się od śmiechu duszą, bo na wieńcu stoło:
        > "ŚPIJ SPOKOJNIE NA OBU DWU STRONACH, A JAK BĘDZIE JESZCZE MIEJSCE TO SPOTKOMY
        > SIE W NIEBIE"

        Hahahah dobre big_grin
    • cusiew44 Re: Bery śmieszne i ucieszne. Humor śląski 12.09.09, 13:30
      zamknięty
      Roz jedna gryfnioczka tako elegantka zemdlaŁa i leżała niepryztomna. Mąż jej
      zawołoł drap dochtora. Ten przylecioł i przyłożył jej źradełko do ust. Jak to
      ino ujrzała to gibko zawołała:
      - Emilku, podej mi wartko puder jak mi pan dochtor źradełko trzymają
    • madohora Re: Bery śmieszne i ucieszne. Humor śląski 13.09.09, 20:32
      zamknięty
      Staro Gryesicka poszła w Wielki Piątek do spowiedzi. Jak ją już ksiądz
      wyspowiadali, padali jej:
      - No teraz już nie grzeszcie więcej. Patrzcie akurat momy Wielki PIątek, dzień
      kiedy Pan Jezus umarł
      - Co? Umarł? Naprowda? No patrzcie! Też my tam pod tym lasem nigdy nic nie wiemy.
    • madohora Re: Bery śmieszne i ucieszne. Humor śląski 13.09.09, 20:43
      zamknięty
      Jedna matka poszła do kościoła i rzykała gorąco do św. Niepomucyna, żeby sprawił
      co by się jej cera prędko wydała. Kościelny słyszoł to jej błaganie dzień w
      dzień i mioł już dość. Roz jak zaczęła rzykać. stanął za figurą i pedzioł:
      "Ta staro głupszo od tej młodej"
      Babę jakby ktoś pieprzem posypoł. Wyleciała i zatrzymać sie nie mogła. Jednak po
      chwili drzwi kościelne sie otwarły, baba w nich stanęła i zawołała do figury:
      - Ty też tam nie był wcale taki swięty jak cie teraz pokazują, Już cię tam za
      darmo do tej rzeki nie wciepli!
    • madohora Re: Bery śmieszne i ucieszne. Humor śląski 13.09.09, 20:46
      zamknięty
      Roz przyszła tako staro baba do dochtora i pado, że ją boli pęcherz. Dochtór ją
      wysuchoł, zbadoł i pedzioł co by mocz do zbadanio przyniosła. Za parę dni baba
      przyniosła cały kibel pełny. Dochtór spytoł:
      - Z wiela to dób?
      - Z mojej, jednej, panie dochtorze!
    • madohora Re: Bery śmieszne i ucieszne. Humor śląski 13.09.09, 20:48
      zamknięty
      Roz trzy panny poszły do kawiarni i chciały pokoazać, jak to one dobrze po
      polsku godajom. Siadły se przy stoliku i tak rozprowiają:
      Ta pierwszo pado: - Jo bych tak chciała schuść
      Ta drugo: - Jo bych chciała zwąźć
      A ta trzecie: - Z wos to by można pęc
    • madohora Re: Bery śmieszne i ucieszne. Humor śląski 13.09.09, 20:57
      zamknięty
      W Strzelacach mieszkała tako jedna dziołcha co sie do niej kawalerowie
      schodzili. Ona jednak ich ino zwodziła a oni nie wiedzieli, że mo ich więcej.
      Roz tak se pięknie rozprawio z jednym i pado mu:
      - Józefku, jo cie mom bardzo rada!
      - No, ale po jakiymu Józefku jak mi jest Paulek?
      - Jak to? To dzisiej nie jest sobota?
    • madohora Re: Bery śmieszne i ucieszne. Humor śląski 13.09.09, 21:00
      zamknięty
      Roz baby pierze skubały a jedna z nich była znano z tego, że nigdy niy umiała
      dobrze wiców godać. Zawsze sie sama śmioła a inni niy wiedzieli z czego. Toż roz
      pedziała:
      - Teroz wom coś do śmiechu powiem, ino nie wiem czych już tego niy rozprowiała
      - A to jest naprowda do śmiechu?
      - Ja to jest naprowda do śmiechu
      - No to tego żeście nom na pewno jeszcze niy rozprowiali
    • madohora Re: Bery śmieszne i ucieszne. Humor śląski 05.09.10, 16:53
      zamknięty
      Za czasów bezrobotnych chciała roz jedna baba ochrzcić dziecko. Poszła do
      ksiyndza. Ksiądz pyto jom czy mo 6 złotych, bo tyla kosztuje chrzest. Baba pado,
      że ni mo, bo chłop bezrobotny, biyda w doma. Ksiądz i jednak chrztu niy doł.
      Baba poszła do dom i płakała po drodze. Spotkoł jom Żyd i pyto sie czymu tak
      ryczy. Jak mu wszystko pedziała to on doł i 100 złotych i powiedzioł, że mo iść
      to dziecko ochrzcić i nazod mu przyniyść reszta. Baba poszła, zapłaciła,
      ochrzciła dziecko i przyniosła Żydowi reszta. Jak mu zaczyła dziynkować Żyd i
      godo tak:
      - No widzicie, teraz jo mom 94 złote prawdziwych, wy mocie ochrzczone dziecko a
      ksiądz mo fałszywo stówa
    • madohora Re: Bery śmieszne i ucieszne. Humor śląski 05.09.10, 16:57
      zamknięty
      Roz dwóch bezrobotnych sie umówiło:
      - Ni momy roboty, to bydymy sprzedawać gorzoła.
      Kupili pół litra i poszli. Naroz jedyn pado:
      - Ty, sprzedej mi kieliszek.
      Tamtyn sprzedoł, tyn zapłcił i dobrze. Za chwila drugi pado:
      - Ty sprzedej mi kieliszek.
      Zaś sprzedoł, zapłacił no i dobrze. Tak se cało droga sprzedawali aż wszystko
      wypili. Potym na drodze stanyli i medytowali jak to jest forsy ni majom, gorzoły
      ni majom a przeca za kożdy kieliszek płacili
    • madohora Re: Bery śmieszne i ucieszne. Humor śląski 05.09.10, 17:01
      zamknięty
      Było to w czasach jak jeszcze były Biedaszyby. Spotkoł Karlik Zeflika na
      biedaszybie i pyto go co mu dziś baba na obiod uwarzyła
      - No na pewno żur jałowy, a u ciebie
      - Mie ko-ko-ta
      - Kokota? No to wy sie dobrze na ta biyda odżywiocie! Kokota jycie!
      - Ja, ale niy takiego co pieje, ino takiego co myszy łapie - godo Karlik
    • madohora Re: Bery śmieszne i ucieszne. Humor śląski 05.09.10, 17:04
      zamknięty
      Downi (a dzisiej niy?) bezbrotni chodzili od chałpy do chałpy i przeglądali
      hasioki. Jak znodli w nich coś dobrego, co jeszcze szło naprawić i sprzedać to
      mieli dobry dziyń. Zdarzyło sie, że jedna baba wyniosła kibel śmieci i jak je
      wciepywała do hasioka to naroz kopyrtła i wpadła gowom do środka, taka że jej
      cały goły zadek było widać. Widzi to jedyn bezrobotny i woło:
      - Pódź sam, ino wartko! Patrz! Blank dobro dupa i wtoś jom na hasiok wyciep.
    • madohora Re: Bery śmieszne i ucieszne. Humor śląski 05.09.10, 17:07
      zamknięty
      Roz jedyn bezrobotny szedł z synym i tak mu prawi:
      - Wiysz, jak przestanymy z hołdy wyngiel zbyrać, jak kaj ino jako robota
      dostanymy to zaroz sie świnia kupiymy, zabijymy i narobiymu krupnioków, żymloków
      że aż hej!
      - A syn pado:
      - Tato! Jak jo byda jeść! Same krupnioki i żymloki!
      A ojciec na to chlast go w pysk!
      - Tato? Za co?
      - A chleba se do tego weź, niy ino som wuszt!
Inne wątki na temat:

Popularne wątki

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka